جروب اللغة العربية للصف الثالث الثانوى 2014 [الأرشيف]

مشاهدة النسخة كاملة : جروب اللغة العربية للصف الثالث الثانوى 2014

سوبر ساره

10-08-2013, 09:01 AM

السلام عليكم ورحمة الله وبركاته

أقدم لكم هذا الموضوع التابع لـ
ملتقى طلاب الصف الثالث الثانوى (علمى علوم) 2014

هذا الموضوع خاص بمادة
اللغة العربية

نرجو وضع الأسئلة والمناقشات المختلفة حول المادة
كما نرجو من السادة المدرسين التفاعل معنا

To Be Is To Do

11-08-2013, 05:41 AM

السلام عليكم
أولاً : ربنا يوفقكم إن شاء الله السنادى وتجيبوا المجاميع اللى نفسكم فيها وتدخلوا أحسن كليات إن شاء الله :)
ثانيا : كنت حابب أقولكم على نظام أنا عن نفس كنت بعمله فى ماده العربى وحسيت إنه فادنى جدا وخلانى ملكت الماده دى من اول السنه وهو :
أول حاجه تاخد الدرس مع المستر أياً كان الفرع ( قراءه نصوص قصه أدب ... .... .... ) اول ما تروح تجهز مصدر مزاكرتك وهو ( ورق المستر + كتاب المدرسه + كتاب المعلم مراجعه نهائيه بتاع الامتحانات الميزه منه هو ان جايب الاجابه النموذجيه للامتحان يعنى الاجابه اللى بتبقى فى النموذج الرسمى ) طب ايه اللى حتعمله : حتمسك الدرس تقراه من كتاب المدرسه وبعدين تقرا اللى مكتوب فى ورق المستر ساعات حتلاقى حاجات مكتوبه فى المدرسه مش مكتوبه عند المستر خلاص زودها فى ورق المستر وبعدين إمسك كتاب الامتحانات مرر بعينك على الدرس ده فى كل امتحان واقرا اسئلته واللى تلاقيه مش موجود انقله باجابته فى ورق المستر برده ... إللى انت عملته ده إسمه تجميع وتوحيد مصدر المزاكره يعنى انت كده جمعت اهم الحاجات فى الدرس ده وهما ( كتاب المدرسه + أسئله الامتحانات اللى جت عليه بالاضافه الى ورق المستر ) وبعد كده تبدأ تزاكر اللى انت جمعته ده يبقى كده الدرس خلص خلاص معاك بامتحاناته :)

بالنسبه بقى للفروع :
____________

1/ القراءه : لازم تقرا الدرس من الكتاب متكتفيش بمزاكره الدرس س & ج وبس تقرا الدرس كله كذا مره وتحاول تفهم بيتكلم عن ايه قبل ما تبدأ تزاكره وبعدين تعمل اللى قلنا عليه فوق

2/ النصوص : عندك كل نص مرتبط بمدرسه
أولا تبدأ مزاكره النص بحفظ الجزء المطلوب منك سواء كان جزء من الابيات او الابيات كلها على حسب النص ( إذا كان النص حفظ أصلاً ) وبعدين تزاكر التعليق العام ( ده بيتمثل فى اسلوب الكاتب النقد اللى اتوجهله المدرسه اللى ينتمى اليها الكاتب وخصائصها والحاجات دى بتبقى مكتوبه فى نص الشرح كده فى كتاب المدرسه لازم تكونوا حافظينها من الكتاب نصاً لإنها لازم بتيجى .. كده خلصت الحفظ والتعليق .. بعد كده بقى اكيد المستر مقسملك النص ابيات كل 3 ابيات مثلا مع بعض او كل فِقره مع بعض تبدأ تزاكر فقره فقره بانك الاول تشوف ( المعانى المفرد العكس الجمع ) اللى مكتوبه فى كتاب المدرسه ( بييجى منها كتير ) وبرده لو حاجه فيهم مش مكتوبه فى مزكره المستر حنزودها برده حتبص على الشرح اللى مكتوب فى المدرسه ( طبعا انت مش مطالب تشرح فى الامتحان زى الكتاب _ الشرح ده باسلوبك _ ) بس ساعات السؤال مش بييجى اشرح الابيات لأ بييجى سؤال اجابته من ضمن الشرح ده فلازم تكون قاريه وحافظه عشان تكون مستعد له بعد كده + تفهم الابيات وبعدين عايز تشرح باسلوبك ماشى عايز تحفظ الشرح اللى فى الكتاب برده عادى .. بعد كده تدخل على مواطن الجمال برده الاول حتبص على المدرسه ( حتلاقى بين السطور كده حيث جاءت كلمه كذا توحى بكذا ونجد ان ااشاعر استخدم كلمه كذا لانها تعبر عن كذا ويعاب على الشاعر استخدام كذا لانها غير مناسبه لكذا ) الحاجات دى هى موضع الأسئله فى الإمتحان الإيحاءات دى بتيجى من كتاب المدرسه ومدرسين كتير بيغفلوها فبرده لو حاجه ناقصه حنزودها فى مزكره المستر .... كده النص خلص وكذلك برده حندخل على كتاب الامتحانات ونعمل زى ما قلت فوق :)

3/ الأدب : عُقده العربى رغم انه ب 4 درجات بس :( الأدب = كتاب المدرسه وبس أوعى أوعى أوعى ثم أوعى تزاكره من أى حته تانيه فيه ناس ممكن تقولى لا الادب فى الكتاب كتير والمدرسين بيلخصوه صدقونى الأسئله بتيجى من بين السطور فى الأدب لازم كتاب المدرسه حتمسك مدرسه الأدب اللى عليك تحاولى تزاكرها من كتاب المدرسه وبس

