بسم الله الرحمن الرحيم

السلام عليكم ورحمة الله وبركاته

فـ الملف ده إن شاء الله

هـ نلقى نظرة شاملة على الآلة الحاسبة ككل

وهـ نشوف اد إيه ممكن تفيدك

فـ الثانوية العامة

فيزياء ورياضيات 2 بالتحديد

و أنا على ثقة انك إن شاء الله هـ تخرج بـ شئ واحد جديد على الأقل من الفايل ده J

~~~~~~~~~~~~~

لو اتكلمنا عن احتياجك فـ أنت ممكن تكتفى بالآلة

Casio fx-500

وهـ تغطى احتياجاتك الأساسية

لكن أنا هنا هـ تكلم عن

Casio fx – 991 ES PLUS

و

Casio fx – 570

مفيش بينهم فرق تقريباً
http://www.m5zn.com/newuploads/2013/08/23/jpg//c5d54a2ab161707.jpg (http://www.m5zn.com/out.php?code=14906258)
http://www.m5zn.com/newuploads/2013/08/23/jpg//d1955916558e7b5.jpg (http://www.m5zn.com/out.php?code=14906257)



دى مجالها أوسع من 500 وكده كده هـ تحتاجها فـ مجال دراستك بعد كده إن شاء الله

~~~~~~~~~~~~~~~~~~~~~~~~~~~

مبدئياً

قبل ما تبدأ تعمل أى حاجة لازم تكون بتعرف ترجع الآلة للوضع الإفتراضى بتاعها

عشان تجرب وتبوظ زى ما أنت عايز

المهم ترجع للبداية تانى ;)

http://www.youtube.com/watch?v=H3_hFmeUPaU (http://www.youtube.com/watch?v=H3_hFmeUPaU)

فـ الفيديو > مش لازم دايماً تدوس 3

1- لمسح السيتب > يعنى هـ ترجع الوضع الافتراضى للآله

2- لمسح الميمورى > يعنى لو فى أى أرقام أنت مخزنها هـ تطير ..

3- للكل .

~~~~~~~~~~~~~~

دلوقتى انت على النظام الإفتراضى للآلة

MATH

يعنى حساب

NATURAL DISPLY

يعنى عرض طبيعى

والزوايا

DEGREES

يعنى بالدرجات ,,

~~~~~~~~~~~~~

دلوقتى المفروض ان معلوماتك على الآلة بـ تشمل العمليات الحسابية العادية

جمع / طرح / ضرب / قسمة

+ بتعرف تكتب الكسور والأسس والجذور

واللوغاريتمات

والدوال المثلثية ( جا وجتا وظا ومقلوباتها )

اللى هى على الترتيب

SIN

COS

TAN

كمان لازم تكون عارف D<>S

اللى هو التحويل من عشرى الى كسر اعتيادى والعكس

كل دى حاجات أنت عرفتها من دراستك اللى قبل كده

ولو مش عارف أى حاجة فيها راجع أستاذك عشان دى أساسيات ,,

~~~~~~~~~~~~~~~

دلوقتى هـ بدأ أضيف شوية فيديوهات

أو شرح

تشمل مهارات عامة على الوضع الإفتراضى للآلة

~~~~~~~~~~~~~~~

1- لو بصيت فـ الكوفر ( الغطاء ) للآلة هـ تلاقى مجموعة من الثوابت العلمية + طريقة عمل بعض التحويلات للكميات

2- عند وجود أى زر فوقه كتابة

باللون الأصفر > يبقى تدوس SHIFT

ثم الزر عشان تشغل الوظيفة أو الرمز ده

باللون الأحمر > يبقى تدوس ALPHA

3- زر المود فيه أنظمة التشغيل للآلة وهم 8

ولو دست شفت مود هـ تجيب ضبط فرعى لبعض الخصائص.

4- الزر CALA

تحت شفت علطول ,,

فكرة الحساب أنك بـ تحط علاقة فيها مجهول x

وبـ تدوس الزر وبـ يطلب منك تعوض عن اكس بـ قيمة

بـ تكتبها ثم = وبعدها يطلع لك الناتج

ممكن استفيد بـ ده فـ إيه ؟

1- لو عندك دالة و عايز ترسمها فـ بـ تضطر تعوض عند كذا نقطة ولو قعدت تكتبها كل شوية برقم مختلف بتتشل :(

فـ هـ نكتبها مرة واحدة وكل مرة تدوس الزر وتكتب القيمة اللى بعدها

2- النهايات !

