1-أول حاجة لازم تنظم نفسك وتكون أعصابك هادية


2-هاقسّم اليوم بتاعى إزاى ؟ هو فى وقت للكلام ده كله ؟
بص كده على الجدولالأول ده
أهم حاجة اليوم يبدأ بعد صلاة الفجر : هيوفر معاك وقت كتير أوى فوق ما تتخيل .

هتقولى فى يوم علىّ فيه درسين ومش هينفع
هاقولك وفى يوم ماعلكش فيه دروس وأعوض اليوم اللى فات
ده مستقبلك وانت حر فيه واللى عاوز يذاكر هيذاكر وبطل حجج.
3- يوم حل إمتحان e ويوم حل امتحان لغة تانية (يوم ويوم) .
4- هاذاكر الجدول التالى لكن هذاكره من مذكرات ليلة الإمتحان الجدول التانى )

كده حضرتك هتكون لميت المنهج كله ( كله ) قبل الإمتحان هيتفضل مرتين كمان هاقولك عليهم
وفاضل كمان كل مادة هتتذاكر منين ( مذكرة مين )
وكمان هنعمل ايه فى شهر خمسة
لو الموضوع عجبكم والردود كتيرة هاكمل
ادعوا لأبى أن يرحمه الله

37 مشاهدة ومافيش كلمة شكر ؟؟؟
الموضوع مش عاجبكم !!!!!!

مش عاجبنا ازاى بس ده حاجة روعة انت بس بجد برنس
انا مذاكرتش كلمة من اول السنة ومش عايز اخيب ظن اهلى وكنت محبط اوى بس كلامك وجدولك الرائع فتحلى نفسى والله وانا بدات من النهارده امشى على جدولك مجهود ممتاز من حضرتك ارجو الاستمرار

وطبعا الله يرحم والدك ويكون من اهل الجنة ان شاء الله

بارك الله فيك
خطة رائعة
ويرحم الله والدك

شكرا ليكم جدا
دلوقتى نيجى لموضوع مهم جدا جدا
لماحضرتك تذاكر هتعمل ورقتين ملخص لكل فصل علشان الورق اللى هتعمله ده اللى هتذاكر منه ليلة الإمتحان فى شهر 6
هنعمل ورقة زى اللى فى المرفقات لكل فصل من المواد العلمية ودى اسمها خريطة بعرف بيها كل حاجة عن الفصل اللى بذاكره
هتكتب كل فصل اسمه ايه
وبعدين هتملا الخانات الموجودة
خانة للعدد والخانة اللى تحتيها هتكتب العناصر بس زى ماهو مكتوب
وبعدين تجيب ورقة تانية خالص هتسمع فيها لنفسك العناصر اللى انت كتبتها

لاتنسو ابى بالدعاء بارك الله فيكم

مجهود عظيم وافكار رائعة والله بس محتاج اسئل حضرتك شوية اسئلو بس
ا_ انت مخلص وده خلاصة تجربتك ولا انت لسه وده طرق مضمونة ومتجربة ولا لا ؟
2_ انا ساعات بفقد تركيزى مفيش حل سهل ؟
3_ ايه افضل حاجه اذاكر منها ؟
4_ هو فيه امل لو بدات من النهارده مذاكره بطرق حضرتك طبعا بالاجتهاد انى ادخل كليه من كليات القمة ؟
وانا اسف لو طولت على حضرتك

معلش اخر سؤال مش فاهم الحته ده ( عدد التعليلات
عدد المقارانات
4
5
نكتب بتوع ايه بس
بين ايه وايه

جزاك الله خيرا وننتظر المزيد من الابداع

الأخ bigfudg (http://www.thanwya.com/vb/member.php?u=1001347)
أولاً شكرا لإهتمامك
ثانياً أنا طبيب
ثالثاً الموضوع ده متجرب مع طلبة كتييير ووالله بيجيب م الأخر يعنى طب وصيدلة وهندسة
رابعاً ربنا بيقول :" إنا لا نضيع أجر من ؟؟؟؟؟ أحسن عملا " مش أكثر واخد بالك ؟؟
خامساً قصدى ان أنا أكتب العدد فى خانة و الخانة اللى تحتيه هاكتب ايه هى العناصر دى يعنى مثلا
لو عندى 5 تعليلات فى الفيزيا هكتب ان فى 2 منهم على الجلفانومتر و 2 على الموتور وواحد على الدينامو
وبعدين هاكتبهم بالتفصيل فى ورقة تانية السؤال بالإجابة النموذجية
ولو فى مقارانات هاكتب عددهم 3 مثلا 1 - بين الجلفنومتر و الأوميتر ، 2- بين المحرك والمولد
وبعدين اسمع لنفسى بالورقة والقلم قى ورقة تانية
أتمنى انى أكون وضحت

