انا اخوكم فى الله محمود داخل تالتة ثانوى للاسف جبت 94% فى تانية رغم مجهودى الكبير بس الحمد لله :( المشكلة انا نفسى الحق هندسة القاهرة او عين شمس و حاسس ان فرصتى ضعيفة جدا انا كان كل مشكلتى كانت فى العربى و الانجليزى انا العربى مش بعرف اذاكرة كويس عامل زى السبرتو بيتنسى بسرعة و الانجليزى للاسف معنديش اساس فية اوى لكن الحمد لله كنت جايب درجات حلوة فى math1 و chemistry و الفرنساوى ف انا اتمنى حد يقلى طريقة كويسة لمذاكرت العربى و الانجليزى عشان مكررش نفس الغلط و يا ريت الى هيرد عليا يراعى ان هيبقى عندى physics و math2 يعنى انا مش سوبر مان :d نفسى انظم الوقت بس مش عارف و اسف على الاطالة بس خايف حلمى يضيع :(

ان شاء الله هتلحق باذن الله
بالنسبة للعربى هوا محتاج حفظ ومراجعة
القصة لو قريتها مرتين قبل ماتبدا الدراسة والشغل الجد
هتفضل فاكر احداثها وده هيساعدك كتير
والقراءة سهلة س و ج
والنصوص محتاجة تركيز وفهم مع مراجعة من وقت للتانى
الادب بقى كتير شوية:d
بس ان شاء الله يتحفظ
انا حاسة انه بالرغم من انه كان كتير الا انه كان اسهل من ادب تانية
النحو بيتهيالى ده بيعتمد عليك وده يعتبر تراكمى
وبردو لو مكنتش اوى فيه الحل الكتير هيسهل عليك
والبلاغة شغالة وبتدرب عليها مع المدرس بتاعك
بالنسبة للانجلش انا شايفة انه سهل
كلمات ومفيش غير قاعدتين تلاتة جداد
والقصة لذيذة
بالتوفيق ان شاء الله
اتمنى اكون افدت حضرتك

ان شاء الله ربنا وفقك وتلحق هندسة
اولا انا هبعت لحضرك رابط فية شرح منهج اللغة العربية بطريقة حلوة اوى انا كنت بعتمد علية اعتماد كلى ومش بيخرج منة الامتحان
وكنت بذاكر العربى اخر شهر وفية كل الى هتحتاجة فى العربى من نحو وكل حاجة
اما الانجلش دا لازم تحفظ كلمات كتير علشان تساعدك على الترجمة والحل وكل القواعد تذاكرها وتحل عليها اول باول
دا رابط العربى يارب يفيدك
http://medhatfouda.8m.com/new_page_3.htm

مذاكره العربي والانجليزي مشكله كل طلبه ثانويه عامه تقريبا
انا واحده منهم بجد العربي كان بيعذبني , بس الحمد لله
بالنسبه للعربي ذاكر كل حاجه فيه أول بأول ومتاخرش في أي حاجه ومتحاولش تراجعه من الاول لوحدك بعد المدرس ميبقي في نص المنهج لأنك هتتعقد . راجع معاه بعد متخلص منهج خالص .
والانجليزي اهم حاجه فيه الجرامر بس ركز فيه وحل عليه كتير أما بالنسبه للمصطلحات والكلمات وثراء اللغه نفسها ف دا شغلك انت وعليك انك تحفظ كلمات اضافيه كتيـــــــــــــــــر عشان تبقي متمكن من اللغه .
دي كانت طريقتي في مذاكرتهم والحمد لله 59 عربي 49 انجليزي

شكرا لكل الى رد بجد المشكلة مش فى الشرح النسيان بس يعنى انا ممكن احفظ و انسى بسرعة

ان شاء الله تلحق هندسة وتكون مهندس مشهور
عشان مشكلة النسيان دى متحفظش العربى قراءة بس وانت بتذاكره اكتبه بورقة وقلم ومثلا خلى لكل جزء حاجة معينةتميزها ليك فى دماغك عشان تعرف تفتكرها تانى
دا العربى وبالنسبة للنحو حل قطع نحو كتير خلص 100 قطعة ال فى كتاب الامتحان وفى قبلهم قطع خلصهم كمان
ساهلين حل مثلا كل يوم قطعة عشان تنشط الذاكرة بس مش اكتر عشان لو اتركن هتنساها انا برده كان معايا فيزكس وماس 2 وخلصت 90 قطعة تقريبا من الامتحان
اما فى الانجلش فخلى كل اهتمامك على الكلمات عشان الترانسليشن دا اهم حاجة وعشان القطعة برده واكتب برده براجرافات عارفة انك مش هتلحق تكتب كل يوم واحد اكتب مثلا كل اسبوع او كل اسبوعين المهم تكتب عشان تمرن نفسك كويس وتستخدم الكلمات ال حفظتها فى البراجراف وربنا معاك

لا ان شاء الله هتلحق هندسة
العربي في تالته بيكو سهل جدا والله اسهل من تانيه كتير
بالنسبه للانجليزي احفظ كلمات كتييير وذاكر الجرامر

ربنا معاك انا كنت جايب 97 فى تانية وجيت فى تالتة جبت مجموع زى الزفت 95