ازاى

أنت طبعاً بـتكسل تعوض تعويض مباشر عشان عارف إنها بتطلع 0/0 دايماً

طيب افرض مطلعتش ؟

وكانت المسألة تعويض مباشر ؟

فأنت هـ تدخل الدالة اللى عندها النهاية وتدوس الزر وتحدد قيمة اكس ما تؤول إليه س

لو طلع ايرور يبقى هـ تشتغل عادى شغل النهايات

ولو طلع بقيمة تبقى تعويض مباشر

بس كده ؟

لا طبعاً

لما تطلع لك ايرور

دوس كالك تانى ودخل رقم قريب جداً من النهاية مثلاً

س -----> 2

أنت اعمل اكس

2.00000001

وبعدين = هيطلع لك الناتج الصحيح J

ركز معايا بقى

لما تكون س -----> مالانهاية

مينفعش تعوض بالآلة

ولما يكون الموضوع فيه دوال مثلثية

جا ,, ظا ,, جتا

هـ تضطر تحول الآلة للنظام الدائرى الأول ,,

شفت مود 4

3- ديموافر

لما تيجى تجيب الجذور أدخل المقدار

وهـ تعوض عن الـ (ر) فـ كل مرة

هـ توفر عليك وقت كبير ,,

دى فيديو يوضح لك ازاى تستخدم كالك بطريقة عادية وابقى شوف أنت باقى الحاجات اللى قلتها ,,

http://www.youtube.com/watch?v=o-8OmDAuAiI (http://www.youtube.com/watch?v=o-8OmDAuAiI)

~~~~~~~~~~~~~~~~~~~~

4- solve

اللى هو shift

Calc

ده فايدته إيه ؟

أنت بتدخل علاقة فـ متغير واحد ليها طرفين وهو بـ يجيب قيمة المتغير ده

مثلاً

س + 5 = 2

.:. س = -3

وهكذا

بـ يحل أى درجة ( باور ,, أس يعنى ) بس بـ يطلع لك حل واحد فقط

بمعنى لو كانت س2 -4=0

الحل 2 , -2

لكن هى هـ تكتب 2 بس

ازاى استخدمها

بتدخل المعادلة الأول

طبعاً عشان تدوس =

بـ تدوس

Alpha

Calc

وبعد ما تكتب المعادلة بـ تدوس شفت كالك =

بـ يطلع لك قيمة اكس

ملحوظة

لو طلع L-R

بقيمة يبقى فيه شئ مش مزبوط

لأنه كده بتكون المعادلة غير صفرية > لآن الناتج هو حاصل طرح الأيمن – الأيسر !!

طيب دى ممكن تفيدنى فـ إيه

هـ تفيدك فـ الفيزياء أكتر

بـ تكتب القانون وتعوض فيه وتدخله على الآلة بـ يطلع لك قيمة المجهول مباشرة

بدل ما تقعد تضرب طرفين فـ وسطين بقى والشغل ده

طبعاً أنت فاهم أنه بتنفع للكسور

مثلاً

س-2 س

ــــــــ = ــــــــ

3 5

وهكذا ,,,

~~~~~~~~~~~~~~~

5- استخدام الذاكرة لتخزين قيمة معينة ,,

http://www.youtube.com/watch?v=laRMNjJGJTU (http://www.youtube.com/watch?v=laRMNjJGJTU)

لو أنت مثلاً قاعد تحل تمرين فيزياء طويل

وكل شوية عمال تكتب معامل النفاذية لوسط مثلاً

الموضوع ممل أوى

ممكن تخزن قيمته على شكل حرف

وكذلك بالنسبة لأى رقم أنت عايزه أو مثلاً رقم صعب تفتكره و عايز تعوض بيه فـ خطوة تانية من المسألة وهكذا ,,

~~~~~~~~~~~~~~~

6- مجرد طريقة للتحويل من دائرى إلى ستينى أو العكس

http://www.youtube.com/watch?v=KiP10rUzDP4 (http://www.youtube.com/watch?v=KiP10rUzDP4)

http://www.youtube.com/watch?v=6NuQd_Fdp1Q&list=PL7948BE51066C3B6C (http://www.youtube.com/watch?v=6NuQd_Fdp1Q&list=PL7948BE51066C3B6C)

