مشاهدة النسخة كاملة : استفسار عاجل بخصوص تجارة انجلش
M.CABO 22-07-2013, 07:01 PM بسم الله الرحمن الرحيم
اولا: رمضان كريم
ثانيا: انا حالياً من ضمن رغباتى تجارة انجلش,
انا كنت رافضها الأول بس لأنى كنت مفكرها تجارة عادية,,
بس اتضح لى ان ليها مستقبل
فا انا عاوز اعرف هدخلها ولا لأ..
-----------------
مجموعى من غير المستوى
85.73 %
351.5
مجموعى بالمستوى
86.22 %
353.5
مع العلم انى واخد المستوى: انجلش
وجبت فيه 7
-----
مجموع الإنجليزى فى تانية 18 للأسف, (ظلم تصحيح بقى)
و مجموع الإنجليزى فى تالتة 23
يعنى مجموع السنتين فى الإنجليزى 41
عاوز اعرف هل ممكن الحقها ولا اشوف كلية غيرها ولا ايه النظام؟
mohamed_gad_ 22-07-2013, 11:24 PM لو انت من القاهرة وادبي ممكن تقبل في حلوان بس اسال في الكليه قبل ما تقدم اخدو من كام السنه اللي فاتت عشان متلبسش في عربي لكن لو انت من اي محافظه تانيه يبقي تقبل ان شاء الله اكيد في اي محافظه تانيه ومش محتاج تسال
M.CABO 23-07-2013, 01:48 AM انا ايوة من القاهرة
------------------------
بص يا معلم, انا كتبت تجارة من ضمن رغباتى الرابعة والخامسة والسادسة مع اختلاف المحافظات
لأنى سمعت عن موضوع التنسيق الداخلى دى
طب انت تقصد اسأل هناك تقصد قبل ما اقدم الرغبات ولا بعد مال الكلية مثلاً تيجى وخلاص هروح اقدم؟؟
mohamed_gad_ 23-07-2013, 04:12 AM قبل ما تكتب الرغبات عشان تعرف لو دخلت التنسيق الداخلي هتقبل في حلوان ولا لا اسال هي كانت واخده من كام السنه اللي فاتت بس ممكن تقبل بس روح واتاكد برضو عشان لو مقبلتش هتبقي تجارة عربي ومش هتعرف تحول الا بعد سنه لو انت مش عايز تجارة عربي
vampire1188 23-07-2013, 11:42 AM بسم الله الرحمن الرحيم
اولا: رمضان كريم
ثانيا: انا حالياً من ضمن رغباتى تجارة انجلش,
انا كنت رافضها الأول بس لأنى كنت مفكرها تجارة عادية,,
بس اتضح لى ان ليها مستقبل
هههههههه طب ماهيا على فكرة تجارة عادية بس المواد بالانجليش .. ايه المبهر في كدا ؟!! وايه المستقبل في كدا ؟؟
مجموعى من غير المستوى
85.73 %
351.5
حدد .. أدبي ولا علمي ؟؟
M.CABO 23-07-2013, 01:43 PM قبل ما تكتب الرغبات عشان تعرف لو دخلت التنسيق الداخلي هتقبل في حلوان ولا لا اسال هي كانت واخده من كام السنه اللي فاتت بس ممكن تقبل بس روح واتاكد برضو عشان لو مقبلتش هتبقي تجارة عربي ومش هتعرف تحول الا بعد سنه لو انت مش عايز تجارة عربي
انا سألت ناس قالولى دخلت تنسيق داخلى ,, بس مش متأكد, ومفيش وقت اروح الجامعة واسأل,, وانا بحاول اتأكد
هههههههه طب ماهيا على فكرة تجارة عادية بس المواد بالانجليش .. ايه المبهر في كدا ؟!! وايه المستقبل في كدا ؟؟
حدد .. أدبي ولا علمي ؟؟
