نموذج الإجابة الرسمي لامتحان التفاضل والتكامل دور اول 2013م [الأرشيف]

ehabelsapa

22-06-2013, 06:40 PM

بالنسبة للسؤال ب

http://www.thanwya.com/vb/attachment.php?attachmentid=98475&stc=1&d=1371917566

انا حليته بطريقة مختلفة ومشيت بالخطوات لحد ما حصلت على س = 1 أو س = 5

وعوضت عن قيم س لاحصل على قيم ص فى معادلة المنحنى ص = س تربيـع
عند
س = 5
ص = 25

وعوضت عن قيمة س = 5 فى المشتقة الأولى لمعادلة المنحنى اللى هتساوي 2 س عشان احصل على ناتج الميل اللى هيساوي 10
واستخدمت القانون جيبت المعادلة الأولى صح

****************

وغصب عنى عملت
عند
س= 1
ص = 2
لأننى عوضت عن قيمة س = 1 فى المشتقة الاولى لمعادلة المنحنى اللى بتساوي 2 س غصب عنى بدل ما اعوض عن قيمة س = 1 فى معادلة المنحنى نفسه فطبعا قيمة ص طلعت = 2
لكن الميل عوضت عن قيمة س = 1 فى المشتقة الاولى لدالة المنحنى 2 س وطلع الميل = 2

واستخدمت القانون : وطلع المعادلة ص = 2س هههه وطبعا المعادلة دى غلط
والله غصب عنى مع اننى كنت بحل بطططططئ اوووى

انقص كاااااااام ؟؟؟؟؟؟؟؟؟

ahmedmahdy148

22-06-2013, 06:41 PM

السؤال الخامس ظاهر عندي ..

حاول re-fresh للصفحة ...

انا حالل المتحان كله صح ونسيت الثابت حرام كده انقص عليه?????????????????

محمد يوسف يوسف

22-06-2013, 06:42 PM

إذا كانت الصفحة الخامسة لسه ما ظهرتش ..

اتفضل ... نسخة PDF

http://www.thanwya.com/vb/attachment.php?attachmentid=98478&stc=1&d=1371919233

bbelalbb

22-06-2013, 06:42 PM

مستر السؤال الاول بتاع متي تكون الدالة مشتقة انا قولت ازا كان المشتقة يمين تساوي المشتقة شمال والدالة متصلة هنقص قد ايية

ehabelsapa

22-06-2013, 06:44 PM

مستر السؤال الاول بتاع متي تكون الدالة مشتقة انا قولت ازا كان المشتقة يمين تساوي المشتقة شمال والدالة متصلة هنقص قد ايية

على فكرة مش شرط تكون الدالة متصلة عشان تكون قابلة للاشتقاق

ممكن تكون غير متصلة وقابلة للاشتقاق

الاستاذ يفيدك بقى ...

ahmedmahdy148

22-06-2013, 06:45 PM

انا حالل المتحان كله صح ونسيت الثابت حرام كده انقص عليه ?????????????????????

محمد يوسف يوسف

22-06-2013, 06:46 PM

انا حالل المتحان كله صح ونسيت الثابت حرام كده انقص عليه?????????????????

نصيبك كده ...

دا اول درجة مضمونة في التفاضل والتكامل .. بيحفظها الطلاب .. درجة الثابتين في السؤال الأول ..

احمد ربنا ..

إبراهيم عادل

22-06-2013, 06:47 PM

ألف شكر على اهتمام حضرتك

Moaz99

22-06-2013, 06:48 PM

إذا كانت الصفحة الخامسة لسه ما ظهرتش ..

اتفضل ... نسخة PDF

http://www.thanwya.com/vb/attachment.php?attachmentid=98478&stc=1&d=1371919233

متشكر كتييييييييييييير

bbelalbb

22-06-2013, 06:50 PM

على فكرة مش شرط تكون الدالة متصلة عشان تكون قابلة للاشتقاق

ممكن تكون غير متصلة وقابلة للاشتقاق

الاستاذ يفيدك بقى ...

منا عارف والله بس لو كانت مش متصلة تبقي غير مشتقة ف كتبتها وخلاص موضوع النهاية دا مجاش ف بالي ف الامتحان خالص

Elawany13

22-06-2013, 06:52 PM

ألف شكر ياباشا ... الحمد لله تمام
عقبال نموذج اجابة الميكانيكا

محمد يوسف يوسف

22-06-2013, 06:54 PM

على فكرة مش شرط تكون الدالة متصلة عشان تكون قابلة للاشتقاق

ممكن تكون غير متصلة وقابلة للاشتقاق

الاستاذ يفيدك بقى ...

مش ممكن ...!!!!

مش ممكن تكون الدالة غير متصلة .. وفي نفس الوقت قابلة للاشتقاق ... مستحيل ...

محمد يوسف يوسف

22-06-2013, 06:56 PM

مستر السؤال الاول بتاع متي تكون الدالة مشتقة انا قولت ازا كان المشتقة يمين تساوي المشتقة شمال والدالة متصلة هنقص قد ايية

أعتقد .. سوف يكون كريم معاك .. ويعطيك الدرجة كاملة ..