حاجه مهمه فى الأدب :_ 1/ لازم تحفظ المدرسه واستشهادات عليها ،، مثلا فى خصائص المدرسه حتلاقى فى كل خصيصه مكتوب تحتها 3 او 4 ابيات شعر طبعا انت مش ملزم ب 4 ابيات كفايه بيت واحد بس ،، حاول تخليك زكى بمعنى مثلا الخصيصه بتتكلم عن التفاؤل ومكتوب تحتها ابيات عن التفاؤل بس الابيات دى صعبه بس انت عندك اخدت فى النص اللى تبع المدرسه دى ابيات عن التفاؤل يبقى خلاص ترمى الابيات التانيه خالص وتستشهد بابيات النص اللى عليك واللى انت اصلاً مزاكره وحافظه وده بيخفف عليك حفظ ابيات على الفاضى ... حد فاهم اى حاجه ؟؟ ;) ... الملخص زاكر الخصائص باستشهادات لقيت الخصيصه ينفعلها بيت من النص اللى عليك احفظ البيت ده مع الخصيصه دى ،، ملقتش بيت ينفعلها خلاص احفظلك بيت من اللى مكتوبين تحتها

2/ حاجه تانيه حتلاقى فى مدرسه مثلا 8 خصائص ليها لازم تحفظ ال 8 دول ،، طب ليه مهو بيطلب فى الامتحان 3 او 4 بس ولا هو حفظ وخلاص :( ؟ .. انا بقولكم كده عشان ساعات السؤال مبيجيش " اذكر خصائص المدرسه الفلانيه " وبييجى " الخاصيه كذا تمتعت بها المدرسه كذا ،، اذكرها مع الاستشهاد " فممكن على حظك السئ تكون الخصيصه دى انت مش حافظها وبكده راح السؤال :(

4/ القصه : اكتر حاجه ممله فى العربى بيحكيلك عن قصه حياه واحد هو الل كاتبها فاكيد كاتب ادق التفاصيل احلى اسلوب لمزاكرتها انك تقرا الفصل كذا مره خصوصا ان حتلاقى فيه فصول ربع صفحه ونص صفحه وصفحه وفيه فصول طبعا كبيره فحتقرا الفصل لغايه ما تعرف احداثه وبعدين تزاكره من مزكره المستر بنفس الاسلوب اللى فوق برده

5/ النحو : عباره عن فهم وحل بحت مينفش تزاكر نحو نظرى تقعد تحفظ وخلاص اكيد لأ انت تاخد الدرس افهم القاعده بتاعته روح طبق من اسئله امتحانات الثانويه على طول على الدرس ده وحل قطع كتير حتلاقى نفسك النحو ده هديه العربى

6/ البلاغه : حاجه لطيفه كده بتفهم من شرح المستر وبتطبق برده خصوصا ان الاسئله بتتكرر دايماً بنفس الاجابه انما الصيغه مختلفه للسؤال فاهم حاجه الحل برده من قطع الثانويه العامه

على فكره هو الكلام تحسه إنه مجعلص وكبير وبصراحه يجيب إكتئاب بس والله سهل جدا
وأكيد طبعا كل واحد بيبقى ليه نظامه // الكلام اللى انا كاتبه ده مجرد تجربه شخصيه حستها نفعت معايا وجابت نتائج هايله

إللى عايز اقوله فى الآخر
أ/ العربى لو زاكرته صح من الاول عمرك ما حتلاقى فيه مشكله انما لو راكمت درس قراءه مع درسين ادب مع 3 نصوص حتلاقى عندك جبل مش عارف تبتديه منين خصوصا وانها ماده حفظ

ب/ العربى سهل فيه انك تجيب 29.5 و 29 بس ركز اوى وخليك دقيق فى مزاكرتك

جـ / كتاب المدرسه مهم جدا جدا جدا جدا جدا فى العربى ( إينعم بتيجى أسئله من برا كتير وده الطبيعى بس برده لما ساعات بيرخم بيجيب أسئله من بين السطور من الكتاب خصوصا فى الأدب والنصوص )

وبس :)

ابوعمرة

11-08-2013, 05:55 AM

ربنا يخليك ياخالد على النصائح الهايلة اللى بتساعدنا بيها وربنا يوفقنا ويوفقك ان شاء الله بس عندى سؤال انت ليه اخترت كتاب المعلم مراجعة نهائية بالذات مع انه فيه كتاب الاضواء وبيبقى فيه امتحانات وكذلك دليل التقويم بردو بيبقى فيه اسئلة على كل درس والمفروض لما يرخموا يجيبوا منه معلش انى هتقل عليك فى الاسئلة بس كتاب المدرسة بيبقى شكله كئيب ومش مرتب نهائي والمذاكرة منه مش سهلة وياترى كتاب المعلم مراجعة نهائية بينزل فى السوق امتى لانى اعتقد انه مش بينزل فى بداية الدراسة ؟؟؟

To Be Is To Do

11-08-2013, 06:01 AM

ربنا يخليك ياخالد على لنصائح الهايلة وربنا يوفقنا ويوفقك ان شاء الله
بس عندى سؤال انت ليه اخترت كتاب المعلم مراجعة نهائية بالذات مع انه فيه الضواء بيبقى فيه امتحانات وكذلك دليل التقويم بردو فيه اسئلة على كل درس والمفروض لما يرخموا يجيبوا منه معلش انى هتقل بس كتاب المدرسة بيبقى شكله كئيب ومش مرتب نهائيا ؟؟؟

انااقصد من المعلم مراجعه انه فيه امتحانات الثانويه العامه السنين اللى فاتت مش الامتحانات اللى بينزلها الكتاب ذات نفسه

