مشاهدة النسخة كاملة : الموضوع الشامل للكورسات والبرامج التدريبية لكلية التجارة
vampire1188 07-10-2011, 02:15 PM السلام عليكم ورحمة الله وبركاته
النهارده موضوعنا مهم جدا جدا جدا لاقصي درجة
بس قبل ما ابدأ احب انوه عن شئ بس كدا
اولا أأسف على التأخير فى وضع الموضوع
ثانياً انا كنت هاحط الموضوع داخل الموضوع الخاص بجامعة القاهرة بس رجعت في رأيي وقولت اخليه فى موضوع منفصل لوحده عشان الخطاب يبقى موجه لكل الناس فى كل جامعات مصر وعشان كلنا نستفيد منه
طبعاً كلنا دخلنا الكلية فيه مننا اللى اتخرج ومننا اللى لسه بيدرس ومننا اللى لسه داخل الكلية جديد مايعرفش حاجة
في موضوع النهارده انا باذن الله هاركز على الناس اللى بتدرس والناس اللى لسه داخلين الكلية جديد
ودا معناه اني هاقسم الموضوع على مرحلتين
1- مرحلة ما اسميه "المبتدئين جامعياً"
2- مرحلة "طلاب الجامعة"
النهارده هانتكلم عن شئ مهم جدا وانا اعتبره مهم لدرجة انه ممكن يفوق اهمية انك تجيب تقديرات فى الكلية
موضوعنا النهارده هــو
الكورســـــــــــــات
وكالعادة عشان بقى نبقى منظمين وحلوين كدا مع بعض ومانتوهش انا هاقسم الموضوع على كذا بوست
واللى عنده اى اسئلة فى جزئية معينة او حتى معلومة يتفضل يشاركنا بيها ويبقى مشكور جدا :rolleyes:
سمو باسم الله ويالا بينا نبدأ الرحلة
vampire1188 07-10-2011, 02:19 PM - مرحلة المبتدئين جامعياً -
خلصت الثانوية العامة بتاعتك .. دخلت الكلية
بطيـــخ مش عارف اي حاجة في اي حاجة وابيض يا ورد
بتبص للناس اللى اكبر منك في الكلية بتحس انك قد ايه جاهل
كل دا عااااااادي .. شعور طبيعى بيراود اى شخص داخل الكلية جديد
ومش عيب انك تكون جاهل في مرحلة زي اللى انت فيها دي
لكن العيب انك تعدي المرحلة دي وتخش فى مرحلة تانية وتبقى لسه جاهل
مرحلة المبتدئين جامعياً دى بتبدأ من اول ما رجليك بتخطى عتبة باب الجامعة وبتنتهى مع نهاية سنة اولي كلية
ودا مش تعريفي انا .. دا المتعارف عليه في جميع جامعات العالم
ومعلومة ليكو وللزمن برده .. اكاديميا الطلبة بتتقسم لرتب بناءا على السنة الدراسية الملتحق بيها الطالب
طالب السنة الاولى بيبقى اسمه freshman
طالب السنة التانية بيبقى اسمه sophomore
طالب السنة التالته بيبقى اسمه junior
واخيرا طالب السنة الرابعة بيبقى اسمه senior
وبالتالى تركيزنا فى البوست دا هايبقى منصب فقط على الناس الـ freshman
طب دلوقتى انت عايز تبتدي طريقك هاتبتدي ازااااى ؟؟
بص ياسيدي .. تخيل انك واقف في ميدان كبير والميدان دا متفرع منه 6 طرق وكل طريق منهم طوله 200 كيلو
(يعنى زي المسافة بين القاهرة واسكندرية تقريبا)
بالسينس كدا .. هل هاتقدر تمشي في طريق طوله 20 كيلو وانت مش معاك مايه ولا اكل ولا هدوم ؟
أكيد لاء طبعا .. ودا معناه انك قبل ما تخش في الطريق اللى انت عايزه من الـ 6 طرق دول انت محتاج تحضر نفسك كويس عشان تبتدي الرحلة .. صح ؟؟
- الميدان اللى انت واقف فيه دلوقتى دا هوا نقطة الصفر الى هاتبتدأ منها كل حاجة
- الـ 6 طرق دول بيمثلو 6 انواع من التخصصات اللى انت تقدر تتخصص فيها من خلال الكورسات (وهانعرفهم بعدين)
- المايه بتمثل الانجليش او اى لغة تانية غير العربى
- الاكل بيمثل الكمبيوتر
- الهدوم بتمثل السوفت سكيلز بتاعتك (وهانعرف يعنى ايه سوفت سكيلز في وقتها)
لو انت ظبطت مايتك واكلك وهدومك يبقى انت كدا جاهز انك تختار طريق من الـ 6 طرق عشان تمشي فيه وتوصل لآخره بنجاح
اذن نستنتج من دا ان احنا دلوقتى هانركز على المايه والاكل والهدوم
ازااااااااى ؟؟؟
هانعرف ازاى ان شاء الله فى البوست القادم
يتبـــع ،،،
vampire1188 07-10-2011, 09:01 PM خلونا نبعد ولو لدقيقة كدا عن تفسير المايه والاكل والهدوم ونبص للموضوع بشكل مختلف
احنا قعدنا 6 سنين في ابتدائى و 3 سنين في اعدادي و 3 سنين في ثانوي بندرس
يعنى لو جمعتهم على بعض هاتلاقي نفسك مر عليك 12 سنة بتتعلم
ماسألتش نفسك في يوم من الايام انا بتعلم ليه ؟؟!
هل عشان انا مجبر على كدا ؟
هل عشان ابقى زي ابن خالتى الدكتور ولا ابن عمتى المهندس ؟
هل عشان لما ابقى متعلم الناس هاتحترمنى ؟
هل عشان ابقى متأهل كفاية لانى اشتغل شغل كويس واقبض كويس واتجوز ؟
لو كانت اجابتك واحده من الاسئلة اللى فوق دي فايؤسفنى القول بان تفكيرك في النقطة دي محدود
ليــــه ؟؟
لان الانسان بطبيعته بيبقى تواق لانه يوصل للحاجة اللى هوا عايزها .. وبمجرد مابيوصل بيمل ومابيعجبوش الوضع وبيبقى عايز حاجة احسن واكبر
وبما ان دي طبيعة بشرية حقيقية موجودة فى كل انسان وربنا خلقها فى كل واحد فينا ليه احنا بقى مانستغلهاش الاستغلال الصح ؟
ليه بتحط سقف لطموحك ؟ ليه بتقول انا مش هاقدر ؟
مع انك في قرارة نفسك من جوا واثق تماما انك لو شديت على نفسك وتعبت شوية هاتعمل النتيجة اللى ترضيك
ارجع بذاكرتك لورا وافتكر انت كام مرة تعبت فيها وذاكرت وجيبت درجات عالية ؟
ارجع بذاكرتك لورا وافتكر انت كام مرة تعبت في نشاط معين وخدت شهادة تقدير ؟
ارجع بذاكرتك لورا وافتكر كام مرة اتعلمت حاجة وتعبت فيها والناس صقفتلك وقالتلك برافو وكنت مبسوط ؟
اذا العملية واضحة اهي .. شوية تعب مع شوية تركيز مع شوية اجتهاد والنتيجة بتكون شئ كويس يرضينى ويرضي طموحى
وكنتيجة للكلام اللى فات دا لازم مانحطش حدود لطموحنا
خلي طموحك مفتوح وبلا نهاية
بس في سبيل دا لازم تبقى منظم في افكارك وترتيبك للطموح دا
بمعنى ان العملية ماتبقاش ملخبطة
ودي مشكلة كبيرة للاسف بيقع فيها اغلبية الطلبة والخريجين
وانا نفسي كنت بقع فيها لغاية ما عيدت ترتيب اوراقي من جديد
اللخبطة دي بقى بتيجي ازاى ؟؟
الواحد بيخش الكلية جديد .. اول حاجة بيسأل عليها انا لما اتخرج هاشتغل ايه ؟
صيغة السؤال ذات نفسه غلط ومستفزة
الصيغة الصح انك تقول ايه الامكانيات اللى المفروض تتوافر فيا عشان اشتغل في وظيفة معينة انا عايزها
وهيا دي احد المشاكل اللى بتواجه الاف الخريجين سنوياً
بيتخرج وهوا اصلا ماعندوش اى مهارات ولا اي حاجة ويقولك انا مش لاقى شغل او لاقيت شغل بس مش عاجبنى
طب وهوا انت ايه امكانياتك اصلا ؟!
