مشاهدة النسخة كاملة : أريد التحويل من أخصائي تطوير الى مدرس كمبيوتر
عمادالجزار 13-10-2011, 03:34 PM السلام عليكم ورحمة الله وبركاته
ياريت ياجماعة حد يفدني في الموضوع ده أنا درست كمبيوتر كتير وعايز أحول بيقولوا فيه نشرة بالتطوير لكن هناك بالتطوير مش عايزين يفيدوا ممكن فكرين التحويل هيخلي الواحد أحسن منهم مش عارف
أنا متبهدل في وظيفة أخصائي تطوير جامد ، وعارف إن وظيفة المدرس مش سهلة بس بقول هي أفضل وأنا عايز أسافر وعايز أخذ خبرة كمبيوتر
أنا قرأت قرار التغيير للمسمى الوظيفي بس معرفتش حاجة من كل الشروط دي
ياريت تفيدونا وجزاكم الله خيرا
medo10000 13-10-2011, 08:30 PM مفيش فايده انا حاولت كتير ياريت انت لو وصلت لحاجه عرفنى
biba200577 15-10-2011, 10:21 AM أستاذ عماد أنا نفس مشكلة حضرتك ياريت حضرتك تعرفنى إنت أدارة أيه وتعاقد ولا تعيين لأنى عاوزة أحول برده وأشتغل فى تخصصى معلم حاسب وياريت حضرتك توضح لى نشرة إيه اللى بتتكلم عنها لو سمحت وانشاء الله نتواصل مع الزميل ميدو
ع فكرة أنا تعاقد مميز 1/10/2011 إدارة غرب المحلة
عمادالجزار 16-10-2011, 09:20 PM إزيكم ياجماعة
أنا عملت طلب
بعنوان
طلب تغيير المسمى الوظيفي
وقدمته لوكيل الوزارة وأشر عليه
وأرفقت به صورة المؤهل وهي مهمة خالص
وصورة القرار 275 بتاريخ 31/7/2011
وهو قرار تغيير المسمى الوظيفي
وصور شهادات الكمبيوتر
وكنت على وشك التحويل بالمديرية لكن رئيسة قسم التطوير بالمديرية قالت مفيش تحويل بسبب وجود عجز عندنا بالقسم
وقالت خلي الورق بقسم التنسيق العام لعلنا نحتاج بعدين فسبته ومشيت
لكن ربما عندكم ينفع كل مكان و له ظروفه وأشخاصه
ربنا يوفقكم لما يحبه ويرضاه
وليد فوده 06-11-2011, 10:45 AM طيب انا عاوز احول من مدرس كمبيوتر إلى اخصائى تطوير
fcifci 06-11-2011, 12:34 PM للأسف فى المنيا مش هينفع تحويل من مدرس حاسب الى إلى تطوير لازم يعرض الأمر على مستوى موجهى المحافظة (للحاسب والتطوير ) وزى ما حصل معايا رفض مع أنى لى كل الحق فى أنى أكون أخصائى تطوير أسوة بزملائى
ولكن ممكن بين الموجه والثانى بتاع الإدارة ودى
كل عام وأنتم بخير
medo10000 07-11-2011, 08:52 PM لعلم حضرتك توجية الادارة الاتنين( تطوير - حاسب ) يبانه كويسين مع بعض انما فى الحقيقة الاتنين مش بيحبه بعض
biba200577 08-11-2011, 04:59 PM سبحان الله محدش عاجبه حاله بس ربنا يكرم كل واحد ويكون فى المكان اللى هو عاوزه وكله بأمر الله
وليد فوده 03-12-2011, 01:06 PM وأنا عايز احول من مدرس كمبيوتر إلى اخصائى تطوير
meslmat 03-12-2011, 02:44 PM وأنا عايز احول من معلم كمبيوتر إلى اخصائى تطوير
ايمن سليمان 05-12-2011, 09:52 PM انا نفسي اغير من اخصائي تكنولوجيا الى مدرس حاسب
biba200577 06-12-2011, 09:41 AM الظاهر ان الموضوع ده مش شاغلنى أنا لوحدى عاوزين نفكر فى حل ياجماعة للمشكلة دى والله المستعان
waelsaid20010 11-12-2011, 03:23 PM السلام عليكم