مهو كتاب المدرسه كئيب ومش مرتب اه عندك حق بس لو قسمت اى درس فيه حته حته حتلاقى الموضوع مشى معاك عادى حاول انت تقسمه نقط كده ورا بعض حتلاقى الموضوع اسهل بكتير

الدليل شايفه فاكس اوى يعنى عدا قطع النحو بس وكذلك البلاغه ممكن تحلها غير كده انا بشوفه تافه بصراحه وبرده دى حاجه ترجعلك على قد ام تقدر تحل وتجمع كل ما يبقى احسن

To Be Is To Do

11-08-2013, 06:04 AM

وياترى كتاب المعلم مراجعة نهائية بينزل فى السوق امتى لانى اعتقد انه مش بينزل فى بداية الدراسة ؟؟؟

لا بينزل على فكره قبل ما الدراسه تبدأ كمان :)

ابوعمرة

11-08-2013, 06:07 AM

ابوعمرة

11-08-2013, 06:08 AM

لا بينزل على فكره قبل ما الدراسه تبدأ كمان :)
تمام حلو اوى بس رايك ايه اجيبه مع الاضواء ولا اكتفى بيه بس مع ملازم المستر وكتاب المدرسة

To Be Is To Do

11-08-2013, 06:11 AM

ربنا يسهل والعملية تتظبط ان شاء الله بس المشكلة ان تقسيمة المواد مع بعض تقيلة و كتيرة وده ممكن يتسبب فى انى اهمل العربى واركز على المواد التانية لانه معنديش وقت وبصراحة انا خايف من الحتة ديه لان مذاكرة العربى والفيزياء بالذات محتاجة دماغ وصبر وطولة بال لكن انا عندى 7 مواد هركز مع مين ولا مين وكلهم بسم الله ماشاء الله وايه رايك اجيب دليل التقويم فى كل المواد ولا فى مواد بيبقى فاكس فيها واجيبه منين بينزل فى المكتبات ولا منين ؟؟؟

اعتقد لازم تجيب الدليل فى الفيزيا والانجلش والاحياء ( على حد ما سمعت من صحابى عملى العلوم )

الدليل مش بينزل فى المكتبات للاسف بينزل فى المدرسه بس وبيبقى على شهر 4 فانت لو تعرف حد اكبر منك حاول تاخده منه وتبدا فيه من اول السنه :)

To Be Is To Do

11-08-2013, 06:12 AM

اجيبه مع الاضواء ولا اكتفى بيه بس مع ملازم المستر وكتاب المدرسة

هو الكتاب المراجعه ده مفيهوش شرح هو اسئله بس
وانا مجبتش الأضواء خالص ولا بحب أزاكر منه ولا برتاحله أصلاً ( سورى على الإحباط ده كله :( ) بسانا كنت بزاكر من المدرسه والمستر واحل امتحانات ثانويه من المعلم مراجعه :)

ابوعمرة

11-08-2013, 06:14 AM

اعتقد لازم تجيب الدليل فى الفيزيا والانجلش والاحياء ( على حد ما سمعت من صحابى عملى العلوم )

الدليل مش بينزل فى المكتبات للاسف بينزل فى المدرسه بس وبيبقى على شهر 4 فانت لو تعرف حد اكبر منك حاول تاخده منه وتبدا فيه من اول السنه :)

مظبوط بس للاسف معنديش حد اكبر منى عشان اخده منه المفروض يبقى مع المدرسين ونبقى ناخده منهم عشان نصوره !!!!!!!!
انت جبت الدليل فى الفيزياء والانجلش ولا معرفتش ؟؟؟؟؟؟؟؟

To Be Is To Do

11-08-2013, 06:16 AM

مظبوط بس للاسف معنديش حد اكبر منى عشان اخده منه المفروض يبقى مع المدرسين ونبقى ناخده منهم عشان نصوره !!!!!!!!
انت جبت الدليل فى الفيزياء والانجلش ولا معرفتش ؟؟؟؟؟؟؟؟

بص دليل الفيزيا كان المستر مديهولنا اول ما بدأنا الدرس فكان بالنسبه لى سهل
وكذلك فى الانجلش لما المستر بدأ يراجع كان منزلهولنا فى مكتبه وروحنا صورناه منها وكمانهو كان عندى من قرايبـى .... حاول تسأل المدرسيـن ولو معاهم صوره وحل مع نفسك :)

ابوعمرة

11-08-2013, 06:17 AM

هو الكتاب المراجعه ده مفيهوش شرح هو اسئله بس
وانا مجبتش الأضواء خالص ولا بحب أزاكر منه ولا برتاحله أصلاً ( سورى على الإحباط ده كله :( ) بسانا كنت بزاكر من المدرسه والمستر واحل امتحانات ثانويه من المعلم مراجعه :)
ومين سمعك الكتاب ده طول حياتى انه بكرهه لانك مهما تبذل فيه من مجهود مش بيخلص وبيفضل ابيض زى الفل عشان كده من ساعة ماخلصت اعدادى وبطلت اجيبه لان فى اعدادى المدرسين كان كيفهم يشتغلوا منه مش عارف ليه ؟؟؟ وبرده مكنتش بقدر عليه كتاب تهمة وفيه كمية فزلكة عنب

ابوعمرة

11-08-2013, 06:19 AM

بص دليل الفيزيا كان المستر مديهولنا اول ما بدأنا الدرس فكان بالنسبه لى سهل
وكذلك فى الانجلش لما المستر بدأ يراجع كان منزلهولنا فى مكتبه وروحنا صورناه منها وكمانهو كان عندى من قرايبـى .... حاول تسأل المدرسيـن ولو معاهم صوره وحل مع نفسك :)