كلنا نفسنا نشتغل في مايكروسوفت واوراكل وحازم حسن .. الخ الخ
بس هل انت قادر على انك تشتغل فى شركات زي دي ؟
المشكلة الحقيقية هنا بتبقى فيك انت مش في الشركات
الشركة عايزة شخص يكون متوافر فيه واحد اتنين تلاته
وانت قدمت واترفضت .. ليه ؟ لانك ماعندكش لا واحد ولا اتنين ولا تلاته
اذا دائما المشكلة بتبقى فيك انت مش فى الشركة
الوضع بالظبط زيه زي لعبة برو ايفليوشن اللى كلنا عارفينها
كل سنة بتنزل نسخة احدث من اللى قبلها .. طب افرض انك جيبت نسخة السنة دي وماشتغلتش على جهازك عشان امكانيات جهازك ضعيفة .. بالله عليك المشكلة هنا فين ؟
هل في الشركة اللى عملت اللعبة عشان نزلت لعبة مابتشغلش الا على اجهزة امكانياتها عالية ؟ ولا عشان انت جهازك امكانياته ضعيفة ؟
وعشان كدا زي ما قولت مافيش داعي لانك تلخبط نفسك او تحتار وتبقى مشتت .. العملية ابسط مما تتخيل بس محتاجة تعب
التاجر لما بيبقى عايز يبيع منتج معين بيحاول يقنع المشتري بكافة الوسائل انه يشترى المنتج دا
ولو المنتج حلو العميل بيشتري .. ولو المنتج مضروب العميل بيرفضه .. صح ؟؟
وكذلك انت نفس النظام .. انت ذات نفسك عبارة عن سلعة ولازم تكون سلعة كويسة مش مضروبة وتكون بكواليتي عالية عشان لما تيجي تسوق لنفسك عند الشركات من خلال السي في والانترفيوهات تبقى ساعتها الشركات تقبلك
وعشان كدا احنا دلوقتى هانبدأ نعرف ازاى تحضر نفسك خلال الاربع سنين بتوع الكلية بحيث ان باذن الله لما تتخرج تبقى سلعة كويسة ولما تيجي تقدم لشركات ساعتها الشركات ممكن تقبلك
وعشان تبقى سلعة كويسة ومنتج نضيف وتبقى قادر تمشي في رحلة الـ 200 كيلو اللى قولنا عليهم في البوست اللى فات
لازم يبقى معاك مايتك واكلك وهدومك
يتبع ،،،
مرموور 08-10-2011, 12:52 AM والله انا فعلا مش لاقيه كلام اقوله على المجهود الخرافى ده
ماشاءالله بجد حضرتك عندك خبره وطريقه فى الكلام روعه جدا
الله اكبر.. الله اكبر.. الله اكبر.. الله اكبر.. الله اكبر
خمسه الله اكبر:d
موضوع مميز تسلم الايادى
ومستيه الكلام عن الJUNIOR
ربنا يقدر حضرتك
وكمان حضرتك كنت وعدتنى انك تعمل موضوع عن التخصصات
ومزايا وعيوب كل قسم
شكرا على الموضوع الرائع
Analyzer.Mn3m55 08-10-2011, 09:34 AM رووووووووووعه استمر .. و لو مش يضايق حضرتك احب اضيف بعض الحاجات كده قريب :d
اينشتاين العرب 08-10-2011, 09:56 AM طب والله كده كتير :d
والله يا فامبير مش عارفين من غيرك كنا هنعمل ايه ؟؟
بجد انت عرفتنا حاجات لو كنا اتشقلبنا مكناش هنعرفها قبل ما نخلص جامعه
بنت الشاطئ1 08-10-2011, 10:38 AM نو كومنت
الكلام جميل جدا و يعجز الكلام عن الشكر و الله معلش على المداخلة مع انى مش تجارة خالص بس بصراحة انا بحب الكلية دى اوى و نفسى ادخلها و جايبه مجموعها و كل حاجة بس للاسف اوامر عليا بقى
بس بجد موضوعك جميل و يا ريت تكمل عشان نستفيد من خبرتك العالية
شكرااااااااااااااااااااااااااا
ali 2 08-10-2011, 01:48 PM بجد مش لاقى كلام اقولة يا فامبير غير بجد تسلم ايدك وماوسك وكيبوردك :d:d
ومعلومات قيمة جدااا:rolleyes:
ومستنى اكيد انا وكل طلبة التجارة البوست الجاى ;)
ربنا يوفقك ويوفقنا كلنا يارب سنة سعيدة ان شاء الله:friendsxs3:
Saifallah 08-10-2011, 09:26 PM بجد احنا المفروض نفتخر ان عندنا مشرف على قسم تجارة زيك
ahmed mostafa ragb 09-10-2011, 10:11 AM جزاك الله خيرا يا محمود .......
ملك عاشقة الرياضيات 10-10-2011, 01:22 AM واللهى بدخل المنتدى علشانك ربنا يكرمك على فكره النهارده كانت اول محاضره لدكتور محمد شوقى بشادى انا اقعدت مركزه جدااااااااااااااااااااااااا الى اقصى حد والحمد لله فهمت كل المحاضره امال ايه بقى ولا الصدمه لسه بعدين بس انا بأذن الله لا استسلم ايه رايك يا فمبير فاللجنه الفنيه انا روحتلهم هما ناحيه باب مترو كده وقلتلهم دا انا عمله معرض فقطى وكده يعنى فقالولى هاتى حجتك واحنا نعرضهالك بس انا متردده مش عارفه ليه بصراحه
bloodyman 11-10-2011, 02:08 AM موضوع اكتر من رااااااائع بجد مجهود خرافى
احنا مستنين باقى الموضوع بقى عان نستفاد اكتر ....
vampire1188 11-10-2011, 07:30 PM أولا احب اشكر كل الناس اللى شاركو معايا وربنا يوفقكو ان شاء الله
ثانيا نخش بقى في الموضوع على طول
آخر حاجة توصلنا ليها في البوست اللى فات اننا لازم نبقى بنفكر بايجابية ونفكنا من الكلام السلبي بتاع هاشتغل ايه ومافيش شغل والبلد بايظة والكلام الفكسان اللى لا بيودي ولا يجيب دا
ووصلنا كمان لان المشكلة الاولى والاخيرة بتبقى في السلعة البايظة مش فى التاجر .. يعنى هاتلف تلف والمشكلة هاتبقى فيك مش في الشركة
تمـــام اوي لحد كدا ؟؟
طب نسأل سؤال دمه خفيف وابن ناس
انت لو قعدت يوم واحد بس ماشربتش كوباية مايه .. ايه اللى هايحصل ؟
هاتبقى حاسس انك مش عايش حياة طبيعية وممكن تتضر صحياً .. صح ؟
وكذلك الحال فى مجال العمل "المحترم" في مصر
الانجليش يساوي بالظبط كوباية المايه
ليه بقى ؟ لان الشركات دي بتعتمد اعتماد كامل على الانجليش في تعاملاتهم اليومية
وبالتالى مستحيــل انها تقبل واحد مايعرفش انجليش
كام واحد دخل فندق او بنك او شركة وشاف ناس نضيفة جوا لابسه بدل و ID فى رقبتهم وبيشتغلو بروفيشنال ؟
كام واحد شاف الناس دي وقال لنفسه ياسلاااام لو اشتغل في المكان دا ؟
كام واحد سأل نفسه يا تري الناس دي بتاخد كام في الشهر ؟
كام واحد شاف موظف منهم وهوا خارج من الشركة وبيطلع الريموت بتاع العربية وبيبص للعربية يلاقيها عربية جامدة وبيقول يااااه امتى ابقى زيه ؟
خدوها معلومة بقى منى وحطوها دايما فى الحسبان
لو عايز تشتغل في مكان محترم وشركة ليها اسمها ونفسك في دا لاااااااااااااازم تبقى بتتكلم انجليش
وحط تحت بتتكلم انجليش دي مليووووون خط
وهانوضح المعلومة دي قدام
بس المهم اننا دلوقتى توصلنا لنقطة ان الانجليش دا شئ اساسي ماينفعش تشتغل من غيره في الشركات او البنوك النضيفة اللى بتشوفها في التليفزيون دي
.
.
.
الانجليش عموما عبارة عن لغة زي اي لغة
انت حضرتك نزلت للدنيا دي مش عارف اي حاجة في اي حاجة وبالتدريج بدأت تفهم الجو اللى حواليك
وواحده واحده عرفت ان لما تشوف حاجة ليها عقارب وبتعمل صوت دي يبقى اسمها ساعة
ولما تشوف حاجة بتعكس صورتك يبقى اسمها مراية
وهكذاااااااا
ومن هنا انت اكتسبت معرفتك باللغة العربية
ازاى ؟ بالتدريب والممارسة والتعامل مع البيئة المحيطة بيك
طب غير الوضع وتخيل نفسك انك في امريكا مثلا
وبرده اتولدت هناك ولسه خام مش عارف اي حاجة
ومع الوقت برده عرفت ان لما تشوف حاجة عليها ارقام كتير وليها شاشة صغيرة كدا يبقى اسمها calculator
ولما تشوف حاجة منورة وبتعرض حاجات دي يبقى اسمها TV
مش هوا هوا برده نفس الوضع ونفس الحالة ؟
اذن ايه اللى بيخلي شخص معين بيتكلم لغة معينة ؟
عشان الشخص دا محكوم بالبيئة اللى حواليه اللى بتتكلم اللغة دي
وبالتالى الشخص اللى قاعد في مصر مش فاهم لغة اللى قاعد في امريكا
وكذلك اللى قاعد في امريكا مش فاهم لغة اللى قاعد فى اسبانيا
طب والحـــل ؟ كدا كل واحد هايلتزم باللغة بتاعته وهاينفض للغة الناس التانية عشان هوا مش فاهمها ؟
اكيد لاء طبعا
وتيجي هنا حكمة ربنا لما قال "يا ايها الناس إنا خلقناكم من ذكر وانثى وجعلناكم شعوبا وقبائل لتعارفو"
شعوبا وقبائل هنا بتدل على اختلاف اللغات والعادات والثقافات
بس عشان مانوسعش الموضوع هانتكلم في اللغة بس
عشان نخلي الموضوع اوضح هانضرب مثال ظريف جدا
في يوم من الايام انت نمت وصحيت تانى يوم الصبح
وفجـــأة
لاقيت نفسك في جزيرة غريبة وفيها ناس بيتكلمو لغة انت اول مرة تسمعها في حياتك وعمالين يشاورو عليك وبيحاولو يتكلمو معاك بس انت للاسف مش فاهمهم ولا هما فاهمينك
وهوا يقولك مجازين وانت تقوله انا مش من شرم !!