بس كان لازم تقول اليمنى واليسرى موجودتين ...

eroos

22-06-2013, 07:01 PM

يامستر في السؤال الثالث ب
انا حليت علي اساس ان النقطة المعطاة نقطة تماس
هل هيديني صفر فيها ولا نصف درجة حتي ؟

محمد يوسف يوسف

22-06-2013, 07:05 PM

بالنسبة للسؤال ب

http://www.thanwya.com/vb/attachment.php?attachmentid=98475&stc=1&d=1371917566

انا حليته بطريقة مختلفة ومشيت بالخطوات لحد ما حصلت على س = 1 أو س = 5

وعوضت عن قيم س لاحصل على قيم ص فى معادلة المنحنى ص = س تربيـع
عند
س= 1
ص = 1

و عند
س = 5
ص = 25

وعوضت عن قيمة س = 1 فى المشتقة الأولى لمعادلة المنحنى اللى هتساوي 2 س عشان احصل على ناتج الميل اللى هيساوي 2

واستخدمت القانون جيبت المعادلة الأولى صح

وعوضت عن قيمة س = 5 فى معادلة المنحنى غصب عنى بدل ما اعوضها فى معادلة المشتقة الأولى للمنحنى اللى بتساوي 2 س زى ما عملت فى الطريقة الاولانيه عشان اجيب المعادلة الاولى فبالتالى جبت معادلة المماس التانية غلط

انقص كاااااااام ؟؟؟؟؟؟؟؟؟

هتنقص نص درجة بس هتروح في القسمة ..

لا تقلق ...

كن مطمئن ..

محمد يوسف يوسف

22-06-2013, 07:08 PM

يامستر في السؤال الثالث ب
انا حليت علي اساس ان النقطة المعطاة نقطة تماس
هل هيديني صفر فيها ولا نصف درجة حتي ؟

ممكن تاخد نصف الدرجة على الأقل .. يعني درجتين من 4

ربنا يوفقك في إللي جاي ..

بس خد بالك كويس ...

eroos

22-06-2013, 07:11 PM

ممكن تاخد نصف الدرجة على الأقل .. يعني درجتين من 4

ربنا يوفقك في إللي جاي ..

بس خد بالك كويس ...

ازاي حضرتك هيديني 2 من 4 يعني
ده كدة يعتبر كل الخطوات غلط ماعدا اني هجيب ميل المنحني
هو حضرتك كنت في التصحيح ؟

Steerforth

22-06-2013, 07:18 PM

شكرا للاستاذ المحترم
والله انا مستني نموذج الميكانيكا من حضرتك

أيمن حارس

22-06-2013, 07:30 PM

جزاكم الله خيراً

محمد يوسف يوسف

22-06-2013, 07:47 PM

ازاي حضرتك هيديني 2 من 4 يعني
ده كدة يعتبر كل الخطوات غلط ماعدا اني هجيب ميل المنحني
هو حضرتك كنت في التصحيح ؟

إنت شايف تستحق كام درجة في الفقرة دي ..

محمد يوسف يوسف

22-06-2013, 07:48 PM

شكرا للاستاذ المحترم
والله انا مستني نموذج الميكانيكا من حضرتك

إن شاء الله ..

امير حزنان

22-06-2013, 07:53 PM

حضرتك اجابة السؤال الخامس أ فى الميكانيكا هيبقى ايه؟؟

eroos

22-06-2013, 08:04 PM

إنت شايف تستحق كام درجة في الفقرة دي ..

انا شايف اني استحق نص درجة من 4
يبقي انقص 3.5/2 =1.75
وانقص 1.5 من 15
بس خايف يديني صفر وانقص الدرجتين

محمد يوسف يوسف

22-06-2013, 08:06 PM

حضرتك اجابة السؤال الخامس أ فى الميكانيكا هيبقى ايه؟؟

إيه رأيك لو إحنا حسبنا العجلة التي يجب أن تتحرك بها السيارة حتى تقطع مسافة 40 متر خلال فترة زمنية قدرها 3 ث بسرعة ابتدائية 10م/ث ...

محمد يوسف يوسف

22-06-2013, 08:18 PM

انا شايف اني استحق نص درجة من 4
يبقي انقص 3.5/2 =1.75
وانقص 1.5 من 15
بس خايف يديني صفر وانقص الدرجتين

مش إنت هتعين المشتقة الأولى وتحسب ميل المماس .. آدي نصف درجة

والمفروض إنك هتكتب صورة معادلة المماس .. آدي كمان نصف درجة

... لكن بصراحة إللي واضع نموذج الإجابة .. محترف ... محاصر الإجابة إللي هو عاوزها بالضبط

الأستاذ الفاضل إللي واضع الامتحان ده .. ونموذج الإجابة فنااااااااااااااااااان رياضيات

أقدم له تقديري من خلال هذا المنتدى الراقي ...

أتمنى يعطيك الدرجتين .. أو حتى درجة ونص ...

تمنياتي لك بالتوفيق

امير حزنان

22-06-2013, 08:29 PM

إيه رأيك لو إحنا حسبنا العجلة التي يجب أن تتحرك بها السيارة حتى تقطع مسافة 40 متر خلال فترة زمنية قدرها 3 ث بسرعة ابتدائية 10م/ث ...

مينفعش لان مفيش علاقة بين التلات متغيرات اللى هما ع , ن , ف

اشرف عطية محمد

22-06-2013, 08:29 PM

شكرررررررررررررررررررررررررررررررررررا

sheko ghost

22-06-2013, 08:37 PM

إيه رأيك لو إحنا حسبنا العجلة التي يجب أن تتحرك بها السيارة حتى تقطع مسافة 40 متر خلال فترة زمنية قدرها 3 ث بسرعة ابتدائية 10م/ث ...