:022yb4::022yb4::022yb4::022yb4::022yb4::022yb4::0 22yb4:

To Be Is To Do

11-08-2013, 06:20 AM

ومين سمعك الكتاب ده طول حياتى انه بكرهه لانك مهما تبذل فيه من مجهود مش بيخلص وبيفضل ابيض زى الفل عشان كده من ساعة ماخلصت اعدادى وبطلت اجيبه لان فى اعدادى المدرسين كان كيفهم يشتغلوا منه مش عارف ليه ؟؟؟ وبرده مكنتش بقدر عليه كتاب تهمة وفيه كمية فزلكة عنب

على فكره ساعات بيبقى مخالف لكتاب المدرسه فانا بكرهه اوى وكمان المستر بتاعنا كان جامد فكنت مستغنى عن اى شرح تانى بس مجرد شويه زيادات بسيطه من كتاب المدرسه والامتحانات
ومعلش برده الأسئله اللى بيجيبها على كل درس مش اسئله موضوعيه كده ولا اسئله امتحانات برده ... والله أعلم ! :)

ابوعمرة

11-08-2013, 06:24 AM

ابوعمرة

11-08-2013, 06:26 AM

على فكره ساعات بيبقى مخالف لكتاب المدرسه فانا بكرهه اوى وكمان المستر بتاعنا كان جامد فكنت مستغنى عن اى شرح تانى بس مجرد شويه زيادات بسيطه من كتاب المدرسه والامتحانات
ومعلش برده الأسئله اللى بيجيبها على كل درس مش اسئله موضوعيه كده ولا اسئله امتحانات برده ... والله أعلم ! :)

كلامك كله مظبوط :d هو كتاب محشى على الفاضى الحسنة الوحيدة اللى فيه انه بيكتر فى معانى الكلمات وساعات بيبقى فيه تدريبات نحو بتبقى كويسة اما البلاغة انا مشفتهاش ومعرفش نظامه ايه فيها لانى من ساعة مادخلت ثانوى مشفتهوش

To Be Is To Do

11-08-2013, 06:28 AM

طيب وبالنسبة للدليل فى الكيمياء واللغة التانية ( فرنساوى ) ايه رايك يستاهل اجيبه والكتب الخارجية بالذات فى المواد العلمية التلاته ( كيمياء فيزياء احياء ) اكتفى بالامتحان بس ولا فى كتب تانى ممكن تساعدنى فيهم زى الوسام فى الفيزياء (يستاهل اجيبه ولا لا ) والانجلش ايه رايك فى توب استيودنتس كفاية ولا اجيب معاه سربرايز ؟

بص مبدأيا انا كنت ألمانى :)
اه الدليل فى الكيميا مهم اوى واسألته حلوه وبتيجى فى الامتحانات :)
بالنسبه للكيميا والفيزيا انا محلتش غير الامتحان وكتاب المدرسه والدليل :)
اما الاحياء معرفش لانى كنت رياضه 2 :)
الانجلش حلو فيه Bit By Bit انا كنت برتاحله لانه منظم اوى وممكن تحل معاه Top Students اسئلته عاليه ومتنساش الدليل برده وال Work Book خصوصا ال 6 امتحانات اللى فيه :)

ابوعمرة

11-08-2013, 06:35 AM

بص مبدأيا انا كنت ألمانى :)
اه الدليل فى الكيميا مهم اوى واسألته حلوه وبتيجى فى الامتحانات :)
بالنسبه للكيميا والفيزيا انا محلتش غير الامتحان وكتاب المدرسه والدليل :)
اما الاحياء معرفش لانى كنت رياضه 2 :)
الانجلش حلو فيه Bit By Bit انا كنت برتاحله لانه منظم اوى وممكن تحل معاه Top Students اسئلته عاليه ومتنساش الدليل برده وال Work Book خصوصا ال 6 امتحانات اللى فيه :)

تمام اوى كده bit by bit جميل جدا واسلوبه سهل وانا كنت شغال منه من 6 ابتداائى لاولى ثانوى بس مدرسين قليلة اللى بتشتغل منه ( شهرته قليله فى ثانوى ) ومعظم المدرسين بيفضلوا غالبا سربرايز فايه رايك فيه ؟ ولا مجربتوش
وبالنسبة للجيولوجيا عندك خلفية عنها ولا ماتعرفش عنها حاجة طبقوها علينا ظلم ولاد ال .......................

To Be Is To Do

11-08-2013, 06:37 AM

تمام اوى كده bit by bit جميل جدا واسلوبه سهل وانا كنت شغال منه من 6 ابتداائى لاولى ثانوى بس مدرسين قليلة اللى بتشتغل منه ( شهرته قليله فى ثانوى ) ومعظم المدرسين بيفضلوا غالبا سربرايز فايه رايك فيه ؟ ولا مجربتوش
وبالنسبة للجيولوجيا عندك خلفية عنها ولا ماتعرفش عنها حاجة طبقوها علينا ظلم ولاد ال .......................