هاتعمل ايه ؟؟
لما هاتيأس خالص هاتلجأ للاساليب البدائية فحت
الا وهى الاشارات
ومع الوقت هاتكتشف واحده واحده لغتهم
اذن نقدر نستفيد معلومة حلوة اوي من الجزئية دي
ان تعلم اي لغة لاول مرة بيبقى في منتهي الصعوبة وبيبقى حاجة خنيقة جدا
تانى معلومة نقدر نستفيدها من الكلام دا
انك عمرك مهاتبقى ضليع فى اللغة في شهر او اتنين
لا دانتا بتقعد مدة كبيرة عشان تتقنها وتبقى بتتكلم زي اهل اللغة ذات نفسها
واكبر دليل على كدا ان مثلا واحد مصري سافر السعودية وقاعد فيها بقيله سنة تقريبا
لو اتنطط ووقف على راسه مش هايتكلم زي اهل البلد
هوا ممكن يقلدهم اه بس هايتكشف
والموضوع دا مابيتمش اتقانه الا لما بتقعد فترة كبيرة هناك
بالتطبيق بقى على الانجليش كلغة ليها وضعها الخاص
هاتلاقي ان كل الكلام دا صحيح جدا جدا جدا
اولاً .. ايه اللى خلى الانجليش لغة مهمة في مصر ؟
دا بيرجع لسببيــن
1- اوائل التسعينيات الشركات الاجنبية بدأت تستثمر بصورة ملحوظة فى مصر وبطريقة مباشرة
يعنى تلاقي مايكروسوفت ذات نفسها جت فتحت لنفسها فرع هنا في مصر
قبل كدا مثلا كنت تلاقي مايكروسوفت اولريدي فاتحة في مصر بس عن طريق وكيل ليها
وبما ان الشركات دي امريكية اساسا وبيبقى فيه اتصال مباشر بينها وبين الشركة الام فى امريكا فا من الطبيعى ان الموظفين داخل الشركة يكونو على الاقل بيفهمو انجليش
2- مع اوائل الالفينات ومع افتتاح القرية الذكية ودخول مصر في مجال جديد اسمه صناعة التعهيد outsourcing
(وهابقى اشرحه بعدين مش دلوقتى خالص وانصح ان الناس تدور على النت وتفهم يعنى ايه تعهيد عشان دا عايزله موضوع لوحده)
بقت الشركات الاجنبية بتيجي مصر على اساس ان المصريين عندهم مستوي لغات عالى مش بس في الانجليش ودا بيخلي الشركات تيجي تستثمر بصورة كبيرة في مصر
واعتقد هما دول السببين الواقعيين اللى خلا الانجليش بقى ليه قيمة اكتر من العربى في مجال العمل داخل مصر
ودا عشان سبب واحد .. وهوا ارتباط فكرة المرتب العالى بالانجليش الكويس
لو انت بتتكلم انجليش تمام يبقى مرتبك عالى .. لو بطيخة يبقى مالكش فيها وتاخد فتافيت
طبعا دا للاسف المبدأ السائد حالياً .. واحنا بنتعامل مع واقع دلوقتى
والواقع دلوقتى بيقولك
المرتب العالى مع الانجليش العالى
المرتب النص نص مع الانجليش النص نص
والمرتب التعبان مع الانجليش التعبان
وسواء مؤيد او معارض للمبدأ دا عمره ماهايغير من الواقع حاجة
زي بالظبط الناس المؤيدة للثورة والرافضة ليها
سواء ايدت او رفضت كدا كدا في حقيقة ملموسة الا وهى ان الثورة حصلت واتكتبت في التاريخ خلاص
وبما اننا مخلوقات قادرة على التكيف مع البيئة المحيطة بيها لان الحمدلله ربنا خلقنا كدا وطبيعتنا كدا
يبقى لازم تسستم نفسك على الواقع والحقيقة دي
كدا احنا ربطنا كل النقط ببعضها عشان نكون فكرة شاملة وهى انك لازم تتعلم لغــة تانية غير لغتك الام
ناس كتيرة بتفضل الانجليش باعتباره اللغة المألوفة لينا كمصريين لان الكل درسه في المدرسة ويعرف خلفية عنه
مع ان انا شايف انه مش مقياس يعنى بس قشطة مش مشكلة
=========================
طبعا دلوقتى سيادتك حطيت ايدك على خدك وقولت في نفسك اوووووووبا
ايه الجنزبيل اللى احنا بقينا فيه دا بقى ؟ احنا ماتفقناش على كدا
دانا ماصدقت اخلص ثانوية عامية واشم نفسى شوية
ردي عليك هايبقى في سطر واحد
ناس كتيرة جدا جدااااا اتخرجت من الكلية وبيقولو ياريتنا كنا استغلينا الوقت اللى ضيعناه فى الكلية وكنا استفدنا بيه
ايه اللى خلاهم يقولو الكلام دا ؟
لانهم للاسف طلعو لسوق العمل وشافو ان فيه فرق كبير جدااا مابين اللى انت بتدرسه في الكلية وبين اللى الشغل طالبه
وعشان كدا بيتم تعويض المساحة الفاضية دي بالكورسات والتدريب
لان عمر ما كانت دراسة الكلية شئ كافى ابدا
فابعد اذنك اوعى ثم اوعى تنضم لطابور الناس دي بعد التخرج لان فعلا هايبقى حرام عليك
ومش هاتعرف قيمة الكلام دا الا لما تتخرج وتلاقي نفسك مش لاقي شغل ومافيش ولا شركة عايزة تقبلك وساعتها هاتقول ياريتنى
طب وعشان ماتقولش كلمة ياريتني دي تعمل ايــه ؟
تشد حيلك وتمشي على نفس الخطوات اللى قولتلك عليها في البوست اللى فات
1- ماتحطش سقف لطموحك وتقول انا مش هاقدر .. لاهاتقدر باذن الله بس اتعب شوية
2- ارمى حمولك على ربنا واتكل على الله وماتخافش
3- البداية دايما بتبقى خنيقة بس لما بتمشي بتلاقي نفسك تمام وبتقول ايه الحلاوة دي
4- رتب اولوياتك كويس اوي وحط اهداف ليك على المستوي البعيد والمستوي القريب وابتدي نظم نفسك على هذا الاساس
وانا ارشحلك ان اول حاجة تبتدي بيها هي الانجليش
ازاى ؟
هوا دا بقى موضوع البوست القادم ان شاء الله
يتبــــع ،،،
ahmed mostafa ragb 11-10-2011, 08:53 PM جميل .............
جزاك الله خيرا ...
ياريت باقى الموضوع بسرعة شوية .......
bloodyman 11-10-2011, 10:57 PM الف شكر يا فامبير بس يريت بردو باقى الموضوع ينزل بسرعة عشان احنا مستعجلين اوووى
ملك عاشقة الرياضيات 12-10-2011, 01:46 AM ايوه يا فامبير بس مش هتبقى مشكله خصوصا اناى فسنه اولى ولسه فى حاجات كتير بتعلمها وكل يوم بروح بدفتر معلومات جديده عليا اه انت قولتلنا على كل حاجه فى البوستات السابقه بس برضه العملى غير النظى وانا فعلا نفسى اخد انجلش لان بصراحه ومن غير اى خجل انا زباله جداااااا فيه اه بحب اتعلم لغه وكلمات ومحادثه وكده لكن جرامر ومنهج ودروس حاجه تقرف بس برضه مش عارفه اروح فين ولا اعمل ايه بس هو انا طول ما ماشيه بلاقى اعلان عن منح اوركل وحاجات كده المحاسب المحترف وانا حاسه ان دى لسنه رابعه ا تالته اذا كان احنا لسه بناخد التوصيل والقياس ومش عارفه انهى قرص او حتى اسمه ايه عشان ينا سيناسبنى ويبتدى معايا من السالب للمليون
vampire1188 12-10-2011, 08:35 PM يا صباح الصباح
آخر مرة اتكلمنا فيها في البوست اللى فات كانت على نقطة مهمة
وهى ليه الانجليش مهم في مجال سوق العمل جوا مصر
واعتقد اغلبيتنا كان معتقد بالفكرة دي
ولما قرا الكلام اللى قولته اقتنع اكتر
عشان نبقى متفقين بقى من اولها كدا
البوست دا هوا بداية قصة نجاحك باذن الله .. عشان كدا ركز فى كل كلمة هاقولها لانها عن خبرة وتجربة
انا مش هاقولكو انى شغال مدير عام في شركة مش عارف ايه
بس مريت بانترفيوهات كتير وشوفت شركات كتير والحمدلله كونت فكرة كبيرة عن المواضيع دي
عشان انا عارف ان فيه ناس ممكن تقرا الكلام دا وتقول مين عم الحج اللى واجع دماغنا بذكرياته اليومية دي !!
نبدأ ؟؟
.
.
قولو بسم الله ويلا بينا
.
.
.
سؤال بسيط جدا نبدأ بيه عشان نصحصح
هوا ليه الانجليش بتاعنا زبالة اوي بالرغم اننا بقيلنا 12 سنة بندرسة في المدارس ؟؟
واحد هايقول .. عشان التعليم اساسا زفت والمنظومة التعليمية فاسدة
واحد تاني هايقول .. الله يخربيتك يا مبارك انت والنظام الفاسد بتاعك
واحد تالت وواحد رابع وواحد خامس ....
وتستمر الاراء والاطروحات
كلها اراء تحترم طبعا .. واراء صحيحة ومؤيد ليها تمااااااما
بس تفتكرو ايه هيا الحقيقية الثابته ورا رداءة تعليم الانجليش في مصر ؟
والاجابة بكل بساطة تتلخص في اننا مش بنستخدم نفس طريقة التعلم اللى الطفل بيتعرف بيها على الجو المحيط بيه
فاكرين لما كنت بقول في البوست اللى فات الطفل الامريكي بيتولد مش فاهم حاجة وبالتعامل مع الناس اللى حواليه بيكتسب اللغة ؟
هيا دي بقى طريقة التعليم المثلى عشان تتكلم انجليش
مش فاهمين ؟ اوضح اكتر
نظام التعليم الحالى في مصر هو كالاتى :
- جوود مورنينج يا ولاد
- قوم يا واد قولي البريزنت سيمبل بيتكون من ايه
- ساعة يعنى ووتش وبنى يعنى براون
- انت ازاى تخش عليا الكيــــلاس !!
