سؤال تخيلي شوية بس مهم اوي [الأرشيف] - بوابة الثانوية العامة المصرية

**تسابيح**

08-08-2008, 09:32 PM

بصراحة هو سؤال تخيلي للمستقبل
مثلا لو كل واحد منا اتخيل انه اتجوز وبقي ليه حياته الخاصه
اللي هو متحكم فيها وبعدين بقي عنده اولادك المهم انت او انتي
بقيتي ام لبنت او اب لبنت برده وطلبت انها تدخل وتعمل شات
ويبقي عندها ايميل وانت او انتي عارفه كويس ان الشات دا بيبقي
ف بعض الاوقات مش عليه ناس مش كويسه وهي بنت عندها
16 او 17 سنه والاب بيعمل شات مع ناس مختلفه وهي كمان
عارفه، السؤال دلوقتي هل هتوافق ولا ترفض؟؟؟ ولو وفقت ليه
ولو رفضت ليه؟؟؟
ياللا شاركوني :d:d

براءة

08-08-2008, 09:39 PM

مش فاهمة اوى بس غالبا هرفض

الشات ده دمار

وحاجة بتشد 100 وراها

bosy .. mostafa

08-08-2008, 10:23 PM

لو شات لأ .. موقع و كلام فاضي لأ
انما عالإيميل مع صحباتها مافيش مشاكل

أحمد2025

08-08-2008, 11:32 PM

لو شات لأ .. موقع و كلام فاضي لأ
انما عالإيميل مع صحباتها مافيش مشاكل
أنا برضه موافق بوسى على كده
علشان هى بنت
وممكن توقع بسرعة
بس لو الولد
يعمل اللى هو عايزة

welcomeeee

08-08-2008, 11:37 PM

أنا لو اتحطيت فى الموقف ده
طبعا عمرى ما هوافق
الشات ده بلوه
وانا استحاله ارضى انها يحصلها حاجه

وانا اساسا عمرى ما دخلت على الشات
ان شاء الله عمرى ما هدخل

CoMMaNdo

08-08-2008, 11:44 PM

أنا برضه موافق بوسى على كده
علشان هى بنت
وممكن توقع بسرعة
بس لو الولد
يعمل اللى هو عايزة

بس ياحمد لو الولد يعمل الى عايزه
يعنى انتى مثلا لو ابنك تقولو عادى كلم بنات ؟؟
او بنتك هتقولها عادى كلمى ولاد
حتى ولو فى حدود الاحترام ؟

أحمد2025

09-08-2008, 12:12 AM

بس ياحمد لو الولد يعمل الى عايزه
يعنى انتى مثلا لو ابنك تقولو عادى كلم بنات ؟؟
او بنتك هتقولها عادى كلمى ولاد
حتى ولو فى حدود الاحترام ؟

بص انا بقولك
بنت تكلم صحبتها عادى على الياهو
انما الواد ينيل اللى هو عايزة
ده ولد
هقولك حاجة
عندنا فى البيت عارفين انى بكلم بنات على الإميل
وانا اللى قايل ليهم
بص قدام انا مش بكلم البنت فى حاجة غلط
خلاص
علشان انا عارف ان ممكن حد يعمل مع اخواتى كده

CoMMaNdo

09-08-2008, 12:25 AM

بص انا بقولك
بنت تكلم صحبتها عادى على الياهو
انما الواد ينيل اللى هو عايزة
ده ولد
هقولك حاجة
عندنا فى البيت عارفين انى بكلم بنات على الإميل
وانا اللى قايل ليهم
بص قدام انا مش بكلم البنت فى حاجة غلط
خلاص
علشان انا عارف ان ممكن حد يعمل مع اخواتى كده

بوص يا احمد
مالولد دا هيكلم بنات
حتى يا سيدى ولو فى حدود الاحترام
و البنات الى هيكلمها دى افرض انها بنتك
وانتا بتقول البنات تكلم صحباتها بس

المساله دى انا تهت فيها بصراحه
ومش لاقيلها حل

Prof.Dr/A.T.M

09-08-2008, 12:29 AM

صراحة مش عارفة هعمل ايه

Prof.Dr/A.T.M

09-08-2008, 12:30 AM

صراحة مش عارفة هعمل ايه
بس ممكن اوافق بشرط اشوفها وهى بتتكلم واعرفهم اللى بتكلمهم

أحمد2025

09-08-2008, 12:54 AM

بوص يا احمد
مالولد دا هيكلم بنات
حتى يا سيدى ولو فى حدود الاحترام
و البنات الى هيكلمها دى افرض انها بنتك
وانتا بتقول البنات تكلم صحباتها بس

المساله دى انا تهت فيها بصراحه
ومش لاقيلها حل
هقولك على حاجة حلوة
انت تربى عيالك صح وخلاص
والباقى خلية على ربنا
اصل الموضوع ده بيرجع برضه لدور الأسرة فى التربية

welcomeeee

09-08-2008, 12:59 AM

انا متفقه جدا مع MCoMMaNdo

الصراحه هو ده الراى الصح
لأن الولد بيوافق انه يعمل اى حاجه بس اخته لأ

Taleba Me7tasa

09-08-2008, 01:16 AM

سؤال رفيع
ما الفرق بين الشات والكلام ع الايميل ؟؟

طمعانة فى رضاك يا رحمن

09-08-2008, 01:23 AM

SmSm Basha

09-08-2008, 08:11 AM

**تسابيح**

09-08-2008, 09:31 AM

مش فاهمة اوى بس غالبا هرفض

الشات ده دمار

وحاجة بتشد 100 وراها
ميرسي ع مشاركتك
الموضوع باختصار ان عندك بنت وف عمرك دلوقتي وعايزة تدخل شات وانت دلوقتي رفضتي
هتبرري رفض دي ليه وللعلم ان الاب ذات نفسه هو كمان بيعمل شات والبنت عارفه
ياريت تكوني فهمتيني
عندك حق ان الشات دمار بس ف بعض الاحيان احنا بنعترض ع اي نصيحة ولازم نجرب بنفسنا ودي بقي بيبي دور البيت وكدا
هستني ردك

