*أسلوبي أو أسلوب الكتاب* (أستطلاع) [الأرشيف] - بوابة الثانوية العامة المصرية

مشاهدة النسخة كاملة : *أسلوبي أو أسلوب الكتاب* (أستطلاع)

yolanda

06-02-2013, 11:46 AM

السلام عليكم و رحمة الله و بركاته

عايزة أكلمكم عن حاجة شغلت بالي الفترة الالي فاتت بخصوص مذاكرتي مش بس مذاكرتي بخصوص مذاكرتنا كلنا ...

كل السنين الي فاتت الي قبل تانية و تالتة ثانوي المدرسين خوفوني أني اكتب في الامتحان باسلوبي الخاص و إني لازم أكتب في الامتحان بأسلوب الكتاب و بنص الكتاب زي ما هو كاتب يعني copy and paste

لأن هناك كثير من المدرسين و (مش كلهم) لما يصححوا الأمتحانات بيصححوا علي الأساس ده و علي أساس المطابقة لنموذج التصحيح خصوصاًفي المواد الأدبية إضافة إلي الأحياء (الي بينسي كلمة في امتحان الاحياء بينقص علي حد تعبير مدرسيني السنة الي فاتت و كمان طلبة سابقين ) و الأدب في العربي

و الفلسفة و المنطق (والله مدرسين اصحاب بابا قالولوا إن ده بيحصل في اللجنة و بينقصوا درجات عي الأسلوب المختلف عن أسلوب الكتاب )

طبعاً الرياضة و الفزياء(معظمها) و الانجليزي مالهاش دعوة !!!!

بس يا تري أتنوا رايكم إيه في الموضوع ده و ازاي هي مذكرتكم و هل اتقالكم نفس الكلام بردو و لا لأ ؟

ماتبخلوش عليا برأيكم في الموضوع ده خصوصاً طلبة ثالثة ثانوي و (خصوصاً اوي الي واخدين أحياء )

bright stars

06-02-2013, 05:51 PM

رأيي انه نظام تعليم فاشل لا يعلم بيه الا ربنا

بس احنا مجبرين ع كده عشان نوصل لاهدافنا هنعمل ايه يعني؟

لازم نلغي عقولنا خاااااااالص ونلغي تفكيرنا

عشان كده بيصفونا بالأغبيه

منهم لله

yolanda

07-02-2013, 08:02 AM

أنتي معكي حق بس أنا بجد تعبت !!!!!

ممكن أسألك إنتي جابة كام في تانية؟

.MOHAMED SAMY.

07-02-2013, 10:22 AM

مريم السباعى.

07-02-2013, 01:01 PM

ابانوب ايليا

07-02-2013, 10:06 PM

yolanda

08-02-2013, 12:46 PM

السلام عليكم

شوفى الحكاية مش كدة خالص ولا هتوصل لكده كل الحكاية ان المصحح بيدور ع حاجات معينة ف الاجابة لازم تكون مكتوبة .. يعنى مثلا بالنسبة للاحياء وصلتى المعلومة صح زى الكتاب باسلوب مختلف عادى جدا ..

بالنسبة لاى مادة تانية زى الفلسفة والادب فى العربى وهكذا لازم يكون زى الكتاب علشان مش هتقدر تكتب بأسلوبك دى مادة ادبى يعنى مفيهاش تأليف ولا فهم والاجابة محددة ومينفعش تغير فيها خالص ولا تكتب بأسلوبك

و عليكم السلام

اولاً لازم نتفق إنه نظام تعليم فاشل عشان كدة في حاجتين:

بالنسبة للأحياء ممكن تتخيل المدرس الي قاعد في الغرفة السئية بتاعة التصحيح و طالع روحه هل يا تري هيبقي عنده خلق إنه يدور علي الإجابة و فوق كده في مدرسين معندهاش ضمير دول مش هيركزوا أصلاً و لا هيقعدوا يدورا علي الإجابة الصح في أسلوبك!

أما المواد الأدبية فكرة إنها مواد للحفظ و بس دي فكرة خلط تماما اتزرعت جوانا بسسب فشل التعليم
ده المواد الأدبية هي أكتر مواد بيكون فيها إبداع و لو شوفت في البلاد المتقدمة بيعلموها ازاي مش هتصدق نفسك
زي الفلسفة مثلاً لازم يكون يك إنت كمان وجهة نظرك و جميع المذاهب و الوجهات الأخري أنت مش بتحفظها بصمها بس بتفهمها و لما تفهمها تقدر بعد كدة تعبر عنها بأسلوبك !

