عملت ايه و متوقع تدخل ايه ؟...و ألف مبروك مقدماً!!!! [الأرشيف]

مشاهدة النسخة كاملة : عملت ايه و متوقع تدخل ايه ؟...و ألف مبروك مقدماً!!!!

yolanda

16-07-2013, 08:55 PM

السلام عليكم و رحمة الله و بركاته

أولاً أحب أهنئ كل طلبة الثانوية العامة اصحاب المجاميع العالية و أصحاب المجاميع التي تمكنهم من دخول الكلية التي حلموا بها حتي لو كانت مش عالية ...و هما طبعاً فاهميني ....

ثانيا ياريت كل واحد يدخل يكتب مجموعه و الكلية التي يتوقع دخولها أو يتمني دخولها ...

يارت تتفاعلوا معايا و تشجعوني و اكتب انا كمان مجموعي...

Wise..Brain

16-07-2013, 09:08 PM

Eco esraa feps

16-07-2013, 09:09 PM

95.24 ومتوقعه علاج طبيعى او بيطرى او اعلام او اقتصاد وسياسة

yolanda

16-07-2013, 09:26 PM

السلآم عليكم ورحمة الله ...
الموضوع مش يخصنى لأنى لسة هدخل إن شآء الله 3 السنة الجاية
مبروووووووووك لكم كلكم ويآرب كلكم تكونوا فرحآنين والتنسيق ينآسبكم كلكم
وتدخلوا الكليآت اللى انتم عآوزينها;)
" أنتم السآبقون ونحن اللآحقون ":022yb4:
ومبروك لكِ يولاندا جبتى كم بقى ؟!:d

الله يبارك فيكي يا قمر ربنا معاكي استعدي لأكبر و أصعب تجربة هتمري بيها في حياتك بس عاوزيكي تكوني حديد و تكوني متفائلة ...

انا جبت 99.76 % يعني 409 من 410

ادعيلي ربنا يقدر و أدخل طب بشري إن شاء الله

ملحوظة : المجموع ده من غير دروس خصوصية و لا معاهد و لا مدرسة ...

Wise..Brain

16-07-2013, 09:38 PM

الله يبارك فيكي يا قمر ربنا معاكي استعدي لأكبر و أصعب تجربة هتمري بيها في حياتك بس عاوزيكي تكوني حديد و تكوني متفائلة ...

انا جبت 99.76 % يعني 409 من 410

ادعيلي ربنا يقدر و أدخل طب بشري إن شاء الله

ملحوظة : المجموع ده من غير دروس خصوصية و لا معاهد و لا مدرسة ...

مبــــــــــــــرووووووووووووووووك :022yb4::022yb4::022yb4:
مآشآء الله
من غير دروس :(
أنا عاوزآكى على جنب بقى هههههههههـ
تفضي للغلابة اللى زيى كدة وتقوليلنا بقى الخطة الدرآسية :p:p
واحدة صاحبتى جايبة 99.9 بس كانت بتاخد دروس :rolleyes:
يـــــــــــآرب أشوفك أحلى دكــتـــورة فى الدنيـــــآ

المتفائله...

16-07-2013, 09:59 PM

yolanda

16-07-2013, 10:07 PM

مبــــــــــــــرووووووووووووووووك :022yb4::022yb4::022yb4:
مآشآء الله
من غير دروس :(
أنا عاوزآكى على جنب بقى هههههههههـ
تفضي للغلابة اللى زيى كدة وتقوليلنا بقى الخطة الدرآسية :p:p
واحدة صاحبتى جايبة 99.9 بس كانت بتاخد دروس :rolleyes:
يـــــــــــآرب أشوفك أحلى دكــتـــورة فى الدنيـــــآ

أنا عنيا ليكي ...بس أنتي أؤمري ...و أي حاجة انتي محتجاها في مجال علمي علوم أن شاء الله أقدر أساعدك فيها و كمان كل الخبرات الي حصدها من الثانوية العامة إن شاء الله أقولهالك ...بس أنتي ناوية علي ايه بقي يا عسل ؟؟؟؟

yolanda

16-07-2013, 10:09 PM

الف مبروك
ان شاء الله تدخلى طب وتحققى اللى نفسك فيه

ميرسي جداً ...أنتي في سنة كام؟؟؟

Bahy_Ahmed

16-07-2013, 10:13 PM

الحمد لله 99.15 اتمني ادخل طب ^_^

Wise..Brain

16-07-2013, 10:17 PM

أنا عنيا ليكي ...بس أنتي أؤمري ...و أي حاجة انتي محتجاها في مجال علمي علوم أن شاء الله أقدر أساعدك فيها و كمان كل الخبرات الي حصدها من الثانوية العامة إن شاء الله أقولهالك ...بس أنتي ناوية علي ايه بقي يا عسل ؟؟؟؟

