بصوا انا مبحبش اتكلم عن حاجه زي دي ابدا بس لو حسيت انها ممكن تفيد حد فهقول:
انا خلصت امتحانات اولى ثانوي ف شهر ميو 2009 ووالدي توفى بعدها ع طول يوم 10/6/2009
والدي كان كل شيء في حياتي بمعنى الكلمه ووفاته سببتلي تغير كبيييير ف شخصيتي وتعاملاتي مع الناس بقيت من يومها كثير الجدال برخم ع الناس بدون سبب
دا غير بقى انه توفى قبل تانيه ثانوي بشهر
دخلت الدراسه وانا حالتي المعنويه بايظه مكنتش بذاكر خااااااالص ولا كنت بروح اصلي ف المسجد زي الاول ولا اي حاجه كنت ضايع جدا ف الكيميا والفرنساوي والعربي انما الرياضه لا كنت كويس فيها لأن والدي الله يرحمه كان مأسسني فيها كويس بما انه كان مهندس يعني
المهم قعدت لحد شهر يناير يعني زي دلوقتي وانا مبذاكرش خالص بمعنى خالص وماعرفش حاجه خالص ف الكيميا والفرنساوي
لحد ما اصحابي ربنا يجازيهم عني كل خير مسكوني من ايدي وبدأوا يرجعوني للمسجد اصلي معاهم ومره ف مره قالولي يا احمد عايزين نذاكر كلنا بعد الفجر رياضه
هم قالوا كدا عشان انا شاطر ف الرياضه فعايزين يذاكروها معايا
انا قولتلهم اوك بس بشرط يبقى يوم رياضه ويوم كيميا قالوا موافقين يعني كلنا نساعد بعض
ومشيت حياتي من يومها كل يوم نصحى نصلي الفجر وبعدها نذاكر بتاع 4 ساعات كدا ولا حاجه مع بعض وبعدها نروح نقعد شوية ع النت يعني كنا عايشين حياتنا بس المهم صلتنا بربنا والمذاكره اولا ثم كله يأتي بعده
ومع شوية تنظيم وقت
يبقى الصحيان ع طول ف الفجر
صلاه وبعدها مذاكره شوية
وبعدها نرفه عن نفسنا شوية
نرجع نذاكر
عندنا درس نروحه
يعني اقصد كان لينا نظام ماشيين بيه مش اكتر التنظيم اهم شيء ف الوجود
والاهم من التنظيم هو اختيارك لأصدقائك يعني انا لولا اصحابي دول كان زماني ف اي معهد مع احترامي للجميع يعني
المهم وبقينا نذاكر كل يوم من اول شهر اتنين تقريبا
ناخد يوم كيميا ويوم رياضه
يوم الرياضه نحل فيه على باب كامل من كل الكتب واحن كلنا سوا اللي ميعرفش مسأله التاني يساعده فيها ونستفيد كلنا
ويوم الكيميا نذاكر باب كامل ونحل عليه الاسئله اللي بعده من كتاب الامتحان ونحل عليه امتحان شامل وامتحان شامل ع كل الابواب اللي قبله مع بعض
ونيجي اليوم اللي بعده ناخد باب جديد
لحد ما خلصنا الكيميا سوا حوالي 3 او 4 مرات
وحلينا عليها كتير
وعشان كدا الحمدلله بعد ماكنت ضايع ف الكيميا
جيبت 49.5 من 50
وهم الاتنين جابوا 50 من 50
يعني انت وقتك من دلوقتي نفس الوقت اللي كان معايا
بس انا مفقدتش الامل واصحابي ساعدوني فعرفت اعدي
انت لازم تعرف مين صاحبك بجد اللي يقدر يقف جنبك او مش لازم انت لوحدك
وصدقني انت وهو انتم مهما كان مستواكم بالنسبة لشهر يناير افضل من مستوايا وقتها
والدليل انكم داخلين تسألوا ازاي نذاكر ونعوض اللي فاتنا يعني اقصد ان التعليم ف دماغكم انما انا مكانش ف دماغي خااااااالص
المهم ف اي يوم من الايام
اياك وفقد الامل
لو عندك 5 دقايق فاضلينلك ع الامتحان وانت مش مذاكر ممكن تشوف كام سؤال بالحظ ييجوا ف الامتحان
المهم ابدا من النهارده وانسى كل اللي حصلك وفكر ان انت كأنك بتبدأ ثانويه من جديد
بس مش هتضيع ولا يوم فيها
وصدقني لو عملت كدا ووثقت ف ربنا وفي نفسك
عمر ربنا ما هخيب ظنك
(فَاسْتَجَابَ لَهُمْ رَبُّهُمْ أَنِّي لاَ أُضِيعُ عَمَلَ عَامِلٍ مِّنكُم مِّن ذَكَرٍ أَوْ أُنثَى بَعْضُكُم مِّن بَعْضٍ) صدق الله العظيم
فقط ليس عليك الا ان تثق بنفسك وبقدرتك على التغيير من مستقبلك ومن مستواك
وسوف يتـأتى هذا بإذن الله
اخي واختي مفيش شيء ف الوجود اسمه الوقت ضاع عليا
حتى لو ضاع اعمل اللي عليك بردو عشان تبقى قدام نفسك بعدين حتى حاولت
إنما اللي بتفكروا فيه دا بداية الاستسلام ودا هو السبب ف الفشل يعني سمعت دكتور نفسي بيقول
ان المتفائلين دايما نسبة نجاحهم بتزيد عن المتشائمين اللي ليهم نفس القدرات بنسبة 40% شايفين الفرق؟؟
ضع ثقتك في ربنا وفي نفسك وتقرب من ربنا ثم تقرب الى كتابك وحقا لن يخيب ظنك بهما ابدااااااااااااااااااااااااااااا

ربنآإ يگرمگ ي بشـَمهدس ؛)

وربنـَآإ يوفقـَ الچميع ويجيبـٓواً مچآآميع عآإليه :)

بجد والله رفعت معنوياتى جدا المشكلة ان مفيش دلوقتى اصحاب يعملوا كدا
دلوقتى بيحاولى يعملوا اى حاجة علشان انتا متذاكرش
بس انا عرفت ناس هنا فى المنتدى وهما بيعملوا معايا نفس الى حصل معاك كدا
وانا بجد من النهاردة هحاول استغل كل دقيقة من وقتى انا نفسى اجيب مجموع كبير

ربنآإ يگرمگ ي بشـَمهدس ؛)

وربنـَآإ يوفقـَ الچميع ويجيبـٓواً مچآآميع عآإليه :)
امييييييين ياااااارب
نورتني بمرورك :)