المستقبل فى ان اللى بيتخرج من الكلية دى الأغلبية, بيشتغلوا , عكس اللى بيتخرجوا وبيقعودوا فى البيوت
--------------
وانا ادبـى
طب يا معلم كلية اعلام جاتلى من ضمن التنسيق المتوقع ايه رأيك فيها؟
vampire1188 23-07-2013, 02:17 PM المستقبل فى ان اللى بيتخرج من الكلية دى الأغلبية, بيشتغلوا , عكس اللى بيتخرجوا وبيقعودوا فى البيوت
لعلمك مافيش حد بيتخرج ويقعد في بيته
بس العملية بتبقى علمية ظروف .. لانك اي شاب بيتخرج بيبقى الكام شهر اللى بعد التخرج دول على طول بتبقى مرحلة ميتة في حياته لانها مرحلة انتظار موقفه من الجيش
لو خد اعفاء او تأجيل بيبتدي يشوف نفسه .. لو لبس جيش بيبقى وضعه أنيل لانه بيضيع سنة من عمره
حتة بقى تجارة انجليش يشتغل وعربي مابيشتغلش .. لا فااااااكس .. كله بيشتغل باذن الله
بس الفرق في مكان الشغل وفرق المرتب مش اكتر
وماتفتكرش بردو ان خريج انجليش هاياخد مرتب واااااااو عن العربي .. فروق بسيطة جدا وساعات خريج العربي ربنا بيرزقه بمكان بياخد فيه اضعاااف اللى بيقبضه خريج انجليش
هيا مسألة نصيب اولا واخيرا وسيبك من الناس اللى بتقولك ماحدش لاقي شغل .. اللى بيقول كدا دا معلش في الكلمة بروطة عايز الشغل ييجي لحد عنده
M.CABO 23-07-2013, 05:55 PM طيب دلوقتى انا كتبت تجارة من ضمن رغباتى
كتبت عين شمس والقاهرة وحلوان
على اساس ان فيها تنسيق داخلى
---------
انا عاوز اعرف اعمل ايه دلوقتى؟؟
-------
وتانى مرة بسأل.. كلية اعلام جاتلى من ضمن التنسيق المتوقع ايه رأيك فيها؟
vampire1188 23-07-2013, 09:32 PM كتبت عين شمس والقاهرة وحلوان
على اساس ان فيها تنسيق داخلى
---------
انا عاوز اعرف اعمل ايه دلوقتى؟؟
-------
استني بقى لما نتيجة المرحلة تظهر وتشوف الموضوع هايرسي على كلية ايه بالظبط
وتانى مرة بسأل.. كلية اعلام جاتلى من ضمن التنسيق المتوقع ايه رأيك فيها؟
ياباشا احنا بنتكلم في دخولك تجارة انجليش وربنا يسهلها وانت تقولي اعلام ؟؟! ازاااااااااى يعنى
انا عن نفسي لاء شايف اعلام بلاش .. انا اعرف ناس اصلا خريجة اعلام ايه يو سي والكارير بتاعهم زفت
نصيحة بلاااااااش .. على فكرة كلية سهلة جدا وسهل اوي تجيب فيها امتياز بس كشغل لاء مش زي كارير التجارة
M.CABO 24-07-2013, 04:31 PM يا معلم انا بسأل بس
--------------------------------
بس فى ناس نصحونى بإعلام وناس تانية قالولى لأ
---
ع العموم دى رغباتى وعاوز اعرف رأيك (اول 15 رغبة)
===============
1- اقتصاد وعلوم سياسية القاهره
2- تجاره عين شمس
3- تجاره القاهره
4- اثار القاهره
5- اعلام القاهره
6- السن المنيا ( لأن عين شمس مش ظاهرة , وهناك ابقى احول)
7- اداب عين شمس
8- اداب القاهره
9- اداب حلوان
10- تجاره وإدارة أعمال ج حلوان
11- كلية السياحة والفنادق بالمنيل ج حلوان