~~~~~~~~~~~~~~~

7- منوع

الفيديو ده فيه 10 خصائص متنوعة للآلة

مش شرط كلها تكون فـ مجال دراستك

http://www.youtube.com/watch?v=xFIUO8IYUXo

1- مجاميع ريمان

2- الدوال العكسية

3- أسس وجذور

4- تحويل دائرى وستينى

5- استرجاع آخر ناتج

6- التحويل من كسر عشرى إلى اعتيادى والعكس

ملحوظة ~ كمان تقدر ترفع الكسر وتنزله

مثال 1 وخُمس = 5/6 = 1.2

عن طريق شفت اس دى وشفت = ,,

7- حفظ رقم فـ الذاكرة بطريقة مؤقتة

ومسحه



8- لو لخبط أى حاجة فـ الإعدادات

إزاى ترجع للوضع الإفتراضى ..

لاحظ كمان أن الطريقة دى موجودة فـ الكوفر بتاع الآلة ,,

9- معرفش إيه اللى هو عمله اصلاً

بس اعتقد أنه بـ يقول مينفعش تدخل المجهولين مع بعض أو حاجة زى كده J



10- طريقة هاك للآلة J

~~~~~~~~~~~~~~~~~~~

8- منوع ,,

http://www.youtube.com/watch?v=5QsdTEoBrIo

20من الخصائص المختلفة للآلة

J

1- ازاى تكتب الكسور حتى لو مكانتش مرفوعة مثلاً 2 وثلث

وازاى كمان تستخدم اللينير مود

بس هو نظام كحيان يعنى

هو أنت هـ تشترى ناتشرال ديسبلاى عشان تكتب لينير !!

احنا هنستهبل ,,

خليك فـ العادى ,,

2- مجرد إدخال عادى جداً لعملية حسابية طويلة

ودى فايدة إن الآلة ناتشرال ديسبلاى

يعنى عرض طبيعى

اللى بتكتبه على الورق ~ تقدر تدخله بنفس الشكل على الآلة

خلى بالك من الأقواس والكلام ده عشان ضيعت أجيال J



3- الدوال المثلثية عادى جداً

ساين > جا

كوساين > جتا

تان > ظا

ولما بـتدوس شفت قبلها يبقى أنت بتديله قيمة الدالة المثلثية وهو بـ يجيب الزاوية ( العكس يعنى )

> على فكرة هى ظهرت 30 فـ الفيديو > النور بس مغطى على الـ 3 JJ



خلى بالك بقى

لو عايز مقلوب الدوال دى

يبقى

قا > مقلوب جتا

تكتب جتا (الزاوية)

=

ثم تكتب اس سالب 1

وهكذا

قتا > مقلوب جا

ظتا مقلوب ظا



4- النسبة المئوية من رقم

5- إزاى تكتب زاوية أو أكتر من واحدة وتعمل عليهم عمليات حسابية

الكومة الأولى درجات والثانية دقايق والثالثة ثوانى



6- نظام الحساب بطريقة مختلفة



7- توليد أرقام عشوائية



8- تكامل محدد

( غير التكامل اللى فـ رياضة 2 )

ثم

اشتقاق للدرجة الأولى

الآلة بـ تشتق الدالة اللى بتدخلها وبـ تعوض بالقيمة اللى أنت بتحددها

ثم شرح أنك ممكن ترجع العمليات اللى قمت بيها قبل كده من خلال الريبلاى

بس خلى بالك

الكلام ده فـ حالة أنك بتمسح بالـ

Ac

لكن لو دوست

On

كل الكلام ده بـ يتمسح من الميمورى ,,



10- المضروب ( فـ الجبر )



11- تحويل الوحدات وهـ تلاقيها فـ الكوفر بتاع الآلة



12 الثوابت > وهـ تلاقيها برده فـ الكوفر



13- الجذور



14- التباديل والتوافيق على الترتيب ( فـ الجبر )



15- تخزين قيمة فـ المتغيرات ,,



16- كذا عملية حسابية متتالية ,,

17- التحكم فـ درجة وضوح الشاشة



18- بـ يستهبل ويلعب بالحروف ☻ ,,



19- مهمة ( فـ الجبر ) :- إيجاد المقياس والسعة للأعداد المركبة

الرقم الأول هو س ( الشق الحقيقى ) والتانى هو ص

( الشق التخيلى )



20- عملية عكسية للى فاتت

بـ تكتب المقياس الأول وبعدين السعة

وبعدين الآلة بتطلع س وص

الحقيقى و التخيلى على الترتيب