بجد والله رفعت معنوياتى جدا المشكلة ان مفيش دلوقتى اصحاب يعملوا كدا
دلوقتى بيحاولى يعملوا اى حاجة علشان انتا متذاكرش
بس انا عرفت ناس هنا فى المنتدى وهما بيعملوا معايا نفس الى حصل معاك كدا
وانا بجد من النهاردة هحاول استغل كل دقيقة من وقتى انا نفسى اجيب مجموع كبير
الحمدلله :)
ان شاء الله تعملي اللي بتتمنيه وتجيبي مجموع عالي وتحققي كل ما بمرادك بإذن الله وانا هحاول بجد ع قدر المستطاع اجيبلكم كتاب عن كيفية تنظيم الوقت وعمل جدول هو كتاب صغير يعني تقريه ف نص ساعه عشان الكل يستفيد ويعملوا جدول مفيد فعلا ينظموا وقتهم بيه

ربنا يجازيك خير يا باشمهندس و الله و يا رب كلنا نجيب مجاميع عاليه:)

ربنا يجازيك خير يا باشمهندس و الله و يا رب كلنا نجيب مجاميع عاليه:)

آمييين يارب

بجد حسستنى ان لسه فى امل
وان ممكن الواحد يوصل للى هو عايزه مهما كانت الظروف صعبة
بجد ربنا يوفقك و يباركلك فى حياتك

بجد حسستنى ان لسه فى امل
وان ممكن الواحد يوصل للى هو عايزه مهما كانت الظروف صعبة
بجد ربنا يوفقك و يباركلك فى حياتك
دي مفيهاش ان دي حقيقه دايما ف امل مهما كان يا هاجر واوعي تفرطي في فرصك لأنها مهما كانت ف نظرك انتي لكن ف الحقيقه هي فرص كبيره
امين يارب ويوفقك ويباركلك ف حياتك والجميع

ممگن سؤأل .. انتـٓه گنت بتبدى منين وبترگز ع اآيه وگنت بتذآگر الصعبَ بعدينـَ السهل
ولآإ العگس .. اصـَل انآإ مش عآرف ارگز ع ده ولا ده وابتدي منين ....!؟

ممگن سؤأل .. انتـٓه گنت بتبدى منين وبترگز ع اآيه وگنت بتذآگر الصعبَ بعدينـَ السهل
ولآإ العگس .. اصـَل انآإ مش عآرف ارگز ع ده ولا ده وابتدي منين ....!؟
بص انا once كنت بقرر اذاكر معنديش حاجه اسمها اسيب الصعب للآخر او ابدأ بيه انت بنقول بتتعامل وكأنك لسه ف اول السنه فمش خايف من شيء امشي كل حاجه بترتيبها لأن ف كتير دروس معلوماتها بتبقى متراكمه ومترتبه ع بعضها فمينفعش تسيب حاجه منها للآخر عشان تفهم مايليها ماعدا مثلا لو شوفت معادله صعبه صعبه زي اللي ف آخر الباب الخامس ف الكيميا ع ما اتذكر بتاعة الحلقه السوداء واللي قبلها التجربتين دول كانوا بيسدوا نفسي عن المذاكره فمكنتش بقرب منهم الا ف الاخر عشان لو عديت عليهم ف النص هغم نفسي وابطل مذاكره ودا مش مطلوب خااااالص لأننا قولنا مش هنضيع وقت تاني خلاص
اما الحاجات اللي تركز عليها دايما هي الحاجات اللي بتنقصك او اللي تحس انك مبتحبهاش
يعني مثلا عندك مثلا بتكره المعادلات
يبقى هي اكتر حاجه تذاكرها
والمعادلات صح للي بيكرهوها هي متتحفظش بالطريقه الاستاندارد دي لا لازم يكون ليها قاعده تمشي عليها يعني دايما ف اي معادله كل الي عليك تعرفه انك ازاي توزن المعادله بس دي اخر خطوه طبعا بس انا بتكلم ع الاساسيات وتعرف ان ف عناصر قوية مجرد ماتدخل ع مثلا اي حمض بتاخد الشق الحامضي اللي فيه ع طول ماعدا ف المعادلات الطويله دي هتتعب فيها بس حاول تحفظها كما هي
وهكذا شوف الحاجات العامه في المعادلات وف اي شيء ف الدراسه هتلاقي الموضوع اسهل
يعني حاول تشغل دماغك ف المذاكره بس متشغلهاش في الاجابات يعني لما تيجي تجاوب ف الامتحان بلاش تتذاكى هههههه

جزاك الله خير

موضوك جميل جدا واحنا فعلا كنا محتاجين للكلام الحلو ده وربنا يجعله في ميزان حسناتك وتطلع اللي انت عايذه وتحقق كل اللي نفسك فيه وبجد ربنا يوفقك

جزاك الله خير
جزاني واياكم :)
موضوك جميل جدا واحنا فعلا كنا محتاجين للكلام الحلو ده وربنا يجعله في ميزان حسناتك وتطلع اللي انت عايذه وتحقق كل اللي نفسك فيه وبجد ربنا يوفقك
ربنا يخليكي يا انسه زهراء :) من ذوق حضرتك
يارب يوفقني واياكم والجميع ياارب

معلششـَ ي بشمهنـٓدسً ...

انتـَْه گنت گويس فْٓ النحْـو والآنچلش ..!

معلششـَ ي بشمهنـٓدسً ...

انتـَْه گنت گويس فْٓ النحْـو والآنچلش ..!
بصراحه اه جداااااااااا ومكنتش محتاج اي حصه في درس العربي بتاعة النحو
الانجليش اكيد يعني مينفعش اضيع فيه اي حاجه بس كنت كويس ف الاتنين الحمدلله
بس طبعا كنت بحضر كل الدروس مكنتش بضيع حاجه يعني اكيد

بصراحه اه جداااااااااا ومكنتش محتاج اي حصه في درس العربي بتاعة النحو
الانجليش اكيد يعني مينفعش اضيع فيه اي حاجه بس كنت كويس ف الاتنين الحمدلله
بس طبعا كنت بحضر كل الدروس مكنتش بضيع حاجه يعني اكيد

آصـل انآ ضأإيع ف النحو
وضآإآآيع چداً ف الانچلش .. وده مش مخليني اذاكر .. بقول ما انتًـَه كده كده مش هتچيب المچموع اللي عاآوزه .. ريح نفسگ ...!

