مين علوم الاسكندرية؟؟؟؟؟؟؟؟ [الأرشيف] - الصفحة 7 - بوابة الثانوية العامة المصرية

Nogha

19-08-2010, 11:35 AM

ولو بتحبي المواد اللي هيا متعلقة بالوراثة وكده والبروتينات والكلام ده يبقا تدخلي بيو وباذن الله نهي تفيدك في الموضوع ده لانه قسمها :)ربنا يوفقك يا رب
بالضبط كدة
قسم الكيمياء الحيوية
قسم الكمياء الحيويه و الطبيه

وهو علم الكيماء المسئول عن تشخيص الامراض في الجسم زى امراض الكلي والكبد والقلب والسرطان و غيره و ده بنتعلمه عن طريق دراسة تركيب الجزيئات الحيوية و ال structures الخاصة بكل مركب حيوى
biomolecules are:
carbohydrates
lipids
proteins
nucleic acids
و ده اللى بندرسه فأول سنة تخصص (سنة 2) و زى ما قالت sci mony ان
هو عامة في سنة تانية مش بتتعمقي اوي

يعتبر التخصص بجد من اول تالتة
فى 3 بقى حنبدأ ان شاء الله ندخل عالجد و ناخد ال metabolism الخاص بكل biomolecule
و على سنة 4 تقريبا بنبدأ ندرس بتوسع الكيميا الحيوية الطبية
والكمياء الحيويه الاكلينيكه ( الطبيه ) يقال انها ممتعة جدا
ودور الكميائي الطبي في معمل التحاليل بيكون تشخيص الامراض الكميائيه و دلالات الأورام غير طبعا انه بيكون اخصائى تحاليل

ربنا يوفقك يارب و ابقى طمنينا عليكى و قوليلنا قررتى ايه
و اذكر نفسى و اياكى و الجميع (بما اننا برده مقبلين على كتابة التخصصات الفرعية) بصلاة الاستخارة
ربنا يعيننا و يوفقنا لكل خير يارب

Nogha

19-08-2010, 11:38 AM

ازيكو يا جماعة
نهى انا واخد تحليلية برضه
بصراحة السمر كورس كنت مقرر ماخدش بس مقدرتش
حاجة تخنق بجد غير انه في الصيف.الامتحانات و الواحد صايم و المذاكرة كمان بتبقى صعبة و انا لسه بقول يا هادي كالعادة متأخر اوي
ربنا يستر,مقلب و ربنا يخرجنا منه على خير
سلام

يعنى معانا فى التحليلية
يعنى حاسس بالزنقة اللى احنا فيها
ربنا يستر و يحنن قلبها علينا احسن انا و الله تعبت و حاسة انى حشيلها تانى و لو شيلوهالى 10 مرات برده مش حتفرق انا برده مش عرفة احل المسائل الغريبة بتاعتهم دى
ربنا يستر و الله بدعى ربنا اعدى فيها
الزق فى لام
مقبولللللللل

نور الدين.

19-08-2010, 03:30 PM

جمييييل عرفنا عن كيمياء وكيمياء حيوي ....

طب بالنسبة لقسم الميكرو بيولوجي ...

وبالنسبة لحيوان ... اني مجالاته اكتر في الشغل ...

وممكن اشتغل في معامل وانا خريج اي قسم ..

ياريت حد يرد ...

The Mysterious Warrior

20-08-2010, 03:40 AM

ا نا قسم كيمياء هكلمك عنه بصي هو عامة في سنة تانية مش بتتعمقي اوي في القسم يعني احنا مثلا درسنا كيمياء عضوية في الترمين واخدنا رياضة في الترمين بردوا والكترونيات واحصاء وعناصر مممثلة وكيمياء تحليلية وعملي عضوية مش فاكرة صراحة كل المواد بالظبط بس يعتبر التخصص بجد من اول تالتة وقسم كيمياء بما انه قسمي يعني :dشيفاه احلي قسم في الكلية وبجد مش صعب هو عاوز اللي يحبه وبجد اي حاجة مع المذاكرة بتهون مش هقولك عاوز دح بقا من اول السنة ووجع قلب لا خالص بس اهم حاجة تحضري محضراتك وتكتبي انشالله تذاكري اخر شهر ولو بتحبي المواد اللي هيا متعلقة بالوراثة وكده والبروتينات والكلام ده يبقا تدخلي بيو وباذن الله نهي تفيدك في الموضوع ده لانه قسمها :)ربنا يوفقك يا رب
:dو الله أنا ولد ههههههه
بس يا نهار أبيض يعني كل حياتي هتبقى كيمياء :wacko:
بس هو مفيش أي حيوان أو نبات خالص ؟
وهو علم الكيماء المسئول عن تشخيص الامراض في الجسم زى امراض الكلي والكبد والقلب والسرطان و غيره و ده بنتعلمه عن طريق دراسة تركيب الجزيئات الحيوية و ال structures الخاصة بكل مركب حيوى
الكيمياء الحيوية معقولة الى حد ما ;) بس بندرس فيها حيوان أو نبات ؟ :confused:

جمييييل عرفنا عن كيمياء وكيمياء حيوي ....

طب بالنسبة لقسم الميكرو بيولوجي ...

وبالنسبة لحيوان ... اني مجالاته اكتر في الشغل ...

وممكن اشتغل في معامل وانا خريج اي قسم ..

ياريت حد يرد ...

فعلا يا ريت أي أحد يفيدنا في هذا الموضوع
بس فيه سؤال واحد محيرني احنا ممكن نحول من قسم لآخر بعد بداية الدراسة ؟

sci mony

20-08-2010, 06:13 PM

:dو الله أنا ولد ههههههه
بس يا نهار أبيض يعني كل حياتي هتبقى كيمياء :wacko:
بس هو مفيش أي حيوان أو نبات خالص ؟

الكيمياء الحيوية معقولة الى حد ما ;) بس بندرس فيها حيوان أو نبات ؟ :confused:

فعلا يا ريت أي أحد يفيدنا في هذا الموضوع
بس فيه سؤال واحد محيرني احنا ممكن نحول من قسم لآخر بعد بداية الدراسة ؟ انا اسفة جداااااااااااااا لحضرتك وبالنسبة لسؤالك ع نبات وحيوان مفيش دراسة ليهم ولافي كيمياء ولا في كيمياء حيوي وع فكرة في كيمياء مش بتبقا كل دراستك كيمياء ولا حاجة ما انتا هتدرس رياضة واحصاء وفيزياء غير المواد الاختيارية بس شكلك مش بتحب الكيمياء ولو بتحب النبات والحيوان فانا شايفة ان اقرب حاجة ليهم الكيمياء الحيوي طبعا مش من حيث المضمون بس من جهة طريقة مذاكرتهم والحفظ والرسومات والكلام ده وبالنسبة بقا لموضوع تحويلك من قسم لاخر فده بيبقا صعب شوية وبيبقا في اول دراسة خالص يعني مش هتلحق تقارن بين قسم والتاني وكمان بيبقا ليه شروط يعني علشان تحول لازم تحول لقسم تقديره اقل من القسم اللي انت فيه ولو عاوز قسم بقا تقديره اعلي من القسم اللي انت فيه بتبقا دوخة بقا ولازم حد يبدلك معاك من القسم ده لقسمك انت ومش بيوفقوا ع كل التبديلات فبلاش تفكر في موضوع التحويلات دي اريح

The Mysterious Warrior

20-08-2010, 11:29 PM

انا اسفة جداااااااااااااا لحضرتك وبالنسبة لسؤالك ع نبات وحيوان مفيش دراسة ليهم ولافي كيمياء ولا في كيمياء حيوي وع فكرة في كيمياء مش بتبقا كل دراستك كيمياء ولا حاجة ما انتا هتدرس رياضة واحصاء وفيزياء غير المواد الاختيارية بس شكلك مش بتحب الكيمياء ولو بتحب النبات والحيوان فانا شايفة ان اقرب حاجة ليهم الكيمياء الحيوي طبعا مش من حيث المضمون بس من جهة طريقة مذاكرتهم والحفظ والرسومات والكلام ده وبالنسبة بقا لموضوع تحويلك من قسم لاخر فده بيبقا صعب شوية وبيبقا في اول دراسة خالص يعني مش هتلحق تقارن بين قسم والتاني وكمان بيبقا ليه شروط يعني علشان تحول لازم تحول لقسم تقديره اقل من القسم اللي انت فيه ولو عاوز قسم بقا تقديره اعلي من القسم اللي انت فيه بتبقا دوخة بقا ولازم حد يبدلك معاك من القسم ده لقسمك انت ومش بيوفقوا ع كل التبديلات فبلاش تفكر في موضوع التحويلات دي اريح
خلاص يا sci mony مفيش مشكلة و شكرا على الرد بس الرياضيات و الاحصاء و الفيزياء مش هتفرق كتير يعني و شكلي كده هغير الكيمياء دي و أخليها كيمياء حيوية أو ميكرو بس لا تنسوا المحاضرة يوم الأحد الساعة 12 في الشاطبي علشان مهمة جدا و هتوضح التخصصات الرئيسية و الفرعية ان شاء الله