~~~~~~~~~~~~~~~~~

9- التكامل المحدد

http://www.youtube.com/watch?v=NtEJmljojr0&feature=c4-overview-vl&list=PL7948BE51066C3B6C



مش موجود فـ منهج رياضة 2

اللى أنا درسته

بس موجود فـ المستوى ~ ممكن بعد كده بقى ينزل فـ تعديل للمنهج ولا حاجة ,,



~~~~~~~~~~~~~~~~

10- الزر

X

X10

اللى جنب العلامة العشرية

معناه أنك هـ تضرب الرقم فى عشرة اس كذا

ومش بتحاج تكتب علامة الاس

مثلاً

عايز تكتب 200000

2

الزر

X

X10

ثم

5

=

ودى هـ تحتاجها فـ الفيزياء كتير ,,

,,,,,,,

كمان بالنسبة للباى معروفة π

لكن الـ ℮

اللى هو الـ هـ الموجود فـ الصورة الأسية للأعداد المركبة ,,

~~~~~~~~~~~~~~

11- التباديل والتوافيق

موجودة فـ فيديو فوق بس ممكن تكون مخدتش بالك ☻

http://www.youtube.com/watch?v=dDzNFfiONS0&list=PLPcK_i3XM9ZSANwvlLRG4TtFZVFZxE53Z (http://www.youtube.com/watch?v=dDzNFfiONS0&list=PLPcK_i3XM9ZSANwvlLRG4TtFZVFZxE53Z)

~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~

MODE 2

COMPLEX

الأعداد المركبة

http://www.youtube.com/watch?v=ma7aYT5_-dw&list=TLKWYo8oaqAek



الشرح موضح كل حاجة

تقريباً بتحل كل المسائل من النوع ده !!

هـ تفيدك جداً فـ التأكيد على النواتج

حتى قبل ما تحل المسائل ,,

بس مفيش أوميجا ω ,,

~~~~~~~~~~~~~~~~~

MODE 3

STATICTICS

الإحصاء

http://www.youtube.com/watch?v=SDA4XaZyQjc&list=TLKWYo8oaqAek



http://www.youtube.com/watch?v=e4o3aQTOXdI&list=TLKWYo8oaqAek



http://www.youtube.com/watch?v=HP1fMddj4X0

طبعاً فيه غيرها من مميزات

بس أنا مش مُلم بيها كلها

وأعتقد ان الفيديوهات كافية فـ مجال دراستك ,,