مكتوب أهه " علمى علــــوم "
بما إن مفيش مستوى عندنا فى النظآم الجديد
والمجموع من 450 انا بقى عاوزة اجيب 450 :p:022yb4:
الحمد لله على طول الاول وان محصلش ببقى التانية
المشكلة انى مبكملش نص سآعة ع الكتآب :o
وان المدرس مطلبش منى حآجة أذآكرها ولا بآجى نآحية الدرس ده
وبروح على الشرح القديم :d
وعدت السنين ده كلها بس عندنا بقى بيقولوا النظآم ده مش هينفع ;)

المتفائله...

16-07-2013, 10:24 PM

ميرسي جداً ...أنتي في سنة كام؟؟؟

انا خلصت اولى تجارة السنة دى
رايحة تانية ان شاء الله

المتفائله...

16-07-2013, 10:30 PM

الحمد لله 99.15 اتمني ادخل طب ^_^
الف مبروك
ان شاء الله تدخل طب
بالتوفيق

looolaaa

16-07-2013, 10:32 PM

يا جماعة انا جايبة 95.7 ممكن الحق صيدلة

عبد المقصود مصطفى

16-07-2013, 10:32 PM

yolanda

16-07-2013, 10:40 PM

يا جماعة انا جايبة 95.7 ممكن الحق صيدلة

أنا لسة قارية إن التنسيق السنة دي هينزل و صيدلة هتاخد من مجموع قليل عن السنين الي فاتت ...ألف مبروك علي المجموع الجميل و إن شاء الله تدخلي صيدلة و تدعيلي...

ahmed H capo

16-07-2013, 10:41 PM

94.15
تفتكروا الحق اعلام ؟

yolanda

16-07-2013, 10:43 PM

عايز اقول الف الف الف الف الف مليون مبروك وعلى فكرة انا كنت بدعيلكم وعلى فكرة يا جماعة اللى جاب مجموع قليل ميخفش التنسيق ان شاء الله هيعدله وبالاخير يا رب يحقق حلمى وحلمكم ونكون كلنا مطيعين للمولى واخر حاجة انا داخل تانية ثانوى ونظام جديد وعايز اقول كمان يا ريت تسعدونى اجيب مثلكم يا رب

الله يبارك فيك عقبالك ...أنا نفسي أوجه شكر عظيم لكل الي ساهم بدعاء صادق مش بس ليا بل لكل طالب ثانوية عامة مصري! ...و ربنا يكرمك تجيب مجموع عالي و تدخل الكلية الي نفسك فيها ...

عبد المقصود مصطفى

16-07-2013, 10:44 PM

يعنى مش هتسعدونا هتنسونا بقا؟؟؟

Lyonenyo

16-07-2013, 11:13 PM

99.02 حلم حياتي اخش طب

بس واضح كدا انه محصلش نصيب **

عموما طب اسنان حلو بردك :)

وبصراحة احييك على الانبهار دا
موضوع 409 من غير دروس دا يعني بصراحة شيء اشبه بالمعجزة ^.^
وربنا يوفقنا ونحصل على الكليات اللي عايزينها

احمدالمدريدي

17-07-2013, 12:56 AM

الله يبارك فيكي يا قمر ربنا معاكي استعدي لأكبر و أصعب تجربة هتمري بيها في حياتك بس عاوزيكي تكوني حديد و تكوني متفائلة ...

انا جبت 99.76 % يعني 409 من 410

ادعيلي ربنا يقدر و أدخل طب بشري إن شاء الله

ملحوظة : المجموع ده من غير دروس خصوصية و لا معاهد و لا مدرسة ...

الصراحة ماشاء الله عليكي وربنا يفوقك نادر جدا واحد ميخدش دروس ويجيب كل ده:av4056bb7jp3::078111rg3: ما شاء الرحمن انا رايح تانية باذن الله انتم السابقون ونحن اللاحقون باذن الله مبررررررررررررررررروك لطلبة الثانوية العامة

shimaa_7

17-07-2013, 01:04 AM

75 % ممكن الحق آداب شبين الكوم ؟

مروة محمد فراج

17-07-2013, 01:34 AM

الف الف الف مبروك ليكم
ومبروك كمان مخصوص ل(يولندا)
ما شاء الله عليكى
انالسه هدخل تانية ثانوى

ونفسى اووووووووووى ادخل طب
بس اهم حاجة

والنبى متبخليش علينا بالخلطة السرية بتاعتك
علشان والله انا كنت بدعيلكم كلكم
وكنت قلقانة زى ما يكون نتيجتى انا

