مشاهدة النسخة كاملة : اى حد عنده مشكله يدخل يكتبها والحل فى ايدى..
wanda 23-06-2008, 10:52 PM السلام عليكم ورحمه الله
يا جماعه انا ملاحظه ان فى ناس عندها مشاكل كتيررر
فى الحب خناق صحاب مع الاهل فى الدراسه .....الخ
انا بقول اى حد عنده مشكله مضيقه يدخل يفضفض
وان شاء الله يلقى الحل ...
(اعذرونى لو ملقيتونيش حلو المشاكل كل واحد يقول رايه بدل
ما كل واحد يكتب موضوع فى مشكلته انا هسافر ان شاء الله
اسبوع بعد الامتحانات وهرجع تانى ارجوا عدم حذف الموضوع)
KHALOOOD 26-06-2008, 04:28 PM ينفع مشكله عاطفيه ؟
مس رانيا حسن 26-06-2008, 08:19 PM السلام عليكم ورحمه الله
يا جماعه انا ملاحظه ان فى ناس عندها مشاكل كتيررر
فى الحب خناق صحاب مع الاهل فى الدراسه .....الخ
انا بقول اى حد عنده مشكله مضيقه يدخل يفضفض
وان شاء الله يلقى الحل ...
(اعذرونى لو ملقيتونيش حلو المشاكل كل واحد يقول رايه بدل
ما كل واحد يكتب موضوع فى مشكلته انا هسافر ان شاء الله
اسبوع بعد الامتحانات وهرجع تانى ارجوا عدم حذف الموضوع)
اعتقد انكى لم تاتى بجديد فهذا القسم انشىء لهذا الغرض
لعرض المشكلات التى يعانى منها الاعضاء
wanda 26-06-2008, 10:45 PM رانيا مش قصدى بس هنا ممكن يلاقوا حلول مش حل واحد
وغير كده بدل كتر المواضيع وتكرار المشاكل ....
ينفع عاطفى بس بدون قله ادب
KHALOOOD 27-06-2008, 10:57 AM رانيا مش قصدى بس هنا ممكن يلاقوا حلول مش حل واحد
وغير كده بدل كتر المواضيع وتكرار المشاكل ....
ينفع عاطفى بس بدون قله ادب
يعنى ايه بدون قله ادب !!!
تصدقى انا كدا زعلت
يعنى ايه بدون قله ادب !!!
تصدقى انا كدا زعلت
هى اكيد مش كانت تقصد
هى قصدها نتكلم فى حدود المعقول بس مش عرفت تعبر
روتاج 28-06-2008, 09:21 PM الموضوع كتير حلو
بس اذا سمحتوا عندى تعليق
تعالوا نفترض الظن الحسن
متزعلوش منى
wanda 28-06-2008, 10:26 PM اوك يا روتاج والله انا مش قصدى حاجه بس مشكله زى اى
مشكله مش نخرج عن الموضوعوكده ومتزعلوش منى..
ابن الوادى 29-06-2008, 02:59 AM يبدو أننى أول من يعرض مشكلته بس مش مهم
انا بالمختصر المفيد مش لاقى صديق متوافق معى فى أفكارى وتفكيرى حاسس ان السبب هو انى مش مستقر بمعنى أنى اخدت لحد رابعة ابتدائى فى مصر وبعدين 4 سنين فى قطر ومن ثالثة اعدادى الى الان فى مصر ده عملى مشكلة فى انى رجعت سنة عن زمايلى اللى كانو معايه فى الابتدائى لأننا انفصلنا والجماعة الجدد حاسس انهم اصغر منى ب100 سنة مش سنة واحدة يعنى تصرفاتهم كلها سازجة وطفولية م الآخر ما فيهمش حد يتصاحب أعمل ايه؟؟؟؟:confused:
طبعا أكيد انتو عارفين ان الموضوع كبيييير جدا كون الفرد يعيش بدون صديق
(الدنيا ساعة فاجعلها طاعة) 29-06-2008, 03:48 AM يبدو أننى أول من يعرض مشكلته بس مش مهم