**تسابيح**

09-08-2008, 09:36 AM

لو شات لأ .. موقع و كلام فاضي لأ
انما عالإيميل مع صحباتها مافيش مشاكل
بس النقطة اللي انا بتكلم فيها كلمه" لا" دي
بتخلي الواحد لو مش عايز يعمل حاجه بيعملها
وانت ايش ضمنك انها تكلم صاحبتها
بصي احنا دلوقتي غير بكره غير بعده يعني كل يوم بيبقي
فيه تقدم عن اليوم اللي قبله واحنا بعد كدا لو مشاركنا ف
التقدك دا ممكن منفهمش فيه وفيه ناس بتدي لاولادها حريه
زياده فيعمله حاجات غلط وبرده فيه مسك زياده فبرده بيعملوا غلط
المشكلة دلوقتي ازاي نكون الكلام بطريقه مسموعه ومقنعه ف
نفس الوقت؟؟فهمتني
وشكرا ع مشاركتك :D

**تسابيح**

09-08-2008, 09:39 AM

أنا برضه موافق بوسى على كده
علشان هى بنت
وممكن توقع بسرعة
بس لو الولد
يعمل اللى هو عايزة

اكيد البنت بيبقي الخوف عليها بس انت دلوقتي لو بتدخل شات وبتراسل وبتعمل وبتعمل
انت دلوقتي مثل اعلي البنت تحب تقلد ابوها ف كل حاجه
معني انك بتعمل حاجه يبقي انت بتعمل حاجه صح بس انت برده لسه مش قلت لي هتقولها ايه موافق ولا لا
وليه ؟؟ دي اهم حاجه
وشكرا ع ردك

**تسابيح**

09-08-2008, 09:42 AM

أنا لو اتحطيت فى الموقف ده

طبعا عمرى ما هوافق
الشات ده بلوه
وانا استحاله ارضى انها يحصلها حاجه

وانا اساسا عمرى ما دخلت على الشات

ان شاء الله عمرى ما هدخل

كويس انا معاكي بس برده انت هيكون ردك ايه ليه منعتيها ؟؟؟ دا اهم حاجه
ويارب ما تعمليش حاجه تزعل عليها ابدا
وشكرا ع ردك

**تسابيح**

09-08-2008, 09:45 AM

صراحة مش عارفة هعمل ايه
بس ممكن اوافق بشرط اشوفها وهى بتتكلم واعرفهم اللى بتكلمهم
شكرا ع ردك
ممكن برده :D:D

**تسابيح**

09-08-2008, 09:49 AM

انا متفقه جدا مع MCoMMaNdo

الصراحه هو ده الراى الصح
لأن الولد بيوافق انه يعمل اى حاجه بس اخته لأ
انا مش بتكلم علاقة اخ باخته انا بقول اب ببنته دي تفرق
كثير اوي الاب بيبقي مثلي اعلي ف كل الاحاول وبتكوني
متاكده انه بيعمل الصح دايما لكن الاخ ممكن الفرق بينكم
مش يكون كبير ومش تعتبره كلام مقياس اوي
اتعبري نفسك لمده نصف ساعة انك بقيتي ام مساله
عن بنت ف نفس سنك تفكيره بيتغير كل شيء فيها
بيتغير اكيد هيبقي عايزه اسلوب خاص عشان تتعامل
بيه وهتبقي عايزه حاجه مقنعه
ياريت تكوني فهمتيني
وشكرا ع ردك

**تسابيح**

09-08-2008, 09:51 AM

سؤال رفيع
ما الفرق بين الشات والكلام ع الايميل ؟؟
فرق بسيط اوي
الايميل بتسجل اللي انت عايزه ومتاكد منه وبتحذف
اللي انت عايزه وبتعرف برده اللي انت عايزه علي
ام الشات اي حد بيعرف اي حد
ومش تعرف الناس اللي عليه دي كويسه ولا لا
بس
ياريت نعرف رايك
وشكرا ع ردك:D:D

( لؤلؤة الإسلام )

09-08-2008, 09:54 AM

( لؤلؤة الإسلام )

09-08-2008, 09:57 AM

**تسابيح**

09-08-2008, 09:58 AM

حرفض
بس مش حرفض كده لا حفهمها لاء ليه وعشان ايه وممكن يحصل ايه
وادخل معها واوريها بنفسي
لاني باذن الله حكون صحبتها اووي
ولو اتعرفت علي منتدي عادي مانا اهو دخاله المنتدي ده
بس بردو حشارك في نفس المنتدي
عشانها
عشان اكون قريبه منها واكون اقرب واحده ليها

شكرا ليكي ولطرح السؤال
الشكر لله ياحبيبتي
بصراحة رايك جميل اوووووووووي
ربنا يزيد كمان وكمان
اكيد هتبقي ام مثاليه:rolleyes::rolleyes:
وشكرا ع مشاركتك
بس اخر استفسار لو الاب كمان هو كمان بيعمل كدا والبيت كله عارفه
والبنت عايزه تعملها زي باباها وهيكون ردك عليها ايه ؟؟
مستنيه ردك

**تسابيح**

09-08-2008, 10:02 AM

مممم ... و الله يا جماعة انا ليا راي ..... يعني البنت او الولد لو منعتوهم من الكلام في البيت ..... هيتكلوما في السايبر و لو منعتهم من السايبر هيتجهوا لحاجات تانية خااااالص و دلوقتي البنات مرمين في الشوارع و في الدروس و زي ما بيقولوا الممنوع مرغوب فهوا كده كده هيتكلم ...يبقى يتكلم ادام عيني احسن .... و شكرا ليكوا و اسف عل الاطالة
شكرا ع ردك
اكيد هيبقي لنا رد ع الموضوع دا
يعني مش هنقول "لا"وخلاص
ولا اه وخلاص لازم كل واحد يفهم لا ليه
واه ليه هو دا اللي انا بقوله عشان نبقي
مشين معاهم صح

Rymonda

09-08-2008, 10:04 AM

والله انا حاسه يا زهرة المنوفية انك بترمي الكلام عليا ..ع العموم شكرا ع الزوق ..

