|
مشاهدة النسخة كاملة : ضروووووووووووووووووووووووووووووووووووووووووووووووو وووووووري جدا جدا جدا hoss_madridi 21-07-2013, 02:07 AM عن تجارة انجلش والترهيب منها كاننا دخلين علي جهنم السؤال الكلية صعبة لدرجة انة صعب نتخرج منةا ولا اية ولا عايزة مذاكرة اد اية واحنا لسة مخلصين ثانوية وعايزين نهدي فالكلية شوية مش نخلص من مذاكرة نلبس فمذاكرة ولازم عشان نعدي ناخد كورسات انجلش ومواد الكلية يعني هنكمل سلسلة الدروس الخصوصية .. خصوصا تجارة انجلش اسكندرية ارجو معلومات عنها ضروري جدا عن كل شئ .. وشكرا Monier 21-07-2013, 03:16 AM بالنسبة لتجارة انجلش عموما فهى صعبة جدا جدا ومحدش بينجح فيها غير بصعوبة :D طبعا بهزر الكلية زى اى كلية تانية هتحس بصعوبة بس اول ترم لانها تعتبر مرحلة جديدة وكدا انما بالنسبة لموضوع الكورسات الانجلش دا عادى بتاخده لنفسك مش اكتر وممكن تخش ع الموضوع دا اعتقد انه هيفيدك ان شاء الله http://www.thanwya.com/vb/showthread.php?t=451114 legend_hossam 21-07-2013, 03:49 AM يا حس سيبك من الكلام ده كله تجارة انجلش كلية زى اى كليه عادى جدا متخفش خالص اول ترم طبيعى مش هتبقى واخد على جو الجامعات من حيث ان مفيش حد بيقولك تعمل ايه و كدة ولا اى حاجة بس مع نهاية الترم و تعدى اول امتحان هتاخد على الجو و تعرف رأسك من رجليك و هتنجح و تجيب تقديرات كمان . سيبك من اى حاجة بتعجزك shahira tarek 21-07-2013, 08:14 AM لا عاديه ع فكره لا صعبه ولا حاجه هيه محتاجه بس مزاكره عاديه وخلاص ..... ولازم تلحق نفسك وتزاكر اول بأول عشان فى جامعات بتعمل ميد تيرم يعنى امتحان بعد اول شهر ونص او شهرين يعنى تحاول كده تزاكر من البداية او ع الاقل تاخد فكره كده عن المواد عشان متتفاجأش !!! mohamed_gad_ 21-07-2013, 10:59 AM انا انجلش اسكندريه يا حس هي مش صعبه ولا حاجه متخفش وموضوع ان الدكاترة بتشرح بالانجلش كل حاجه ده كانو بيخوفنا بيه قبل ما ندخل بس الحقيقه ان نطق الدكاترة مش صعب مش امريكان اكسنت هتلاقيه سهل وبعدين الدكاترة بيتكلمو في مادة علميه مش في كل حاجه في الدنيا لو عرفت المصطلحات الاساسيه للمواد في اول اسبوع هتتكيف مع الشرح وهتفهم بسهوله بعد كده عايزة مذاكرة اد اية واحنا لسة مخلصين ثانوية وعايزين نهدي فالكلية شوية مش نخلص من مذاكرة نلبس فمذاكرة هي مش صعبه وفي نفس الوقت مش عايزة انتخه يعني لازم تذاكر اول باول ومنهجها مش كبير مش زي الثانويه العامه بس لازم تذاكر اول باول ودي نصحتي ليك والا هتلبس في الامتحنات وفي اسكندريه في ميد تيرم بس هو اتلغي السنه اللي فاتتت بس موجود واوعه تذاكر قبل الامتحنات باسبوع هتلبس فخد بالك لازم عشان نعدي ناخد كورسات انجلش ومواد الكلية يعني هنكمل سلسلة الدروس الخصوصية الكورسات مش لازم تاخدها ممكن تحضر المحاضرات وتركز مع الدكاترة وانت هتنجح وتجيب تقدير كمان ان شاء الله اي سؤال تاني عن تجارة انجلش اسكندريه انا موجود |