كده هضطر اجيب العجله من القانون التانى وهيطلع المطلوب الاول اللى هو 20/9
هو المطلوب التانى ياما استخدم للاول للتالت واعتقد والله اعلم السؤال واضح هو عايز يقف عند الاشاره يبقى لازم استخدم التالت علشان مسافة 40 متر وبكده 10/3 مش تنفع اولا مش اقل تقصير تانى حاجه هيقف بعيد عن الاشاره ثانيا هو مطلبشى منى انى لازم اقف هناك بعد 3 ثوانى فى المطلوب التانى

المهم يامستر هو السؤال بتاع ماذا تلاحظ ينفع اكتب اى حاجه تبع الحاجه اللى انا طلعتها يعنى واقف على استنتاج الطالب مش لازم الاجابه اللى فى نموذج الاجابه

اما بالنسبه لسؤال التفاضل ب فى الاجبارى ايه ظروفه فى التصحيح

امير حزنان

22-06-2013, 08:37 PM

امير حزنان

22-06-2013, 08:40 PM

كده هضطر اجيب العجله من القانون التانى وهيطلع المطلوب الاول اللى هو 20/9
هو المطلوب التانى ياما استخدم للاول للتالت واعتقد والله اعلم السؤال واضح هو عايز يقف عند الاشاره يبقى لازم استخدم التالت علشان مسافة 40 متر وبكده 10/3 مش تنفع اولا مش اقل تقصير تانى حاجه هيقف بعيد عن الاشاره ثانيا هو مطلبشى منى انى لازم اقف هناك بعد 3 ثوانى فى المطلوب التانى

المهم يامستر هو السؤال بتاع ماذا تلاحظ ينفع اكتب اى حاجه تبع الحاجه اللى انا طلعتها يعنى واقف على استنتاج الطالب مش لازم الاجابه اللى فى نموذج الاجابه

اما بالنسبه لسؤال التفاضل ب فى الاجبارى ايه ظروفه فى التصحيح

يابنى والمصحف انه يوصل للاشارة, هو قال بالنص يحاول انه لا يتعدى الاشارة و يتوقف.

محمد يوسف يوسف

22-06-2013, 08:43 PM

مينفعش لان مفيش علاقة بين التلات متغيرات اللى هما ع , ن , ف

ما فيش علاقة ليه ...

ف = ع.ن + 0.5 جـ ن^2

ومنها نحسب العجلة اللازمة ...

sheko ghost

22-06-2013, 08:44 PM

يعنى حضرتك شايف انه لازم يوصل لاخر المسافة اللى هى 40 متر ويقف فى اخرها؟؟

طب ماهو لو عمل كدا هتكون الاشارة قفلت وهو لسه موصلش ليها, طب افرض كان فيه عربيات قدامه هيقفوا اول لما الاشارة تقفل, يبقى انا لو حسبت بالمسافة فيه احتمال مؤكد انه يخبط اللى قدامه, ده غير انه مش هيوصل اصلا...
اولا انت بتفرض فرض مش موجود فى المساله ايه عربيات قدامة دى

ثانيا طب مالاشاره تقفل ماهو عايز كده هو فى الاحتمال التانى انه اصلا خلاص قرر انه يقف لان الوقت هيفوته ومش هيقدر يوصل قبل مالاشاره تقلب احمر فعلشان كده هيمشى براحته عادى لحد مايوصل هناك ويقف وكده كده الاشراه هتكون قفلت

محمد يوسف يوسف

22-06-2013, 08:49 PM

كده هضطر اجيب العجله من القانون التانى وهيطلع المطلوب الاول اللى هو 20/9
هو المطلوب التانى ياما استخدم للاول للتالت واعتقد والله اعلم السؤال واضح هو عايز يقف عند الاشاره يبقى لازم استخدم التالت علشان مسافة 40 متر وبكده 10/3 مش تنفع اولا مش اقل تقصير تانى حاجه هيقف بعيد عن الاشاره ثانيا هو مطلبشى منى انى لازم اقف هناك بعد 3 ثوانى فى المطلوب التانى

المهم يامستر هو السؤال بتاع ماذا تلاحظ ينفع اكتب اى حاجه تبع الحاجه اللى انا طلعتها يعنى واقف على استنتاج الطالب مش لازم الاجابه اللى فى نموذج الاجابه

اما بالنسبه لسؤال التفاضل ب فى الاجبارى ايه ظروفه فى التصحيح

لمّا يقف عند الإشارة .. تبقى السرعة النهائية = صفر

وفي هذه الحالة نستخدم القانون:

ع = ع. + جـ ن

0 = 10 + 3 جـ

وتبقى جـ = - 10 / 3 م/ث^2

eman201

22-06-2013, 08:49 PM

نموذج اجابة الميكانيكا بينزل امتى يا مستر؟

sheko ghost

22-06-2013, 08:51 PM

لمّا يقف عند الإشارة .. تبقى السرعة النهائية = صفر

وفي هذه الحالة نستخدم القانون:

ع = ع. + جـ ن

0 = 10 + 3 جـ

وتبقى جـ = - 10 / 3 م/ث^2

شوف حضرتك لسه قايل ايه لما يقف عند الاشاره هات بقى العجله دى هتوقفك عند الاشاره اصلا ولا لاء هتلاقيه هتوقفك على بعد 15 متر مش 40

Steerforth

22-06-2013, 08:54 PM

لمّا يقف عند الإشارة .. تبقى السرعة النهائية = صفر

وفي هذه الحالة نستخدم القانون:

ع = ع. + جـ ن

0 = 10 + 3 جـ

وتبقى جـ = - 10 / 3 م/ث^2

طيب احسب كدا المسافة يا مستر شوف يهيقف فين هتلاقيه هيقف علي بعد 25 متر من المحطة و هو ما يخالف الفرض

محمد يوسف يوسف

22-06-2013, 08:57 PM

شوف حضرتك لسه قايل ايه لما يقف عند الاشاره هات بقى العجله دى هتوقفك عند الاشاره اصلا ولا لاء هتلاقيه هتوقفك على بعد 15 متر مش 40

شوف حضرتك لسه قايل ايه لما يقف عند الاشاره هات بقى العجله دى هتوقفك عند الاشاره اصلا ولا لاء هتلاقيه هتوقفك على بعد 15 متر مش 40

عندكوا حق ...

الصح نحسب العجلة بالقانون ...