**تسابيح**

09-08-2008, 10:07 AM

الأول ان شاء الله هربيهم صح .. زي ما أهلي ربوني ..
و أنا عمري ما فكرت أدخل شات .. من غير ما أهلي يقولولي لأ .. بس أنا متأكده انهم ما يرضوش بكده .. و برده هابقى عارفة صحابهم ..لأن الصحاب دول بيأثروا جااااااااااامد ..
لازم الواحد يبقى من جواه مش عايز يعمل حاجة تسئ لأهله او تغضب ربنا ..
لأننا مش علطول مراقبينهم .. و يبقى في ثقة مع الحرص .. عشان ما يفكروش يعملوا حاجة من ورانا ..
و بصراحة هي مسؤوليه كبيييييييييييييرة
بجد انت رهيبه وصلتي اللي انا كنت عايزه:D:D
عندك حق التربيه دي اهم حاجه وكمان الثقة
بس انا عايزه اعرف حاجه انا بقول ان السؤال
دي مجرد تخيل مش اكثر يعني مثلا لو الاب بيعمل كدا
والبنت عايزه تعلم زيه انت هيكون رد فعلك ايه ؟؟؟
منتظرة ردودك الجميلة :D:D

**تسابيح**

09-08-2008, 10:09 AM

والله انا حاسه يا زهرة المنوفية انك بترمي الكلام عليا ..ع العموم شكرا ع الزوق ..
انا ليه يعني ؟؟؟:o:o
مع احترامي ليك انا اول مره اتعامل معاك
ازاي هرمي الكلام عليك لو قراتي العنوان
هتلاقي اني بقول نتخيل مش اكثر
ياريت تفهميني قصدك اكثر ومستنية
ردك ؟؟؟؟

العمر

09-08-2008, 10:11 AM

انا من وجهة نظرى أنه لحد ما مفيش مشكلة...بـــــــــــــــــــــس...
تختلف من سخصية البنت وقابليتها للاستهواء....

**تسابيح**

09-08-2008, 10:13 AM

و ما فيش حاجة اسمها نسمح للولد و البنت لأ ..
دي تفرقة عنصرية .. و ربنا هيحاسبنا على تربية الولد زي البنت .. بالعكس بقى ..أنا شايفة ان الخطر اكبر عالولد ..
لأنه بيبقى عنده جرأة أكتر و حرية و مش متراقب ..
و ما فيش بنات تكلم ولاد لا عالميل و لا شات .. و ده رأيي ..
عندك حقك يالولو بس اكيد الاثنين بيبقي الخطر عليهم اكثر
وفيه ناس كمان بتبقي افكارها كده خارجه عن الدين وحاجات كده
وعشان هم مش عندهم خبره الحياه فطبيعي هيمشوا وراء
الاوهام
متشكره ع ردك

**تسابيح**

09-08-2008, 10:14 AM

انا من وجهة نظرى أنه لحد ما مفيش مشكلة...بـــــــــــــــــــــس...
تختلف من سخصية البنت وقابليتها للاستهواء....
ازاي يعني مش فاهمه قصدك
ياريت توضح اكثر ومتشكره ع ردك

السمراء

09-08-2008, 10:30 AM

**تسابيح**

09-08-2008, 10:42 AM

بصراحة هو سؤال يكاد يكون صعوبته فى ان الاب بيستخدم الشات صح.................بصى هوصحيح معرفش يعنى ايه شات ومش بستخدم حتى الاميل...............للاسف مش هعرف اجاوب خصوصا ان القدوة والمثل بيستخدم حاجة زى دى...........لكن لو حصل يعنى طبعا هقولها مش ينفع لانه مخاطره كذا(انا عن نفسى معرفش )اهو اعتبرى انى عارفة..........وهدخله منتدى انا واثقة فيه.ولو منتدى هى عايزاه اشوفه ان كان ينفع خلاص.................ولازم اكون معوداها دائما ابدا على الصراحة بدون خوف وقلق.......حاجة بره الاجابة(الايميل لازم تكون عارف ايميل اللى بتكلمه صح.فى توقعى ان الشات اى حد بيدخل ويراسل وخلاص صح)
اولا متشكرة ع ردك
ثانيا الغلط ف حد ذاته ان الام اللي بتمثل اهم عنصر مش يكون
عندها وعي ودرايه {انا والله بتكلم بوجه عام مش اقصدك خالص} وبعدين الزمن والاخترعات بتتغير كل يوم وحاجات كثير بتطلع فلازم الواحد يعرف كل حاجه ويتعلمها بس مش يضرب بيها نفسه ولا غيره يعرفها عشان لو اتسال فيها يبقي بكون عنده خلفيه ما هي
دي المشكلة الكبري اللي بجد مش عارفه لما يكون حد مثل اعلي وقدوه وبيعمل حاجه
وبعد كده لما تاخذه رايه يبقي مضاد ودا بقي تبقي صدمه ع البنت وبطرد انها تجرب
عشان تعرف وف الاخر تندم عندك حق اهم حاجه الصراحة لان دي العنصر اللي ضوري اوي عشان الواحد يكسب اي حد بيحبه
اه الايميل لازم تكون عارف الايميل اللي بتكلمه ام الشات اي حد بيكلم اي حد
بس زي ما الايميل ليه عيوب ليه مميزات مل حاجه بتبقها ليها عيوبها ومميزاتها
بس احنا اللي ممكن نعمل الغلط ونسيب الصح

Taleba Me7tasa

10-08-2008, 01:10 PM

فرق بسيط اوي
الايميل بتسجل اللي انت عايزه ومتاكد منه وبتحذف
اللي انت عايزه وبتعرف برده اللي انت عايزه علي
ام الشات اي حد بيعرف اي حد
ومش تعرف الناس اللي عليه دي كويسه ولا لا
بس
ياريت نعرف رايك
وشكرا ع ردك:D:D