فيـًنگ ي بشـَمهدسْ !؟

آصـل انآ ضأإيع ف النحو
وضآإآآيع چداً ف الانچلش .. وده مش مخليني اذاكر .. بقول ما انتًـَه كده كده مش هتچيب المچموع اللي عاآوزه .. ريح نفسگ ...!
انت عارف انت بتحاول تلاقي بس لنفسك مخرج عشان متذاكرش دا منتهى التسيب والاستهتار انك تدور لنفسك ع مبرر لأنك ايه الفايده لو هتذاكر لطالما كدا كدا هتفشل
دا غلط مليار الميه ثم يا سيدي اذا كان ع النحو ابقى اشرحهولك انا سهل ههههههههههه
بجد هقولك حاجه النحو بيجيبوا قطع سهله فيه ف الامتحان اصلا مبيحبوش يزودوا ع الطلبه ف الامتحان
اما الانجليش فكل اللي عليك تحفظ الكلمات كويس وتذاكر القواعد وتقرا الامثله المحلوله اللي ف الدروس بعد كل وحده وصدقني الاختيارات والكوريكت بييجوا من الأمثله دي بالنص بمعنى كلمة بالنص بس انت حل شوية انت عارف اغلب الطلبه بيحلوا ف الانجليش كتب كتيييير انا مثلا وانا مش طالب يعني مجتهد ع فكره خلصت ف كل سنه 5 كتب انجليش ف كتاب منهم خلصته ف يومين بالضبط بس الموضوع كله اصرار انت لو عايز تضبط نفسك هتضبط نفسك
اما النحو بقى فذاكر كويس وصدقني هم مبيبجيبوش حاجه صعبه
فيـًنگ ي بشـَمهدسْ !؟
معلش اخرت عليك ف الرد بس مكنتش بدخل

ربنا يكرمك :)

حلو أن الناس تحط تجربتها الشخصية عشان غيرها يستفيد..جزاك الله خيرا ^_^

ربنا يكرمك :)

حلو أن الناس تحط تجربتها الشخصية عشان غيرها يستفيد..جزاك الله خيرا ^_^
ويكرمك ياااارب
ربنا يخليكي
جزانا واياكم

للاسـَف مش نآإفع حآجه معآيأ ...

:(

للاسـَف مش نآإفع حآجه معآيأ ...

:(
ههههههههههههههههههه يابني صدقني انت بتحاول تسلم نفسك للاحباط
تعرف مجرد كلمة انا اقدر اعمل
انا اقدر افوز
انا اقدر اتفوق
الحاجات دي بس
بتخلي الانسان اكثر قوة

بجد كلام فوق الرووووووعة مش عارفة بجد اوصفه ازاى
انا بجد مستهترة اوووووووى فى تالتة
يعنى ذاكرت فى تانية والحمد لله
جيت فى تالتة وشكلى والله هضيع نفسي
انا خدت الاحياء فى تانية
والسنة دى كيمياء وفيزيا واقتصاد واحصا وباقى المواد طبعا
فبجد كلامك افدنى جداا شكرا بجد وربنا يعدى السنة دى على خير ان شاء الله

بجد كلام فوق الرووووووعة مش عارفة بجد اوصفه ازاى
انا بجد مستهترة اوووووووى فى تالتة
يعنى ذاكرت فى تانية والحمد لله
جيت فى تالتة وشكلى والله هضيع نفسي
انا خدت الاحياء فى تانية
والسنة دى كيمياء وفيزيا واقتصاد واحصا وباقى المواد طبعا
فبجد كلامك افدنى جداا شكرا بجد وربنا يعدى السنة دى على خير ان شاء الله
ربنا يخليكي انتي اللي ذوقك اكثر روعه
لا لازم تشدي حيلك وتجيبي مجموع ف تالته احسن من تانيه بإذن الله ربنا يوفقك
يارب زي ما افادك يفيد الجميع ع قدر المستطاع :)
ونورتي التوبيك بجد بمرورك العَطِر
ربنا يوفقك

بسم الله الرحمن الرحيم (فإستجاب لهم ربهم أني لا أضيع عمل عامل منكم من ذكر أو أنثى بعضكم من بعض)
ألسنا نصدق كلام الله ؟!
اولاً رحم الله والدك واسكنه فسيح جناته وجعل اللهم مثواه الفردوس الأعلى في صحبة خير البرية صلى الله عليه وسلم اللهم أكرم نزله ووسع مدخله ونقه من خطاياه بالماء والثلج والبرد اللهم اني أنا عبدك الضعيف الذليل لك أسألك أن تغفر لوالده وترحمه وتعافه وتعف عنه و تجنبه النار يا عزيز يا غفار برحمتك بفضلك بكرمك وسائر المسلمين الموحدين يارب العالمين
أشكرك جداً يا باش مهندس أحمد اهو احنا دخلنا الكلية الحمد لله بس والله كلامك مناسب لجميع الأعمار ومقدرش أضيف لكلامك حاجه فقد أفصحت أخي الكريم
ولكن أود أن أقول للطلبة كلهم وأنا أولهم إن تعددت مصادر الإقناع لك بأنك تقدر على حمل المسئولية و تسعى لها ومازال هناك وقت وأنت مصمم على اقناع نفسك بأنك غير قادر فإعلم أنما هذا من نفسك التي لا تريد لك سوى الهلاك .................. ابدأ من الأن ولا تضيع وقتك أبداً مهما تكن الظروف قم الى صلاتك متى سمعت النداء اربط بين الصلاة والمادة لا تضع نفسك تحت ضغط الوقت فوالله إن لم تفعل وتجتهد ستندم أشد الندم ولا ينفع الندم ابداً بعد ظهور نتيجة الثانوية العامة ....... ابدأ من الأااااااااااااااان قد تنتظر بعض الأمور لتستقر ولكن قد تفقدها كلها رجاء لا تضيع وقتك فإن السيوف جميعها تقتل بالدم الا سيف الوقت يقتل بلا دم .
ياريت تطبقوا الكلام ده على الأقل احنا دخلنا امتحانات انتوا هتدخلوها باذن الله أسف جداً للإطالة .......

