كان نفسي بس الظروف حكمت !!!!! [الأرشيف] - بوابة الثانوية العامة المصرية

مشاهدة النسخة كاملة : كان نفسي بس الظروف حكمت !!!!!

Rymonda

07-08-2008, 09:58 AM

اهلا بيكم وشكرا لكل الي فكر يدخل ويقرأ الموضوع
انا يا جماعة كنت عايشة بره مصر حوالي 12 سنة يعني مدة كافيه اني اتأقلم مع الناس هناك . كان عندي صحاب كتير وبحبهم مووت مكنتش قادره اسيبهم خالص ومش عارفة انا سيبتهم ازاي حتى طرق الاتصال بيهم اتقطعت . ولما جيت بلدي الحبيب مصر كان عندي شعور غريب بالانبهار بجو الوطن والناس الطيبه ولاكن مخبيش عليكم الانبهار دة بدأ يختفي شوية بشويه لما خانوني اعز الناس واقربهم . رجعت لذكرياتي وافتكرت اصدقائي التانيين وبتمنى من كل قلبي اني ارجع تاني واسيب مصر . ايه رأيكم فيا هل معنديش انتماء لبلدي ولا ده بس عشان اتعودت على هناك . ولو فعلا مش لاقيه اصحابي اللي كان نفسي افضل معاهم بس الظروف كدة هل تقبلوا تكونوا اصحاب ليا ؟؟؟؟؟؟؟؟!!!!!! ياريت كل الاعضاء اللي بحبهم يردوا عليا .. انا حاسه بوحدة وفراغ وملل . نفسي حد يملا دنيتي وعالمي الصغير !!!!!!!!! يا ترى انا بحب هناك اكتر ليييه ؟؟؟؟
ردوا عشان خاطري...

اسماء3334

07-08-2008, 10:08 AM

يا بنتى 12سنة كافية عشان كده ومتهيقلى اصبرى بلاش الوحدة والملل عشان انا مجربة

_GUIDE_

07-08-2008, 10:13 AM

Rymonda

07-08-2008, 10:14 AM

يا بنتى 12سنة كافية عشان كده ومتهيقلى اصبرى بلاش الوحدة والملل عشان انا مجربة

تفتكري يا اسماء هو ده السبب ؟؟

Travel

07-08-2008, 10:19 AM

نصيحة منى
البلد دى اوحشن من غيرها
وياريت انا عندى
1/2 فرصتك
كنت نفدت من البلد دى
اللى مبقاش فيها غير شريحة وطبقه وحده
وياستى انتى تقدرى تكونى اصحاب هنا زى هنا
زى ما بقاء ليكى اصحاب هنا هيكون ليكى اصحاب هناك كمان

والله انا مع اسلام
فعلا
للاسف
مش كل حاجة زى الاول
كلنا عندنا انتماء
بس للاسف
حاولى انك تتاقلمى على الوضع
اللى هتكونى فيه
ايا كان
فى البلد دى او غيرها
الدنيا مش زى الاول
وربنا ينورلك طريقك

*ساسُّو*

07-08-2008, 10:22 AM

والله يا اختى لو سيبتى مصر هتندمى اوى
انا والله سافرت لشرم*جوة مصر* شهر واحد وجيت بتمنى ادوق نقطة مية واحدة من نهر النيل
والله بلدى اجمل بلد فى الكون ولو لفيتى الدنيا مش هتلاقى زيها ابدا
دى فيها نهر من الجنة
حبيبة قلبى فكرى تانى وحاولى تتعرفى على ناس احسن
على فكرة
المصريين أظرف واطيب شعب فى العالم
اتمنى من الله ان ترتاحى فى بلدك ام الدنيا
معاكى ربنا
*مريم*

Rymonda

07-08-2008, 01:42 PM

مشكوووووووووووووريييييييييييييييين كلكم ع المروووور

ghada_o0o

07-08-2008, 11:12 PM

اهلا بيكي انا مريت بنفس التجربة وعشت برة مصر 14سنة ورجعت من تلات سنين واكيد مصر احسن كفاية الراحة النفسية اللي بحسها وانا هنا ومتفقديش الامل لان في بجد صحاب كويسين بس انتي حاولي تحسني اختيار صحابك من الاول عشان متتخدعيش فيهم واحنا هنا كلنا صحابك

