http://www.mydearvalentine.com/images/wallpapers/love-icons/loveicons006-1024.jpg

كل سنة وانتى ساكنة وعايشة جوايا
كل سنة واحنا فى الحب اجمل آيه
ولا تبقى الا معايا
دايب فبحر هواكى مالكك ساكنك جواكى
ولو انجرحت فيوم تبقى انتى وبس دوايا

ربنا ليا يخليكى يا اجمل احساس انا عشته
ربنا ديما يحميكى يا حلم فقلبى رسمته
ويدينى العمر بطوله عشان اقول حققته
ولا اعيش الا وياكى ولا تبقى الا معايا


يا عشق معدى حدوده ومالك كل ما فيا
يا حب وبسبب وجوده ديما فرحانه عنيا
يا اغلى ما فحياتى يا كل ايامى الجايه
ففرحك جرحك وياكى ولا تبقى الا معايا


يا ارق ضحكه وصوت هز فيا قلبى
يا اجمل كلمه حب ملكت كل حبى
يا رب تبقى ديما جمبى كده وفقربى
واكون قربك وياكى ولا تبقى الا معايا



وزى السنادى حبيبتى منتى كل حياتى
برده الجاية هتبقى اغلى من حياتى
ده انا حتى كلمه حبيبتى بتبان معاكى فسكاتى
ولا عمرى اكون مع غيرك ولا تبقى الا معايا


يا حلم العمر كله يا نور زمانى وسنينى
امل عشت استناه ان تشوفك عينى
مع ان خلاص يا حبيبتى اسمك مكتوب بجبينى
ولا ينفع ابعد عنك ولا تبقى الا معايا


كل سنة وانتى ساكنة وعايشة جوايا
كل سنة واحنا فى الحب اجمل آيه
ولا تبقى الا معايا
دايب فبحر هواكى مالكك ساكنك جواكى
ولو انجرحت فيوم تبقى انتى وبس دوايا


http://www.mydearvalentine.com/images/wallpapers/love-icons/loveicons006-1024.jpg


بـــقــــلمــى :::: نـــــور

كل سنه وانت طيب
بجد كلماتك روعه تسلم ايدك

كل سنه وانت طيب
بجد كلماتك روعه تسلم ايدك

وانتى طيبه وبخير يا كنارة

مرورك هو الاروع

كلمات جميلة لا تصدر الا من ملاك حساس يحسد عليه بجد

الاحساس بالحب شى جميل والاجمل انه من قلبك

كل سنة وانت طيب

تحيتى لك

شكرا لك

مبدع كالعاده
عيد سعيد

حلوة بجد يا سيلفانو
والله عجبتنى اوى
ربنا يخليهالك
ويخليك ليها

مشكورين اجمل اعض اء فالمنتدى
على مروركم اللى ديما بيشرفنى
دمتم بكل الخير