فاضل بأة هاذاكر منين ودول هاقولهم بالتفصيل كاملا وان شاء الله هاتذاكر المناهج كلها ( كلها ) على الأقل 3 مرات قبل الإمتحان
وبالتوفيق للجميع

الف مليون شكر على التوضيح وارجوك استمر فى مواضيعك ومشاراكانك المميزة
معلش بس مفيش اى حل لحوار التركيز بس حل جديد

ماشى علشان مانضيعش وقت على الطلبة
نبدأ هنذاكر منين
قلنا كل اللى هنذاكر منه مذكرة مراجعة ليلة الإمتحان واحفظها تقريبا ممكن حوالى 5 مرات
مرة فى اللى باقى من شهر اربعة ودى هتاخد وقت شوية
و 3 مرات فى شهر خمسة
ومرة فى ليلة الإمتحان
وخد بالك المذكرات اللى هاقولك عليها مش ملخصة ...لأ خالص دى جايبة المنهج كله بس فى صورة س و ج
يعنى مش محتاج حاجة تانى ... ونبدأ على بركة الله
العربى ليلة الإمتحان أ خالد منير
الإ نجليزى فى مراجعة محلولة مش هيخرج منها الإمتحان ان شاء الله لأنها شاملة
http://www.thanwya.com/vb/showthread.php?t=521712
والكيمياء المعمل أ/ محمد غزال
والأحياء مراجعة أ/ جمال الشمارقة
والفيزياء مراجعة الرسالة
والجيولوجيا د. كريم القط
على فكرة كل الشكر والتقدير لمدرسين المنتدى لكن المذكرات اللى بقولك عليها دى من الأخر
وكلها مذكرات ليلة الإمتحان
ماتنسوش الدعاء لوالدى

تصدق حضرتك كيفتني :d

بارك الله في حضرتك والله يرحم والدك رحمة واسعة

والجيولوجيا د. كريم القط


ياريت اللينك بتاعها عشان مش لاقيها :(

اتفضل ملزمة العلوم البيئية كريم القط
وثوانى وهارفع الجيولوجيا ان شاء الله
وأى حد محتاج ملزمة أو وحاجة يقولى

اتفضل ملزمة الجيولجيا الجزء الأول كريم القط

اتفضل ملزمة الجيولجيا الجزء الثانى كريم القط
وبالتوفيق للجميع

شكرا لحضرتك جدا

يا جماعه انا عندى مشكله كبيرة دلوقتى انا مش فاكر حاجه من الالمانى بتاع 1 و 2 كلمات وجرامر كنت بذاكره اى حاجه وخلاص وبعديه ومكنتش بروح فيه دروس وحاولت اروح درس بس مفهمتش حاجه لان المدرس بيشرح حاجات 3 على اساس ان الطلاب فاهمة وحافظه كلمات 1 و 2 فانا قعدت من الدرس فدلوقتى انا عايز ابدأ فى الالمانى مذاكرة ومش عارف لانى مش حافظ كلمات وحاجات المهمة فى 1 و 2 عشان ابدأ 3 فياريت اللى عنده مذكرات او اى حاجه عشان اعرف ابدأ يبعتهالى انا عارف ان الوقت متاخر بس انا الحمد لله المواد التانية كلها مخلصها مفيش حاجه معقدانى غير الالمانى وشكرا

الحقيقة انا مش عارف اقولك ايه ؟
انت مثال للإنسان الصالح
الله يباركلك و يكرمك
و اسكن الله والدك فسيح جناته
بس يعني ايه ف1 و ف2 ؟

و انا عن نفسي بذاكر من كتب " الامتحان " و " التوقعات المرئيه "
هل دول كده كفايه ؟
و لا فيه اي كتب تانيه تنصحني بيها ؟

اخر حاجه والله انا اسف جداً
معلش انا عارف اننا جيل منيل والله :d
عايزين لينكات ملازم المراجعه اللي حضرتك قايل عليها
أكرمك ربي و عافاك .. و من الأخطار حماك

مجهود رائع من حضرتك وربنا يرحم والدك ويسكنه جنة الفردوس ان شاء الله انا اريد ملزمة الكيمياء معمل \ فيزياء مراجعة الرسالة مشكووووووووووووووووووووووووووووووووووووووور على مجهودك