مع ان مش ليا اصلا اخوات فى ثانوى

وربنا يوفقنا كلنا يااااااااااااااااااااااااااااااااااااااااارب

NeVeR CoMe BacK

17-07-2013, 02:37 AM

الحمد لله
100.1 %
:d
الحمد لله :)
^^
الف الف مبروووووووووووووووك ليكو جميعا ويارب كلنا نحقق احلامنا :)

Bianka

17-07-2013, 02:55 AM

انا لسه بقى هدخل 3 السنه الى جاايه ربنا معانااا
والف مليوووووووووووون مبروووك للى نجحوا ربتا يوفقهم يااارب
بس عايزينك تساعدينا كده وتدينا كاام نصيحه لحسن احنا غلابه ونظاام جديد وكده

Asa7be Wawa

17-07-2013, 04:35 AM

98.2% ان شاء الله هندسة عين شمس

asmaa232

17-07-2013, 04:56 AM

الحمد لله
100.1 %
:d
الحمد لله :)
^^
الف الف مبروووووووووووووووك ليكو جميعا ويارب كلنا نحقق احلامنا :)

انتى من الأوائل ولا إيه ؟؟

menna monmon

17-07-2013, 08:11 AM

الف مبروووووووووووووووك ليكو كلكو ويا رب تحققوا احلامكوا
انا راحة 3 السنة الجاية انصحونا بقي ولا شكلكوا بخلاء بس احنا في رمضان ورمضان كريم
اكرموا علينا بالنصائح

Dr Elgohary

17-07-2013, 10:50 AM

الحمد لله
100.1 %
:d
الحمد لله :)
^^
الف الف مبروووووووووووووووك ليكو جميعا ويارب كلنا نحقق احلامنا :)

مبروك يا دكتورة
دى نتيجتك ؟؟؟
http://nateega.masrawy.com/Thanaweya_L2.aspx?seatno=1651243

Nourshan Magdy

17-07-2013, 11:49 PM

NeVeR CoMe BacK

18-07-2013, 04:57 AM

انتى من الأوائل ولا إيه ؟؟
ههههههههههههههه ياريت والله :) انا جبت 406 من غير مستوى والأول جاب 409 من غير مستوى يعنى لو اخدناها بالمكرر أطلع ال7 علا الجمهورية :d بس طبعاا فيه كتير جايبين زيى واعلا كمان فهما تقريبا بياخدو ال40 الاوائل بس يعنى اقل مجموع تقريبا هيبقا 408 او 407.5 ألشت انا بقا علا درجتين او درجتين ونص ^^^
ههههههههههههههه الحمد لله علا كل شئ :) كده رضاااااااااااااااا أأووووووووووى :d
مبروك يا دكتورة
دى نتيجتك ؟؟؟
http://nateega.masrawy.com/thanaweya_l2.aspx?seatno=1651243

ههههههههههههههههههههههههههههه أه هى دى ^^^ جبتها ازاى ؟ :d
الله يبارك فيك :)

عبد المقصود مصطفى

18-07-2013, 05:14 AM

ههههههههههههههه ياريت والله :) انا جبت 406 من غير مستوى والأول جاب 409 من غير مستوى يعنى لو اخدناها بالمكرر أطلع ال7 علا الجمهورية :d بس طبعاا فيه كتير جايبين زيى واعلا كمان فهما تقريبا بياخدو ال40 الاوائل بس يعنى اقل مجموع تقريبا هيبقا 408 او 407.5 ألشت انا بقا علا درجتين او درجتين ونص ^^^
ههههههههههههههه الحمد لله علا كل شئ :) كده رضاااااااااااااااا أأووووووووووى :d

ههههههههههههههههههههههههههههه أه هى دى ^^^ جبتها ازاى ؟ :d
الله يبارك فيك :)

الف مبروك ليك وعايز يعنى اعرف طريقت حضرتك بالمزاكرة لو مفيهاش تعب يعنى بجد انتا الله يحميك

asmaa232

18-07-2013, 09:02 AM

ههههههههههههههه ياريت والله :) انا جبت 406 من غير مستوى والأول جاب 409 من غير مستوى يعنى لو اخدناها بالمكرر أطلع ال7 علا الجمهورية :d بس طبعاا فيه كتير جايبين زيى واعلا كمان فهما تقريبا بياخدو ال40 الاوائل بس يعنى اقل مجموع تقريبا هيبقا 408 او 407.5 ألشت انا بقا علا درجتين او درجتين ونص ^^^
ههههههههههههههه الحمد لله علا كل شئ :) كده رضاااااااااااااااا أأووووووووووى :d

