مشاهدة النسخة كاملة : اللي هندسة اسكندرية بس يدخل
هندساوي 01-09-2008, 09:17 AM اول حاجة لو انت مش هندسة اسكندرية اطلع من الموضوع
:confused:
ما تقولش لية؟....اطلع من سكات,,,,حتتعقد يا ابني
:p
طيب براحتك خليك
معانا كل طلبة هندسة جامعة اسكندرية,,,ارفعوا ايديكم فوووووووق
:lol:
ايوة هناك,,,,ماشي نبدأ
اول حاجة احنا جامعتنا مظبطانا بصراحة
اديله ايميل على جوجل
وشوية يطلع لنا الدليل,,,,والكشف الطبي اخر نظام,,,,واخر احترام في الكشف الطبي
ومشغلين لنا حماقي وتامر,,,شوية شوية حيقولولنا قوموا هزوا
:d
المهم,,,جامعتنا احسن جامعة هندسية على مستوى الجمهورية
دة مش كلامي انا دة كلام الاحصائيات
قسم نووي,,,,اسكندرية بس,,,,,وبحري كمان
وعندك كمان المناهج بتاعتنا غير الناس التانيين,,,,
وعندك كمان النظام ,,,,اخر نظام
لأ ومش بس كدة,,,عمالين يدخلوا اقسام جديدة
زي الكتروميكانيكا و علوم المواد و الغاز والبتروكماويات(بفلوس دي هه 10000 في السنة :eek:)
طيب حقولوا(طيب انت مصدعنا يعني بكل دة لية؟...انجز يا عمونا)
;)
حاضر من عنيا الجوز وصوابعي اللوز
بص يا بشمهندس,,,,,فيه حاجة اسمها اتحاد طلبة,,,,ودي جامدة اوي اوي اوي :huh:
حتتظبط يعني حتتظبط,,,,ويا تلحق يا متلحقش
هما تقريبا فاضل لهم 100 عضو
انا اشتركت يوم ما روحت اقدم,,,,اللي عايز يشترك يجي يوم 11/9
يوم ما تستلم الكرنيه,,,,حتلاقيني جوه
حاخدك على مبنى رعاية الشباب ,,,, انا معايا الكرنيه حندخل
حنظبط الكلمات,,,,تشوف انت عايز رحلات ولا اسر ولا كشافة(مرشدات بالنسبة للبنات)
وياسلام بقى لو انت راجل رياضي,,,او بنت حلال مصفية,,,قصدي رياضية ومعاك بطولات ومولعها:lol:
ما معكش حتدخل بوسطة(حد جوه الكلية يعرف يظبطك)
:eek:
حتقول(ما انا ما معييش وسطة بيتكلم ازاي دة)
اقولك لأ وسطتك ربنا,,,,وانا معاكم اهو:lol:
من المنتدى هه,,,,محدش يسيح بره والاقي الف جايين:mad:
انا كنت عامل يوزر بأسم تاني بس خلاص بقى مش عايز حد يعرف انا مين :p
حتقولوا(يعني انت عرفت الحاجات دي منين,,,,فكيك اوي .؟؟)
لأ انا اخويا كان في هندسة وموعيني على حاجات كتييييير اوي اوي
وبأذن اله حتلاقوا مواضيع بكل نصايح غالية بأذن الله
للتواصل اخوكم ,,,,, البشمهندس/ محمد ابراهيم
ممنوع كتابة الايميل فى المشاركات و المواضيع
واللي جاي قول انه جاي علشان نتفق حنتقابل فين بالظبط
ويا سلام لو ساب ايميله :d
بنات او ولاد هه,,,,ما فيهاش حاجة على فكرة
لا فيها كتير جدا :)
اتحاد الطلبة 500 عضو
بيبقى تقريبا 300 بنات والباقي ولاد
(البنات بتعرف تتصرف في حكاية الاسر والمصاريف :cool:)
اللي عايز يقول علشان اعرف انا رايح بكام عضو هه
احلى سلام لأحلى زمالة
هندستنا هي الحل
:lol:
