السلام عليكم



الاحتكار حرام و احتكار العلم اشد حرمة ، هي ليه الدولة بتحتكر العلم ، ليه بتحدد ان عشان تدرس العلم الفلاني لازم تجيب مجموع كذا ، طيب هو العلم ده ملك للدولة ولا ده ميراث الانسانية ومش من حق حد يمنع حد من دراسة هذا العلم



ليه الحكومة تمنع واحد من دراسة الطب ولا دراسة الهندسة ، هي كتب ومراجع الطب دي ملكها ، ما اللي جايب 50 % هو حر عايز يدرس طب ما يدرسه و اللي مش واخد ثانوية و عامة وواخد دبلوم ولا مش واخد اي شهادة دراسية برضو من حقه يدرس العلم اللي عايزه ، و اللي عنده 60 سنة ولا 70 سنة من حقه برضو يدرس اي حاجة عايزاها


طيب مش خسارة الطالب اللي جايب 95 % ومعرفش يدخل طب ، مش ده كان ممكن يبقي طبيب ناجح و يفيد البشرية كلها ، وممكن طالب تاني جايب 100 % وقدراته مش مناسبة لكلية طب بس هو المجموع اللي دخله و خلاص


طيب ازاي بقي تتنظم العملية دي عشان منلاقيش 2 مليون واحد عايزين يدرسوا طب و 2 مليون واحد عايزين يدرسوا هندسة



ازاي نقلل عدد طلبة الكليات عشان ميبقاش في فائض في الخريجين مش لاقيين شغل


1- الغاء التعليم المجاني ، دافعي الضرائب مش ملزمين يعلموا واحد في كلية طب ولا حتي يعلموا واحد في الحضانة ، مفروض كل واحد يصرف علي نفسه عشان يتعلم ، و كمان مش يصرف عليه ابوه ، هو الطالب مفروض يصرف علي تعليمه الا اذا كان ابوه قادرا و باختياره الحر عايز ينفق علي تعليم ابنه مش الحكومة بتجبره علي كدة



2- ان الدولة ترفع يدها تماما من الوظائف ، عشان متبقاش الوظائف الحكومية تكية ، و ناس بتاخد حصتها في المال العام بس عن طريق الوظيفة ، مفيش دولة فيها 6 مليون موظف غير في مصر


3- المعاشات و التأمين الصحي ده يبقي من حق جميع المصريين مش من حق موظف الحكومة بس ، و كدة يبقي الناس مش حتتقاتل علي الشهادة و الوظيفة



4- قانون العرض و الطلب هو اللي حينظم عدد الدارسين ، لما ناس كتير تدرس علم معين و بعدين يلاقوا نفسهم مفييش وظايف ليهم ، حيبتدي عدد اقل يدرس ، حنلاقي العدد اللي بيدرس علي قد الوظايف المطلوبة



5- اعلام الدولة مفروض يحترم كل المهن و يطلعها بصورة كويسة مش زي ما بيحصل دلوقتي ، بقي فيه مهن درجة اولي و مهن درجة تانية و مهن حقيرة و ملهاش قيمة و للأسف المهن اللي الاعلام بيعتبرها حقيرة هي المهن الحرفية اللي هي عصب الانتاج و اللي محدش يستغني عنها


6- مفروض نرجع دور الام و مكانها في بيتها مش زي ما لازم يجيبوا طفلة صغيرة و يسألوها انتي عايزة تطلعي ايه لما تكبري طبعا البنت مش فاهمة حاجة و تقول اي مهنة شايفاها قدامها حتقول ايه مدرسة دكتورة ، مفيش طفلة بتقول عايزة اطلع الام ، تعليم البنات ده مكلف و بياخد اماكن في الكليات و في الاخر هي مكانها هو بيتها

هو الطريقة الوحيدة المستخدمة عشان نحل مشكلة مارثون المجاميع ، و السبق علي الكراسي الموسيقية