تمام ربنا يوفقك يا حبيبتى وادعى لاخواتك اللى لسا داخلين تالتة بقى :)

yolanda

18-07-2013, 02:26 PM

الف الف الف مليون مبروووووووك ليكوا كلكوا وخاصة يوﻻندا ماشاء الله عليكى ربنا يحميكى وتحققى الى تتمنيه وتدخلى كلية الطب انا ان شاء الله رايحة سنة 3 ثانوى علمى علوم زيكم محتاجين دعواتكم معانا يا اخواتنا وياريت تقوللنا يا يوﻻندا ازاى كنتى بتنظمى وقتك ؟ ومكنتيش خايفة ﻻنك مش بتاخدى دروس طيب ومواد علمية زى الفيزياء والاحياء لو حاجة كام صعب فهمها كنتى بتعملى ايه ؟؟ وممكن تقوللنا ايه الكتب الى كنتىبتستخدميها فى كل المواد ؟ معلش اسالتى كتير بس بعتبركم هنا زى ااخوات ﻻنى معرفش فى ثانوى واحنا هنا بنشارك خبراتنا فياريت لو تعمللنا مشاركة وتقوللنا
شكرا

الله يبارك فيكي و غقبالك و بعدين احنا فعلاً زي الاخوات الي أنتي عايزاه أنا تحت أمرك...

ازاى كنتى بتنظمى وقتك ؟

طبعا أهم نصيحة ممكن أديهالك : الجدول الجدول ثم الجدول

من أول يوم في الدراسة (أنا كنت ببدأ من أول يوم في الدراسة مش قبل كدة زي الباقيين او كنت ببدأ قبل الدراسة بأسبوع كدة ) جهزي لوح كبير علي قد ما تقدري و و قسميه لمدة شهر أو شهرين أو ثلالثة زي ما تحبي...

بس لو كانت تجربتك الأولي يبقي اعملي شهر واحد عشان خلال الشهر ده هتعرفي كل حاجة و تكسبي خبرة كويسة عن كل مادة و الكمية الي ممكن تذاكريها في اليوم ...

أما كل يوم أكتبي المادة و الكمية المناسبة (الفصل الأول : حتي التفاعلات الا ضوئية صفحة كذا مثلاً)

قبل ما تبدأي تكتبي في الجدول شوفي انتي بتقدري تذاكري قد ايه من كل مادة و نصيحة ليكي هقولك علي نظام جدولي جميل جدا و ناجح جدا ( اكتشفته في النص التاني من ثالثة ثانوي أما قبل كدة كنت الي حد ما معذبة مع نظام الجدول التقليدي !) و ينفع مع المواد الي مليانة حفظ زي الأحياء و الفلسفة ...

بلاش تخلي مادة واحدة في اليوم ياريت لو كانوا ثلاثة مواد فأكثر لحد خمسة أو ستة ...ليه؟

كل مادة هتذاكري منها كمية قليلة بسهولة لانها هتتقسم علي الأيام كلها يعني هيبقي عندك صفحة أو صفحتين في اليوم أحياء مثلاً

لأن الكمية صغيرة هتقدري تراجعيها في اليوم التالي بسهولة و بعد أسبوع تراجعي كل الي ذاكرتيه بسهولة جداً لأنك ذاكرتيه كويس و مفيش وقت طويل مر عليه (و بليييز بلاش تذاكري حاجة و بعدين تنسيها زمن لأ أنا عانيت من كدة طويلاً!!!)

أتمني أكون فيدك في السؤال الأول و معلش لو كنت طويلت عليكي

2_ ومكنتيش خايفة ﻻنك مش بتاخدى دروس

طبعاً كنت مرعوووووووووووووووووووووووبة بس الفكرة ان أنا عمري ما أخدت دروس في أي سنة من السنين و بقيت متعودة علي كدة و حتي لو بابا و ماما عرضوا عليا أخد دروس كنت هرفض قطعاً ...

3-مواد علمية زى الفيزياء والاحياء لو حاجة كام صعب فهمها كنتى بتعملى ايه ؟؟

الفزياء و الأحياء صعبين جداً و محتاجين مجهود رهيب و جبار بس خلينا نتكلموا عليهم بعدين ...

المهم لما تقف معايا حاجة ( و طبعا ده حصل أكتر مما تتخيلي ) اولاً ألجا للنت و أدور لما دماغي توجعني و أفهمها أو مفهمهاش لكن غالبا كنت علي الأقل بقدر أفسرها تفسير منطقي

اهم حاجة إنك تبحثي بالانجليزية لان المواقع العربية مش هتفيدك

و ثانيا ممكن أروح المدرسة في يوم من الأيام و أسال أي مدرس و ده كان الحل الأخير و عموما المدرس مهما كان شاطر مش هيرف أكتر من الي هتقرأيه علي النت و في المواقع المخصصة الي كتبها علماء و أساتذة جامعات ...

