انا عاوزة اتغير بجد [الأرشيف] - بوابة الثانوية العامة المصرية

شهد اليوسف

02-03-2013, 08:15 PM

السلام عليكم
بصو انا عارفة اني بتقل عليكو خاااالص بس انا اسفة لاني انسانة مدمرة تقريبا الناس كل ماتروح مستواها يرفع ويزيد انا بقي ماشية معايا العكس الناس كل ماتروح تتغير للاحسن انا دايما للاسوء للاسف :(وانا طبعا مش هقدر احكي غير عن الحاجة الخاصة بالدراسة بس الحاجات التانية دي خاصة بيا انا بقي حاجة شخصية يعني ما علينا
انا بالنسبة للدراسة انسانة مدمرة اولا انا بنام كتيرررررررررررر خالص يعني حوالي 10 ساعات يوميا بدوووون مبالغة علي فكرا
انا هقولكو نظام يومي ماشي ازاي اساسا مفيش وقت للمذاكرة عندي يعني انا بصح الساعة 6 ونص دا يوم مايبقي عندي مجموعة في المدرسة اما لو مش عندي بصحا الساعة 7 وربع مثلا واروح المدرسة من 8 :2 ونص الظهر ومن الساعة 3 لحد 5ونص بنام اصحي اصلي وبعدين ادخل اما علي النتدي دا او الفيس بوك بقعد من 6 لحد 9 واحيانا 10 نت وفيس وبعدين بتابع الجزيرة مباشر مصر لحد الساعة 10 الليل وبعدين بنام من الساعة 10 الليل لحد 6ونص الفجر وهو دا يومي :dفين الوقت اللي هذاكرا فيه والمشكلة والكارثة اني لحد دلوقتي مش بعرف اذاكر ازاي :o ودا اللي محزني بجد علي حالي وماما وبابا تعبو معايا جاااااامد وانا بجد عاوزة افرحهم بس انا مش عارفة ليه بتغير دايما للاسوء انا بجد عاااااوزة اتغير بس مش عارفة ابدا منين ؟؟؟؟؟؟؟؟؟؟ دا تقريبا اتغيرت في كل حاجة ياريت جدت علي الدراسة بس :bosyht9::bosyht9:كان هيبقي عااااااادي لكن
في كله دا مشكلة
انا عاوزة حد بجد يتابعني ويقولي اذاكر ازاااااي واعمل جدول ممكن امشي عليه علي دايما وانا اسفة اني بتقل عليكو بجد بس انا خايفة اوووووي ومرعوبة من تالتة ثانوي دي وحاسة اني مش هقدر عليها وبقول اطلع من المدرسة احسن

yolanda

02-03-2013, 08:45 PM

صدقيني والله أنت مش لوحدك في الموضوع ده أنا كمان تعبانة جداً و طهقت و ظروفي مش أحسن من ظروفك لأني مبخدش أي دروس و بذاكر لوحدي و بالتالي معنديش أي توجيه و ممكن تتخيلي مادة زي الفزياء فهمها صعب قد ايه من غير أي مدرس يشرحلك أي حاجة و بضيع وقت طويل في محاولة فهمها و ممكن في الأخر موصلش إلا لحاجات بسيطة و مع ذلك برضي و بقنع نفسي إني أعدي الجزء ده من غير مفهمو حلو و بقول لنفسي المهم أحل الأسئلة صح و خلاص !!

و رغم إني قعدت وقت طويل أصحي الساعة ستة و أذاكر حلو بس الفترة الأخيرة ضيعت كل الي عملته و بقيت أصحي متأخر و اليوم يضيع من غير محس بيه ضاع ازاي و في ايه ؟؟؟ !!!!

و حاجة تانية بفكر فيها و تعباني إني كل الي ذاكرته في النص الأول من المنهج أو زيادة كأنه اتبخر لأنه مفيش مراجعة دورية أو حل أمتحانات أو حل أسئلة ! و لاحظت أن كل الدروس بيمتحنوا أول بأول و عندهم امتحانات نص سنة كمان و أنا عمالة اذاكر و أرمي كأني مش رجعالو تاني و عاملة حسابي علي الأسئلة أحلها أثناء المراجعة ...

أنا عارفة أني كلن المفروض أقولك حاجة تساعدك مش أكتب كل ده بس أنتي فكرتيني بالمعاناة الي أنا فيها الأيام دي مع إنها كلها كام شهر و أخلص من الهم و المذاكرة !

بس علي الأقل الحاجة الوحيدة الي أقدر أساعدك فيها هي الجدول و ممكن نشجعوا بعض و نعملوا أحسن نتيجة ...خصوصا إن انا عايشة علي الجدول من السنة الي فات و من غيره و لا بنجز أي حاجة ...

بس أنتي أكيد بتخدي درس و بتبقوا ماشيين مع المدرس بنظام معين فمش عارفة اذاكان ممكن نظام الجدول بتاعي ينفع معاكي و لا لأ ...فإذا كان ممكن تمشي بنظام مختلف أقولك علي نظامي و نساعدو بعض ...

Nourshan Magdy

02-03-2013, 08:45 PM

مصطفى محمد غنيم

02-03-2013, 09:01 PM

باختصار الله يوفقك ولكن انتى بضيعى وقت بلاش النت والتلفزيون وقدامك فترة الصيف تبقى براحتك

Best In World

02-03-2013, 09:49 PM

1- لازم تحلي مشاكلك الخاصة الأول لأن هي اللي مسببة لك الحالة دي
2- لازم تحبي المواد اللي أنت بتدرسيها وتستمعي فعلا بدراستها لأن هي دي الطريقة الوحيدة للتفوق
3- مفيش طالب بيقدر يلتزم بجدول ودي قاعدة فأنت المفروض تذاكري الحاجة اللي أنت لازم تذاكريها من نفسك مش أي حد هو اللي هيلزمك
4- لازم الدافع للعمل يكون ذاتي بمعني إن أنت اللي نفسك توصلي لحاجة وأنت الوحيدة اللي تقدري تحققيها
بالتوفيق

Best In World

02-03-2013, 09:51 PM

Dr.samira mousa

03-03-2013, 02:08 PM

Best In World

03-03-2013, 02:19 PM

بتحكى عن يومى بالظبط ..

