كل من حضر المقابلات فى جميع التخصصات للمجلس الاعلى فى قطر يتفضل يقول او من عندة اى معلومة يقول حتى يستفيد الاخرين

منقول للافادة:

بسم الله الرحمن الرحيم




لكل القلقانين اليكم تقرير اليوم الاول في الاختبارات

1- فعلا التقدير لابد ان لايقل عن جيد جدا ( تقدير التخرج ) ولا تحسب الدبلومة حتى لو امتياز ، فقط الماجستير يقبل بدل التقدير هذا ما قيل لي من اللي سجلوا اليوم بدري ومكنوش سجلوا في الموقع وبناء ع حوارهم مع المسئولين هذا للعلم ياجماعة
2- فعلا ممكن اللي مقدمش وتطبق عليه الشروط يروح بدري ساعتين عن موعد الامتحان ويسجل اسمه علشان يطلع له باس وورد ويوزر نيم لان الامتحان الكتروني
3- في البداية هتاخذ نصف ساعة في اجراءات واستلام اليوزر نيم والباص وورد ، وعرض على الداتا شو يوريك تمتحن ازاي على الكومبيوتر
4- بعد كده هتدخل قاعة الامتحان تجلس على لاب توب وتبدأ الامتحان
5- مكونات الامتحان 50 سؤال ( اغلبها من المنهج القطري ) بنظام اختيار من متعدد يعني تعلم على الاجابة وتنتقل للي بعده مع امكانية مراجعة كل الاسئلة وتغيير الاجابة لو حبيت والى جوارك ورق و قلم لو حبيت تحل شئ او تستعيد معلوماتك
6- لو انهيت الامتحان وتبقى وقت ممكن تدخل المقابلة الشخصية بدل ماتروح يوم ثاني وهذا ما حدث معي و الحمد لله
7- المقابلة الشخصية فيها 3 افراد( سيدت ورجال ) الاول يسأل في احوالك العامة وسيرتك المهنية وكلام عام يشوفك عامل ايه اجتماعيا ، والثاني في طرق التدريس على السريع و الثالث في استراتيجيات التعلم والكلام عام وانت وحظك علشان محدش يقول ( هي الاسئلة ايه )

اخيرا وقبل ما انسى اللي رايح مواصلات ينزل عند سلم الصحراوي الاول مش الثاني علشان ميمشيش هيلاقي تحته عربيات توصلك لباب القرية الذكية ب 50 قرش وتتمشاها لمكان الاختبار 15 دقيقة مشي
او توقف تاكسي لو مر عليك واحد او لقيته عند البوابة ، وهذا للاسف لم يحدث معي ومشيتها في حر اليوم


اخيرا لا تكونوا بخلاء وتنسوني في الدعاء .....وربنا يوفق الجميع

ربنا يوفق الجميع

إلى أخى العزيز أبو أحمد وأية .... أنا ماجستير ومع ذلك مفيش نصيب هذا العام .. لكن هل السفارة كما سمعنا متعاقدة مع مكاتب خارجية ... أم ماذا ... وكيف نصل أصلا إلى سلم الصحراوى الأول هذا ؟ وهل لازم الاسماء اللى نزلت للاختبار هى اللى تروح فعلا ....يعنى مينفعش حد تانى اسمه مانزلش يروح من نفسه كده ؟ وشكرا جزيلا لك يا أخى العزيز

سؤال هام للاخ ابو احمدواية والاخوة الزملاء طيب اللى اتبعتلو رسالة وكان تقديرة جيدوامت الواحد يروح بدرى يعنى تخصص لغة انجليزية يروح امتى لو اسمة مش طالع قبل موعد الامتحان ولا بعدة يا جماعة نرجو الرد لمن لدية علم والعنوان بالظبط اية وحكاية المكاتب الخاصة دى سمعت عنها كتير من نلس موثوقة

اللي عنده اي استفسار يتصل بالرقم ده 0235352900.



ده رقم اللحنة اللي بتعمل المقابلات والاختبارات

جزاك الله خيراً

طب لو سمحت انا تقدير التخرج (مقبول) والدبلومة (جيد) واخترونى وجه اسمى اروح ولا لأ ارجو الرد بالله عليك انا تليفونى 01146761527وايملى husensaad22*yahoo اتصل او ابعت رسالة على الميل حتى لو متاخر عشان انا مفروض هروح بكرة

يا ريت الزملاء اللي راحوا الامتحان لو حد اتصل بيكم تعرفونا عشان مننتظرش كتير