اه انتى قصدك بالشات اللي هوا بيبقى مكتوب دردشة كذا
انا اسمع انها وحشة فعلا
بس تقريبا زي ما معظم الردود ما بتقول
هاربيهم كويس وافهمهم ان الشات دة مش كويس
ممكن حد يضايقكم ومفيش عليه رقيب
ولو العيال دي مخها مقاس 45 اقعد معاهم واخليهم يجربو
لغاية ما يقولو لا احنا مش عايزين ندخلها تاني
ولو خايفة عليهم اوي
ممكن انا اعمل عليهم لعبة وادخل من حتة تانية واكلمهم واخليهم يكرهو الشات دة
تصدقي قرفت منهم من قبل ما اجيبهم :D

SA SS O

10-08-2008, 01:40 PM

أنا برضه موافق بوسى على كده
علشان هى بنت
وممكن توقع بسرعة
بس لو الولد
يعمل اللى هو عايزة

ازاي يعني لو ولد عادي و لو بنت لا

اهم حاجة اننا نربي ولادنا صح و اصلا مينفعش نمنعهم من حاجة
الممنوع مرغوب وكده كده هيستخدموه المهم اننا نوجههم

arch.bosycat

10-08-2008, 06:28 PM

شااااااااااااااات لالالالالالالالالالالا طبعا

بس ممكن يكون لها ايميل خاص بتاعها

تكلم عليه صاحباتها فى المدرسة او زمايلها الولاد اللى فى المدرسة اللى انا عارفاهم طبعا

انما تكلم حد هى ماتعرفوش لا طبعاااا

و كلو طبعا تحت مراقبتى ليها بس من غير هى ما تحس و انا و بنتى ان شاء الله هنكون صحاب و مش هتخبي عليا حاجة

uoua

10-08-2008, 08:15 PM

اكيد هوافق و يكون بنا ثقه اعرف بتكلم مين و اعرف اخلقهم و اعرف بتكلموا ف ايه عشان متعملش حاجه من ورايه دى و جهت نظرى

welcomeeee

11-08-2008, 12:03 AM

dr \manoo

11-08-2008, 04:45 AM

حقيقى ضحكتونى احنا بنعمل اية دلوقتى اه ده مش شات لكن دى مشاركات طلبه مع بعض
لكن المنتدى هو الى محترم وهو محترم لان الاعضاء الى فيه محترمين وكل واحد عارف حدوده
انا عن نفسى مش بعمل شات بس عندى ايميل وبعرفناس جديدة ولما بنتى تطلب منى كده
اكيد انا هكون واثقه منها وهسيبلها الحرية دى مع انى هحسسها ولو جزء ببالمرقبه هفكرها بربنا والى
هتعمله غلط هتتحاسب عليه بس خدوا بالكوا ماسمحش لنفسى او مثلا باباها بالشات وهى لالا ازاى

شكرا على الموضوع

mero_mrmr

12-08-2008, 04:02 AM

بصراحة اهم حاجة التربية و بعد كده اكيد هكون واثقة فيها و انا لو قلت لا ايه يضمن لى انها تعمل كده من ورايا و اكون انا فى نظرها ام مغفلة لانى قلت لا و هيه عملت اللى هيه عايزاه من ورايا و خصوصا ان الممنوع مرغوب انا حوافق بس حيكون فى رقابة من بعيد و انا موافقة سمسم باشا فى كلامه اووووووووووووى عندك حق يا manooo ازاى اسمح لنفسى او لباباها و هى لا؟؟؟؟؟؟؟؟؟؟؟؟و كنت عايزة اقول على حاجة ازاى البنت لا و الولد اه؟! دى مش تربية و انا من وجهة نظرى الولد يتخاف عليه اكتر لان البنت مهما عملت حتبقى عاملة حساب لكونها بنت لكن الولد ممكن الموضوع يطور معاه لحاجات مش تمام خالص و انا مش ضامنة كل صحابة مهما كنت بحاول اتابع و اعرف صحابة مش حقدر اعرف كل واحد فيهم 100% و اسفة اووووووووووووووووووووى على الاطالة

**تسابيح**

14-08-2008, 08:37 PM

**تسابيح**

14-08-2008, 08:38 PM

اكيد هوافق و يكون بنا ثقه اعرف بتكلم مين و اعرف اخلقهم و اعرف بتكلموا ف ايه عشان متعملش حاجه من ورايه دى و جهت نظرى
طبعا هحترم وجهه نظرك
ومتشكره ع المشاركه الجميلة دي:D:D

**تسابيح**

14-08-2008, 08:43 PM

لو والدها بيدخل على الشات هحاول اقنعه يبطل عشان خاطر بنته
ولو مش عاوز يبطل يبقى يدخل من وراها

واحسن حاجه فى معامله الام لبنتها انهم يكونوا اصحاب
انا هحاول اقنعها واتكلم معاها وانزل لسنها مش هقولها ممنوع وخلاص
متشكره ع ردك ياجميل
بس مفيش حاجه بتستخبي ولو باباها بيدخل هتعرف وهتحاول تعمل زيه
بس فكره كويسة انك تبقي ف سنها واكيد تقدري توصلهالها الصح والغلط

Prof.Dr/A.T.M

14-08-2008, 08:47 PM

تسابيح لو حد من اصحابك البنات قال لك انه بيدخل شات وسألك تفضل تدخل ولا لأ هتقولى ايه؟