ع^2 =ع.^2 + 2 جـ ف

دي تدي تقصير معياره 5 / 3 م/ث^2 .. والتقصير ده أقل من 20 / 9

وإن كان هياخد زمن أكثر من 3 ث ... لكنه هيقف بالكاد عند الإشارة ..

برافو عليكوا ...

امير حزنان

22-06-2013, 08:57 PM

ما فيش علاقة ليه ...

ف = ع.ن + 0.5 جـ ن^2

ومنها نحسب العجلة اللازمة ...

أنا اقصد السرعة النهائية اللى هتساوى صفر لما يقف مش الابتدائية

اولا انت بتفرض فرض مش موجود فى المساله ايه عربيات قدامة دى

ثانيا طب مالاشاره تقفل ماهو عايز كده هو فى الاحتمال التانى انه اصلا خلاص قرر انه يقف لان الوقت هيفوته ومش هيقدر يوصل قبل مالاشاره تقلب احمر فعلشان كده هيمشى براحته عادى لحد مايوصل هناك ويقف وكده كده الاشراه هتكون قفلت

بص بقى عشان انا والله مش قادر انت مصمم ليه على الغلط, سيبك من أم الفرض :d

من العلاقة : ف=ع.ن +.5 ن جـ^2

المسافة ثابتة تساوى 40 متر و السرعة الابتدائية ثابتة و تساوى 10

يتبقى العجلة والزمن

ومن المعادلة بنلاقى ان الزمن يتناسب عكسيا مع العجلة لو كانت بالموجب وطرديا لو كانت بالسالب (أساسيات مش محتاج اقولك ليه).

يبقى اقل عجلة تقصيرية (يعنى بالسالب) هيكون عندها الزمن اقل

وعندك حالتين: الاولى/ العجلة تساوى -1.24 لما الزمن يساوى 8

والتانية/ العجلة تساوى -3.3 لما الزمن يساوى 3

وده بيأكد كلامى على فكرة...

واقل زمن هيكون 3 , وبالتالى اقل تقصير هيكون -3.3

فهمت؟؟؟ ولا لسه هتقاوح تانى عشان نص درجة فى سؤال اختيارى

Steerforth

22-06-2013, 08:59 PM

عندك حق ...

الصح نحسب العجلة بالقانون ...

ع^2 =ع.^2 + 2 جـ ف

دي تدي تقصير معياره 5 / 3 م/ث^2 .. والتقصير ده أقل من 20 / 9

برافو عليك ...

تقصد 5/4
صح ولا اية

امير حزنان

22-06-2013, 09:00 PM

عندك حق ...

الصح نحسب العجلة بالقانون ...

ع^2 =ع.^2 + 2 جـ ف

دي تدي تقصير معياره 5 / 3 م/ث^2 .. والتقصير ده أقل من 20 / 9

برافو عليك ...

حضرتك التقصير بالعلاقة الاولى مش هيبقى 20/9....

وبعدين انا عايز اعرف الكلام فى ردى الاخير غلط فى ايه؟؟

mohsaidkh

22-06-2013, 09:06 PM

الف الف شكر و جزاك الله خيرا

Steerforth

22-06-2013, 09:06 PM

أنا اقصد السرعة النهائية اللى هتساوى صفر لما يقف مش الابتدائية

بص بقى عشان انا والله مش قادر انت مصمم ليه على الغلط, سيبك من أم الفرض :d

من العلاقة : ف=ع.ن +.5 ن جـ^2

المسافة ثابتة تساوى 40 متر و السرعة الابتدائية ثابتة و تساوى 10

يتبقى العجلة والزمن

ومن المعادلة بنلاقى ان الزمن يتناسب عكسيا مع العجلة لو كانت بالموجب وطرديا لو كانت بالسالب (أساسيات مش محتاج اقولك ليه).

يبقى اقل عجلة تقصيرية (يعنى بالسالب) هيكون عندها الزمن اقل

وعندك حالتين: الاولى/ العجلة تساوى -1.24 لما الزمن يساوى 8

والتانية/ العجلة تساوى -3.3 لما الزمن يساوى 3

وده بيأكد كلامى على فكرة...

واقل زمن هيكون 3 , وبالتالى اقل تقصير هيكون -3.3

فهمت؟؟؟ ولا لسه هتقاوح تانى عشان نص درجة فى سؤال اختيارى
شكلك كدا معدش علي ابتدائي
3.3 اكبر من 1.25

يبقي -3.3 اصغر من -1.25
يعني -1.25 ده الكبير (تقصير صغير )
لان كلمة تقصير تعني سااااااااااااااااااالب

محمد يوسف يوسف

22-06-2013, 09:10 PM

امير حزنان

22-06-2013, 09:10 PM

شكلك كدا معدش علي ابتدائي
3.3 اكبر من 1.25

يبقي -3.3 اصغر من -1.25
يعني -1.25 ده الكبير (تقصير صغير )
لان كلمة تقصير تعني سااااااااااااااااااالب

انت اللى شكلك شارب حاجة

لان ده بالضبط اللى انا قلته, اقرا كويس

وتانى لما تكون العجلة بالسالب الزمن هيتناسب طرديا معاها

يبقى اقل عجلة بالسالب هتكون عند اقل زمن.

ولان -3.3 اصغر من -1.25

يبقى اقل تقصير هو -3.3

مش فاهم ايه الجديد اللى فى ردك يعنى :d

امير حزنان

22-06-2013, 09:14 PM

شوفوا بقى القول الفصل ...

لمّا يكون عايز يتخطى خط المشاة قبل قفل الإشارة .. يبقى العبرة هنا بالزمن ...

بمعنى لازم يقطع المسافة 40 متر في زمن 3 ث على الأكثر

لكن لمّا يكون هيقرر الوقوف ... يبقى العبرة بالمسافة ... التي يجب أن يتوقف في نهايتها دون التقيد بالزمن ..

