الفرنساااااااااااااااااااااوى
اكتر مادة مس بحبها ابدا و مش بعرف اذاكرها خالص و لو عرفت بعد يومين بيطير مش عارفة اعمل اية
دول 50 درجة يا جمااااااااااعة
:o

هى فى اول السنه كدة بس بصى اهم حاجه فى الثانويه العامه عموما المراجعه باستمرار بمعنى
انك تجيبى الكلمات اللى انتى حفظتيها وراجعى عليها مش شرط كلها لا قسمى مثلا كل يوم عشر كلمات تراجعيهم او تعملى حاجه ظريفه انا كنت بعملها
جبت الكلمت وعملتها فى قاموس ودة فى كراسه صغيرة عندك وترتبييها بالحروف الابجديه ومعناها بالعربى ادامها والكراسه تبقى معاكى على طول تطلعيها فى اى وقت فاضه فيه وانتى فى المترو او فى الباص او وانتى مستنيه ميعاد الدرس اى وقت ودة بالنسبه للكلمات
اما القواعد فكل اسبوع تجيبى قاعده مش فاهماها او صعبه او كدة وتكتبى ملخص ليها تكون مرسومه على شكل دواير او اسهم وتعلقيها فى مكان بتقعدى فيه كتير وليكن فى اوضتك على الحيطه وتبصى عليها كل يوم ومن نفسك هتكون القاعده مرسومه فى دماغك
واتمنى اكون افدتك وربنا يوفقك ان شاء الله

لو انتى ف اوله ثانوى ممكن تلحقى نفسك وتروحى تحاولى احسنلك ايطالى
وال فاتك المستر يجيلك البيت ويشرحهولك تانى يعنى تاخدى حصص مضاعفه عان تلحقى
والفرنساوى اسمع انو صعب
بس بالمزاكرة بيبقى سهل
ربنا معاك

ع فكرة الفرنساوي و اي مادة عامة بتبقا سهلة بالمذاكرة الصح و المراجعة المستمرة..ركزي مع المسيو ف الحصة و كرري معاه ف نفسك كدا..و الله بجد مش مستاهل دا كله...دا اصلا كان بيتذاكر من غير درس و الله..ربنا يوفقك ويسدد خطاكي

المهم احفظي المرادفات كويس و افهمي القواعد كويس برضو..و متحطيش ف دماااغك ابداا ان المادة صعبة او انك يستحيل تذاكريها ..لا حبيها و استعيني بربنا و انتي هتقدري

هى المادة مش صعبة .....بالعكس هى تشبه العربى اوى
بس هى عايزة تركيز و بلاش تسرع فيها...........
عشان الفعل بيتصرف بخطوات.......زى الرياضة
ادربى كتير و انتى هتلاقيها سهلة........
و انا بردو كانت مشكلتى الكلمات.....مش الافعال..........
لانى مش بتاعة حفظ خالص و كل حاجة بطير عندى.......
و لو انتى زى ما منمن قالت فى اولى ..........
خدى اااااااااااااى مادة تانية.........
لان كلهم بيجوا اسهل من الفرنساوى بلا استثناء

ربنا يعييييييييينك :d
انا كنت نادراً ما افتحها و فتحتها في الاخر خالص غصب عني
مش عارف اقولك خير انك تحاولي تحفظي الكلمات بأي طريقة
اكتبيها عالحيط
او علي الديسك توب
او علي التلاجة :d
المهم تحفيظهم و بعد كده فكري في الجرامير
و ربنا يوفقك

لازم تهتمى بالمادة ده عشان ده اتفه 50 درجة فى الثانوية العامة عشان انا استهرت واتكلت على المدرس والفرنساوى نسفنى فى المجموع جبت 41.5 من 50 متستهريش بيها اكمنها مادة المدرس بياخدها ببساطة وهتلاقى زميلك بيوخدها ببساطة خديها بحماس

انا كنت بحب الفرنساوى جــــــدا و السبب فى كدة هو المسيو اللى كنت باخد عنده ...
كان دايما يديلنا تمارين كتير جدا و بيسأل كتير و امتحانات و بيشرح القاعده مرات كتيرة
فأنا شايفه ان المادة دى بتعتمد بشكل كبير على شغل المدرس و فهمك منه
فلو المدرس اللى انتى بتاخدى عنده مش نشيط اوى انصحك تغيريه
و تحلى كتير و تحفظى بتأنى و تسألى المسيو عن كل حاجه انتى مش فاهماها و الاسئله الخارجيه اللى وقفت عليكى و انتى بتحليها
و ان شاء الله تحبى المادة دى و تجيبى فيها الدرجة النهائيه:cool:

فعلا الفرنساوى ماده محتاجه جهد شويه لان فيها حفظ كلمات كتيييير وكمان حفظ افعال لان تقريبا نصف افعال الفرنساوى شاذه وعليز حل باستمرار على الجرامر لانه كتير وده كله بيبقى سهل مع المراجعه والحل الكتير هى فى البدايه بس هتحسى انك بتنسى كل اللى بتحفظيه لكن لما تراجعيه اكتر من مره هيبقى تمام واكيد هتراجعى كتير قبل الامتحانات فان شاء الله هتبقى اسهل ماده عندك والحكايه كلها هى المراجعه المستمره المراجعه المستمره
وبجد حاولى تهتمى بيها لانهم 50 درجه مش لعبه وسهل اوى انك تجيبيهم بس هى عايزه منك شوية جهد وتركيز وبعدين دا الفرنساوى ده من المواد اللى المفروض تكونى ضامنه فيه 50 درجه احنا المدرسين كانو بيقولولنا الفرنساوى مادة تجميع درجات يعنى هو سهل والله بس انتى استهدى بالله كده وشدى حيلك وكل حاجه هتبقى تمام ان شاء الله وربنا معاكى يا رب ويوفقك

هههههههههه طبعاً والله كفوكي في الإجابة
بس أوضحلك حاجه
تصدقي بالله أنا اللوقتي في هندسة ومكنتش بذاكر الا فيزيا ورياضة و كيميا و بحب الشعر فكنت بذاكر عربي شوية لأنه بينمي مهارات كتيرة جداً
لكن انجليزي معرفش عنه حاجه , كمنهج , لكن لغة الحمد لله تمام
الفرنساوي بئه je suis كنت بكتب جو سويس عشان أحفظ حاجه هههههههههههههههههههههه
طبعاً هتتلاقي الموضوع سهل باذن الله بس جربي ومتيأسيش
ملحوظة هامة : المواد بتاعة ثانوية عامة دي تتلم كلها في 10 أيام

10 ايام طب ايدى على كتفك