احتلف عنك بقى انى مبروحش المدرسة يعنى يومين او تلاتة بالكتير بس باروح الاسبوع ده عشان عندنا امتحانات شهر....يعنى اقل يوم على فيه درسين وجمعة وسبت 5 دروس والسبت 4 دروس ورا بعض O.o
لو رحت المدرسة باجى يدوبك اصلى وافتح النت شوية وبعدين ابتدى مشوار الدروس اجى كدة المغرب افضل بقى اخبار وسياسة وساعة فى النص كدة افتح النت بردة
ولحد 12 كدة بردة سياسة وتلفزيون وبعدين بقى انام ..ده يوم الدراسة
يوم اللى مش بروح فيه المدرسة بصحى 10 كدة ولو بدرى 9 بغيب اعمل واجب الرياضة واقعد ع النت بردة ودواليك زى مقلت قبل كدة ....وادى يوم طالبة ثانوية مش عارفة اعمل ايييييييييييه؟؟؟!

لو ملاحظة انت اللي بتضيعي وقتك ولو وفرتي الوقت ده هيفرق معاك كتيييييير
مش من السهل تغيير روتين في يوم وليلة فانت خدي الموضوع تدريجي يعني كل فترة قللي فترة النت والتليفزيون مرة في مرة انت بنفسك اللي هتسيبيهم وتذاكري
بالتوفيق برده :d

شهد اليوسف

03-03-2013, 03:09 PM

شهد اليوسف

03-03-2013, 03:15 PM

طيب مانتى الى بتضيعى وقت يا توتة يعنى مثلا ليه كل الوقت ده على النت ممكن تذاكرى الاول من الساعة 6 مثلا ولما تخلصى تقعدى على النت براحتك وساعتها انتى هتكونى عايزة تانمى اكيد ومش هتقعدى على الفيس كتير بس ده بايديكى انتى وبعدين امتحانات الشهر اكيد الاسبوع ده عندكوا اكيد مش هتسبيها وتقعدى على الفيس ولو عايزة ترفيه خلى يوم واحد بس تفتحى فيه الفيس والمنتدى وكله وتقدى اكيد تغيبى من المدرسة بس مش كتير علشان نسبة الغياب وتذاكرى الى يفوتك وعندك ايام اجازة الجمعة والسبت بتبقى طويلة مش هتضيعى فيها ال8 او 9 ساعات الى بتروحيهم المدرسة اكيد تقدرى تستفيدى منها وانتى اكتر واحدة تقدرى تساعدى نفسك لاننا مهما قلنا ده يرجعلك انتى اكيد شوفى مواعيد دروسك وحصصك فى المدرسة وحاولى تنظمى عليها اوقات مذاكرتك وربنا معاكى يا جميل ويوفقنا كلنا ان شاء الله :)
كلام جمييييييل بس ربنا يهديني ياااااااااااارب انا اساسا جربت اذاكر اللي خدته في اليوم لقيته تقيل اووووووي ومش قادرة اني اذاكر دا كله علشان بزهق مع اني لو قعدت علي الفيس بوك لمدة 12 ساعة مش بمل بل بالعكس عاااااااادي جدا بس المذااااااكرة عاوزة صبر اووووووووي وانا عندي صبر علي فكرا في كل حاجة اقدر اتحمل لكن المذاكرة مش عارفة ايه المشكلة معايا حقيقي انا عاوزة اضرب بالبتاعة اللي مع الكابتن دا:stickjo4: وشكلي كدا هضرب :d بس مش مشكلة ما علينا بالتوفيق لينا كلنا ياااااااااااااارب وخصوصا اللي زي انا علشان حاسة بيهم

شهد اليوسف

03-03-2013, 04:35 PM

باختصار الله يوفقك ولكن انتى بضيعى وقت بلاش النت والتلفزيون وقدامك فترة الصيف تبقى براحتك
شكرا لمرورك :078111rg3: اه والله للاسف بضيع الوقت بطريقة غريبة وفي الاخر يا ريتني بستفيد حاجة :angry2: وتسلم وربنا يوفقك ويوفقنا :)

شهد اليوسف

03-03-2013, 04:38 PM

yolanda

03-03-2013, 04:49 PM

هو أنت كنت جايبة كام في تانية ؟

99.02 % يعني 203 من 205

yolanda

03-03-2013, 05:02 PM

تسلمي ياااااااااااااارب اه طبعا والله تقريبا كل اللي في سن دا كدة بس مش اوي زي انا صدقيني انا لو هحكي لحد كل اللي جوايا مش هيصدق اني في السن دا وعندي المشاكل دي كلها الحمد لله علي كل حال :bosyht9:المهم بالنسبة للجدول اوك انا مواقفة وانا اساسا مش بتابع اي حاجة مع المدرس هو في عالم وانا في عالم تاني خاااااااالص :dيعني مش ببقي عارفة بيرغي في ايه الحج دا بس اهو باخد في كل المواد دروس ومجموعات بس من ناحية الجدول قوليلي شكله ازااااااااااي واشوفة هيمشي معايا والا لا ؟؟؟؟ وان شاء الله بالتوفيق ليا وليكي يا جمييييييل :022yb4:وتسلمي لمرورك:078111rg3:

انا يعتبر خلصت المنهج كروتة شوية خصوصاً الجزء الأخير من المواد و ناوية إن شاء الله كمان يومين أبدأ جدول مراجعة شامل (كأني بذاكر من أول و جديد لأني مش فاكرة أي حاجة و كروت كتييييييير و القديم مرجعتش عليه خالص) بس الجدول الي همشي عليه هيكون قاسي شوية عشان ألحق أأخلص الكم الكبير ده كله و كمان يتبقي وقت أحل أمتحانات في شهر خامسة (أما بداية شهر سته هخليها لمراجعة العربي طبعاً) يبقي أنا هراجع في شهرين تقريباً

اما نظام المراجعة الي همشي عليه نظام غريب و جديد من اختراعي و أتمني يكون فعال و عموماً هو أثبت نفسه لما مشيت عليه في جزء من المنهج و هو أحسن جزء ذاكرته في المنهج كله لأن نظام الجدول التقليدي مبينفعش معايا و بطلع منه ناسية حاجات كتير (أقصد أنك تذاكري مادة في اليوم بكمية معينة و هكذا ...)

