السلام عليكم


اولا انا سعيد جدا بوجودى فى هذا المنتدى الرائع واحب اتوجه بالشكر والتقديرلادارة الموقع وفريق العمل والمشرفين


وربنا يجعله فى ميزان حسناتكم ويجازيكم خير عن اخوتكم الطلبة


زملائى الاعزاء طلاب العلمى علوم لو دخلت علاج طبيعى انا هكون معاك ديما وخطوة بخطوةومش هسيبك حتى فى الكلية


اولا احب اعرفكم بنفسى انا اخوكم اسلام

الفرقة الثالثة روند نسا وجراحة وحروق

كلية علاج طبيعى جامعة القاهرة

واحب ان اوضح لكم بعض التساؤلات عن الكلية

كلية العلاج الطبيعى من كليات القطاع الطبى زى طب وصيدلة واسنان وبيطرى


مدة الدراسة بالكلية 5 سنين 4 سنوات دراسة اكاديمية وسنة امتياز

الكلية الحمد لله مستقبلها اكثر من رائع لانك ليك تكليف بعد التخرج ان شاء الله وفى ناس كتير بتشتغل من وهيا بتدر س انا بتدرب وبشتغل حاليا وانا لسه طالب اهو يعنى اذا كمجال عمل هو اكثر من رائع ومربح واولا واخير الله مقسم الارزاق

وفيما يلى بعد ممزيات الكلية عن طب وصيدلة عشان متزعلش انك ملحقتش صيدلة او اسنان



طبعا انا مش بقلل من مكانة الكليات دى لا اطلاقااااااااا على عينى وراسى والله بس ليا الحق انى افتخر بكليتى برضه واكشفلكم الجوانب السلبية الكليات اللى كنتو بتحلموا بيها



اولا مميزات كلية العلاج الطبيعى عن طب بشرى



طب بشرى عدد الخرجيين كتيييييييييييييير لدرجة ان بقوا فى التكليف بتاعهم يودوهم اماكن بعيدة من كثرة دكاترة بشرى فى المدن وطبعا انا ليا قريبتى بتصوت ودوها شمال سيناء يعنى غربة ومواصلات ومصاريف وهيا خريجة جامعة اسكندرية ده طبعا غير المرتب المهول اللى بتقبضه واللى ميتجوزش300 جنيه

بالنسبة للولاد طب بشرى معاناة كبيرة لانك بتدرس سبع سنين بعدها 3 سنين جيش بعدها تكليف ولازم تعمل ماجستير عشان تتخصص ودوخينى يا لمونة يعنى عشان توصل للى المرحلة اللى تقدر تقول فيها انا هبدا اكون متسقبلى يا جماعة يكون عندك 28 سنة

كلية علاج طبيعى بقى عدد الخرجيين قليل وتكليفك بيبقى فى بلدك بس برضه لازم يكون تقديرك كويس ده يساعدك كتير

عدد سنين الدراسة خمسة فقط وبتبدا شغل من بعد رابعة على طول وبتبدا تاخد مرتب من وانتا فى امتياز سواء من الحكومة او من الشغل الخاص اللى يببقى فى عيادات وزى ما قلت والله يا جماعة فى ناس كتيرة فى امتياز بتطلع بمرتب محترم من الشغل الخاص
يعنى تخيلوا وانتو فى امتياز بتاخدوا فى الشهر 200 جنيه من الحكومة +مرتب الشغل الخاص

يعنى مبلغ محترم جدا بالمقارنة ببتاع بشرى اللى لسه طالب فى سنة خامسه


مميزات كلية علاج طبيعى عن صيدلة


الفرق بين مميزات العلاج الطبيعى والصيدلة
الطلبة بتتكالب على الصيدلة بسبب ميزتين فى الصيدلة:-

1-انها مربحة جدا

2-انها خمس سنوات فقط بخلاف الطب سبع سنوات

ولما نيجى نتكلم عن العلاج الطبيعى نجده يحتوى على تلك الميزتين لأنه مربح جدا خصوصا كلما مرت سنوات على تخرجك يزداد دخلك والجلسات بتبقى على فترات امع العيان يعنى بتشوف العيان كتير وبيجيلك كتير


والمميزات الاضافية عن الصيدلة ان عدد الطلبة فى كليتنا قليل جدا بالنسبة للطب او الصيدلة او الاسنان