الطريقة الوحيدة عشان الوزارة تدخل العدد المناسب لكل كلية هي طريقة الرعب ، طريقة ان احنا نجيب امنا الغولة و ابو رجل مسلوخة و نرعب بيهم الطلبة في كل امتحان ثانوية ليتكرر المشهد رعب و صراخ الطلاب و صدمة بل و يصل الامر للأنتحار و لا حول و لاقوة الا بالله الوزارة بتقتل الطلاب كل عام


ما هما لو عملوا الامتحان في مستوي الطالب المتوسط زي المعايير بتاعتهم ما حنلاقي نص الطلبة جايبين مجاميع لدخول الطب و الهندسة


يبقي حيقوم واضعي الامتحان بنتفيذ مهمة انتحارية و هي ان يحطوا اسئلة معقربة لا تخطر علي بال انس ولا جان ، بحيث يقللوا المجاميع


المهم ان مدرسي الدروس الخصوصية حفظوا الاسئلة الاجرامية بتاعت واضعى الامتحان و بيدربوا عليها الطلاب و عشان كدة بنلاقي طلاب كتير بيجيبوا 100 في المية و اكتر


بس علي مين واضعى الامتحان امام مهمة قذرة لا تعرف الاخلاق ، خلاص مفيش قدامهم غير انهم يحطوا اسئلة من برة المنهج و ساعتها طبعا الطالب يصاب بالرعب و يتلخبط و ممكن يخسر كام درجة من فقده لأعصابه ، و بعد الامتحان كالعادة التصريحات المعتادة حيتم توزيع درجات السؤال علي باقي الاسئلة



الي متى الظلم


ربنا يرحم الطلاب المساكين

للاسف كل شيء قابل للتغيير الا هذه المنظومة العجيبة والعقيمة التى ينظمها التعليم
كل الحوارات فى التغيير او احياء فكر مرن ما هى الا من قبيل الحوارات البيزنطية لا احد
يسمع لا احد يتكلم بجديد...............موضوع يستحق المناقشة والحوار ....مسلمة شكرااا لك

عندكم حق في كلامك التعليم بقى ذي ماتش الكره

أفكار جميلة فعلا

لكن

هل اعتبرتى التعليم الجامعى مجانى ؟
وكيف تطلبى الغاء التعليم المجانى وفى نفس الوقت مش عايزة احتكار للعلم
طيب ما ممكن طالب يكون متفوق وظروفه المادية لا تسمح له بالالتزام بمصروفات الكلية
مــــــــــاذا يــفـــــعل ؟

أما التعليم الحر فمن حق أى انسان أن يتعلم ما يريد فى مراكز خاصة
لكن الدولة عشان تدعم كليات الطب مثلا لازم تضمن ان الطلاب يستحقوا الدعم
فلابد من تحديد ضوابط لقبول الطلاب
الخطأ أنهم يعتمدون فقط على المجموع لأنه مقياس غير كافى

أما باقى الأفكار فعلا جميلة وتستحق النقاش والدراسة

مع اضافة ضوابط أخرى للكليات الخاصة

للاسف كل شيء قابل للتغيير الا هذه المنظومة العجيبة والعقيمة التى ينظمها التعليم
كل الحوارات فى التغيير او احياء فكر مرن ما هى الا من قبيل الحوارات البيزنطية لا احد
يسمع لا احد يتكلم بجديد...............موضوع يستحق المناقشة والحوار ....مسلمة شكرااا لك


لا ان شاء الله في تغيير في يوم من الايام ، الظلم لا يدوم و ان طال به الامد ، و لكل ظالم نهاية

عندكم حق في كلامك التعليم بقى ذي ماتش الكره


طبعا اسلوب التسابق علي طلب العلم و الدراسة في كليات معينة لم تعرف قبل ذلك في التاريخ ، كفار قريش معملوش كدة ولا ابو لهب ولا ابو جهل