انا بالمختصر المفيد مش لاقى صديق متوافق معى فى أفكارى وتفكيرى حاسس ان السبب هو انى مش مستقر بمعنى أنى اخدت لحد رابعة ابتدائى فى مصر وبعدين 4 سنين فى قطر ومن ثالثة اعدادى الى الان فى مصر ده عملى مشكلة فى انى رجعت سنة عن زمايلى اللى كانو معايه فى الابتدائى لأننا انفصلنا والجماعة الجدد حاسس انهم اصغر منى ب100 سنة مش سنة واحدة يعنى تصرفاتهم كلها سازجة وطفولية م الآخر ما فيهمش حد يتصاحب أعمل ايه؟؟؟؟:confused:
طبعا أكيد انتو عارفين ان الموضوع كبيييير جدا كون الفرد يعيش بدون صديق
والله يا أخى هى مشكلة فعلا
لكن مش لازم تصاحب اللى معاك في الفصل
ممكن لو بتروح المسجد يبقي لك أصدقاء تحبهم في الله
فسيكونوا مثل إخوانك بالظبط
لأن الحب في الله شيء غير عادى
فرب أخ لم تلده أمك
وشكرأ
wanda 29-06-2008, 11:20 AM انا اتوافق مع لبيك يا رسول الله
بس ليا تعقيب لو عايز زميل يكون اكتر من اخ ليك بسبب كتر السفر
مش هتلاقى الصاحب القديم ولكن يمكنك تكوين صداقات جديدة فى كل مكان
جيرانك مثلا والناس اللى حواليكمش شرط يكون زميل ليك وفى نفس سنك
ما فى ناس كتير ليهم اصحاب اكبر واصغر منهم
بس حاول تتوافق مع الجو اللى انت عايش فيه وكون صداقات فى المسجد مثلا
فى النادى فى العمل او فى الدراسه وكنت طالب ومتياسش
بس المهم انك تختار الصاحب الصح ويا ريت اكون افدتك
ابن الوادى 30-06-2008, 12:22 AM اولا : انا متشكر جدا ياجماعة على اهتمامكم
ثانيا : انا ممكن اكون معقد شوية فى الكلام اللى ده بس هوه ده الواقع
انا عايش فى قرية صغيرة يعنى اللى بشوفهم فى المسجد هما اللى بشوفهم فى المدرسة هما اللى فى النادى......( انا معقد مش كده ؟؟؟:confused: ) لكن على العموم انا حاسس ان حياتى هتغير مع أول سنة فى التعليم الجامعى لأن أكيد طبعا زمايلى فى الكلية هيكونوا أصدقاء دراسة وعمل فيما بعد المهم ربنا يرزقنى بالصديق الصالح ( آمين )
أكرر شكرى على اهتمامكم
wanda 30-06-2008, 12:35 AM ولا يهمك احنا فى الخدمه
بس حاول تختار صحاب علشان هما اللى مضمونين اليومين دول
وربنا يوفقك
reda_mafia50 30-06-2008, 12:39 AM توبيك جميل يا وندااا وربنا يوفقك
واكيد لو فى مشاكل لقدر الله
طبعا هنحلها مع بعض
المنتدى بقى خلاص عيلتى التانيه
وشكراااااا يا وندااا مره تانيه
wanda 30-06-2008, 01:09 AM ان شاء الله ربنا ميجيب مشاكل
انا بقى عندى مشكله هههههههههه
الناس بتفهم كلامى غلط ؟؟
كل اما اقول حاجه بيفهموها حاجه تانيه
زى مثلابقول لوحدة صحبتى امبارح ازيك وحشانى
هتعملى ايه النهارده.......الخ
فى الاخر بقولها هسيب البيت الساعه ...
المهم هى فهمت هسيب البيت يعنى هطفش
مع انه مش قصدى وحاجات من ده كتير
مش فاهمه هو عيب منى ولا منهم ومش هزعل
Last Fantasy 30-06-2008, 03:22 AM علي فكرة أنا أكتر أصحابي المقربين أكبر مني بـ 7 سنين مش مهم السن المهم تلاقي اللي يتوافق مع تفكيرك وتحية كبيرة لأصابة علشان أنا بسمعلها دلوقتي هههههههههههه :)
ahmed anwer 30-06-2008, 07:58 PM مشاكل كتيير وصغيرره اوووى
wanda 01-07-2008, 08:14 PM على فكرة معظم مشكلنا سيطه بس احنا اللى بنعقدها
او فكرنا بيقف علشان خاصه بينا
وشكرا على التشجيع..