و الجدول ده بيحتاج إنك تذاكري معظم اليوم مع وقت كافي للراحة بين الفترات الكاملة بالإضافة لراحة مدتها عشر دقائق بين كل ساعة و ساعة أو بين كل خمسين دقيقة و خمسين دقيقة و المذاكرة كلها مركزة في الجزء الأول من اليوم (من الفجر للعصر أو للمغرب ) و الجزء التاني من المغرب للعشاء فمبقدرش أذاكر فيه و معرفش ظروفظك هتقدري تذاكري في الوقت ده و لا لأ و عموماً كل متزيد ساعات المذاكرة يبقي أفضل و ربنا بيدي علي قد المجهود المبذول و أنا والله مش ضامنة أصلاً إن الكمية الي هحطها في اليوم هتكفيه و لا لأ ...

شوفي كدة رأيك إيه و قوليلي ...

ملحوظة موادي هي : فزياء أحياء انجليزي فلسفة عربي و مستوي رفيع أنجليزي

Best In World

03-03-2013, 06:55 PM

99.02 % يعني 203 من 205

ما شاء الله بارك الله فيك
أنا كنت جايب 204

علي ثانوي

04-03-2013, 12:10 PM

اولا عاوز اقولك انك مش لوحدك كما تفضلت الاخت يولاندا نسبة كبيرة جدا من طلبة ثانوي يعانون مما تعاني منه
وانا كنت زيك بنام كتير جدا لكن سمعت حوار للدكتور عمر عبد الكافي اتكلم فيه عن كثرة النوم وقال ان كثرة النوم تكون بكثرة الذنوب
خاصة ذنوب الخلوات وابشرك وكل عاصي بان الله عز وجل يقبلك مهما كثرت ذنوبك ولوكانت مثل زبد البحر فهو الذي يقبل التوبة عن عباده وتذكري لا كبيرة مع الاستغفار

Toqa Taha

04-03-2013, 01:04 PM

ما شاء الله بارك الله فيك
أنا كنت جايب 204

ماشاء الله بارك الله فيكم وذاكم من حيث لا تحتسبوا

Toqa Taha

04-03-2013, 01:06 PM

99.02 % يعني 203 من 205

انا فخورة بيكى جدا انتى اكيد ليكى الخير لانك اثبتى جدارتك
بارك الله فيكى واثلج صدرك دائما

Best In World

04-03-2013, 01:22 PM

ماشاء الله بارك الله فيكم وذاكم من حيث لا تحتسبوا
وفيك بارك أنا أيضا فخور بالأخت يولاندا
انت كنت جايبة كام ؟

yolanda

04-03-2013, 02:33 PM

انا فخورة بيكى جدا انتى اكيد ليكى الخير لانك اثبتى جدارتك
بارك الله فيكى واثلج صدرك دائما

شكراً علي تشجيعك و تشجيع الأخرين بس ربنا يستر علي السنة دي أنا حاسة إننا هنقص كتير من الفزياء و الأحياء (كل مادة فيه بعشر مواد!) و مش هعرف أحقق حلمي...

بس أنتي أدعيلي و ربنا يستر و يوفقنا جميعاً الي ما فيه خير

أنتي طابة ثالثة ثانوي بردو؟

Toqa Taha

04-03-2013, 03:33 PM

وفيك بارك أنا أيضا فخور بالأخت يولاندا
انت كنت جايبة كام ؟

كنت جايبة 95.6

Toqa Taha

04-03-2013, 03:38 PM

شكراً علي تشجيعك و تشجيع الأخرين بس ربنا يستر علي السنة دي أنا حاسة إننا هنقص كتير من الفزياء و الأحياء (كل مادة فيه بعشر مواد!) و مش هعرف أحقق حلمي...

بس أنتي أدعيلي و ربنا يستر و يوفقنا جميعاً الي ما فيه خير

أنتي طابة ثالثة ثانوي بردو؟

ايون.... وكنت اخدة احياء السنة اللى فاتت وصدقينى والله الاحياء لذيذة جدا ومادة كده تحسى انها بتقولك ذاكرينى ع طول و عن تجربة انتى مش هتحسى بجمال الاحياء الا لما تحلى امتحانات السنين
شوفى حتى لو متعرفيش اى حاجة ف الاحياء وحليتى الامتحانات كويس اوعدك انك مش هتقلى ع 47 ده ع افتراض انك مش عارفة حاجة خالص وهاتى كتاب يكون مجاوب الامتحانات عشان تعرفى الاجابة النموذجية وان شاء الله هتحققى حلمك واحسن منه كمان بس اهم حاجة الثقة بربنا ... ربنا يوفقك

yolanda

04-03-2013, 04:00 PM

ايون.... وكنت اخدة احياء السنة اللى فاتت وصدقينى والله الاحياء لذيذة جدا ومادة كده تحسى انها بتقولك ذاكرينى ع طول و عن تجربة انتى مش هتحسى بجمال الاحياء الا لما تحلى امتحانات السنين
شوفى حتى لو متعرفيش اى حاجة ف الاحياء وحليتى الامتحانات كويس اوعدك انك مش هتقلى ع 47 ده ع افتراض انك مش عارفة حاجة خالص وهاتى كتاب يكون مجاوب الامتحانات عشان تعرفى الاجابة النموذجية وان شاء الله هتحققى حلمك واحسن منه كمان بس اهم حاجة الثقة بربنا ... ربنا يوفقك

ايه الكلام الجميل ده أنا متعودة علي الألفاظ المحبطة الصراحة (الأحياء محدش بيقفلها لازم تكتبي بنص الكتاب ...)