لأنه لو وقف في 2 ث أو 3 ث أو 4 ث في نهاية الـ 40 متر .. سوف يتمكن المشاة من المرور عند قفل الإشارة دون حوادث ..

بس حضرتك مش واخد بالك انه لو وقف فى 2 ث او 3 ث او 4 ث بالعجلة -1.25 مش هيكون لسه وصل لنهاية المسافة؟؟

هو هيكون محتاج 8 ثوانى عشان يمشى الاربعين متر بعجلة -1.25

حضرتك حاول تركز فيها اكتر معلش عشان فيها trick

هنتعبك معانا

محمد يوسف يوسف

22-06-2013, 09:16 PM

شكلك كدا معدش علي ابتدائي
3.3 اكبر من 1.25

يبقي -3.3 اصغر من -1.25
يعني -1.25 ده الكبير (تقصير صغير )
لان كلمة تقصير تعني سااااااااااااااااااالب

خللي بالك ...

جـ1 = - 3.3

جـ2 = - 1.25

كأعداد حقيقية ... جـ1 < جـ2

لكن ككميات فيزيائية .. السيارة التي عجلتها جـ1 ... أبطأ في حركتها .. أم السيارة التي عجلتها جـ2؟!!!

Steerforth

22-06-2013, 09:17 PM

Steerforth

22-06-2013, 09:19 PM

خللي بالك ...

جـ1 = - 3.3

جـ2 = - 1.25

كأعداد حقيقية ... جـ1 < جـ2

لكن ككميات فيزيائية .. السيارة التي عجلتها جـ1 ... أبطأ في حركتها .. أم السيارة التي عجلتها جـ2؟!!!

بلاش مسك العصاية من النص عايز اجابة نهائية

محمد يوسف يوسف

22-06-2013, 09:20 PM

بس حضرتك مش واخد بالك انه لو وقف فى 2 ث او 3 ث او 4 ث بالعجلة -1.25 مش هيكون لسه وصل لنهاية المسافة؟؟

هو هيكون محتاج 8 ثوانى عشان يمشى الاربعين متر بعجلة -1.25

حضرتك حاول تركز فيها اكتر معلش عشان فيها trick

هنتعبك معانا

أنا أقصد .. لو بفرض أنه استغرق ثانيتين حتى يقف .. أو 3 ث .. أو 4 ث المهم سرعته النهائية تساوي الصفر عند خط المشاة أو قبله .. هل ممكن تحصل حادثة ..؟!!!

امير حزنان

22-06-2013, 09:20 PM

خللي بالك ...

جـ1 = - 3.3

جـ2 = - 1.25

كأعداد حقيقية ... جـ1 < جـ2

لكن ككميات فيزيائية .. السيارة التي عجلتها جـ1 ... أبطأ في حركتها .. أم السيارة التي عجلتها جـ2؟!!!

اللى عجلتها -1.25 هتبقى ابطأ وبالتالى هتاخد زمن اكتر عشان تقطع نفس المسافة.

بس ايه الفكرة برضو؟؟

امير حزنان

22-06-2013, 09:22 PM

أنا أقصد .. لو بفرض أنه استغرق ثانيتين حتى يقف .. أو 3 ث .. أو 4 ث المهم سرعته النهائية تساوي الصفر عند خط المشاة أو قبله .. هل ممكن تحصل حادثة ..؟!!!

ممكن تحصل حادثة لو وقف بعدما تعدى ال3 ثوانى عشان اللى قدامه هيقف بعد 3 ثوانى وهو لسه هيكون بيتحرك

محمد يوسف يوسف

22-06-2013, 09:22 PM

بلاش مسك العصاية من النص عايز اجابة نهائية

لم أقصد الكلام حمال الأوجه ..

أنا بس بناقش فكرة محددة ...

وهي مصطلح تقصير قدره 1.25

وتقصير قدره 3.3

أي التقصيرين أصغر ...

Steerforth

22-06-2013, 09:22 PM

امير حزنان
بقولك من غير تريقة انت عايز الاجابة الصح و لا عايز انت تبقي صح ؟!

امير حزنان

22-06-2013, 09:24 PM

امير حزنان
بقولك من غير تريقة انت عايز الاجابة الصح و لا عايز انت تبقي صح ؟!

مانا مستنى الاستاذ يحسبها ويقولنا الاجابة وليه بس الاستاذ بيقول قوانين نحل بيها ومقالش الاجابة

امير حزنان

22-06-2013, 09:26 PM

لم أقصد الكلام حمال الأوجه ..

أنا بس بناقش فكرة محددة ...

وهي مصطلح تقصير قدره 1.25

وتقصير قدره 3.3

أي التقصيرين أصغر ...

بس هو عايز مقدار اقل تقصير مش اقل معيار للتقصير

محمد يوسف يوسف

22-06-2013, 09:27 PM

ممكن تحصل حادثة لو وقف بعدما تعدى ال3 ثوانى عشان اللى قدامه هيقف بعد 3 ثوانى وهو لسه هيكون بيتحرك

دا لو عدى 3ث .. بس قطع مسافة أكبر .. هنا تقع حادثة ...

لكن .. لمّا يقطع المسافة 40 م ويقف .. يعنى سرعته النهائية = 0

مهما كان الزمن 3ث ... أو أكثر ... أو أقل ... لن تحدث حوادث ...

محمد يوسف يوسف

22-06-2013, 09:29 PM

بس هو عايز مقدار اقل تقصير مش اقل معيار للتقصير

هي كلمة تقصير أصلاً .. تفيد الإشارة السالبة ...

يبقى صفة القليل .. تعود على إيه ...

على المقدار .. طبعًا ... إللي هو المعيار ...