4_وممكن تقوللنا ايه الكتب الى كنتىبتستخدميها فى كل المواد ؟

أولاً و قبل أي شئ : أعتمدي علي كتاب المدرسة تاني أعتمدي علي كتاب المدرسة و دي أهم حاجة في الموضوع طلبة كتير بيغفلوا عنها

بالش مذكرات عشان خاطري كلها أخطاء و ناصة معلومات و عمري مذاكرت في مذكرة الا في الدين أو التربية الوطنية !!!! أو لظروف خاصة اكراهاً !!!!!

ملحوظة : يستثني من ذلك الفرنساوي!

أما الكتب الخارجية بردو مترجعلهاش الا عند الحاجة و أهم مادة تحتاجي فيها كتب خارجية رياضة (مسائل) و فزياء(أسئلة و مسائل)

العربي: الأضوء ...أرجعله في المعاني الصعبة و ممكن أقرأ منه مظاهر الجمال فقط

الفرنساوي : مش فاكرة و الله اسم الكتاب بس هو معروف و كل الناس بتجيبه

الكيمياء : الامتحان (أسئلة و مسائل و امتحانات)

الفزياء : الأمتحان (أسئلة و مسائل و امتحانات) و أنصحك جدأ بكتاب الوسام (ثلاثة كتب عملاقة بس جامدة جاتلي قبل الامتحانات بشوية و راجعت منها أحسن مراجعة جنب كتاب المدرسة طبعا)

الأحياء : الامتحان (أرجعله في مسائل الوراثة فقط و أحيانا كنت بحل منه أسئلة)

الانجليزي : مكنتش محتاجة كتاب خارجي لأن كل حاجة في كتاب المرسة إلا لو هقرأ القواعد المهمة و أي كتاب هيفي بالغرض او حتي مذكرة

الرياضة : مش فاكرة أوي بس تقريبا المعاصر (مهم جدا تحلي بقدر الامكان )

مستوي رفيع انجليزي : كان عندي مجموعة كتب و غالبا ذاكرت منهم كلهم لو هتخدي أنجليزي كل الكتب الي تلاقيها قدامك استعمليها كلها مفيدة بالنسبة لك (3 أو 4 كتب عشان متتشتتيش)

فلسفة : و لا أي حاجة بس لما تخلصي كتاب المدرسة كله عندك كتاب الأول مراجعة (جااااااامد) خصوصا الامتحانات .

معلش لو طولت عليكي و الله لو قلت كل الي استفدته من الثانوية العامة مش هخلص بس أي حاجة انتي تحتاجيها اطلبيها مني و أنا في الخدمة و طبعا أنتي عارفي إن أنا علمي علوم

اتمني اكون فيدتك زي ما كنتي عايزة

Nourshan Magdy

18-07-2013, 03:14 PM

yolanda

18-07-2013, 06:29 PM

متشكرة ليكى جداااا ربنا يوفقك فى حياتك ودراستك وتكونى من الناجحين دايما ياااارب
هو انا كمان مش بحب اعتمد على الدروس خالص ﻻنها بتضيع الوقت واصﻻ مش ﻻقية حد كويس فى منطقتى علشان انا نقلت جديد اكتوبر ومعرفش حد هناك ﻻ بنات وﻻ مدرسين :/ بس انتى ادتينى دافع ان ممكن مذاكرة من غير دروس ربنا يخيلكى ليا :)
وانا كمان مش بحب جو دروس السناتر ده خالص بيبقى العدد كبير وبحس المدرس مش بيقى عارف اييه نقط ضعف كل طالب طيب تنصحينى بايه اجرب السناتر وامرى لله وانا مش مرتاحة للحكاية ديه وﻻ اعمل ايه ؟

و الله انا مبنصحكيش بالسناتر بس أنتي مهما كان أدري بنفسك يعني أنتي لازم تشوفي اذا كنتي تقدري تقرأي الدرس و تفهميه لوحدك و بعدين تدوري علي المعلومة الي مش فاهمها و لا متقدريش تعملي كدة و لازم مدرس يوصلك المعلومة و يفهمهالك و ده مش عيب بس هو أسلوب مختلف و في نفس الوقت عادة ...عموما كل حاجة متوقفة عليكي ...أنتي كنتي بتخدي دروس أصلاً و لا لأ؟؟

Nourshan Magdy

19-07-2013, 03:00 AM

كنت اول مرة اخد دروس كان فى اولى ثانوى ومش كان فى كل المواد فمش متعودة اصﻻ من صغرى عليها
عموما متشكرة ليكى جدا وربنا يوفقك انا استفدت كتير من نصايحك
وانا ان شاء الله هحاول اتصرف فى حكاية الدروس وان شاء الله تتحل ادعيلى انتى يا قمر :)

