السنه دى ... ثانويــه ... شكل تانى !! [الأرشيف] - بوابة الثانوية العامة المصرية

بقايا قلب

30-11-2011, 03:55 PM

بسم الله الرحمن الرحيم

السنه دى

.7
7
7
7

ثانويه ... بس شكل تانى

مش زى السنه اللى فاتت نهائى

يمكن لان كله جاب مجاميع عاليه جدا جدا

والحكايه دى طمنت ناس كتير

مش عارف

طب يمكن ده فى مدرستى انا بس

برضه مش عارف

معظم الناس جايبه 98 %:romarioxp6:

وحولت علمى رياضه

يمكن خوف ... او لانهم بيحبوا الهندسه

بس المصيبه

ان مفيش جو نهائى للمنافسه

كان عندنا امتحان فيزياء

محدش حل حاجه

خااااااااااااااااااااااااااااااااااااااااااااااااا اااااااااااااااااااااااااالص

والغريب

لا مبالاه غير طبيبعيه من الطلبه

بحجه

لسه بدرى

7777
77
7
:slap1qk6:

وان السنه اللى فاتت لمٌوا المناهج فى اخر 3 شهور

بس يا ترى هيلحقوا يلموها السنه دى

رايك يهمنى

***

؟؟؟؟؟؟؟؟؟؟؟؟؟؟

:mad:

karimadel7

30-11-2011, 04:49 PM

السنة دي بصفة عامة اتقل من السنة اللي فاتت
و هما لما الامتحانات جت سهلة افتكروا انهم كانوا لموا المناهج كويس
بس لو الامتحانات جت صعبة هيعرفوا هما لموها فعلا و لا لأ

shahd.

30-11-2011, 04:50 PM

فعلا انا اعرف ناس السنه اللى فاتت عملوا كده وجابو مجموع تمام
واللا مبالاه دى بردو عندنا لان الكل معتقد ان الامتحانات هتيجى سهله زى السنه اللى فاتت
بس انا ماعتقدش انهم هيقدرو يلموها فى 3 شهور ربنا يسر:bosyht9:
وبالتوفيق للجميع ان شاء الله
شكرا على الموضوع تقبل مرورى:blush:

قلبي ملك لربي

30-11-2011, 04:55 PM

فعلا ناس كتير طلعت بمجاميع عاليه جدا لكن ما اعتقدش اننا هنقدر نلم المنهج في 3شهور
انا لقيت هنا جدول لو مشينا عليه هنخلص العربي في 11 يوم مذاكره بس من غير حل يعني 11يوم حفظ ومش اقل من شهر
يعني لو كل ماده خدت شهر وطبعا ده كده قليل يبقي محتاجين 5شهور
فلازم نبدا جدا من دلوقتي عشان احتياطي لاي شي في لامتحان احنا ما نعرفش الامتحان هيجي سهل ولا لا

عطرشان

30-11-2011, 05:02 PM

انا عندى احساس قوى ان السنادى الامتحانات هتيجى مولعة بالذات سنة تالتة
اصل مش هينفع خالص السنتين يجو ورا بعض سهلين مستحيييييييييييل
ربنا يستر.......................

..: Pink rose :..

30-11-2011, 06:47 PM

انا عندى احساس قوى ان السنادى الامتحانات هتيجى مولعة بالذات سنة تالتة
اصل مش هينفع خالص السنتين يجو ورا بعض سهلين مستحيييييييييييل
ربنا يستر.......................

ربنا يطمنك:078111rg3:
بس تعرفي انا كمان حاسة انها هتيجي صعبة:(

karimadel7

30-11-2011, 07:12 PM

المشكلة حتي لو افترضنا ان الامتحانات هتيجي سهلة
اللي هيجيب 97٪ و 96٪ هيبقي كانه معملش حاجة

بحر_الامل

30-11-2011, 08:08 PM

المشكلة حتي لو افترضنا ان الامتحانات هتيجي سهلة
اللي هيجيب 97٪ و 96٪ هيبقي كانه معملش حاجة

الله ينور عليك

الكل فرحان انه جايب 97 و 98 بالرغم من ان الكل جايب زيه يمكن اعلى يعنى لو الامتحانات جت سهلة السنادى التنسيق هيبقى عالى وقتها خلى 97 تنفع بتاع اخر 3 شهور

