السلام عليكم ورحمة الله وبركاته
لقد تم انهاء تعاقد المعلمين المساعدين الذى امضوا 3 سنوات فى ادارة جرجا التعليمية بمحافظة سوهاج ولم يحصلوا على شهادة الصلاحية ( الدبلومة ) على الرغم من انهم جميعا يدرسونها هذا العام بل ان منهم من هو راسب فى مادة واحدة فقط فهل تم تطبيق هذا القرار فى ادارة تعليمية اخرى وهل هناك بالفعل فتوى صدرت من مجلس الدولة بذلك الأمر ؟؟؟؟؟؟

:excl: القرار قانوني :
لان قانون 155 نص صراحه علي الاتي: يعين في وظيفه معلم مساعد لمده عامان يحصل خلالها المعلم المساعد علي شهاده الصلاحيه من الاكاديمية المهنيه للمعلمين ثم يصدر قرار من المحافظ بتثبيته ووزير التعليم وان لم يستوفي المعلم المساعد الشروط والحصول علي الصلاحيه خلالهم يجدد له لمده عام ثالث فقط
وبناء علي الماده الصريحه دي اللي في قانون 155 وبدون ان يصدر فتوي من هيئه قضايا الدوله فيحق لوزاره التربيه والتعليم عدم تجديد العقد بعد السنه الثالثه بل ان تجديد العقد لمده سنه رابعه يعد مخالفه للقانون يستجوب ان تحاسب عليها وزاره التربيه والتعليم ومما سبق يتضح لنا ان الوزاره علي حق وموقفا قانوني ثم يا اخي الكريم من قال ليك ان الصلاحيه انك تاخد الدبلوه هذا خطأ يا استاذ الدبلومة يا استاذي شرط من شروط الحصول علي الصلاحيه!!!
ونقولكم ايه هي الصلاحيه (الصلاحيه هي انك تعمل ملف فيه الاتي الدبلومه وال icdl واخر تقريرين من الموجه والمدير 90% كفء وشهاده تدريب التطبيقات التربويه للمعلم المساعد كل ذلك مع بعض الاوراق الاخري تجمعهم في ملف وتسلمهم للاكاديمية لما تفتح وبعديها يصدر قرار من الاكاديمية ومن الوزير انك حصلت بناء علي تقديمك للملف علي الصلاحيه وتستحق تبقي معلم وبعديها يصدر قرار من المحافظ بانك تبقي معلم) فالصلاحيه هي قرار وزاير التربيه والتعليم وان اسمك يجي في كشوف الاكاديميه بعد ما تقدم ملفك فللعلم مش معني انك اخدت الدبلومه يبقي انت اخدت الصلاحيه لا ممكن يبقي معاك الدبلومه ويفسخوا عقدك لعدم الحصول علي الصلاحيه برضك هذا للعلم

ماسمعتش الكلان ده ف المنشاه
ماعتقدش ان في حد اتفسخ عقده لعدم حصوله ع الصلاحيه
لو سمعت هابلغك

استاذ شريف انا اعلم جيداً هذ الكلام ولكن هناك الكثير من المعلمين المساعدين استمروا فترة اكبر من 3 سنين ومع ذلك لم يتم فصلهم ومنهم ناس من 2007 ومتثبتوش غير السنة دى يعنى بعد 8 سين وفى الحالة دى المفروض يبقى تثبيتهم لاغى وبعدين الكلام ده مش موجود غير فى ادارة جرجا

شكراُ استاذة لوجين على اهتمامك

خليهم يعملوها فى ادارة المنيا و اقسم بالله نولع فيهم بالادارة بالمديرية وبيوتهم احنا واخدين قروض وكل واحد فينا وراه عيال وقطع الرقاب ولا قطع الارزاق

مافيش حاجه ف المنشاه

هل سيطبق هذا القانون علي المعلم المساعد المتعاقد بعقد مميز بتاريخ 1-4-2014 و متي ؟
رجاء الرد سريعا وشكرا

only_me_256

ما هو ده اللى هيحصل ان شاء الله

لا يامحمد الكلام ده للناس اللى ليها اكتر من 3 سنين ولم يستوفوا الشروط ولم يطبق الا فى ادارة جرجا فقط !!!!!!!!!

يعني انتو مش بتروحو المدرسه حاليا؟
مافبش كده ف المنشاه

لا يا لوجين اترفعت توقيعاتنا ومرتباتنا من اول الشهر ده

تعاقد كام انتم؟
المنشاه ماعملتش كده ليه؟
حد سال ف المديريه او التنظيم والاداره؟

مفيش حاجة جديدة في الموضوع ده؟ وحد سمع حاجه عنه في المنيا؟

طالما ماتعممش ف باقي الادارات يبقي رفع توقيعاتكم مخالف وليعرضكم لانقطاع عن العمل
انا واحده ف المدرسه نفس ظروفك وبتمضي عادي
اسال ف التنظيم والاداره وبلغ ان رفعكم من التوقيع بيأثر ع العمليه التعليميه
وبيهدد مصلحه التلميذ لان مافيش مدرسين كفايه لسد العجز