وكلنااااااااا بلا استثناء تقريبا خضع للتعليم المتخلف دا
نطق غلط – معلومات غلط – قياس مستوي الطالب بطريقة غلط – امتحان بيقيس مدى قوة الحفظ والصم والغباء !!
كله غلط فى غلط .. ونتج عن دا اننا وصلنا للمستوي المزري اللى احنا فيه دا
مع انك لو في تعليم محترم .. وكنت بتدرس انجليش لمدة 12 سنة كان زمانك بقيت بتتكلم انجليش احسن من الامريكي والكندي !!
طب على كدا بقى ايه هيا مواصفات التعليم المميز اللى من خلاله اقدر اتعلم انجليش صح ؟؟
انك تتعامل معاملة الطفل اللى لسه مولود وبيكتشف العالم من حواليه بنفسه
حتى لو انت كان عندك 50 سنة
ازاى ؟ انت بما انك مابتعرفش تتكلم انجليش .. دا معناه انك بتتساوي تماما مع الطفل اللى لسه مولود في امريكا ومابيعرفش يتكلم هوا كمان
صح ؟؟
وبالتالى عشان تتعلم صح زيه يبقى شوف هوا اتعلم ازاى واتعلم زيه
طب هوا اتعلم ازاى ؟
افتكر معايا البوست اللى فات لما قولت :
طب غير الوضع وتخيل نفسك انك في امريكا مثلا
وبرده اتولدت هناك ولسه خام مش عارف اي حاجة
ومع الوقت برده عرفت ان لما تشوف حاجة عليها ارقام كتير وليها شاشة صغيرة كدا يبقى اسمها calculator
ولما تشوف حاجة منورة وبتعرض حاجات دي يبقى اسمها TV
اهو انت هاتبقى زيه بالظبط .. في الاول هاتقول ايه المعيلة اللى انا فيها دي .. مانا عارف الكلام دا وخدناه قبل كدا في المدرسة
هارجع اقولك تعليم المدرسة دا اساسا فاااااشل ومالوش تلاتين لازمة
لازم تتعلم لغة من اول وجديد .. لان حاجات كتيرة انت اتعلمتها غلط للاسف
في الاول هاتتعب اوي .. وممكن توصل لدرجة اليأس .. بس صدقنى وخدها مني كلمة هاتستريح بعدين .. وبالممارسة هاتلاقي نفسك شغااااااال يونيفرسال وهاتحس بالفرق
اذن نظام التعليم الامثل اللى المفروض تتعلمه هو :
- good morning guys and girls, how r u?
- Hey u, could u tell me how can I use the present simple?
- watch is something that u see to know the time
بمعنى ان مابيبقاش فيه استخدام ولو لكلمة واحده بالعربي في الكلاس
يبقى كله اوول انجليش اوول ذا تايم فعلا
اذن توصلنا لنقطة دلوقتى وهى ازاى اتعلم الانجليش بالطريقة الصح
==============
كام واحد فينا بيشتكي من صعوبات في اللغة ؟؟
كتييييييييييييير طبعا
طب ايه المشاكل اللى انت بتواجهها ؟
- بتهته فى الكلام وبقول كلمتين على بعض بالعافية وياعالم يا صح ياغلط
- انا عارف كلمات كتيرة بس مش عارف اوظف الكلمات دي في المكان الصح
- الجرامر عندي تعبااااااااان موله وبدخل الماضى في المضارع في المستقبل والجملة بيبقى شكلها يسد النفس
- بنطق غلط والانجليش بتاعي فلاحي جدا لدرجة ان لو واحد امريكي سمعنى هايشتمي بالام والاب والعيلة كلها !!
- انا بتكلم كويس وبنطق صح بس لساني تقيل ونفسي ابقى جامد كدا وانطلق بقى وابقى بتكلم زي الامريكان كدا
تقريبا هيا دي اكتر مشاكل بتواجه الناس اللى بتتعلم الانجليش
نعالج بقى المشاكل دي كلها ازاااااااااااااى ؟؟
اولاً .. تعيش نفسك فى امريكا وانت قاعد في مصر
ثانياً .. تتكلم مع اي حد جنبك عشان تمرن لسانك
ثالثا .. عليك ثم عليك ثم عليك بالكورسات
وكل نقطة من دول هانتناقش فيهم بصورة مفصلة ان شاء الله
في البوست الجاي
وباذن الله هاتبقى هيا دي الزتونة بقى
بعتذر عن اذا كان الموضوع بينزل على اجزاء
بس انا فعلا كل يوم بكتب شوية وبنزله ودا عشان انا مابلاقيش وقت اصلا
فاعذروني يعنى
يتبــــــــع ،،،
ملك عاشقة الرياضيات 12-10-2011, 09:30 PM ايوه يا فامبير خش فى الموضوع بسرعه بليس
bloodyman 13-10-2011, 12:23 AM تمام يا فامبير
بس احنا عايزين البوست الواحد يبقى شامل حاجات اكتر وبسرعة عشان بس نقدر نستفاد ونجهز نفسنا بسرعة
ahmed mostafa ragb 13-10-2011, 09:51 PM جزاك الله خيرا ...
طلب من أخى الحبيب محمود و هو أن نلتزم بخير الكلام ما قل ودل ...... يعنى أن يحتوى الموضوع على كذا نقطة جديدة ..
ولا ينصب على حاجة واحدة .... بوركت ... وفقك الله وسددك ...
hamdy_maged 14-10-2011, 03:31 PM شكرا على مجهودك الرائع يا فامبير
Analyzer.Mn3m55 15-10-2011, 11:32 AM رد لفامباير و ياريت ترد عليا فيه ضرورى جداا او تاخد بالك منه
اولا شكرااااااا جداا جداا على الموضوع الاكثر من رااااائع ده بجد عاوز اقولك انى اخدت جمل انت كاتبها و كتبتها فى ورق عندى و علقتها جمب السرير عشان كل شوية اشوفها وعقل الباطن يحفظها :d
ثانيا عاوز اقولك انك بتخاطب فى البوست ده شريحة كبيره من طلاب سنه اولى لان معظمنا دخل على الموضوع و كده فا ياريت فى بوست كده تقولنا فى اجازة سنه اولى نعمل ايه و هكذا لحد سنه رابعه عشان نحدد خطة بالظبط و خد بالك اثناء الدراسه صعب جدااا ناخد كورسات او نهتهم ب اى حاجة و فى نفس الوقت عاوزين تقولنا الاجازات بتاعت اخر السنه نعمل فيها ايه بالظبط ... ّ!!!
و سؤال كمااااان انا فى سنه اولى طبعا .. و بحب الانجلش جداا و البرمجه و الديزاين
فا انا معايا ICDL , Toefel - Local و بتعلم oracele بس self study لما بكون فاضى
و يعتبر باخد كورس المانى فى معهد goethe و بفهم تمام اوى ف java , c# , cinema4d
يعنى لما بكون فاضى و معاد الكورس تمام بروح مش بواظب اوى عليه الصراحه
قولى انا كده ماشى صح ولا ايه و اجازة سنه اولى اعمل فيها ايه ؟؟
و هل ينفع اخد كورس انجلش فى البيزنس بس يعنى مش انجلش عام .. مثلا كورس انجلش بيزنس فى ال AUC
ولا محتاجين كورس عام فى ال AUC مثلا ولا ايه ياريت الرد على الاستفسارات اللى اعتقد انها مهمه لى و لاى حد بردو و هستنى الرد ..
و ربنااااااااااا يجازيك خير عن مواضيعك يارب
vampire1188 15-10-2011, 08:20 PM ناس كتيرة اضايقت من حكاية انى عمال ارغى ارغى وادي في مقدمات
بس صدقوني والله كان لازم ادي في مقدمات عشان تبقو عارفين قد ايه الموضوع مهم
وقد ايه انت لازم تتعلم لغة تانية غير العربى
تاني حاجة فيه ناس بتشارك وبتكتب اسئلة وللاسف انا ببقى عايز ارد بس مش عايز الموضوع يبهدل منى .. ولذلك انا عملت موضوع فرعى للاسئلة والاستفسارات المتعلقة بالكورسات عموما
ودا هايبقى ان شاء الله بمثابة مشاركة عامة من كل الناس
مش شرط يعنى انى اجاوب انا عليه
http://thanwya.com./vb/showthread.php?p=4048867#post4048867
عرفنا في البوست اللى فات شوية حاجات كتير وكان اخر حاجة توصلنالها هيا المشاكل الشائعة اللى بتواجهنا لما بنيجي نتعامل مع الانجليش كلغة جديدة بنتعلمها او بنعرفها
وبما ان الناس طلبت منى اخش فى الموضوع بدون رغى فاتس اوكي
عشان تعالج المشاكل اللى انت بتتعرض ليها لازم تعمل 3 حاجات
أولاً : تعيش نفسك في امريكا وانت قاعد في مصر
انا ليه بقول عيش نفسك في امريكا ؟
لان زي ماقولتلك قبل كدا تخيل انك نمت وصحيت لاقيت نفسك في امريكا ومش عارف تتكلم مع الناس ومجبر على التعامل معاهم وانت مش فاهم لغتهم اصلا .. هاتعمل ايه ؟؟
يااااااما ناس سافرت امريكا وماكنتش تعرف تفرق حرف الايه من البي
ومع ذلك قعدو هناك سنين ورجعو مصر بيتكلمو احسن من اجدعها دكتور في اداب انجليش !!