SharpShooter 01-07-2008, 10:10 PM أنا بقى كان عندى مشكلة
وكنت وقعت فيها
وبحلها دلوقتى شوية بشوية
وتسلم إيدك على الموضوع
دمتى بود
wanda 02-07-2008, 01:17 AM ميرسى يا جميل
Travel 03-07-2008, 04:18 PM انا مشكلتى يمكن تكون زى اى حد كتيير كتبو عنها واتكلموا فيها بس ملهاش حل كانها معقدة مش عارفة
مشكلتى هى ان مفيش صاحبة تنفع انها تبقى صحبتى خلاص
لان الدنيا دى بقت دلوقت غريبة ووحشة اوى اوى وكانها انسان بيغدر بينا مش عارفة
يمكن تكون دى وجهة نظرى انا
انا مشكلتى انى كرهت الاصحاب خلاص
لانى صاحبت واحدة وفضلنا مع بعض اكتر من 12 سنة من واحنا صغيرين وبمجرد ان واحدة تالتة دخلت معانا اتغير كل حاجة وبقت معاها لدرجة انهم اتفقوا عليا فكان الاكيد انى احاول انساها ومفكرش فيها بس كان فى الاول صعب عليا لانها معايا برضه فى المدرسة وفى العمارة اللى جنبى بس اتاقلمت ونسيت فعلا خاصة انى بعدت عنها وسكننا فى نس المنطقة بس فى اخر الشارع لظروف صحية لبابا وبعدين صاحبت مجموعة بنات متفوقة وكل واحدة كانت بتمشى معايا فى الاول كانوا ساكتين وكانهم الملاك الطاهر لكن بعد كده اكتشقت الحقيقة
كل واحدة تمشى معايا تتكلم على غيرها ومش بيحبوا بعض حاولت اتاقلم معاهم لكن وفكرت كتيير انى انفصل عنهم
وفعلا انا بحاول ابعد عنهم بقدر المستطاع لدرجة انى بحاول مكلمش حد حتى لو لاقيتهم على الايميل كانى اوف لاين بالنسبالهم
وبجد زهقت حتى الاصحاب فى المدرسة نفس الوضع
مش عارفة هى الوحدة بقت مطلوبة خلاص فى الدنيا العجيبة دى ولا ايه
انا من كتر ماساعات بحس بانى وحيدة باعد اضحك مع اى حد (مش اى حد اوى يعنى ممكن ناس اعرفهم)
حتى ان فى ناس اتكلمت معايا فى المنتدى ده وعارفين عنى كده انى بضحك كتيير اوى
بس مش عارفة .
هو فى حل لكده؟
ارجو الرد
ومعلش لانى طولت
wanda 10-07-2008, 08:12 PM بصى يا قمر وجهتنى نفس المشكله وكتير مننا زى مبتقولى
بس المشكله ان البنات دلوقتى بتدور على مصلحتها مع مين يعنى مش صحوبيه اخوات
صحوبيه مصلحه بس مش معنى اللى حصلك انك تبعدى وتكرهى كل الصحاب
فى ناس لسه كويسه والدنيا لسه بخير خالى عندك امل بس هما قليلين فى الزمن ده
اما بالنسبه لحل المشكله فهى حلها انك تبعدى عنهم وتحاولى تدورى على حد ينفعه صحابه بجد
على الحلوة والمرة وهما موجودين بس بقله وهو مفيش حل تانى اصلا اصلا
وانا من وجهة نظرة اخواتى فى المنتدى احسن صحاب مفيش خيانه وكلنا عيله واحدة
بس دورى هتلاقى قدامك صحبه كويسه ومتيأسيش ابدا الدنيا مهما كانت قاسيه برضو فيها حبه حنيه
يا ريت اكون افدتك يا ترفل ومكونش اتاخرت فى الرد
هدي اشرف 10-07-2008, 08:29 PM انا اللي المني فعلا انا بنات في السن دا وبتقول الدنيا غدرت بيهم وصحابهم سيئين والله الوحيد اللي يعلم بظروفي انا مثلا اهلي بعاد عني تماما اخواتي كذلك اصحابي كلهم بتوع مصلحه وبس والله العظيم اني لما بحب افضفض بروح لبنت اختي اللي هي عندها سنه واحده موش اكتر ايه رايكم؟ اللي اساسا مبتبقاش فاهمه حاجه بلاقيها قاعده ساكته وبتبصلي زي كانها فاهمه وطبعا هي متعرفش حاجه عن البطيخ والله هي دي صديقتي وانا افخر بانها صديقتي بس بتضربني علي وشي شقاوه عيال بقي هي فعلا الدنيا دي غريبه قوي غريبه جدا بس لازم نفهمها بجد عشان نعرف نعيش لازم قلبنا يبقي متسامح عنده ضمير ميبقاش اناني النات اللي متعرفش غير مصلحتها وبس دي هتندم ندم كبير قوي بعد كده لانهم خسروا افضل الناس وانا اتمني اننا نبقي اصدقاء مع بعضنا بس نتكلم بكل صراحه
( لؤلؤة الإسلام ) 10-07-2008, 08:34 PM أنا اتولد في الامارات و عشت هناك 15 سنة و بعدين جيت عالثانوي
عشان كده كنت خايفة من الحياة هنا و حاسة اني هعيش وحيدة
بس لقيت صحاب كويسين الحمد لله
المشكلة بقه في المجتمع فيه حاجات كتير عايزة تتصلح و حاجات بتجيب احباط
بس الحل فإيدينا و احنا اللي لازم ننهض ببلدنا.......!