EZEL coming

30-11-2011, 09:21 PM

والله الواحد مش عارف السنة دى هيكون فيها اية وعلشان تعرفو فى ناس كتير السنة الفاتت دى جيبة مجميع زى الزفت مش كلو ولو حصل زى السنة الفاتت الناس دة هيبقى ملهاش مكان فى الجامعة يعنى هتضرب فى الخلاط

ahmed doula

30-11-2011, 09:58 PM

عادى بقى :blush:

NeVeR CoMe BacK

01-12-2011, 05:08 AM

ممممممممممممممممممممممممممممممممم انا متوتورة خااااااااااااااااااااااااااااااااااااااااااااااااا ااااااااااااااااااااااااااااالص ربنا يستر :(

Asa7be Wawa

01-12-2011, 08:18 AM

ربنا يستر:blush:

درة الفردوس

02-12-2011, 09:27 AM

والله عندكو حق وانا حاسه فعلا ان الامتحانات السنه دى هتبقى صعبه عشان يصفو المجاميع العاليه اوى دى وفعلا مش كله جايب مجاميع فى مجاميع مش كويسه بردو بس اللى جايبين مجاميع عاليه نسبتهم عاليه عن اى سنه فاتت عشان كده نسبة ان الامتحانات هتيجى صعبه عاليه اوى
وفى الاخر احنا مفيش فى ايدنا غير اننا نذاكر ونعمل اللى علينا ونسيب موضوع السهل والصعب ده للى هيعملو الامتحانات والتفكير فى الموضوع ده هيوترنا اكتلر ومفيش واحد هياخد غير نصيبه وربنا مش بيضيع تعب حد
وربنا يوفق الجميع ويسترها معانا السنه دى وتخلص على خير باه عشان انا زهقت خلاص

highlight

02-12-2011, 03:19 PM

مممممممم............
على فكرة يا جماعة من خبرة شوفتها و لحد انهاردة بشوفها...
ان اللى بيذاكروا طول السنة و بيدحوا جامد دول مش بيوصلوا لحاجة..
و لحد الكلية....... اتصل باصحابى ها عملتوا ايه........
يا شيخة دا انا لسه هقوم اذاكر بعد ما اتعشى..........
انا اه بزنق نفسى و اظبط وقتى و مذاكرتى لحد اخر يوم قبل الامتحان...
الا انى بقدر اجمع و اخلص اللى ورايا الحمد لله......و ساعات بردو لا...
و فى اللى بيدخلوا يعتمدوا على اللى معاهم..........شئ طبيعى....
و على الرغم ان السنة اللى فاتت ظبطونا فى الرياضة و انجليش 2 و 3 و الاحياء...
الا ان فى ناس مش تستحق الدرجات دى و عدت..و ناس كانت تقدر تجيب اكتر من كد و مجابتش
حقيقى السؤال ده محيرنى جداااااااااااااااااااااااااااااااااااااااااااااااا ااااااااااااااااااا.........
درجة الثانوية العامة فى مصر.......لا تدل نهاااااائيا من قريب او من بعيد عن مستوى الطالب الحقيقى
بمعنى....اللى بيقعدوا يدحوا طول السنة دول و يبقوا فاهمين و زى الفل......
و فى الدروس درجات ماشاء الله و مستوى عالى.... بس مبيجبوش حاجة....
و فى اللى زى حالات الكلية كلها عندى... بيذاكروا قبل ساعات من الامتحان و يدخلوا يجيبوا درجات....
هقولكوا السبب..........اللى هو الحفظ.............
من يومين امتحان الفيزيا كان من المراجعة بالظبط.......كله طالع مبتسم و هاتك يا ضحك و تهييس.
امتحان الكيميا انهاردة...مجاش زيه ولا اى سنة......كله عمال يضحك فى اللجنة لانه مش عارف يحل حاجة...
بجد فى ناس كانت بتبهرنى بذكائها فى حل اسئلة الاستاذ نفسه ميقدرش يجاوبها.......
و اتصدم بالدرجات.......
معقول السبب هو الحفظ بس بيخلى بتوع الدرجات دول يجيبوا كده؟؟
و بخصوص اللى بيقولوا لسه بدرى دول........هو اه لسه بدرى.....
بس مش اعتقد ان ده السبب الوحيد اللى يخليهم يقولوا كده.......