مش كدا ولاّ إيه ...!!!

hamza12

22-06-2013, 09:32 PM

لمّا يقف عند الإشارة .. تبقى السرعة النهائية = صفر

وفي هذه الحالة نستخدم القانون:

ع = ع. + جـ ن

0 = 10 + 3 جـ

وتبقى جـ = - 10 / 3 م/ث^2

الحل ده صح يا مستر؟
ولا الحل التانى اللى صح ؟
ولا هتتلغى ؟
لقد تعبنا

امير حزنان

22-06-2013, 09:33 PM

دا لو عدى 3ث .. بس قطع مسافة أكبر .. هنا تقع حادثة ...

لكن .. لمّا يقطع المسافة 40 م ويقف .. يعنى سرعته النهائية = 0

مهما كان الزمن 3ث ... أو أكثر ... أو أقل ... لن تحدث حوادث ...

يا استاذ اولا الاجابة هتبقى ايه؟ وليه؟

ثانيا

مش هتحصل حوادث فعلا مع العربيات اللى هتعدى قدامه فى ال cross

لكن العريبات اللى قدامه فى نفس الاشارة هتقف بعد 3 ثوانى وهو لو كمل هيخبط فيهم قبل ما يكمل ال 40 متر اصلا

ثالثا المسألة نصها انه يحاول يتوقف عند الاشارة, مش شرط بقى انه يتوقف بالضبط فى اخر ال 40 متر, لان انا لو وقفت من غير ماكمل الاربعين متر يبقى برضو اسمى واقف عند الاشارة وفيه احتمال ان فيه عربيات واقفة فى الاشارة معايا قدامى فى المسافة اللى باقية

Steerforth

22-06-2013, 09:36 PM

هي كلمة تقصير أصلاً .. تفيد الإشارة السالبة ...

يبقى صفة القليل .. تعود على إيه ...

على المقدار .. طبعًا ... إللي هو المعيار ...

مش كدا ولاّ إيه ...!!!

يا مستر ملهاش تأثير عارف لية
لان هو طالب السيارة تصل الي اللاشارة (40م)
-1.25 يصل
-3.33 لا يصل

امير حزنان

22-06-2013, 09:36 PM

هي كلمة تقصير أصلاً .. تفيد الإشارة السالبة ...

يبقى صفة القليل .. تعود على إيه ...

على المقدار .. طبعًا ... إللي هو المعيار ...

مش كدا ولاّ إيه ...!!!

-3.3 اصغر من -1.25

يبقى اقل تقصير هو -3.3

يبقى مقدار اقل تقصير = 3.3

محمد يوسف يوسف

22-06-2013, 09:38 PM

-3.3 اصغر من -1.25

يبقى اقل تقصير هو -3.3

يبقى مقدار اقل تقصير = 3.3

الكلام كدا غلط خالص ....

مثلا .. إذا خسر تاجر في يوم ما 200 جنيه .. هتعبر عن الخسارة عدديا كدا ... -200

وإذا خسر في يوم تاني ... 300 جنيه .. هتعبر عنها عدديا كدا ... -300

ممكن تقوللي إيه فيهم الأقل ...

مستني الإجابة ..

محمد يوسف يوسف

22-06-2013, 09:42 PM

يا مستر ملهاش تأثير عارف لية
لان هو طالب السيارة تصل الي اللاشارة (40م)
-1.25 يصل
-3.33 لا يصل

ممكن التقصير يقل عن 1.25 .. يعني 1 مثلاً .. هيصل ..لكن ياخد زمن أكبر من 3ث .. وهنا تقع الحادثة .. لأن المشاة يمرون ...

وبالتالي التقصير الذي مقداره .. 1.25 هو أقل تقصر لا يسبب حوادث ...

sheko ghost

22-06-2013, 09:43 PM

احنا بنضيع وقت على فكرة هو قايل يوصل ﻷاشارة عشرة على تﻻتة توصله لحد 15 متر بس مش زى المطلوب بﻻش كﻻم كتير بقى

hamza12

22-06-2013, 09:44 PM

يا استاذ اولا الاجابة هتبقى ايه؟ وليه؟

ثانيا

مش هتحصل حوادث فعلا مع العربيات اللى هتعدى قدامه فى ال cross

لكن العريبات اللى قدامه فى نفس الاشارة هتقف بعد 3 ثوانى وهو لو كمل هيخبط فيهم قبل ما يكمل ال 40 متر اصلا

ثالثا المسألة نصها انه يحاول يتوقف عند الاشارة, مش شرط بقى انه يتوقف بالضبط فى اخر ال 40 متر, لان انا لو وقفت من غير ماكمل الاربعين متر يبقى برضو اسمى واقف عند الاشارة وفيه احتمال ان فيه عربيات واقفة فى الاشارة معايا قدامى فى المسافة اللى باقية

عنك حق فعلا والله

Steerforth

22-06-2013, 09:49 PM

احنا بنضيع وقت على فكرة هو قايل يوصل ﻷاشارة عشرة على تﻻتة توصله لحد 15 متر بس مش زى المطلوب بﻻش كﻻم كتير بقى
منا عارف انها صح مش 100% لأ 1000% بس عندي شوية وقت عايز اضيعه

محمد يوسف يوسف

22-06-2013, 09:51 PM

عنك حق فعلا والله

وانت ليه بتفرض إن فيه عربيات قدامه ..

التمرين موضحش حاجة زي كدا ...