Nogha

21-08-2010, 03:20 PM

هى كيمياء حيوية اى نعم مفيهاش حيوان بس زى ما مونى قالت قريبة من الحيوان او من البيولوجى عمتا بس اسمحيلى يا مونى معلش آسفة حعارضك فحاجة صغننة اوى و هى اننا بيكون نازلنا من ضمن المواد الاختيارية فى القسم مواد من قسم الحيوان زى مثلا السيتولوجى (علم الخلية) و علم الوراثة و حاجات تخدمك كطالب فبيو زى مثلا فسيولوجى و علم امراض المناعة و غيره
اما بقى النبات فالغاية دلوقتى احنا بعاد عنه ربنا يبعدنا عنه كمان و كمان و لا يقربنا منه شبر واحد (انا شخصيا مش بحب قسم النبات بينى و بينه عداوة و تار قديم ههههههههه)
موضوع التحويل برده زى ما قالت مونى هو صعب بس مش مستحيل يعنى نقدر نقول صعوبة غير مستحيلة بس تكاد تكون مستحيلة

Nogha

21-08-2010, 03:25 PM

بالنسبة بقى لمعامل التحاليل
فبيكون اختيارهم و احتياج المعامل للخريجين 60% كيمياء حيوية و 40 % ميكروبيولوجى ( و ده كلام الخريجين اللى اشتغلوا)

فيه اخونا biomedical هنا عالمنتدى كان اتكلم فموضوع عن المعامل و كدة حنقله هنا لأنه اكيدحيفيدكم ان شاء الله و ان شاء الله تلاقوا فيه اجابات عن اسئلتكم خصوصا موضوع قسم ايه بيشتغل فمعامل (انا لونتها و كبرت الخط عالاجابة الخاصة بالسؤال ده)

التحاليل الطبييه تنقسم
الي الكمياء الحيوى الاكيلينيكه والميكروبيولوجى
الاكلينيكه والهيماتولوجى الاكلينيكه والباراسيتولوجى الاكلينيكه

طبعا بعد دراسه الاساسيات من الفسيولوجى والسيتولوجى والامبريولوجى والهيستولوجى

ثم دراسه الكميا التحليله بكل فروعها ودراسه الكيما الفزيائيه ثم دراسه
ميكروبيولوجيا تطبيقه (مضادات حيويه واختباراتها)
ودراسه لميكانزمات التفاعلات الخ
ودة للي بيفرقنا وبيميزنا عن الفئات الاخري زي خريج طب
ويسمى علم التحاليل الطبيه ب
biomedical science or medical
technology or clinical analysis
ويسمى دكتور التحاليل
ب
biomedical doctor or biomedical scientist or clinical scientist or
medical technologist

وبيكون خريج كليه العلوم
ودة هو دكتور التحاليل في كل بلاد العالم
وبيكون خريج كليه العلوم اما قسم
biomedical science or medical technology or biochemistry or chemistry or
microbiology or biology

وكل هذة الاقسام تخضع بعد التخرج لبرنامج مدته سنه ويليها تدريب في مستشفي و يسمى البرنامج ب
biomedical science or medical technology
ليصبح دكتور تحاليل معتمد بعدها

طبعا هذة الشهادة لاول مرة تطبق في مصر وهى موجودة في الجامعه الامريكه وتصبح
دكتور تحاليل معتمد من الجميعه الامريكه للباثولوجيا الاكلينيكه والقائيميين علي البرنامج ده هم خريجين كليه علوم وعلي رائيسهم الدكتور حسن عزازاي
وهو دكتور تحاليل خريج كليه علوم ومحاضر عالم في التحاليل الطبيه ومن اشهر دكاترة التحاليل في العالم في تخصص الكمياء الحيويه الاكلنيكه
و بعد الشهادة دي ممكن تسافر برة تشتغل بيها في اي مكان في العالم
دة بالنسبه للوضعنا برة

وازاى انك ممكن تروح تشتغل دكتور تحاليل في اي مكان وانت معاك شهادة معتمدة من
الجميعه الامريكه للباثولوجيا الاكلينيكه وترخيص دولي معترف بيه من كل دول العالم
.....................................
والقانون يعطينا الحق في فتح معمل كيماحيوى ومعمل ميكروبيولوجى فقط

ويعطى لخريجى طب الحق في تحضير ماجستير ودكتوراه الباثولوجيا
الاكلنيكه(الكمياالحيوى والميكروبيولوجى والهيماتولوجى والباراسيتولوجى )

بدون دراسه لهم اثناء فترة الكليه وبدون دراسه شامله في الاساسيات للي قلتها قبل
كدة زى الكمياء التحليله وخلافه

...........................................
اذا كليه العلوم بها كل تخصصات التحاليل
سواء كانت كميا حيويه او ميكروبيولوجى او هيماتولوجى او باراسيتولوجى
بعد دراسه شامله للاساسيات
.................................

اولا الكيما الحيوى

الدبلومه متاحه في معظم الجامعات منها علوم الاسماعليه وعلوم شبين وعلوم
الاسكندريه الخ

طبعا تحاليل الكيماء الحيوى او ما يسمى ب الكمياء الحيويه الاكلينكيه او الكمياء الحيويه
الطبيه او بتسمى بالكيميكال باثولوجى هو علم الكمياء المسئول عن تشخيص كل امراض
الجسم مثل امراض الكلي والكبد والقلب والسرطان الخ

فيشمل انزيمات الكبد وامراضه و انزيمات الكلي وامراضها وانزيمات القلب و بيولوجيا السرطان ودلالات الاورام و تحاليل السكر وتحاليل الدهون والهرمونات وكل التحاليل الكميائيه
بالجسم وهو اكبر فرع في التحاليل الطبيه ويمثل حوالي 60%-80% من التحاليل الطبيه

اما بالنسبه للماجستير والدكتوراه فمثلا لو عايز تحضر في الكمياء الحيويه تخصص
بيولوجيا السرطان ودلالات الاورام مثلا في المعدة بتاخد دكتور كمياحيويه اورام من
كليه علوم وبتختار دكتور باطنه من كليه طب
او مثلا لو عايز تحضر ماجستير كمياءحيويه في بيولوجيا السرطان ودلالات الاورام مثلا في المثانه
يبقي معاك دكتور كمياءحيويه اورام من كليه علوم وبتختار دكتور بتاع مسالك بوليه من كليه طب
او مثلا لو عايز تشتغل علي انزيمات القلب بتختار دكتور كمياءحيويه من كليه علوم تخصص انزيمات ودكتور قلب من كليه طب

وهكذا

......................
ثانيا الميكروبيولوجى

الدبلومه متاحة في معظم الجامعات

طبعا المبكروبيولوجى او الميكروبيولوجيا الطبيه او تسمى بالميكروبيولوجيا
الاكلينكيه او الميكروبيولوجيا التشخيصيه هو علم الميكروبيولوجى المسئول عن تشخيص
الامراض البكتيريه والفطريه والفيروسيه والامراض المناعيه
و يشمل تحاليل البكتريا والفطريات والفيروسات ايا كانت سواء مولوكيلا اي عن طريق
الدى ان ايه او سيرولوجيكال اي عن طريق المناعه او كلاتشرال عن طريق المزارع

الماجستير والدكتوراه طبعا بتختار موضوع الرساله فلو عايز مثلا في الماجستير تحضر
في مرض التنيا وهو مرض فطري يصيب الجلد بتاخد دكتور فطريات من كليه العلوم ودكتور
جلديه من كليه طب

او مثلا لو عايز تحضر في المانجيتس اى الالتهاب السحائي يبقي دكتور فطريات او
بكتريا (لانها بتيجى من الاتنين) من كليه علوم ودكتور مخ واعصاب من كليه طب

وهكذا

وبعدها بتنزل المستشفيات زى مستشفيات الجامعه مثلا وتبدائ تعزل الميكروب من المريض

وبتكون معاك كاميرة تصوير خاصه بيك عشان تصور بيها
ودى مهمه جدا لو انت شغاله علي ميكرب خارجى
زى الجلد او الاظافر او العين الخ

وتبداء تشخصيها وتكمل علي حسب رسالتك

وممكن تربط بين الميكروبيولوجيا الطبيه والتطبيقيه في رساله واحدة

بعنى بعد ما تخلص الجزء الاول

تبداء تعمل مضاد حيوى للفطر او البكتريا دى

وممكن تشتغل علي جزء المناعه
بردو
سواء مناعه فطريه او بكتريه او فيروسيه
ولو انت عملت في المناعه
فيه كليات
بطلع الماجستير
اسمه ميكروبيولوجيا والمناعه

ودة بيبقي علي حسب ادارة الكليه نفسها
او ممكن تتكتب التخصص مناعه بكتريه او مناعه فيروسيه او مناعه فطريه تحت ماجستير
الميكروبيولوجى

....................