بسم الله الرحمن الرحيم (فإستجاب لهم ربهم أني لا أضيع عمل عامل منكم من ذكر أو أنثى بعضكم من بعض)
ألسنا نصدق كلام الله ؟!
اولاً رحم الله والدك واسكنه فسيح جناته وجعل اللهم مثواه الفردوس الأعلى في صحبة خير البرية صلى الله عليه وسلم اللهم أكرم نزله ووسع مدخله ونقه من خطاياه بالماء والثلج والبرد اللهم اني أنا عبدك الضعيف الذليل لك أسألك أن تغفر لوالده وترحمه وتعافه وتعف عنه و تجنبه النار يا عزيز يا غفار برحمتك بفضلك بكرمك وسائر المسلمين الموحدين يارب العالمين
أشكرك جداً يا باش مهندس أحمد اهو احنا دخلنا الكلية الحمد لله بس والله كلامك مناسب لجميع الأعمار ومقدرش أضيف لكلامك حاجه فقد أفصحت أخي الكريم
ولكن أود أن أقول للطلبة كلهم وأنا أولهم إن تعددت مصادر الإقناع لك بأنك تقدر على حمل المسئولية و تسعى لها ومازال هناك وقت وأنت مصمم على اقناع نفسك بأنك غير قادر فإعلم أنما هذا من نفسك التي لا تريد لك سوى الهلاك .................. ابدأ من الأن ولا تضيع وقتك أبداً مهما تكن الظروف قم الى صلاتك متى سمعت النداء اربط بين الصلاة والمادة لا تضع نفسك تحت ضغط الوقت فوالله إن لم تفعل وتجتهد ستندم أشد الندم ولا ينفع الندم ابداً بعد ظهور نتيجة الثانوية العامة ....... ابدأ من الأااااااااااااااان قد تنتظر بعض الأمور لتستقر ولكن قد تفقدها كلها رجاء لا تضيع وقتك فإن السيوف جميعها تقتل بالدم الا سيف الوقت يقتل بلا دم .
ياريت تطبقوا الكلام ده على الأقل احنا دخلنا امتحانات انتوا هتدخلوها باذن الله أسف جداً للإطالة .......

بسم الله الرحمن الرحيم (فإستجاب لهم ربهم أني لا أضيع عمل عامل منكم من ذكر أو أنثى بعضكم من بعض)
ألسنا نصدق كلام الله ؟!
اولاً رحم الله والدك واسكنه فسيح جناته وجعل اللهم مثواه الفردوس الأعلى في صحبة خير البرية صلى الله عليه وسلم اللهم أكرم نزله ووسع مدخله ونقه من خطاياه بالماء والثلج والبرد اللهم اني أنا عبدك الضعيف الذليل لك أسألك أن تغفر لوالده وترحمه وتعافه وتعف عنه و تجنبه النار يا عزيز يا غفار برحمتك بفضلك بكرمك وسائر المسلمين الموحدين يارب العالمين
أشكرك جداً يا باش مهندس أحمد اهو احنا دخلنا الكلية الحمد لله بس والله كلامك مناسب لجميع الأعمار ومقدرش أضيف لكلامك حاجه فقد أفصحت أخي الكريم
ولكن أود أن أقول للطلبة كلهم وأنا أولهم إن تعددت مصادر الإقناع لك بأنك تقدر على حمل المسئولية و تسعى لها ومازال هناك وقت وأنت مصمم على اقناع نفسك بأنك غير قادر فإعلم أنما هذا من نفسك التي لا تريد لك سوى الهلاك .................. ابدأ من الأن ولا تضيع وقتك أبداً مهما تكن الظروف قم الى صلاتك متى سمعت النداء اربط بين الصلاة والمادة لا تضع نفسك تحت ضغط الوقت فوالله إن لم تفعل وتجتهد ستندم أشد الندم ولا ينفع الندم ابداً بعد ظهور نتيجة الثانوية العامة ....... ابدأ من الأااااااااااااااان قد تنتظر بعض الأمور لتستقر ولكن قد تفقدها كلها رجاء لا تضيع وقتك فإن السيوف جميعها تقتل بالدم الا سيف الوقت يقتل بلا دم .
ياريت تطبقوا الكلام ده على الأقل احنا دخلنا امتحانات انتوا هتدخلوها باذن الله أسف جداً للإطالة .......



آآآآآآآآآآآآآآآآآآآمين يارب العالمين
شكرا بجد يا باش مهندس
بجد نفع الله بك
ووفقك الله يا باش مهندس
ويارييييت الطلبه ياخدوا نصايح منك
انا شوفتلك كلام تاني ع المنتدى بتاع هندسه بردو
ربنا يبارك فيك
وياريت الطلبه اللي لسه ف ثانوي يستفيدو من واحد زي حضرتك يعني
وليه اسف ع الاطاله دا انت بجد نوووورت الموضوع وعطيت درس رائع بجد

ههههههههههههههههههه يابني صدقني انت بتحاول تسلم نفسك للاحباط
تعرف مجرد كلمة انا اقدر اعمل
انا اقدر افوز
انا اقدر اتفوق
الحاجات دي بس
بتخلي الانسان اكثر قوة

ان. شـَآإء الله من الآإن هْ. ابدأ بچد آصل وآإحد قآلي " انت فاشل " ف انآإ هثبتبوا من اللي فآشل .. وهتشوف النتيجهً آخر السنه بإذن الله
:)

آآآآآآآآآآآآآآآآآآآمين يارب العالمين
شكرا بجد يا باش مهندس
بجد نفع الله بك
ووفقك الله يا باش مهندس
ويارييييت الطلبه ياخدوا نصايح منك
انا شوفتلك كلام تاني ع المنتدى بتاع هندسه بردو
ربنا يبارك فيك
وياريت الطلبه اللي لسه ف ثانوي يستفيدو من واحد زي حضرتك يعني
وليه اسف ع الاطاله دا انت بجد نوووورت الموضوع وعطيت درس رائع بجد

الله يخليك يا باش مهندس احمد دا وسام على صدري وربنا يجعلنا دائماً شعاراً للخير وكفاً للشر
و أنا والله فرحان جداً بالخدمة اللي انت بتقدمهالنا دي (النصيحة)
وربنا يوفقك وأنا متابع ان شاء الله معاك وبلاش حضرتك دي ,,, أخر حاجه بفكر فيها العنف :stickjo4:

ان. شـَآإء الله من الآإن هْ. ابدأ بچد آصل وآإحد قآلي " انت فاشل " ف انآإ هثبتبوا من اللي فآشل .. وهتشوف النتيجهً آخر السنه بإذن الله
:)
يارييييييت بجد يا خالد ربنا يوفقك يارب
وتعرفه فعلا مين الفاشل

السلا عليكم ورحمة الله وبركاتة
ربنا يبارك فيك ويجعلك ممن تنفع الاسلام والمسلمين
انا الحمد لله معنوياتى اترفعت مع اننى دلوقتى مشكلتى الفيزياء هههههه مش مشكلة ربنا كريم