Ringer

08-08-2008, 12:19 AM

بصي يا دريمر

اولا أكيد الراحة في بلدك و مش هتلاقيها في حتة تانية

و بعدين مش معني أن الاصحاب اللي انتي شفتيهم يبقي خلاص مصر كلها كده

لأ أكيد في ناس كويسة

و أكيد طبعا نتشرف انك تكوني صديقة

و ده علي فكرة مش عدم انتماء و لا حاجة بس يمكن الأصحاب اللي عرفتيهم دول مضروبين :)

يعني مش أصليين .. تقليد يعني .. كده أوضح .. بصي مش لازم الجملة دي :)

المهم يعني من الاخر :

دوري علي أصحاب جداد بيخافوا عليكي و قوليلي اقدر اسافر بره ازاي ؟؟

ههه بهزر

Aya Muhammad

08-08-2008, 12:42 AM

بصى يا بنتى مش حكاية انك معندكيش انتماء و لا حاجة .. يمكن انك كمان بتحبى بلدك اكتر مننا
انا نفسى عشان 16 سنة و نص هنا فى مصر ( طول عمرى يعنى ) و حاسة بالغربة .. ليه بئى ؟؟ مع ان عندى صحاب كتير
بس كتير منهم بيهربو منى عشان طريقة تفكيرى ( والله ما عارفة عملالهم ايه ) و واحدة تانية عشان جبت مجموع اعلى منها تعقد تشتم فيا قدام ناس تانية .. مع انها اكتر واحدة صاحبتى ..
الحكاية يا بنتى مش حكاية تكوين اصحاب و بس ... انتى بس ابدئى بالخطوة الاولى صحبى اى واحد معاكى فى الدرس او فى الفصل و بعد كدة حتتعرفى على صحاب تانيين و هكذا و حتلائى فيهم اكيد حد يكون ليه نفس اهتماماتك و طريقة تفكيرك و دى اهم حاجة فى الصحاب انهم يحترمو بعض و طريقة تفكير بعض ..
ويا سلام بقى لو قدرى تجيبى ايميلات صحابك اللى كانو برة و تكلميهم زى مانتى عايزة .. اكيد حتحسى بشعور احسن :)
اتمنى انى مكلكعتش الامور :d

Rymonda

08-08-2008, 09:42 AM

Rymonda

08-08-2008, 09:45 AM

ميرسي لكل اللي دخل وعلق ......والله بحبكم كلكم ....

!!!دمعة حزن!!!

08-08-2008, 09:55 AM

خاليكى فى مصر
وان شاء الله تلاقى اصحاب كويسين وجادعين اوى كمان
بس انتى دورى صح
واهم حاجه عشان تصاحبى انك
متثقين فى كلام حد ابدااااااااااااا

واسالى مجرب

eng7oudash

14-11-2008, 07:52 PM

الاول .......... منورة مصر أم الدنيا يا دريمر

هقولك حاجة .... يمكن انت متعرفيش مصر كويس ... و يمكن اللى عايز يسيب مصر و يخلع يكون هو كمان ميعرفش مصر كويس

أنا بقى أعرفها كويس .......... ل سبب بسيط

ان احنا طلعنا قرايب ............ مصر هى أمى

و هقولك حاجة ......... انت اول ما جيتى مصر كنت حباها .... و دى لوحدها حاجة كويسة

فمتخليش أى حد وحش يخليكى تكرهة مصر

بالنسبة للأصحاب ........ طبعا فى الحلو و فى الوحش

و كتير من الكويسين .... يتمنوا يكونو أصحابك ..... و هتلاقيهم أصحاب ميه ميه

يمكن مش هتعرفى الاصحاب بجد غير لما تدخلى الكلية ..

آخر حاجة أحب أقولها ..... ان مصر مش أى حد بينفع فيها .. او اقصد مش من السهل انك تتأقلمى فيها بدون اصحاب

لان الحياة فى مصر بتبقى عايزة خبرة الاحنكاك بالناس ........ و يتهيألى دى مبتكونش متوفرة بره مصر كتير

و أحلى سلام من أخوك محمود

Rymonda

14-11-2008, 08:57 PM

اه وفي اصحاب برضه قاعدين يلفوا ورايا في كل المواضيع ... ربنا يخليهم ليا ... اهي دي الصحاب ولا بلاش ...
تحس كده انهم بيحبوك من غير مصلحه ... ولا ايه ؟؟

eng7oudash

14-11-2008, 10:36 PM

هههههههههههههه ............ مظبوط مظبوط

Rymonda

01-12-2008, 11:15 AM

على فكره يا جماعه الخيانه بتوجع قوي !!!