و ربنا يوفق الجميع يارب

sci mony

21-08-2010, 11:13 PM

Nogha

24-08-2010, 11:28 AM

ربنا يكرمك يا نونتي يارب معلومات جميلة جداااااااا وع فكرة انا كارهه جداااا لكل مواد البيو وكنت كارهه الكلية في اولي بسبب النبات والحيوان دول بس حاليا بقا بقت كل اختيارتي لازم هيكون فيها مواد بيو زي بيو كيمستري او ميكرو وكل اقسام بيو عامة وبجد محتارة جدا ادخل بيو ولا ميكرو فهل بقا يا نهي من دراستك لبيو بسلاطتها ببابا غنوجها تشجعيني اخد بيو و ميكرو؟

عرفة المثل اللى بيقول ابعد عن الشر و غنيله
انا بقى محرفاه حبة
ابعد عن البيو و غنيله
هههههههههههه
رغم كل اللى قلته ده انما قسم البيو بجد صعب جدا جدا جدا و ال
structures
كتيرة جدا و صعبة اوى
فرأيى بصراحة ادخلى ميكرو من غير تفكير اصلا لا وجه للمقارنة ده بالنسبة للسهولة (ميكرو بره صعب جدا بس عالأقل مفيهوش كمية الستراكتور دى)
اما بقى لو عايزة تستمتعى بالدراسة او مين احسن فى الشغل فبيو احسن (ميكرو برده ممتع جدا و له شغل بس زى ما قلتلك 60 % من المعامل كيميا حيوية) و بما انك ميجور كيميا فأنا دايما اسمع ان احسن اقسام فى الشغل هى بالترتيب
كيميا بيو
كيميا ميكرو
بيو ميكرو
و متنسيش صلاة الاستخارة يا قمر و ربنا معاكى و ابقى طمنينى عليكى لما تسجلى قوليلى سجلتى ايه الرغبات و طبعا النتيجة برده لازم تطمنينى
و لافلى برده محتارة بين بيو و ميكرو و اللا عايزة حاجة تالتة؟؟؟ طمنونى
انا عن نفسى نفسى اوى فمينور ميكرو
حد بيفكر فمينور غير الكيميا و البيو و الميكرو
اصلى حسة ان الكلية كلها دخلة ال3 اقسام دول

sci mony

24-08-2010, 04:56 PM

عرفة المثل اللى بيقول ابعد عن الشر و غنيله
انا بقى محرفاه حبة
ابعد عن البيو و غنيله
هههههههههههه
رغم كل اللى قلته ده انما قسم البيو بجد صعب جدا جدا جدا و ال
structures
كتيرة جدا و صعبة اوى
فرأيى بصراحة ادخلى ميكرو من غير تفكير اصلا لا وجه للمقارنة ده بالنسبة للسهولة (ميكرو بره صعب جدا بس عالأقل مفيهوش كمية الستراكتور دى)
اما بقى لو عايزة تستمتعى بالدراسة او مين احسن فى الشغل فبيو احسن (ميكرو برده ممتع جدا و له شغل بس زى ما قلتلك 60 % من المعامل كيميا حيوية) و بما انك ميجور كيميا فأنا دايما اسمع ان احسن اقسام فى الشغل هى بالترتيب
كيميا بيو
كيميا ميكرو
بيو ميكرو
و متنسيش صلاة الاستخارة يا قمر و ربنا معاكى و ابقى طمنينى عليكى لما تسجلى قوليلى سجلتى ايه الرغبات و طبعا النتيجة برده لازم تطمنينى
و لافلى برده محتارة بين بيو و ميكرو و اللا عايزة حاجة تالتة؟؟؟ طمنونى
انا عن نفسى نفسى اوى فمينور ميكرو
حد بيفكر فمينور غير الكيميا و البيو و الميكرو
اصلى حسة ان الكلية كلها دخلة ال3 اقسام دول ربنا يخليكي ليا يا نهي بجد انا كل يوم بسمع كلام شكل وقربت اتجنن خلاص اذا مكونتش اتجننت فعلا طيب هو ميكرو اسهل فعلا بس هي موادها عاملة زي النبات فيروسات وطحالب والكلام ده وانا مش بحب المواد دي خالص بس لو بيو نفس طريقة المواد دي يبقا ادخل ميكرو وخلاص وع فكرة يا نهي لافلي فيزياء ان شاء الله هيا علوم طبيعية

The Mysterious Warrior

25-08-2010, 01:39 AM

شكرا يا جماعة على الردود و الاهتمام و أنا عارف اني سألت كتير بس هي مجالات شغل كيمياء حيوية في معامل التحاليل و بس ؟
رغم كل اللى قلته ده انما قسم البيو بجد صعب جدا جدا جدا و ال
structures
كتيرة جدا و صعبة اوى

الكلام ده ممكن يخليني أغير رأيي :confused: لأني فعلا متلخبط جامد و غيرت كيمياء حيوية بدل الكيمياء و العكس 3 مرات :d
وبعدين أنا سمعت ان بتوع الكيمياء بياخدوا الرياضيا ال3 سنين كلهم , فالكلام ده صح و لا لأ ؟

Nogha

25-08-2010, 12:59 PM

ربنا يخليكي ليا يا نهي بجد انا كل يوم بسمع كلام شكل وقربت اتجنن خلاص اذا مكونتش اتجننت فعلا طيب هو ميكرو اسهل فعلا بس هي موادها عاملة زي النبات فيروسات وطحالب والكلام ده وانا مش بحب المواد دي خالص بس لو بيو نفس طريقة المواد دي يبقا ادخل ميكرو وخلاص وع فكرة يا نهي لافلي فيزياء ان شاء الله هيا علوم طبيعية

ايوة صح لافلى علوم طبيعية نسيت
ربنا معاها و يجيلها فيزيا ان شاء الله

شكرا يا جماعة على الردود و الاهتمام و أنا عارف اني سألت كتير بس هي مجالات شغل كيمياء حيوية في معامل التحاليل و بس ؟

على ايه بس؟ لا شكر على واجب و كل ما يخطر فبالك سؤال اسأله احنا هنا بنفيد و نستفيد من بعض (علاقة استغلالية )هههههههههه

الكلام ده ممكن يخليني أغير رأيي :confused: لأني فعلا متلخبط جامد و غيرت كيمياء حيوية بدل الكيمياء و العكس 3 مرات :d
وبعدين أنا سمعت ان بتوع الكيمياء بياخدوا الرياضيا ال3 سنين كلهم , فالكلام ده صح و لا لأ ؟
بصوا يا جماعة
حقولكم حاجة بس متقولوش عليا مجنونة ههههههههه
لو لم اكن بيوكيميائيا لوددت ان اكوووووووووون بيوكيميائيا ههههههههههههههههه
رغم كل اللى قلته و رغم صعوبته و الغلاسة اللى فيه الا انه برده ممتع جدا جدا
بس صعوبته صعب التغلب عليها
يعنى انا غلبونى فمادة منهم لله ههههههههههه

sci mony

25-08-2010, 02:09 PM

وبعدين أنا سمعت ان بتوع الكيمياء بياخدوا الرياضيا ال3 سنين كلهم , فالكلام ده صح و لا لأ ؟[/quote]ع فكرة الرياضة في القسم سهلة جدااااااااااااااااااااااااااااااا مش معضلة يعني في اسوء الاحوال يعني لو جبت ورق الكورسات هتفهمها انا كنت من اكتر الناس اللي بتكره الرياضة بس الرياضة عندنا في القسم سهلة جدا متقلقش يعني :)ربنا يوفق الجميع ويوفقنا للي فيه الخير لينا باذن الله

The Mysterious Warrior

25-08-2010, 02:26 PM

شكرا على سرعة الرد :) بس برضه ما هي مجالات الشغل للكيمياء الحيوية غير معامل التحاليل ؟

Kareem Ahmed

25-08-2010, 04:02 PM

:d:d:d:d:d:d:d:d

sci mony

27-08-2010, 01:42 AM

لقد قررنا قرار لا رجعة فيه باذن الله ان يكون ترتيب الرغبات كالتالي
كيمياء(اسبيشيال يعني بما انه مستحيل ندخل ع اللي بعده)_ميكرو
بيولوجي_كيمياء حيوية_بيولوجيا جزيئية_تقنيةحيوية_علوم
بيئة_حيوان_حشرات_علوم بحار_نبات

Hima Ryan

27-08-2010, 03:26 AM

يا اسكندرانية الحقونى بنظام الدراسة و مواد اولى و تانية و فية مثلا مواد تبع التخصص و فية مواد اساسية ارجو معرفة كل هذا
شكراااا.............

sci mony

27-08-2010, 03:41 AM

يا اسكندرانية الحقونى بنظام الدراسة و مواد اولى و تانية و فية مثلا مواد تبع التخصص و فية مواد اساسية ارجو معرفة كل هذا
شكراااا............. انت محتاج تدخل الكلية علشان تعرف كل ده:d نظام الدراسة نظام ساعات معتمدة وعلشان تعرف المواد انت هتكون قسم ايه بيولوجي ولا علوم طبيعية ولا جيولوجيا

Hima Ryan

27-08-2010, 03:43 AM

ماشى حضرتك انا عارف انا بتكلم فى المواد الاساسية ؟؟؟؟؟؟

sci mony

27-08-2010, 04:06 AM

ماشى حضرتك انا عارف انا بتكلم فى المواد الاساسية ؟؟؟؟؟؟ معلشان تعرف المواد الاساسية لازم تقررانت هتدخل ايه لو كنت علمي علوم قدامك بيولوجي وجيولوجيا ولو كنت علمي رياضة قدامك علوم طبيعية و جيولوجيا(الكلام ده في اولي غير التخصص خالص التخصص من تانية)

