مشاهدة النسخة كاملة : خطورة تعليم الاطفال الكتابة قبل سن 7 سنوات
مسلمة22 05-01-2013, 05:19 AM السلام عليكم
خطورة تعليم الاطفال الكتابة قبل سن 7 سنوات
في ألمانيا والغرب عموماً يتعلم الطفل الكتابة بعد سن السابعة
عشان اعصاب ايد الطفل في سن قبل 7 سنوات بتكون لم تكتمل بعد
طيب مفروض يبقي الطفل في الحضانة بيتعلم عن طريق اللعب بس
وده اللي استحالة يحصل ، فين الحضانة اللي حتقدر تسيطر علي اطفال بيلعبوا ، لازم تديهم اي حاجة تشغلهم بيها زي تعليم الكتابة
عشان تبقي الحضانة مناسبة للطفل و يقدر يلعب بأمان عايزة عدد موظفين من مربيات و معلمات يكون عدد اكبر من عدد الاطفال ، و فين الحضانة اللي تقدر علي كدة
يعني مفروض اقل حضانة تكون ب 1000 جنيه في الشهر ، عشان الواحد لو جاب مربية بس في البيت حيبقي راتبها 1000 جنيه ، اما الحضانات اللي ب 50 جنيه في الشهر دي بتعمل ايه ، بتحبس الاطفال لغاية ما تيجي امهم تستلمهم اخر النهار
أطلق المتخصص في علوم الاتصالات الإنسانية والنفس البشرية المستشار في التنمية البشرية بمركز الراشد الدكتور فؤاد أسعد عطية مفاجأة من العيار الثقيل في الأوساط التعليمية بقوله إن تعليم الكتابة للأطفال دون سن 7 سنوات فيه ضرر كبير وذلك من خلال دراساته وأبحاثه التي امتدت 17 سنة في هذا المجال.
وقال عطية في مقابلة مع "الوطن" لدى حضوره لقاء علميا في جدة الأسبوع الماضي إن تعليم الأطفال الكتابة دون سن 7 سنوات غير صحيح فهو يؤثر على أعصاب الأطفال لأن العصب يكون في هذا السن غير ناضج مما ينتج عنه كره الأطفال للحروف لأنها ترتبط لديهم بالألم الذي ينتج من الضغط على العصب المرتبط مباشرة بالمخ.
وأشار إلى أن في ألمانيا قانون يمنع تعليم الأطفال الكتابة دون سن 7 سنوات ويتم استبدال تعليم الكتابة في رياض الأطفال بطرق كثيرة منها الرسم بالفرشاة والألعاب التي تساعد على تقوية عضلات وأعصاب اليد مثل استخدام المقص ومعجون الصلصال.
وذكر أن من أخطر أنواع تعليم الكتابة الذي يكون على ورق مسطر لأنه يضعف الجهاز العصبي ويولد عملية عدم الاتزان التي تنعكس سلباً على شخصية الطفل مستقبلاً وشدد على تعليم الكتابة على ورق أبيض غير مسطر لأنه يولد الاتزان في المخ حيث أكدت أحدث الدراسات التي قام بها في علم "الجرافولوجي" وهي تعني تحليل الشخصية من خلال الخط أن الكتابة مرتبطة بالمخ فمن خلال شكل الكتابة يحلل السلوك وكذلك علم الجرافوثيرابي وتعني إعادة الاتزان للخط مع مهارة الكتابة بالطرق الصحيحة حيث إنها مكتسبة ويعتمد عليها المسار التعليمي للمدرسة وبالتالي يعتمد عليها سلوك الطالب.
باهى833 05-01-2013, 07:49 AM في فرنسا يتعلم الطفل الكتابة فى سن ثلاث سنوات
albertstien3329 05-01-2013, 09:15 AM اللهم احفظ مصر من الفتن
مسلمة22 05-01-2013, 09:59 AM التعليم في الروضة في فرنسا
المناهج فى مرحلة روضة الأصفال
ان الهدف الأول والأساسى فى مرحلة روضة الأطفال هو مساعدة الطفل لكى يعتمد على نفسه ويستقل بذاته، و هذا يتم من خلال إكتسابه العديد من المعارف والمهارات. هذه المعارف تتمثل فى أن يكتسب الطفل لغة تحدث جيدة ومفهومة للأخرين، منهج تلك المرحلة يتمحور حول عدد من النقاط :
تعلم لغة التحدث و اكتشاف الكتابة
ان تعلم لغة التحدث أمر أساسى بالنسبة للأطفال فى تلك المرحلة لكى يستطيع المشاركة والتعبير عن نفسه من خلال الكلام، ان تعلم تلك اللغة يسمح للطفل بأمران : أولاً معرفة القواعد التى تتحكم فى تكوين الجملة بشكل صحيح، ثانياً تكسب الطفل مفردات لغوية جديدة. يتم التركيز على تعليم الطفل كيفية نطق الحروف الابجدية و كتابتها وذلك يتم فى المرحلة الأساسية المعروفة ب(CP).