عموماً ربنا معاكي إن شاء الله أنتي كمان توصلي لهدفك أنا ملاحظة إن مجموعك جميل و طالما أنت بتبشريني في الأحياء أنا كمان ببشرك إن الكمياء سهلة جدااااااااااااااا فوق ماتتصوري و إن شاء الله تقفليها بكل سهولة (أكيد طبعاً أنت مللاحظة الفرق العملاق بينها و بين الأحياء أو الفزياء بس العضوية محتاجة حفظ و مراجعة مستمرة و تبقي تمام فيها )

بالتوفيق

Best In World

04-03-2013, 05:17 PM

Dr.samira mousa

04-03-2013, 05:28 PM

ما شاء الله بارك الله فيك
أنا كنت جايب 204
ما شاء الله ربنا يبارك فيك
ودول جبتهم ازاى ؟؟

Best In World

04-03-2013, 05:38 PM

ما شاء الله ربنا يبارك فيك
ودول جبتهم ازاى ؟؟
جبتهم في تاكس:d

Toqa Taha

04-03-2013, 08:05 PM

ايه الكلام الجميل ده أنا متعودة علي الألفاظ المحبطة الصراحة (الأحياء محدش بيقفلها لازم تكتبي بنص الكتاب ...)

عموماً ربنا معاكي إن شاء الله أنتي كمان توصلي لهدفك أنا ملاحظة إن مجموعك جميل و طالما أنت بتبشريني في الأحياء أنا كمان ببشرك إن الكمياء سهلة جدااااااااااااااا فوق ماتتصوري و إن شاء الله تقفليها بكل سهولة (أكيد طبعاً أنت مللاحظة الفرق العملاق بينها و بين الأحياء أو الفزياء بس العضوية محتاجة حفظ و مراجعة مستمرة و تبقي تمام فيها )

بالتوفيق

عندك حق فعلا الكميا اكتر مادة حسيت انها مش بتلف وتدور كتير ومعلوماتها تدخل الدماغ بالشبه كده
لكن قوليلى انتى هتراجعى مع نفسك ازاى لان بفكر اوقف دروس اول اما اخلص المنهج واركز ال3 شهور دى مع نفسى ؟؟؟؟؟

Toqa Taha

04-03-2013, 08:10 PM

أنا كنت فعلا أحياء والصراحة بجد أنا استمتعت بدراستها جدا علشان كدة اخترت مستوي احياء بردة وكل المشاكل هتتحل لما تحلي امتحانات السنين اللي فاتت
ومجموعك جميل يا تقي بس شدي حيلك شوبة بارك الله فيك

بجد حلو..... ربنا يباركلك رفعت من معنوياتى
ان شاء الله اعمل اللى اقدر عليه عشان اجيب اعلى السنة دى باذن الله وده اللى هيحصل ان شاء الله

yolanda

04-03-2013, 08:20 PM

عندك حق فعلا الكميا اكتر مادة حسيت انها مش بتلف وتدور كتير ومعلوماتها تدخل الدماغ بالشبه كده
لكن قوليلى انتى هتراجعى مع نفسك ازاى لان بفكر اوقف دروس اول اما اخلص المنهج واركز ال3 شهور دى مع نفسى ؟؟؟؟؟

بصي انا شرحت لشهد مراجعتي و لو لقيتي النظام ينفعك هقولك علي تقسيمات المواد و مقدارها في اليوم و إن شاء الله تستفيدي

هو ده النظام الي أنا كتبته لشهد:

انا يعتبر خلصت المنهج كروتة شوية خصوصاً الجزء الأخير من المواد و ناوية إن شاء الله كمان يومين أبدأ جدول مراجعة شامل (كأني بذاكر من أول و جديد لأني مش فاكرة أي حاجة و كروت كتييييييير و القديم مرجعتش عليه خالص) بس الجدول الي همشي عليه هيكون قاسي شوية عشان ألحق أأخلص الكم الكبير ده كله و كمان يتبقي وقت أحل أمتحانات في شهر خامسة (أما بداية شهر سته هخليها لمراجعة العربي طبعاً) يبقي أنا هراجع في شهرين تقريباً

اما نظام المراجعة الي همشي عليه نظام غريب و جديد من اختراعي و أتمني يكون فعال و عموماً هو أثبت نفسه لما مشيت عليه في جزء من المنهج و هو أحسن جزء ذاكرته في المنهج كله لأن نظام الجدول التقليدي مبينفعش معايا و بطلع منه ناسية حاجات كتير (أقصد أنك تذاكري مادة في اليوم بكمية معينة و هكذا ...)

و الجدول ده بيحتاج إنك تذاكري معظم اليوم مع وقت كافي للراحة بين الفترات الكاملة بالإضافة لراحة مدتها عشر دقائق بين كل ساعة و ساعة أو بين كل خمسين دقيقة و خمسين دقيقة و المذاكرة كلها مركزة في الجزء الأول من اليوم (من الفجر للعصر أو للمغرب ) و الجزء التاني من المغرب للعشاء فمبقدرش أذاكر فيه و معرفش ظروفظك هتقدري تذاكري في الوقت ده و لا لأ و عموماً كل متزيد ساعات المذاكرة يبقي أفضل و ربنا بيدي علي قد المجهود المبذول و أنا والله مش ضامنة أصلاً إن الكمية الي هحطها في اليوم هتكفيه و لا لأ ...

شوفي كدة رأيك إيه و قوليلي ...

ملحوظة موادي هي : فزياء أحياء انجليزي فلسفة عربي و مستوي رفيع أنجليزي

Best In World

04-03-2013, 09:23 PM

بصي انا شرحت لشهد مراجعتي و لو لقيتي النظام ينفعك هقولك علي تقسيمات المواد و مقدارها في اليوم و إن شاء الله تستفيدي

هو ده النظام الي أنا كتبته لشهد:

انا يعتبر خلصت المنهج كروتة شوية خصوصاً الجزء الأخير من المواد و ناوية إن شاء الله كمان يومين أبدأ جدول مراجعة شامل (كأني بذاكر من أول و جديد لأني مش فاكرة أي حاجة و كروت كتييييييير و القديم مرجعتش عليه خالص) بس الجدول الي همشي عليه هيكون قاسي شوية عشان ألحق أأخلص الكم الكبير ده كله و كمان يتبقي وقت أحل أمتحانات في شهر خامسة (أما بداية شهر سته هخليها لمراجعة العربي طبعاً) يبقي أنا هراجع في شهرين تقريباً

اما نظام المراجعة الي همشي عليه نظام غريب و جديد من اختراعي و أتمني يكون فعال و عموماً هو أثبت نفسه لما مشيت عليه في جزء من المنهج و هو أحسن جزء ذاكرته في المنهج كله لأن نظام الجدول التقليدي مبينفعش معايا و بطلع منه ناسية حاجات كتير (أقصد أنك تذاكري مادة في اليوم بكمية معينة و هكذا ...)