~~~~~~~~~~~~~~~

MODE 4

BASE-N

ده خاص بالدوائر المنطقية

للأسف خبرتى بيه محدودة جداً

واللى بـ يدرسوا كومبيوتر ساينس أكتر خبرة فـ التعامل معاه

عموماً بعد ما تجيب النظام ده

هـ تدوس شفت 3 عشان يعرض أنواع البوابات قدامك

تقدر أنت تتوسع أكتر ,,

~~~~~~~~~~~~~~~~~

MODE 5

EQUATIONS

المعادلات

طبعاً لازم قبل منا تبدأ تستخدم النظام ده تفهم الآتى :-

1- لازم كل المعادلات تكون مرتبة

بمعنى

تبدأ بالرمز اللى له أعلى أس ( باور ) وبعدين ترتب الباقى تنازلى

ده بالنسبة للمعادلات التربيعية والتكعيبية

2- بالنسبة للمعادلات من الدرجة الأولى فـ متغيرين أو 3

لازم تراعى ترتيب المعدلات تحت بعض بحيث كل رمز تحته اللى زيه فـ المعادلة اللى بعده

عشان الإدخال يكون سليم على الآلة ,,

فى النظام ده بقى

1- حل معادلتين آنيتين فى متغيرين من الدرجة الأولى

يعنى معادلتين مثلاً فيهم أ و ب

أو س و ص

مثال :



س + ص = 52

س – ص = -2

ـــــــــــــــــــــــــــــــــــــــــــ بالجمع

.:. 3س = 3

س= 1

بالتعويض فـ أى معادلة

ص= 3

,,,,

إزاى بقى ادخلها على الآلة

بعد ما تجيب الايكوشن

دوس 1

لازم تكون مرتب المعادلات عشان متتلخبطش وأنت بتدخلهم

بعدها هـ تدخل المعاملات بس ( يعنى الرقم اللى جنب الرمز )

السطر الاول

A

هو معامل

س مثلاً

وبالتالى

A

فـ السطر الثانى هو معامل س برده فـ المعادلة التانية

بالنسبة للمثال اللى فات

هيكون الادخال كالتالى

2

=

1

=

5

=

1

=

-1

=

-2

=

الحل هـ يكون

اكس هى المجهول الأول اللى أنت دخلته

والواى

هى المجهول التانى ,,

http://www.youtube.com/watch?v=rI6xmT_NFF8

~~~~~~~

2- حل 3 معادلات من الدرجة الأولى فـ 3 متغيرات

و دى لها طريقة كرامر المقررة فـ المنهج

استخدم الآلة للتأكيد على النواتج

> هـ تكون الطريقة زى اللى فاتت بالظبط

كل اللى هـ يزيد Z

اللى هو المتغير الثالث ع

~~~~~~

3- حل معادلة من الدرجة التانية فـ متغير واحد

> اللى هى المعادلة التربيعية

لو عايز تعمل الخطوات كلها وتبين خطوات التحليل :

http://www.youtube.com/watch?v=jsq4IXyiHFU&list=TLz2Wv6Bcphi8

وده لو عايز قيمة اكس علطول ,,

http://www.youtube.com/watch?v=hqM99R1f4vc

أقول وأعيد مرة تانية

( لازم المعادلة تكون صفرية )

وده فيديو تالت عشان المعلومة توصل

http://www.youtube.com/watch?v=WIChlu-bxaI&feature=c4-overview-vl&list=PL7948BE51066C3B6C

هو بس الفيديو ممكن يكون غامض شوية

ببساطة اعتبر كل اكس هى س

a هو معامل س تربيع(أ)

b هو معامل س(ب)

c هو الحد المطلق (ج)

واللى هو حسبه ده وطلع 19 ده المميز

والمفروض تكمل بالقانون العام عشان تطلع جذور المعادلة

وطبعاً أكيد المعادلة دى كان ينفع تتحلل قوسين ,,

~~~~~~~~~

4- حل معادلة فـ متغير واحد من الدرجة الثالثة

> يعنى دالة تكعيبية

نفس الموضوع فـ اللى فوقهتدخل المعاملات بالترتيب من الباور الأعلى للأقل

يعنى معامل اكس تكعيب

=

معامل اكس تربيع

=

معامل X

=

الحد المطلق

=

=

وطبعاً لها 3 حلول

ملحوظة > لو افترضنا ان س2 مش موجودة

فـ بتكتب مكان المعامل بتاعها صفر

~~~~~~~~~~~~~~~~~~~~~~~~~~~~

MODE 6

MATRIX

المصفوفات والمحددات ,,

المصفوفات مهتمتش بيها عشان مش فـ المنهج

لكن طريقة حل المحدد اهى

http://www.youtube.com/watch?v=_pznkT_HGlo

>> يتم ادخال المحدد بالعكس فى حالة أن المسألة بالعربى ,,

~~~~~~~~~~~~~~~~~~~~~~~~~

MODE 7

TABLE

فـ باب زى سلوك الدالة

أو مثلاً لو احتجت ترسم دالة

بيكون الموضوع مستفز

أوى أنك تعوض بكل قيمة على حدة

فـ الآلة بـ تسهل عليك ده

Mode

Table

بتدخل الدالة زى ما هى

مثلاً

س2 + 4

بتكون

Alpha

)

X^2 (اكس تربيع يعنى )