يعني لما جيت هنا اتصدمت بالواقع و شفت حاجات عمري ما شفتها...ربنا يهدي!
wanda 10-07-2008, 08:36 PM اوك يا هدى ومنورة بجد وكلمك جميل مجاش فى بالى بس هجرب
وان شاء الله كلنا اصحاب وبصراحه...
( لؤلؤة الإسلام ) 10-07-2008, 08:36 PM و كمان بلاقي نفسيتي متلخبطة و مش عارفة أثق فمين.....
و بعد لوحدي بالليل في البلكونة و باسرح في السما ...ساعتها ببقى سعييييييييييييدة أوي
الحياة متعبة أوييييي و فعلا الراحة الحقيقية في الجنة بسسسسسسسس
يااااااااااااااااااااااااااااارب ارزقنا الجنة و ما قرب اليها من قول او عمل !
العراقيه 11-07-2008, 02:01 PM بجد والله دلوقتي مفيش صحاب اخوات انا كنت مصاحبه بنت اول ماجيت مصر من سنتين ومكنتش اعرف اي حاجه عن مصر خالص انتوا عارفين العراق واللي حصل فيه ف كنت في حاله صدمه من كل اللي حصل وجيت على مصر وشفت البنت دي في المدرسه وبقينا انا وهي صحاب اوي اوي حتى اي حد كان يشوفنا كان يحسدنا على العلاقه القويه دي بس مش عارفه ايه اللي حصل فجأه قلبت عليا 180درجه ومش عارفه ايه السبب بجد انا متضايقه اوي من الموضوع ده بس والله انا مش زعلانه منها لانها الوحيده اللي ساعدتني طول السنتين اللي فاتوا ولا عمري هزعل منها بس هي نسيت كل حاجه بسرعه بصراحه ياريت تساعديني:confused:
هدي اشرف 13-07-2008, 01:28 AM انتي عارفه يا العراقيه انا برضه اتظلمت كتير قوي من اصحابي بس يا حبيبه قلبي احنا كلنا حواليكي ومعاكي ودايما ان شاء الله هتلاقينا جنبك ايوه فعلا الواحد نفسه انه يبقي معاه واحد جنبه مثلا ساكن قريب منه وقت ما يبقي متضايق يلاقيه علي طول بالتليفون مثلا بس انتي عارفه والله هتلاقيني ان شاء الله طبعا جنبك وهتلاقيني واقفه معاكي وانا سبق قبل كده وقلت انا ماليش اصحاب غير بنت اختي اللي عندها سنه والله هي الوحيده اللي بحسها بتفهمني عكس اخواتي وعكس اصحابي ووالله العظيم اني مخرجتش مع واحده ولا حتي اتكلمت مع واحده من اللي هما بيقولوا اصدقائي مره واحده من بعد ما خلصت امتحانات تخيلي انتي بقي لما كل يوم في الامتحانات يكلموني ويعطلوني ويعضوا يسالوني اسئله كتير في المواد وانا بسيب مذاكرتي واعض احل ليهم ودلوقتي هما ميعرفوش حتي مين هدي دي فمعلش انتي مسيرك هتلاقي واحده كويسه ومحترمه بس حكايه تلاقي واحده تفهمك وتفضل طول عمرها معاكي دي دلوقتي في زمننا دا تقريبا صعب فمعلش استحملي شويه وانتي هتلاقي اللي تفهمك واحنا يا ستي اصحابك واولهم انا ايه رايك دا لو انتي موافقه طبعا يللا لا اله الا الله
