السلام عليكم

ازيكم يا جماعة انا جبت ف 3 ثانوى السنادى 93.7 و مش عرفة اخش اية ماما و بابا محبطنى جدااااااااااا و اريبنا و اخوتى كلهم نفس الكلام

نفسى اخش كليةمن كليات القمة و محدش راضى كل الى على لسنهم هتشتغلى اية بعد كدة

خشى تربية تربية احسن حاجة للبنت

طب انا مجموعى ممكن يجيب السن او اعلام

و كل شوية هتروحى و بعدها هتشتغلى اية هتعدى بعد كدة من غير شغل و كل الشغل عاوز وسطة


انا تخنقت والله

و بابا يعد يقولى ادخل ىتربية انجليزى و انا مليش ف الانجليزى و مش بجبة خالص بجد والله انا مش عرفة اعمل اية واخد بكلام مين و اكتب اية ف الرغبات و اخواتى يقولوى ادخلى تربية نوعية موسيقية زىيهم و اله اتخنقت عوزة حد يقولى اعمل اية ؟؟ ب

حد يقولى و يرد علية

انا شايفه كليه الالسن جميله وليها فرص شغل كتير لان اللغه هى اللى ماشيه دلوقتى وانا ناويه ادخلها ان شاء الله السنه الجايه وتربيه برده مش وحشه بس خساره مجموعك يروح على الفاضى لو دخلتيها وربنا يوفقك يا رب;)

انا اصغر منك بس حقولك رأيي وانتى شوفى
اعتقد بالنسبة لاعلام و السن

اولا على ما اسمع ان كلية السن مجالات عملها كتيييييير جدا لان عموما اللغات مطلوبة فى اماكن كتير فممكن تبقى مترجمة او تشتغلى فى شركات التصدير والاستيراد او مدرسة للغة اللى اخدتيها او فى السفارات والقنصليات او فى السياحة وحجات تانية ..

بالنسبة لأعلام معرفش تفاصيل عنها اوى(شوفى فى جوجل احسن)

لو انتى حابة السن او اعلام وحاسة انك حتبقى ناجحة فيها خشيها
خشى الحاجة اللى انتى حباها
وبخصوص والد حضرتك وكلية تربية .. طيب ماهو ممكن من السن تطلعى تشتغلى مدرسة لغات برضه لو حبيتي برضه بالعكس اعتقد السن مجالاتها كتير اوى عكس تربية فقط

من الأخر .. خشى اللى انتى حباه وعاوزاه
وصلى استخارة :d

انا اصغر منك بس حقولك رأيي وانتى شوفى
اعتقد بالنسبة لاعلام و السن

اولا على ما اسمع ان كلية السن مجالات عملها كتيييييير جدا لان عموما اللغات مطلوبة فى اماكن كتير فممكن تبقى مترجمة او تشتغلى فى شركات التصدير والاستيراد او مدرسة للغة اللى اخدتيها او فى السفارات والقنصليات او فى السياحة وحجات تانية ..

بالنسبة لأعلام معرفش تفاصيل عنها اوى(شوفى فى جوجل احسن)

لو انتى حابة السن او اعلام وحاسة انك حتبقى ناجحة فيها خشيها
خشى الحاجة اللى انتى حباها
وبخصوص والد حضرتك وكلية تربية .. طيب ماهو ممكن من السن تطلعى تشتغلى مدرسة لغات برضه لو حبيتي برضه بالعكس اعتقد السن مجالاتها كتير اوى عكس تربية فقط

من الأخر .. خشى اللى انتى حباه وعاوزاه
وصلى استخارة :d


تروح مامتى ردة علية و تقولى لا طب مانتى تدخلى تربية و تطلى منها مدرسة شوف مقفلهالى من كل نحية

صلي استخارة يا أخت

وبعدين ماتيأسيش كدا شوفي انتي حابة ايه ، وبعدين السن ماشاء الله ناس كتير داخلاها
وفي الاخر هقولك بردوا خشي اللي انتي حاباه وصلي استخارة بردو عشان ربنا يرشدك

وسيبك من كلام الناس على اي حال هيكلموا هيكلموا

تروح مامتى ردة علية و تقولى لا طب مانتى تدخلى تربية و تطلى منها مدرسة شوف مقفلهالى من كل نحية
طيب قوللها ما ادخل السن واطلع منها مدرسة وحتبقى ليا فرص فى اشغال تانية
يعني تربية = مدرس وانتهينا
السن = ممكن مدرس ممكن شغل السياحة ممكن شغل الترجمة وحجات كتير يعني

مدام انتى حابة السن ادخليها
مدام حابة اعلام ادخليها
مع العلم ان تربية مهنة كويسة برضه
صلى استخارة وادخلى اللى انتى عاوزاه عشان تقدرى تنجحى فيه

انا شايفة ان باباكي رأيه سليم بالنسبة لتربية انجليزي
و السن حلوة جدا بس اعلام مش عارفة

انا راي تدخلي كلية بتحبيها احسن متدخلي كليه مش عجباكي ومش هتقدري تتفوقي فيها
حاولي تقنعيهم ان دة مستقبلك انتي وانك بتحبي الاعلام او الالسن وان هترتاحي فيها واكيد هما عايزين راحتك
وعلي موضوع الشغل متقلقيش ربنا هو الي بيوزع الارزاق
ممكن واحد يبقي خارج من معهد ويلاقي شغل وواحد خارج من هندسة حكومة ويقعد علي القهوة
مفيش كليه ملهاش مستقبل
هي مسئلة نصيب وقدر
وربنا يوفقك

سبحان الله !
حاسة اني داخلة موضوع بيتكلم عن مشكلتي أنا
عموما مش هاطول عليكي ..
انا بصراحة ان شاء الله ناوية على السن لأني بحب دراسة اللغات و هي فعلاً ليها مجالات شغل كتير و يا سلام بقى لو اجتهدتي في دراسة اللغات دي و اتقنتييها و جبتي تقدير كويس هاتشتغلي هوااا و يوم ما تتسد اوي في وشك هاتشتغلي مدرسة
بابا و ماما بيقولولي نفس الكلام بس انا بحاول اقنعهم و حاسة اني بدأت فعلا اقنعهم
اعلام بقى مش هاقدر افيدك فيها .. بس بجد حاولي تدرسي في مجال انتي بتحبيه علشان تضمني النجاح فيه و باذن الله ربنا هايوفقك و هاتقدري تقنعيهم ..

والله وانا كمان
بس انا خلاص جبت آخري

ادخلى الكليه اللى انتا عايزاها
لانك انتى اللى هتدرسى وتذاكرى
وطالما انتى عايزاها هتقدرى تنجزى فيها وتتفوقى
ربنا معاكى ويهديكى للصواب :)

الالسن فرصة الشغل فيها كويسة