واحنا بما اننا ماعندناش القدرة على السفر لامريكا فاحنا عايزين نطبق الموضوع دا دلوقتى واحنا قاعدين في مصر
فيه وسائل كتيرة بس الوسيلة الاضمن والانجح والمتاحة للجميع هيا النت
ازاى ؟
1- تخش على ويكيبيديا وتقرا عن حاجات كتيرة بالانجليش
ويكبيديا موسوعة مالهاش حل بجد وفيها كل حاجة تيجي في بالك باي لغة انت عايزها .. بس عشان احنا عايزين ننمى اللغة فلازم تقراها بالانجليش
ولاحظ ان من الطبيعي جدا ان فيه كلمات كتيرة ممكن ماتعرفهاش بس ساعتها بقى لازم تتعب شوية وتحاول تجيب معناها وتشوف النطق الصح بتاعها
2- تفتح السي ان ان يومياً وتعرف الاخبار من عليه
هاتلاقي المذيع بيتكلم بسرعة وهاتتخنق في الاول .. حاول تلتزم بالموضوع دا على قد ما تقدر وقدرتك على السماع هاتزيد وهاتعرف تلقط كلام كتير بعد كدا
3- تتفرج على افلام بدون ترجمة
دا في حالة اذا كنت بتتخنق من حكاية السي ان ان والكلام دا .. بس في تلك الحالة انت هاتعمل حاجة حلوة اوي
فيه افلام بتنزل بدون ترجمة .. حاول انت بقى تنزل الترجمة بتاعتها بس بالانجليش .. يعنى الترجمة يبقى مكتوب فيها الكلام اللى الممثلين بيقولوه بحيث انك تتطابق الكلام مع اللى انت بتسمعه .. دا هايعمل معاك فرق جااامد جدا جدا واسألونى انا :D
4- تسمع في اغانى وتحاول تلقط الكلام وتفهم (بس ابعد عن الراب)
ودي خطوة موازية لخطوة الافلام .. نقى اغاني هادية ماتكونش سريعة وهات الكلمات بتاعتها lyrics وبرده طابق كلام الاغنية مع اللى انت بتسمعه هايعمل معاك فرق رهيــــب
مع مراعاة حاجة مهمة .. وانت بتسمع وبتقرا الكلام بتاع الاغنية حاول تغنى مع الاغنية بنفس طريقة كلام المغنى عشان يظبط الاكسينت عندك
ومع استمرارك في الحكاية دي والله فعلا الاكسينت هاتتحسن كتير وبعد كدا هايبقى حاجة تلقائية عندك
وفعلا انا اللى ظبط الاكسينت عندي هيا حكاية الاغاني دي
5- الاهم من كدا بقى .. تعمل تشات مع الاجانب بالانجليش
عندك مواقع التشات على النت مغرقة الدنيا .. كلم اجانب كتير سواء كتابة او مايك عادي يعنى
دا هايفيدك في حاجتين ..
اول حاجة الطلاقة فى الكلام .. ودي هانتكلم عنها بشكل تفصيلي كمان شوية
تاني حاجة .. هاتستفيد ثقافة ليك ولنفسك بتعرفك على ثقافات الناس التانية
لان تعاملك مع الناس اللى من جنسيات تانية احسن ميت مرة لما تقعد تقرا عن ثقافات الناس دي في الكتب
ونصيحة بقى انصحك بيها
اعمل لنفسك ساعتين او تلاته كل يوم .. وخلال التلات ساعات دول انت اجنبى ..
يعنى تخش ع النت على حاجات انجليش
تفتح التليفزيون على قنوات انجليش
تشغل الام بي ثري على اذاعة انجليش او اغاني انجليش
الموضوع ممكن يوصل معاك لانك تكلم نفسك بالانجليش .. وحصلي انا شخصيا قبل كدا وحسيت انى اتجننت :D
ثانيا : تتكلم مع اي حد جنبك عشان تمرن لسانك
غالبا صعب انك تلاقي حد تتكلم معاه .. فانتا ماعندكش غير بديلين :
الاول : تعمل تشات مع الاجانب ع النت وبالمايك وماتتكسفش
التاني : الكورسات يا معلم زي ماهانشوف كمان شوية
فايدتها ايه بقى انك تتكلم مع الاشخاص التانية ؟
1- انت دلوقتى لسانك تحس انه مربوط والكلمات بتطلع بالعافية وحاسس انك مكسوف ومش عارف انت بتتكلم صح ولا غلط .. فانتا بالخطوة دي بتحاول تفك لسانك
واتكلم عادي حتى لو بتتكلم غلط او تنطق غلط بس المهم انك حاولت ومع الوقت وتنفيذك للي قولتلك عليه في الاول خالص هاتكتشف حاجات كتيرة غلط انت بتعملها وهاتصلحها
2- انت بتفكر بالعربى بعد كدا بتترجم انجليش وبعد كدا بتتكلم
يعنى مثلا .. انت دلوقتى عايز تقول الراجل اللى بيتكلم دا رغاي اوي
فانتا كدا فكرت بالعربى ودي خدت ثانية
وعلى بال ماتترجمها بالانجليش خدت ثانية كمان
يبقى كدا عشان تقول جملة زي دي يبقى كدا خدت منك ثانيتين بحالهم
وكدا تبقى انت بطئ
كلامك مع الاشخاص التانيين وتمرينك المستمر في الطريقة دي هايزود معدل السرعة عندك في التفكير والترجمة السريعة دي لغاية ما الموضوع بعد كدا هايتحول تلقائى لانك تفكر بالانجليش ومش محتاج انك تعمل عملية الترجمة دي
ثالثاً : الكورسات ثم الكورسات ثم الكورسات
فيه اخطاء شائعة بيقع فيها كتير من الناس زي :
1- عايز مركز يكون كويس وبيدي شهادة معتمدة
2- عايز اخش في ليفل عالى من الاول عشان انجز
وعشان نعالج الاخطاء دي لازم نوضح هيا ليه اصلا غلط
صح ؟
اولا .. بخصوص موضوع المكان الكويس اللى بيدي شهادات معتمدة
عايز اقولك ان حوار الشهادة اللى بيخص تعليمك لاي لغة انساااااااااه خااااااااالص وفكك منه
انت اللى يهمك انك تستفيد لنفسك وتكتسب اللغة وتبقى بتتكلم كويس
تخيل انك واخد 20 شهادة من كامبردج و5 شهادات من اكسفورد
وروحت عملت انترفيو في شركة ما والانجليش بتاعك مكسر
هل الانترفيور اللى بيعملك الانترفيو هايقبلك ؟
اكيد لاء طبعا حتى لو واخد عشروميت شهادة
طبعا الشهادة شئ كويس .. بس مش الحاجة الخطيرة الجامدة اللى هوا انا باخد الكورس عشان استلم الشهادة في الاخر وافرح بيها
وبعدين عايز اقول معلومة في النص كدا
مقولة بلدك بلد شهادات دي بدأت تموت وبقى الاتجاه اللى ماشى حاليا هو انت امكانياتك ايه ووريني ع الواقع واشوف بعيني ولو تستاهل هاشغلك
ثانيا .. بخصوص حوار انك تبقى عايز تخش ليفل عالى عشان تقصر المسافة عليك وتخلص كل الليفلات على طول في اقل وقت باقل تكلفة
دا هايضرك اكتر من اما هاينفعك
ليــــه ؟
لانك لما تخش في مستوي انت مش قده اصلا هاتتعب
يعنى مثلا انا في مرة كنت باخد كورس تبع معهد بيرلتز وعملت تحديد المستوي وفوجئت بانى دخلت ليفل وان .. مع انى مستوايا اعلى من كدا ودا بشهادة انستراكتورز تانيين
ومع ذلك مازعلتش .. ليه ؟ قولت لنفسي اللى عملى الامتحان شايف ان مستوايا كدا وهوا ادري بدا اكتر منى
وغير كدا انت هاتبتدي البداية الصح اللى هاتظبطك صح
وفعلا فيه حاجات كتيرة كانت ممكن تفوتني لو كنت دخلت في ليفل اعلى من وان
وبالتالى شيل من دماغك فكرة انا عايز اعلى ليفل ممكن اقدر اخشه
خليك على طبيعتك خااااالص والمستوي اللى انت تستاهله خشه وانت راضى حتى لو كان ليفل زيرو مش وان حتى !!