**تسابيح**

14-08-2008, 09:16 PM

تسابيح لو حد من اصحابك البنات قال لك انه بيدخل شات وسألك تفضل تدخل ولا لأ هتقولى ايه؟
بصراحة ان هنصحة وعرفها ان الشات دا
فيه ساعات ناس بتبقي مش كويسة
ع المستوي الاخلاقي وكمان الثقافي
وممكن ياخذوا لطريق مش كويسة هي
تكون ف غني عنه وهحاول اخليها
تعمل حاجه كويسة ف حياتها يشغلها عن الشات
متشكره ع مشاركتك بس لسه برده مش جاوبت
ع سؤالي ؟؟؟؟؟؟؟؟ مستني مشاركتك:D:D

ahmed2845

14-08-2008, 11:41 PM

انا مش فاهم السؤال بالظبط بس اللى فهمته ان السؤال هو
لو كنت اب او ام هل هترضى لابنك او بنتك انه يتكلم على الشات
الاجابة طبعا لأ الا اذا كان بنتى او ابنى بيكلم صاحبه مثلا او حد انا واثق فيه

i am

15-08-2008, 12:36 AM

مش عارفه بس ممكن تحت رقابه علشان الممنوع مرغوب و ممكن تعمل كده من وريا ف الافضل انها تعمل الحاجه ادام عيني

earth

15-08-2008, 12:48 AM

الاول اخليها دائما تراعى الله
ثانيا حاربيها كويس واعرفها الصح من الغلط و الحلال من الحرام و اعرفها عادات مجتمعنا و تقاليده
ثالثا اشدد عليها ان ربنا يرانا دئما
رابعا اعرفها مخاطره و فهمها كويس ايه اللى ممكن يحصل
خامسا اخليها تدخل و اقولها انا هنا دائما معاكى لو حصل اى حاجة و اعيد عليعا اولا و ثانيا و ثالثا

النتيجة المتوقعة : انها تقول لا يا ماما دى حاجة عمرى ما حاشارك فيها ابدا دى مهزلة

يبقى انا كدة اديتها الحرية المقيدة بسرية -من غير ما هيه تحس-

شكرا على سؤالك

**تسابيح**

15-08-2008, 04:14 AM

**تسابيح**

15-08-2008, 04:19 AM

**تسابيح**

15-08-2008, 04:47 AM

انا مش فاهم السؤال بالظبط بس اللى فهمته ان السؤال هو
لو كنت اب او ام هل هترضى لابنك او بنتك انه يتكلم على الشات
الاجابة طبعا لأ الا اذا كان بنتى او ابنى بيكلم صاحبه مثلا او حد انا واثق فيه
كيرسي ع مشاركتك الجميلة اللي بتسعدني بجد
وانا بحترم رايك جدا

**تسابيح**

15-08-2008, 04:49 AM

مش عارفه بس ممكن تحت رقابه علشان الممنوع مرغوب و ممكن تعمل كده من وريا ف الافضل انها تعمل الحاجه ادام عيني
اهم حاجه الرقابه وبرضوا يكون فيه ثقه متبدله عشان تعرفي تكسبيها
ميرسي ع المشاركة:D:D

**تسابيح**

15-08-2008, 04:51 AM

شيماء شريف

15-08-2008, 12:16 PM

لا طبعا اازاى اوافق تتدخل شات اذا كنت انا عمرى مادخلته وان شاء الله مش هدخله وانا متاكده ان ابوها لايمكن يوافق

هند2006

16-08-2008, 03:01 AM

بصى انا هقولك
انا هربيهم سواء ولد او بنت على الاسلام والدين مبادئه
وبعد كده لما قلبهم يتملى بحب ربنا معتقدش انهم يفتحو شات
وبالنسبه للموافقه لا طبعا استحاله ولا ولد ولا بنت لان حتى بالنسبه للودلد لا انا هخاف على بنات الناس زى مهخاف ع بنتى
اما بالنسبه للياهو بين اصحابهم البنت مع البنت والولد مع الولد عادى جدااااااااااا

biob

29-08-2008, 01:41 AM

انا يا تسابيح حاسس انى حمار ومش فاهم اى حاجه من السؤال بتاعك
بس اللى فهمته من الاعضاء ان الشات ده وحش
اوكى
بالعند فيكوا انا بدخله

**تسابيح**

31-08-2008, 05:57 PM

لا طبعا اازاى اوافق تتدخل شات اذا كنت انا عمرى مادخلته وان شاء الله مش هدخله وانا متاكده ان ابوها لايمكن يوافق
شكرا ع الرد الجميل دا
ميرسي ع مرورك

**تسابيح**

31-08-2008, 05:59 PM

**تسابيح**

31-08-2008, 06:02 PM

انا يا تسابيح حاسس انى حمار ومش فاهم اى حاجه من السؤال بتاعك
بس اللى فهمته من الاعضاء ان الشات ده وحش
اوكى
بالعند فيكوا انا بدخله
انت مش حمار ولا حاجه :rolleyes::rolleyes:
كل الحكايه اني بقول ف المستقبل يعني
لو انت أب ممكن تسمح لبنتك وهي ف نفس سنه
دلوقتي انها تدخل شات
هو دا كل الموضوع
ياسيدي ادخل كل واحد حر ف تصرفاته:p:p

hema_maf

31-08-2008, 11:47 PM

بصو يا جماعة - انا دخلت شات كتير و بصراحه كنت بخش علشان اتفرج على هبل الناس - يعنى كل اللى فى الشات دول كذابين و فاشلين اجتماعيا - بس فى شاتات مش ياهوو أو كلام من ده فى شاتات على مواقع إسلامية بصراخه قابلت فيهم ناس كتير جدا نفعونى بعد كده و مبرمجين كمبيوتر و ناس ناجحه بجد - بس كل الشاتات المشهورة و المعروفة كلها فشل * فشل . بس لو عندى أولاد و مربيهم كويس بإذن الله و ضامنهم هوريهم و هم يحكمم بنفسهم لإن عمركم ما هتعرفوا تمنعوهم و اللى هيحط حاجه فى دماغه لازم هيعملها و انت مش هتقعد رقيب عليه 24 ساعه و لاحظ ان الممنوع مرغوب - فى النهاية المفروض انك بتبنى شخصية معتمد عليها و معرفها الصح من الغلط و سيبها هى تحكم نفسها . و شكرا