هندساوي 02-09-2008, 12:31 AM اية محدش في اسكندرية؟؟
محدش فلح؟
Designer.EnG 02-09-2008, 12:35 AM انا نفسى انضم إليكم بجد
حلم حياتى ان شاء الله
إن شاء الله يتحقق
:)
Designer.EnG 02-09-2008, 12:43 AM يا ريت تشجعونى بكلمة
تحمسنى يا جماعة :)
هندساوي 02-09-2008, 12:17 PM اعمل اللي عليك
وربنا مش حيضيع تعبك
ذاكر وافهم ,,, مش مذاكرة ليل نهار وخلاص
القائد السفاح أبو العباس الاسود 02-09-2008, 02:52 PM http://www9.0zz0.com/2008/09/02/12/289741986.jpg
eng_salwa 04-09-2008, 08:30 PM انا معاكم في هندسة اسكندريه بس انا برده مش عارفه انت عايزه تعمل ايه معلش وضح غباء مش كده وضح لو سمحت هاهاهاهاها
EnG.BeLaL 05-09-2008, 02:08 PM انت عايزه تعمل ايه معلش
عايزه!!!!!! على فكرة يا باشمهندسة يلوى ده محمد ( هندساوي ) ده راجل جدع جدا :d
eng_salwa 05-09-2008, 02:12 PM عايزه!!!!!! على فكرة يا باشمهندسة يلوى ده محمد ( هندساوي ) ده راجل جدع جدا :d
هاهاها...معلش غلطه مطبعيه ثم ان انا مش فاهمه انتم عايزين ايه باالظبط هاها وبعدين ايه الاسر والكشافه انتم هتبهدلونا شكلكم هاهاها
هندساوي 05-09-2008, 03:08 PM ههههههههه
ربنا ما يجيب بهدلة
دة مجرد نشاط اثناء الدراسة ,,,, اسمه اتحاد الطلبة
فلو عايزة تشتركي حتيجي يوم 11/9 ونشوف مكان نتقابل فيه كلنا ونطلع
اصلا المفروض تيجي يوم 11/9 علشان الكرنيه
وبالمرة تشتركي في اتحاد الطلبة لو تحبي
EnG.BeLaL 05-09-2008, 03:18 PM ههههههههه
ربنا ما يجيب بهدلة
دة مجرد نشاط اثناء الدراسة ,,,, اسمه اتحاد الطلبة
فلو عايزة تشتركي حتيجي يوم 11/9 ونشوف مكان نتقابل فيه كلنا ونطلع
اصلا المفروض تيجي يوم 11/9 علشان الكرنيه
وبالمرة تشتركي في اتحاد الطلبة لو تحبي
انت هتفضل معلق على يوم 11/9 يا عم مش كل الناس دفعت المصاريف
eng_salwa 05-09-2008, 03:33 PM ههههههههه
ربنا ما يجيب بهدلة
دة مجرد نشاط اثناء الدراسة ,,,, اسمه اتحاد الطلبة
فلو عايزة تشتركي حتيجي يوم 11/9 ونشوف مكان نتقابل فيه كلنا ونطلع
اصلا المفروض تيجي يوم 11/9 علشان الكرنيه
وبالمرة تشتركي في اتحاد الطلبة لو تحبي
اه ماشي ياعم اشترك ما دام الموضوع مافيهوش بهدله هاها بس لما روحت ادفع المصاريف قالتلي تعالي يوم السبت اللي بكره يعني علشان الكارنيه
هندساوي 05-09-2008, 03:44 PM خلاص ومالو
مش عيب
نتقابل بكرة لو تحبوا
شوفوا الساعة كام وفين بالظبط وحتلاقوني
ممكن الساعة 10 قدام مبنى كهربا
اللي عنده تعديل يقول
EnG.BeLaL 05-09-2008, 04:33 PM خلاص ومالو
مش عيب
نتقابل بكرة لو تحبوا
شوفوا الساعة كام وفين بالظبط وحتلاقوني
ممكن الساعة 10 قدام مبنى كهربا
اللي عنده تعديل يقول
أنا رايح بكرة عشان لسه هدفع المصاريف