Hima Ryan

27-08-2010, 12:48 PM

مممم
اشكرك جدا

Nogha

02-09-2010, 12:51 AM

اخونا Hima Ryan اهلا بيك مرحبا
حضرتك قولنا حضرتك علمى علوم و اللا علمى رياضة
معلشان تعرف المواد الاساسية لازم تقررانت هتدخل ايه لو كنت علمي علوم قدامك بيولوجي وجيولوجيا ولو كنت علمي رياضة قدامك علوم طبيعية و جيولوجيا(الكلام ده في اولي غير التخصص خالص التخصص من تانية)

مصبوط كدة
حضرتك قولنا ايه كمان المواد اللى حضرتك بتميل لها مثلا بتحب الرياضة
(لو علمى رياضة)
او مثلا بتحب الأحياء او كدة
لو حضرتك محتار تدخل شعبة ايه قولنا ميولك و احنا ان شاء الله نساعدك و نجيبلك معلومات عن الشعبة ان شاء الله كمان
و طبعا احنا فخدمتك فأى وقت

دلوقتى بالنسبالنا بقى الكلية الكريمة المرموقة فتحت باب التسجيل تانى
يعنى انا عيزة اعرف بجد النتيجة حيقولوهالنا على 4 شكلهم
و احنا بنتخرج يقولولنا يااااه نسينا نقولكم نتيجة الماينور انتم فقسم كذا
بصراحة ظرف و خفة دم مفيش بعد كدة
فعلا الطلبة بقوا لعبة مسلية اوى

سيتم إعادة فتح باب التسجيل وتعديل الرغبات حتى نهاية يوم الجمعة 3 سبتمبر 2010 الساعة 11:59 مساءا يرجى متابعة الموقع

بجد يا جماعة نرفزونى اوووووووووى و انا نرفزتى وحشة و قد اعذر من انذر ههههههههههه

Hima Ryan

02-09-2010, 01:19 AM

اشكرك يا Nogha ......
و انا علمى علوم حابب جدا الكيمياء باقسامها و لا احب الرياضيات و اميل شوية ل قسم الحيوان بس اسمع ان شغلة مش كتير و قسم صعب ف افيدينى لو سمحتى

Nogha

02-09-2010, 01:37 PM

انا علمى علوم حابب جدا الكيمياء باقسامها و لا احب الرياضيات و اميل شوية ل قسم الحيوان بس اسمع ان شغلة مش كتير و قسم صعب ف افيدينى لو سمحتى
طيب
كدة مبدئيا طالما كنت علمى علوم يبقى ليك شعبتين
جيولوجيا او بيولوجى
بما انك بتحب الكيميا و ميال لقسم الحيوان
يبقى تدخل شعبة بيولوجى
و ان شاء الله تشد حيلك فسنة اولى
و تحاول تدخل قسم بيوكمسترى الللى هو كيميا بس كيميا طبية (بما انك بتحب الكيميا و ميال لمواد البيولوجى) و ممكن كمان تاخد التخصص الفرعى حيوان
او تاخد رئيسى قسم كيميا برده حاجة رااااائعة

هو قسم الحيوان فعلا صعب و كله رسومات و دورة حياة كل الحيوانات و حاجة دووووووخة فعلشان كدة بقولك طالما بتحب الكيميا و ميال للبيولوجى فممكن تاخد بعد كدة تتخصص كيميا حيوى و فرعى حيوان
بس الافضل تتخصص رئيسى كيميا حيوى و فرعى كيميا
او رئيسى ميكروبيولوجى و فرعى كيميا
او رئيسى كيميا و معاها اى حاجة فرعى اهم حاجة يكون معاك كلمة كيميا
عمتا مبدئيا حضرتك تدخل شعبة بيولوجى و تشد حيلك و تحط فدماغك انك عايز كيميا حيوى او ممكن كمان بيولوجيا جزيئية (بياخد اول 25 عالدفعة)
شد حيلك و ارسم طريقك من دلوقتى
واى حاجة احنا هنا فخدمتك

Hima Ryan

02-09-2010, 02:31 PM

اشكرك جدا
بس هو قسم البترول دة اية ظروفة ارجوكى شرح بسيط عنة؟

Nogha

04-09-2010, 08:52 AM

و الله انا مليش اى معرفة بالقسم ده بس حنقلك كلام اخونا clinical أنه حيفيدك جداااااااا
- قسم البترول والغاز الطبيعى ( قسم خاص)

وهو موجود في بعض الكليات مثل القاهرة والاسكندريه وبور سعيد
وهو قسم خاص بفلوس بحوالي عشرة الاف جنيه في السنه

الراعي للقسم دة اكبر شركات البترول في مصر وفي اوربا ومنها شركه شلمبر
والاوائل بيتم تعينهم في شركات البترول المختلفه

الشغل : مهندس بترول شركات البترول المختلفه

و الموضوع ده اللى منه الاقتباس ده موضوع فعلا حيهمك و حيفيدك جدا
اتفضل
http://thanwya.com/vb/showthread.php?p=2613178#post2613178
الموضوع فيه معلومات رائعة عن كل اقسام الكلية

The Mysterious Warrior

06-09-2010, 02:55 PM

يا جماعة نتيجة التنسيق ظهرت
يعني بمجرد تسجيل دخولك و تدخل إيميل الكلية هتتبعت النتيجة على طول :)

sci mony

06-09-2010, 03:27 PM

انا جالي ميكرو(الحمد لله الحمد لله الحمد لله الخيره فيما اختاره الله) مع اني كتبت بيو الاول هو حد جاله بيو نفسي اعرف اخدت من كام وطمنوني عليكممممممممممممممم

The Mysterious Warrior

06-09-2010, 05:13 PM

أنا قبلت في الكيمياء و الحمد لله
بس ربنا يستر في العضوية و الرياضة

sci mony

06-09-2010, 05:53 PM

أنا قبلت في الكيمياء و الحمد لله
بس ربنا يستر في العضوية و الرياضة
الف مببببببببببببببببروك وبالتوفيق ان شاء الله:022yb4:

perfect-girl

07-09-2010, 01:12 AM

انا دخلت قسم الكيمياء

حد يحكيلى عن القسم بقا

Hima Ryan

07-09-2010, 01:15 AM

معلش يا Nogha
سؤال رخم شوية
هو حضرتك جبتى كام فى الفيزياء ثانوية عامة؟؟؟

Nogha

07-09-2010, 10:23 AM

لا و الله مش رخم و لا حاجة هو محرج بس
ههههههههه
جبت 34.5 تقريبا يعنى خليها علشان خطرى 35 من 50
بس رضا و الله كنت متوقعة انى طالعة بيها خالص الحمد لله
بس اشمعنى السؤال ده
ملهاش علاقة على فكرة درجة كل مادة لوحدها فى الكلية الكليةلها دعوة بالمجموع و تنسيق القسام له علاقة بالمعدل التراكمى بس

Hima Ryan

07-09-2010, 10:56 AM

أه أه ...... أنا عارف بس و انا بقرأ فى قسم الفيزياء للثانوية العامة لقيت لحضرتك موضوع و اسئلة و بتاع فحبيت اسألك
و الحمد للة على كل شئ

sci mony

07-09-2010, 02:21 PM

انا دخلت قسم الكيمياء

حد يحكيلى عن القسم بقا
الف مبرررررررو يا قمر وقسم كيمياء جميل جدا باذن الله هتحبيه بس اهم حاجة حضور المحاضرات اكيد عرفتي اهميتها دلوقتي وبالنسبة للمواد فاحنا لغيت دلوقتي درسنا كيمياء عضوية وتحليلية وكهربية ورياضة واحصاء والكترونيات وديناميكا حرارية وقاعدة الصنف وعناصر ممثلة هما دول اللي في دماغي دلوقتي:d:d:d وبالنسبة للدكاترة اغلبهم كويسين جدا اطمني يعني باذن الله كل خير وبالتوفيق ان شاء الله

perfect-girl

07-09-2010, 07:36 PM

الف مبرررررررو يا قمر وقسم كيمياء جميل جدا باذن الله هتحبيه بس اهم حاجة حضور المحاضرات اكيد عرفتي اهميتها دلوقتي وبالنسبة للمواد فاحنا لغيت دلوقتي درسنا كيمياء عضوية وتحليلية وكهربية ورياضة واحصاء والكترونيات وديناميكا حرارية وقاعدة الصنف وعناصر ممثلة هما دول اللي في دماغي دلوقتي:d:d:d وبالنسبة للدكاترة اغلبهم كويسين جدا اطمني يعني باذن الله كل خير وبالتوفيق ان شاء الله

الله يبارك فييكى

انا سامعة ان التحليلة دى صعبة جدا :frown:

ولا الرياضة كمان انا دى عقدتى فى الكلية :bosyht9:

كل ده ولسه فى مواد ناقصة :d

Nogha

07-09-2010, 10:15 PM

أه أه ...... أنا عارف بس و انا بقرأ فى قسم الفيزياء للثانوية العامة لقيت لحضرتك موضوع و اسئلة و بتاع فحبيت اسألك
و الحمد للة على كل شئ