12- كلية التكنولوجيا والتنمية ش (علوم مالية وادارية) ج الزقازيق
13- تربية عين شمس
14- تربية حلوان
15- كلية اللغات والترجمة جامعة أسوان
ياســــــــمين * 25-07-2013, 12:20 AM انا جايبة زيك بالظبط بس اقل بنص درجة ,, جايبة 353 يعنى 86.1 وف الانجلش 46
بس الفرق ان انا اقاليم ودى بتاخد اقل شوية من القاهرة
سألت ف الاقاليم بياخدو من كام قالولى واخدين السنة اللى فاتت الانجلش يكون فوق الاربعين والمجموع الكلى فى حدود 84
ولسا بتأكد
يعنى انت حتا لو مقبلتش ف القاهرة او ف حلوان ممكن تروح حاجة اقاليم وبعد كده تحول عادى
M.CABO 25-07-2013, 04:53 PM بصى يا ياسمين
التنسيق السنة دى فى كل الكليات نزل بدرجة كبيرة .. لأن نسبة النجاح ع مستوى الجمهورية 77% ودى تعتبر كارثة فى الثانوية العامة,, علشان كدة التنسيق نزل السنة دى, وسمعت ان تجارة واخدة من 80 او 81 عكس السنة اللى فاتت,, بالرغم ان فيها تنسيق داخلى,,
و ربنا يسهــل
M.CABO 29-07-2013, 12:40 PM يا شبــــــــــــاب , انا جالى فى نتيجة التنسيق ,,
تجارة عين شمس
هل اروح اسأل فى الكلية على التنسيق الداخلى ولا اعمل ايـــه فوراً ياريت؟؟
ياســــــــمين * 29-07-2013, 02:17 PM أنا من دمياط و جالى فى التنسيق " تجارة دمياط " هى واخدة من 82
اعمل ايه هناك بالظبط عشان اسأل ع تجارة انجلش ؟ ولو تجارة العادية واخدة من 82 تفتكروا كده اللى جايب 86 و46 انجلش يلحق انجليزى ؟ :/
نفس سؤال كابو لو تسمحلى اسأل هنا بس عشان اللى يشوف سؤالك يجاوبنى بالمرة
vampire1188 30-07-2013, 01:21 AM يا شبــــــــــــاب , انا جالى فى نتيجة التنسيق ,,
تجارة عين شمس
هل اروح اسأل فى الكلية على التنسيق الداخلى ولا اعمل ايـــه فوراً ياريت؟؟
هاتروح شئون طلبة تجارة انجليش وتقولهم عايز طلب تقديم شعبة انجليش
هاتدفع الفلوس وتقدم وشكراااا .. ماتنساش تاخد ورقك معاك بس
أنا من دمياط و جالى فى التنسيق " تجارة دمياط " هى واخدة من 82
اعمل ايه هناك بالظبط عشان اسأل ع تجارة انجلش ؟ ولو تجارة العادية واخدة من 82 تفتكروا كده اللى جايب 86 و46 انجلش يلحق انجليزى ؟ :/
نفس سؤال كابو لو تسمحلى اسأل هنا بس عشان اللى يشوف سؤالك يجاوبنى بالمرة
نفس الاجابة اللى فوق بردو
وبالتوفيق ليكوا جميعا ان شاء الله
chirstabel 31-07-2013, 01:32 AM والله انت برنس وجبت الزيتونه بتاعت الموضوع
M.CABO 13-09-2013, 05:07 PM بــــــاركولى يا شـبــاب , ابنــــات :D
Finally بقيت فى تجارة إنجليش ( عين شمس ) ^_^
-------------
الفترة اللى فاتت ماكونتش بدخل هنا لأنى كنت بخلص ورق الكلية
بالتوفيـق, لينا كُلنا إن شاء الله
azedox 23-10-2013, 02:16 PM السلام عليكم
شكرا لكم على المعلومات الرائعة
|