Surprise كويس انا كان زمايلى شغالين منه وبيقولوا عليه كويس انما انا مجربتوش الصراحه :(
لا الجيولوجيا معرفش عنها حاجه خالص بصراحه برده :(

ابوعمرة

11-08-2013, 06:38 AM

صح بقولك انا هبدا درس العربى اول اسبوع فى 9 (المدرس اللى حدد كده مش انا ) بس حاسس ان الوقت ده متاخر ولا انا بيتهيالى ؟؟؟؟؟؟؟؟

To Be Is To Do

11-08-2013, 06:40 AM

صح بقولك انا هبدا درس العربى اول اسبوع فى 9 (المدرس اللى حدد كده مش انا ) بس حاسس ان الوقت ده متاخر ولا انا بيتهيالى ؟؟؟؟؟؟؟؟

بص عادى كل مدرس بيبقى عارف هو بيعمل ايه وبيبقى محدد يخلص فى وقت معين
يعنى مثلا أنا كنت بادئ فى اول 8 وكنا فى 20 / 5 مثلا ولسه بناخد القصه الجزء التالت لان مدرسى كان بطئ لانه بيشتغل على اضعف طالب بس خلص المنهج شرح ومراجعه معانا برده :)

ابوعمرة

11-08-2013, 06:41 AM

Surprise كويس انا كان زمايلى شغالين منه وبيقولوا عليه كويس انما انا مجربتوش الصراحه :(
لا الجيولوجيا معرفش عنها حاجه خالص بصراحه برده :(

خير خير يعنى رايك فى الانجلش اكتفى بكتاب واحد مع الدليل وكتاب المدرسة ولا اجيب كتابين مع الدليل وكتاب المدرسة بردو :022yb4::022yb4:
يبقى ندور على حد كان فى ادبى يفيدنا فى الموضوع بتاع الجيولوجيا ده

ابوعمرة

11-08-2013, 06:43 AM

بص عادى كل مدرس بيبقى عارف هو بيعمل ايه وبيبقى محدد يخلص فى وقت معين
يعنى مثلا أنا كنت بادئ فى اول 8 وكنا فى 20 / 5 مثلا ولسه بناخد القصه الجزء التالت لان مدرسى كان بطئ لانه بيشتغل على اضعف طالب بس خلص المنهج شرح ومراجعه معانا برده :)

تمام هو قالى انه بيبدا فى اول 9 وبنخلص على اخر 3 والحمدلله المجموعة بتاعتنا مستواها كويس واعتقد ان ده هيخدمنا اننا نخلص المنهج بدرى

To Be Is To Do

11-08-2013, 06:43 AM

خير خير يعنى رايك فى الانجلش اكتفى بكتاب واحد مع الدليل وكتاب المدرسة ولا اجيب كتابين مع الدليل وكتاب المدرسة بردو :022yb4::022yb4:

انا محلتش فى الانجلش غير مزكره المستر وكتاب Bit By Bit والدليل فى المراجعه
بص كل ما تحل اكتر كل ما تبقى اقوى فى الماده بس راعِ إن ده ميجيش على حساب ماده تانيه متحلش فيها حاجه .. فاهمنى ؟

To Be Is To Do

11-08-2013, 06:44 AM

تمام هو قالى انه بيبدا فى اول 9 وبنخلص على اخر 3 والحمدلله المجموعة بتاعتنا مستواها كويس واعتقد ان ده هيخدمنا اننا نخلص المنهج بدرى

تمام الحمد لله ربنا يوفقك ان شاء الله (y) :)

ابوعمرة

11-08-2013, 06:46 AM

انا محلتش فى الانجلش غير مزكره المستر وكتاب Bit By Bit والدليل فى المراجعه
بص كل ما تحل اكتر كل ما تبقى اقوى فى الماده بس راعِ إن ده ميجيش على حساب ماده تانيه متحلش فيها حاجه .. فاهمنى ؟

فاهمك :022yb4::022yb4::022yb4: من الاخر كل مادة وليها وقت مذاكرتها شطارة الواحد بقى انه يستغل الوقت ده فى انه يحصل اكبر قدر ممكن من مذاكرة ومراجعة وحل امتحانات وغيره !!!

To Be Is To Do

11-08-2013, 06:46 AM

او بص انت ممكن تحل مثلا Bit By Bit طول السنه وتيجى فى المراجعه تحل Top Students او العكس عشان تتعرف على عدد اكتر من الاسئله وتحل ترجمه وقطع اكتر :)

To Be Is To Do

11-08-2013, 06:48 AM

فاهمك :022yb4::022yb4::022yb4: من الاخر كل مادة وليها وقت مذاكرتها شطاة الواحد انه يستغل الوقت ده فى انه اكبر قدر ممكن من مذاكرة ومراجعة وحل امتحانات وغيره !!!

اه تمام بالظبط كده :) وممكن برده تحاول تقسم مواد المزاكره بحيث تناسب بعضها فى اليوم الواحد
يعنى مثلا متاخدش احياء مع عربى فى يوم واحد لان ال 2 حفظ دماغك حتسيح مثلا خد عربى حفظ مع فيزيا حل وخد مثلا احياء مع انجلش حل وهكذا حسب ما يريحك :)

ابوعمرة

11-08-2013, 06:49 AM

او بص انت ممكن تحل مثلا bit by bit طول السنه وتيجى فى المراجعه تحل top students او العكس عشان تتعرف على عدد اكتر من الاسئله وتحل ترجمه وقطع اكتر :)

ان شاء الله هو ده الى هيحصل بس عندى تعليق بالنسبة للقطع انه مهما حليت من قطع لازم اللى هتيجى فى الامتحان تبقى مختلفة مش عارف ليه عمرها مابتتكرر

To Be Is To Do

11-08-2013, 06:52 AM

ان شاء الله هو ده الى هيحصل بس عندى تعليق بالنسبة للقطع انه مهما حليت من قطع لازم اللى هتيجى فى الامتحان تبقى مختلفة مش عارف ليه عمرها مابتتكرر

للأأسف الشديد فعلا ده بيحصل :) بس هى اسمها قطعه فهم وغالباما بتيجى رخمه او عايزه فهم خصوصا فى ال Choose بس اعتقد الحل الكتير بيدربك شويه :)