و عموما مش حاجة أصلا اسمها إنك تحفظ صم سواء فاهم أو مش فاهم حتي الحفظ نفسه عندهم لي مفهوم تاني و معناه إنك تحفظ المعلومة مش الأسلوب الي اتكتبت بي المعلومة !

yolanda

08-02-2013, 12:50 PM

علفكرة مش صح خالص شم دايما المصحح او عشان ثانوية عامة لازم تبقى بنص طب اقسم بالله العظيم الاحياء دى دخلها خلااص قلت لو جبت المنجحة يبقى كويس لانى بكره اسلوب الحظ كلو كنت فاهمة كويس جدا بس لاسف مش حافظة نهائى لا بسلوب كتاب ولا اسلوب حد وانت ايما اتعمد فى امتحنات المستر اكتب بالسلوبى واشوف حيصحح ازاى واحيانا يقولى اجبتك صح بس لازم تكتبى كذا ومش تسى كذا ووحدة وحدة لحد مبقتي اقدر اكتب باسلوبى الاجابة الصح بس بضه كنت قلقنة من موضوع الحفظظ والحمد لله لعى غير المتوقع تمام نقصت 3 درجات بس
هو الحفظ مزته انه بيوقفر عليك وقت ان تتذكر فى الامتحان حتكتب اجابتك ازاى لانك بتكون حفظهل فبتطبعها علطلو ل ويمكن عشان كدة كان استاذ بتاعنا بيقول وقت الامتاحن مش وقت انك تفتكر ووقت انك تطبع علطول الى حفظته
لاسف نظام تعليم فاااااااااااااشل

اكيد كان حظك حلو في التصحيح و علي العموم فات وقت الكلام ده أنا فاضلي شوية و أخلص الأحياء شوية بحفظ بنص الكتاب و شوية مش بقدر أحفظ بنص الكتاب خصوصا في الوراثة

بس المشكلة أن الحفظ بنص الكتاب بيضيع عليا وقت طوييييييييل أوي كان ممكن أذاكر فيه كويس و أحل تمارين و أمتحانات و أخلص المنهج كله كمان خصوصا إننا مبخدش دروس و عندي وقت إضافي بس خسارة بيضيع في الحفظ بنص الكتاب !!!!!

hamada_97

09-02-2013, 12:28 AM

بصراحة :

أنا بأفهم المعلومة جيدا ، ثم أحفظها جيدًا ، ثم احاول حفظ اسلوب الكتاب جيدًا
و فى الامتحان بانسى اسلوب الكتاب ، فأكتب بأسلوبى

To Be Is To Do

26-02-2013, 07:39 PM

بصى أنا رأئي ( خصوصا فى المواد الأدبيه )
إن الاجابه تكون بنص الكتاب بالظبط
طب ليه ؟ .. حاجات كتير منها

1) مش كل إللى بيصحح بيكون فاهم الماده فمعظم المدرسين بيبقوا ماسكين نموذج الإجابه وماسكين ورقه الطالب وبيقارنوا اه الحته دى كاتبها تمام درجه لا الحته دى مش كاتبها أنقصه رغم إنك ممكن تكونى كاتبه معناها لكن لا حياه لمن تنادى (( مش كل المصحيين بيفهموا ))

2) سيبك بق من إللى مش فاهم حاجه ونيجى لواحد بيفهم بيصحح بيبقى عايز حاجات معينه فى الإجابه بيدور عليها لاقاك كاتبها تمام درجه مش كاتبها بتنقص وساعات لما تعبر بإسلوبك مبتجبش نفس المعنى غللى بيبقى مطلوب

3) والأهم بقى : لما تحفظ من الكتاب بالنص بتدخل الإمتحان تحل تمام تمام تمام طب نسيت حاجه مش فاكرها من الكتاب بتبدأ تقولها باسلوبك ودى بتبتقى حاجات بسيطه كده .. طب انت اصلا مش حافظ بالنص وجيت فىالامتحان نسيت الكلام اللى حافظه باسلوبك كده مش تمام خالص