قلبي ملك لربي

02-12-2011, 03:50 PM

طب يعني انا ممش فاهمه ابدا مذاكره جامد من ناو عشان ارتاح في المراجعه ولا عادي براحه في المذاكره واافش جامد في ايام المراجعه

highlight

02-12-2011, 11:50 PM

يا بوبتى...
لو جالك مزاج تذاكرى ذاكرى حاجة صعبة
لو عندك امتحان ذاكرى كويس جداااااااااااااااااااا
كانك رايحة ثانوية عامة.....لانك مش بتذاكرى كتير طبعا
فا على الاقل المرة اللى هتذاكرى فيها..يكون فيها تثبيت جامد للمعلومة
لانك مش هترجعيلها تانى الا كل فترة.....
و نصيحة بقى ايام المراجعة....
طنشيها شوية و اخر شهر متخرجيش من بتكوا....
تقعدى تركزى فى المذاكرة و تدوسى مذاكرة جامد

بقايا قلب

04-12-2011, 02:59 PM

ان اللى بيذاكروا طول السنة و بيدحوا جامد دول مش بيوصلوا لحاجة..

و فى الدروس درجات ماشاء الله و مستوى عالى.... بس مبيجبوش حاجة....

بمعنى....اللى بيقعدوا يدحوا طول السنة دول و يبقوا فاهمين و زى الفل......
و فى الدروس درجات ماشاء الله و مستوى عالى.... بس مبيجبوش حاجة....
و فى اللى زى حالات الكلية كلها عندى... بيذاكروا قبل ساعات من الامتحان و يدخلوا يجيبوا درجات....
هقولكوا السبب..........اللى هو الحفظ.............

متقلبيش المواجع بقى ... ده ما صدقت نسيت

بس انا متاكد مليون فى الميه ... ان عمر ما حد ذاكر وموت نفسه فى المذاكره وحرم نفسه من كل حاجه هيتساوى مع واحد كان بيذاكر اقل منه وصادفت معاه واجب مجموع عالى عن الللى بيذاكر ... (((هل يستوى اللذين يعملوا واللذين لا يعملون )))) صدق الله العظيم

صدقونى ..... عمرهم ما هيبقوا زى بعض .. حتى لو ده دخل طب وده دخل معهد

وربنا يوفق الجميع
.....

د/نداء الجنة المصرية

05-12-2011, 11:03 AM

اهدوا ياجماعة مجاميع السنة اللى فاتت السبب الحكاية مش ان احنا مستسهلين ومعتمدين على سهولة الامتحانات بالعكس احنا حاسين الامتحانات هتيجى صعبة عشان يعوضوا السنة اللى فاتت وحتى اللى جايبين 99خايفين يجيبوا زيهم ومايعملوش حاجة بس خلوا ثقتكوا فى ربنا كبيرة واعملوا اللى عليكوا وبس

حسونة بيه

07-12-2011, 11:36 AM

واللهيا جماعة ربنا مبيضيعش مجهود حد بس الامرالواقع انىالسنة دى بالذات 3 مش هتيجىسهلة خالص ولا حتى فى مستوى الطالب المتوسط لانى المجاميع عاليه اوى وكمان الوزير تغيريعنى احنا كدة بنعيد انتاج نظام احمد زكى وبرضو وسياستة فى الامتحانات اللى هيا مبنية على الابتكار وليس احفظ خلوها على ربنا واعملوا اللى عليكم

THE CodeR

07-12-2011, 12:58 PM

ايمى الادهم

09-12-2011, 03:27 PM

السنه اللى فاتت احنا تعبنا كطلبه تانيه لاننا مكناش متاكدين الامتحانات هتيجى سهله وللا لا ومريحناش فى المذاكرة ولا حاجه والدليل على كدة ان فيه ناس جايبه ستين فى الميه واقل كمان دة لانهم كانوا داخلين هزار ومكنوش بيذاكروا
انا فى اعتقادى مفيش حاجه اسمها امتحان سهل او صعب لا فيه طالب مذاكر وجاهز كويس للامتحان وفيه طالب ولا فى دماغه
بس الفارق ان اللجان كانت هبل اخر جاجه والغش كان كتير جدا والتصحيح كان اخر هبل على الاخر
ربنا يستر ويعديها السنه دى فعلا على خير

ahmed doula

09-12-2011, 03:39 PM

اما 5 من اسوان يجيبوا الدرجه النهائيه والباقيين فوق ال 200

تبقى كوسه بالبتنجان

هما اللى فى اسوان بقوا كلهم عباقره فجاه

بجد موضوع الغش ده لازم يبقالوا حل

انا عن نفسى مغشتش كلمه فى الامتحانات بس غششت شويه ورفعت درجتين تلاته لكل اللى غششته