عبد المقصود مصطفى

19-07-2013, 03:05 AM

يا رب اكرمنا كلنا

Dr Elgohary

19-07-2013, 04:53 AM

ههههههههههههههههههههههههههههه أه هى دى ^^^ جبتها ازاى ؟
الله يبارك فيك

^_^ احنا من نفس البلد بس انا اصغر من حضرتك بسنة

NeVeR CoMe BacK

19-07-2013, 06:10 AM

^_^ احنا من نفس البلد بس انا اصغر من حضرتك بسنة

لاااااااااااااااااا والله معقول فيه حد من بنى عبيد غيرى عالمنتدى ;)
ميييييييييييييييييييين ؟؟؟؟ أكيد هعرفك :p

Eco esraa feps

19-07-2013, 04:26 PM

انا جبت 95.24 ممكن الحق اعلام انا علمى علوم

عبد المقصود مصطفى

19-07-2013, 05:54 PM

والاقتصاد والاحصا حلو للى مبيعرفش يحفظ ؟؟؟؟؟؟

momom2

19-07-2013, 06:16 PM

ياجدعان ابوس ايديكوا ردوا عليا ضروري لنل جايب 91% ادبي ممكن ادخل ايه

mariam 1

20-07-2013, 01:37 AM

[QUOTE=yolanda;5387156][center][size="6"][size="5"]الله يبارك فيكي و غقبالك و بعدين احنا فعلاً زي الاخوات الي أنتي عايزاه أنا تحت أمرك...

ازاى كنتى بتنظمى وقتك ؟

طبعا أهم نصيحة ممكن أديهالك : الجدول الجدول ثم الجدول

من أول يوم في الدراسة (أنا كنت ببدأ من أول يوم في الدراسة مش قبل كدة زي الباقيين او كنت ببدأ قبل الدراسة بأسبوع كدة ) جهزي لوح كبير علي قد ما تقدري و و قسميه لمدة شهر أو شهرين أو ثلالثة زي ما تحبي...

بس لو كانت تجربتك الأولي يبقي اعملي شهر واحد عشان خلال الشهر ده هتعرفي كل حاجة و تكسبي خبرة كويسة عن كل مادة و الكمية الي ممكن تذاكريها في اليوم ...

أما كل يوم أكتبي المادة و الكمية المناسبة (الفصل الأول : حتي التفاعلات الا ضوئية صفحة كذا مثلاً)

قبل ما تبدأي تكتبي في الجدول شوفي انتي بتقدري تذاكري قد ايه من كل مادة و نصيحة ليكي هقولك علي نظام جدولي جميل جدا و ناجح جدا ( اكتشفته في النص التاني من ثالثة ثانوي أما قبل كدة كنت الي حد ما معذبة مع نظام الجدول التقليدي !) و ينفع مع المواد الي مليانة حفظ زي الأحياء و الفلسفة ...

بلاش تخلي مادة واحدة في اليوم ياريت لو كانوا ثلاثة مواد فأكثر لحد خمسة أو ستة ...ليه؟

كل مادة هتذاكري منها كمية قليلة بسهولة لانها هتتقسم علي الأيام كلها يعني هيبقي عندك صفحة أو صفحتين في اليوم أحياء مثلاً

لأن الكمية صغيرة هتقدري تراجعيها في اليوم التالي بسهولة و بعد أسبوع تراجعي كل الي ذاكرتيه بسهولة جداً لأنك ذاكرتيه كويس و مفيش وقت طويل مر عليه (و بليييز بلاش تذاكري حاجة و بعدين تنسيها زمن لأ أنا عانيت من كدة طويلاً!!!)

أتمني أكون فيدك في السؤال الأول و معلش لو كنت طويلت عليكي

[COLOR="black"]اولا مليون مبروووووووووووووووووووووووووووووووووووووك ليكى يا قمر :)

ثانيا انا بجد معجبة باسلوبك جدا تعرفى طريقة تنظيمك دى انا برضة بمشى عليها فى الدراسة وبتجيب نتائج هايلة

[]2_ ومكنتيش خايفة ﻻنك مش بتاخدى دروس
[/u]
طبعاً كنت مرعوووووووووووووووووووووووبة بس الفكرة ان أنا عمري ما أخدت دروس في أي سنة من السنين و بقيت متعودة علي كدة و حتي لو بابا و ماما عرضوا عليا أخد دروس كنت هرفض قطعاً ...