إعداد الطفل لكى يصبح طالب
والهدف من ذلك هو جعل الطفل يستطيع أن يدرك ما يلى:
ما يجعله متميز عن الأخرين.
أن يتعلم كيف يعش كشخص.
أن يعيش و يتعايش مع الاخرين فى مجتمع تحكمه قوانين.
أن يعرف ما هى المدرسة و ما هو مكانه داخلها.
"إعداد طالب " هى خطوة من عملية تصاعدية تتطلب من المدرس أن يكون مرن وصارم فى الوقت نفسه.
تعليم الطفل كيف يعبر من خلال جسده
و فى هذه الجزئية يكتشف الطفل قدراته الجسدية وذلك من خلال ممارسة الأنشطة الرياضية المختلفة والأنشطة التى تحكمه قوانين بجانب أنشطة التعبير الفنى التى تتيح للطفل أن يكون صورة خاصة عن جسده. بالإضافة إلى أن الطفل يكتسب مهارات أساسية مثل المشى والتوازن، ويتعلم كيف يتعامل مع الأشياء المختلفة.
اكتشاف العالم
و فى تلك المرحلة يكتشف الطفل العالم القريب منه عن طريق ادراكه للعوامل الزمنية والمكانية المحيطة به؛ فالطفل فى هذة المرحلة يقوم بالملاحظة و يطرح العديد من الأسئلة. وهو أيضاً يتعلم كيف يفكر ويكون وجهة نظره الخاصة وأن يقدم أسباب معقولة لتدعيم وجهة نظره؛ و بهذا يصبح الطفل قادر على أن يصنف ويرتب ويصف الأشياء وهذا بفضل اللغة إلى جانب الطرق المختلفة لتقديم المعلومة عن طريق الرسم وعن طريق اللوحات التوضيحية. ويصبح الطفل بعد ذلك قادر على التمييز ما بين الكائنات الحية و الغير حية.
جعل الطفل قادر على الإدراك و التخيل و الإبداع
إن مرحلة روضة الأطفال تكسب الطفل الحواس الفنية الأولى وتنميها وذلك من خلال الرسم والأعمال اليدوية البسيطة من ناحية والموسيقى المُتمثلة فى الأصوات و السمع من ناحية اخرى . .[
________________________________________________
واضح من تعريف هدف التعليم في الروضة في فرنسا هو ان الطفل بيتعلم مهارات و انشطة حركية فقط ، و ان اقصي حاجة بيتعلمها هي كتابة ال 26 حرف
ــــــــــــــــــــــــــــــــــــــــــــــــــ ـــــــــــــــــــــ
دي اهداف التعليم الابتدائي في فرنسا
الأهدف الأولية فى تلك المرحلة هى ان يتعلم الطالب عدة أمور هى:
تعلم القراءة.
تعلم الكتابة باللغة الفرنسية.
معرفة الأرقام و تعلم العد.
تعلم كتابة الارقام ( من 1 الى 10).
تعلم الحساب بصورة بسيطة.