انا بقى مستفيد ايه مش عارف؟؟

لازم مشكله الغش تحل عشان لو لقينا غش ممكن نحبط جامد والله

ayman.hassan94

09-12-2011, 10:38 PM

انا عندى احساس قوى ان السنادى الامتحانات هتيجى مولعة بالذات سنة تالتة
اصل مش هينفع خالص السنتين يجو ورا بعض سهلين مستحيييييييييييل
ربنا يستر.......................
حرام عليك ع فكره بس ارجع واقول كلامك صح ده فيه ناس متخلفه جابت فوق ال 98 عشان الامتحانات الهبله دى انا ف رأيى الامتحانات هتسجى ولا صعبه ولا سهله زى 2008 مثلا مع ان 2008 كانت نفخ برضه

only one

12-12-2011, 11:00 AM

بجد ربنا يستر ويعديها على خيير

karimadel7

12-12-2011, 11:26 AM

والله الثانوية العامة دي عاملة زي مسرحية بدون حكام او مخرج
اللي بيحفظ دوره كويس بينجح
ملهاش دعوة بقي بالاداء ولا التأثير او غيره
كفاية اما ابقي عارف عبقري او مخترع جايب 94% و يبقي واحد حفيظ ملوش فيها بالتلاتة جايب 99% او 100% !!!
الثانوية العامة في مصر عمرها ما كانت مقياس للطالب اطلاقاً
حتي الحاجات اللي بتميز الطلاب عن بعضها زي التفوق العلمي او الرياضي مفيش اهتمام بيها
التفوق الرياضي موجود و كتير كمان .....لكن التفوق العلمي اللي هو اهم في نظري عمري ما شفت حد حصل علي درجة فيه!!
الامتحانات انا حاسس انها مش هتيجي سهلة السنة دي ...هيجي مستواها زي اي امتحان ثانوية عامة سابق ..يا ااما نفخ يا اما نفخ :)
و ده ميخوفش
ده يطمن لان المجاميع هترجع تتظبط مرة تانية و اللي نفسه في كلية ممكن يقدر يخشها
انا بصراحة قلقان شوية انا كمان عشان مستوايا نفسه ميطمنش بالدرجة الكافية .... و ربنا يستر علينا جميعا

امتحانات السنة اللي فاتت مكنتش بتقيس طالب حافظ او حتي فاهم
هي كانت بتقيس طالب مذاكر كويس و خلاص
انا ليا صاحبي جاب 204 و طول السنة كان بينقص 10 و 11 درجة في امتحانات الرياضة و الكيميا
انت عارف طبعا المدرسين بيحبوا يصعبوا امتحاناتهم :) علي الاقل عندي كده
الامتحانات في اخر السنة جت في المعلومات و الاسئلة المباشرة
السؤال اللي عندي ازاي عبقري يجيب 94٪
لو قلتلتي 97 او 98 كنت اقلك حفظ العربي و كده مكنش بيستحمله
انما 94٪ من واحد عبقري ملهاش تفسير غير انه مكنش بيفتح كتاب اصلا من اول السنة
لان صحاب كتير ليا عاديين جدا ذاكروا اخر 3 شهور و جابوا 97
مش غريبة برضه !!

بقايا قلب

12-12-2011, 10:04 PM

احنا هنسيب الايام نثبت ... وهنشوف فعلا مين يستحق 98 و 99 ومين ما يستحقش

كلها 5 شهور والامتحانات جايه ... والفزيا والاحياء هتفرز الطلاب وساعتها هنبقى نشوف:mad:

Genius Girl

12-12-2011, 11:05 PM

هدى نفسك بس :d

..

انا السنة دى فى سنة تانية و بصراحة مش عوزة بجد الأمتحانات تيجى زى ما جت السنة اللى فاتت
انا معرفس إزاى الأمتحانات تيجى سهلة كدةة !!!

انا عوزاها تيجى صعبة عشان حرام اللى تعب طول السنة يتساوى باللى مذاكر أخير شهرين !!!

