اولا السلام عليكم ..
مش عارفة ابدأ مشكلتى ازاى بس حبدأها بسؤال ياريت تجاوبهولى وانتو بتردو و تحلولى مشكلتى

السؤال هو : هو العيب فيا و لا انا معقدة و لا ايه بالظبط ؟؟

مشكلتى هو انى بحب علم الفلك من زمان اوى اوى و بدرس حاجات فيه بجانب الدراسة بتاعتى و حشترى تليسكوب بسيط ان شاء الله قريب جدا .. المهم انا نفسى اتخصص فى المجال دة بس للأسف مفيش كلية فى مصر فيها القسم دة و انا مينفعش اسافر برة عشان ادرس .. مش حصرف تحويشة العمر على سنتين و لا بتاع ..

معظم الناس بيتجنبونى و بيقولو عليا معقدة .. ليه ؟؟ عشان انا بهتم بالعلم و عايزة ان شاء الله اعمل مدرسة فى مصر للعلم و الابحاث العلمية .. اوووه دة مش موضوعنا

المهم بما ان مفيش المجال دة فى مصر فعايزة اختار حاجة تكون نافعة ليا و مفيدة مع الحفاظ على هوايتى المفضلة .. انا الحمد لله جبت 97.5% فى 2 ثانوى وداخلة 3 بس مش عارفة اكمل علمى رياضة و لا علمى علوم
اصلى بحب الاتنين و بجد بجد مش عارفة اختار
خايفة لو كملت علوم ودخلت طب اكون مثلا جراحة فاشلة .. ياريت حد يساعدنى و يجاوبنى بالمرة على سؤالى :confused:

ياااااه فعلا انتي انسانة عبقرية

محدش بيحب الفلك غير الانسان المبدع

بجد و الله

علي العموم خليها زي هواية مع اني كنت فاكر انا في قسم في كلية العلوم عن الفلك علي ما اعتقد

لأ مش متهيالي لأ متأكد بس مش اووي يعني

و لو عايزة تبقي قريبة منها يبقي خليك علمي رياضة عشان يبقي المجال قدامك مفتوح

عشان لو فعلا موجودة تدخليها

لأنها متهيالي بتاخد من علمي رياضة

سؤالك التاني :

بما أنك متفوقة - ما شاء الله - يبقي برشحلك صيدلة

دي أفضل كلية للبنات من رأيي

بس طبعا علمي علوم

يعني أسالي لو موجود قسم بتاع الفلك في كلية العلوم يبقي خليكي رياضة

مش موجود و عايزة كلية كويسة

يبقي ادخلي صيدلة

أو عندي اقتراح تااااني

انتي تشدي حيلك و تجيبي 99 في سنة ثالثة يمكن يعملوا منحة دراسة زي السنة دي

و تطلعي تدرسي بره علي حساب الدولة و تاخدي مرتب كمان :)

و ربنا يوفقك يااا رب عشان انتي بتحبي الفلك :)

و انا كمان بحبه جدا جدا :) :)

نرجو الالتزام
وعدم التلفظ بالفاظ غير لائقه

ياااااه فعلا انتي انسانة عبقرية

محدش بيحب الفلك غير الانسان المبدع
بجد و الله
علي العموم خليها زي هواية مع اني كنت فاكر انا في قسم في كلية العلوم عن الفلك علي ما اعتقد
لأ مش متهيالي لأ متأكد بس مش اووي يعني
و لو عايزة تبقي قريبة منها يبقي خليك علمي رياضة عشان يبقي المجال قدامك مفتوح
عشان لو فعلا موجودة تدخليها
لأنها متهيالي بتاخد من علمي رياضة
سؤالك التاني :
بما أنك متفوقة - ما شاء الله - يبقي برشحلك صيدلة
دي أفضل كلية للبنات من رأيي
بس طبعا علمي علوم
يعني أسالي لو موجود قسم بتاع الفلك في كلية العلوم يبقي خليكي رياضة
مش موجود و عايزة كلية كويسة
يبقي ادخلي صيدلة
أو عندي اقتراح تااااني
انتي تشدي حيلك و تجيبي 99 في سنة ثالثة يمكن يعملوا منحة دراسة زي السنة دي
و تطلعي تدرسي بره علي حساب الدولة و تاخدي مرتب كمان :)
و ربنا يوفقك يااا رب عشان انتي بتحبي الفلك :)
و انا كمان بحبه جدا جدا :) :)

اولا شكرا جدا جدا على كلامك ده فرحنى اوى و حسسنى ان لسه مصر بخير :rolleyes:
انا عارفة ان فىه فى كلية علوم جامعة عين شمس قسم الفلك والارصاد الجوبة و دة مش بيبقى فيه غير واحد او اتنين و مش بيكونو رايحين بمزاجهم كمان .. بيكون عشان المجموع و آخرهم بيشتغلو فى مرصد حلوان و دة الصراحة مش ( طموحى ) :mellow:

