عقدة الرياضة ! [الأرشيف] - بوابة الثانوية العامة المصرية

مشاهدة النسخة كاملة : عقدة الرياضة !

Dr.Nariman

19-10-2011, 12:34 PM

السلام عليكم ورحمة الله وبركاته

اخبار رحلة الكفاح ايه معاكو ؟

يارب تكونوا لسا بخير

عندي استفسار صغير

من زمااااااااان وانا عندي عقدة من الرياضة

وللاسف اتعقدت اكتر منها لما دخلت 2ث

انا عايزة اعرف الرياضة بتتذاكر ازاي بالظبط ؟؟ يعني دلوقتي ممكن اجي احل مسائل على دروس من الاول الاقيها اتبخرت !!!:(

والاقي نفسي مش عارفة احلها خااااللص

هي الرياضة ليها طريقة مراجعة معينة عشان الواحد يفضل في ذهنه الطريقة والمعلومة ؟؟

اتمنى مساعدة اعضاء علمي رياضة وذوي الخبرة اللي عدوا ثانوية عامة والمتفوقين ف الرياضة بصفة عامة

وربنا يجزيكم خير

Asa7be Wawa

19-10-2011, 12:44 PM

الرياضة ديه عاملة زي السحر لو حبيتها بجد حتمشي فيها.. اولا لازم حل كتيير ...ثانيا هي تراكمية فـلو كل أسبوع رجعتي على حاجة

من حاجات اعدادي هتفيدك جدا السنة ديه... ثالثا لو بتنسي صحيح طريقة الحل يبقى كده لازم تزودي عدد المرة بتاعت

مذاكرة الرياضة مع انها صعب قوي تتنسي الا لو مدة مافتحتيهاش ...

karimadel7

19-10-2011, 12:50 PM

انا مش عارف ناس كتير بتكره الرياضة ليه ؟؟؟؟؟
هو فيه زي الرياضة :)

عموما بالنسبة لرياضة 1 الافكار محدودة و طرق الحل مش كتير
ممكن تلاقي الدرس كله بيتحل ب 3 او 4 طرق
معادا في مسائل صعبة سيبك منها دلوقتي
المهم في الرياضة الحل الكتير و المستمر
مينفعش تعدي فترة من غير حل رياضة
ده سبب النسيان
لو انتي تحلي يوم بعد يوم حتي لو كمية قليلة احسن ما الاسبوع يعدي من غير ما تحلي غير يوم واحد

Dr.Nariman

20-10-2011, 02:33 PM

جزاكم الله خيرا هي المشكلة بس انها 3فروع

وساعات بنركز ع فرع وننسي فرع

منه الله(منمن)

20-10-2011, 02:43 PM

بصى بجد اسهل رياضه ممكن تشوفيها ف حياتك هى رياضه واحد اولا احفظى القوانين ولو عليكى اثباتتها افهميها تمام واحفظيها وع فكرة غالبا معظم القوانين بيبتقى مرتبطه من القانون الاول ماخوذه منو والمستر يوضحلك جه ازاى عن طريق الاثبتات وهى عاوزة حفظ كتير اوى مثلا خلصتى الفصل الاول حلى اسئله عامه عليه كلو بعد ماتكونى زكرتى درس درس كويس وحليتى المسائل المحلوله بتاعت المستر واكيد لو فات فترة ع الدرس ده هتبقى مش فاكراه اووى فزاطكريه تانى صدقينى لو عملتى كده هترتاحى اخر السنه
انا كنت بعمل كده والحمد لله جبت 49 ونص وكمان الامتحان كان عسل بس ماتعمليش زيى وتزاكرى رياضه بس وتنسى الكميا او التاريخ لانك كده هتروحى فستين داهيه زيى بردو

karimadel7

20-10-2011, 07:22 PM

انا عندي 6 فروع :)

بصي التفاضل ده اسهل فرع عندك مفيش فيه اي مشكلة ماعادا اخر درس ممكن يبقي رخم شويه مع اني شايفه عادي
حساب المثلثات اغلب المسائل عادية
طبعا في مسائل صعبة جدا بس بصراحة عمرها ما جت قبل كده !!
الجبر كله سهل ماعدا اخر وحدة بتحتاج شغل شويه
متحسسيش نفسك انك كارهه المادة عشان تعرفي تمشي فيها

kimoooo_85

05-11-2011, 12:24 AM

انتي خوفتيني من الرياضة اوي اكتر من خايف وخايف كمان من الشهور القريبة من الامتحانات ومش متخبل شكلها ممكن حد يفيدني او يطمني عشان انا بقيت احلم بالايام دي ومش عارف اذاكر ؟؟؟؟؟

amothman123

05-11-2011, 01:43 AM

يا جماعة الرياضة 1 سهلة و الله .. مادام الواحد بيحل كتير عليها و بيحل كل المسائل عمره ما هاينسى الدرس بإذن الله
الرياضة تقريباً المادة الوحيدة الى النسيان فيها بيبقى شبه منعدم لأن مفيهاش حفظ .. و القوانين من كتر الحل بتتحفظ وحدها .. 3 أو 4 مسائل كدة بتلاقى القانون اتحفر فى دماغك
كتاب زى المعاصر دة ( بتاع السنة دى و السنة الى فاتت مش الى قبلهم ) لو الواحد مسكه مثلاً و حل أسئلة كل درس من غير ما تفوتى مسألة
يبقى كدة 100 / 100 بإذن الله

حسن يونس .

27-07-2012, 06:06 PM