انا برضه مخدتش دروس قبل كدة ورايحة تانية بس مش عارفة هاقدر اعمل كدة ولا ايه انى مخودش دروس يعنى
بس انتى ازاى كنت بتقدرى تفهمى النحو والبلاغة والجرامر بتاع الانجلش والحاجات دى غير طبعا المصيبة الكبيرة الفيزياء :D

كيمو رشاش

20-07-2013, 06:27 AM

متشكرة ليكى جداااا ربنا يوفقك فى حياتك ودراستك وتكونى من الناجحين دايما ياااارب
هو انا كمان مش بحب اعتمد على الدروس خالص ﻻنها بتضيع الوقت واصﻻ مش ﻻقية حد كويس فى منطقتى علشان انا نقلت جديد اكتوبر ومعرفش حد هناك ﻻ بنات وﻻ مدرسين :/ بس انتى ادتينى دافع ان ممكن مذاكرة من غير دروس ربنا يخيلكى ليا :)
وانا كمان مش بحب جو دروس السناتر ده خالص بيبقى العدد كبير وبحس المدرس مش بيقى عارف اييه نقط ضعف كل طالب طيب تنصحينى بايه اجرب السناتر وامرى لله وانا مش مرتاحة للحكاية ديه وﻻ اعمل ايه ؟

يالهوي يا بنتي زي حالاتي بالزبط الزبط بالميللي لسى معزلين أكتوبر وكل اللي اعرفه سناتر ...كنت هقولك ع الإنبوكس بس ماينفعش عشان مشاركاتي قليله :angry2::angry2::d ابعتيلي انتي مسج او نرغي هنا ;)

سحر الدنيا

03-12-2013, 10:02 PM

الله يبارك فيكي و غقبالك و بعدين احنا فعلاً زي الاخوات الي أنتي عايزاه أنا تحت أمرك...

ازاى كنتى بتنظمى وقتك ؟

طبعا أهم نصيحة ممكن أديهالك : الجدول الجدول ثم الجدول

من أول يوم في الدراسة (أنا كنت ببدأ من أول يوم في الدراسة مش قبل كدة زي الباقيين او كنت ببدأ قبل الدراسة بأسبوع كدة ) جهزي لوح كبير علي قد ما تقدري و و قسميه لمدة شهر أو شهرين أو ثلالثة زي ما تحبي...

بس لو كانت تجربتك الأولي يبقي اعملي شهر واحد عشان خلال الشهر ده هتعرفي كل حاجة و تكسبي خبرة كويسة عن كل مادة و الكمية الي ممكن تذاكريها في اليوم ...

أما كل يوم أكتبي المادة و الكمية المناسبة (الفصل الأول : حتي التفاعلات الا ضوئية صفحة كذا مثلاً)

قبل ما تبدأي تكتبي في الجدول شوفي انتي بتقدري تذاكري قد ايه من كل مادة و نصيحة ليكي هقولك علي نظام جدولي جميل جدا و ناجح جدا ( اكتشفته في النص التاني من ثالثة ثانوي أما قبل كدة كنت الي حد ما معذبة مع نظام الجدول التقليدي !) و ينفع مع المواد الي مليانة حفظ زي الأحياء و الفلسفة ...

بلاش تخلي مادة واحدة في اليوم ياريت لو كانوا ثلاثة مواد فأكثر لحد خمسة أو ستة ...ليه؟

كل مادة هتذاكري منها كمية قليلة بسهولة لانها هتتقسم علي الأيام كلها يعني هيبقي عندك صفحة أو صفحتين في اليوم أحياء مثلاً

لأن الكمية صغيرة هتقدري تراجعيها في اليوم التالي بسهولة و بعد أسبوع تراجعي كل الي ذاكرتيه بسهولة جداً لأنك ذاكرتيه كويس و مفيش وقت طويل مر عليه (و بليييز بلاش تذاكري حاجة و بعدين تنسيها زمن لأ أنا عانيت من كدة طويلاً!!!)

أتمني أكون فيدك في السؤال الأول و معلش لو كنت طويلت عليكي

2_ ومكنتيش خايفة ﻻنك مش بتاخدى دروس

طبعاً كنت مرعوووووووووووووووووووووووبة بس الفكرة ان أنا عمري ما أخدت دروس في أي سنة من السنين و بقيت متعودة علي كدة و حتي لو بابا و ماما عرضوا عليا أخد دروس كنت هرفض قطعاً ...

3-مواد علمية زى الفيزياء والاحياء لو حاجة كام صعب فهمها كنتى بتعملى ايه ؟؟

الفزياء و الأحياء صعبين جداً و محتاجين مجهود رهيب و جبار بس خلينا نتكلموا عليهم بعدين ...