و الجدول ده بيحتاج إنك تذاكري معظم اليوم مع وقت كافي للراحة بين الفترات الكاملة بالإضافة لراحة مدتها عشر دقائق بين كل ساعة و ساعة أو بين كل خمسين دقيقة و خمسين دقيقة و المذاكرة كلها مركزة في الجزء الأول من اليوم (من الفجر للعصر أو للمغرب ) و الجزء التاني من المغرب للعشاء فمبقدرش أذاكر فيه و معرفش ظروفظك هتقدري تذاكري في الوقت ده و لا لأ و عموماً كل متزيد ساعات المذاكرة يبقي أفضل و ربنا بيدي علي قد المجهود المبذول و أنا والله مش ضامنة أصلاً إن الكمية الي هحطها في اليوم هتكفيه و لا لأ ...

شوفي كدة رأيك إيه و قوليلي ...

ملحوظة موادي هي : فزياء أحياء انجليزي فلسفة عربي و مستوي رفيع أنجليزي

أقولكم علي معلومة جميلة جدا
أفضل وقت للمذاكرة من 4 فجرا ل 8 صباحا
ومن 5 مساءا ل 11 مساءا
لأن الهرمون المسئول عن النشاط يفرز من الجسم مرتين في الميعادين دول

روزى روز

04-03-2013, 09:37 PM

انااا زيك السنة اللى فاتت تعبت جدااا فى 2 ومجبتش مجموع بس السنة دى الحمدلله انااا بذااكر جدااا وليا طموح واهداف اى نعم مجبتش مجموع بس برضو الدنيا ما اتهدتش يعنى المهم المفرووض اساسا تنظمى وقتك وخفى من النت شويه والكلام ده عشان متضعيش يريت تزاكرى 3 مواد ف اليوم بس اناا الحمدلله دلوقتى مخلصة 4 مواد مزاكرة خااالص ومش فاضلى غير التاريخ بس المهم لازم تنظيم الوقت

Best In World

04-03-2013, 09:46 PM

ربنا يوفقكم جميعا

Toqa Taha

04-03-2013, 09:52 PM

بصي انا شرحت لشهد مراجعتي و لو لقيتي النظام ينفعك هقولك علي تقسيمات المواد و مقدارها في اليوم و إن شاء الله تستفيدي

هو ده النظام الي أنا كتبته لشهد:

انا يعتبر خلصت المنهج كروتة شوية خصوصاً الجزء الأخير من المواد و ناوية إن شاء الله كمان يومين أبدأ جدول مراجعة شامل (كأني بذاكر من أول و جديد لأني مش فاكرة أي حاجة و كروت كتييييييير و القديم مرجعتش عليه خالص) بس الجدول الي همشي عليه هيكون قاسي شوية عشان ألحق أأخلص الكم الكبير ده كله و كمان يتبقي وقت أحل أمتحانات في شهر خامسة (أما بداية شهر سته هخليها لمراجعة العربي طبعاً) يبقي أنا هراجع في شهرين تقريباً

اما نظام المراجعة الي همشي عليه نظام غريب و جديد من اختراعي و أتمني يكون فعال و عموماً هو أثبت نفسه لما مشيت عليه في جزء من المنهج و هو أحسن جزء ذاكرته في المنهج كله لأن نظام الجدول التقليدي مبينفعش معايا و بطلع منه ناسية حاجات كتير (أقصد أنك تذاكري مادة في اليوم بكمية معينة و هكذا ...)

و الجدول ده بيحتاج إنك تذاكري معظم اليوم مع وقت كافي للراحة بين الفترات الكاملة بالإضافة لراحة مدتها عشر دقائق بين كل ساعة و ساعة أو بين كل خمسين دقيقة و خمسين دقيقة و المذاكرة كلها مركزة في الجزء الأول من اليوم (من الفجر للعصر أو للمغرب ) و الجزء التاني من المغرب للعشاء فمبقدرش أذاكر فيه و معرفش ظروفظك هتقدري تذاكري في الوقت ده و لا لأ و عموماً كل متزيد ساعات المذاكرة يبقي أفضل و ربنا بيدي علي قد المجهود المبذول و أنا والله مش ضامنة أصلاً إن الكمية الي هحطها في اليوم هتكفيه و لا لأ ...

شوفي كدة رأيك إيه و قوليلي ...

ملحوظة موادي هي : فزياء أحياء انجليزي فلسفة عربي و مستوي رفيع أنجليزي

استعنا ع الشقا بالله
شمرى عن ساعد الجد وانا معاكى انا محتاجة حاجة فعلا صارمة جدا
نفسى احس انى ف الجيش كده.... منتظراكى

Toqa Taha

04-03-2013, 10:07 PM

أقولكم علي معلومة جميلة جدا
أفضل وقت للمذاكرة من 4 فجرا ل 8 صباحا
ومن 5 مساءا ل 11 مساءا
لأن الهرمون المسئول عن النشاط يفرز من الجسم مرتين في الميعادين دول

للاسف واشد الاسف انا كائنة ليلية نظرا لظروف الدروس يعنى يومى بيبدا من 12.30 صباحا تقريبا بس النهاردة قررت اجرب الطريقة الطبيعة بس مش قادرة خاااااااااااااااااااااااالص عينيا بتقفل

yolanda

05-03-2013, 11:39 AM

أقولكم علي معلومة جميلة جدا
أفضل وقت للمذاكرة من 4 فجرا ل 8 صباحا
ومن 5 مساءا ل 11 مساءا
لأن الهرمون المسئول عن النشاط يفرز من الجسم مرتين في الميعادين دول

انا في العادي بصحي الساعة سته إلا ربع (أيام المذاكرة مش أيام الأجازة الي هيا أيام الجمعة) و ببدأ مذاكرة في حدود ستة ستة و ربع بس أول مالدنيا تبدأ تليل مبقدرش أذاكر خالص و ممكن اعمل زي السنة الي فاتت و أصحي الساعة الخامسة أو الخامسة و النصف بس أربعة دي بدري أوي (عندي بيدخلوا يناموا الساعة أربعة !!)