هندساوي 05-09-2008, 07:21 PM خلاص نتقابل بردوا اية المشكلة
يبقى بكرة في الميعاد اللي اتقال فوق
ولو اي حد تاني جاي,,,اهلا وسهلا بيه
hossamahmed30 08-09-2008, 09:32 PM ايه ياعم فعلا الكارنيهات يوم 11 ولا ايه
وبعدين أنا نفسى اشترك فى اتحاد الطلبة
وانت فى سنة كام قسم ايه ولا اعدادى زيى
هندساوي 09-09-2008, 05:31 AM الكارنيهات السبت القادم ""يا عم"""
انا لسة داخل اعدادي زيك ""يا عم""
بس اخويا في الكلية ومفهمني ""يا عم""
وما تزعلش انا بهزر معاك يا بشمهندس
eng_salwa 09-09-2008, 01:20 PM ايه ياعم فعلا الكارنيهات يوم 11 ولا ايه
وبعدين أنا نفسى اشترك فى اتحاد الطلبة
وانت فى سنة كام قسم ايه ولا اعدادى زيى
ماشي يبقي يوم 11نروح وخلاص وبالمره علشان الكارنيه هو فيه مشكله ولا حاجه يا جماعه
EnG.BeLaL 09-09-2008, 02:20 PM ايه يا جماعة هما مش قالوا هناخد الكارنيهات في الدراسة
amro_alex 09-09-2008, 06:18 PM اهلا يا جماااعة انا عضو جديد ومستني التنسيق ويا رب اتقبل معاكم في هندسة اسكندرية
بس احتمال يبقى في تأخير لان لسة في تنسيق وتقديم وكارنيهات يعني شغلانة
وهو لو انا انشاء الله جتلي وعايز ادخل معاكم اتحاد الطلبة اخر موعد امتى؟؟؟؟؟؟؟
وعموما لو مظبتش اعتبروني صدييييق ليكم
abokhattab_auto 11-09-2008, 01:37 AM ازيكم يامهندسين المستقبل
انا محمود تانيه ميكانيكا هندسة الاسكندريه
على فكره يا جماعه اتحاد الطلبة عندنا ملوش لازمه اطلاقا ومش هتسمع عنه طول السنه ومش اى حد بيدخله لانه بيتعين ومفيش انتخابات اساسا
هندساوي 11-09-2008, 01:49 AM على فكرة يا محمود لوازمة كتير ,,, بس انت اللي مسمعتش
ع العموم دة رأيك ,,, وعلى فكرة فيه انتخابات
abokhattab_auto 11-09-2008, 06:50 AM ممكن يبقى ليه لوازم بس الطالب مش هيحس بيها
وعلى فكره انا من اول مادخلت الكلية مشفتش انتخابات واتحاد الطلبة بيبقى بالتعييين وانا متأكد من كده وكمان هتلاحظوا مرة واحده كده ادارة الكلية تعلق ورقه ادام مبنى كهرباء وميكانيكا لقد تمت الانتخابات يوم كذا الماضى وتقولك بقى مين الى نجح ومفيش انتخابات اصلا لانهم بيخافوا من الاخوان يكسبوا
هندساوي 11-09-2008, 02:09 PM على فكرة الانتخابات بتبقى قبل الدراسة
يعني الانتخابات السنة دي
يوم السبت اللي قبل الدراسة
abokhattab_auto 12-09-2008, 03:26 PM اول مرة اشوف انتخابات قبل الدراسه ازاى يعنى ومين الى هينتخب اساسا ومفيش حد فى الكلية وانت هتختب على اى اساس وانت اصلا متعرفش الى مرشحين نفسهم ولا ميولهم ولا توجهاتهم
Dr.Nejar 12-09-2008, 11:43 PM هااي كل عام وانتم بخير ورمضان كريم
Dr.Nejar 12-09-2008, 11:45 PM السلام عليكم رمضان كريم........................
