xMernax
25-10-2011, 11:31 PM
السلام عليكم
دلوقتي اما تكون عندنا سرعة ثابتة والتردد يقل للنص الطول الموجي بيزيد للضعف
و حاجة تانية
اما نزيد قوة الشد للوتر عموما بتقل عدد القطاعات
طب ازاي
او ع اساس ايه ف الاولى الطول الموجي زاد
و ف التانية عدد القطاعات قل
وهي تقريبا نفس الطريقة !
colona
26-10-2011, 06:16 PM
فى اى حاجة لما نحب نشوف العلاقة بين الاتنين المطلوبن نخليهم لوحدهم يعنى مثلا احنا فى الاولى عايزين نشوف الطول الموجى والتردد فبنعمل اية نجيب الطول الموجى قبل اليساوى لوحدة وهو يساوى السرعة على التردد يعنى العلاقة عكسية
وفى التانية نخلى عدد القطاعات قبل اليساوى فيكون 2L على عدد القطاعات يساوى واحد على التردد فى جذر قوة الشد على m يعنى العلاقة عكسية بردو
xMernax
26-10-2011, 10:49 PM
شكرا لحضرتك
انا مشكلتي اني كنت فاكرة الاولى علاقة عكسية والتانية علاقة طردية
بس قريتها تاني لقيت الاتنين علاقة عكسية
شكرا تاني
ahmed0028
11-11-2011, 11:04 PM
شكرا لحضرتك
انا مشكلتي اني كنت فاكرة الاولى علاقة عكسية والتانية علاقة طردية
بس قريتها تاني لقيت الاتنين علاقة عكسية
شكرا تاني
بصى اسهل طريقة عشان تعرفى اذا كانت العلاقة طردية ولا عكسية هى
لو الطرفين الى ما بينهم المقارنة فى جهة واحدة من اليساوى ومضروبين يبقى العلاقة عكسية
لو مقسومين تبقى طردية
والعكس لو واحد فى طرف والتانى فى طرف يبقى طردية دة فى حين الاتنين مقام او الاتنين بسط
ولو واحد مقام والتانى بسط يبقى العلاقة عكسية