هل من تفسير ايها الاخوه الاعضاء لهذه الظاهره الغريبه التى اصبحت من شيم بعض مدرسى الازهر وخصوصا القدامى منهم الا من رحم ربى ؟؟؟ انا اراقب فى الدور الثانى فى والحظ ان الغش واجب علينا وكلما حاولت ان اصلح من حال اللجنه يطلع لى فى البخت بعض الزملاء اللى بيردو عليا ويقولولى هنعمل اللى احنا عايزينه وللاسف كلهم مدرسين شرعى !!!!!!!!!!!!!!!!!! وللاسف الشديد رئيس اللجنه ( شرابة خرج ) كما يقول المثل البلدى بتاعناولا يفهم اي شىء ,,,,,,,,, فى النهايه لى رجاء عند الجميع ان يدعولى ان ربنا يخرجنا من اللجنه دى على خير لانى كل يوم اتخانق مع اعضاء اللجان لانهم بيخلونى مشرف دور

ياسيدى انا دائما الغى خطاب المراقبة بسسب ذلكرغم الفائدة المادية ولكن ......ماذا نفعل فى جسل تربى على ذلك

أصبح مفروضاً ..!

نأسف كثيراً حينما نقرأ ذلك

لكن .. الله المستعان

فليغير كل منا ما يقدر على تغييره ..

بالتوفيييق

الحمد لله فى معهد بنين دمياط فى دمياط مننعنا الغش فى الدجور الثانى والنتيجة رسوب 150 طالب وبالرغم من كل الصعوبات التى واجهناها بعد رسوب هذا العدد اصبحنا قدوة لكل معاهد دمياط وسوف تعمم تجربتنا العام القادم فى كل المحافظة

ربنا يصلح حال الازهر مؤسسة وافراد

ولما تلاقي اهل العيال مستنينك بالمطواي والسكاكين تحت هتعمل ايه؟ يا تري هتضحي بروحك عشان شويه عيال ميسساووش ربع جنيه وتحرم اهلك منك وعيالك تتشرد بعدك لو حصلك حاجه لما يكون في امن واداره سليمه اعصرهم وانت مطمن يعني النهارده مثلا علي الرغم اننا غششنا العيال ولاقينا ابوهم البلطجي بره بيتصل بناس ويقولهم العيال محلتش حاجه ولولا ربنا ستر كان العرب هجموا علينا امال بقي لو مش غششناهم صحيح لانهم مبيعرفوش يكتبوا ولا يساوا بريزه يعني دول ميتين ميتين اساسا

لاتغشش وربنا يحميك الله معنا

للاسف الغش ليس فى الشهادات فقط و لكن ايضا فى النقل
حسبى الله و نعم الوكيل
انا نقلت من معهد بسبب الموضوع ده و للاسف حتى الموجهين خاص فى ابتدائى يستقصدوك لانك مش بتغشش
ربنا يثبتنا و يصلح الحال من عنده
لو سمحتوا لو حد يقوللى على وظيفة غير التدريس و يكون مكان محترم و مرتب مناسب يكون كتر الله خيره
انا مدرسة انجليزى و عملت دبلومة فى اللغويات و معايا icdl و toefl