شكرا ليكم جميعا
بالنسبة ل Youssef Hany1 (http://www.thanwya.com/vb/member.php?u=783376)
ف1 تعنى فصل أول
مع احترامى كتاب الإمتحان فيه أسئلة كتيييير مالهاش لازمة ومش بتيجى خالص فى الإمتحان وبتضيع وقت بس طالما ذاكرت خلاص مافيش مشكلة
لكن كتاب التوقعات المرئية فيه أخطاء كتيير برضه فخد بالك
ودى مراجعة الكيمياء المعمل

http://www.thanwya.com/vb/showthread.php?t=406226

كده تم رفع انجليزى وكيمياء وجيولوجيا

وإن شاء الله هارفع باقى الملفات أو اللينك بتاعها

دى ملزمة قصة الإنجليزى حكاية
ومش ممكن تنساها أبدا
لاتنسوا الدعاء لأبى

الله يكرمك ياخويا
انا هطبع كل الملازم دي
و مش هذاكر غير منها و علي ضمانتك بقي
بس للعلم انا مش باخد دروس في المواد العلميه
مش باخد غير في العربي و الانجليزي و الفرنساوي
الملازم دي هتساعدني ؟ :)

ماتقلقش إن شاء الله هتدعيلى
فاضل بس انك تحل فى شهر 5 حوالى 20 نموذج امتحان لكل مادة مع إعادة حفظ المراجعات دى
وخد بالك مش هتحل إمتحانات السنين اللى فاتت لكن توقعات وإن شاء الله هارفعها قريب
فى شهر 5 كل مادة هتتذاكر كلها من مذكرة ليلة الإمتحان فى 3 ساعات فقط ماعدا العربى و الإنجليزى كل واحد هياخد حوالى 3 أيام لأن من يوم 1/6 ل يوم 6/6 هيبقى كله عربى يعنى هيبقى عندك وقت كتيييير جدا لحل الإمتحانات وان شاء الله هنزل جدول شهر مايو قريب برضه ماتقلقوش

انا بس عايز اعرف حاجه
فيه حد ذاكر اخر شهر و نص و جاب مجموع كويس ؟
لأني قلقان جداً

انا بـ اعترف
انا كنت بني آدم مهمل جدا .. و مكنتش بذاكر و لا كلمه
بس فوقت متأخر أوي
و حاسس ان انت رجعتلي الامل من جديد بعد ربنا سبحانه و تعالي

فى ناس فعلا بدأت متأخر السنة اللى فاتت بدأت 25/4 ودخلت طب عين شمس والله زى ما بقولك كده
والسنة اللى قبل اللى فاتت بنت كانت جايبة 97 % فى تانية ومش مرتبة على المدرسة وفى تالتة جابت 99,7% وبرضه دخلت طب عين شمس
اعمل بس اللى بقولك عليه وأى حاجة انت عاوزها افتكر قول الله:"هو علىّ هيّن "
الموضوع اسط مما تتخيل والمنهج صغير جدا
والله شد حيلك بس اليومين دول وفى شهر 5 هتراجع المنهج أحسن من أى حد
لسه فى حاجات هاقولك عليه هترفعك فى السما بس حاول بقدر الإمكان تقرب من ربنا وتفضل معاه على طول مش علشان أيام الإمتحانات
وخلى والدتك تدعيلك كتير

وبالتوفيق ان شاء الله :022yb4::022yb4::022yb4::022yb4:

جزاك الله خيرا
وبالتوفيق لنا جميعا ان شاء الله

بالنسبة لموضوع التركيز , فى الأيام دى لازم تعمل الحاجات دى:
1- اقفل جميع الأكونتات بتاعتك على مواقع التواصل فورا من غير تفكير " فيس - تويتر - انستجرام- أسك "
2- حاول تقلل خروجك من البيت بقدر الإمكان ولو ماتروحش دروس اليومين دول أفضل
3- اقفل الموبايل بتاعك وشيل الخط ولو فى حاجة مهمة يبقى يتصل على موبايل ماما أو بابا
هو الشهر ونص دوول وبعد كده هتبقى فى أجازة
لو فى موضوع شاغلك أجل التفكير فيه دلوقتى خالص مش وقته مستقبلك أهم
أكثروا من الإستغفار.... واوعى تيأس مهما حصل:078111rg3::078111rg3:

