مشاهدة النسخة كاملة : اقسم بالله حرام


ahmed H capo
12-06-2012, 11:16 PM
والله العظيم حرااااااااااااااااام
انا عكيت في العربي والtrig
اقسم بالله معايا بلاك بيري وكنت بسيبه في البيت او بسلمه للمراقب عشان نويت اني مغشش واكون بمجهودي
والنتيجه ان كله بيجي بالبلاك بيري ويخبيه وينزل الحمام يحفظ كل الاجابات ويطلع يظبط الدنيا
حراااااااااااام بجد انا معايا ناس في الدفعة بتحشش وبتقلب فلوس الدروس وضااااااايعة ويخرج يقولي انا قفلت وانا اللي ذكرت 9 شهور هنقص ولا 6 درجات بجد حرااااااااام الوزير دة عار علي التعليم ومن الاخر احسنله يستقيل لانه كدة هيبته راحت وملوش لزمه كله بالغش بيعدي
وفي الاخر انا هجيب مجموع زباله والتنسيق يجي ازبل واخش كلية مش بحبها واللي غش يخش الكلية اللي كان نفسي فيها ومش هيذاكر فيها
انا عمري محسيت بالظلم زي السنة دي بجد مخنوق ومش عارف اذاكر حتي الفرنساوي بتاع بعد بكرة مش قادر خلاااااص
وعلي فكرة انا الصبح الساعة 8 روحت المدرسة لقيت واحد ماسك ورقه بيقلي هو دة الامتحان وقالي هات 60 جنية وادهولك دلوقتي مردتش وقولت فاكس طبعا ولما دخلت الامتحان فوجئت ان هو فعلا نفس الامتحان بس كان ناقصة 5-b بس
يعني كمان الامتحانات بتتباع ولا عصر مبارك :(
انا بكلمكم وانا محبط خلاص كان طموحي 95 وكنت تعبان اوي السنادي بجد
دلوقتي لو بقيت في التمنينات يبقي الحمد لله

Osama Saeed
12-06-2012, 11:45 PM
متخافش ان شاء الله تتعوض فى المواد التانية
متقلقش ان شاء الله خير :)

doha94
13-06-2012, 09:03 AM
والله ما حد قدنا السنه دى خالص احنا اتنفخنا فى العربى والانجليزى
واللى هيشلنى بتوع البلاك بيرى بس ربنا مش بيضيع تعب حد
ولسه ناقص 4/3 الموااااااااااد يعنى المجموع لسه قدامنا
معلش هتنقص 5 او 10 عربى وتفاضل شد حيلك كده وقفل الباقى ولو راجعت من المنتدى الاجابات النموذجيه هما مش بياخدوا بيها اصلا يمكن اجابتك صح برده ويحسبوهالك متقلقش نفسك وشد حيلك فى الباقى
حاول تقفله وانا كمان هعمل كده لان حرام ناس تانيه تاخد مكانا

Dr..Soha
13-06-2012, 09:07 AM
انسى اللى فات وركز على اللى جاى هما دول اللى بيبقى فيهم الدقة فى التصحيح.

&الوردة الزرقاء&
13-06-2012, 10:14 AM
انت ذاكرت وتعبت وربنا مش هيضيع مجهودك
واحسن حاجة انك مابتغشش مادام عملت حساب لربنا ربنا هيكرمك ويوفقك وماتقولش ازاي
اللي ربنا عايزه هيكون
ركز في اللي جاي ومالكش دعوة بموضوع الدرجات ده

وبالنسبة للي بيغشوا وهيجيبوا مجموع مش من حقهم
دول ناس فاشلة اساسا وحتى لو دخلوا كلية هيفشلوا فيها وماحدش بيقدر يقضي عمره كله غش هيجي يوم وكل واحد يتكشف وربنا مابيسبش حد
سيبها على الله وربنا هيعوضك كل خير وخلي املك في ربنا كبيير
http://www.thanwya.com/vb/images/icons/icon7.gif

*تائبة فى رحاب الله*
13-06-2012, 10:40 AM
عمر مهيكون اللى مذاكر وتعبان كول السنة اد اللى غش الامتحان ومقضى السنة لعب
(ان الله لايضيع اجر من احسن عملا)المهم تكون انت عملت اللى عليك ومتعلقش حجتك على الناس اللى بتغش
ربنا هيوفقك باذن الله سيبك من الشبهات دى وركز فى باقى المواد اللى جاية وربنا معااااااااااكم

sanafapss
13-06-2012, 10:52 AM
حبيبى انت طالما تعبت اترك النتيجة لله ....وكما نعلم جيدا ان من جد وجد ومن زرع حصد ....ومع نفس راى الوردة الزرقاء

sameh mostafa
13-06-2012, 02:16 PM
احمد شفيق احمد شفيق
احمد شفيق احمد شفيق
احمد شفيق احمد شفيق
احمد شفيق احمد شفيق
احمد شفيق احمد شفيق

yooma
13-06-2012, 03:14 PM
ركز في اللي جاي
ومتخليش الاحباط يضيعك
زاكر وانت ربنا هيوفقك