المهم لما تقف معايا حاجة ( و طبعا ده حصل أكتر مما تتخيلي ) اولاً ألجا للنت و أدور لما دماغي توجعني و أفهمها أو مفهمهاش لكن غالبا كنت علي الأقل بقدر أفسرها تفسير منطقي

اهم حاجة إنك تبحثي بالانجليزية لان المواقع العربية مش هتفيدك

و ثانيا ممكن أروح المدرسة في يوم من الأيام و أسال أي مدرس و ده كان الحل الأخير و عموما المدرس مهما كان شاطر مش هيرف أكتر من الي هتقرأيه علي النت و في المواقع المخصصة الي كتبها علماء و أساتذة جامعات ...

4_وممكن تقوللنا ايه الكتب الى كنتىبتستخدميها فى كل المواد ؟

أولاً و قبل أي شئ : أعتمدي علي كتاب المدرسة تاني أعتمدي علي كتاب المدرسة و دي أهم حاجة في الموضوع طلبة كتير بيغفلوا عنها

بالش مذكرات عشان خاطري كلها أخطاء و ناصة معلومات و عمري مذاكرت في مذكرة الا في الدين أو التربية الوطنية !!!! أو لظروف خاصة اكراهاً !!!!!

ملحوظة : يستثني من ذلك الفرنساوي!

أما الكتب الخارجية بردو مترجعلهاش الا عند الحاجة و أهم مادة تحتاجي فيها كتب خارجية رياضة (مسائل) و فزياء(أسئلة و مسائل)

العربي: الأضوء ...أرجعله في المعاني الصعبة و ممكن أقرأ منه مظاهر الجمال فقط

الفرنساوي : مش فاكرة و الله اسم الكتاب بس هو معروف و كل الناس بتجيبه

الكيمياء : الامتحان (أسئلة و مسائل و امتحانات)

الفزياء : الأمتحان (أسئلة و مسائل و امتحانات) و أنصحك جدأ بكتاب الوسام (ثلاثة كتب عملاقة بس جامدة جاتلي قبل الامتحانات بشوية و راجعت منها أحسن مراجعة جنب كتاب المدرسة طبعا)

الأحياء : الامتحان (أرجعله في مسائل الوراثة فقط و أحيانا كنت بحل منه أسئلة)

الانجليزي : مكنتش محتاجة كتاب خارجي لأن كل حاجة في كتاب المرسة إلا لو هقرأ القواعد المهمة و أي كتاب هيفي بالغرض او حتي مذكرة

الرياضة : مش فاكرة أوي بس تقريبا المعاصر (مهم جدا تحلي بقدر الامكان )

مستوي رفيع انجليزي : كان عندي مجموعة كتب و غالبا ذاكرت منهم كلهم لو هتخدي أنجليزي كل الكتب الي تلاقيها قدامك استعمليها كلها مفيدة بالنسبة لك (3 أو 4 كتب عشان متتشتتيش)

فلسفة : و لا أي حاجة بس لما تخلصي كتاب المدرسة كله عندك كتاب الأول مراجعة (جااااااامد) خصوصا الامتحانات .

معلش لو طولت عليكي و الله لو قلت كل الي استفدته من الثانوية العامة مش هخلص بس أي حاجة انتي تحتاجيها اطلبيها مني و أنا في الخدمة و طبعا أنتي عارفي إن أنا علمي علوم

اتمني اكون فيدتك زي ما كنتي عايزة

ازاى كنتى بتذاكرى انجليزى من كتاب المدرسة يعنى مدربتيش على كتابة البراجراف ولا ازاى تترجمى ولا اتدربتى على الفيند ميستاك ؟ وعندى مشكلة تانية رسومات الاحياء ازاى اسهل على نفسى رسمها وازاى كنتى بتذاكرى الاحياء؟ وكنتى بتذاكرى كام ساعة؟ فى اليوم معلش طولت عليكى

son470508165410

20-02-2014, 08:27 PM

و الله انا مبنصحكيش بالسناتر بس أنتي مهما كان أدري بنفسك يعني أنتي لازم تشوفي اذا كنتي تقدري تقرأي الدرس و تفهميه لوحدك و بعدين تدوري علي المعلومة الي مش فاهمها و لا متقدريش تعملي كدة و لازم مدرس يوصلك المعلومة و يفهمهالك و ده مش عيب بس هو أسلوب مختلف و في نفس الوقت عادة ...عموما كل حاجة متوقفة عليكي ...أنتي كنتي بتخدي دروس أصلاً و لا لأ؟؟

ربنا يوفقك
انا عيزاكي تنصحيني
انا في تانيه
المفروض اعمل ايه عشان اساعد نفسي دلوقتي واسهل ع نفسي في تالته