شكرا مرة تانية على ان حضرتك بتقول متفوقة :D مش باين الحقيقة ... انا لسه بفكر فى علمى علوم او علمى رياضة بس لو كملت علمى علوم مش حينفع آخد صيدلة لانى مش بحبها + ان كفاية اختى صيدلاينة مش اتنين فى العيلة .. كنت الحقيقة بفكر فى طب بشرى تخصص جراحة خاصة بس لسه مش عارفة بردة :(

ان شاء الله الامتحانات السنة دى تيجى سهلة و اجيب 99% ان شاء الله ويدونى منحة و مرتب ( اشترى بيه تليسكوب جديد :p )

معلش على اللك الكتير دة بس حد يرد عليا و يفهمنى ادانى مساحة و امل انى اكون صح :)

انتى انسانة جميلة بس المشكلة فى ولوعايزة رايى لا تترددى فى المسفرة خارج مصر لان مفيش حد اصلا عنده فكرة عن الحا جات دى كل ايلى فالحين فيه يكرموا افشل ناس الاوائل ايلى ميعرفوش حاجة ويحسسوكى خلاص ان واحد اخترع ذرة والثانية اخترعت تلا جة تسخن توكلى على الله وعلى اوروبا ايلى مفيش بحث واحد اوسخ ورقة فيه بتلامس الارض ولا تسمى تعليم مصر تعليم لان مصر حتفضل متخلفة بتعليمها ده وانتظروا عام3008حتى تروا تعليم عدل ده مصر مبطلعش ييجى 15عالم كل 50سنة واذكى طفل فى العلم بيبقى الاغبى عشان التعيم ايلى انا اصلا مش حاسبه تعليم وبالتوفيق

والله عايزة اسافر ( بس ارجع تانى و افيد بلدى ) بس للأسف .. زى ما قلت فوق انا مش حصرف تحويشة العمر بتاعة بابا و ماما على الدراسة سنة و لا سنتين .. لو فيه منح يا ريت حضرتك تبقى تقولى عليها عشان اقدم ..

عندك حق فى ان مصر مفهاش فعلا تعليم بجد .. التعليم فى مصر الواخد بيدخل ميحة بيطلع ابيض يا فل ( من احترامى الشديد للقلة المتميزين ) ، من كام يوم كدة شفت مقال كان فهي مقولة عجبتى اوى لمفكر و تربوى اوروبى ( او امريكى و الله مش فاكرة ) بيقول فيها ان الهدف من النظام التعليمى مش انهم يجعلو من الطلبة اذكياء و لكى لا يجعلو منهم اغبياء ..

انت شخص كويس بسم الله ما شاء الله كمل انت انسان كويس ف تعليم شوف انت بتحب ايه اكتر و اعمله

المشكلة في الناس يا اية قومي بصلاة استخارة للسفر لدراسة الفلك

وان شاء الله ستجدين الرد السليم

واوعي تنسينا اثناء السفر

وربنا يححقق احلامك

أوعي تيأسي يا آية أو تتنازلي عن حلمك ... خليكي مصرة عليه و امشي في الطريق اللي يوصلك ليه .. و هتحققيه بإذن الله ..
جميل اوي ان اللواحد يبقى عارف هو ايه بالذات .. و خلي نيتك انك تخدمي الاسلام و المسلمين و تحققي النهضة في المجال اللي انتي فيه .. صلي استخارة و اعملي اللي عليكي .. و إن شاء الله هتبقي حاجة كبيرة نفخر بيها كلنا .. و ما تفتكريش ان الطريق هيبقى سهل .. انتي ممكن تلاقي معوقات كتير و مطبات .. ده عشان ربنا يختبر مدى اصرارك و عزيمتك ,,, ربنا يوفقك ..
يارب ما اكونش طولت عليكي ..

شكرا جدا على الكلام الحلو دة انا لسه فاضلى سنة يا لولو ان شاء الله ربنا يخلينى الاقى فرصة كويسة دعواتكم :)
وشكرا جداا عشان مكلمتنوش على اساس انى ( هبلة ) زى ما معظم الناس بتعمل :d

انا سعيده وفخورة بيكى
ربنا يحفظك
عليكى بالاصرار والحفاظ على موهبتك
وحبك فى الفلك
ولا تلقى بالا بكلام الناس
اجتهدى ومن يعلم قد يوفقكى الله وتحصلى على منحه دراسيه للخارج
لتحققى حلمك
فى امان الله

ايه بجد انتى موهوبه اوى الى الامااااااااااااام