امير حزنان

22-06-2013, 09:57 PM

هيبقى مقدار -300 اكبر من مقدار -200

وزيها برضو مقدار -3.3 اكبر من مقدار -1.25

لكن فى الواقع -3.3 اصغر من -1.25

يبقى -3.3 دى تبقى اقل تقصير

ويبقى مقدار اقل تقصير 3.3

محمد يوسف يوسف

22-06-2013, 10:01 PM

هيبقى مقدار -300 اكبر من مقدار -200

وزيها برضو مقدار -3.3 اكبر من مقدار -1.25

لكن فى الواقع -3.3 اصغر من -1.25

يبقى -3.3 دى تبقى اقل تقصير

ويبقى مقدار اقل تقصير 3.3

إنت كده بتناقض نفسك ...

امير حزنان

22-06-2013, 10:35 PM

إنت كده بتناقص نفسك ...

العجلة -3.3 هتاخد 3 ثوانى عشان الجسم يقف

والعجلة -1.25 هتاخد 8 ثوانى عشان الجسم يقف

بغض النظر بقى عن المسافة اللى قطعها الجسم فى الحالتين لان المقارنة هنا بين العجلة والزمن بثبوت السرعة النهائية

ومن العلاقة ع=ع.+جـ ن (اللى هى العلاقة بين المتغيرات اللى قلت عليها فى الجملة اللى فاتت)

هنلاقى ان لو العجلة سالبة هتتناسب طرديا مع الزمن (وعكسيا لو كانت العجلة بالموجب)

, وبالتالى اقل عجلة سالبة عندها الزمن اقل

اللى هو -3.3 ومقدارها هيساوى 3.3

dgxxxx

22-06-2013, 10:37 PM

يا مستر انا فى مدرس قلى ان هيعدلو فى نموذج التفاضل ؟؟؟

احمد الديب ( ابو زياد )

23-06-2013, 12:48 AM

الله يبارك لحضرتك فى صحتك و أهلك
مشكور جزيل الشكر

برجاء إعادة رفع السؤال الخامس

الله يبارك لحضرتك فى صحتك و أهلك
مشكور جزيل الشكر

برجاء إعادة رفع السؤال الخامس

محمد يوسف يوسف

23-06-2013, 03:42 AM

الله يبارك لحضرتك فى صحتك و أهلك
مشكور جزيل الشكر

برجاء إعادة رفع السؤال الخامس

الله يبارك لحضرتك فى صحتك و أهلك
مشكور جزيل الشكر

برجاء إعادة رفع السؤال الخامس

http://www.thanwya.com/vb/showpost.php?p=5352397&postcount=13

عبدة قورة

23-06-2013, 04:06 AM

جزاكم الله خيرا

elhamadymohamed

23-06-2013, 09:48 AM

السؤال الاول ب انا كاتب مشتقه الداله من اليسار عند س=أ =مشتقه الداله من اليمين عند س=أ هل هذا غلط

فضل فاضل

23-06-2013, 01:48 PM

السؤال الاول ب انا كاتب مشتقه الداله من اليسار عند س=أ =مشتقه الداله من اليمين عند س=أ هل هذا غلط
ممكن يعتبر الاجابة صح

Mahmoud EL-serafy

23-06-2013, 05:58 PM

استاذ هو في مسألة الرسم انا مطلع كل النقط و الرسمة صح بس محددتش نوع النقط

هانقص عليها كده ؟!

و كمان مسألة أكبر ميل و أصغر ميل انا عملتها غلط عند آخر مشتقة بس طلعت نص ناتج انقص كام درجة ؟!

محمد يوسف يوسف

23-06-2013, 06:11 PM

استاذ هو في مسألة الرسم انا مطلع كل النقط و الرسمة صح بس محددتش نوع النقط

هانقص عليها كده ؟!

و كمان مسألة أكبر ميل و أصغر ميل انا عملتها غلط عند آخر مشتقة بس طلعت نص ناتج انقص كام درجة ؟!

هو لم يطلب في مسألة الرسم نوع النقط .. وبالتالي .. إن شاء الله مش هتنقص ..

لكن في مسألة تعظيم وتصغير الميل ... شوف الخطوات إللي انت جاوبتها صح واحسب درجاتها ...

aposlama2011

23-06-2013, 10:56 PM

مشكور وجزاكم اللة كل خير

m.mosba7 sa2r

24-06-2013, 10:45 AM

لا البيت 3ادوار
الدور الأول : وجود الدالة
الدور الثاني: اتصال الدالة
الدور الثالث : قابلية اشتقاق الدالة
يبقى عشان كده: كل دالة قابلة للإشتقاق فهي متصلة وليس بالضروري كل دالة متصلة ان تكون قابلة للإشتقاق

ehabelsapa

24-06-2013, 06:57 PM

هتنقص نص درجة بس هتروح في القسمة ..

لا تقلق ...

كن مطمئن ..

يعنى بتنقسم على اتنين

معنى كدا ان الغلطة دى عليها ربع بس ؟؟؟؟؟؟؟؟ صح كلامى ولا لا

ehabelsapa

24-06-2013, 07:10 PM

مش ممكن ...!!!!

مش ممكن تكون الدالة غير متصلة .. وفي نفس الوقت قابلة للاشتقاق ... مستحيل ...

افتح كتاب المدرسة وانت تلاقى الكلام دا مكتوب
ومن غير ما تفتح كتاب المدرسة كمان ---
انا ممكن اكتبلك دالة غير متصلة لكنها قابلة للاشتقاق :romarioxp6:

اتفضل دالة غير متصلة وقابلة للاشتقاق عند النقطة الموضحة

http://files.thanwya.com/uploads/1372093626091.jpg

وادي كمان دالة متصلة ولكنها غير قابلة للاشتقاق عند النقطة الموضحة

http://files.thanwya.com/uploads/137209374431.jpg

محمد يوسف يوسف

24-06-2013, 11:24 PM

افتح كتاب المدرسة وانت تلاقى الكلام دا مكتوب
http://files.thanwya.com/uploads/137209374431.jpg

كتاب المدرسة بيقول .. إذا كانت الدالة قابلة للاشتقاق عند نقطة، فإنها تكون متصلة عند نفس النقطة .. والعكس ليس صحيحًا بالضرورة.