والله لو اطول ابوسك كنت عملت كده :v

يا جماعه انا عندى مشكله كبيرة دلوقتى انا مش فاكر حاجه من الالمانى بتاع 1 و 2 كلمات وجرامر كنت بذاكره اى حاجه وخلاص وبعديه ومكنتش بروح فيه دروس وحاولت اروح درس بس مفهمتش حاجه لان المدرس بيشرح حاجات 3 على اساس ان الطلاب فاهمة وحافظه كلمات 1 و 2 فانا قعدت من الدرس فدلوقتى انا عايز ابدأ فى الالمانى مذاكرة ومش عارف لانى مش حافظ كلمات وحاجات المهمة فى 1 و 2 عشان ابدأ 3 فياريت اللى عنده مذكرات او اى حاجه عشان اعرف ابدأ يبعتهالى انا عارف ان الوقت متاخر بس انا الحمد لله المواد التانية كلها مخلصها مفيش حاجه معقدانى غير الالمانى وشكرا

الالمانى مش محتاج حاجه ... انا كنت مضيع فى الالمانى فى 1 و 2 و مكنتش بذاكره بس فى 3 ثانوى راجعت المناهج هى سهله مفيهاش حاجه .... هات كتاب star للمراجعه هو عامل ملخص و اسئله كتير على كل درس لو حلتها الامتحان مش هيخرج منها ... بس لازم يبقى معاك مدرس عشان يشرحلك بعض الدروس الصعبه

مراجعة الرسالة فى الفيزياء لمستر عيد الرفاعى

http://www.thanwya.com/vb/showthread.php?t=590960

لاتنسوا الدعاء لوالدى رحمه الله

بس قى مدرسين يقولولنا حزارى ان تراجعوا اول مراجعة من ملخصات
هما بيقولوا لازم نراجع من اللى كان معانا طول السنة
هل وجهة نظرهم صحيحة ؟
ولا ممكن اراجع من المذكرات دى ويجيب اسئلة من بين الدروس كدا ؟ ولا ايه ؟

أولا كلام المدرسين صحيح 100%
لكن إحنا قولنا دى مش ملخصات خالص دى المنهج فى صورة س و ج
لازم تعرف السؤال بيجى إزاى فى الإمتحانات وايه هى إجابته النموذجية
لأن حل الإمتحانات هيغطى تقريبا من 10 ل 15 % فقط والباقى أسئلة مكررة
ولو حضرتك لامم المنهج كويس من اللى معاك أول السنة خلاص يبقى مش محتاج للمازم دى
وشكرا ليك

جزاك الله خيرا ورحم الله والدك واسكنه جنه الفردوس
ممكن مراجعه للفرنساوى تنصحنى بيها او ملزمه لانى مش فاكره منهج اولى وتانيه وكلمات ثالثه بنساها بسرعه

اتفضلى دى مراجعة ممتازة للفرنساوى

لكن يبدو من كلامك أن حضرتك محبطة نوعا ما شدى حيلك وماتخافيش
الموضوع هيعدى إن شاء الله
ولو احتاجتى حاجة تانى عرفينى وماتقلقيش
http://www.thanwya.com/vb/showthread.php?t=607749

وممكن حضرتك تشرفينا هنا وان شاء الله هنساعدك
http://www.thanwya.com/vb/showthread.php?t=642123

اولا شكرا جزيلا على الموضوع ده
وثانيا انا عندى مشكلة انى مش عارف احفظ كلمات الانجليزى خالص وهذا الشىء عملى عقدة من الانجليزى لدرجة انى للان لم اذاكر اى شىء بالانجليزى يا ريت تنصحونى اعمل ايه

الله يرحم والدك ويغفر له ويسكنه فسيح جناته
شكرا جدا جدا جدا
اديتنا دفعة امل
ويا ريت تقولنا كل النصايح اللي تعرفها عشان بجد ساعدتنا جدا

ياجماعة مافيش حاجة اسمها حفظ كلمات فى اللغة الأولى ولا فى اللغة تانية دى كلها أوهام
الإمتحان بيعتمد على الحل الكتير والكلمات الصعبة اللى بتيجى بتتخمن لو مش عارف معناها
ذاكرو الإنجليزى والفرنساوى من المذكرات اللى رفعتها وتوكلوا على الله
وسامحونى بلاش شغل الإبتدائى ده انت مش داخل الإمتحان تسمع كلمات ده امتحان ثانوية عامة

وانتظروا نصائح شهر مايو اللى ان شاء الله هترفع مجموعك ل 99,9% ان شاء الله

لاتنسوا الدعاء لأبى

بارك الله فى حضرتك يا دكتور وان شاء الله اكون دكتوره وان شاء الله هعمل اللى حضرتك بتقوله اصلا انا حاسه انى بضيع فى المنهاهج