السلا عليكم ورحمة الله وبركاتة
ربنا يبارك فيك ويجعلك ممن تنفع الاسلام والمسلمين
انا الحمد لله معنوياتى اترفعت مع اننى دلوقتى مشكلتى الفيزياء هههههه مش مشكلة ربنا كريم
وعليكم السلام ورحمة الله تعالى وبركاته
يارب ويبارك ف حضرتك
الحمدلله ويارب ع طول معنوياتك مرتفعه
الفيزياء والله ليست بتلك الصعوبه التي تشعرونها
بس انا بردو وانا مكانك السنه اللي فاتت كنت متعقد منها زيك وزي اي طالب يعني دا احساس عادي مفيش خوف ع حضرتك ان شاء الله

والله أنا لسه شايف التوبيك ده دلوقتى لما حطيت اللينك بتاعه فى التوبيك التانى
أولا : البقاء لله فى والدك إن شاء الله ربنا يصبركم
ثانيا بجد الكلام اللى انت كاتبه ده أدانى دفعه جميله جدا لإنى كنت قربت إنى أتخنق من الكليه ومن الدراسه

جزاك الله خيرا على التوبيك الروعه ده .... ويا رب الجميع يستفاد منه إن شاء الله
ووفقك الله فى الهندسه يا هندسه :)

والله بجد التوبيك دة من اروع التوبيكات الى ممكن حد يقرها وعندك حق فعلا مش ينفع الانسان يفقد الامل ولا يوخد نفسه على الاكتئاب يمكن لان برضه مريت بنفس الظروف وفاة ولدتى الى كاتنت ككل شئ وازلت كل شئ ومش حد مهما كان الحد قدر يعوضنضى نصها اتوفقت قبل الامتحانت بس مش اقدر انكر ان سبت نفسى كتير للحزن والاسلاتم للكتاءب وانى انطوى بس الحمد لله حبة حبة بقيت ارجع اجتماعياة تانى واحب الدنيا واعطى فرصة لنفسى انى احب الناس والتعامل معاهم
وابرغم حزنى انى مش دخلت الكلية الى كنت عايزها بس بصراحة دلوةقتى بجد بقول فعلااااااااااا ربنا بيختار لينا الافضل
لان الحمد لله الكلية الى انا فيها دلوقت ىاسة انها منسبانى قوى وبقدر اطلع فيها ابداعى لان فيها شغل عملى كتير رسم وتلوين وقدرة على التعبير يعنى ملائمة لكل قدراتى
والحمد لله صلتى بدكاترة كويسة جدا لدرجة انى اكتر من دكتورة بكلمهم على الفيس عندى واخدت النهائية فى الابحاث الى عملتهاا ول السنة الاعمال الفصلية
ومين عالم جايز بجد يتحقق حلمى فيها واكون معيدة وكلمة دكتور اشرقت مش تكون راحت منى
بس بقول كفاية انى مرتاحة نفسيا لكلية مهما حصل اى ضغوط
والحمد لله على اختياره لينا واعطائنا الصبر والحكمة اننا نتقبل قضائه لنا
وبجد بجد بجد
لازم كلنا نتيقن ان فى بكره ونتفائل ان كيون احسن من الاول
اسفة على رغى الكتير بس بجد التوبيك رائع
جزاك الله كل خير

Yea , it's not too late
..

مشكور للتوبيك .. وربنا يرحم والدك .. وأمواتنا جميعاً

ربنا يرحم والدك ويحسن اليه ويدخله فسيح جناته
جزاك الله كل خييييييييير
بجد رفعت معنوياتي من تاني

والله أنا لسه شايف التوبيك ده دلوقتى لما حطيت اللينك بتاعه فى التوبيك التانى
أولا : البقاء لله فى والدك إن شاء الله ربنا يصبركم
ثانيا بجد الكلام اللى انت كاتبه ده أدانى دفعه جميله جدا لإنى كنت قربت إنى أتخنق من الكليه ومن الدراسه

جزاك الله خيرا على التوبيك الروعه ده .... ويا رب الجميع يستفاد منه إن شاء الله
ووفقك الله فى الهندسه يا هندسه :)

ربنا يخليك ويوفقك ياهندسه يارب
عايزين تقدير حلو باذن الله

كلام جمييييييييييييييل جدا


ربنا يجزيكم خيرا


بس للعلم انا مش لاقيه اى اصدقاء كدا انا ربنا رزقنى بفصل ممكن يقطعوا بعض ع المعلومات وللاسف اسمنا فصل فائقات


انا كرهت التعامل معاهم هم او غيرهم

وان شاء الله استفاد من كلامك بس هخلى اصحابى هم نفسى وبس قليلة مش هيقروا عليا ولا يضايقونى

:):)

والله بجد التوبيك دة من اروع التوبيكات الى ممكن حد يقرها وعندك حق فعلا مش ينفع الانسان يفقد الامل ولا يوخد نفسه على الاكتئاب يمكن لان برضه مريت بنفس الظروف وفاة ولدتى الى كاتنت ككل شئ وازلت كل شئ ومش حد مهما كان الحد قدر يعوضنضى نصها اتوفقت قبل الامتحانت بس مش اقدر انكر ان سبت نفسى كتير للحزن والاسلاتم للكتاءب وانى انطوى بس الحمد لله حبة حبة بقيت ارجع اجتماعياة تانى واحب الدنيا واعطى فرصة لنفسى انى احب الناس والتعامل معاهم
وابرغم حزنى انى مش دخلت الكلية الى كنت عايزها بس بصراحة دلوةقتى بجد بقول فعلااااااااااا ربنا بيختار لينا الافضل
لان الحمد لله الكلية الى انا فيها دلوقت ىاسة انها منسبانى قوى وبقدر اطلع فيها ابداعى لان فيها شغل عملى كتير رسم وتلوين وقدرة على التعبير يعنى ملائمة لكل قدراتى
والحمد لله صلتى بدكاترة كويسة جدا لدرجة انى اكتر من دكتورة بكلمهم على الفيس عندى واخدت النهائية فى الابحاث الى عملتهاا ول السنة الاعمال الفصلية
ومين عالم جايز بجد يتحقق حلمى فيها واكون معيدة وكلمة دكتور اشرقت مش تكون راحت منى
بس بقول كفاية انى مرتاحة نفسيا لكلية مهما حصل اى ضغوط
والحمد لله على اختياره لينا واعطائنا الصبر والحكمة اننا نتقبل قضائه لنا
وبجد بجد بجد
لازم كلنا نتيقن ان فى بكره ونتفائل ان كيون احسن من الاول
اسفة على رغى الكتير بس بجد التوبيك رائع
جزاك الله كل خير

إن شاء الله يكون واقع لقب الدكتوره اشرقت لأنّك تستاهليها والله
انا كنت بسمع مقوله بتقول : لا يهم ماذا انت فاعل بل المهم ماذا تستطيع ان تنجزه فيما تفعله
يعني مش مهم الواحد يدخل كلية ايه ولا يشتغل ايه بس المهم هو هيقدر ينجز ولا لأ ويتميز ولا لأ أياً كان الشيء ال ربنا قدره ليه بقى يقدر يعمل جواه ايه
بس انا مستغرب محسسيني ان التوبيك لسه نازل دا هنا من سنه تقريباً :d:d

Yea , it's not too late
..