yolanda

05-03-2013, 11:48 AM

استعنا ع الشقا بالله
شمرى عن ساعد الجد وانا معاكى انا محتاجة حاجة فعلا صارمة جدا
نفسى احس انى ف الجيش كده.... منتظراكى

بس النظام الي همشي عليه غريب جدأ و للأسف هو ده الي بيشغلني

في نظام جميل و بينفع جدأ أنك تذاكري كل المواد في اليوم بكيفية معينة(فوائد النظام ده عن تجربة شخصية إنك بتذاكري جزء صغير من كل مادة و ده بيساعدك إنك تقدري تراجعيه اليوم الي وراه بسهولة و هكذا يعني الفصل الي هيكمل في أسبوع هبيقي أتراجع حوالي ست أيام و هيقعد في ذاكرتك حوالي شهر محفوظ تمام اما مذاكرة مادة واحدة في اليوم هتذاكري كمية كبيرة و تزهقي من المادة بسرعة و تبدأي تكروتي و لما يجي الدور علي المادة دي تاني متقدريش تذاكري كل الي فات لانه جزء كبير متذاكرش غير مرة واحدة و أتكروت و هضيعي الوقت فيه!) لكن أنا مش هعمل كدة في المراجعة عشان عايزة ألم كل مادة لوحدها و بردو فكرة النظام الجديد هتبقي موجودة في مواد الأحياء و الأدب و نصوصه و الفلسفة و المنطق و ممكن الانجليزي

ممكن تتخيلي شكل الجدول هيبقي ازاي في الحالة دي !!! هيبقي عجيب جدأ أنا عارفة غنه مش هيجبك أو هيجبك أي حد بس انا شغال معايا إن شاء الله

ألهم بلغت فأشهد لما تشوفي الجدول متقوليليش إنت عجيبة أوي !!!!!!!

yolanda

05-03-2013, 11:54 AM

mega more

05-03-2013, 12:15 PM

التغيير بيبقى من الداخل اولااااا

Best In World

05-03-2013, 02:06 PM

بس النظام الي همشي عليه غريب جدأ و للأسف هو ده الي بيشغلني

في نظام جميل و بينفع جدأ أنك تذاكري كل المواد في اليوم بكيفية معينة(فوائد النظام ده عن تجربة شخصية إنك بتذاكري جزء صغير من كل مادة و ده بيساعدك إنك تقدري تراجعيه اليوم الي وراه بسهولة و هكذا يعني الفصل الي هيكمل في أسبوع هبيقي أتراجع حوالي ست أيام و هيقعد في ذاكرتك حوالي شهر محفوظ تمام اما مذاكرة مادة واحدة في اليوم هتذاكري كمية كبيرة و تزهقي من المادة بسرعة و تبدأي تكروتي و لما يجي الدور علي المادة دي تاني متقدريش تذاكري كل الي فات لانه جزء كبير متذاكرش غير مرة واحدة و أتكروت و هضيعي الوقت فيه!) لكن أنا مش هعمل كدة في المراجعة عشان عايزة ألم كل مادة لوحدها و بردو فكرة النظام الجديد هتبقي موجودة في مواد الأحياء و الأدب و نصوصه و الفلسفة و المنطق و ممكن الانجليزي

ممكن تتخيلي شكل الجدول هيبقي ازاي في الحالة دي !!! هيبقي عجيب جدأ أنا عارفة غنه مش هيجبك أو هيجبك أي حد بس انا شغال معايا إن شاء الله

ألهم بلغت فأشهد لما تشوفي الجدول متقوليليش إنت عجيبة أوي !!!!!!!

ممكن تشاركي الجدول معانا علشان ممكن أحب أشارك معاكم لأن فعلا بزهق لما أذاكر مادة كتير

Toqa Taha

05-03-2013, 05:23 PM

بس النظام الي همشي عليه غريب جدأ و للأسف هو ده الي بيشغلني

في نظام جميل و بينفع جدأ أنك تذاكري كل المواد في اليوم بكيفية معينة(فوائد النظام ده عن تجربة شخصية إنك بتذاكري جزء صغير من كل مادة و ده بيساعدك إنك تقدري تراجعيه اليوم الي وراه بسهولة و هكذا يعني الفصل الي هيكمل في أسبوع هبيقي أتراجع حوالي ست أيام و هيقعد في ذاكرتك حوالي شهر محفوظ تمام اما مذاكرة مادة واحدة في اليوم هتذاكري كمية كبيرة و تزهقي من المادة بسرعة و تبدأي تكروتي و لما يجي الدور علي المادة دي تاني متقدريش تذاكري كل الي فات لانه جزء كبير متذاكرش غير مرة واحدة و أتكروت و هضيعي الوقت فيه!) لكن أنا مش هعمل كدة في المراجعة عشان عايزة ألم كل مادة لوحدها و بردو فكرة النظام الجديد هتبقي موجودة في مواد الأحياء و الأدب و نصوصه و الفلسفة و المنطق و ممكن الانجليزي

ممكن تتخيلي شكل الجدول هيبقي ازاي في الحالة دي !!! هيبقي عجيب جدأ أنا عارفة غنه مش هيجبك أو هيجبك أي حد بس انا شغال معايا إن شاء الله

ألهم بلغت فأشهد لما تشوفي الجدول متقوليليش إنت عجيبة أوي !!!!!!!