هندساوي 12-09-2008, 11:59 PM السلام عليكم رمضان كريم........................
وعليكم السلام,,,الله اكرم اهلا بيكي معانا
""""" اول مرة اشوف انتخابات قبل الدراسه ازاى يعنى ومين الى هينتخب اساسا ومفيش حد فى الكلية وانت هتختب على اى اساس وانت اصلا متعرفش الى مرشحين نفسهم ولا ميولهم ولا توجهاتهم """""
على فكرة يا ابو خطاب اللي يوم السبت التجمع والاجتماع
تعالى واعرف مين مترشح
ولو عايز ترشح نفسك اهلا بيك معانا,,,,محدش حيقولك لأ
تعالى وجرب,,,,وحتلاقي حاجات تفيدك جدااا,,
كفاية اننا بنلاقي حاجات مفيدة نشغل بيها وقتنا في الصيف بجانب الدورات
mexem 13-09-2008, 04:54 AM ازيك يا جماعه انا هيما تانيه مديني
ع فكره هو اتحاد الطلبه حلو بس الاهم انك تزاكر وكده يعني
وكمان في انتخابات وكل حاجه بس المشكله بقيت الطلبه مكبره دماغها
واهم حاجه اياكم والجماعات الاخوانيه اينعم اقرأ قران واعرف ربك وصلي في المسجد وكل حاجه بس مالكش دعوه بيهم انا اعرف ناس كتير جالها انزارات بس انضمامهم ليهم وربنا معاكم يا رب
eng*moon light 14-09-2008, 12:18 AM حد فيكم يا جماعة راح استلم الكارنيه
انا قالولى لازم يبقى معاكى الدليل و مش هتستلمى الكارنيه من غيره
abokhattab_auto 14-09-2008, 04:10 PM حد فيكم يا جماعة راح استلم الكارنيه
انا قالولى لازم يبقى معاكى الدليل و مش هتستلمى الكارنيه من غيره
ايه حكاية الدليل ديه؟
KHALOOOD 14-09-2008, 09:02 PM حد فيكم يا جماعة راح استلم الكارنيه
انا قالولى لازم يبقى معاكى الدليل و مش هتستلمى الكارنيه من غيره
اعتقد مش شرط
مش تقلقى اعتقد ان معاكى وصل او كدا بيقول انك دفعتى المصاريف صح
انا فى تانيه هندسه معاكوا وكمان كنت بقدم لبنت عمتى قريب
وتقريبا على ما انا فاكر انها خدت وصل
وبعدين متسجل فى الكليه اكيد انك دفعتى
لا داعى للقلق روحى الكليه واسئلى وقوللهم ضاع وكدا
وشوفى هيقولولك ايه مش تسمعى من حد بره
hossamahmed30 15-09-2008, 01:52 AM ايوه يا جماعة الدليل لازم يبقى معاك ولو مش معاك يبقى اشتريه ب15 جنيه برضه
hossamahmed30 15-09-2008, 11:22 PM منتدى طلاب كلية هندسة الاسكندرية وكل الكليات (http://helloalex.ahlamontada.net/forum.htm)
www.helloalex.ahlamontada.net (http://www.helloalex.ahlamontada.net)
EnG.BeLaL 15-09-2008, 11:30 PM انا بر ضه لما رحت النهارده قالولي لازم الدليل لما مكنش معايا خدوا البطاقة بس
eng*moon light 16-09-2008, 03:52 AM انا روحت الكلية و اتاكدت ان لازم يبقى معايا الدليل و انشاء الله هاخد الكارنيه اول يوم الدراسة
بس عندى سوال يعنى انا هابقى فى المجموعات الاولى لان اسمى بسنت فهيكون عندى السبت اجازة