ابوعمرة

11-08-2013, 06:52 AM

اه تمام بالظبط كده :) وممكن برده تحاول تقسم مواد المزاكره بحيث تناسب بعضها فى اليوم الواحد
يعنى مثلا متاخدش احياء مع عربى فى يوم واحد لان ال 2 حفظ دماغك حتسيح مثلا خد عربى حفظ مع فيزيا حل وخد مثلا احياء مع انجلش حل وهكذا حسب ما يريحك :)
صح كده اينعم انا عمرى ماطبقت النظام ودايما كنت بكتفى بمادة واحدة فى اليوم بس خلاص اعتقد النظام ده ماينفعش السنة ديه لازم على الاقل مادتين فى اليوم يكونوا متناسبين زى ماقولت والا هتفرمط ( 3 مواد فى اليوم هتبقى كتير ولا ايه رايك)

ابوعمرة

11-08-2013, 06:53 AM

للأأسف الشديد فعلا ده بيحصل :) بس هى اسمها قطعه فهم وغالباما بتيجى رخمه او عايزه فهم خصوصا فى ال choose بس اعتقد الحل الكتير بيدربك شويه :)
هى بتبقى نصيب وتوفيق من عند ربنا

Yasmeena.R

11-08-2013, 06:54 AM

وبالنسبة للجيولوجيا عندك خلفية عنها ولا ماتعرفش عنها حاجة طبقوها علينا ظلم ولاد ال .......................

انا قريت القرار من الموقع الوزارى الرسمى الجولوجيا مادة لاتضاف للمجموع بس عليها عمال سنة 10 درجات

لا بينزل على فكره قبل ما الدراسه تبدأ كمان

بيقولوا بتنزل فى شهر 2

والغياب بتعملوا فى ايه !!!!

To Be Is To Do

11-08-2013, 06:55 AM

صح كده اينعم انا عمرى ماطبقت النظام ودايما كنت بكتفى بمادة واحدة فى اليوم بس خلاص اعتقد النظام ده ماينفعش السنة ديه لازم على الاقل مادتين فى اليوم يكونوا متناسبين زى ماقولت والا هتفرمط ( 3 مواد فى اليوم هتبقى كتير ولا ايه رايك)

ظبط وقتك على حسب دروسك والمدرسه وكده بس الايام الاجازه زى الجمعه والسبت لازم تطحن نفسك فيهم مزاكره وبعدين حتلاقى يوم تعبان انت فيه فحتزاكر مثلا جزء صغير وفى يوم تانى ممكن تكون فاضى تزاكر مادتين وهكذا يعنى على حسب ظروفك :)

ابوعمرة

11-08-2013, 06:56 AM

ظبط وقتك على حسب دروسك والمدرسه وكده بس الايام الاجازه زى الجمعه والسبت لازم تطحن نفسك فيهم مزاكره وبعدين حتلاقى يوم تعبان انت فيه فحتزاكر مثلا جزء صغير وفى يوم تانى ممكن تكون فاضى تزاكر مادتين وهكذا يعنى على حسب ظروفك :)
انت صح :022yb4::022yb4::022yb4::022yb4::022yb4::022yb4:

ابوعمرة

11-08-2013, 07:01 AM

انا قريت القرار من الموقع الوزارى الرسمى الجولوجيا مادة لاتضاف للمجموع بس عليها عمال سنة 10 درجات

ده القرار القديم اللى نزل فى شهر 3 اللى فات القرار الجديد لسه منزلش
على موقع الوزارة عشان العيد والاجازة (مفيش شغل فى الوزارة دلوقتى اجازة) القرار الرسمى هينزل بعد اسبوع على الاقل بعد ما يتعرض على مجلس التعليم ما قبل الجامعى ويتوافق عليه بعد كده ينزلوهولنا عشان نتدبس فيه

بيقولوا بتنزل فى شهر 2

كتاب المعلم مراجعة نهائية اعتقد انه مش بينزل بدرى فى كل المكتبات والله اعلم .......

والغياب بتعملوا فى ايه !!!!

معرفش بصراحة هعمل في ايه وربنا يستر ( خالد ينصحنا بقى ) :d:d:d

To Be Is To Do

11-08-2013, 07:05 AM

كتاب المعلم مراجعة نهائية اعتقد انه مش بينزل بدرى فى كل المكتبات والله اعلم .......

بينزل والله عادى من قبل دخول الدراسه كمان بس إسأل عليه من بدرى عشان بينزل وبيخلص على طول :)

معرفش بصراحة هعمل في ايه وربنا يستر ( خالد ينصحنا بقى ) :d:d:d

أنصحك بالنسبه لإيه ؟

ابوعمرة

11-08-2013, 07:06 AM

أنصحك بالنسبه لإيه ؟

الغياب نعمل فيه ايه ؟؟؟؟؟؟؟؟؟؟؟؟؟؟؟؟:av4056bb7jp3::av4056bb7jp3::av405 6bb7jp3:

To Be Is To Do

11-08-2013, 07:08 AM

الغياب نعمل فيه ايه ؟؟؟؟؟؟؟؟؟؟؟؟؟؟؟؟:av4056bb7jp3::av4056bb7jp3::av405 6bb7jp3:

انا عن نفسى كنت بروح المدرسه اغلب السنه يعنى بس ساعات كنت بأجز برده على حسب كنت بخلى ايام غيابى فى اواخر التيرم عشان الضغط بييقى فيه وبعدين احنا دفعه الثوره فكنا متظبطين يعنى :p
مش عارف بقى انتوا الغياب عندكم حيبققى عليه درجات ولا لأ ؟

ابوعمرة

11-08-2013, 07:11 AM

انا عن نفسى كنت بروح المدرسه اغلب السنه يعنى بس ساعات كنت بأجز برده على حسب كنت بخلى ايام غيابى فى اواخر التيرم عشان الضغط بييقى فيه وبعدين احنا دفعه الثوره فكنا متظبطين يعنى :p
مش عارف بقى انتوا الغياب عندكم حيبققى عليه درجات ولا لأ ؟