بالنسبة لطلب تغير المسمى الوظيفى سوف يتم الرفض لوجود عجز بالتخصص ولكن فى نشره وصلت يوم الأربعاء الماضى بامكانية تدريس مادة الحاسب عن طريق أخصائى التطوير وذلك للمدارس التى يوجد بها عجز وبما لا يتعارض مع أداء عمله الأصلى وصلت للتطوير بالقليوبية وكذلك الكمبيوتر التعليمى وتم ارسال صوره لجميع الادارات
biba200577 11-12-2011, 06:39 PM السلام عليكم
بالنسبة لطلب تغير المسمى الوظيفى سوف يتم الرفض لوجود عجز بالتخصص ولكن فى نشره وصلت يوم الأربعاء الماضى بامكانية تدريس مادة الحاسب عن طريق أخصائى التطوير وذلك للمدارس التى يوجد بها عجز وبما لا يتعارض مع أداء عمله الأصلى وصلت للتطوير بالقليوبية وكذلك الكمبيوتر التعليمى وتم ارسال صوره لجميع الادارات
ماشى حضرتك بس كده المشكلة أصبحت أكبر خاصة بالمدارس الابتدائية اللى بها عجز واضح بمدرسين الحاسب الألى يعنى أخصائى التطوير هيقوم بعملين كده يعنى المشكلى بقت أكبر ولا ايه رأيكم؟؟؟؟؟؟؟؟؟؟
asmaa72 13-12-2011, 11:13 AM طيب يا جماعة انا عندى اقتراح ايه رأيكم لو نعمل حصر على مستوى المحافظات اللى عايز يحول من وإلى الحاسب الآلى ونعمل تبادل بين الوظائف وكده نتغلب على مشكلة العجز دى بمرونة شوية ولو ان الكبار من توجيه الاتنين بيعقدوها وخصوصا فى التحويل من تطوير لمدرس حاسب وان طبعا عايزة احول لمدرس حاسب
asmaa72 13-12-2011, 11:18 AM وانا رأيى ان تدريس الحاسب الآلى إلى جانب عملنا كأخصائيين تكنولوجيا خطوة رائعة ومهمة جدا حتى وان كان فيها شوية تعب فى الأول ولكن طريق الألف ميل بيبدأ بخطوة وخصوصا ان عملنا كأخصائى تطوير مش شغلانة صعبة ممكن يؤديها أى شخص غير متخصص بقيليل من المعلومات عن الكمبيوتر ولكن خبرتنا كمتخصصين ضائعة فى اعمال اقل من امكانياتنا كمدربين ومدرسين للحاسب الآلى
biba200577 13-12-2011, 05:37 PM طيب يا جماعة انا عندى اقتراح ايه رأيكم لو نعمل حصر على مستوى المحافظات اللى عايز يحول من وإلى الحاسب الآلى ونعمل تبادل بين الوظائف وكده نتغلب على مشكلة العجز دى بمرونة شوية ولو ان الكبار من توجيه الاتنين بيعقدوها وخصوصا فى التحويل من تطوير لمدرس حاسب وان طبعا عايزة احول لمدرس حاسب
اقتراحك ياجميل يااخت أسماء ياريت فعلا ده يحصل علشان بتوع التطوير يبطلوا حجة العجز دى والله المستعان
biba200577 13-12-2011, 07:54 PM ياريت حد يرفع لنا النشرة دى ويكون مشكور
عمادالجزار 07-02-2012, 08:29 PM السلام عليكم ياجماعة
هو إقتراح الأخت اسماء كويس لكن مش هايفيد لإنه في المديرية بيرفضوا حتى البدل والله
أنا بقول ياريت كل محافظة تجمع بعضها ويكون العدد أكبر ويتعمل طلب جماعي لإن حكاية العجز دي واهية وكذب
يعني أنا أخصائي شبكات مبشتغلش نهائي كل حصص احتياطي خدمة للمدرسة
وأخصائي التطوير مبيشغلش معمله كمان واحنا 3 تطوير بمدرسة واحدة يعني العجز فين مش عارف
هو فيه سوء تنظيم وسوء ادارة
والفاكس ده لو حقيقي هيكون كويس لينا على الأقل ندرس الحاسب الآلي ويكون عندنا خبرة
ahmedtahirs 19-10-2014, 10:45 PM انا نفسي اغير من اخصائي تكنولوجيا الى مدرس حاسب علشان المدرس حافظ كرامته اما الاخصائي كرامته مهدرة
|