عندما تتجول فى اى منطقة تجد صيدلايات كثيرة جدا غير الخريجيين اللى كل يوم بيزيدوا

وميزة العلاج الطبيعى انك بتفتح عيادة وبتشتغل فى مستشفى وهذا فى حد ذاته متعة كبيرة لا يغنى عنها اى مال فعندما تجلس فى عيادتك ان شاء الله ويأتيك المرضى وتعالجهم

تشعر بمتعة تختلف عن كونك دكتور صيدلانى يصرف الروشتة فقط ونادرا ما تجد دواء تركيب فكل الادوية جاهزة واعرف كثير من الناس يعملون فى صيدلايات بمؤهل متوسط وناس تانيين بدون مؤهل



خلاصة هذا الكلام اذا اردت ان تنجح فى العلاج الطبيعى تضع تلك المميزات نصب عينيك وتجعل معنوياتك فى السماء وتتجاهل اى سلبيات للكلية ولا تضع فى بالك مشاكل النقابة فهى ستحل ان شاء الله عاجلا او آجلا وغالبا قبل التخرج ستحل وعندما تتخرج ان شاء الله هيكون كارنيه نقابة المهن الطبية معاك

وارجو يا جماعة ان انتو بجد تبقوا متفائلين وتخليكوا فى الكلام المشجع وسيبكوا من المحبطين دول ناس مش تفهم

اخوكم اســــــــــــــــــــــــــــــــــــــــــــــــ ــــــــــلام

كان نفسي ادخلها
بس الحمد لله انا دخلت بيطري
قدر الله وماشاء فعل
فرقت معايا عن علاج طبيعي درجه واحده
شكرا يا دكتور علي تنبيهاتك
بس انا شفت الكلام ده في منتدي علاج طبيعي لما كنت ببحث في جوجل:rolleyes:
تقريبا حضرتك برده اللي كاتبه هناك:rolleyes:

انا فرقت درجتين مش مشكلة كلية علوم والحمدلله

اهلا يا اخواتى انا بالفعل اللى كاتبه هناك يا دكتورة سندريلا

ولا تحزنوا وتاكدوا ان الله تعالى بيخترلك ديما الخير المهم انك تنجح وتثبت نفسك فى مجالك ايه الفايدة انى اخش طب واتخرج معرفش اعالج عيان او اتسبب فى زيادة مشكلته؟؟؟؟؟

اذا المهم هو اثبات الذات والتفوق فى اى مجال وقبل كل شىء احتساب هذا العمل لوجه الله تعالى

اهلا يا اخواتى انا بالفعل اللى كاتبه هناك يا دكتورة سندريلا

ولا تحزنوا وتاكدوا ان الله تعالى بيخترلك ديما الخير المهم انك تنجح وتثبت نفسك فى مجالك ايه الفايدة انى اخش طب واتخرج معرفش اعالج عيان او اتسبب فى زيادة مشكلته؟؟؟؟؟

اذا المهم هو اثبات الذات والتفوق فى اى مجال وقبل كل شىء احتساب هذا العمل لوجه الله تعالى
الحمد لله علي كل حال
حقيقي شغل حضرتك في المنتدي التاني وكام دكتور تاني شغل رائع فعلا
اكن نفس استفيد من حضرتك
بس مليش نصيب
الحمد لله علي كل حال

السلام عليكم انا اقتنعت بكل كلمة قولتها ياdr.buffon لكن في كتير من العائلة غير مقتنع بالمرة باي كلمة من اللي قولته ورافضين تماما دخولي لكلية علاج طبيعي وعايزني ادخل كلية صيدلة عشان مجموعي يدخلني صيدلة وده عشان افتح صيدلية استثمر بيها فلوس بابا واضمن بيها فرص عمل لاخواتي (لكن بابا عايزني ادخل علاج طبيعي لانه شايف ان مستقبلها حلو )وخايف اعاند وادخل علاج طبيعي وتحصل حاجة ويتلموا عليا ويقولوا مقلنا تدخل صيدلة من الاول............. اعمل ايه ؟؟؟؟؟؟؟؟؟؟؟؟؟؟؟ ارجوكم ساعدوني