اي كورس انت هاتخشه في اي حتة خلقها ربنا في مصر هاتلاقيه متقسم لاتنين
جينيرال – كونفيرسيشن
1- الجينيرال :
دا بيبقى فيه الاساسيات بتاعة اللغة .. بيعلمك ازاى تكون جملة مظبوطة – ازاى تظبط الجرامر – ازاى تنطق صح .. الخ الخ
ودا اللى بيبقى زيرو خالص في الانجليش بيخشه
2- كونفيرسيشن :
وطبعا باين من اسمه انه خاص بالكلام والمحادثة .. ودا بيبقى مستوي متقدم شوية وبيركز على الكلام في اي مواضيع بحيث انه بيعلمك ازاى تتكلم بطلاقة من غير ماتفكر بحيث ان الكلام يطلع لوحده من بوقك
ومن خلال الكونفيرسيشن دا انت مع الوقت باذن الله ممكن توصل لدرجة الفلونت والناتيف كمان
ودا يقودنا لنقطة تانية وهو انك لما بتتخرج انت بتيجي في الحتة الخاصة بتقييم الانجليش عندك في السي في وبتكتبه .. وهوا لا يخرج عن حاجة من الحاجات الجايه دي :
1- Fair : يعنى فهم بصعوبة وكلام بالعافية
2- Good : بتفهم معقول وبتتكلم متهته وساعات بيبقى غلط
3- Very Good : بتفهم زي الفل وبتتكلم كويس بس ساعات بيقع منك حاجات قليلة بس نطقك صح والجرامر بتاعك صح
4- Fluent : يعنى وصلت لدرجة الطلاقة في الكلام اللى هوا الكلام بيطلع لوحده منك من غير ماتفكر فيه بالعربى وتقوم مترجمه
5- Native : دا بقى اعلى حاجة .. الناتيف دا اللى هوا لغة اهل البلد ذات نفسها .. يعنى لو انت ناتيف دا معناه انك بتتكلم زي لغة اهل البلد ذات نفسها
وطبعا بيفرق الناتيف بتاع انجلترا عن الناتيف بتاع امريكا عن بتاع كندا عن بتاع استراليا
وعشاااان كدا بقولكو اسمعو افلام كتير واغاني كتير عشان تلقطو الاكسينت بتاعتهم وتحاولو تقلدوها ووالله هايعمل معاكو فرق كبير جدا
ناخد بريك بقى دلوقتى ونقف لحد هنا نستريح شوية
وملحوظة حابب اقولها
في وقت هاييجي عليا هانزل بوستات كاملة بالانجليش بدل العربى عشان اجبركو انكو تقرو انجليش وتيجو على نفسكو شوية
في البوست القادم انا مش عارف هاقول في ايه اصلا لان ورايا خمس الاف حاجة اعملها .. بس اللى عنده اي كومنت يحطه في الموضوع الجديد الخاص بمشاركة الكورسات
http://thanwya.com./vb/showthread.php?p=4048867#post4048867
يتبـــــــع ،،،
ahmed mostafa ragb 16-10-2011, 08:56 PM بارك الله فيك أخى محمود ...
ربنا يوفقك و يسددك و ييسر لك كل خير ...
ممكن تبقى تكتب بوست كل يوم ... تبقى افدتنا جامد ...
hamdy_maged 16-10-2011, 10:27 PM شكرا ليك على مجهودك الرائع يا فامبير
vampire1188 20-10-2011, 08:16 PM خلصنا الانجليش وعرفنا طريقنا صح والحمدلله
وكدا يبقى العمود الاول اتبنى
يتبقالنا عمودين (الكمبيوتر ، سوفت سكيلز)
ناخد العمود الاول الا وهو ...
الكمبيوتر
اولا عشان نبقى متفقين .. لو انتو فاكرين ان الكمبيوتر يعنى شهادة ICDL يبقى بعد اذنكو اقفلو الموضوع وماتفتحهوش تانى
ثانيا عشان نبقى متفقين برده .. مش كل من بيعرف يخش ع النت وبيتعامل مع الوورد والاكسيل بقى برنس زمانه ويبقى تمام وزي الفل
طبعا البداية اللى انا ابتديتها تسد النفس شوية .. صح ؟؟
دا شئ حقيقي لان انا للاسف كنت فاكر كدا
ان اي حد بيتعامل مع الوورد وبيعرف ينسق ويظبط ويخش ع الاكسيل ويعمل شيت ومعادلات وبتاع بقى جاامد جدي
بس الحقيقة غير كدا تماما
قولي ليه ؟؟
لان مهارتك في الكمبيوتر بالذات صعب انها تتعكس في الانترفيو بتاع الشغل .. على عكس الانجليش تماااااما اللى بيتفقس من اول مابتقول ماي نيم ايز كذا !!
اللهم الا اذا بقى اتعملك امتحان قبل الانترفيو او بعد الانترفيو على وورد او اكسيل واتطلب منك حاجات تعملها .. بس شركات قليلة اوي اوي اللى بتعمل الحركة دي
وبالتالى عشان تثبت مهارتك في الكمبيوتر عموما مش قدامك غير سكة واحده .. الا وهى شهااااااادة
اول ماسمعتو كلمة شهادة اكيد جيه في بالكو الـ ICDL
طبعا لن تزول قدم واحد دخل كلية التجارة وعايز يخرج منها الا ولازم يكون خد شهادة الـ ICDL
وبالتالى دي بقى زيها زي اي مادة بتتاخد
بقت واجب وفرض عين على كل مؤمن ومؤمنة !
وعشان كدا انا مش هارغى فيها ولاهافتح بوقي بكلمة واحده اساسا فيها
بس انا شخصيا شايف ان ولا ليها تلاتين لازمة اصلا
لان حتى اسمها متخلف اصلا
يعنى ايه قيادة الكمبيوتر ؟! اللى اخترع اسمها واحد سيس !!!
اهو المهم .. عيشو حياتكو انتو بقى فيها وصرفو نفسكو
بس عشان تبقو عارفين ان الشهادة دي عمرها مابتعمل فرق في السي في .. يعنى اوعى تفتكر انك لو خدتها هاتبقى برنس وجامد
لا خااااااالص
طب اذا كان الاي سي دي ال مالهاش لازمة .. امال ايه بقى اللي ليه لازمة ؟؟
اولا عشان نبقى فاهمين فيه شهادتين للـ ICDL
- Standard ICDL
- Advanced ICDL
بالنسبة للـ Standard دي بتبقى الشهادة الزارقة المتعارف عليها عند كل الناس والمعظم بياخدها ودي عادية جداااااا
فيه بقى شهادة تانية اللى هيا الـ Advanced ودي بتبقى لونها دهبى .. ودي بتبقى اعلى من الـ ICDL العادية طبعا
وللاسف ماحدش بيقدر ياخدها او حتى يتقدم للامتحان بتاعها الا للحاصلين فقط على الشهادة الزارقة اللى هيا الاستاندارد
ايه بقى قصة الشهادة الدهبى دي ؟؟
الـ ICDL اول مانزلت مصر كانت جامدة جدا .. بس اللى خلاها فكسان ان ناس كتيرة جدا بقت تاخد الشهادة وبقى كل من هب ودب ياخدها وينجح ويقولك انا سيرتيفايد من الامم المتحدة واليونيسكو !!
ولما الناس بتوع اليونيسكو لاقو ان الموضوع عليه اقبال رهيب قامو مخترعين حوار جديد الا وهو عمل مستوي اعلى من المستوي العادي
والجدير بالذكر هنا انك في الشهادة الاستاندارد انت بيتكتبلك فيها انك مجرد بتجيد التعامل فقط مع ادوات الاوفيس
اما شهادة الادفانسد فانتا هايتكتبلك فيها ان انتا بروفيشنال .. يعنى برنس زمانك واوانك
وغير كدا انت بتخش تمتحن في كل موديول لوحده
يعنى الوورد لوحده ولو نجحت بتاخد شهادة منفصلة
والاكسيل لواحده ولو نجحت بتاخد شهادة منفصلة .. وهكذاااا
انت في الادفانسد بتمتحن في اربع موديولات بس ..
وورد – اكسيل – اكسيس – باور بوينت
وطبعا زي ما قولنا كل موديول بتنجح فيه بيبقى عليه شهادة
ولو ربنا كرمك ودخلت الاربع امتحانات ونجحت فيهم كلهم
بتاخد شهادة خامسة فوق الاربع شهادات بتفيد انك انت ماستر
ودا معناه ان انتا بامكانك انك تدرس الاي سي دي ال نفسها
تمــــــــام ؟؟ كدا احنا خلصنا من قصة الاي سي دي ال
نخش بقى على قصة تانية الا وهو شهادة عجيبة وكتير جدا من الناس ماحدش يعرفها
اسمهـــا .. MOS
ودا اختصار لكلمة Microsoft Office Specialist
الشهادة دي هيا شهادة مهنية مقدمة من شركة مايكروسوفت ذات نفسها وبتختص بكل تطبيقات الاوفيس
ميزة الشهادة دي انك لما بتدرسها وبتاخد شهادتها انت بتبقى :
- سيرتفايد من مايكروسوفت ذات نفسها ودا شرف ليك طبعا
- ان مايكروسوفت مخترعة الاوفيس ذات نفسه بتديك شهادة بتثبت انك انت استاااااااذ في التعامل مع الاوفيس باكيدج
طبعا الشهادة دي من اوائل الشهادات اللى برشحها لاي حد في المجال التجاري انه يحصل عليها عشان فعلا من اهم ما يمكن وبتعمل فرق كبير جدااااااااا في السي في
وبعض الشركات بتطلبها كمطلب تفضيلي
يعنى ايه مطلب تفضيلي ؟ يعنى لو انت حاصل على الشهادة دي ومقدم في وظيفة هناك وواحد تانى مقدم معاك بس مش معاه الشهادة دي .. انت تاخد الوظيفة وهوا لاء
ومن الشركات دي شركة فودافون وحصلت قدام عيني
شرح الشهادة دي بسيط جدا
الشهادة متقسمة على 3 مراحل :
- المرحلة الاولى : Core Certificate
ودي فيها وورد واكسيل بس .. وشهادة مالهاش لازمة وفكك منها لان زيها زي الـ ICDL العادية
- المرحلة التانية : Specialist Certificate
ودي فيها اربع موديولات (وورد-اكسيل-باوربوينت-اكسيس)
وكل مابتنجح في موديول منهم بتاخد شهادة
- المرحلة التالته والاخيرة : Master Certificate
ودي برده فيها اربع موديولات زي المرحلة اللى قبلها
بس لو نجحت في الاربع موديولات بتاخد لقب ماستر
وماستر دي يعنى ماجيستير .. يعنى انت كدا يعتبر معاك ماجيستير في الاوفيس
تخيل شوف بقى لو انت كتبت في السي في بتاعك ماستر شوف هاتعمل فرق معاك ازاى !!