الى الان القرار بيقول ان اللى مش هيحضر بنسبة 85 % على مدتر السنة هيتحول على نظام المنازل وانا بصراحة بكره المدرسة لانى بروح مش بستفيد حاجة وبياخرونا وبنطلع اخر اليوم وبروح البيت مفرهض ومواصلات بقى وحاجة تخنق بالنسبة لى المدرسة تضييع وقت ولو حكمت هحول منازل اعمل ايه يعنى ؟؟؟؟؟؟؟

ابوعمرة

11-08-2013, 07:13 AM

دفعة الثورة ديه اكتر دفعة محظووووووووووووووووووووووووووووظة فى كله !!!!!
:(:(:(:(:(

To Be Is To Do

11-08-2013, 07:14 AM

الى الان القرار بيقول ان اللى مش هيحضر بنسبة 85 % على مدتر السنة هيتحول على نظام المنازل وانا بصراحة بكره المدرسة لانى بروح مش بستفيد حاجة وبياخرونا وبنطلع اخر اليوم وبروح البيت مفرهض ومواصلات بقى وحاجة تخنق بالنسبة لى المدرسة تضييع وقت ولو حكمت هحول منازل اعمل ايه يعنى ؟؟؟؟؟؟؟

حاول تروح ف الاول كده وفى الاخر تأجّز وعندك نص السنه ممكن تلم اللى كان بيفوتك فى ايام المدرسه وكده يعنى ظبط حالك يعنى :)

To Be Is To Do

11-08-2013, 07:15 AM

دفعة الثورة ديه اكتر دفعة محظووووووووووووووووووووووووووووظة فى كله !!!!!

الله اكبر الله أكبر 5 5 5 5 5 :p

ابوعمرة

11-08-2013, 07:17 AM

حاول تروح ف الاول كده وفى الاخر تأجّز وعندك نص السنه ممكن تلم اللى كان بيفوتك فى ايام المدرسه وكده يعنى ظبط حالك يعنى :)
ربنا يسهلها من عنده ان شاء الله معلش بقى دوشتك بالثانوية وهمها
صح نسيت اقولك مبروك على الامتياز ( تخمين ) وعقبال التخرج ان شاء الله
وباذن الله نشوفك مهندش قد الدنيا :):):):)

ابوعمرة

11-08-2013, 07:19 AM

الله اكبر الله أكبر 5 5 5 5 5 :p

انا مش بحسد انا بقر بس :):):)
المفروض نبقى احنا دفعة ثورة التصحيح يعنى لازم يراعونا :mad::mad::mad::mad::mad:

To Be Is To Do

11-08-2013, 07:19 AM

ربنا يسهلها من عنده ان شاء الله معلش بقى دوشتك بالثانوية وهمها
صح نسيت اقولك مبروك على الامتياز ( تخمين ) وعقبال التخرج ان شاء الله
وباذن الله نشوفك مهندش قد الدنيا :):):):)

تخمينك بعيـــــــــــــــــــــــــــــــــــــــــــــــ ـد اوى يعنى على العموم النتيجه لسه مظهرتش :(
ربنا يبارك فيك يا رب :) وتبقى دكتور زى العسل :)

ابوعمرة

11-08-2013, 07:23 AM

تخمينك بعيـــــــــــــــــــــــــــــــــــــــــــــــ ـد اوى يعنى على العموم النتيجه لسه مظهرتش :(
ربنا يبارك فيك يا رب :) وتبقى دكتور زى العسل :)

ربنا يخليك ياهندسة
بعيد ليه ياعم مفيش حاجة بعيدة على ربنا (تفاءلوا بالخير تجدوه ) ان شاء الله خير وامتياز باذن الله

To Be Is To Do

11-08-2013, 07:24 AM

ربنا يخليك ياهندسة
بعيد ليه ياعم مفيش حاجة بعيدة على ربنا (تفاءلوا بالخير تجدوه ) ان شاء الله خير وامتياز باذن الله

يا رب دعواتك وربنا يوفقك ان شاء الله :) واى حاجه اناا تحت امرك :)

ابوعمرة

11-08-2013, 07:25 AM

يا رب دعواتك وربنا يوفقك ان شاء الله :) واى حاجه اناا تحت امرك :)
تسلم ياغالى وان شاء الله خير

ابوعمرة

11-08-2013, 07:38 AM

معلش كنت عايز نصيحتك بالنسبة للبرجراف والترجمة فى الانجليزى ايه حلهم انا مش وحش فيهم بس دايما عاملين لى قلق

To Be Is To Do

11-08-2013, 07:46 AM

معلش كنت عايز نصيحتك بالنسبة للبرجراف والترجمة فى الانجليزى ايه حلهم انا مش وحش فيهم بس دايما عاملين لى قلق

تمام بص هو حل البراجراف الكتابه الكتير على الاقل تكتب براجراف او 2 لكل يونيت وتديه للمستر يصححهملك
الترجمه هو انك تحفظ كلمات منهجك كويس لانها بتيجى فى الترجمه علطول وانت بتحل اختيارات او قطعه الفهم او اى حاجه او مواقف وقابلتك كلمه مش عارف معناها حاول تترجمها من اى حته ( جوجل مثلا ) وتحفظها
كده انت عندك خزينه كلمات حلوه جدا وتساعدك ف الترجمه + ان اغلب الكلمات اللى بتبقى مش معروفه ف الترجمه بتيجى بالتقريب يعنى بتشوف اقرب كلمه ليها ايه وبتمشى صح :)