فاروح الكلية يوم الاحد و لا اول يوم الدراسة؟؟؟؟
يعنى اروح السبت الجاى بالرغم من انه اجازة عندى
abokhattab_auto 16-09-2008, 05:26 AM انا روحت الكلية و اتاكدت ان لازم يبقى معايا الدليل و انشاء الله هاخد الكارنيه اول يوم الدراسة
بس عندى سوال يعنى انا هابقى فى المجموعات الاولى لان اسمى بسنت فهيكون عندى السبت اجازة
فاروح الكلية يوم الاحد و لا اول يوم الدراسة؟؟؟؟
يعنى اروح السبت الجاى بالرغم من انه اجازة عندى
لا ممكن تروحى عادى من الاحسن عشان تظبطى جدولك وتختارى ايه الدكاتره الى هتحضرى معاهم يعنى حاولى تحضرى لدكاتره كلهم عشان تعرفى هتمشى مع مين بعد كده
محمود تانيه ميكانيكا
هندسة الاسكندريه
هندساوي 17-09-2008, 04:42 PM انا روحت الكلية و اتاكدت ان لازم يبقى معايا الدليل و انشاء الله هاخد الكارنيه اول يوم الدراسة
بس عندى سوال يعنى انا هابقى فى المجموعات الاولى لان اسمى بسنت فهيكون عندى السبت اجازة
فاروح الكلية يوم الاحد و لا اول يوم الدراسة؟؟؟؟
يعنى اروح السبت الجاى بالرغم من انه اجازة عندى
على فكرة يا مون ضروري انك تروحي اول يوم
علشان تعرفي مجموعتك وسيكشنك
علشان الورق بيتقطع ,,,, وتيجي السبت بدري علشان تلحقي تشوفي
بيبقى هرجلة ولو جيتي متأخر ممكن ما تبقيش عارفة انتي فين وتتوهي
تعالى يوم السبت,,,مش حتخسري اي حاجة
thedreamer33 17-09-2008, 05:58 PM انارحت يوم السبت اللى فات وملقتش حد على فكرة
يعنى لا انتخابات ولا يحزنون
هندساوي 17-09-2008, 10:12 PM لأ انا بقى روحت ولقيت
كانوا في ك2
وفيه يوم الخميس اللي قبل الدراسة في نفس المدرج
smsqsms 26-09-2008, 03:27 PM السلام عليكم و رحمه الله و بركاته
جميله فكره الموضوع......بس انا حبيت اوضح شويه حاجات كدا
انا طالب فى هندسه الاسكندريه الفرقه التانيه...يعنى قديم شويا عن معظم الناس اللى هنا
بالنسبه لموضوع الاتحاد و الانتخابات.....اللى بيحصل كالتالى بالظبط:-
اولا معاد الانتخابات بتكون تقريبا فى معاد الميد ترم يا قبله يا بعده ياما و هو شغال ...و المعاد دا بيكون على مستوى كليات الجامعه كلها مش هندسه بس.....عشان لو حد بيقول انهم قاصدين يجيبوه فى الوقت دا عشان محدش يروح ينتخب....
تانى حاجه بتنزل ورقه كدا صغيره و شكلها مش ملفت اصلا بالمواعيد بتاعت الانتخاب من بدايه التسجيل لحد معاد انتخاب اتحاد الجامعه.....
الاتحاد بقى عامل ازاى.....اولا السنه دى فى سبع لجان...اجتماعيه و ثقافيه و جواله و الاسر و العلميه و الفنيه و الرياضيه.
الكليه عندنا فيها خمس فرق دراسيه من اعدادى لحد رابعه
كل فرقه بيكون فيها اتنين فى كل لجنه...
بمعنى ...