جميل جدا الكلام ده واحب اقولك انى عملت كده السنة اللى فاتت ف dna ونظام التكرار ده نجح معايا جدا لدرجة انى دخلت الامتحان من غير ما ارجعه تانى لان من كتر ما راجعت الفصلين كان اى سؤال يتحل بسرعة وبسهولة جدا وكان زى ما يكون محفور ف ذاكرتى

yolanda

05-03-2013, 05:31 PM

جميل جدا الكلام ده واحب اقولك انى عملت كده السنة اللى فاتت ف dna ونظام التكرار ده نجح معايا جدا لدرجة انى دخلت الامتحان من غير ما ارجعه تانى لان من كتر ما راجعت الفصلين كان اى سؤال يتحل بسرعة وبسهولة جدا وكان زى ما يكون محفور ف ذاكرتى

هو ده الي أنا قصدي عليه و فعلاً الجزء من المنهج الي اتذاكر بالطريقة دي هو أفضل جزء ذاكرته بس المشكلة أني مش عايزة أراجع المواد كلها في وقت واحد عايزة ألم كل مادة لوحدها و ده الي هيضطرني أعمل نظام غريب و أنا متأكدة إنه مش هيعجب حد

بصي هو تقريبا هيبقي كدة:

الفلسفة مثلاً هراجعها في سبعة أيام مثلاً لوحدها بس لو عملت كل يوم جزء أبقي ضيعت علي نفسي فرصة التكرار و المذاكرة الكويسة لأني هزهق و أكروت عشان كدة هقسم كل فصل لسبع أجزاء و أذاكر كل يوم جزء من كل فصل لوحده كأنه ادة تانية و تاني يوم أراجع في كل فصل الجزء الصغير الي ذاكرته و أخد جزء جديد و هكذا أنا بيتهيقلي أن كدة أفضل من فصل طويل عريض في اليوم و مقدرش أراجعه تاني يوم قبل الفصل الجديد ...

ايه رأيك؟؟

sindrella_2000

05-03-2013, 07:33 PM

[QUOTE=yolanda;5165163][center][size="4"][color="red"]هو ده الي أنا قصدي عليه و فعلاً الجزء من المنهج الي اتذاكر بالطريقة دي هو أفضل جزء ذاكرته بس المشكلة أني مش عايزة أراجع المواد كلها في وقت واحد عايزة ألم كل مادة لوحدها و ده الي هيضطرني أعمل نظام غريب و أنا متأكدة إنه مش هيعجب حد

بصي هو تقريبا هيبقي كدة:

الفلسفة مثلاً هراجعها في سبعة أيام مثلاً لوحدها بس لو عملت كل يوم جزء أبقي ضيعت علي نفسي فرصة التكرار و المذاكرة الكويسة لأني هزهق و أكروت عشان كدة هقسم كل فصل لسبع أجزاء و أذاكر كل يوم جزء من كل فصل لوحده كأنه ادة تانية و تاني يوم أراجع في كل فصل الجزء الصغير الي ذاكرته و أخد جزء جديد و هكذا أنا بيتهيقلي أن كدة أفضل من فصل طويل عريض في اليوم و مقدرش أراجعه تاني يوم قبل الفصل الجديد ...

ايه رأيك؟؟

ازيكم اولا انا مشكلتى انى كسولا او محتاجه حد يشجعنى لانى انا بنام كتير وعرفه ان الوقت دى مش وقت نوم خالص بس انااقول هنام تلات ساعات واظبت المنبه ولكن بنام علشان كده انا اتشجعت لمراجعه بتعتك انا عايزه اجيب مجموع حلو السنه دى علشان كده انا لما لقيتك عمله نظام المراجعه دى شجعتينى نفسى اراجع معاكى بس عندى استفسار هو مثلا ماده الفلسفه اجيب اول باب اقسمه على سبع اجزاء يعنى فى الاسبوع عندى الباب الاول بس معاه ماتتين او ثلاثه معاه دى تكون مراجعه الاسبوع وكده

yaso ali

05-03-2013, 08:43 PM

يا yolanda
انا مش فاهمه الجدول بتاعك دا ازاي
انا عاوزه امشي معاكي فيه بس ممكن اللي فاهم يفهمني
مش فاهمه بجد ممكن حد يبعتهولي يا جماعه

د/نداء الجنة المصرية

06-03-2013, 04:54 AM

بصى الفترة دى من عمرك لو مامرتيش بالتقلبات دى تبقى مش طبيعية يعنى اللى انتى فيه ده طبيعى وكل حد فى سنك هتلاقيه مر بنفس المشاكل وغلط كتير كمان وضيع وقت كتير بس المهم انك تتغلبى على المشاكل اللى بتواجهك اعترفى باخطائك وماتستسلميش لحزن او ياس عشان ماتتدمريش اللى بيستسلم للحزن فى الفترة دى بيفشل بعد كده انما اللى بيفضل يقاومه بينجح ماتضغطيش على نفسك فى المذاكرة بزيادة لانك كده مش هتذاكرى ولاتركزى خلى وقت عندك لاسرتك وقت لاصحابك ووقت لراحتك ولو متعلقة بالنت مافيش مشكلة خلى وقت للنت بس تكون ساعة مثلا مش طول اليوم انا بصراحة كنت بفتح نت كتير وانا فى ثانوى بس كنت برجع بعد كده اخد الليل كله مذاكرة وافضل صاحية لحد الصبح لكن اوعى تعملى كده لان صحتك هتدمر وبعدين ده بيخالف الطبيعة اللى خلقنا عليها ربنا لازم النوم يكون بالليل بس طبعا انتى بتقولى كل ده راحة وعيلة ونت وتلفزيون كمان لو عاوزة طب اذاكر امتى والله لو نفذتى كل ده هتذاكرى احسن وهتلاقى نفسيتك بقت احسن وهتذاكرى بهدوء واعرفى ان المستقبل بيد الله والله كل شئ ربنا بيكتبه بيكون فيه الخير اجتهدى بس واعملى اللى عليكى حاولى تتعودى تذاكرى ساعتين تلاتة قبل ماتنامى وترجعى تصحى الفجر تذاكرى لو هتركزى فيهم احسن من انك تفضلى تحاولى تذاكرى طول اليوم وده كله وقت بيضيع على الفاضى ومش هتحصلى حاجة وهتبقى تايهة فى الدروس اما بقى بالحاجات اللى مش متعلقة بالدراسة فنصيحة مهما تلاقى مشاكل ارجعى لربنا وقولى لنفسك دايما (اماان ادخل الجنة واما ان ادخل الجنة ) وبعدين اوعى تياسى من رحمة ربنا ابدا ابدا ابدا ابدا

Toqa Taha

06-03-2013, 05:05 AM

هو ده الي أنا قصدي عليه و فعلاً الجزء من المنهج الي اتذاكر بالطريقة دي هو أفضل جزء ذاكرته بس المشكلة أني مش عايزة أراجع المواد كلها في وقت واحد عايزة ألم كل مادة لوحدها و ده الي هيضطرني أعمل نظام غريب و أنا متأكدة إنه مش هيعجب حد

بصي هو تقريبا هيبقي كدة:

الفلسفة مثلاً هراجعها في سبعة أيام مثلاً لوحدها بس لو عملت كل يوم جزء أبقي ضيعت علي نفسي فرصة التكرار و المذاكرة الكويسة لأني هزهق و أكروت عشان كدة هقسم كل فصل لسبع أجزاء و أذاكر كل يوم جزء من كل فصل لوحده كأنه ادة تانية و تاني يوم أراجع في كل فصل الجزء الصغير الي ذاكرته و أخد جزء جديد و هكذا أنا بيتهيقلي أن كدة أفضل من فصل طويل عريض في اليوم و مقدرش أراجعه تاني يوم قبل الفصل الجديد ...