لا و الله
ايه ده؟ انا ليا مشاركات فقسم الفيزيا؟؟ انااااااااا؟ فالفيزيا؟؟؟ ما شاء الله ما انا شاطرة اهو

perfect
ايه يا بنتى فينك بتختفى ليه كدة؟؟وحشانى يا قمر!! ايه اخبارك
معلش سؤال محرج شوية
هو انتى مش اصلا ميجور كيميا انتى كمان؟؟
انا فكرة انكم كلكم كيميا و انا الدخيلة الوحيدة صح و اللا ايه؟؟؟
امال انتى ميجور ايه يا قمر معلش نسيت؟؟؟
و الف مبروووووووووووووووووووووووووووووووووووووووك

perfect-girl

07-09-2010, 10:53 PM

perfect
ايه يا بنتى فينك بتختفى ليه كدة؟؟وحشانى يا قمر!! ايه اخبارك
معلش سؤال محرج شوية
هو انتى مش اصلا ميجور كيميا انتى كمان؟؟
انا فكرة انكم كلكم كيميا و انا الدخيلة الوحيدة صح و اللا ايه؟؟؟
امال انتى ميجور ايه يا قمر معلش نسيت؟؟؟
و الف مبروووووووووووووووووووووووووووووووووووووووك

رمضان وقته ضيق يا نهى
انا اصغر منكوا بسنة انا لسه رايحة تانيه
وجالى قسم كيميا ميجور

انا فاكره انك كيميا حيوى ميجور جالك مينور ايه طمنينا
الله يبارك فييكى

sci mony

07-09-2010, 11:14 PM

الله يبارك فييكى

انا سامعة ان التحليلة دى صعبة جدا :frown:

ولا الرياضة كمان انا دى عقدتى فى الكلية :bosyht9:

كل ده ولسه فى مواد ناقصة :d
التحليلة هيا مش صعبة بس محتاجه شوية مجهود منك وشوية قصدي وشويات تركيز في المحاضرة لانك بتاخدي اجزاء كتير والكلام بقا بيبقا بسرعة فلازم تركيزي مع الدكتور كويس بالنسبة للرياضة فهيا كويسة جدا هيا المشكلة عندنا في الترم التاني ان الدكتور ظبطنا في الامتحان لكن المنهج كويس جدا لا تقلقي واكيد مش هيا دي كل المواد انا اصلا عندي زهيمر:)

عبدو 8

08-09-2010, 12:34 PM

السلام عليكم

ان جالتي علوم رياضة اسكندرية

عاوز اي معلومات عنها ,, وبالخصوص قسم الكمبيوتر فيها ,,

Nogha

08-09-2010, 06:58 PM

ايوة صح معلش انتى عرفة بقى الزهايمر بقى و السن انتى عرفة ههههههه
الف مبرووووووووووك
انا جالى مينور بيئة بس غالبا كدة غالبا ححول حيوان او اى حاجة تانية

التحليلية دى بقى سيبيهالى انا افهمهالك يا سلاااااااام ده المادة دى الكل مجمع عليها انها فمنتهى السهولة ياااااااااااااه
مادة زى العسسسسسسسل :stickjo4::stickjo4::stickjo4:
ده انا بسببها كرهت الكيميا و مش حدخله ماينور رغم انى ممكن ادخل كيميا انما على جثتى :giljotiiniug3:
ههههههههههه
حسبى الله و نعم الوكيل

:040vk0:
بقولكم ايه يا جماعة الله يكرمكم فيه اخ كاتب موضوع و هو رايح 2 و جتله كيميا زى برفكت و طالب حد يفيده فياريت 3 كيميا يورونا همتهم يلا ههههههههه :049gc0:
اهو الموضوع
http://thanwya.com/vb/showthread.php?p=2637789&posted=1#post2637789

السلام عليكم

ان جالتي علوم رياضة اسكندرية

عاوز اي معلومات عنها ,, وبالخصوص قسم الكمبيوتر فيها ,,

اهلا و سهلا و الف مبروك عالكلية :av4056bb7jp3::av4056bb7jp3::av4056bb7jp3:
و ان شاء الله يكون فيه حد يفيدك

ayooooosh

11-09-2010, 10:22 AM

Nogha

11-09-2010, 11:39 AM

السلام عليكم
اولا :الف مبروووووووووك للطلبه اللى جاتها علوم فى جميع محافظات مصر
ثانيا:انا جاتنى كليه علوم جامعه سوهاج بس انا مش عارفه اى حاجه عن الكليه و اقسامها
بس انا سؤالى قسم بيولوجى علشان ادخله لازم تكون درجتى فى ماده الاحياء اكتر من38و لا ايه ارجو المساعدة؟
:bosyht9:

اهلا و سهلا بحضرتك
و الله هو كل جامعة لها نظامها انا معرفش نظام علوم سوهاج خالص
عندنا فى اسكندرية مش شرط طبعا علشان تدخلى بيولوجى تكونى جيبة اى حاجة
الشرط الوحيد لدخول شعبة بيولوجى عندنا انك تكونى علمى علوم ايا كانت بقى الدرجات يعنى تجيبى مجموع الكلية علشان تدخليها و تكونى علمى علوم علشان تدخلى بيولوجى
طبعا الكلام ده عندنا فى اسكندرية فاسألى عن نظام سوهاج

ayooooosh

12-09-2010, 02:18 AM

يا جماعه مفيش حد هنا علوم اسيوط اصل عندى اسئله كتير و محتاجه حد يجاوبنى عليها

ayooooosh

12-09-2010, 02:28 AM

اهلا و سهلا بحضرتك
و الله هو كل جامعة لها نظامها انا معرفش نظام علوم سوهاج خالص
عندنا فى اسكندرية مش شرط طبعا علشان تدخلى بيولوجى تكونى جيبة اى حاجة
الشرط الوحيد لدخول شعبة بيولوجى عندنا انك تكونى علمى علوم ايا كانت بقى الدرجات يعنى تجيبى مجموع الكلية علشان تدخليها و تكونى علمى علوم علشان تدخلى بيولوجى
طبعا الكلام ده عندنا فى اسكندرية فاسألى عن نظام سوهاج
شكرااااااااا اوى ع مساعدتك ليا و انا سالت عندينا فى الجامعه قالولى لازم علشان ادخل شعبة بيولوجى لازم تكون درجتى فى ماده الاحياء 38 و انا بجد نفسى ادخل شعبه بيولوجى و مش عارفه اعمل ايه؟

محمد.فوكس

15-09-2010, 09:00 AM

ازيكو يا جامعة ايه الاخبار
معلش من ساعة مخلصت امتحان السمر و انا مش بدخل.
هو تسجيل المواد هيبقى امتى؟

Nogha

16-09-2010, 09:27 AM

شكرااااااااا اوى ع مساعدتك ليا و انا سالت عندينا فى الجامعه قالولى لازم علشان ادخل شعبة بيولوجى لازم تكون درجتى فى ماده الاحياء 38 و انا بجد نفسى ادخل شعبه بيولوجى و مش عارفه اعمل ايه؟
طيب قوليلهم عن حالتك يمكن يكون اصلا عندهم اماكن و يرضوا يخدوكى ممكن تحصل

و عالعموم انت تريد و انا اريد و الله يفعل ما يريد و الخيرة فيما اختاره الله

ازيكو يا جامعة ايه الاخبار
معلش من ساعة مخلصت امتحان السمر و انا مش بدخل.
هو تسجيل المواد هيبقى امتى؟

الحمد لله كلنا بخير
نتيجة التحليلية ظهرت عملت ايه؟؟؟ تسجيل المواد يوم السبت حتى الخميس و اسبوع التسجيل مفيهوش دراسة
بالنسبالكم بقى علشان انتم كيميا فمش عرفة مكان تسجيلكم فمحرم و اللا طريق الحرية بس حسب المرشد بتاعك مكانه فين

elkasass

16-09-2010, 04:11 PM

elkasass

16-09-2010, 04:16 PM

السلام عليكم

ان جالتي علوم رياضة اسكندرية

عاوز اي معلومات عنها ,, وبالخصوص قسم الكمبيوتر فيها ,,

وعليكم السلام
ممكن انا ارد عليك بما انى هنا علوم رياضه
بالنسبه لقسم حاسب جاامد جداا القسم ده وليها مجالات شغل حلوة
بس الاهم انك تكون حابب القسم علشان الدراسه فيها مش ساهله وانت مش بتدرس الكمبيوتر كدة وخلاص انت بتدرس مواد برمجه وهاتعرف ايه المواد دى فى سنه اولى هاتاخد مادتين منهم لو حبيت المادتين دوول وجبت تقدير فيهم يبئى تدخل حاسب وانت فاهم عنه كل حاجه بس مش شرط تجيب تقدير يعنى علشان تدخل القسم انا بقولك تجيب فيهم تقدير علشان بس تبين لنفسك انت فاهم اللى هاتدرسه بعد كدة ولا لاء
ويارب تكون المعلومه وصلت
وشكراااااا

عبدو 8

17-09-2010, 06:42 PM

وعليكم السلام
ممكن انا ارد عليك بما انى هنا علوم رياضه
بالنسبه لقسم حاسب جاامد جداا القسم ده وليها مجالات شغل حلوة
بس الاهم انك تكون حابب القسم علشان الدراسه فيها مش ساهله وانت مش بتدرس الكمبيوتر كدة وخلاص انت بتدرس مواد برمجه وهاتعرف ايه المواد دى فى سنه اولى هاتاخد مادتين منهم لو حبيت المادتين دوول وجبت تقدير فيهم يبئى تدخل حاسب وانت فاهم عنه كل حاجه بس مش شرط تجيب تقدير يعنى علشان تدخل القسم انا بقولك تجيب فيهم تقدير علشان بس تبين لنفسك انت فاهم اللى هاتدرسه بعد كدة ولا لاء
ويارب تكون المعلومه وصلت
وشكراااااا