كدة واضح ان تعليم القراءة و الكتابة مش في مرحلة الروضة
http://ar.wikipedia.org/wiki/%D8%A7%D9%84%D8%AA%D8%B9%D9%84%D9%8A%D9%85_%D8%A7% D9%84%D8%A3%D8%B3%D8%A7%D8%B3%D9%8A_%D9%81%D9%8A_% D9%81%D8%B1%D9%86%D8%B3%D8%A7
Mr M.Saber 05-01-2013, 03:58 PM اعتقد هذا يرجع لطبيعة الطفل نفسة
Mr M.Saber 05-01-2013, 04:00 PM فهناك طفل يتقبل التعلم واخر لا يتقبلة
خالد نصار 05-01-2013, 04:05 PM مافيش بلد في العالم بتعلم الطفل في المرحلة الابتدائية لغة ثانية لأن علماء التربية أجمعوا علي خطأ هذه الخطوة وخطورتها علي اكتساب اللغة الأم
ابونرمين 05-01-2013, 07:09 PM عند تطبيق أى تجربة كمثال لابد لنا ألا نهمل البيئة والفروق الفردية والتكوين العصبى والنفسى،وهذا ما يختلف من دولة لأخرى ،ومن شخص لأخر،وخاصة فى التعليم
مسلمة22 06-01-2013, 04:53 AM فهناك طفل يتقبل التعلم واخر لا يتقبلة
هو فعلا ده يرجع للطفل نفسه بس ده بعد المرحلة اللي بيحددها الاطباء لتعليم الكتابة ، يعني اظن بعد سن 7 سنوات في طفل برضو حيبقي مش عايز يتعلم الكتابة او معنودش قدرة ، بس طبعا دلوقتي بيعتبروا الامية دي من اكبر الكبائر و الطفل ده مخير بين الموت و بين تعلم الكتابة
مسلمة22 06-01-2013, 04:58 AM مافيش بلد في العالم بتعلم الطفل في المرحلة الابتدائية لغة ثانية لأن علماء التربية أجمعوا علي خطأ هذه الخطوة وخطورتها علي اكتساب اللغة الأم
ما احنا بلد مش زي اي بلد ، احنا عندنا قانون فرعون ، مش هم هو صح و لا غلط المهم انه علم و ينفذ
مسلمة22 06-01-2013, 05:00 AM عند تطبيق أى تجربة كمثال لابد لنا ألا نهمل البيئة والفروق الفردية والتكوين العصبى والنفسى،وهذا ما يختلف من دولة لأخرى ،ومن شخص لأخر،وخاصة فى التعليم
اظن من الناحية الطبية و اكتمال نمو الطفل ده مش حيفرق من بلد لبلد ، رأي الاطباء هو اللي حيحسم القضية دي
مسلمة22 06-01-2013, 05:15 AM اطلق المتخصص في علوم الاتصالات الإنسانية والنفس البشرية المستشار في التنمية البشرية بمركز الراشد الدكتور فؤاد أسعد عطية مفاجأة من العيار الثقيل في الأوساط التعليمية بقوله إن تعليم الكتابة للأطفال دون سن 7 سنوات فيه ضرر كبير وذلك من خلال دراساته وأبحاثه التي امتدت 17 سنة في هذا المجال.
الكلام ده مش مفاجأة ولا حاجة ، انا قريتها في اكتر من مكان قبل كدة ، و بما انه في الغرب مش بيعلموا الاطفال مبكرا يبقي اكيد في ابحاث كتير عن الموضوع ده
بس للحقيقة انا مش لاقية المقالات اللي بتأكد الكلام ده دلوقتي رغم اني بدور عليها كتير
اتمني لو اي حد من الاخوة او الاخوات لقي المقالات دي يا ريت يدعم الموضوع بها
موضوع جميل قيم أفكاره جديدة
بارك الله فيك
مسلمة22 06-01-2013, 08:17 AM وفيك بارك الله
الاستاذة نجلاء علي 06-01-2013, 10:11 AM خطورة تعليم الاطفال الكتابة قبل سن 7 سنوات
في ألمانيا والغرب عموماً يتعلم الطفل الكتابة بعد سن السابعة
عشان اعصاب ايد الطفل في سن قبل 7 سنوات بتكون لم تكتمل بعد
هاتي ما عندك بالدليل فلا يوجد ثوابت في العلم فما نجده اليوم صحيح قد يثبت خطأه فيما بعد
أما الكتابة قبل هذا السن تكون خفيفة جدا فالهدف منها أن يعلم كيفية مسك القلم و رسم الحروف
طيب مفروض يبقي الطفل في الحضانة بيتعلم عن طريق اللعب بس
لأ ليس شرطا الكتابة فيتم تحفيظهم القرآن و الأناشيد الجميلة و يتعلموا مواقف جيدة
وده اللي استحالة يحصل ، فين الحضانة اللي حتقدر تسيطر علي اطفال بيلعبوا ، لازم تديهم اي حاجة تشغلهم بيها زي تعليم الكتابة
