أنا نازل
ولا أتنازل
لأن مفيش حرية بالساهل
...
أنا نازل
ومش ناسي
إن في رابعة كان أهلي وناسي
وحب مصر مسيطر على إحساسي
...
أنا نازل لأني عالبلد خايف
وبرضو لإني مش هايف
ومستقبلها بس أنا شايف
...
أنا نازل
عشان حريتي ضاعت
عشان أرجع حق أسماء اللي ماتت
عشان السنوسي وبيومي والأيام اللي فاتت
...
أنا نازل
لإن العسكر بيحبسونا
وفي رابعة ***ونا
وفي النهضة حرقونا
وبحجة الإرهاب حاربونا
...
طب ازاي إرهابي من غير سلاح
ووقت الصلاة ينادي حي على الفلاح
وجسموا كلو مليان جراح
...
فاكرين الشارع كلو إخوان
والله دي نكتة يا جدعان
وخليك فاكر إني مش نسيان
لإن دا حقي عشان أنا إنسان
وفافتكر إنك قلبت الفرحة أحزان
مش مهم أصلك بطبعك خوان
بس إن شاء الله هتبقى ندمان
على اللي عملتو في الشعب الغلبان
وبيقولوا إن العسكر جدعان
...
وبيقولوا إن إحنا شعب وهما شعب
بس أفتكر مع بعض كسرنا الصعب
وفي يناير ملينا عنين الشرطة رعب
وكنا إيد وحدة وكمان قلب
وكان يجمعنا شعار الحب
...
مصر اللي كانت للعالم منارة
ودلوقتي تشحت من السعودية والإمارة
ودستورها يكتبو صاجاتي ومغنواتي ومخرج دعارة
كمان يسرى وإلهام بس يا خصارة
على المجد اللي ضاع كمان الحضارة
وبتقولي كان في يونيو ثورة طب إديني أمارة
أنا عارف إن العبد يمشي بالعصاية
والحر كفاية عليه الإشارة
...
هو ده دستور ولا ده استفتاء
فاكرين هنصدق ونقول دول أوفياء
أصل العسكر من البداية راضعين الغباء
أنا قصدي القيادة مش الجنود والأمناء
وفي الآخر يا رب ارفع عنا البلاء