ربنا يرحمه يارب

ياجماعة انا أسف مش بعرف أرد على رسائل خاصة علشان عدد المشاركات مش وصل 100

لكن لو حد عاوز حاجة ده رقم موبايلى

01023130849

شكرا ليكى يا amal alamir (http://www.thanwya.com/vb/member.php?u=992219)
وان شاء الله ربنا هيوفقك ماتقلقيش بس أهم حاجة ماتخافيش وتوكلى على ربنا

رحم الله الفقيد واسكنه فسيح جناته
شكرا عالمجهود يا دكتر
وبالتوفيق للجميع

بجد موضوع ممتاز جدا واستفدت منه ربنا يباركك فى حضرتك
انا كنت عايزة اقعد من الدروس خالص شهر 5 واذاكر مع نفسى فى البيت بس المدرسين كلهم بيقولونا ان الموضوع ده هيودينا فى داهية واللى عملوا كدة السنةا للى فاتت مجابوش اى حاجة
يا ترى اعمل ايه انا محتارة قوى ؟

شكرا لذوقك mariam 1 (http://www.thanwya.com/vb/member.php?u=546038)

هو الأفضل ان حضرتك تقعدى مع نفسك علشان تركيزك يعلى خاصة أن كتير من المدرسين بيراجع فى شهر خمسة حاجات معينة مابيقدرش يراجع المنهج كله وانتى بتبقى قلقانة علشان فى حاجات عاوزة تلميها
ومع احترامى لكلام المدرسين هو غلط إلا اذا كنتى بتحلى معاه امتحانات كاملة تحريرى غير كده هو تضييع للوقت
ولو ذاكرتى من الملازم اللى قلنا عليها مش هتحتاجى لدروس خالص غير جدول شهر خمسة اللى لسه هنقول عليه واللى يعتبر مفاجأة وفى فرق بين واحد بيقعد فى البيت علشان يركز ويلم أو وحد بيتخبط مع نفسه

ميرسى خالص لرد حضرتك السريع
وانا فى انتظار المفاجاة :d

والله لو جدول شهر خمسه ده
ينفع للي مذاكرش حاجه من أول السنه
يبقي انا منتظره :d :d

ايه ياجماعة داخلين على ألف متصفح للموضوع وما فبش دعوات
ايه البخل ده ... كما تدين تدان
يلا عاوزين دعوات لوالدى الله يرحمه

ربنا يرحمه يارب
لو عند حضرتك صفحه على الفيس بوك علشان الفيس اسرع ونعرف نتواصل مع حضرتك

شكرا جزيلا

:078111rg3:ربنا يكرمك يا رب ويرحم والدك ويسكنه فسيح جناته

ياريت ياجماعة الزائر رقم ألف يكتب رد علشان نعرف مين هو . ... ؟؟؟!!!!!

جاهزين يا وحوش الثانوية العامة

انا كده بدأت اتوغوش هههههههههههههههههههههههه :d

طيب نزل الجدول دلوقتي
و نبقي نتفاجئ في شهر 5 :d

ياجماعة مافيش حاجة اسمها حفظ كلمات فى اللغة الأولى ولا فى اللغة تانية دى كلها أوهام
الإمتحان بيعتمد على الحل الكتير والكلمات الصعبة اللى بتيجى بتتخمن لو مش عارف معناها
ذاكرو الإنجليزى والفرنساوى من المذكرات اللى رفعتها وتوكلوا على الله
وسامحونى بلاش شغل الإبتدائى ده انت مش داخل الإمتحان تسمع كلمات ده امتحان ثانوية عامة

وانتظروا نصائح شهر مايو اللى ان شاء الله هترفع مجموعك ل 99,9% ان شاء الله

لاتنسوا الدعاء لأبى


نصحية جميلة جدا شكرا جزيلا وعلى فكرة انا محمل مذكرات الانجليزى اللى انت بتقول عليها من زمان شكرا جزيلا وجزاك الله خير

جزاك الله خيرا وجعله الله فى ميزان حسناتك ساعدتنا كتير واعطتنا امل ان ان شاء الله نقدر نلم المنهج

شباب الثانوية العامة

أولا الله يكون فى عونكم على اللى انتم فيه انا حاسس بيكم وانتو بتفكروا فى حلم حياتكم ازاى تفرحوأهلكم فى البيت وان ما فيش وقت ومش عارفين تعملوا ايه وحاسين انكم تايهين وعندكم كسل وخمول مع إن من جواكم بتتقطعو ونفسكم تذاكروا وتقعدوعلى الكتاب وممكن تعملوا أى حاجة ماعدا المذاكرة وده غصب عنكم