اللجنه الاجتماعيه كلها عبراه عن 10 اعضاء ....2 من اعدادى و اتنين من اولى و هكذا ......يبقى كل لجنه فيها 10...يبقى العدد الكلى المفروض يكون كام؟؟
70 فرد
و بعد كدا يحصل انتخاب تانى ما بينهم عشان يختاروا امين اللجنه و بعد كدا امين الاتحاد و مجلس الاتحاد..
طب فين المشكله؟؟..........
المشكله ان انت لما تحب تروح تسجل نفسك عشان تنزل فى لجنه لازم يكون ليك نشاط قبل كدا فى الاتحاد....
طب لو انا لسه جديد و من اعدادى؟؟
يبقى الحل انك تجيب ورقه من مدرستك و ممضى عليها من الاداره التعليميه بتاعتك انك كنت شغال قبل كدا......و غالبا محدش بيعمل كدا و غالبا اللى بيدخلوا من اعدادى بيكونوا معرفه او وسطه....
طب باقى السنين؟؟.....
لو انت فى اولى مثلا يبقى انت المفروض كنت تشتغل فى اعدادى فى النشاط عشان تكون معروف و عشان لما تيجى تقدم تلاقى حد من اداره الشباب يمضى لك على الورقه بتاعت الترشيح ان انت كان ليك نشاط قديم فى الاتحاد..........
الناس بقى اللى بتقول مفيش انتخابات .....اللى بيحصل ان العدد ساعات مش بيكمل...يعنى الاتنين اللى من كل فرقه مش بيجوا ...و يجى واحد بس...و اصلا فى المكان بتاعه المفروض فى اتنين....او يجى اتنين بس و ميكنش تلاته.....سواء كان هوا دا العدد اللى جاه فعلا او بفعل فاعل ان ميدخلش غير 2 بس....فكدا بيكسبوا بالتزكيه...لان مينفعش تحصل انتخابات على كرسين و اللى متقدم اتنين.....
طب لو فى اكتر من اتنين متقدمين فى نفس الفرقه....و حصلت قبل كدا كتير على فكره......بيحصل هنا انتخابات بقى......بس الجمال فى الموضوع ايه بقى...انها بتحصل فى الدور الاخير فى مبنى كهربه تقريبا السابع.....و بيقفلوا الاسانسير.......و وقت امتحانات الميدترم....فطبعا كل الناس بتكبر و محدش بيروح.........
دا كدا الموضوع من وجه نظر محايده....و الطلبه ملهمش يد فى كدا لان التنظيم كله بيكون من الجامعه و رعايه الشباب بالتعاون مع حرس الكليه لحفظ النظام...........
طب ايه المفروض يحصل لو حد مش عاجبه الكلام دا؟؟.............
المفروض ان الناس تكون ايجابيه اللى عايز يروح يروح و يصر على الى عايزه بالادب و من غير زعييق و لا صوت عالى.....و اللى عايز حاجه حياخدها بس الناس تتعب شويا....و ربنا يوفق الكل و اسف على التطويل بس كلن لازم يتشرح باستفاضه........
اللى يحب يسال انا تحت امره فى اى حاجه.......سلام يا هندسه
abokhattab_auto 26-09-2008, 04:42 PM اه يا باشمهندس الكلام ده مظبوط ماية فى الماية بس عايز اضيف حاجه صغيره ان اى حد بيترشح فى الانتخابات بيتعمل عليه بحث فى امن الدوله الاول عشان يعرفوا ليه خلفية سياسيه ولا لآ وعلى فكره معظم الى فى اتحاد الطلبة ولاد دكاترة
انا محمود تانيه ميكانيكا باور
smsqsms 26-09-2008, 10:59 PM كلامك صحيح يا باشا فى الحته بتاعت امن الدوله ميه فى الميه
لكن غير صحيح خالص فى اولاد الدكاتره دا على الاقل فى هندسه....هندسه الاسكندريه مفيهاش ابن اى دكتور فى الاتحاد خالص...و دا كلام ثقه و من الاخر و لو تحب تدور اسال.....بس اوى تلاقى نفسك بتسالنى فى الاخر
:)
|