eng7oudash

01-12-2008, 05:18 PM

خييييييييييييير

فى ايه ؟

Rymonda

01-12-2008, 05:30 PM

خييييييييييييير

فى ايه ؟

مفيش حاجه وايا كان الخيانه بتوجع برضه !!!

samar_kassem

01-12-2008, 05:42 PM

على فكره يا جماعه الخيانه بتوجع قوي !!!

في مقولة قراتها وعجبتني بتقول:
الخيانة لاتأتي إلا من صديق

start with your self
لو حبيتي نفسك كل اللي حوليكي حيحبوكي وغير كدة ابداي ياقرب الناس ليكي اهلك
بس دة مش معناه انك تكوني متسرعةفي الحكم علي اللي حوليكي

its about satisfaction

01-12-2008, 10:25 PM

اولا اهلا بيكى فى مصر ثانيا بلاش تعلقى مشكلتك على المكان كان ممكن تقابلى المشاكل هناك وساعتها تقولى يارتنى كنت عايشة فى بلدى بس الواقع كان العكس عارفة قولى الحمد لله واقفى وقفة مع نفسك وشوفى اللى حصل واتعلمى منه كان برده ممكن تتوجعى من صحاب عمرك اللى اتربيتى معاهم ساعتها جرحك كان هيكون اكبر الدنيا قاسية اوى ده طبعها واحنا لازم نواجهها ربنا مش بيحملنا فوق طاقتنا ولا بيحطنا فى مشاكل اكبر مننا انتى بلاش تحطى نفسك فى موود وتفضلى فيه ولو فى مشكله احنا موجودين يوم ما تقعى هنسندك

ellama

01-12-2008, 11:18 PM

في مقولة قراتها وعجبتني بتقول:
الخيانة لاتأتي إلا من صديق

start with your self
لو حبيتي نفسك كل اللي حوليكي حيحبوكي وغير كدة ابداي ياقرب الناس ليكي اهلك
بس دة مش معناه انك تكوني متسرعةفي الحكم علي اللي حوليكي
عندك حق انا عملت زى ماانتى قلتى كدة والحمد لله بقيت احسن كتير

Rymonda

02-12-2008, 10:57 AM

والله كل كلمه قولتوها صح !!!

ميراج

02-12-2008, 11:29 AM

هنعمل ايه يس هيه دى بلدنا اتولدنا فيها وعيشنا فيها وللاسف منفعتناش باى حاجه

يا ستى كلنا اخواتك وصحابك كمان ومتزعليش نفسك خالص

Golden Eagle

02-12-2008, 12:25 PM

عايز أقولك حاجه
مش معني أن الأصحاب وحشين أن مصر كلها وحشه
زي ما في الكويس في الوحش
أنا مثلا ً عندي شويه أصحاب م المدرسه فعلا ً الحمد لله اللي رزقني بيهم
و في ناس تاني ف نفس المدرسه الحمد لله اللي بعدني عنهم
الخلاصه
دوري ع الصحاب اللي بجد و سيبك م التانيين

Rymonda

02-12-2008, 12:41 PM

يا جماعه قضيتي الاولانيه خلصت اللي هي اصلا عنوان الموضوع .. انا مشكلتي دلوقتي في الناس اللي قولتولي دوري وهتلاقي وفعلا لقيت بس .................................................. ..حصل اللي دايقني وخلاص !!!!

its about satisfaction

02-12-2008, 02:02 PM

بصى طول ما هتدورى على حاجة مش هتلاقيها حتى لو قدامك ويمكن مشاعر الاحتياج لاصدقاء توهمك ان اى حد تعرفيه كويس انه يحافظ على اسرارك اهم حاجة دلوقتى تكونى واقفة على ارض مش متعلقة اقفى وقولى انا جامدة واقدر اكمل لحد ما اصاحب ناس تقدرنى وصدقينى انا ليا صحاب كتير اوى بيحبونى بس هما مش صحاب بجد وبالصدفة انتيمتى اعرفها من زمان وموقف قربنا من بعض بقينا روح واحدة فى جسمين ماتستعجليش