السلام عليكم انا اقتنعت بكل كلمة قولتها ياdr.buffon لكن في كتير من العائلة غير مقتنع بالمرة باي كلمة من اللي قولته ورافضين تماما دخولي لكلية علاج طبيعي وعايزني ادخل كلية صيدلة عشان مجموعي يدخلني صيدلة وده عشان افتح صيدلية استثمر بيها فلوس بابا واضمن بيها فرص عمل لاخواتي (لكن بابا عايزني ادخل علاج طبيعي لانه شايف ان مستقبلها حلو )وخايف اعاند وادخل علاج طبيعي وتحصل حاجة ويتلموا عليا ويقولوا مقلنا تدخل صيدلة من الاول............. اعمل ايه ؟؟؟؟؟؟؟؟؟؟؟؟؟؟؟ ارجوكم ساعدوني

هي مش نتيجة التنسيق طلعت خلاص

اعتقد انك تسمع كلام الأسرة وتشوف انت حابب ايه اكتر

وميولك ايه

يعني انا دخلت صيدلة بس فيه ناس بتزن عليا ادخل طب بس انا مش راضي

لاني حابب صيدلة وناوي اعمل حاجة

اولا شكراااااااا يا احمد على ردك عليا
ثانيا انا حابب علاج طبيعي اكتر لكن الكل بيقلل من شانها وعمالين يلحوا عليا عشان ادخل صيدلة .....وانا بطبعي متردد وهم زودوا عليا الحيرة مش عارف اطلع عيوب في الصيدلة غير انها تجارة والكل شايف ان التجارة هي اللي بتجيب الفلوس فملهاش عيب عندهم......
شكراااااااا تاني يا احمد ..........ومستني آراء تانية

اولا شكراااااااا يا احمد على ردك عليا
ثانيا انا حابب علاج طبيعي اكتر لكن الكل بيقلل من شانها وعمالين يلحوا عليا عشان ادخل صيدلة .....وانا بطبعي متردد وهم زودوا عليا الحيرة مش عارف اطلع عيوب في الصيدلة غير انها تجارة والكل شايف ان التجارة هي اللي بتجيب الفلوس فملهاش عيب عندهم......
شكراااااااا تاني يا احمد ..........ومستني آراء تانية

والله يا وسيم

احنا مسبناش كلية في مصر الا وطلعنا عليها عيب

يعني انا داخل صيدلة

اللي يقولي حتبقى بياع وبقال ومش عارف ايه وتروح تشتغل مندوب

واللي في طب محدش سايبه في حاله برضه

7 سنين وتعب وماجستير ودكتوراه وجيش وحتموت قبل ما تبقى دكتور
ويحدفوك في كفر طهرمس وفي الاخر تاخد 200 جنيه

ونفس الكلام على بيطري واسنان وعلاج طبيعي

وهندسة(اصلهم بقوا كتير برضه)


وكما قال السادة النقباء

فانني انصح بكلية تكنولوجيا المعلومات بجامعة هارفرد او كامبريدج

ههههههههههه
طبعا اللي بتقوله صح................ وكل حاجة فيها ميزة وعيب لكن لما تحب حاجة بتشوف مميزاتها بس وبتتغاضا عن عيوبها وانا مش شايف عيوب في طبيعي غير النقابة واناكده والا كده مش هستفيد اوي من النقابة ........على العموم ربنا يسهل ..وان شاء الله ربنا يوفقك في الصيدلة وهاسمع ان احمد عمل حاجة جامدة اوي............وتتطلب في امريكا وتقول لا انا هاقعد في بلدي عشان افيدها وافيد اولاد بلدي وكلام الافلام الابيض والاسود اللي انتا عارفه.

السلام عليكم

اخى الكريم وسيم انصحك اول حاجة بالاستعانة بالله عز وجل وصلاة الاستخارة


ثاينا صدقنى يا اخى كل مهنة كما قال الاخ احمد فيها مشاكل مفيش مهنة مفهاش مشاكل لكن المهم هو ميولك ورغبتك لو انتا بتحب الكيمياء خليك صيدلة وهتمشى فيها كويس

لوميولك تبقى دكتور يكون ليك عيادة وشغل فى مستشفى خليك فى علاج طبيعى

اذا هيا مسالة ميول ورغبة بعيدا عن التجارة والربح لان الله سبحاته وتعالى هو مقسم الارزاق وانا اعرف ناس صيادلة كتير وحالتهم مش كويسة وعلى فكرة دفعتى فيها نسا كتير اوى جايبين صيدلة وفضلوا علاج طبيعى يعنى المسالة مش خسارة يعنى ولا مجموع