وصلت يا معلم

وبجد انا هموت نفسي في المادتين دول ,, وانا عرفت انهم فورتران والسي ,,

ربنا يستر واجيب تقدير يدخلني كمبيوتر لاني بحبه

,, انتا وضحتلي نقطة كانت غايبه عني ,, ألف شكر يا باشا

elkasass

17-09-2010, 10:42 PM

شكر على ايه يا معلم احنا فى الخدمه يعنى
والمادتين اه هما فورتران وسى بس السى دى مادة اختياريه انما الفورتران مادة اجباريه وهاتعرف لما تيجى تسجل
وان شاء الله هيعجبوك يعنى

The Mysterious Warrior

20-09-2010, 07:26 PM

أنا سجلت النهارده مواد الفرقة الثانية
بس عايز أعرف الكيمياء العضوية العملي ترم أول و لا ترم تاني ؟

l0vely girl

20-09-2010, 11:10 PM

ayman210

20-09-2010, 11:13 PM

يا جماعة انا كنت عايز اعرف هل انا بتخصص فى علوم بترول من اول سنة ولا ايه................؟؟؟؟؟؟؟؟؟؟؟؟؟ وهل هى بتتوقف ع المجموع وهل موجود القسم ده فى علوم جامعة خاصة ولا لا بما ان الاتنينننننن بفلوس يعنى؟؟؟؟؟؟؟؟؟؟؟؟؟ وكنت عايز اعرف الكلية بتترواح تنسيقها من كام لكام معلش انا عار ف انى ازعجتكم بس مهم اوى اعرف كل حاجة عن الكلية اللى نفسى ادخلها لانها بجد كلية جامدةة مووت!!!!!!!!!!!!!!!!!!!!!!!!!!!!!!!!!!!!!!!!

perfect-girl

21-09-2010, 03:26 AM

ايه اخبار التسجيل معاكوا يا جماعة

كنت عايزة حد كيمياء بس يرد عليا

ويقول رأيه فى المواد دى

احصاء تطبيقي الكترونيات اساسيات ادارة

يعنى اختار ايه ترشحولى نهو اسهل !

sci mony

21-09-2010, 03:41 AM

ايه اخبار التسجيل معاكوا يا جماعة

كنت عايزة حد كيمياء بس يرد عليا

ويقول رأيه فى المواد دى

احصاء تطبيقي الكترونيات اساسيات ادارة

يعنى اختار ايه ترشحولى نهو اسهل ! من رايي تاخدي احصاء تطبيقي المادة سهلة جدا بس الدكتور خنيق شوية مش كتار يعني في المعقول :dوجبلنا الميد ترم صعب بس الفينال كان حلو جداااااا والتقديرات كانت كويسة
بالنسبه للالكترونيات بقا ولا شرح عدل ولا تقدير عدل هيا المادة لما نزلها ورق حسيت انها تافهه جدا وذاكرتها تمام والامتحان جي من اسئلة المحاضرة بالنص بس تقريبا الدكتور معلمش;)
واساسيات الادارة بقا اقولك ان دكاترة الكليات النظرية تلات تربعهم عندهم عقده نفسيه وتقديراتهم بتبقا زبالة بلاشها احسن

Nogha

21-09-2010, 06:22 AM

ازيكم يا جماعه يارب تكونو بخير ويكون كل واحد جاله القسم اللى عاوزه انا الحمدلله جالى قسم كيميا مينور بس سامع كلام هنا كتير م بيطمن عن التحليليه ان شاء الله يكون خير :d
وان شاء الله يكون عام دراسى جمييل

و الله هو فيه ناس بيقولوا عليها سهلة و حبينها فيمكن المشكلة فيا انا لأنى مليش فمواد الكيميا اوى بحب اكتر مواد البيولوجى بس الكل متفق انها تقيلة و محتاجة مذاكرة جامدة و تركيز فى مسائلها
ربنا يوفقك يارب و هو كل اقسام الكلية لازم يكو فيهم كدة حبة مواد مش لذيذة اوى ده فكل الأقسام بس ان شاء الله تتغلب عليها
و احنا وراك فى معركة التحليلية القادمة لو اى حاجة وقفت معاك اسال هنا و ان شاء الله تلاقى الافادة

الف مبروووووووووك و ادى اوى ضحية سجلت فى كلية علوم
يا ابنى احب اقولك انك عملت انجاز عشان عرفت تسجل
مبروك مقدما و ربنا معاك ان شاء الله و ادعى لكل طلبة سنة تالتة ربنا يكرمها و تسجل عشان محتاسين
و بالنسبة لسؤالك الكيمياء العضوية العملى حتاخدها ف الترم التانى ان شاء الله

هههههههه سبحان الله
تعرفى انى كنت حرد و اقول نفس الكلام
انه يحمد ربنا انه سججججججل الحمد لله انا اصلا منزلتش التسجيل خالص خوفا من اللى بسمعه و الدوخة اللى الناس دايخاها
بس للأسف ناوية اخوض المعركة انهردة بقى

مش عرفة ايه حكايتى مع المعارك انهردة؟؟؟!!!

من رايي تاخدي احصاء تطبيقي المادة سهلة جدا بس الدكتور خنيق شوية مش كتار يعني في المعقول :dوجبلنا الميد ترم صعب بس الفينال كان حلو جداااااا والتقديرات كانت كويسة

هى احصا تطبيقى دى تقصدوا بيها الاحصا اللى كلنا درسناها بتاعت دكتور محمد الشنديدى اللى هى (ص122)؟؟؟؟
ربنا يوفقك يا برفكت يارب و اى حاجة تبقى محتارة فيها كدة متنسيش تصلى استخارة لها

نور الدين.

21-09-2010, 10:46 AM

ايه اخبار التسجيل معاكوا يا جماعة

كنت عايزة حد كيمياء بس يرد عليا

ويقول رأيه فى المواد دى

احصاء تطبيقي الكترونيات اساسيات ادارة

يعنى اختار ايه ترشحولى نهو اسهل !

ازاي بتختاري بين المواد دي ..

الاحصاء التطبيقية والالكترونيات ... دون اختياري .. كل مادة بساعتين ..

لكن المواد الاجبارية اللي نازلة علينا في كيمياء ميجور 9 ساعات بس ..

مفيش عضوية عملي " ترم ثاني " ومفيش تحليلية نازلة في الجدول !!!!!

انتي اكيد المعدل بتاعك فوق 2 .. يبقي من حقك تسجلي 18 ساعه في الترم ..

9 اجباري ... وهتختاري الاحصاء والالكترونيات مع بعض من الاختياري يبقي 13 ساعه ..

وتكملي عدد ساعاتك من متطلبات الجامعة ...

اساسيات ادارة او تاريخ العلوم ...

.................................................. ...

نور الدين.

21-09-2010, 10:49 AM

sci mony

21-09-2010, 12:31 PM

ايوة يا نهي بتاعه الشنديدي

The Mysterious Warrior

21-09-2010, 02:42 PM

الف مبروووووووووك و ادى اوى ضحية سجلت فى كلية علوم
يا ابنى احب اقولك انك عملت انجاز عشان عرفت تسجل
مبروك مقدما و ربنا معاك ان شاء الله و ادعى لكل طلبة سنة تالتة ربنا يكرمها و تسجل عشان محتاسين
و بالنسبة لسؤالك الكيمياء العضوية العملى حتاخدها ف الترم التانى ان شاء الله
الله يبارك فيك :d بس المشكلة ان أنا مش عارف سجلت صح و لا غلط
و بعدين الناس اللي راحوا النهارده سجلوا عملي العضوية برضه :blink: بس مفيش حد سجل مادة أسس الكيمياء التحليلية !
ايه اخبار التسجيل معاكوا يا جماعة

كنت عايزة حد كيمياء بس يرد عليا

ويقول رأيه فى المواد دى

احصاء تطبيقي الكترونيات اساسيات ادارة

يعنى اختار ايه ترشحولى نهو اسهل !
طيب أنا أظن ان تاريخ العلوم أسهل من الادارة بس مش كاتباها ليه ؟
تعرفى انى كنت حرد و اقول نفس الكلام
انه يحمد ربنا انه سججججججل الحمد لله انا اصلا منزلتش التسجيل خالص خوفا من اللى بسمعه و الدوخة اللى الناس دايخاها
أنا باحمد ربنا فعلا أنا سجلت
بس من جهة الدوخة فهي دوخة فعلا :wacko:

محمد.فوكس

21-09-2010, 06:36 PM

ايه يا جدعان هو كل ترم لازم المفرمة بتاعت التسجيل دي
هو المرشد الاكاديمي هو هو ولا لا؟ و يا ترى حد فيكم قدر يعتر في دكتور سيد منصور؟
عل فكرة يا نهى نتيجة السمر كورس موصلتنيش عالميل لغاية دلوقتي و معرفهاش

l0vely girl

21-09-2010, 11:40 PM

ايه اخبار التسجيل معاكوا يا جماعة

كنت عايزة حد كيمياء بس يرد عليا

ويقول رأيه فى المواد دى

احصاء تطبيقي الكترونيات اساسيات ادارة

يعنى اختار ايه ترشحولى نهو اسهل !