طيب .... ايه هو الحل ؟
بكل بساطة ومن غير تعقيد ومن غير كلام فلسفى
الأول : انا متأكد انكم أسود بيستريح من معركة كبيرة لكن لو فاق ماحدش يقدر يقف أدامه
ثانياً: لازم تبعدوا عن وهم حاجة اسمها الثقة بالنفس
مافيش حاجة اسمها أنا ماعنديش ثقة بنفسى الثقة تكون بربنا بس

لكن ده وقت انك تقوم تقف على رجليك وترفع عينك للسما بشموخ وانت بتنفض هدومك من التراب وبتقول يارب راجع ساعدنى والناس كلها بتسقفلك وتنادى عليك
فرحانين بيك بيفكروك بمجدك الشخصى وانتصاراتك أيام زمان

السباق لسه مخلصش وخط النهاية لسه ماحدش وصله ماتقفش سابق
سيب كل حاجة ورا ضهرك اجرى ارفع راسك وحط عينك على خط النهاية وان شاء الله هتوصل وهتفوز

المهم مهما وقعت قوم واقف وقول بأعلى صوتك أنا البطل أنا اللى هافوز ان شاء الله
ماتخافش ماتبصش وراك حفز نفسك قوم تانى وتالت ومليون الدنيا لسه مانتهتش وانت مش ضعيف وافتكر لو خاتم ماس وقع فى التراب مابيفقدش قيمته لكن مابيتعرفش الا لما التراب يتشال من عليه

قوم وقول يارب انت سندى وعليك توكلى وماليش غيرك يارب ماتسبنيش يارب يارب
ربنا كبير وكريم ورحيم ماتقولش أنا مااستاهلش الكريم لما بيدى مش بيديك انك تستاهل والا لأ ...خالص دا بيديك لأنه كريم ومش محتاج منك حاجة وربنا قادر على كل حاجة وأى حاجة شايل همها ماتخافش ربنا بيقولك " هو علىّ هين" اتوكل على ربنا وماتخافش هو أرحم الراحمين وأرحم بيك من أمك يعنى لو مجموعك فى ايد مامتك هتبخل عليك ؟؟ طيب شوف بأه هو فى ايد اللى أرحم بيك من ماماتك

ياجماعة اللى ليه واسطه مابيخافش أمال اللى واسطته ربنا يطمن إزاى ؟؟؟

ربنا ممكن يغيرلك قوانين الكون لو انت اتوكلت عليه ووثقت فيه ورجعتله المية تبقى يابس زى ما عمل لسيدنا موسى والصخر يخرج منه ميه زى ماعمل لقوم موسى

ربنا مابيعجزوش حاجة ... ياجماعة الجأو لربنا بقلوب مؤمنة وشوفوا هيعمل ايه علشانكم

وابدأ مرة واتنين وتلاتة ومليون وماتقفش مهما حصل
وان شاء الله أنا معاكم لحد النتيجة كل يوم ,كل لحظة بس ابدأ
قوم رتب نفسك من الأول وجديد مش الثانوية اللى هاتهزمك مش الثانوية اللى هاتقضى عليك بالعكس انت اللى هتديها القاضية
وافتكر أهم حاجة توفيق ربنا مش المذاكرة والله واسألونى أنا وخلى مامتكم تدعيلك كتير

وتدعيلى أنا كمان:angry2:

وبالتوفيق:cool::cool:

ممكن لو سمحت مذكرة الاحياء :)
وجزاك الله خيرا :)

اتفضلى فاطمة محمود حامد (http://www.thanwya.com/vb/member.php?u=741368) دى مذكرة الوراثة

http://www.thanwya.com/vb/showthread.php?t=37040

ودى ملزمة البيولوجيا

http://www.thanwya.com/vb/showthread.php?t=203209

التكاثر شرح
http://www.thanwya.com/vb/showthread.php?t=381306



وأدى مذكرة التكاثر أسئلة


http://www.thanwya.com/vb/showthread.php?t=211532

جزاك الله كل خير :)

الف شكر واللهى كجهود رائع بس انا عندى مشكلة مش مش بعرف احل مسائل فيزياء و الجولوجيا ممكن احفظها من الملازم دى ارجو الرد ؟؟

جزاك الله خيرا

لو سمحت مذكرة العربى و الفيزياء مش عارف هما فين ...