وعلى فكرة شغل علاج طبيعى مربح الحمد لله ومشكلة النقابة ستحل عاجلا او اجالا والعائق الوحيد هو وجود الدكتور حمدى السيد لانه عنده مشكلة مع نقابة العلاج الطبيعى
لكن ان شاء الله المشكلة ستحل قريبا جدا بوجود النقيب الجديد للاطباء

ربنا يطمنك......... وان شاء الله هاكون في الكلية لاني مش بحب الكيمياء اوي وشكراااااااا على اهتمامك ..........(شكلك بتحب العلاج الطبيعي اوي)

والله يا اخ وسيم الدراسة والشغل هما اللى حببونى اوى فى مجالى ومهنتى تخيل كده وانا طالب لسه فى سنة تانية ونازل تدريب واتشغل مع العيانين وبعد الجلسة تخيل بقى كم الدعوات اللى بيدعوهالى

تنشيط للموضوع

في امان الله

طبهيا بتاخد من مجموع كام عشان لو كدا انشن عليها انا لسا ف اولى تانوي ... :)

طبهيا بتاخد من مجموع كام عشان لو كدا انشن عليها انا لسا ف اولى تانوي ... :)

يعني من 95.5% ل 97%

وهي عموما بتبقى اقل من صيدلة درجة او نصف درجة


:078111rg3::078111rg3:

تنشيط

ان شاء الله تستفيدوا

اهلا بكم ..

ممكن طب حد يقول لي ايه المواد اللي بتدرسها في الكلية ..
و ايه طبيعة الدراسة .. .

اهلا بكم ..

ممكن طب حد يقول لي ايه المواد اللي بتدرسها في الكلية ..
و ايه طبيعة الدراسة .. .


والله اللي كان يفهم في العلاج الطبيعي
هو د/بوفون وبطل يدخل بقاله اكتر من 10 شهور

انا بعتلوه ايميل النهارده اتمنى انه يقراه ويرجع يدخل المتتدى تاني

ويقدر يفيد حضراتكم

شكرا

:):):)

انا بقه مشكلتي مشكلة
انا الحمد لله جبت407+8في المستوى يعني الحق اي كلية
لما دخلت اولى ثانوي كان نفسي موت ادخل علاج طبيعي وكنت بحب اسمع للدكتور عادل عبد العال
بس مع مرور الايام ليقت نفسي مشتتة ومش عارفة احدد الكلية الافضل وفي البيت عندنا نصحوني ادخل طب بنها
وناس تانية تقولي صيدلة وناس اسنان ومش عارفة اختارايه حد يقولي ياحماعة لان التنسق خلاص النهارده ومش عارفه انام خالص

انا اسف علي الانقطاع يا د احمد وان شا الله غدا هجاوب علي استفسارتكم لاني دلوقتي داخل من موبيل

السلام عليكم ورحمة الله وبركاته
ممكن آخد استشارة من حضرتك د.إسلام
أنا حاسة إني عاوزة ادخل علاج طبيعي...لكن المشكلة ان هناك مشاكلوخلافات بين طب طبيعي وعلاج طبيعي،وماما أستاذة طب طبيعي......أعتقد ليس من حق المتخرج من علاج طبيعي أن يفتح عيادة،ولا أن يكون طبيبا قانونيا حسب نقابة الأطباء
وكنت عاوزة أعرف طريقة التدريس في الكلية والمواد وكده ....إذا سمحت
وشكرا جزيلا

هو ايه طب طبيعي ده اصلا
انا اول مره اسمع عن حاجة اسمها طب طبيعي
ولا ده طب بشري يعني ولا ايه

للمعلومات عن اقسام الكلية والمواد الدراسية

من هنااااااااااا

http://knol.google.com/k/-/-/mphum943u6iq/31#

.لكن المشكلة ان هناك مشاكلوخلافات بين طب طبيعي وعلاج طبيعي،وماما أستاذة طب طبيعي......أعتقد ليس من حق المتخرج من علاج طبيعي أن يفتح عيادة،ولا أن يكون طبيبا قانونيا حسب نقابة الأطباء


بصى انا مش هكدب عليكى فى خلافات بين طب طبيعى وعلاج طبيعى لكن الخلافات موجودة فى كل المجالات دكاترة عظام على خلاف مع دكاترة اعصاب على جراحات العمود الفقرى الصيادلة ومشكلة الضرائب الاطباء والكادر

لكن من حق خريج علاج طبيعى يفتح عيادة مستقلة انا نت شغال فى عيادتين وعارف انا بقولك ايه ومجالات شغل علاج طبيعى كتير