**تسابيح**

01-09-2008, 12:02 PM

dr.fanakat

03-09-2008, 09:32 PM

والله لو انا عرفت ابى بنتى كويس
مش هتطلب منى ده

وردة الشتاء

04-09-2008, 12:50 AM

لو كان ولد او بنت لا طبعا
لان لو الولد اتسلي بالبنات ده ممكن يحصل الموقف ده مع اخته وممكن بنته الديان لا يموت وكما تدين تدان
والمفروض نربيهم علي طاعة الله لان دي امانه ولازم نحفظ الامانه
لكن لو كان منتدي محترم انا حاوافق بس تحت اشرافي طبعا
تقبلي مروري

فاعــ خير ــل

05-09-2008, 10:40 PM

هههههه بردو لنت

يا جماعه انا شخصيا قابلت ع النت ده ناس مكنش ليا اني اعرفهم وناس ميتحطوش تحت لايحة البني ادميين

فانا من رايي ان النت اذا اتجوزت ان شاء الله في المستقبل هدخله بيتي بس الفرق بقا هيكون

اني هعرف اولادي الصح فين والغلط فين المشاكله ان اهالينا جابولنا النت واحنا بعدين اللي اكتشفنا الصح من الغلط وفي الاخر هما بداو يرشدونا بس بعد ما بقينا خبره

هنا بقا هعرف اولادي لاني نزلت المجال ده وعرفت الصح فين والغلط فين

فا هنا الفرق

**تسابيح**

06-09-2008, 05:14 AM

والله لو انا عرفت ابى بنتى كويس
مش هتطلب منى ده
ميرسي ع مرورك:d:d

**تسابيح**

06-09-2008, 05:18 AM

**تسابيح**

06-09-2008, 05:23 AM

TOTY_R

06-09-2008, 05:27 AM

شكرا ليكى عالموضوع اولا
رائى بقه انى
هحاول اقنعها اكيد ان فى سنها دا بالذات مينفعش ان مقتنعتش هسبها تعيش التجربه تحت اشرفى طبعا
طبعا بحلم لو قولت انى هقدر اعرف كل شىء هى بتعمله بنسبه 100 فى 100 بس انا لو حرمتها من كدا بردو هتعمل كل شىء من ورايا وانا مش هعرف حاجه عادى جدا فالازم الاول اعرفها ان رقبها الاول والاخير ضميرها قبل اى حد وانها اى تصرف بتعمله هى مسئوله عنه قدام ربنا وقدام نفسها وهديها مساحه شويه انها تجرب فى الموضوع دا
يعنى اان شايفه ان اهم شىء فى المضووع كله انها تحس انها كبيره ومسئوله وان مفيش حاجه فى الدنيا اهم من انها ترضى ربنا وضميرها وتحافظ على نفسها مهما حصل حتى لو مفيش حد بيحسبها على اللى بتعمله

**تسابيح**

06-09-2008, 05:56 AM

سـهيـلـة

10-09-2008, 04:27 PM

انا طبعا هرفض ومش هوافق ابدا

***star***

12-09-2008, 02:00 PM

**تسابيح**

12-09-2008, 09:29 PM

انا طبعا هرفض ومش هوافق ابدا
ميرسي ياسوسو ع مشاركتك:d:d
بس مش قلت لي ليه عشان مش يبقي الممنوع مرغوب:d

**تسابيح**

12-09-2008, 09:36 PM

ادي البنات ومشاكلهم...عايزين عين حارسه عليهم 24 ساعه...بس علي العموم مش هوافق بس بأسلوب لذيذ هي هتقتنع بيه..علشان ميجيش يوم وتقول عليا أب راجعي أو متخلف:)
ايه دا يااسلام لو البنات بيعملوا مشاكل يبقي مين
العسل والسكر والمرح كله والسعادة :d:d
بنت بقي ومتحيزة:p:p
ايوة حلو الاسلوب اللذيذ دا بس انت عارف ان
النت انتشر اوي ممكن ناس مش يكون عندهم خبرة زي البنات اللي ف سننا يعني وينخدعوا بيه
عشان كدا لازم يكون فيه رقابة وثقه ف نفس الوقت
عشان نقدر نتحكم فيهم
شكرا ع ردك اللذيذ :d:d
ع فكرة البومك الشخصي جميل:rolleyes::rolleyes:

hend ere

20-09-2008, 07:56 PM

**تسابيح**

22-09-2008, 07:50 PM

انا متفقه معاك تماما فى كل كلامك لانه مظبوط جدااااا.
ميرسي ياجميل ع مشاركتك;)

totylove

24-09-2008, 08:53 PM

اولا ميرسى على الموضوع
وانا ان شاء الله ناويه اربى على التفاهم والاحترام
ولازم اكون مصاحبهم
ومن البدايه ان شاء الله هاكون حطالهم مبادء يمشوا عليها
بس لو فعلا دا حصل زى ما انتى بتفرضى
فا انا هاخليها تدخل وتشوف بنفسها لكن ها كون متباعتها واصاحبها احسن بدل ما تعمل الحكاها دى من ورايا
لان فى المرحله دى هى او هو بيكونو فى سن فعلا حرج جدا
واكيد كلنا مريا بيه

الشفق الباكي

25-09-2008, 05:40 AM

بصى ياستى
فى السن دا سواء بنت او ولد الحاجه اللى تقولى عليها اه ماتتعملش والحاجه اللى تقولى عليها لاء بتتعمل
واى حد لوقولتيله دا لاء يعنى لاء هيعوز يعرف لاء ليه
فسؤال صعب مش عارفه اه ولا لاء

**تسابيح**

26-09-2008, 09:42 PM

**تسابيح**

30-09-2008, 01:20 PM

لمى 2016

01-10-2008, 06:01 PM

بنتى
امممممممممم
لا
لانى مش ناوية اطلاقا انى اوقع بنتى فى اى مشاكل
بس لو ابنى بقى
بردو لا
اشمعنا البنت يعنى
عموما خلينا واقعيين انتوا بتتكلموا على اولادكم على اساس الوقت دة اللى احنا عايشين فيه دلوقت
بس انا اعتقد ان احنا على مانجيب اولاد و كمان يبقى عندهم 16 سنة هيكون اللى مش بيكلم ناس على الميل
هيتقال عليه متخلف