THE CodeR

13-12-2011, 01:00 AM

امتحانات السنة اللي فاتت مكنتش بتقيس طالب حافظ او حتي فاهم
هي كانت بتقيس طالب مذاكر كويس و خلاص
انا ليا صاحبي جاب 204 و طول السنة كان بينقص 10 و 11 درجة في امتحانات الرياضة و الكيميا
انت عارف طبعا المدرسين بيحبوا يصعبوا امتحاناتهم :) علي الاقل عندي كده
الامتحانات في اخر السنة جت في المعلومات و الاسئلة المباشرة
السؤال اللي عندي ازاي عبقري يجيب 94٪
لو قلتلتي 97 او 98 كنت اقلك حفظ العربي و كده مكنش بيستحمله
انما 94٪ من واحد عبقري ملهاش تفسير غير انه مكنش بيفتح كتاب اصلا من اول السنة
لان صحاب كتير ليا عاديين جدا ذاكروا اخر 3 شهور و جابوا 97
مش غريبة برضه !!

والله يا صاحبي واحد اعرفه مبتكر قانون في الرياضة و عنده اختراعين ... و مستواه في الرياضة الله اكبر بسم الله ما شاء الله عليه ربما زي مستشار الرياضيات ... مش مكتفي بمنهج بل معاه دبلومتين في الرياضيات
واحد زي ده نزلته المواد الادبية كعادة اي عقلية كويسة في مصر .... عشان كده جاب 94%
هو حالياً في هندسة ربنا يوعدنا يارب :d

ahmed doula

13-12-2011, 04:00 PM

والله يا صاحبي واحد اعرفه مبتكر قانون في الرياضة و عنده اختراعين ... و مستواه في الرياضة الله اكبر بسم الله ما شاء الله عليه ربما زي مستشار الرياضيات ... مش مكتفي بمنهج بل معاه دبلومتين في الرياضيات
واحد زي ده نزلته المواد الادبية كعادة اي عقلية كويسة في مصر .... عشان كده جاب 94%
هو حالياً في هندسة ربنا يوعدنا يارب :d

بس ده يبقى متميز فى ماده معينه مش متميز فى كل المواد

هو الواحد المفروض يبقى مستواه جيد فى كل المجالات

والامتحانات بتقيس قدراتنا كلها مش الحاجه اللى احنا فالحين فيها

وهو ده اجمالى مستواه وعادى يعنى

مش معنى انه شاطر فى الرياضه زياده عن اللزوم ان ده يغطى على ضعفه فى المواد الادبيه

زى ما قلت الامتحانات بتقيس متوسط القدرات كلها المفروض يعنى بغض النظر بقى عن نظام الامتحان الفاشل والمناهج العقيمه ...............

THE CodeR

13-12-2011, 08:54 PM

بس ده يبقى متميز فى ماده معينه مش متميز فى كل المواد

هو الواحد المفروض يبقى مستواه جيد فى كل المجالات

والامتحانات بتقيس قدراتنا كلها مش الحاجه اللى احنا فالحين فيها

وهو ده اجمالى مستواه وعادى يعنى

مش معنى انه شاطر فى الرياضه زياده عن اللزوم ان ده يغطى على ضعفه فى المواد الادبيه

زى ما قلت الامتحانات بتقيس متوسط القدرات كلها المفروض يعنى بغض النظر بقى عن نظام الامتحان الفاشل والمناهج العقيمه ...............

!!!!!!!!!!!!!!!!!!!!!!!!!!!!!
ده قمة التخلف في مناهجنا احنا هنا في مصر
برة لو واحد بس متفوق في مجال معين بيطوروه في المجال ده
و طظ في الباقي
دا كان ليا واحد جارنا بيقولي علي المبرمجين بتوع مايكروسوفت
انك ممكن تشوف واحد مطور في لغة معينة هناك ميعرفش يعمل صورة بسيطة اوي بالفوتوشوب
لانها مش تخصصه !!
مع انه في مايكروسوفت و دماغه في مجاله جبارة
لكن هنا للاسف
بنحاسب بتوع العلمي علي المواد الادبي
و بتوع الادبي علي المواد العلمي
ربنا يهديهم و يهدينا يارب
و عايزك متحطش في دماغك ان الذكي ذكي في كل حاجة ..... لان مش كل الاذكياء بيعرفوا يرسموا و مش كل اللي بيعرفوا يرسموا اذكياء !!