Dr.diamond 13-07-2008, 01:42 PM بصوا يا جماعه انا ليا واحده صديقتى من اولى اعدادى يعنى عشره 6 سنين ومعروف ان احنا انتيم وكده وموجدين مع بعض فى اى مكان بس الحقيقه ان احنا مش اصدقاء فعلا يعنى انا مش باحكيلها على مشاكلى ولا هى بس احنا بنحب بعض اوى وانا بجد عمرى ما حبيت حد قدها والى بيضايقنى منها كمان انها مش بتسال عليا الا نادر وغالبا انا الى ببدا وانا لفت نظرها للموضوع ده وقالتلى هسال عليكى طبعا ومش عارف ايه بس هى مسالتش عليا من يوم الجغرافيالحد اول امبارح رنتلى بليل فانا اساسا كنت زعلانه منها فبعت لها رساله قولتلها فيها انتى لسه فاكرانى انا قولت انك نسيتى راحت قايله مكنش معايا رصيد رحت انا قايله ومفيش رصيد فى تليفون البيت وتانى يوم متكلمتش برضه جت انهارده بقى كلمتنى وانا مش موجوده انا كنت خرجت مع واحده صاحبتنا هى عارفاها بس التانيه دى عكسها خالص بتسال عليا كل يوم وبتحبنى اوى وهى بقى بتغير منها عشان بحب التانيه برضه بس بصراحه مش زيها المهم راحت بعتالى رساله قالتلى فسحه سعيده وسلميلى على فلانه انا فهمت انها كده اتضايقت لانت دى مش طريقتها فى الكلام والرساله دى زعلتنى اوى رحت انا بعتلها قولتلها يوصل يا حبيبتى بس انا رنيت لها بعد ما رجعت وهى معبرتنيش فانا بقى عايزاكوا تقولولى مين الى غلطان وانا الى كلمها ولا استنى اما هى تكلمنى ويا ريت بسرعه عشان اخد القرار انهارده او بكره بالكتير قبل النتيجه
على فكره المشكله دى انا كنت حاطاها فى موضوع لوحده بس مفيش ناس كتير دخلت فحطتها هنا وممكن تحذفوا الموضوع التانى
هدي اشرف 13-07-2008, 03:51 PM بصي يا جولييت يا حبيبتي انا هقولك رايي بصراحه بس من غير زعل -انتي عاوزه تعرفي صحبتك بجد هي اللي تقف جنبك دايما هي اللي تسال عليكي علي طول موش رنه كل خمسين يوم بصي يا جولييت انا كنت زيك كده وكنت بجري انا ورا العيال وكنت بتصل انا عليهم دايما لاني كان نفسي حد يقرب مني يبقي ليا اصدقاء يعني بس انا ما خدتش منهم غير تعب القلب والتهزيء موش بقولك كده بكرهك فيها لا انا عن نفسي اتعلمت يبقي ليا كرامتي هما اللي ييجوا ورايا ساعتها هيعرفوا قيمتي موش انا اللي اتساب كده من غير لا كلام ولا رنه واحده لا انا استاهل اكتر من كده انا استاهل انه يكون ليا كرامه واحترام قدام الناس انا بقولك رايي اياكي تكلميها استني لغايه ما هي تكلمك وتقولك انتي عامله ايه ؟ وانا ملاحظه ان صاحبتك التانيه كويسه وكويسه قوي اهتمي بيها شويه بس متتدلقيش عليها وانا قلت حكايتي قبل كده والله ما خدت غير الاهانه وبس اسمعي كلامي انا جربت الحكايه دي بنفسي والله بالضبط 8 مرات والله ما خدت منهم غير التهزيء والندم الكبير قوي علي اللي عملته دا رايي و الله اعلم
wanda 16-07-2008, 12:41 PM معليش يا جوليت كنت مشغوله وردى ممكن يكون متاخر
هى اللى غلطانه بس ممكن تكون مظلومة فعلا ممكن يكون عندها ظروف ومشاكل
ولو اتأكدتى انها فعلا مطنشاكى ومعندهاش ظروف ولا حاجة يبقى من الاحسن انك متعتبرهاش صديقه
انتيم تبقى مجرد صداقه بس اكيد وبعد صادقه دامت بينكم سنين اكيد فهمين بعض وحسين ببعض
وعرفتوا طباع بعضواكيد مقدرين قيمة الصداقه ديه ...