ابوعمرة

11-08-2013, 07:50 AM

تمام بص هو حل البراجراف الكتابه الكتير على الاقل تكتب براجراف او 2 لكل يونيت وتديه للمستر يصححهملك
الترجمه هو انك تحفظ كلمات منهجك كويس لانها بتيجى فى الترجمه علطول وانت بتحل اختيارات او قطعه الفهم او اى حاجه او مواقف وقابلتك كلمه مش عارف معناها حاول تترجمها من اى حته ( جوجل مثلا ) وتحفظها
كده انت عندك خزينه كلمات حلوه جدا وتساعدك ف الترجمه + ان اغلب الكلمات اللى بتبقى مش معروفه ف الترجمه بتيجى بالتقريب يعنى بتشوف اقرب كلمه ليها ايه وبتمشى صح :)

استاذ :022yb4::022yb4::022yb4:
ع الاصل دور :022yb4::022yb4::022yb4:

To Be Is To Do

11-08-2013, 08:07 AM

استاذ :022yb4::022yb4::022yb4:
ع الاصل دور :022yb4::022yb4::022yb4:

ربنا يوفقك ان شاء الله :)

ابوعمرة

11-08-2013, 08:15 AM

ان شاء الله

asmaa232

12-08-2013, 04:05 AM

[center][font="arial"][size="5"][color="purple"]ا + كتاب المعلم مراجعه نهائيه بتاع الامتحانات الميزه منه هو ان جايب الاجابه النموذجيه للامتحان يعنى الاجابه اللى بتبقى فى النموذج الرسمى ) nter]

معلش انا لسا مقرأتش الموضوع كامل بس عندى استفسار ف الحتة دى هو كتاب المعلم المراجعة النهائية بيبقى موجود اول السنة أصل متهيألى ان كتب المراجعة بتنزل ف الاخر ولا إييييه

asmaa232

12-08-2013, 04:16 AM

اعتقد لازم تجيب الدليل فى الفيزيا والانجلش والاحياء ( على حد ما سمعت من صحابى عملى العلوم )

الدليل مش بينزل فى المكتبات للاسف بينزل فى المدرسه بس وبيبقى على شهر 4 فانت لو تعرف حد اكبر منك حاول تاخده منه وتبدا فيه من اول السنه :)

طيب لو جبته من حد قديم وكدا الأسئلة هى هي ولا بتتغير كل سنة يعنى مش زى الملخصات كدا كل سنة بتتغير ولا إيه ؟؟

To Be Is To Do

12-08-2013, 04:18 AM

معلش انا لسا مقرأتش الموضوع كامل بس عندى استفسار ف الحتة دى هو كتاب المعلم المراجعة النهائية بيبقى موجود اول السنة أصل متهيألى ان كتب المراجعة بتنزل ف الاخر ولا إييييه

لا الكتاب ده بينزل من اول السنه وبيتخطف من المكتبات فلازم تسألى عليه على طول وتجيبه اول ما ينزل

طيب لو جبته من حد قديم وكدا الأسئلة هى هي ولا بتتغير كل سنة يعنى مش زى الملخصات كدا كل سنة بتتغير ولا إيه ؟؟

بصى بنسبه 99% هو هواه كل سنه ساعات بس بيغير سؤال او 2 بس ويحط مكانهم حاجه تانيه يعنى التغيير بسيط اوى يكاد لا يُذكر

asmaa232

12-08-2013, 04:34 AM

لا الكتاب ده بينزل من اول السنه وبيتخطف من المكتبات فلازم تسألى عليه على طول وتجيبه اول ما ينزل

بصى بنسبه 99% هو هواه كل سنه ساعات بس بيغير سؤال او 2 بس ويحط مكانهم حاجه تانيه يعنى التغيير بسيط اوى يكاد لا يُذكر

تمام
ألف شكر :)

To Be Is To Do

12-08-2013, 04:36 AM

تمام
ألف شكر :)

الشكر لله أى حاجه تحت امركم إن شاء الله

Ruins22

12-08-2013, 05:26 AM

الشكر لله أى حاجه تحت امركم إن شاء الله

عايزك تقولى على كتب خارجيه أجيبها فيزياء و كيمياء و أحياء، بس تكون إنجليزى علشان أنا لغات، ^_^

To Be Is To Do

12-08-2013, 03:53 PM

عايزك تقولى على كتب خارجيه أجيبها فيزياء و كيمياء و أحياء، بس تكون إنجليزى علشان أنا لغات، ^_^

لا للأسف انا معرفش حاجه عن كتب اللغات :) يا رب حد تانى يقدر يفيدك

moslimah

29-08-2013, 06:32 PM

لو سمحتوا حد يعرب الجمل دي كاملة
وجزاكم الله خيرا
البستان المنسقة اشجاره جميل
هذا رجل سامية اخلاقه
مررت برجل ماضية عزيمته

flavia

10-09-2013, 03:36 PM

كتال الوسام فى الفيزياء أسئلته قوية و كتاب السامى أسئلته فى أحياء 2 ث كثيرة

Nourhan_nono

11-09-2013, 01:40 AM

كتال الوسام فى الفيزياء أسئلته قوية و كتاب السامى أسئلته فى أحياء 2 ث كثيرة
طيب و كتاب السامى نزل دلوقتى ؟؟؟ يعنى السنة دى ؟؟؟

Nourhan_nono

11-09-2013, 01:44 AM

[QUOTE=To Be Is To Do;5433074]لا الكتاب ده بينزل من اول السنه وبيتخطف من المكتبات فلازم تسألى عليه على طول وتجيبه اول ما ينزل

طب انا رايحة 2 ثانوى بس مش شهادة
هيكون الكتاب دة موجود ولا للشهادة بس ؟؟؟؟؟؟؟