عندك فكرة عن أسلوب الشرط ..

إنت إللي بتقول عكس كتاب المدرسة ...

ومن غير ما تفتح كتاب المدرسة كمان ---
انا ممكن اكتبلك دالة غير متصلة لكنها قابلة للاشتقاق :romarioxp6:

اتفضل دالة غير متصلة وقابلة للاشتقاق عند النقطة الموضحة

http://files.thanwya.com/uploads/1372093626091.jpg

وادي كمان دالة متصلة ولكنها غير قابلة للاشتقاق عند النقطة الموضحة

http://files.thanwya.com/uploads/137209374431.jpg

أمّا الدوال إللي إنت كاتبها .. فعلاً الأولى ليست متصلة عند س = 1 .. لكن إنت عينت مشتقتها خطأ ...

ارجع إلى تعريف المشتقة الأولى في كتاب المدرسة .. وراجع كتاب المدرسة بدقة في هذا الخصوص ..

لأن الأسلوب الأساسي لحساب المشتقة الأولى للدالة هو معدل التغير ..

أما ما يعرف بقواعد الاشتقاق .. فإنها مجرد خواص تطبق كل في حالتها ..

كما أنه بإجراء المزيد من الدراسة على حساب المشتقة الأولى .. فإننا نجد أن بعض أنواع الدوال المتصلة على مجالها .. تكون مشتقتها الأولى متصلة أيضًا على نفس المجال ... بمعنى أن الدالة تكون قابلة للاشتقاق على مجالها، ومن أمثلة هذه الدوال .. دوال كثيرات الحدود .. دالة الجيب .. دالة جيب التمام ...

وهناك العديد من الدوال المتصلة على مجالها .. لكن مشتقتها الأولى غير متصلة على نفس المجال .. مثل د(س) = (س)^0.5 ...

وخليني أعرض عليك الدالة:

د(س) = س^2 عندما س > 0 (القاعدة اليمنى)
د(س) = 2 س عندما س < 0 (القاعدة اليسرى)

هل الدالة دي قابلة للاشتقاق عند س = 0 ؟

منتظر رأيك ...

ehabelsapa

25-06-2013, 05:37 PM

كتاب المدرسة بيقول .. إذا كانت الدالة قابلة للاشتقاق عند نقطة، فإنها تكون متصلة عند نفس النقطة .. والعكس ليس صحيحًا بالضرورة.

عندك فكرة عن أسلوب الشرط ..

إنت إللي بتقول عكس كتاب المدرسة ...

أمّا الدوال إللي إنت كاتبها .. فعلاً الأولى ليست متصلة عند س = 1 .. لكن إنت عينت مشتقتها خطأ ...

ارجع إلى تعريف المشتقة الأولى في كتاب المدرسة .. وراجع كتاب المدرسة بدقة في هذا الخصوص ..

لأن الأسلوب الأساسي لحساب المشتقة الأولى للدالة هو معدل التغير ..

أما ما يعرف بقواعد الاشتقاق .. فإنها مجرد خواص تطبق كل في حالتها ..

كما أنه بإجراء المزيد من الدراسة على حساب المشتقة الأولى .. فإننا نجد أن بعض أنواع الدوال المتصلة على مجالها .. تكون مشتقتها الأولى متصلة أيضًا على نفس المجال ... بمعنى أن الدالة تكون قابلة للاشتقاق على مجالها، ومن أمثلة هذه الدوال .. دوال كثيرات الحدود .. دالة الجيب .. دالة جيب التمام ...

وهناك العديد من الدوال المتصلة على مجالها .. لكن مشتقتها الأولى غير متصلة على نفس المجال .. مثل د(س) = (س)^0.5 ...

وخليني أعرض عليك الدالة:

د(س) = س^2 عندما س > 0 (القاعدة اليمنى)
د(س) = 2 س عندما س < 0 (القاعدة اليسرى)

هل الدالة دي قابلة للاشتقاق عند س = 0 ؟

منتظر رأيك ...

الدالة دي غير قابلة للاشتقاق عند س = 0

فضل فاضل

25-06-2013, 06:55 PM

الدالة دي غير قابلة للاشتقاق عند س = 0

ايه رأيك لوخليناها

د(س) = س^2 + 1 عندما س > 1 (القاعدة اليمنى)
د(س) = 2 س عندما س < 1 (القاعدة اليسرى)

هل كده تبقى قابلة للاشتقاق عند س = 1 ؟

عكاشة محمد

27-06-2013, 11:54 PM

بسم الله الرحمن الرحيم
(أَلَمْ تَرَ إِلَى الَّذِينَ أُوتُوا نَصِيبًا مِنَ الْكِتَابِ يُدْعَوْنَ إِلَىٰ كِتَابِ اللَّهِ لِيَحْكُمَ بَيْنَهُمْ ثُمَّ يَتَوَلَّىٰ فَرِيقٌ مِنْهُمْ وَهُمْ مُعْرِضُونَ (23) ذَٰلِكَ بِأَنَّهُمْ قَالُوا لَنْ تَمَسَّنَا النَّارُ إِلَّا أَيَّامًا مَعْدُودَاتٍ ۖ وَغَرَّهُمْ فِي دِينِهِمْ مَا كَانُوا يَفْتَرُونَ (24) فَكَيْفَ إِذَا جَمَعْنَاهُمْ لِيَوْمٍ لَا رَيْبَ فِيهِ وَوُفِّيَتْ كُلُّ نَفْسٍ مَا كَسَبَتْ وَهُمْ لَا يُظْلَمُونَ (25) )
صدق الله العظيم