ياأستاذة في الحضانة يتم تقسيمهم الي مجموعات علي حسب السن و يلعبوا في الحوش و معهم مدرسة أو اثنين ليأخذوا بالهم من الأطفال
عشان تبقي الحضانة مناسبة للطفل و يقدر يلعب بأمان عايزة عدد موظفين من مربيات و معلمات يكون عدد اكبر من عدد الاطفال ، و فين الحضانة اللي تقدر علي كدة
يعني مفروض اقل حضانة تكون ب 1000 جنيه في الشهر ، عشان الواحد لو جاب مربية بس في البيت حيبقي راتبها 1000 جنيه ، اما الحضانات اللي ب 50 جنيه في الشهر دي بتعمل ايه ، بتحبس الاطفال لغاية ما تيجي امهم تستلمهم اخر النهار
في الحضانة اللي ب 50 جنيه في الشهر بل 20 جنيه أيضا يتم تقسيم الأطفال علي حسب أعمارهم و يتم تحفيظهم القرآن و الأناشيد أما الكتابة فليست أساسية و يوجد وقت للترفيه
جزاك الله خيرا
مسلمة22 08-01-2013, 04:21 AM هاتي ما عندك بالدليل فلا يوجد ثوابت في العلم فما نجده اليوم صحيح قد يثبت خطأه فيما بعد
أما الكتابة قبل هذا السن تكون خفيفة جدا فالهدف منها أن يعلم كيفية مسك القلم و رسم الحروف
طيب لما نقول مفيش ثوابت في العلم عشان ممكن اثبات خطأ الكلام ده ، طيب مش ده يخلينا لا نؤمن بأي حقيقة عشان جاز يجي اي حد و يثبت العكس
و بعدين الكلام ده قريته في اكتر من مكان بس بصراحة مش لاقية المقالات اللي تثبت
و بعدين ما التعليم في الدول المتفدمة ما بيبتدي بعد سن 6 سنوات ، مش هي دي الدول اللي احنا مقتبسين نظامنا التعليمي منها ، حتى لو مكانش مناسب حتي لو كان كله فشل ، طيب ليه في الحاجات اللي فيها مصلحة الطالب مش بنقلدهم
ياأستاذة في الحضانة يتم تقسيمهم الي مجموعات علي حسب السن و يلعبوا في الحوش و معهم مدرسة أو اثنين ليأخذوا بالهم من الأطفال
للأسف مبيلعبوش يا استاذه غير دقايق معدودة في اليوم ، فين ادارة الحضانة اللي عندها جيش من الموظفين اللي يقدروا يتابعوا لعب الاطفال ، تفتكري مدرسة و لا اتنين يقدروا يتابعوا 30 او 40 طفل بيلعبوا ، مستحيل
في الحضانة اللي ب 50 جنيه في الشهر بل 20 جنيه أيضا يتم تقسيم الأطفال علي حسب أعمارهم و يتم تحفيظهم القرآن و الأناشيد أما الكتابة فليست أساسية و يوجد وقت للترفيه
جهاز النطق في الطفل في سن 4 و 5 سنوات لم يكتمل لينطق الطفل بطريقة صحيحة
http://www.nquran.com/index.php?group=view&rid=2365
مسلمة22 08-01-2013, 04:29 AM الناشطات بتوع حقوق الطفل بيجرموا عمل الطفل عشان ده مجهود علي الطفل ، ايهما اكثر اجهادا للطفل انه يشتغل عمل خفيف زي مناولة الاشياء و شراء الطلبات ام الاشق هو مسك القلم ، يعني لما نشوف كمثال الطفل اللي بيشتغل مع مكانيكي و بنقول ده حرام و ***** للأطفال طيب الطفل ده لا يتعدي عمله مناولة العدد ، ايهما اصعب و اشق مناولة مفك ولا مسك القلم و الكتابة
طيب يا تري الطفل بيتعلم ازاي ما لا زم استخدام الثواب و العقاب ، طيب ايه هو العقاب اللي بياخدوه طفل 4 سنين ، بيضرب طبعا عشان يتعلم الكتابة ، يا بيضرب من ابوه يا من المدرس
طيب اذا كان في تعليم الصلاة الطفل يضرب و عنده 10 سنوات ، مفيش ضرب قبل العشر سنين
و ان كنت شايفة و الله اعلم ان تعليم الكتابة مفروض كمان يبقي في سن 10 كمان مش 7
mohamed hussein119 12-01-2013, 05:30 PM thaaaaaaaaaaaaaaaanks
مسلمة22 12-01-2013, 09:11 PM شكرا لمشاركتك
هويدااحمد76 18-06-2013, 05:00 PM عندنا حضانة بيت المال بتعلم الكتابة الاولاد فى سن 4 سنوات واللى ما يعرفس يكتب يضربوه
الاطفال قرايبي اتعقدوا مش عاوزين يروحوا للاسف اللى بيعلموا الاطفال دبلوم وغير مؤهلين
|