يبقى مش سهل انها تنكسر بسهوله ولو هى متستهلكيش سيبها ولما تعرفقيمتك ايه
هتسئل عليكى كل شويه ومش هتفرقك لحظه ابداا ويا ريت اكون افدتك
loli y 19-07-2008, 06:26 PM هاى انا يمنى وعلمى متأدب وعايزة اعرف انا تبع تنسيق علمى ولا ادبى ياريت تردى عليا انا قلقانة اوى وانا واخدة جيولوجيا ورياضة2
wanda 19-07-2008, 09:14 PM تنسيقك ادبى وعلشان تتاكدى لما تدخلى وتحطى الرغبات هيقولك انتى تبع انهى كليات
وهيكتبلك الكليات اللى ممكن تدخليها
gamal saber 20-07-2008, 11:53 AM انا مش هعرض مشكلة
مش تشكيك فى ايمكانية الاعضاء على مساعدتى فى حل المشكلة دى
لاكن لاانى مؤمن بانى اقدر انسان على حل مشاكلى
على العموم دى وجهات نظر
لاكن انا ملاحظ ان كل البنات الى شاركو فى الموضوع بيقولو ان صحباتهم
اتخلو عنهم او صداقتهم انتهت او غدرو بيهم
ودى حاجة غريبة اوى
لاكن انا عن نفسى ليا اصحابى من اولى ابتدائى يعنى بقلنا مع بعض
13 سنة ومحدش فينا غدر بالتانى يعنى
ومش واحد ولا اتنين بالعكس اهنا كتير
ومع بعض من زماااااااااااااااااااااااااااااااااااااااااااااااا ااااااااااان
اكيد حصلت مشاكل لاكن عمر ماواحد فينا غدر بالتانى او سببلة اذى من اى نوع
ومع بعض ديما على الحلوة والمرة
عكس البنات خااااااااااااااااااااااااااااااالص
wanda 20-07-2008, 02:51 PM يا جمال البنات دلوقتى بقيت مخلوقات
معظمهم ميقدروش معنى الصداقه
ومعظم مشاكلهم على الولاد واكيد فاهمنى طبعا
او واحدة غيرانه من صحبتها علشان اى حاجه
اما الولاد سعات بحس انهم عندهم اهم حاجه الصحوبيه من مشاكل والخناق على اى بنت
فعقلهم اكبر من البنات دلوقتى وده تصريحى منى واعتراف
بس بقول بعض البنات...
loli y 20-07-2008, 10:38 PM شكرا اوى يا وندا انا بجد كنت قلقانة اوى انى اطلع تبع تنسيق علمى بجد شكرا ولو ان فى ناس كتيرة قالوا انى تبع تنسيق علمى ميرسى ليكى
wanda 21-07-2008, 01:02 AM يا بنتى اصلا الحال من بعضه
انا زيك وسألت كتير
قالولى تبعع تنسيق ادبى ومليش الحق انى ادخل طب او صيدله او هندسه
انا عندى استفسار بجد نفسى حد يساعدنى
انا قريت انك علمى متادب
فهل تنسيقة بيبقى على حسب علمى ولا ادبى
وهل منة ممكن ادخل كلية علوم ولا لا
ياريت تجاوبينى
هدي اشرف 23-07-2008, 04:01 PM انا ليا الصراحه واحده صحبتي علمي متادب وواخده رياضه وبيئه وجيولوجيا وبقولها ايه اللي ممكن تدخليه قالتلي كليات رياضه كلها ما عدا هندسه وحاسبات وتخطيط او يعني اي كليه بتاعه رياضه ما عدا الكليات اللي بتعتمد علي الفيزياء وانا هسالكم وهشوف بجد واتاكد تاني والله اعلم
بجد مرسى اوى اوى يا هدى وياريت تقوليلى ينفع علوم ولا لا
هدي اشرف 23-07-2008, 04:41 PM بص انا واحد قريبي قاللي ان في علوم قسم خاص بالجيولوجيا والله اعلم حتي انا كنت عاوزه ابقي زيك كده بس غيرت رايي وقاللي ممكن تدخليها وهي لسه مفتوحه جديده فانا بجد هسالك وهشوف انا لسه بشوف لعلمك عشان خاطر كل اللي واخدين علمي متادب
loli y 28-07-2008, 11:43 PM هاااااااااااااى يا وندا بليز عايزة ايميلك ضرورى انا محتارة ف ناسى قالولى انى تبع تنسيق ادبى وناس تبع علمى انا عايزاه بصراحة تبع ادبى علشان اقل ف الكليات ياريت تطمنينى وتحاولى تبعتيلى ايميلك
|