ahmed doula

13-12-2011, 10:28 PM

!!!!!!!!!!!!!!!!!!!!!!!!!!!!!
ده قمة التخلف في مناهجنا احنا هنا في مصر
برة لو واحد بس متفوق في مجال معين بيطوروه في المجال ده
و طظ في الباقي
دا كان ليا واحد جارنا بيقولي علي المبرمجين بتوع مايكروسوفت
انك ممكن تشوف واحد مطور في لغة معينة هناك ميعرفش يعمل صورة بسيطة اوي بالفوتوشوب
لانها مش تخصصه !!
مع انه في مايكروسوفت و دماغه في مجاله جبارة
لكن هنا للاسف
بنحاسب بتوع العلمي علي المواد الادبي
و بتوع الادبي علي المواد العلمي
ربنا يهديهم و يهدينا يارب
و عايزك متحطش في دماغك ان الذكي ذكي في كل حاجة ..... لان مش كل الاذكياء بيعرفوا يرسموا و مش كل اللي بيعرفوا يرسموا اذكياء !!

انت يعنى عايز الوزاره تعمل امتحانات لكل واحد حسب قدراته ؟؟

هما يعنى عارفين يعملوا امتحانات لينا كلنا اصلا؟

وبعدين كلامى واضح والله

الامتحانات المفروض انها بتحددلك مستواك فى كل المجالات عموما وليس مستواك فى المجال اللى فالح فيه ... بعدين الكليه بقى هى اللى بتنمى مهاراتك وتهتم بالحاجات دى

ونظام التعليم عندنا فاشل والله وانا عارف بس نعمل ايه ؟؟ المفروض الكليات اصلا تبقى بدرجه ماده التخصص مثلا وماده كمان تختارها انت او حتى من غير مجموع خالص عادى يعنى المهم تنجح وخلاص زى بره يعنى :d

karimadel7

13-12-2011, 10:39 PM

علي فكرة انا قرايبي في الاي جي و لازم بياخدوا لغات و مواد ادبية برضه
بس مبتسهامش بنسبة كبيرة في مجموعك زينا
مواد التخصص بيبقي ليها نسبة اعلي

و احنا في ثانوي مفيش حاجة اسمها مبعرفش اذاكر مادة ادبية لان كلها مواد عادية جدا جدا
في جامعة انت بتتخصص في حاجة واحدة انا كده معاك
انما مش عشان واحد بيحب الرياضة و الفيزيا يقفل دماغه عليهم و يقول مبحبش التانيين
لان المواد الادبية و الغات بالذات بتلم درجات و بمذاكرة بسيطة متنقصش فيهم كتير
احنا ناقصنا بس ان يبقي في امتحانات قدرات قبل الجامعة تدخل في المجموع و كده يبقي اشطه قوي :)

karimadel7

13-12-2011, 10:43 PM

!!!!!!!!!!!!!!!!!!!!!!!!!!!!!
ده قمة التخلف في مناهجنا احنا هنا في مصر
برة لو واحد بس متفوق في مجال معين بيطوروه في المجال ده
و طظ في الباقي
دا كان ليا واحد جارنا بيقولي علي المبرمجين بتوع مايكروسوفت
انك ممكن تشوف واحد مطور في لغة معينة هناك ميعرفش يعمل صورة بسيطة اوي بالفوتوشوب
لانها مش تخصصه !!
مع انه في مايكروسوفت و دماغه في مجاله جبارة
لكن هنا للاسف
بنحاسب بتوع العلمي علي المواد الادبي
و بتوع الادبي علي المواد العلمي
ربنا يهديهم و يهدينا يارب
و عايزك متحطش في دماغك ان الذكي ذكي في كل حاجة ..... لان مش كل الاذكياء بيعرفوا يرسموا و مش كل اللي بيعرفوا يرسموا اذكياء !!

الذكي فعلا مش ذكي في كل حاجة
بس في ثانوي لو انت ميولك علمية و عايز تبقي متفوق في بقيت المواد سهلة جدا جدا
محتاجة شوية اجتهاد مش اكتر
انما مش تقول انا مبحبش غير مواد معينة و خلاص
انا مثلا اكتر مادتين احبهم الرياضة و الفيزيا و بحب اذاكرهم انما مبسبش بقيت المواد
بذاكرها برضه و شايفها عادية مش صعبة و بجيب فيها الدرجات اللي انا عاوزها