ومفيش اشراف من طب طبيعى على علاج طبيعى لا ن تم الفصل بينهم اداريا فى وزارة الصحة سنة 2001 يعنى شغل دكور العلج الطبيعى مستقل تماما عن طب طبيعى

ولقب دكتور ده واخدينه بحكم محكمة

شكرا علي المعلومات الرائعة يادكتور بوفون أنالسه هدخل علاج طبيعي ومعلومات حضرتك فادتني جداجدا وارجو المشاركةدائما بمزيد من المعلمات

السلام عليكم

ازيكم يا شباب
عايز أهنى كل الناس اللى دخلوا كلية العلاج الطبيعى

تأكدوا ان احنا هنا لخدمتكم و لو احتجتم أى معلومة أو أى حاجة عايزين تعرفوها عن كلية العلاج الطبيعى فاحنا معاكم خطوة بخطوة

أخوكم / لؤى بهجت
مقرر أسرة الحياة حلوة
أمين اللجنة العلمية
اتحاد طلاب كلية العلاج الطبيعى
0196998915
ptforall***********

اريد معرفة مواد الدراسة بالتفصيل وشكرا علي المجهود الرائع

سنة أولى فيها 8 مواد :
مادة التشريح anatomt
مادة علم الأعضاء physiology
مادة علم الأنسجة histology
مادى الكيمياء الحيوية biochemistru
مادة الميكانيكا الحيوية biomechanics
مادة وسائل العلاج الطبيعى modalities
مادة الطبيعة الحيوية biophysics
اللغة الانجليزية medical english

ana gebt magmo3 saidla fe ai 7ta fe masr (ma3ada el menia:D) bas ana shaif en 3lag tabe3y a7san bkteeeeeeeeeeeeeeeeeeeeeer m3a eny hatar a3od fe madena game3ia we el araf da bas ana shaif ana saidla mosa2balha fe el dia3

ya gm3a ana shaif en el 3lag el tabe3y a7san yamaaaa mosta2bal gamed we a7san men saidla fe 7agat kteeer we el saidla kman 5las hatro7 3aleha kman kam sana we kaman hat5od a2al men 3lag tabe3y

يا جماعة ارجوكم حد يرد عليا انا محتار بين علاج طبيعي و صيدلة بابا عايز علاج و ماما و اخواتي عايزين صيدلة علشان الناس وانا من المنصورة ولو دخلت صيدلة الكلية حتبقي جانبي لكن انا بحب السفر ومش عارف اعمل ايه:d

ارجوكم حد يقولي اعمل ايه

أنا كنت عايزة أعرف التقديم هيبقى امته؟؟......هيبدأ يوم ايه؟
لو حضرتك تعرف تليفون لشئون الطلبة في الكلية عشان أسأل ... بجد يبقى كويس بدل السفر وكده

بصى هو الميعاد لسه متحددش لأن الأسامى بتاع التنسبق لسخ موصلتش الكلية
الكلام ده أنا جايبه من الشئون النهارده لما كنت فى الكلية
أول ما يحصل جديد هعرفك

عشان تقدرى تتواصلى معانا ده الجروب بتاعنا على الفيس :

http://www.facebook.com/group.php?gid=241361230569

كنت عايز اعرف طريقة المذاكرة بالكلية وكيفية تنظيمها ولو عايز استفسر عن شئ بالكلية نسأل مين و سمعت ان المحاضرات من8 صباحا حتي7 مساءا؟ وهل في يوم اجازة ولا الكلية طول الاسبوع؟ وبجد شكرا علي المجهود الرائع

ya gama3a
2na fara2et m3aya 3ala nos daraga :S
hal momken a3mel eltemas w ye2balony wala l2??!

ya gama3a
2na fara2et m3aya 3ala nos daraga :s
hal momken a3mel eltemas w ye2balony wala l2??!

يا ابني كنت تعمل تظلم وقت ما كان فيه!!

دوك ياسر "ابومدريد" كانت فارقه معاه علي نص درجه وعمل تظلم وخد درجه ونص كمان

ربنامعاك

ترجمه الي فوق للي مبيعرفش يقرا البتاع ده
"
يا جماعه انا فرقت معايا علي نص درجه هل ممكناعمل التماس ويقبلوني؟
"

ياريت حد يساعد الاخ

أنا عارف . . . بس للأسف خلاص باب التظلمت قفل
هل في حل ؟ أو أي حد يعرف حاجة عن الالتماس ده ؟؟