طيب مش خسارة الطالب اللي جايب 95 % ومعرفش يدخل طب ، مش ده كان ممكن يبقي طبيب ناجح و يفيد البشرية كلها ، وممكن طالب تاني جايب 100 % وقدراته مش مناسبة لكلية طب بس هو المجموع اللي دخله و خلاص


طيب ازاي بقي تتنظم العملية دي عشان منلاقيش 2 مليون واحد عايزين يدرسوا طب و 2 مليون واحد عايزين يدرسوا هندسة



ازاي نقلل عدد طلبة الكليات عشان ميبقاش في فائض في الخريجين مش لاقيين شغل

شكرا ع الموضوع الهام
بس معروف هنا ف مصر ان مفيش حد بيشتغل الى عاوزه
تسالى المحامى كنت عاوز تطلع ايه يقولك مهندس
وتسالى المهندس يقولك كنت عاوز اطلع دكتور

الحال كده ف مصر ومش هيتغير ولا حد هيقدر يغير التعليم

ازاى بتطالبى الغاء التعليم المجانى وف نفس الوقت بتطالبى بعدم احتكار العلم
ده بيساعد الطالب الفقير واملتفوق ف نفس الوقت انه يدرس

عجبانى جدا النقطه السادسه وفعلا هامه جدا
تسلم ايدك ع الموضوع الهام

هل اعتبرتى التعليم الجامعى مجانى ؟
وكيف تطلبى الغاء التعليم المجانى وفى نفس الوقت مش عايزة احتكار للعلم
طيب ما ممكن طالب يكون متفوق وظروفه المادية لا تسمح له بالالتزام بمصروفات الكلية
مــــــــــاذا يــفـــــعل ؟


في الحالة دي ممكن يبقي في مؤسسات خيرية تساعد الطلبة المتفوقين ، او هو يشتغل و ينفق علي نفسه ، لكن دافع الضرائب مش فرض عليه انه ياخد من عرقه و تعبه عشان يصرف علي طالب نفسه يدرس في كلية معينة ، في حالة واحدة ممكن الدولة تنفق علي التعليم ، اذا كان في مجال معين في نقص في عدد الراغبين لدراسة هذا المجال ممكن ساعتها الدولة تنفق علي الطلبة عشان تشجعهم علي الدراسة دي


مفيش حاجة حتلغي رعب الثانوية غير ان كل واحد يتعلم علي نفقته و بكدة حيقل عدد المتقدمين للكليات ، يا اما بقي الوزارة كفيلة بأن تقلل عدد المتقدمين بالطرق الاجرامية بتاعتها

زيادة عدد الخريجين هي اللي حولت الطب لتجارة هو في مصيبة اكتر من كدة ، ده علي سبيل المثال و الفساد في كل مكان بسبب الزيادة المهولة في مهن المجتمع مش محتاج العدد ده كله

عجبانى جدا النقطه السادسه وفعلا هامه جدا
تسلم ايدك ع الموضوع الهام



جزاكي الله خيرا

كلنا بنتكلم عن التتار ووحشيتهم لما غرقوا مكتبة بغداد و رموها في النهر ، و من جلهلهم كمان مخدوش الكتب لا دول رموها


و محدش مستغرب من الحكومة اللي بتفرض قيود غير ادمية علي دراسة العلم ، ازاي اللي جايب 95 % ميدخلش طب ، علما بان اساتذة كلية الطب الحالين ناس منهم دخلوا الطب بمجموع 74 % زمان


مفيش حل غير الغاء سيطرة الدولة علي العلم ، و تحويل الكليات اللي جامعات خاصة

و ساعتها الواحد لما ميدخلش الكلية عشان هو فقير احسن من انه ميدخلش عشان ناقصله نص درجة و بعد كل ما اجتاز بيت الرعب اللي عملاه الوزارة

من ضمن غرائب وزارة التعليم

ان الطالب لو جايب الدرجة النهائية في مادة ميقدرش برضو يدخل الكلية اللي عايزاها غير برضو بشرط المجموع