+

4

كده أنت كتبت الدالة

بعد كده بتدوس

=

بعدها هيسألك على بداية فترة التعويض

يعنى الرقم اللى يبدأ بالتعويض بيه فـ الدالة

بتكتب الرقم

وبعدها

=

وبعدين نهاية الفترة اللى هتعوض فيها

ثم

=

وبعدها خطوة التعويض

بمعنى

أنت عايزه يديك رقم كل كام

يعنى يعوض كل 1

أو 0.5

أو 0.25 وهكذا ,,

وبعدين =

هيديك جدول فيه كل القيم

http://www.youtube.com/watch?v=40TU2BEFpYo&list=PLPcK_i3XM9ZSANwvlLRG4TtFZVFZxE53Z

~~~~~~~~~~~~~~~~~~~~~

MODE 8

VECTORS

المتجهات ,,

http://www.youtube.com/watch?v=8P4mPyyiMaU

الشرح للمتجهات ثلاثية الأبعاد

بس ينطبق على ثنائى الابعاد عادى

لكن صعب شوية تفهم الفيديو

من غير ما تكون فاهم المتجهات كويس جداً

وكمان لازم تكون متخيل الموضوع فـ الفراغ مجسم باستخدام البعد الثالث

فـ الحل

أنك تسمع المحاضرتين دول من اعدادى هندسة

http://www.youtube.com/watch?v=PWgwDvuAOEY

http://www.youtube.com/watch?v=ehI_ZmzMQMg

~~~~~~~~~~~~~~~~~~~~~

كده خلصنا الأنظمة

لو دست شفت مود هـ تلاقى اختيارت كتير فـ شاشتين

دول حاجات ضبط ثانوية يعنى

منها التقريب ونظام عرض المضاعفات

ودرجة لون الشاشة وتحويل نظام قياس الزوايا

و و و حاجات مش مهمة أوى تقدر تعرف عنها أكتر فـ الدليل بس هى مش مهمة اوى ,,

~~~~~~~~~~~~~~~~~~~~~

ده دليل المستخدم الرسمى من كاسيو

http://www.google.com.eg/url?sa=t&rct=j&q=&esrc=s&source=web&cd=8&cad=rja&ved=0CFAQFjAH&url=http%3A%2F%2Fsupport.casio.com%2Fpdf%2F004%2Ff x-115ES_991ES_Eng.pdf&ei=HD4XUt_cI6O47AbJ1IC4Ag&usg=AFQjCNFoMBcmxfisNkPqp0O0_i5Bzas1VQ&bvm=bv.51156542,d.ZGU

لو عايز تحمله

~~~~~~~~~~~~~~~~~~~~~

كده خلصنا ؟

آه تصور !!

الحمد لله

خد خد رايح فين

تعالى اقولك

والناس اللى عملت الفيديوهات دى

و الغلبان اللى جمعهم التجميعة دى ؟

وكتب الموضوع ده

ياريت تدعيلهم وتدعيلى دعوة كويسة كده

من قلبك ها o.O

يالا

بالسلامة :)

رائع اللة يبارك فيك على هذا المجهود

شكرا لك اخي الكريم

جزاك الله خيرا

رائع اللة يبارك فيك على هذا المجهود
ويبارك فيك :)
شكراً للدعوة والرد :rolleyes:

شكرا لك اخي الكريم

العفو
نورت الموضوع ,,:022yb4:

جزاك الله خيرا


وجزاك الله مثله :blush:

رائع اللة يبارك فيك على هذا المجهود

رائع اللة يبارك فيك على هذا المجهود

ويبارك فـ عمرك :)
نورت الموضوع ,,

بسم الله ما شاء الله.موضوع وشكرا على التجميع

بسم الله ما شاء الله.موضوع وشكرا على التجميع

العفو
نورت الموضوع :) :cool:

up
~~~~~~~~~

up
up
up
^

^

^
^
^

كلام جميل جدااااااااا

كلام جميل جدااااااااا

مشكور للمرور

جزاك الله خيراً

احسنت احسن الله اليك وغفر ذنبك

جزانا واياكم
ونورتوا الموضوع :)

:av4056bb7jp3:

بسم الله ما شاء الله.موضوع وشكرا على التجميع

جزاك الله كل خير

شكراً للردود وأتمنى يكون الموضوع
حقق الافاده المطلوبة منه ,,

up

up


up






,,

up

up


up






,,