**تسابيح**

12-10-2008, 03:39 PM

hazem_ayman

13-10-2008, 02:58 PM

اكيد عمرى مهوافق على الشات ممكن الايميل :abdoog8:

**تسابيح**

19-10-2008, 01:47 AM

اكيد عمرى مهوافق على الشات ممكن الايميل :abdoog8:
ميرسي ع مشاركتك

sunsero2000

26-10-2008, 09:19 AM

kol 7aga leha momwzat w3eob

شروق ياسر

01-11-2008, 09:22 PM

انا لسة جديدة بس لما قرات السؤال حبيت ارد انا متفقة تماما مع طمعانة فى رضاك يا رحمن لانه اجابة منطقية يقبلها العقل والواقع اما بالنسبة اذا كانت هى عارفة ان باباها بيعمل كده وعايزة تعمل زيه فمهمتى هى انى اعرفها اذا كان ده صح ولا غلط واقولها السبب واذا كان الى بيعملوه باباها غلط فهى مش شرط تعمل زيه لان ربنا عطانا نعمة لازم نعرف نستخدمها صح وهى العقل الى من خلاله نقدر نميز بين الصح والغلط واحاول اقنعها بكلامى بادلة يقبلها عقلها لانها فى الاول والاخر لازم تقتنع والا هتعمل الى هى عايزاه من ورايا اسفة جدا اذا كنت طولت شوية

**تسابيح**

04-11-2008, 11:54 PM

أبو جهاد المصري

05-11-2008, 01:45 PM

أنا بصراحة لما يكون عندي بنت خايف عليها أو ولد خايف عليه من النت أو من الشات تحديدا على طول ألغي النت من عندي ، أصل مش ممكن أجيب الأكل اللذيذ جدا أمام واحد جوعان جدا وأقول له ما تاكلش ، أبقى بأكذب على نفسي لو اقتنعت انه هيسمع كلامى ، تقولوا لى هيدخل من بره البيت ، هنا بقى دور التوجيه والرقابة ، وعلى اعتبار انه دخل وهو بره البيت هيبقى أكيد دخوله محدود لأن وقته خارج البيت محدود مش مفتوح زى اللى في البيت .

mena1990

05-11-2008, 03:25 PM

استحاااااااااااااااااااااااااااااله ادخل لا ولد ولا بنت على الشات
ده انا عمرى ما دخلته واقصى حدودى المنتدى ده
ده دماااااااااار شامل لعقول الشباب وكمان فى سننا كفايه اللى
الواحد بيسمعه انا هدخل النت عشان يستفادوا
مش عشان يشيتو وبعدين لو عايزين يتعرفوا على
حد هيبقى فى مدرسه او نادى فى قرايب وكده يعنى
لكن شات استحاله
وشكرا لطرحك موضوع مهم
تقبلى مرورى

**تسابيح**

05-11-2008, 03:25 PM

ellama

05-11-2008, 07:54 PM

بتهيقلي انى هرفض بس الاهم هل هم هيسالونى قبل ما يعملو كدة؟؟؟؟؟؟؟؟؟؟

**تسابيح**

07-11-2008, 12:59 AM

استحاااااااااااااااااااااااااااااله ادخل لا ولد ولا بنت على الشات

ده انا عمرى ما دخلته واقصى حدودى المنتدى ده
ده دماااااااااار شامل لعقول الشباب وكمان فى سننا كفايه اللى
الواحد بيسمعه انا هدخل النت عشان يستفادوا
مش عشان يشيتو وبعدين لو عايزين يتعرفوا على
حد هيبقى فى مدرسه او نادى فى قرايب وكده يعنى
لكن شات استحاله
وشكرا لطرحك موضوع مهم
تقبلى مرورى

عندك حق ياجميل هو فعلا دمار شامل حاسبي بقي عشان اسرائيلشكرا علي مشاركتك

ملكة العرب

08-11-2008, 10:56 PM

انا عمري ما دخلت شات

مش عارفه الحقيقه ايه النظام في الشات

بس هيكون رد فعلى اني هقبل
ما هي قدام عيني

بس قبل ما اقبل هدخل انا الشات واوريها الي بيحصل لو فضلت عايزه تدخل هحاول اقنعها انها مش تتدخل

ولو ولد هسألوا سؤال واحد

لو اختك طلبت منك انها تخش شات وانا مسافره مثلا هتقول ليها ايه ؟

0000000000000000

هقول انا لي الي مش ترضى بي لاختك مش ترضى بي لاخت واحد غيرك

ميررررررررررسي ليكي حبيبتي على الموضوع

**تسابيح**

09-11-2008, 07:18 PM

gaber10

17-01-2009, 04:25 AM

**تسابيح**

17-01-2009, 05:27 PM

جزاك الله خيرا يا اختاه
بس المهم من الولد او البنت يكونو فاهمين ان اللى بيعملو صح ولا خطا وطبعا البنت المؤمنة اسلوبها واخلاقها الحميدة يجبروهاعلى فعل الصواب
لكن انت سألتى سؤالك وماجوبتيش عليه ليه؟؟؟
جزاك الله مثله
عندك حق

هههههههه
ليه الاحراج دا؟؟؟
يعني اسئل واجاوب ف نفس الوقت
اكيد طبعا هجاوب بس أنا مخليها فجأة ف الاخر خالص:049gc0:
شكرا ع المشاركة

pureheart

17-01-2009, 06:11 PM

**تسابيح**

17-01-2009, 07:10 PM

بصى انا شايفة ان البنت لو متربية صح مش حتعمل حاجة غلط يعنى اصلاً مش حتطلب تدخل شات و تكلم و لاد
و مفهاش حاجة لو دخلت الشات لمجرد انها تعرف يعنى ايه شات و لما تعمل حاجة تحت اشراف اهلها احسن ما تعملها من وراهم
بعدين حكاية الاميل ديه مفهاش اى حاجة
و معنى انها بتقول لاهلها انها مش حتعمل حاجة غلط

