ممكن يا جماعة لو سمحتم حد يعرفلنا القانون/ القرار الوزاري
الخاص بتوزيع الحصص الاحتياطي على المدرسين
لأن في بعض مديرين المدارس لما بيحط مدرس في دماغة بقرفه في الحصص احتياطي
في الوقت اللي بيكون فيه الناس التانية مريحة
.
فهل فعلاً هي المفروض توزع حسب الحصة نفسها يعني لو الحصة رياضيات يبقى المدرس الاحتياطي لازم يكون رياضيات
ولا حسب المدرس الاقل في عدد الحصص يدخل أي حصة احتياطي لحد ما يكمل النصاب
ولا بمزاج الإدارة
.
فياريت علشان الكل يعرف حقه
ترفعولنا القانون/ القرار أو حتى رقمه وسنة صدوه
ولكم جزيل الشكر

فى بند فى القرار 313 للتقويم الشامل ينص على ان الاحتياطى للمدرس غير كامل النصاب وفى طريقة ممتازة لتوزيع الاحتياطى نطبقها فى مدرستنا وهى قمنا بحساب عدد المعلمين بالمدرسة ومن ثم توزيع عدد المعلمين على ايام الاسبوع بواقع لكل معلم يومين فى الاسبوع يوم الاشراف بالاضافى الى يوم ثانى وبذلك يصبح للمعلم يومان يدخل فيهما احتياطى وباقى الايام يكون اشخاص اخرين ارجوا ان تكون الفكرة وضحت

قصدك المشرف بس هو اللي بيشيل الاحتياطي في يوم اشرافه
احنا بنعمل كده برضو

يعني يا جماعة مفش حد هيقدر يفيدنا في رقم قانون/ قرار
يكون بينظم الموضوع دا علشان نعرف اللي لينا واللي علينا

أنا رجعت إلى القرار 313 مفيش فيه أي حاجة عن الحصص الاحتياطي

مع نفسك كده حاول تعرف كل مدرس بياخد كام حصه
واعرف الاحتياطي بياخده كام مرة
ولنا تلقي نفسك صاحب النصاب الاكبر وع حق
ابقي امتنع عن الاحتياطي واكتب ان نصابك لا يسمح بكل هذا الضغط علما بانه يوجد من هو اقل ف النصاب القانوني للحصص الرسميه
المدرس اصلا شخصيه ولو المدير مشي كلامه عليه هايبهدله عمال ع بطال
ملحوظه وربنا يسامحني
لما تتعدي ع رئيسك المباشر بالضرب او اللفظ
اخرك جزا 5 ايام تقريبا
وبعد6 شهور بيرجع سجلك ابيض زيك

فكرة توزيع الحصص الاحتياطية للسادة المعلمين
يقسم عدد المدرسين جميعا علي ايام الاسبوع بالاختيار والتنسيق
نصاب كل معلم + جماعات النشاط + اعمال أخري بالمدرسة بواقع حصتين للنشاط والاعمال الاخري حصتين+ الاشراف العام حصتين
بمعني معلم يعمل ب 10 حصص + 2نشاط+ 2اشراف عام + 2 اعمال اخري( احصاء ........) ويتم توزيع الانصبة بالتساوي علي هذا الاساس علي مدار ايام الاسبوع لكل معلم يوم واحد او اثنين تبع العجز والزياده
نفترض ان فيه عدد كبير غائب يتم سد العجز في الاحتياطي من اليوم التالي بنظام ( الحصة عليك ) يعنى انا اخذت مكان واحد يبقي الواحد لما يرجع عليه الحصة دى
والحمد لله النظام يعمل بجدية وبدون ادني مشكلة منذ عامين

فكرة توزيع الحصص الاحتياطية للسادة المعلمين
يقسم عدد المدرسين جميعا علي ايام الاسبوع بالاختيار والتنسيق
نصاب كل معلم + جماعات النشاط + اعمال أخري بالمدرسة بواقع حصتين للنشاط والاعمال الاخري حصتين+ الاشراف العام حصتين
بمعني معلم يعمل ب 10 حصص + 2نشاط+ 2اشراف عام + 2 اعمال اخري( احصاء ........) ويتم توزيع الانصبة بالتساوي علي هذا الاساس علي مدار ايام الاسبوع لكل معلم يوم واحد او اثنين تبع العجز والزياده
نفترض ان فيه عدد كبير غائب يتم سد العجز في الاحتياطي من اليوم التالي بنظام ( الحصة عليك ) يعنى انا اخذت مكان واحد يبقي الواحد لما يرجع عليه الحصة دى
والحمد لله النظام يعمل بجدية وبدون ادني مشكلة منذ عامين