مشكور للتوبيك .. وربنا يرحم والدك .. وأمواتنا جميعاً


هو بالنسبه لطلبة الجامعات زينا يعني مفيهاش لا ليت ولا ايرلي كله محصل بعضه :d:d:d:d:d
نورتي التوبيك والله :)

ربنا يرحم والدك ويحسن اليه ويدخله فسيح جناته
جزاك الله كل خييييييييير
بجد رفعت معنوياتي من تاني


آآآآميييين ياااااااااااااااااااااارب
جزاني وإياكم يا دكتوره اسراء
لازم تحافظي على معنوياتك في كل حال من الأحوال
ومتخليش أي شيء ينول منها لأنّه مهما كان مش هيفيد بشيء
أياً كانت ظروفي او قدراتي او حالتي ومستوايا ف المواد الزعل او اليأس مش هيفيد بشيء
بل بالعكس هيضر فلازم ابص دايماً بنظره تفائليه وصدقيني عمرك ما هتخيبي طول مانتي بتظني ف ربنا وف نفسك وقدراتك خير
ربنا يوفقك يارب

إن شاء الله يكون واقع لقب الدكتوره اشرقت لأنّك تستاهليها والله
انا كنت بسمع مقوله بتقول : لا يهم ماذا انت فاعل بل المهم ماذا تستطيع ان تنجزه فيما تفعله
يعني مش مهم الواحد يدخل كلية ايه ولا يشتغل ايه بس المهم هو هيقدر ينجز ولا لأ ويتميز ولا لأ أياً كان الشيء ال ربنا قدره ليه بقى يقدر يعمل جواه ايه
بس انا مستغرب محسسيني ان التوبيك لسه نازل دا هنا من سنه تقريباً :d:d


منا مدخلتش المنتدى غير من شعر 7 الىف ات بس مش من سنة يعنى انا والله مش شفته غير لما لقيت الينك بتاعه ربنا يوفقك يا بشمهندس ونسمع عنك كل خير يارب العالمين

كلام جمييييييييييييييل جدا


ربنا يجزيكم خيرا


بس للعلم انا مش لاقيه اى اصدقاء كدا انا ربنا رزقنى بفصل ممكن يقطعوا بعض ع المعلومات وللاسف اسمنا فصل فائقات


انا كرهت التعامل معاهم هم او غيرهم

وان شاء الله استفاد من كلامك بس هخلى اصحابى هم نفسى وبس قليلة مش هيقروا عليا ولا يضايقونى

:):)
هو انا ماقدرش ارد عليكي ف حوار فصل الفائقات دا لأنّي مكنتش بروح المدرسه اصلا :d:d:d
كنت واخدها منازل ويوم ما اروح احضر الاذاعه بس وبعدها اطلع انا واصحابي نروح سايبر سوا او اي حاجه مع إنّ عندي نت ف البيت بس يعني الفشل كان له احكامه بردو :d:d:d
بس الحمدلله كلنا دخلنا هندسه وبمجموع اعلى منها بكتير الحمدلله
بس ال عاوز اقولهولك ان اصحابك مش لازم يكونوا زملائك ف الفصل او سوري زميلاتك
انا اصحابي هم هم اصحابي من 3 ابتدائي والتاني من 3 اعدادي
يعني من قبل ما نعرف شيء اسمه ثانوي عام اصلا
هم دول الاصحاب ال اقصدهم
ال بيهمهم مصلحة بعض مش ال بيتعرفوا ع بعض عشان المصالح والمنفعه وخلاص
وعشان كدا ربنا وفقنا جميعاً لأنّنا فعلا كنا بنخاف ع بعض
يعني لما كان ييجي يوم مش حابب اذاكر وعمر او عبده يقولولي طيب مش قادر تذاكر طب تعالى نطلع شويه اقولهم لأ انتم ذاكروا ملكوش دعوه بيا والعكس
او مرات تانيه يضغطوا عليا ويقولولي مش قادر تذاكر لوحدك طيب تعالى ذاكر معانا وشئت ام ابيت كانوا بياخدوني :d:d:d اصل شخصيتي ضعيفه :d:d:d بهزر اكيد
وربنا يوفقك يارب وتنضمي للكار بتاعنا _كار المعذبين ف الارض :d:d:d _ (المهندسين)

منا مدخلتش المنتدى غير من شعر 7 الىف ات بس مش من سنة يعنى انا والله مش شفته غير لما لقيت الينك بتاعه ربنا يوفقك يا بشمهندس ونسمع عنك كل خير يارب العالمين
ماشي يا حجه متزعليش يعني بنهزرو معاكي
بهزر يا رمضان ايه انت مبتهزرش؟. :d:d:d
يارب وانتي كمان والجمييييع ياااااااارب

ماشي يا حجه متزعليش يعني بنهزرو معاكي
بهزر يا رمضان ايه انت مبتهزرش؟. :d:d:d
يارب وانتي كمان والجمييييع ياااااااارب

رمضااااااااااااااااااااااااااان:o
رمضان كريم يا خويا :p
لا مبهزرش ايه رئيك بقا:d
شيد حيللك يا بشمهندس
:022yb4::022yb4:

رمضااااااااااااااااااااااااااان:o
رمضان كريم يا خويا :p
لا مبهزرش ايه رئيك بقا:d
شيد حيللك يا بشمهندس
:022yb4::022yb4:
مبتهزريش؟ :(
طيب ماشي
إن شاء الله

مبتهزريش؟ :(
طيب ماشي
إن شاء الله

انت زعلت ولا ايه ولا ما قصدى انا بقولها عادى مش قصدى اكبسك :p
بجد مش فى زعل ها

انت زعلت ولا ايه ولا ما قصدى انا بقولها عادى مش قصدى اكبسك :p
بجد مش فى زعل ها
وهي الكبسه دي متزعلش
دا حتى طعمها وحش بالرز البسمتي بتاعهم دا :d
لا ماقدرش ازعل والله عيب يعني