الله يرحم والدك رحمه واسعة ويدخله فسيح جناته

عبدالله محمد حسن (http://www.thanwya.com/vb/member.php?u=482432)
بالنسبة للجيولوجيا ..أه ذاكر من الملازم دى كفاية جدا
وبالنسبة للعربى والفيزياء احنا شيرنا الروابط بتاعتهم هنا فى الموضوع دور وهتلاقيهم

بالنسبة لحل مسائل الفيزيا ماتشلش هم بس ركز على النظرى دلوقت وخلصه وفى جدول مايو
هنظبط الدنيا كلها وان شاء الله خير

ربنا يطمنك ..
ماشى هدور عليهم بس يا ريت لو مش عرفت ترفعهم تانى ..
كمان هخلص النظرى بتاع الفيزياء اليومين دوول عل ما تنزل جدول مايو دةة و يا ريت المسائل هى المشكاة الاساسية ..
واللهى ...
جزاك الله خيرا وجعله في ميزان حسناتك ..

لو سمحت مذكرة العربى أنا جيت الفيزياء الحمد لله ؟؟؟

ربنا يرحم والدك ويسكنة فسيح جناتة ان شاء الله
بس فية سؤال لو سمحت انا بحل مسائل من كتاب الوسام وكم المسائل كتير جداً وفي مسائل صعبة إية رأيك أكمل منو ولا أعمل إية؟

wihad2004 (http://www.thanwya.com/vb/member.php?u=74392)
الفترة اللى جاية مش مطلوب تحل مسائل مش محلولة أو ليس لها إجابات لكن
احنا فى شهر مايو .... انتظر المفاجأة

اين مذكرة العربى ؟؟

جزاكم الله خيرا

يا جماعه ارجوكم حد يلحقنى فى الالمانى انا مش عارف اعمل ايه المواد كلها ممكن اذاكرها لكن الالمانى مش عارف هعمل فيه ايه حد يجبلى اى مذكرة ولا اى حاجه انا جبت كتاب star ومفهوش كلمات اولى وتانيه المهمين لان فيه اسئلة انا مش بعرف اترجمها اللى عنده حل يجبهولى ارجوكم

عرفنا ميعادها حتى علشان الحماسة قاتلانى

ما تقولنا اسمك ياعم
نقولك يا دكتور ايه طيب :d

طب هى عبارة عن ايه يا دكتور ؟

الله يرحم والدك .. وجزاك الله خيرا

ممكن لو سمحت تنزلى اجابات دليل التقويم (كيمياء واحياء وجيولوجيا ) والمراجعة النهائية نيوتن فى الفيزياء
بجد محتجاهم ضرورى .....وجزيت خيرا على المجهود العظيم ده :)

مشكوووووور أوي يا دكتور ويا رب يرحم والد حضرتك ويجعل هذا العمل في ميزان حسانتك

بالنسبة لعلم رياضه مفيش مراجعة ليلة اﻻمتحان

السلام عليكم ورحمة الله وبركاته

أسف لانشغالى عنكم الفترة اللى فاتت
اللى بسأل على اسمى .... اسمى د.محمد
بالنسبة لعلمى رياضة فى مذكرات وان شاء الله هارفع الروابط

بالنسبة لجدول شهر مايو ان شاء الله هابعته بكرة على الخاص لمن شارك معنا فى هذا الموضوع فقط ولن يرفع لمن يبخل علينا بالدعاء ولم يشاركنا ...سامحونى

انتظرونى غدا وسيكون شرح مفصل لكل جزء بالجدول

ربنا يرحم والدك ويسكنه فسيح جناته
جزاك الله كل خير

اللهم اغفر للمؤمنين والمؤمنات والمسلمين والمسلمات الاحياء منهم والاموات .. جزاك الله خير

ربنا يبارلكنا فيك ولك جزيل الشكر والعرفان

يارب وفقنا جميعا
ربنا يرحم والدك

النهارده 30 - 4
و المفروض المفاجأه تنزل بقي
مش كده و لا ايه ؟

ماشى ياعم يوسف اللى انت عاوزه
بس الدعوات تكتر والا انت مستخسر فيا

ربنا يرحم والدك يا شروق

لا حول و لا قوة الا بالله
اوعي تقول كده يا دكتور
بندعي قسماً بالله
و خليت والدتي و جدتي يدعو لوالدك الله يرحمه والله
و متنساش أبداً " عن أبي هريرة أن رسول الله قال: ) إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له ). "
و رحم الله والدك يا أخت " شروق " ..