لك جزيل الشكر
بس أنا عايز الوضع القانوني
يعني القرار/ القانون رقم كذا بينص على كذا
لأن المدير عندها ليه ناس حبيبه وناس مطلع عينها
ناس النصاب بتاعها كلام فاضي ومش بتعمل أي حاجة
وناس تانية النصاب بتاعها أكبر وتقريبًا أسميها مش بتتشال من الاحتياطي
فأحنا عايزين وضع قانوني علشان نحط القرار/ القانون في عينه ومحدش يمسك علينا حاجة
الوضع الودي مش نافع معاه وبيقولك إن كان عجبك واللي عنده حاجة يروح يشتكيني في الإدارة

يعنى كده مفيش قانون بينظم الحصص الاحتياطى يعنى انا ممكن أشيل كم حصة احتياطية فى اليوم حتى لو كنت فاضى؟

او ممكن تخلي علاقتك حلوة بالمدير

يبدو ان مفيش رد مقنع أو مفيش قانون

شروط وضوابط حصص الاحتياطى داخل المدارس
•
حصص الاحتياطي :-
1- أن المدرس وفقاً لوضعه الوظيفى من حيث الدرجة له نصاب معين من الحصص بداية من 24 حصة فى الأسبوع و انتهاءًا بـــــ 14 حصة فلو افترضنا أن المعلم الذى ينبغى أن يدرس 24 حصة فى الأسبوع ولكنه يقوم فعلياً بتدريس 14 حصة فقط يتم رفع حصصه إلى أقرب نصاب وهو سيكون هنا 22 حصة فيكون نصيبه من حصص الاحتياط 8 حصص أسبوعياً ، والمدرس الذى يدرس فعلياً 18 حصة يكون نصيبه من حصص الاحتياطى 4 حصص أسبوعياً وهو الحد الأدنى من حصص الاحتياطى والحد الأقصى هو 8 حصص لمن يدرس عدد فعلى من الحصص يقدر بـ أقل من 8 حصص أسبوعياً ليكون إجمالى حصصه بالاحتياطى هو 16 حصة .
2- يكون المعلم الأعلي والأقدم في المستوي هو المشرف علي المادة ويخفض النصاب بالنسبة له بمقدار حصتين .أولا : توزيع حصص الاحتياطي ليس له قاعدة ثابته وتختلف من مكان لآخر حسب إدارة المدرسة

3- يتم عمل كشاف يوضع فيه أسماء جميع المعلمين بالمدرسة ويتم توزيع حصص الاحتياطي عليهم بالتناوب بدءاً من الأول حتي الأخير ثم نبدأ مرة أخري من الأول حتي الاخير وهكذا
ثالثا : يتم توزيع حصص المعلم القائم بأي نوع من انواع الاجازات علي زملائه في نفس التخصص أولا وذلك لمصلحة الطالب ثم بعد ذلك علي الزملاء الأخرين .

4- في حالة كونه المعلم الوحيد بالمدرسة في نفس التخصص ولا يوجد سواه وإذا كان متأخرا ً في منهجه ولمصلحة الطالب يقوم المعلم بأخذ حصص من زملاءه الذين قاموا بأخذ حصص احتياطي بالاتفاق فيما بينهم

مشكور جدا و رائع

لوجين 20

ههههههههههههههههههههههههههه

انتي جيه تهدي النفوس :) :) :) :) :)

فطستيني م الضحك والله :)

شكرا جزيلا وبارك الله فيكم

هناك مشكلة منذ فترة فى التحميل بالموقع

برجاء حلها فى اسرع وقت

ولكم التحية والتقدير

يعنى حضراتكم المدرس اللى نصابه مثلا 20 حصة يبقى لازم يكمل الـ 4 حصص احتياطى ؟ يا سلام ؟ طب و بالنسبة لمدرسين النشاط و الأخصائيين (بتوع المسرح و المكتبة و معامل الكمبيوتر و غيرهم) اللى مأنتخين طول النهار و مبيعملوش أى حاجة و لا بيشيلوا احتياطى ولا غيره ، هو الهم كله على دماغ المدرسين بتوع المواد الأساسية اللى ليهم أنصبة ؟ طب ما نولع فيهم أو نكهربهم أحسن !!

ربنا يباركلك

الروابط راجيا لكم كل التوفيق الخاصة بالموضوع لا تعمل