|
مشاهدة النسخة كاملة : ممكن حد يجاوبني محمدانجينير 22-10-2011, 11:30 PM لو سمحتوا كل اللي عنده خبرة في الثانوية العامة يرد انا في تالتة ثانوي جبت في تانية 92 ويلا الحمد لله مع اني عملت مجهود والله اكتر من اللي جابوا 95 و 96 ان بذاكر وبحفظ بس ليه مبقفلش مادة واحدة بس لازم انقص ولو درجة مع اني والله مذاكر كويس بس اعمل ايه وايه الحل ارجوكم حد يقولي وشكرا جزيلا لكم ArabianPDA 22-10-2011, 11:46 PM جيت في ملعبي اخوك خبور خبور يعني (صيغه مبالغه علي وزن فعول عندك مانع:d) بص تقفيل الماده يعتمد بشكل كبير علي انك تبقي مقنع صدقني بص حسس الي هيعلملك انك واد فتك حتي لو اجابتك ناقصه بس خلي اسلوبك سلس + توفيق ربنا بجد هيريح عقلك ويديك سكينه عند الحل + اللغه العربيه الفصحي تكون سبيلك بشكل قاطع وحاسم وباتر وناتر وفاتر :p فنصايحي ليك يا كنج : 1.عربي:التعبير اختار الموضوع السهل وارغي فيه بس بحدود يعني متمسكش نقطه وتدنك راااااغي فيها وتسيب الباقي حاول يكون فيه تجانس في كلامك والقصه والباقي احفظ ودش;) 2.انجلش البراجراف حسس الي قدامك انه كيس بطاطس يعني حط عبلك كله فيه كلمات علي مصطلحات علي رتوش يعني ابهر الراجل وخليه يقول الواد ده شكله برنس وهيظبطك القرعه دي مش من فراغ:cool: الباقي بيعتمد علي السنس بتاع اللغه ومذاكرتك بتذاكر كويس هتعدي بتذاكرش مش هتعدي موضحتش انت علوم ولا رياضه عشان استسقيلك خبرتي ربنا معاك يا برنس وعلي رأي توفيق عكاشه:لو عرفت المرأه سر الجرجير لزوجها لزرعته ... بس كده:friendsxs3: اذاااااااا هو الجرجير:bosyht9: Dr.Nariman 23-10-2011, 12:50 PM السلام عليكم ورحمة الله وبركاته على حسب طريقة مذاكرتك يا اخ محمد مانتا ممكن تعد تذاكر مليون ساعة ويبقوا زي قلتهم وغيرك يذاكر ساعة ويعمل انجازات ويفهم اكتر منك ابحث عن طرق المذاكرة الصح وابدا بتطبيقها وانسى السنة اللي فاتت خاااالص وربنا معاك إن شاء الله محمدانجينير 24-10-2011, 09:12 PM انا بشكرك جدا يا دكتور محمد انت والدكتورة ناريمان ووالله مش اقول لكم ايه علي الاهتمام وتقبلوا صداقتي لكم ولعلمك يا محمد انا معنديش مانع من خبور بس في الدراسة بس :d محمدانجينير 24-10-2011, 09:16 PM للعلم انا علمي رياضة وحكاية مليون ساعة وساعة دي معاكي حق فيها لان انا اعتبر حصلي كدة THE CodeR 24-10-2011, 09:53 PM ادركت شيء يا اخي ده توفيق من ربنا حتي لو كنت مذاكر مذاكرة اللي جايب 100% ممكن تجيب اقل و هو اعلي منك توفيق انا كنت اعرف طالب عبقري في الثاوية العامة ..... جاب 94% بينما جاب طلاب اقل منه بكتير جداً في المستوي العقلي اعلي منه في المجموع ده توفيق ذاكر كويس و اعمل اللي عليك و خليك قنوع بنتيجتك و اعرف انها افضل ليك و طبعاً نصائح من قبلي قبل نصيحتي في سماعها و ربنا يوفقك و ايانا |