انا نفسي اخوش تجاره انجليش بس محتار اووي انا ادبي و جبت 94 في تانيه و جبت في انجليزي 22 من 25
دلوقتي انا اسمع ان في تنسيق داخلي بياخدوا اعلي ناس واخده في مجموع الانجليزي
اسئلتي بقا
اما اجي اقدم لتجاره انجليزي مجموعي لازم يكون كام؟
لازم مجموعي في الانجليزي كام؟
بياخدوا اللي واخد درجه اعلي في انجليزي ولا اللي مجموعه كله اعلي من التاني؟
انا بفكر اخد مستوي رفيع انجليزي و حاسس انه صعب بس بقول ضروري عشان كليه و عشان انا مش متاكد اني هقفل انجليزي في تالته ف انتوا ايه رايكم؟
مع احتمال اني ادبي و ممكن اخد جغرافيا و اقفل مستوي موضوع مستوي محيرني اوي اوي

ما شاء الله يا ابنى مجموعك كبير ولو الظروف طبيعية ومفيش مفاجأت ان شاء الله تدخل تجارة انجليزى مستريح اوى
شرط انك تقدم لتجارة انجليزى انك تكون جايب على الاقل 80 % فى الانجلزى يعنى 40 من 50
وبيحسبوا المجموع بحاجة اسمها المجموع الاعتبار (يعنى درجة المواد كلها +درجة الانجليزى +درجة المستوى رفيع انجليزى لو انت واخده لو واخد اى مستوى رفيع تانى يبقى متحسبوش خالص )
المستوى الرفيع انجليزى مش شرط تاخده
زى ما قولتلك مجموعك كويس بس مش معنا كدا انك تريح فى تالتة شد حيلك عشان فى ناس كتير مجموعها بينزل فى تالتة حاول تجيب اعلى درجة ممكنة عشان تختار بين الكليات براحتك .....بنا معاك

بردوا محدش جوب علي سوال بياخدوا اللي واخد درجه اعلي في انجليزي ولا اللي مجموعه كله اعلي من التاني؟ يعني لو انا جايب 94 وفي انجليش 45 وواحد تاني جايب 91 و في انجليش 48 ياخدوا مين؟

بيجمع الاتنين على بعض يعنى مجموعك الكلى الى هوا 94 % + درجة الانجليزى الى هى 45 دول على بعض اسمهم المجموع الاعتبارى
بعدين الكلية بتاخد اعلى مجاميع
فى الحالة الى انت بتقول عليها دى الكلية هتاخد الاولانى الى جايب 94 عشان مجموعه الاعتبارى اعلى

طب معلش رايك انت اخد مستوي رفيع انجليش ولا انفض و اخد جغرافيا عشان انا عايز متصدمش في الاخر

طب معلش رايك انت اخد مستوي رفيع انجليش ولا انفض و اخد جغرافيا عشان انا عايز متصدمش في الاخر
صعب ان اقولك تعمل اية
بس زى ما قولتلك مجموعك يدخلك تجارة انجليزى من غير مشاكل انا فى الكلية بقالى 4 سنين عمرها ما خدت من 94 ادبى ومجموع الانجلش بتاعك كويس مش قليل
بس عايزك تحط فى اعتبارك انك ممكن تغير رأيك وتدخل كلية تانية لو رفعت مجموعك سنة يعنى مثلا سياسة واقتصاد او اعلام او ... فى الحالة دى المستوى الرفيع جغرافيا هايسعدك على اساس انها مادة سهلة وتقدر تقفلها بسهولة
مستوى رفيع انجليزى انا مش عارف صعب ولا سهل ممكن تسأل المدرس بتاعك هوا عموما بيساعد فى اى كلية بتاخد لغات زى حقوق انجلش... سياسة واقتصاد انجلش(بس دى مجموعها غبى ).... او تجارة انجلش

دا كل الى اعرفة فكر انت بقى واختار .......ربنا معاك

والله انا محتار و مستر بيقول ال انت تحبوا و اتحيرت