ولمزيد من التوضيح الصورة دي ممكن توضح اكتر
http://i51.tinypic.com/vgsepf.gif
طبعا ناس هاتلاحظ ان فيه وجه شبه بين الـ Advanced ICDL والـ MOS
بس الـ MOS افضل بمراحل لانها شهادة مهنية طالعه من الشركة اللى اخترعت البرنامج اصلا وبالتالى تاخد الشهادة وانت حاطط في بطنك بطيخة صيفى
يبقى كدا انت معاك شهادتين .. الـ ICDL ودي كدا كدا انت باذن الله هاتاخدها لانها اجبارية عليك
والشهادة التانية ربنا يكرمك بيها هيا شهادة الـ MOS
ارزع الشهادتين دول في السي في وادعيلي :D
وكدا نكون رمينا الاساس في الكمبيوتر
طبعا فيه حاجات كتيرة متعلقة بالكمبيوتر تانية زي الجرافيكس والداتا بيز والاكاونتينج .. بس كل دي انا بعتبرها تخصصات
وعشان كدا هايبقالها كلام منفصل لوحدها
يتبقالنا السوفت سكيلز ودي بقى موال كبييييييير وليه قصة بحالها
نبقى نشوفها في البوست الجاي باذن الله
يتبـــــــــــــع ،،،
vampire1188 20-10-2011, 08:29 PM اثناء مانتا هاتبقى ماشي في الجامعة هايقابلك عروض عن كورسات كتيرة فحت
تيجي تفتح بورشور تلاقي كاتبلك الدبلومة العبقرية الشاملة
كمبيوتر وانجليش وسوفت سكيلز وكل دا بـ 350 جنيه بس ويا بلاش !!
تفتح بورشور تانى تلاقي كاتبلك هدفنا هو وصولك لوظيفة احلامك
تفتح بورشور تالت يقولك غير حياتك في 3 ايام مع المحاضر مش عارف مين .. ومابين قوسين عرض خاص بـ 200 جنيه بس !
ودماغك بقى هاتبتدي تتقلب وتقول هوا ايه كمية العروض الرهيبة اللى قدامي دي ؟
عشان تبقو فاهمين بس .. الناس دي هدفها ربحى وشششش ولا شئ غير ذلك
وبيستغلو حاجة الطلبة وللاسف جهلهم في انهم يسوقو لكورسات زي دي
طبعا انا مش هاقول ان الكورسات دي غير مفيدة .. لاء هيا مفيدة طبعا بس مش بالقدر اللى يخليك تجري عليها وتدفع فيها فلوس زي دي
لان اولا انت هاتضيع وقتك في حاجة تعبانه .. ثانيا انت بتصرف فلوسك في حاجة انت مش هاتكمل فيها
وبالتالى لازم تحط في دماغك مبدأ هــــــام جدا
انا اى فلوس هادفعها في اي كورس دا لازم يضيفلى حاجة جديدة في مهاراتى وشخصيتى .. ولو ماضافش يبقى انا يا برمي فلوسي في الهوا يا انا اتقلبت
دي كانت بداية صغيرة كدا عشان بس نوضح النقطة دي منعا لعدم حدوث حيرة او احساس انك تايه ومش فاهم حاجة
موضوعنا النهارده بيتكلم عن حاجة هاتسمعوها كتير دا ان ماكنتوش سمعتوها اصلا ..
SOFT SKILLS
الكلمة دي انتشرت انتشار رهيب جدا لدرجة انها عملت هوس عن الناس
ووصلت لدرجة ان السوفت سكيلز دي بقت حاجة مهمة جدا
ولازم يتاخد فيها كورسات بالهبل عشان تبقى جامد
مع ان الوضع مختلف تمااااااااما
بس قبل مانخش في الجدل دا لازم نعرف يعنى ايه سوفت سكيلز اصلا ؟؟
بكل بساطة هيا مجموعة من المهارات اللى بيمتلكها الشخص بداخل شخصيته واللى بتميزه عن غيره .. ازاى ؟
كل شخص ربنا خلقه عنده عقل وقدر من الذكاء بيتعامل بيه
ودا معناه ان مافيش حد اسمه غبى .. لان مصطلح الغباء اصلا يعنى انتفاء صفة التمييز والعقلانية
وعشان كدا انت ماتقدرش تقول على الحيوان انه غبى .. ليه ؟ لان ربنا رزقه بالعقل ولكن نسبة الذكاء عنده لا تمثل شئ بالنسبة لذكاء الانسان
السؤال المطروح هنا .. هل كل انسان ذكي بيبقى ناجح في حياته ؟
مش شرط خااااالص .. مانتا عندك جون جراي دا هوا مؤلف كتاب من اشهر الكتب (men from mars & women from Venus)
والكتاب بيتكلم عن ازاى الراجل والمرأة يتعاملو مع بعض
ومع ذلك الراجل دا اتجوز اربع مرات وطلق !! هل دا معناه ان هوا ناجح في حياته ؟؟
مثال آخر .. اينشتاين كان راجل عبقري جدا لدرجة انه توصل لامكانية السفر عبر الزمن بشرط اختراع آلة تمشي بسرعة الضوء
ومع ذلك حياته الاجتماعية كانت فاشلة وطلق مراته ؟
هل دا معناه انه هوا ناجح في حياته ؟؟
اذن مصطلح النجاح هنا هو مصطلح نسبى
ايه اللى بيخلي النجاح هنا نسبى ؟ لان الاعتماد على الذكاء بس بدون اي عوامل مساعدة دا بيفشل علاقتك بالناس
ودا معناه ان الذكاء مش كل حاجة
الخلطة السحرية بقى اللى ناس مؤلفين وسيكولوجيين اكتشفوها
هيا خلط مهاراتك العقلية مع مهاراتك الاتصالية مع الاخرين
والامثلة كتيرة جدا في الحكاية دي ..
1- جمال عبد الناصر : مهاراته الاجتماعية والاتصالية مع الناس كانت عالية جدا ودا اللى حبب الناس فيه .. بالرغم من انه كعقل وذكاء ممكن يكون مش على المستوي المطلوب
2- اوبــاما : مالوش فيها وبطيـــخة !! ومع ذلك مهاراته الاتصالية عالية جداااااااا لدرجة خلت الناس تصدق تصريحاته لما كان في جامعة القاهرة وقعد يقول ويوعد وعلى اساس الوعود دي خد جايزة نوبل
اذن عشان تبقى بنى ادم ناجح في حياتك .. لازم تلعب على الوترين
وتر العقل اللى ربنا مديهولك .. ووتر مهاراتك الاجتماعية واتصالك مع الناس
المهارات الاجتماعية دي بقى زي ايـــه ؟؟
1- مهارات الاتصال (Communication) :
اتصال يعنى ان انت تبقى كونتاكت مع اي حد قدامك سواء بالكلام او بالاشارة او بالايماءات حتى .. بحيث ان انت تبقى مستعد لارسال شئ او استقبال شئ .. المهم يبقى فيه اتصال
والحد اللى انت بتتصل معاه دا ممكن يكون انت (intrapersonal communication)
او ممكن يكون حد تانى (interpersonal communication)
وعشان تبقى بتتصل كويس مع الاخرين لازم يبقى عندك 3 حاجات
- رسالة ذات هدف محدد انت عايز توصلها للطرف الاخر
(Good Speaker)
- بتسمع كويس من الطرف الاخر عشان تعرف ترد عليه
(Good Listener)
- طريقتك فى القاء الرسالة نفسها تكون كويسة ومعقولة
والحمدلله معظمنا عندنا اول حاجتين اللى هيا الرسالة اللى بتتقال والسماع الكويس .. لكن طريقة انك تقول الحاجة هيا دي بقى اللى عايزة تظبيط
وعشان تتظبط لازم تظبط حاجتين
- درجة صوتك (Tone of your voice)
ودي بتبقى على حسب المكان والموقف .. يعنى ماينفعش تبقى جوا شركة وتبقى بتتكلم مع مديرك مثلا بصوت عالى
او تبقى في حفلة وطالع تقول كلمة وتبقى بتهسهس فى المايك
- الاشارات الجسدية (body signals)
وعلى فكرة المسمى الصح ليها body signal مش body language
لان مافيش حاجة اسمها لغة جسد .. لان تعريف اللغة ذات نفسه هو عبارة عن مجموعة من الرموز او الحروف بتنطق او بتؤدى بطريقة معينة بحيث ان يتم الاتصال مع الناس من خلالها
ودا معناه ان كل لغة بتبقى منعزلة عن غيرها .. يعنى الـ I فى الانجليش غير الـ je فى الفرينش غير الـ soy فى الاسبانى
وبما ان الجسد دا حاجة موحدة بين البشر فامينفعش تقول لغة الجسد
لانك لو قولت لغة الجسد دا هايبقى معناه ان اى اشارة معينة هاتعملها بايدك او بجسمك هاتبقى موحدة في اي حتة في الدنيا
ودا شئ خاطئ لان فعلا الاشارات بتختلف من بلد لبلد .. يعنى لو طبطبت مثلا على كتف حد في مصر دا معناه ان انت بتثنى عليه وعايز تقوله جود جوب واستمر للامام مثلا
وعلى العكس لو عملتها لو واحد في ايطاليا دا معناه انك عايز تقوله انت شاب مش تمام ومشكوك فيك !!