الحمدلله :)
ان شاء الله تعملي اللي بتتمنيه وتجيبي مجموع عالي وتحققي كل ما بمرادك بإذن الله وانا هحاول بجد ع قدر المستطاع اجيبلكم كتاب عن كيفية تنظيم الوقت وعمل جدول هو كتاب صغير يعني تقريه ف نص ساعه عشان الكل يستفيد ويعملوا جدول مفيد فعلا ينظموا وقتهم بيه

هل حضرتلك نزلت الكتاب والجدول

احيانا بنقول ع الحاجة صعبة وخايفين نبدأ فيها
بس بمجرد اننا نبدأ فيها بنلائيها مكنتش تاخد كل التفكير ده

االله يرحم والدك
وبالتوفيق ان شاء الله

دى من احسن المواضيع للى قريتها فى المنتدى لحد دلوقتى شكرا

بجد موضوعك جميل جدا ورائع ..بس يارتها تيجى على الكيميا بس

والله موضوع حلو قوي
شكرا ليك ولتشجيعك

هل حضرتلك نزلت الكتاب والجدول
ياااه
انت وصلت للموضوع ازاي؟ كان اديله سنه و نص محدش بيشوفه :022yb4:
ذكريااات
هيييح :d
انا والله اسف جداً على موضوع الكتاب دا
انا كنت قريته زمان بس مكنتش فاكر اسمه و حاولت ابحث عنه عشان اجيبهولكم فمعرفتش اوصله
اسف جداً فعلاً
بس انت ممكن تدور على طرق كتير تنظم وقتك من خلالها مش داا السبيل الوحيد يعني

احيانا بنقول ع الحاجة صعبة وخايفين نبدأ فيها
بس بمجرد اننا نبدأ فيها بنلائيها مكنتش تاخد كل التفكير ده

االله يرحم والدك
وبالتوفيق ان شاء الله
فعلاً كلام صح جداً
امين يارب و يرحم جميع اموات المسلمين
بالتوفيق لي وإياكم والجميع بإذن الله :)

بجد موضوعك جميل جدا ورائع ..بس يارتها تيجى على الكيميا بس
ماهي القصه مش قصة الكيميا بس
القصة بشكل عام اني لما اشتغلت على نفسي حققت ال عاوزه
مهما كانت ايه الماده او ايه المهمه ال هعملها
مع اني كنت حاسس ان الوقت ضاع
بس لما مشيت في الطريق الصح قدرت اوصل لنهاية التراك قبل نهاية الوقت وحققت هدفي
دا المقصود

ماهي القصه مش قصة الكيميا بس
القصة بشكل عام اني لما اشتغلت على نفسي حققت ال عاوزه
مهما كانت ايه الماده او ايه المهمه ال هعملها
مع اني كنت حاسس ان الوقت ضاع
بس لما مشيت في الطريق الصح قدرت اوصل لنهاية التراك قبل نهاية الوقت وحققت هدفي
دا المقصود

يعني اللي مابداتش لحد دلوقتي هيقدر باذن الله والا ديت حاجة مستحيلة ؟؟ :( انا نفسي في طب اوي بس حاسه اني مهما ذاكرت مش هقدر وخصوصا انا لسه بادئة مذذاكرة يدوب من يومين يعني ماعرفش حاجة وخصوصا انت بدات من شهر 1 فكان عندك وقت كتير لكن انا دلوقتي في نص تلاته :( فحاسه انه ماع\تش في وقت ابدا

والله موضوع حلو قوي
شكرا ليك ولتشجيعك

يعني اللي مابداتش لحد دلوقتي هيقدر باذن الله والا ديت حاجة مستحيلة ؟؟ :( انا نفسي في طب اوي بس حاسه اني مهما ذاكرت مش هقدر وخصوصا انا لسه بادئة مذذاكرة يدوب من يومين يعني ماعرفش حاجة وخصوصا انت بدات من شهر 1 فكان عندك وقت كتير لكن انا دلوقتي في نص تلاته :( فحاسه انه ماع\تش في وقت ابدا


بسم الله
انا اسف اني مردتش في الأول عليكي بس اهو جه الوقت
عاوزه نصيحة شخص مجرب ؟
فكرة الوقت اتأخر و مش هقدر و و و إلخ إلخ إلخ دي افكار بيبرزهالنا الشيطان عشان يحبطك
او بيبرزها عقلك الباطن عشان كسلان :d
انا ال اعرفه ان مفيش شيء في الكون مستحيل
اه الفتره صغيره بس دا مش معناه انك متقدريش
بعيداً عن انك عاوزه تدخلي ايه سيبي النتايج دي لربنا و بس احن كل همنا اننا نحل كويس في الإمتحانات ونجيب مجموع محترم وبالتالي ندخل الكلية ال عاوزينها
الفتره صغيره فدا معناه فقط انك لازم تضاعفي جهدك
يعني انا اقدر اقولك اني من بداية شهر واحد لما بدأت مذاكرتي كنت بذاكر في اليوم كله ما لايزيد عن 3 ساعات بالكتير او 4 و دا نادراً
و كان بيعدي عليا اسابيع والله ما بفتح فيها كتاب حتى في موقف كده حصللي لو حكيته هتستغربي جداً عليا
بس مش وقته احن بنتكلم عنك دلوقتي
ال عاوز اقوله ان الموضوع كله عبارة عن مجهودك
انا مثلاً لو مكانك دلوقتي كل ال هيحصل اني هضاعف شغلي يعني بدل ما بدأت اذاكر من شهر يناير 3 ساعات وبدأت من شهر مارس يبقى هشتغل الضعف مثلاً ست ساعات
بس بتركيز و دا المهم
انما فكرة انا هقدر او ماقدرش
تعرفي ايه الطريقه الوحيده ال تقدري بيها تختبري انك تقدري او متقدريش؟
وانا بقولك فعلاً هي الطريقه الوحيدة بمعنى الكلمة
انك تذاكري بكل جدية من النهارده و تعملي لنفسك رسالة تذكير تشوفيها بعد ما النتيجه تظهر
وتشوفي تعبك راح على الفاضي ولا لأ من خلال النتيجة
وانا متأكد انه مش هيروح ع الفاضي
ابدأي و اعملي رسالة التذكير و انسي اي حاجه إلا مذاكرتك و بس
وابقي تعاليلي يوم النتيجة وقوليلي تعبك راح ع الفاضي ولا لأ :d
صدقيني كل شيء في ايديكي
ابدأي و هتعرفي وقتها ان كل شيء في ايديكي
تصدقي اني وانا في ثانوي كنت بقول ان ال بيطلعوا اوائل ع الجمهورية دول من عالم تاني
بعد ما لقيت اني بربع مجهود جيبت مجموع محترم و دخلت الكلية ال عاوزها اكتشفت ان الموضوع كان بايدي لو ضاعفت جهدي اني ابقى زيهم
كل ما في الموضوع هو إرادة من الشخص و فوق الإرادة انه يشتغل على نفسه
انا اسف اني طولت بس حبيت اوصل فكرتي كاملة
بالتوفيق إن شاء الله
ولو احتاجتي اي حاجه انا موجود