4) على حسب إللى بيصحح فيه مدرس كان معود الطلبه بتوعه انهم يعبروا بإسلوبهم فلما يصحح ورقتك حيبقى فاهم انك بتكتب باسلوبك فحيديك الدرجه وفيه مدرس كان متشدد جدا مع الطلبه انهم يحفظوا بنص الكتاب وساعتها مش حتعجبه اجابتك

5) الموادالأدبيه خاصه علم النفس والفلسفه الكتاب فيها مش مرقم الاجابه 1 2 3 فلما ييجى يحطوا النموذج بيرقموا الإجابه 1 2 3 وكل نقطه عليها درجه مثلا
فبيبص على النقطه 1 كاتبها تاخد درجه نقطه 2 نقطه 3 وهكذا فساعتها النموذج مش فى مصلحه الطالب لكن لو النموذج كاتب الكلام تحت بعضه دون ترقيم يبقى احسن لانه حيبقى كاتب مثلا 4 سطور فى المضمون وكذلك اجابتك فى نفس الرينج فحتاخد الدرجه كامله

الكلام مش مش تأليف ومش من وحى خيالى على فكره ده من مدرسين بيصحووا بقالهم سنين وعارفين المهزله إللى بتحصل فى عمليه التصحيح

شهد اليوسف

28-02-2013, 09:03 PM

علي فكرا انا دايما بكتب باسلوبي وفي الاحياء في الترم الاول عبرت عن اللي انا فاهماه وعادي وجبت 19 ونص من 20 الحمد لله يعني تقريبا بحسب المصحح وبعدين كدا كدا التعليم فاااااااااااااااااااشل وربنا يرحمنا

yolanda

01-03-2013, 01:23 PM

Best In World

02-03-2013, 09:55 PM

أنا بفكر بنفس الطريقة كل الكلام ده اتقلي و أنا مقتنعة بي جداً بس كنت عاوزة أعرف كل الطلبة زيي و لا لأ خصوصاً اني بضيع وقت كبير في الحفظ ده بعد الوقت الي ضاع في الفهم الجيد للمادة مع إن معظم المواد فهمها بسيط أوي (ما عدا الفزياء صعبة شوية لأني مباخدش درس) و حفظها كتير أوي !

لو فهمتي الدرس كويس جدا وذاكرتيه مرة واتنين هتحفظي أسلوب الكتاب دون أي مجهود

(بالقرآن نحيا )

02-03-2013, 10:10 PM

yolanda

03-03-2013, 08:38 PM

من رايي الكلام دا صحيح .. وبيحصل دائما .. ودا للاسف طبعا ..
ربنا يستر علينا
انا بجد زهقت من نظام التعليم دا.. انا انهارده كنت براجع احياء وقسما بالله حسيت اني بذاكرها لاول مره
بجد ربنا يتسر
انا مرعوبه:slap1qk6:

إحساس أنك بتذاكري لأول مرة تقريباً بيحصل عندنا كلنا فمش لازم تقلقي كلنا في مركب واحدة و الثانوية العامة مرض له نفس الأعراض و لازم تظهر علينا كلنا !!!

بس طبعاً الي جايين بعدنا مش هيعانوا المعاناة دي لأن النظام اتغير و أن رأيي إنه اتغير للأفضل ...

و أهلاً بيكي صديقة عزيزة ,أنا بكتبلك هنا عشان صندوق الرسائل الخاص بيكي مليان و محدش يقدر يرسلك أي حاجة ...

(بالقرآن نحيا )

07-03-2013, 05:51 PM

إحساس أنك بتذاكري لأول مرة تقريباً بيحصل عندنا كلنا فمش لازم تقلقي كلنا في مركب واحدة و الثانوية العامة مرض له نفس الأعراض و لازم تظهر علينا كلنا !!!

بس طبعاً الي جايين بعدنا مش هيعانوا المعاناة دي لأن النظام اتغير و أن رأيي إنه اتغير للأفضل ...

و أهلاً بيكي صديقة عزيزة ,أنا بكتبلك هنا عشان صندوق الرسائل الخاص بيكي مليان و محدش يقدر يرسلك أي حاجة ...