كما وعدت بفضل الله وفيت

مفاجأة شهر مايو لطلبة الثانوية العامة

لاتبخلوا بالدعاء ولو سرا

الله يكرمك و يجعله في ميزان حسناتك
و يرحم والدك و يجعله من أهل الفردوس الأعلي يارب العالمين
فعلاً زي ما انا قولت انت مثال للولد الصالح

ربنا يكرمك ويرحم والدك ويسكنه الفردوس الأعلي
شكرا جدا جدا جدا
بس المشكلة ان في دروس لسه مستمرة
وطبعا في ليها واجبات
اوقف الدروس كلها ولا ايه؟
انا بقيت بطنش الواجب شوية يعني بقول لما اخلص اللي ورايا هبقي اعمله
بس فعلا الواجب كتير جدا وكل شوية امتحانات
مدرس الفيزياء ممكن يطلب مننا نخلص فصل في 3 كتب مثلا في اسبوع
انا مش عارفة اعمل ايه بس فعلا واضح ان جدول حضرتك رائع وعايزة اطبقه

بجد بجد جزاك الله كل خير
وربنا يجعله فى ميزان حسناتك
وربنا يرحم والدك ويسكنه فسيح جناته

جزاك الله كل خير
ورحم الله والدك وجميع موتى المسلمين

ربنا يكرمك ويرحم والدك الجدول رائع ممكن حضرتك تقول ليه مانحلش امتحانات السنين اللى فاتت

ربنا يرحم والدك يارب ويرزقه الجنه

مجهود أكثر من رائع ف انتظار الجدول

الى ..Ginger (http://www.thanwya.com/vb/member.php?u=843842)

قلنا أى درس فى امتحانات ماشى ممكن نكمله لأننا فى شهر مايو هنحل امتحانات
لكن موضوع الواجبات ده مش كويس لأنه على حساب مذاكرتك
ياإما تتكلمى مع المدرس يعفيكى من الواجبات
أو الحصص اللى مش محتاجاها ماتروحيهاش
إنتى أهم من أى مدرس

لو سمحت انا مخلص المراجعة الثانية الحمد لله بس ضيعت مني يوم في شهر 5 كنت مكسل فيه جدا وانا علمي علوم يعني مشواري شاق جدا ارجو الافادة

توكلت على خالقى
مش فاهم تقصد ايه ؟

اني كسلت في يوم وخايف طب بشري تضيع

النبى بيقول لن يدخل أحدكم الجنة بعمله قالو ولا انت يارسول الله قال ولا أنا الاان يتغمدنى الله برحمته

حضرتك مش هتدخل الجنة بعملك هتدخل الطب بمذاكراتك ؟
الموضوع موضوع توفيق ربنا اتوكل على الله واطرد الشيطان من بالك

ونعم بالله

ياجماعة أنا كنت ناوى انزل نماذج امتحانات روعة بإجابتها النموذجية
لكن الردود والدعوات مش قد كده
دا غير توقعات ليلة الإمتحان فى كل مادة وملازم بين السطور

ياجماعة أنا كنت ناوى انزل نماذج امتحانات روعة بإجابتها النموذجية
لكن الردود والدعوات مش قد كده
دا غير توقعات ليلة الإمتحان فى كل مادة وملازم بين السطور

لااااااااا
نزلهالنا ربنا يخليك :rolleyes:
احنا محتاجين كل حاجة
وعلي فكرة الجدول ما شاء الله رااااااائع :d

ربنا يرحم والدك ويدخله فسيح جناته ويجعل قبره روضة من رياض الجنة ويجمعك به فى الفردوس الاعلى

يا ريت الجديد 2016

تحديث الموضوع ضروري

فين الزفت المذكرة

مراجعة التفاضل والتكامل

http://www.thanwya.com/vb/showthread.php?t=644016

مراجعة ديناميكا

http://www.thanwya.com/vb/showthread.php?t=644024

مراجعة استاتيكا


http://www.thanwya.com/vb/showthread.php?t=644019

الهندسة الفراغية

http://www.thanwya.com/vb/showthread.php?t=109478
الــــــــــــــجـــــــــــبر

http://www.thanwya.com/vb/showthread.php?t=540090

الإحصاء

http://www.thanwya.com/vb/showthread.php?t=67757

الإقتصاد

http://www.thanwya.com/vb/showthread.php?t=649023

تابعوا يا جماعة الموضوع دهhttp://www.thanwya.com/vb/showthread.php?p=6414040#post6414040

جزاك ربي خيرا

انت برنس كمل ع كدة

المراجعة النهائية فى الكيمياء 2016

http://www.thanwya.com/vb/showthread.php?t=406226

المراجعة النهائية فى العربى 2016

http://www.thanwya.com/vb/showthread.php?t=649854

يا شباب اللى مش عارف يراجع ازاى فى ملف فى الرابط ده فيه ازاى تراجع مع جدول مراجعة ممتاز

http://www.thanwya.com/vb/showthread.php?t=684951