صح عندك حق
بس الشات من لازم يعني يكون غلط انك تتعرف علي ولد
بس ف الشات فيه ناس كثير متطرفة ف التفكير والدين
وحاجات والبنات في سن16 ممكن يكون بالسهل انها تنقاد
وطبعا الايميل مفهوش حاجة بدل تحت اشراف الاهل
شكرا ع مشاركتك

GeNeRaL MB

19-01-2009, 02:50 PM

موضوع غريب

**تسابيح**

19-01-2009, 06:11 PM

موضوع غريب
ما غريب الا الشيطان:):)
بس مش قلت رايك؟؟؟؟؟؟؟؟؟؟

bonno

20-01-2009, 02:50 AM

المعاملة مع البنت تختلف عن الولد فبنتي اللي هيحصل كالاتي معروف ان البنت اميل للتصريح للام فانا هاقول لا و اقول لها اسألي ماما وشوفي هتقول ايه (طبعا الام المفروض تقول لها ان باباها عارف كويس وبيقول لا لمصلحتك ) وبعديين تقولها بلاش تزعلي بابا
وفي الحالة دي هتروح البنت الغرفة بتاعها و حسب شخصيتها فيه النوع اللي يعيط وفيه اللي يكشر ويزعل وهو سكت
و يجي دوري انا
ادخل عليها واقول الجميل زعلان من ايه طبعا( مش هترد ) و اخودها في حضني و اطبطب عليها واقولها ان الشات اضراره اكتر من فوايده وانا مش بادخل شات لاني بحبه اصلا الشات سببلي مشاكل كتير و الكمبيوتر عموما بس انا مضطر انا بكون شغال وبابحث عن حاجات في شغلي و سايب الايميل عشان لو عمو فلان صاحبي احتاجني والي بيدخل عليا انا ما بحبش اقول لحد لا والدليل اني كتير بتلاقيني قافل الاميل
وغير كده انا عايزك تقوي علاقتك باصحابك اللي بتحبيهم و يحبوكي ومش تفضلي في البيت وتتكلمي مع ناس متعرفيهمش دا النت لو فصل مش هتعرفي تكلميهم ولما تكوني تعبانه مش بيزوروكي يعني بيضيعوا وقتك على الفاضي وانا ما وافقتش عشان عارف انه مش كويس وانا بحبك ولما تكبري و يبقى عندك اولاد هتعرفي معنى كل ده
(في النهاية ) (قبلة على الجبين ) تعالي مع بابا حبيبك تعالي اقعدي معايا
(مفاجاة ) ماما لسه ما قالتش لكي
(البنت : ايه )
احنا هنروح نتفسح و انتي طبعا اول المدعوين يوم -------- هنروح ---------- ونجيب حبت حاجات و تجيبي اللي انتي نفسك فيه

((((((((((((((((((((((((((((((((((((((قصة مكلفة بس مش اكتر من كلفة الشات اللي هتدفعه البنت لو ما اتحكمتش في نفسه فهتضيع وقتها وتنشغل عن المذاكرة و يا عالم ايه اللي ممكن يحصل )))))))))))))))))))))))))))))))))))))))))))))))))

القائد السفاح أبو العباس الاسود

20-01-2009, 09:16 AM

طبعا فى الاول السلام عليكم و رحمة الله و بركاته ,,,,,,

طبعا موضوع جميل بس فى مشكلة لم تناقشيها ............... و هيا ؟

احنــــا كل اللى نعرفه ان البنى أدم الالكترونى بيعرف يجمع البنات و الشباب على النت و ساعة ولا ساعتين شات

و انسى هموم الدنيا و كل يوم مع بنت شكل و حالة لا يعلم بها الا الله و فى الاخر تحصل مشاكل و حب و كلام فاضى ؟

لكن الشات المفروض للمعرفة فقط و تسريع وأنجاز الاعمال .

يعنى انا ممكن أقبل لو بنتى بتتكلم مع دكتور ليها فى الجامعة فى سياق العلم و المعرة فقط أو فى أنجاز الاعمال و الجهد

كما على منتدانا الغالى .

لكن ماولت أقول غباء الانسان و جهله غير و أساء أستخدام حاجات كتير .

أبسط شىء : أستخدامه الاقسام و الادعية فى تحضير الجن

تخيلى !!!!!!!!

**تسابيح**

20-01-2009, 09:28 AM

طبعا فى الاول السلام عليكم و رحمة الله و بركاته ,,,,,,
وعليكم السلام ورحمة الله وبركاته

طبعا موضوع جميل بس فى مشكلة لم تناقشيها ............... و هيا ؟

احنــــا كل اللى نعرفه ان البنى أدم الالكترونى بيعرف يجمع البنات و الشباب على النت و ساعة ولا ساعتين شات

و انسى هموم الدنيا و كل يوم مع بنت شكل و حالة لا يعلم بها الا الله و فى الاخر تحصل مشاكل و حب و كلام فاضى ؟

عندك حق ربنا يهدي الجميع

لكن الشات المفروض للمعرفة فقط و تسريع وأنجاز الاعمال .
طب ما الانسان ممكن يعمل ايميل وممكن كمان يتعرف ع الناس ف حياته مش لازم يدخل الشات ويدخل نفسه في حورات

يعنى انا ممكن أقبل لو بنتى بتتكلم مع دكتور ليها فى الجامعة فى سياق العلم و المعرة فقط أو فى أنجاز الاعمال و الجهد

كما على منتدانا الغالى .

لكن ماولت أقول غباء الانسان و جهله غير و أساء أستخدام حاجات كتير .

صح كل حاجات ليها سلبيات واجابيات الناس بقا بتحب تعمل السلبيات !!!!!!!!!

أبسط شىء : أستخدامه الاقسام و الادعية فى تحضير الجن

تخيلى !!!!!!!
الجهل يعمل اكثر من كدا ربنا يشفي ويهدي!
ميرسي ع مشاركتك

**تسابيح**

20-01-2009, 09:33 AM