يعني الطالب اللي جايب النهائية في مادة الفزياء ازاي مش من حقه يدخل كلية علوم ، ليه نستني لما نشوفه واخد كام في الفرنساوي و في العربي


الطالب اللي جايب النهائية في التاريخ ازاي ميدخلش تربية او اداب قسم تاريخ ، بدون النظر الي شرط المجموع


ده مش بس النهائية ده ابتداء من 90 في المية من درجة المادة برضو من حقه برضو


عشان نعرف بس ان الوزارة عايزة تعجيز الطلاب مش تعليمهم

موضوع جميل يستحق النقاش
ولكن لي بملاحظة
إلغاء التعليم المجاني - وهكذا سيصبح الفقير فقير والغني أغنى ويشرد أطفال الفقراء - .
وإن ترك الباب مفتوح سيدخل الجميع وتظل المنظومة التعليمية في مصر بلا هدف
ولماذا لم ندرس في الثانوية العامة العلوم الفعلية والتي يدرسها جميع الطلاب كما في الصف الاول الثانوي
ولا يوجد فرق بين علمي وأدبي وتعمل المعامل الموجودة داخل المدارس ويعمل الطالب بكل جهد وإجتهاد حينها سنحصد ما نريد
فكيف بالله عليكي أن تزرعي الأرض أرز وتريدي أن تحصدي قمح
ليس معنى أنني أريد أن أكون طبيب بأنني أعشق الطب وأريد أن أتفوق
فالكثير يعشق الطب لكيان الطبيب ولما يرى ويشاهد بأن الطبيب - مليونير -
فلنبدأ بالتعليم الأساسي وننمي عقول أطفالنا
ثم التعليم الثانوي ومن ثم يكون هناك إختبار قدرات ومن يجتازه فليلحق بالكلية التي يرغب بها
فهناك العديد ممن كانوا يتمنون كليات بعينها ودخلوها ولم يتخرجوا منها إلا بعد عدة سنوات ومنهم من قام بالتحويل لكلية أخرى

إلغاء التعليم المجاني - وهكذا سيصبح الفقير فقير والغني أغنى ويشرد أطفال الفقراء -


بالعكس الحكومة لو بعدت عن التعليم ، التعليم حيبقي احسن ، و الفقير حيتعلم احسن ، الحكومة بتفرض علي الطلاب تعليم 14 سنة قيل المرحلة الجامعية ، و هو الطالب الذكي محتاج 14 سنة بحالهم عشان يتخصص في علم معين

بالعكس اانا شايفة ان التعليم لازم يكون شئ اساسى مش نلغى التعليم المجانى ممكن اقولك كدة لو ظروفنا الاقتصادية احسن

بس للاسف لا احنا فى بلد 60 % منها فقراء وده معناه ان نسبة الجهل هتزيد

الحل فى اصلاح المدارس والمدرسين واعادة تأهيلهم والاعتماد على الدراسة العملية ودخول الجامعة يكون باختبار القدرات يحدد قدرة الطالب على دخول الكلية اللى هو عايزها لو منجحش فيه يبقى هو فعلا غير مؤهل لدخولها وبالتالى مش نسبة كبيرة هى اللى هتدرس

مفيش دولة تقدر تصرف علي تعليم مجاني لملايين الطلاب و ادينا شايفين النتيجة

تعليم البنات ده مكلف و بياخد اماكن في الكليات و في الاخر هي مكانها هو بيتها

بجد لاتعلييييق ع الجملة دى !!!!!!!!!!

ليه العنصرية يعنى ؟؟!

مش عنصرية ولا حاجة
هل يعقل ان انسان يقعد يدرس طب طول عمره و فى الاخر نقوله خلاص قررنا نعينك مهندس
ده بالظبط تعليم البنات
في الاخر بتبقي زوجة و ام و بدل ما تتعلم ازاي تربي ولادها ، تتعلم حاجات مش حتنفعها