هههههههههههههههههههه;
كويس انك لفتي انتباهي بخصوص موضوع الرسايل
وانا بقول ما حدش بيعبرني ليه من اصحابي
هههههههههه
دا شرف ليا اني اكون صديقة ليكم
وبالتوفيق للجميع ان شاء الله
:022yb4::d:):friendsxs3:

yolanda

07-03-2013, 06:30 PM

هههههههههههههههههههه;
كويس انك لفتي انتباهي بخصوص موضوع الرسايل
وانا بقول ما حدش بيعبرني ليه من اصحابي
هههههههههه
دا شرف ليا اني اكون صديقة ليكم
وبالتوفيق للجميع ان شاء الله
:022yb4::d:):friendsxs3:

انا مبسوطة إني أتعرفت عليكي أكتر ... انا أصلاً منعزلة جداً و أصحابي قليلين أوي لأني مبخدش دروس و لا بروح المدرسة ... و أتمني ليكي و ليا التوفيق ...

(بالقرآن نحيا )

07-03-2013, 08:50 PM

انا مبسوطة إني أتعرفت عليكي أكتر ... انا أصلاً منعزلة جداً و أصحابي قليلين أوي لأني مبخدش دروس و لا بروح المدرسة ... و أتمني ليكي و ليا التوفيق ...

انتي جبتي كام السنه اللي فاتت؟
بصراحه اني استغربت انك مش بتاخدي دروس
:):friendsxs3:

yolanda

08-03-2013, 11:43 AM

99.02%

203 من 205

(بالقرآن نحيا )

08-03-2013, 03:24 PM

99.02%

203 من 205

ما شاء الله تبارك الله
ربنا يكرمك
شكلي انا الوحيدة الفاشلة اللي فيكوا
هههههههههههههههههه
ما شاء الله كل ما بسال حد يقولي 99 %
ربنا يستر عليا
شكلي اروح احول ادبي احسن
هههههههههه
بالتوفيق للجميع
:):friendsxs3::d

yolanda

08-03-2013, 04:20 PM

ما شاء الله تبارك الله
ربنا يكرمك
شكلي انا الوحيدة الفاشلة اللي فيكوا
هههههههههههههههههه
ما شاء الله كل ما بسال حد يقولي 99 %
ربنا يستر عليا
شكلي اروح احول ادبي احسن
هههههههههه
بالتوفيق للجميع
:):friendsxs3::d

متقوليش كدة أصلاً مش معني إنك ناقصة زادة شوية إنك أقل بالعكس ده فيه ناس تبقي عارفة الإجابة و تتلغبط أو متخدش بالها و هي ممكن تجيب 100 % و أنا نفسي كان عندي غلطة عبيطة جداً في امتحان الفرنساوي هي الي نقصتني و أكيد أنتي بردو نقصت في حاجات زي كدة

عموماً ربنا معكي ممكن الموازين تتقلب السنة الجاية و تجيبي 100 %

المهم تذاكري و تتوكلي علي ربنا و قولي لكل الي تعرفيهم يدعولك و يدعولي معاكي !

(بالقرآن نحيا )

08-03-2013, 07:49 PM

متقوليش كدة أصلاً مش معني إنك ناقصة زادة شوية إنك أقل بالعكس ده فيه ناس تبقي عارفة الإجابة و تتلغبط أو متخدش بالها و هي ممكن تجيب 100 % و أنا نفسي كان عندي غلطة عبيطة جداً في امتحان الفرنساوي هي الي نقصتني و أكيد أنتي بردو نقصت في حاجات زي كدة

عموماً ربنا معكي ممكن الموازين تتقلب السنة الجاية و تجيبي 100 %

المهم تذاكري و تتوكلي علي ربنا و قولي لكل الي تعرفيهم يدعولك و يدعولي معاكي !

انا دائما بقول
(وما توفيقي الا بالله )
انا اصلا ما استاهلش المجموع دا لاني مش بذاكر كويس :)

EyadError

12-03-2013, 02:05 AM

انا عن نفسى عمرى ما حفظت حاجه , اكيد فى حجات زى التعريفات و الحجات الثبته ديه لازم تتجفظ و لكن انا بفهم المعلومه صح و فى الامتحان بكتبها بطريقتى م غير ما انقص حاجه :022yb4::022yb4::022yb4:
ربنا يوفقنا كلنا السنه ديه و يجى الامتحا حلو :friendsxs3::friendsxs3: , اه صحيح حد خلص اى منهج فى اى ماده مع المستر , و فى حد خلص مذاكره اى ماده و بدا يراجع ؟