التسجيل معانا زى كل الناس تعب و قرف و دوخة و ربنا يصبرنا على دى كلية
انا من رأيى انك تاخدى الاحصاء لانها اسهل من الباقيين
الالكترونيات ماده متعرفليهاش حاجة و لا هى فيزيا و لا هى كيميا و كان دكتور ما يعلم بيه الا ربنا اللى بيدهالنا و امتحان زيه بردوه و كل الدفعة جايبة نفس التقدير سى بلس
اساسيات ادارة مفتكروش انها مادة محتاجة دكتور و محاضرات و شرح غير بعد ما الترم خلص و انا بعد ما اخدتها انسحبت منها
الاحصاء لذيذة و تتذاكر من ورق المكتبة و يتجاب فيها تقدير

هههههههه سبحان الله
تعرفى انى كنت حرد و اقول نفس الكلام
انه يحمد ربنا انه سججججججل الحمد لله انا اصلا منزلتش التسجيل خالص خوفا من اللى بسمعه و الدوخة اللى الناس دايخاها
بس للأسف ناوية اخوض المعركة انهردة بقى

مش عرفة ايه حكايتى مع المعارك انهردة؟؟؟!!!

القلوب عند بعضها يا نهى

هى احصا تطبيقى دى تقصدوا بيها الاحصا اللى كلنا درسناها بتاعت دكتور محمد الشنديدى اللى هى (ص122)؟؟؟؟

ايوووووون

ربنا يوفقك يا برفكت يارب و اى حاجة تبقى محتارة فيها كدة متنسيش تصلى استخارة لها

احنا قاعدين لغاية الساعه 3 العصر ... في طريق الحرية ....

ربنا معاكم .... و اختاروا يوم كده تكوني دماغك ريقة ... وتوكلوا علي الله :d

بعد اذنك عايز اسأل سؤال ...

بالنسبة للكيمياء التحليلية كانت نزله ترم اول ولا تاني في السنة بتاعتكم ؟؟؟

وشكرا مقدماً ...

احنا كنا اخدينها فى الترم التانى
هى السنة دى ايه نظامها ... ايه المواد اللى نازلة

[quote=The Mysterious Warrior;2678807]الله يبارك فيك :d بس المشكلة ان أنا مش عارف سجلت صح و لا غلط
و بعدين الناس اللي راحوا النهارده سجلوا عملي العضوية برضه :blink: بس مفيش حد سجل مادة أسس الكيمياء التحليلية !

ايه عملى العضوية و التحليلية اللى فى الترم الاول دى هو النظام اتغير عليكو و لا ايه ؟؟؟

طيب أنا أظن ان تاريخ العلوم أسهل من الادارة بس مش كاتباها ليه ؟

تاريخ العلوم دى سلاح ذو حدين :confused:

elkasass

22-09-2010, 01:27 AM

[quote=Nogha;2677957]و الله هو فيه ناس بيقولوا عليها سهلة و حبينها فيمكن المشكلة فيا انا لأنى مليش فمواد الكيميا اوى بحب اكتر مواد البيولوجى بس الكل متفق انها تقيلة و محتاجة مذاكرة جامدة و تركيز فى مسائلها
ربنا يوفقك يارب و هو كل اقسام الكلية لازم يكو فيهم كدة حبة مواد مش لذيذة اوى ده فكل الأقسام بس ان شاء الله تتغلب عليها
و احنا وراك فى معركة التحليلية القادمة لو اى حاجة وقفت معاك اسال هنا و ان شاء الله تلاقى الافادة

ان شاء الله يا نهى وكله هيبئى تماام
بس مش عارف ليه انا مش مطمن الترم ده
حاسس ان المواد تقيله الترم ده
ربنا يستر :D:)

elkasass

22-09-2010, 01:36 AM

الله يبارك فيك :d بس المشكلة ان أنا مش عارف سجلت صح و لا غلط
و بعدين الناس اللي راحوا النهارده سجلوا عملي العضوية برضه :blink: بس مفيش حد سجل مادة أسس الكيمياء التحليلية !

كنت عاوز اقولك انى مسجل سكشن عضويه الترم ده بس انا واخد الكيميا مينور

perfect-girl

22-09-2010, 06:03 PM

من رايي تاخدي احصاء تطبيقي المادة سهلة جدا بس الدكتور خنيق شوية مش كتار يعني في المعقول :dوجبلنا الميد ترم صعب بس الفينال كان حلو جداااااا والتقديرات كانت كويسة
بالنسبه للالكترونيات بقا ولا شرح عدل ولا تقدير عدل هيا المادة لما نزلها ورق حسيت انها تافهه جدا وذاكرتها تمام والامتحان جي من اسئلة المحاضرة بالنص بس تقريبا الدكتور معلمش;)
واساسيات الادارة بقا اقولك ان دكاترة الكليات النظرية تلات تربعهم عندهم عقده نفسيه وتقديراتهم بتبقا زبالة بلاشها احسن

كده الواحد اطمن اووووووووووى :av4056bb7jp3:
انا سجلت احصاء الحمد لله

perfect-girl

22-09-2010, 06:08 PM

ازاي بتختاري بين المواد دي ..

هو لو حضرتك كيمياء ف دى المواد المتاحة ليك

الاحصاء التطبيقية والالكترونيات ... دون اختياري .. كل مادة بساعتين ..

لكن المواد الاجبارية اللي نازلة علينا في كيمياء ميجور 9 ساعات بس ..

مفيش عضوية عملي " ترم ثاني " ومفيش تحليلية نازلة في الجدول !!!!!

اغلب الطلبة سجلوا عضوية عملى وانا منهم:blush:

انتي اكيد المعدل بتاعك فوق 2 .. يبقي من حقك تسجلي 18 ساعه في الترم ..

9 اجباري ... وهتختاري الاحصاء والالكترونيات مع بعض من الاختياري يبقي 13 ساعه ..

وتكملي عدد ساعاتك من متطلبات الجامعة ...

اساسيات ادارة او تاريخ العلوم ...

فى معلومة بتقول ان الادارة مش نازلة تعرف حاجة عن المادة دى

.................................................. ...

perfect-girl

22-09-2010, 06:09 PM

الله يبارك فيك :d بس المشكلة ان أنا مش عارف سجلت صح و لا غلط
و بعدين الناس اللي راحوا النهارده سجلوا عملي العضوية برضه :blink: بس مفيش حد سجل مادة أسس الكيمياء التحليلية !

طيب أنا أظن ان تاريخ العلوم أسهل من الادارة بس مش كاتباها ليه ؟

أنا باحمد ربنا فعلا أنا سجلت
بس من جهة الدوخة فهي دوخة فعلا :wacko:

الحمد سجلتها ونجحت فيها قبل كده :049gc0:

perfect-girl

22-09-2010, 06:11 PM

شكرا لكل واحد رد عليا وجزاكوا الله خيرا ان شاء الله

وان شاء الله الاسبوع الجاى يكون بقا واضح ايه المراد الى نزلت بالتاكيد

انا مسجلة عضوية عملى وفى كلام انها حتبقا ترم تانى

محمد.فوكس

22-09-2010, 06:23 PM

حد يعرف متطلبات الجامعة اللي نازلة ايه؟

The Mysterious Warrior

22-09-2010, 06:45 PM

أنا رحت الكلية النهارده و رئيس القسم قال ان أسس الكيمياء التحليلية و الكيمياء العضوية العملي نازلين الترم الأول
يبقى كده الناس اللي سجلتهم مسجلين صح :)

Nogha

24-09-2010, 09:34 AM

انا اى نعم مش كيميا انما ليا اصحابى فكيميا من ضمنهم طبعا هنود و لافلى و سى مونى و غيرهم و الصراحة كلهممممم بلا استثناء كانوا بيعانوا فى الالكترونيات دى و كان ليا واحدة صحبتى دايما تقولى
انا مش طالبة حاجة كتيرة انا كل اللى طلباه يفهمونى المادة دى كيميا و اللا فيزيا و اللا رياضة ههههههههه
طالما قصدكم عالاحصا اللى انا اخدتها فهى فعلا جميلة جدا و سهلة فعلا بس حتفهموها اكتر من المعيدين علشان بس متتخضوش لما تيجوا تحضروا المحاضرة و تلاقوا نفسكم مش فهمين
حتفهموها فى السكاشن مع المعيدين و للانصاف كان فيه ناس قليلة بتفهم فى المحاضرة

ايه يا جدعان هو كل ترم لازم المفرمة بتاعت التسجيل دي
هو المرشد الاكاديمي هو هو ولا لا؟ و يا ترى حد فيكم قدر يعتر في دكتور سيد منصور؟
عل فكرة يا نهى نتيجة السمر كورس موصلتنيش عالميل لغاية دلوقتي و معرفهاش

و مش حتوصل !!!
النتيجة مش عالميل
النتيجة حتلاقيها متعلقة فطريق الحرية فى الدور التانى اظن كانت جنب نتيجة الكيميا العضوية و فيه طريقة تانية للحصول عالنتيجة المفروض علشان تسجل لازم تاخد من شؤون الطلبة السى جى بى ايه اللى بعد السمر فالمفروض لما تاخده حتلاقى النتيجة فيه...