ايه رأيك؟؟

جميل جدا.... انا معاكى ان النظام ده ينفع فالفلسفة وعلم النفس عشان غالبا الاسئلة بتيجى منفصلة اى لا يشترط الترتيب
اقصد ان مش لازم تكونى عارفة الفصل من اوله لاخره بالترتيب... فاهمانى؟؟؟؟
لكن ف مواد تانية زى الفيزيا مثلا لازم تفصلى كل فصل عن فصله لان فيه متشابهات كتير اكتر من الموجودة ف علمو النفس والفلسفة
الا اذا كان قصدك ان الطريقة دى ف الفلسفة بس...

Toqa Taha

06-03-2013, 05:11 AM

بصى يا يولاندا انا الى حد ما فهمتك
بس عايزة اشوف يوم من الجدول ده عشان اتاكد انى فهمتك بس
هى طريقة فعالة بجد لكن انا واضح انى فاهماه غلط

yolanda

06-03-2013, 12:23 PM

بصى يا يولاندا انا الى حد ما فهمتك
بس عايزة اشوف يوم من الجدول ده عشان اتاكد انى فهمتك بس
هى طريقة فعالة بجد لكن انا واضح انى فاهماه غلط

انا مشغولة أوي اليومين دول بس هرد عليك في أقرب فرصة (الجمعة إن شاء الله)

yolanda

06-03-2013, 12:34 PM

أول مافضي هوريكي شكل الجدول الجديد و التقليدي و جدول المراجعة (بردو فكرته مختلفة عن الجديد و التقليدي)

Toqa Taha

06-03-2013, 11:56 PM

أول مافضي هوريكي شكل الجدول الجديد و التقليدي و جدول المراجعة (بردو فكرته مختلفة عن الجديد و التقليدي)

ماشى يا باشااا.....take ur time

yolanda

07-03-2013, 07:36 PM

ماشى يا باشااا.....take ur time

أنا كتبت نظام الجدول في موضوع اسمه نصائح للمراجعة عشان في حد تاني طلبه مني فقلت بالمرة ...

لو عجبك النظام هبعتلك الجدول بتاعي بس خليكي فاكرة أنا حذرتك !!!

بالتوفيق يا تقي ليا و ليكي

amir alromansia

08-03-2013, 12:20 PM

انا مشكلتى غريبة جدا
انا بعرف احافظ على وقتى جدا وبكون بعد كل درس بقول انا هروح اذاكر وهذاكر
بس للاسف اول ما بمسك الكتاب دماغى بيروح لبعيد بعد افكر مثلا فى ال حصل فى المدرسة لا مثلا فى الدرس
لا فى كذا لا فى كذا واليوم ضاع عليا
هو ده يومى ولا مثلا ذاكرت بذاكر حاجة قليلة جدا
انا مش عارف ايه الحل؟؟؟؟؟؟؟؟

yolanda

08-03-2013, 12:42 PM

[QUOTE=yolanda;5165163][center]هو ده الي أنا قصدي عليه و فعلاً الجزء من المنهج الي اتذاكر بالطريقة دي هو أفضل جزء ذاكرته بس المشكلة أني مش عايزة أراجع المواد كلها في وقت واحد عايزة ألم كل مادة لوحدها و ده الي هيضطرني أعمل نظام غريب و أنا متأكدة إنه مش هيعجب حد

بصي هو تقريبا هيبقي كدة:

الفلسفة مثلاً هراجعها في سبعة أيام مثلاً لوحدها بس لو عملت كل يوم جزء أبقي ضيعت علي نفسي فرصة التكرار و المذاكرة الكويسة لأني هزهق و أكروت عشان كدة هقسم كل فصل لسبع أجزاء و أذاكر كل يوم جزء من كل فصل لوحده كأنه ادة تانية و تاني يوم أراجع في كل فصل الجزء الصغير الي ذاكرته و أخد جزء جديد و هكذا أنا بيتهيقلي أن كدة أفضل من فصل طويل عريض في اليوم و مقدرش أراجعه تاني يوم قبل الفصل الجديد ...

ايه رأيك؟؟

ازيكم اولا انا مشكلتى انى كسولا او محتاجه حد يشجعنى لانى انا بنام كتير وعرفه ان الوقت دى مش وقت نوم خالص بس انااقول هنام تلات ساعات واظبت المنبه ولكن بنام علشان كده انا اتشجعت لمراجعه بتعتك انا عايزه اجيب مجموع حلو السنه دى علشان كده انا لما لقيتك عمله نظام المراجعه دى شجعتينى نفسى اراجع معاكى بس عندى استفسار هو مثلا ماده الفلسفه اجيب اول باب اقسمه على سبع اجزاء يعنى فى الاسبوع عندى الباب الاول بس معاه ماتتين او ثلاثه معاه دى تكون مراجعه الاسبوع وكده

[COLOR="Red"][SIZE="5"]بصي انا كنت ناوية أعمل كدة بس بالطريقة دي هضطر أذاكر مادة زي الفزياء علي بعضها لأنها مبتتقسمش و كدة هتعب أوي عشان كدة غيرت للنظام التاني أنا كتبته في موضوع اسمه (نصائح للمراجعة) شوفي كدة و قوليلي رأيك و أنا إن شاء الله هصور الجدول الخاص بي و أنزله عشان كل الي عايزينه لو عجبك النظام امشي معانا و ممكن كمان تغيري الي مش عاجبك فيه حسب وقتك و ظروفك و إن شاء الله هتجيبي المجموع الي في بالك و أدعيلي أنا كمان ...بالتوفيق