بسم الله
انا اسف اني مردتش في الأول عليكي بس اهو جه الوقت
عاوزه نصيحة شخص مجرب ؟
فكرة الوقت اتأخر و مش هقدر و و و إلخ إلخ إلخ دي افكار بيبرزهالنا الشيطان عشان يحبطك
او بيبرزها عقلك الباطن عشان كسلان :d
انا ال اعرفه ان مفيش شيء في الكون مستحيل
اه الفتره صغيره بس دا مش معناه انك متقدريش
بعيداً عن انك عاوزه تدخلي ايه سيبي النتايج دي لربنا و بس احن كل همنا اننا نحل كويس في الإمتحانات ونجيب مجموع محترم وبالتالي ندخل الكلية ال عاوزينها
الفتره صغيره فدا معناه فقط انك لازم تضاعفي جهدك
يعني انا اقدر اقولك اني من بداية شهر واحد لما بدأت مذاكرتي كنت بذاكر في اليوم كله ما لايزيد عن 3 ساعات بالكتير او 4 و دا نادراً
و كان بيعدي عليا اسابيع والله ما بفتح فيها كتاب حتى في موقف كده حصللي لو حكيته هتستغربي جداً عليا
بس مش وقته احن بنتكلم عنك دلوقتي
ال عاوز اقوله ان الموضوع كله عبارة عن مجهودك
انا مثلاً لو مكانك دلوقتي كل ال هيحصل اني هضاعف شغلي يعني بدل ما بدأت اذاكر من شهر يناير 3 ساعات وبدأت من شهر مارس يبقى هشتغل الضعف مثلاً ست ساعات
بس بتركيز و دا المهم
انما فكرة انا هقدر او ماقدرش
تعرفي ايه الطريقه الوحيده ال تقدري بيها تختبري انك تقدري او متقدريش؟
وانا بقولك فعلاً هي الطريقه الوحيدة بمعنى الكلمة
انك تذاكري بكل جدية من النهارده و تعملي لنفسك رسالة تذكير تشوفيها بعد ما النتيجه تظهر
وتشوفي تعبك راح على الفاضي ولا لأ من خلال النتيجة
وانا متأكد انه مش هيروح ع الفاضي
ابدأي و اعملي رسالة التذكير و انسي اي حاجه إلا مذاكرتك و بس
وابقي تعاليلي يوم النتيجة وقوليلي تعبك راح ع الفاضي ولا لأ :d
صدقيني كل شيء في ايديكي
ابدأي و هتعرفي وقتها ان كل شيء في ايديكي
تصدقي اني وانا في ثانوي كنت بقول ان ال بيطلعوا اوائل ع الجمهورية دول من عالم تاني
بعد ما لقيت اني بربع مجهود جيبت مجموع محترم و دخلت الكلية ال عاوزها اكتشفت ان الموضوع كان بايدي لو ضاعفت جهدي اني ابقى زيهم
كل ما في الموضوع هو إرادة من الشخص و فوق الإرادة انه يشتغل على نفسه
انا اسف اني طولت بس حبيت اوصل فكرتي كاملة
بالتوفيق إن شاء الله
ولو احتاجتي اي حاجه انا موجود

6 ساعات ده في ناس قالتلي تذاكري 16 ساعة وتنامي 3 او 4 :o والدروس الباقي وقالولي لانك متاخرة جدا
انا مشكلتي ماعنديش عزيمة والا اصرار مع انو دخولي لكليه كويسة في حياة او موت
لاني لو ماجبتش طب او صيدلة مش هيرضو يخليوني اروح كلية :( هو دا اللي مخوفني اكتر
بس المشكلة المواد كتير صحيح نص المواد بس انا ما اعرفش عنهم حاجة :(
ومع ده لسه عندي امل وقفة في ربنا كبيره يعني بس المفروض اعمل واشتغل عشان ربنا يكرمني :bosyht9:

6 ساعات ده في ناس قالتلي تذاكري 16 ساعة وتنامي 3 او 4 :o والدروس الباقي وقالولي لانك متاخرة جدا
انا مشكلتي ماعنديش عزيمة والا اصرار مع انو دخولي لكليه كويسة في حياة او موت
لاني لو ماجبتش طب او صيدلة مش هيرضو يخليوني اروح كلية :( هو دا اللي مخوفني اكتر
بس المشكلة المواد كتير صحيح نص المواد بس انا ما اعرفش عنهم حاجة :(
ومع ده لسه عندي امل وقفة في ربنا كبيره يعني بس المفروض اعمل واشتغل عشان ربنا يكرمني :bosyht9:
لا مانا اقصد ست ساعات في حالتي انا
كل شخص عنده قدرة استيعابيه تختلف عن التاني
انا مثلاً ماقدرش اذاكر ساعتين على بعض مبستحملش
في ناس تقعد على الكتاب 8 ساعات متواصلة
و على النقيض في ناس ممكن تذاكر نص ساعه احسن من شخص تاني ذاكر 3 ساعات
دا استيعاب بيختلف من شخص للتاني
بس الأهم هو التركيز
وانا ال بقولهولك انك ابدأي جد و سيبي النتايج دي لربنا
هو ال ف ايده كل شيء .. انتي تعملي ال عليكي وبس

لا مانا اقصد ست ساعات في حالتي انا
كل شخص عنده قدرة استيعابيه تختلف عن التاني
انا مثلاً ماقدرش اذاكر ساعتين على بعض مبستحملش
في ناس تقعد على الكتاب 8 ساعات متواصلة
و على النقيض في ناس ممكن تذاكر نص ساعه احسن من شخص تاني ذاكر 3 ساعات
دا استيعاب بيختلف من شخص للتاني
بس الأهم هو التركيز
وانا ال بقولهولك انك ابدأي جد و سيبي النتايج دي لربنا
هو ال ف ايده كل شيء .. انتي تعملي ال عليكي وبس


ماشي ان شاء الله
وجزاك الله الف خير :)