ربنا يوفقنا كلنا يارب و يارب الاسبوع التانى ده تكون الدنيا وضحت شوية احسن انا جدول الماجور و الماينور متعارضين بطريقة غير طبيعية ربنا يسترررررر

محمد.فوكس

28-09-2010, 09:53 AM

بيقولو ان العضوية العملي بتاعت سنة تانية نازلة حد يعرف صح ولا لا

نور الدين.

28-09-2010, 04:09 PM

بيقولو ان العضوية العملي بتاعت سنة تانية نازلة حد يعرف صح ولا لا

آخر كلام علشان متوجعش دماغك ....

العضوية العملي نزلة ترم اول ,,,,

واسس التحليلية نزلة ترم تاني ...،،،

في امان الله .،

perfect-girl

29-09-2010, 12:40 AM

l0vely girl

29-09-2010, 08:57 PM

يا جماعة انا عارفة زهقتكوا بس بجد كلية غريبة محدش فاهم حاجة

حتى المرشد الى اسمه مرشد برضه مفيش عنده اى معلومة

طلب بقا عشان الحق اعمل اضافة

عايزة مادة متطلبات سهلة غير تاريخ العلوم

يعنى اساسيات ولا مدخل قانون ولا اقتصاد ولا مهارات عرض

بالله عليكوا يا جماعة انا اساسا حيجلى اكتئاب من كمية الكيميا الى بخدها ومش عاملة غير 15 ساعة :d

يا قمر انتى تسألى اللى انتى عيزاه فى اى وقت و كلنا محتاسين و زهقانين و مخنوقين زيك بالظبط و الله بس اهو بنساعد بعض و المرشدين ده الوضع الطبيعى بتاعهم انهم مش عارفين حاجة و احنا اللى بنقولهم

بصى تاريخ علوم و اقتصاد عايزين مذاكرة كتير و مكلعكعين
اساسيات ادارة انا انسحبت منها عشان حسيت انها شبه الاقتصاد و الدكتور بتاعها كان ميطمنش
مهارات عرض دى اول مرة اسمع عنها

انا عارفة انى ما افدتكيش بحاجة بس حبيت ارد اطلع المعاناة اللى جوايا :bosyht9:

انتى بتاخدى كام مادة كيميا ؟؟؟
بس الكيميا اللى على حق حتعرفيها فى تالته و اكيد رابعة حتكون اكتر و اكتر
انا لحد دلوقتى 6 مواد كيميا نظرى و 1 عملى و 3 فيزيا نظرى و 1 عملى
ادعييييييييلى ربنا يقوينى
و ربنا معاكى ان شاء الله

perfect-girl

30-09-2010, 03:26 AM

يا قمر انتى تسألى اللى انتى عيزاه فى اى وقت و كلنا محتاسين و زهقانين و مخنوقين زيك بالظبط و الله بس اهو بنساعد بعض و المرشدين ده الوضع الطبيعى بتاعهم انهم مش عارفين حاجة و احنا اللى بنقولهم

ربنا يخليكى بجد والله الوضع فظيع محدش فاهم حاجة وفى نفس الوقت الواحد خايف ياخد مادة مش حتفيده

بصى تاريخ علوم و اقتصاد عايزين مذاكرة كتير و مكلعكعين
اساسيات ادارة انا انسحبت منها عشان حسيت انها شبه الاقتصاد و الدكتور بتاعها كان ميطمنش
مهارات عرض دى اول مرة اسمع عنها

هى لو الاقتصاد زى تاريخ العلوم تبقى معقولة هو ايه اخبار الدكتور بتاعها فى كتاب ورق ولا لازم حضور المحاضرات

انا عارفة انى ما افدتكيش بحاجة بس حبيت ارد اطلع المعاناة اللى جوايا :bosyht9:

ليه بتقولى كده بالعكس انا فهمت من كلامك ان الاساسيات غلسة شوية والله المعاناة دى جوانا كلنا

انتى بتاخدى كام مادة كيميا ؟؟؟
فيزيا 1
رياضة 2
كيميا نظرى 4 فيهم واحدة تقريبا حتتشال
كيميا عملى 1

بس الكيميا اللى على حق حتعرفيها فى تالته و اكيد رابعة حتكون اكتر و اكتر
انا لحد دلوقتى 6 مواد كيميا نظرى و 1 عملى و 3 فيزيا نظرى و 1 عملى
ادعييييييييلى ربنا يقوينى
و ربنا معاكى ان شاء الله

اهو احنا بناخد الى على قدنا :av4056bb7jp3:
ربنا معاكى ان شاء الله

radium4

06-10-2010, 01:01 PM

zambalek_boy

28-10-2010, 07:03 PM

ايه يا جدعاااااااااان انتوا فرحانين كدا ليه بعلوم اسكندريه ..دنا كنت هموت واحول منها بس محصلش نصيب للاسف ...اهئ اهئ اهئ

asmaa18

04-11-2010, 11:04 PM

لو سمحت هو ينفع اختار مادة البحث جيولوجيا ؟؟؟

شكرا :)

محمد.فوكس

08-11-2010, 02:04 AM

سلام عليكم
فينكم يا جماعة اخباركم ايه!

radium4

23-11-2010, 12:44 PM

ايه يا جماعة محدش عايز يقول حاجة

Nogha

09-12-2010, 07:09 PM

السلام عليكم و رحمة الله و بركاته
ايييييييييييييييييييه يا جماعة انتم فين؟ ايه الأخبار؟ عملين ايه؟ اوعوا تكونوا لا سمح الله بتذاكروا و اللا حاجة؟
طبعا كل الاسئلة اللى اتسألت دى و لا اعرف اى حاجة عنها فياريت اللى يعرف يقول و يفيد و جزاه الله كل خير
ايه اخباركم فى المواد السكر اللى عندنا دى؟

karem20055002

15-01-2011, 11:16 PM

يااه الموضوع دة غريب والله

اول كومنت كتبتة ااستاذة نوجا سنة 2008
واخر كومنت كتبتة في اخر 2010

بما انك بقي قديمة في الكلية دلوقتي
اية اخبار العلوم هل هي كلية معقدة زي ما بيقولوا ؟
انا نفسي ادخلها بردة بس يارب مجموعي يعمل حركة جدعنة ويجيب علوم قاهرة او اسكندرية .

Nogha

15-02-2011, 11:10 AM

لو سمحتوا انا باذن الله ناوى ادخل علوم ( جيوفيزيا ) لان كل الناس بتشكر فيه
و انا بحب كل حاجة فيها فيزيا عموما
فانا عايز اعرف المواد بس لانى سمعت انهم بياخدوا
فيزيا و كيميا و رياضة و جيولوجيا و جيوفيزيا
هل في مواد تانية ؟
و هل بناخد المواد دي كلها كل سنة ولا متقسمة على السنوات .. ؟
اسف على الاطالة .. بس اتمنى حد يجيب

و الله انا ده برده اللى انا سمعته زى حضرتك بالضبط, بصراحة مقدرش افيدك فدى لأن القسم ده بعيد كل البعد عن اقسامنا و لكن بجد بسمع انه قسم روعة و كويس جدا فى الشغل, ربنا يوفقك ان شاء الله يارب

Nogha

15-02-2011, 11:18 AM

يااه الموضوع دة غريب والله

اول كومنت كتبتة ااستاذة نوجا سنة 2008
واخر كومنت كتبتة في اخر 2010

ههههههههههههههههههههههههههههههههههههههههههه تصدق صح اول مرة اخد بالى من كدة

بما انك بقي قديمة في الكلية دلوقتي
اية اخبار العلوم هل هي كلية معقدة زي ما بيقولوا ؟
انا نفسي ادخلها بردة بس يارب مجموعي يعمل حركة جدعنة ويجيب علوم قاهرة او اسكندرية .

ايوة احم احم بسم الله الرحمان الرحيم,الكلية و الله عادية زيها زى اى كلية عملية فيها صعوبة و صعوبة شديدة كمان بس ده حال كل الكليات العملية انا مش حسة ان علوم بالذات تمتاز بصعوبة عن غيرها, يمكن اللى بيصعب الكلية عالطلبة هما الدكاترة و ان على كول امتحانات مش بتخلص سواء شفوى او نظرى او نظرى العملى او العملى دووووووووخة بس عادى زى كل الكليات العملية, يارب ان شاء الله تدخلها بإذن الله و تتعذب فيها زينا بس عذاب حلو زى ما بيقولوا حتبلعلها الزلط و حتحس فوقت انك مكنش ينفع تدخل كلية غيرها زى ما انا حسيت انه رغم كل اللى الواحد فيه الا انه مظنش انى كنت حمشى فكلية تانية, حسب لو حضرتك علمى رياضة فطبعا الأفضل قسم الكيميا و لو علمى علوم فلأفضل برده اما كيميا او كيميا حيوى او ميكروبيولوجى و طبعا طبعا ده حسب ميول حضرتك شوف بتحب ايه يعنى لو بتحب الكمبيوترات و كدة يبقى قسم حاسب آلى و هكذا ادخل اللى انت بتحبه و حتتقن و تتفوق فيه ان شاء الله