وبالتااااالى هنا تنتفى صفة اللغة عن الجسد ودا لعدم وجود توحيد للاشارات بين كل البلدان
يبقى لما حد ييجي يتفزلك عليك ويقولك body language شوط فيه
ودا مش كلامي على فكرة .. دا كلام ناس باحثين وعلماء
بس مشكلتنا فى مصر اننا دايما مش اب تو ديت .. واي تحديث لمعلومة معينة بيجيلنا بعدها بفترة طويلة
فالمهم .. الـ Body Language دا شئ مهم عشان اثناء مانتا بتتكلم لازم بتستخدم اشارات وايماءات بتعملها بجسمك سواء بحركة ايدك او وقوفك او حركتك او حتى تعبيرات وشك (Faicial Exprestions) اللى بتبقى من اهم ما يمكن في توصيل رسالتك للناس
2- مهارات القيادة (Leadership) :
نابليون بونابارت قال جملة مشهورة اوي
" جيش من ارانب يقوده أسد افضل بكثير من جيش من الاسود يقوده ارنب "
ودا بيعكس قد ايه القائد دا شئ مهم جدا لان هوا اللى بيبقي فيه ايده سلطة القرار وهوا اللى بيوجه الدفة شمال ولا يمين
وعشان تبقى قائد كويس لازم يتوافر فيك كذا حاجة :
1- لازم يبقى عندك هدف وليك رؤية .. يعنى مثلا الثورة قامت بقالها فترة اهو وما زالت البلد متبهدلة ومانعرفش رايحة على فين
والسبب في دا مين ؟ مين اللى ماسك قيادة البلد دلوقتى ؟ المجلس العسكري صح ؟ طبقا للنظريات الادارية هانلاقي ان المشكلة الحقيقية فعلا في المجلس العسكري .. لا هيا فى اخوان ولا هيا في فلول ولا هيا في شعب
المشكلة في القيادة اللى ماعندهاش رؤية اصلا
2- لازم تبقى قادر على نقل الهدف بتاعك دا للناس التانية وتوضحهلهم بصورة سهلة وبسيطة .. زي مانا بعمل دلوقتى كدا :D
3- انك بخبرتك تهيأ الجو العام لاستقبال هدفك .. يعنى مثلا ماينفعش ابقى انا بقولك قوم صلى وانا اساسا مابركعهاش !!
طبعااااااا مش معنى انك قائد تبقى بتتنك على خلق الله .. بالعكس انت اه قائد بس اذا فشلت هايتحسب عليك وهايتقال في يوم من الايام ان فلان الفلانى فشل في كذا وكان هوا القائد
زي بالظبط هتلر بالرغم من انه كان قائد ناجح لفترة زمنية معينة بس اول ما وقع وخسر الحرب بقى قائد فاشل
طبعا الكلام في الليلدرشيب كتير جدا وفيه حاجات انا عمري ماهقدر اغطيها .. بس انصحكو بالقراية كتير في البوينت دي
3- المشاركة في الفريق (Teamwork) :
قبل مانتكلم لازم نوضح الفرق بين كلمة تيم وجروب
تيم يعنى مجموعة من الناس ليهم قائد وليهم رؤية وهدف محدد ولازم يوصلوله وكل عضو في الفريق دا بيبقى عنصر مهم وبيتحسب على الباقى
اما الجروب فهو عبارة عن مجموعة من الناس جمعهم الحظ والنصيب انهم مع بعض وبيقضو فترة معينة مع بعض وبعد كدا كل واحد بيروح لحاله
وعشان كدا انت في الكلية بيبقالك جروب مش تيم
اما لو كنت داخل في مشروع معين مكلفك بيه الدكتور ومعاك ناس فانتا كدا تبقى في تيم
التــيم عموما من احلى وامتع الحاجات اللى فعلا الواحد ممكن ياخد خبرة من خلالها .. لان انت مثلا معاك 10 زمايلك وعايزين تعملو مشروع معين
لازم تبقى عارف ومتأكد ان الكواليتي بتاعة المشروع لو عملتها لواحدك عمرها ماهاتبقى زي الكواليتي اللى بيشترك فيها 10
ليـــــــــه ؟؟
لان كل واحد من العشرة دول بيشارك بفكرة واتنين وتلاته
وبالتالى بيطلع افكار كتيرة جدا بتساهم في خروج المشروع بافضل شكل ممكن
دا غير ان لما انا اشارك بفكرة وغيري يشارك بفكرة .. انا نفسي بستفيد من فكرته وبتتضاف عندي من ضمن رصيد الخبرات
4- مهارات التفاوض والاقناع (Negotiation & Persuasion) :
مهارة التفاوض غير مهارة الاقناع لان ناس كتيرة بتخلط بينهم برده
بالرغم من انهم مرتبطين ببعض بس طبعا فيه فروق بينهم
التفاوض : هو انك تبقى معتنق فكرة معينة وبتتناقش مع غيرك اللى معتنق فكرة مضادة ليك .. وانت بتحاول توصل معاه لنقطة تعادل بينك وبينه بحيث ان انتا تبقى عملت مكسب ليك وفي نفس الوقت ماخسرتوش
الاقناع : هو انك تبقى معتنق فكرة معينة وبتتناقش مع غيرك اللى معتنق فكرة مضادة ليك .. وانت بتحاول ان انت تقنعه بفكرتك وتزيح عنه الفكرة اللى هوا مقتنعها
اذن مهارة الاقناع هيا اعلى رتبة من مهارة التفاوض .. واى حد عنده مهارة الاقناع بيبقى عنده مهارة التفاوض والعكس غير صحيح
عشان كدا تلاقي دائما وابدا اي حد بيشتغل في مجال الـ sales او الـ marketing بتبقى عنده مهارة التفاوض والاقناع دي عالية جداااا
في الانترفيو ممكن يفاجئك ويديك قلم ويقولك بيعلى القلم دا عشان يقيس عندك قدرة الاقناع دي
او يطلع سيجارة ويقولك انا مش عارف ابطل عادة التدخين دي ويسيب الانترفيو ويقعد يتكلم معاك في قضية التدخين عشان يشوف هل انت هاتقدر تقنعه بان التدخين حاجة وحشة ولا لاء
4- حل المشاكل (Problem Solving) :
شئ ممتع جدا ان يبقى فيه مشكلة وانت بتقعد تحلها
لان دماغك بتقعد تشتغل لغاية مابتجيب اخرها
ومهارة حل المشكلة دي بيتم اكتسابها بالخبرة
يعنى مثلا انت النهارده وقعت في مشكلة وتعبت عشان تحلها وفي الاخر اكتشفت الحل .. جيت بعد كدا وقعت في مشكلة شبيهة ليها في المستقبل
هاتحلها طبعاااااا .. لانك خدت خبرة سابقة
طبعا حوار حل المشاكل دا فيه طرق كتيرة
ويمكن من اشهرهم الـ mind mapping والـ drill down والـ brain storm ..
انا مش هاخوض في كل واحده واقعد اشرح فيها لان فعلا دي عايزة موضوع كااااامل عشان يتشرح .. بس حاولو تقرو في كل واحده فيهم وتدورو على النت هاتلاقو حاجات بالهبل
5- مهارة التحدث الحر (Free Speech) :
فيه معهد امريكي مش فاكر اسمه سأل الناس ايه اكتر حاجة بتخافو منها وكانت نتيجة الاحصائية حوالي 65% من الناس بيخافو من انهم يتكلمو قدام عدد كبير من الناس !!
المشكلة الرئيسية في خوف الشخص من انه يطلع يتكلم قدام الناس انه بيبقى عارف انه هايبقى فيه عيون كتيرة هاتبقى متركزة عليه هوا بس
ودا بيخليه يقلق لانه بيبقى حاطط في دماغه ان هوا ممكن يغلط او يقول كلمة تضحك الناس عليه او يعمل تصرف ويبقى محل سخرية من الجميع .. الخ الخ
مع اننا كل يوم بنتكلم مع اصحابنا وعادي جدااااااا .. يعنى مثلا كام مرة انت خرجت مع صحابك وكنتو كتير حوالي 10 مثلا وجيت في مرة قولت حاجة والعشرة كانو باصينلك ؟ هل عملولك حاجة ؟ عضوك ؟ ***وك ؟!
عااااااادي جدا مافيش اي مشكلة
طب بلاش نبصلها من منظور المحاضر .. نبصلها من منظور المشاهد
كام مرة انت حضرت محاضرة ؟ كتير ؟ هل لما الدكتور دخل بتقعد تتريق عليه عمال على بطال ؟ اه ممكن تتريق عليه مرة او اتنين بس لما بيخش في الشرح غصب عنك بتقعد تسمع لانك مهتم باللى هوا بيقوله
اذن المشكلة هنا بتكمن في ثقتك في نفسك .. زي بالظبط الشاب اللى بيبقى نفسه يكلم بنت ومش عارف يتعرف عليها ازاى وبيبقى قلقان اوي لما بيروح اول مرة يكلمها ومابيبقاش عارف يقول ايه !!
الحل الوحيد للمشكلة العويصة دي هيا زيادة الثقة في النفس والتمرين
والتمرين بييجي من خلال البريزنتيشنز الكتيرة والتحضير الكويس قبل البريزنتيشن
ولو عايز تظبط الحكاية دي عندك حط كاميرا في اوضتك وصور نفسك واعمل البريزنتيشن كأنك بتتكلم قدام الناس ولما تخلص افتح الفيديو واتفرج على نفسك وشوف ايه العيوب اللى انت عملتها وحاول تتفاداها .. وصور نفسك مرة تانية وتالته وهكذاااااااا
انا بالنسبالى اول مرة اعمل بريزنتيشن في حياتي كانت عن موضوع انفلونزا الخنازير وكانت بالانجليش كمان
وطبعا ماقولكوش كنت قلقان قد ايه ووشي محمر وايديا ساقعة وودانى سخنة وحاجة منيلة بستين نيلة
بس بمجرد ما قولت لنفسي اثبت واجمد وطلعت فعلا ووقفت واتكلمت ولاقيت الناس باصالى وقشطة مافيش حاجة دوووووووست
والحمد لله البريزنتيشن عدي على خير
طبعا اكيد كان فيه اخطاء زي عدم الحركة والتركيز على نقطة واحده وعدم الانتباه لتعبيرات الناس عشان اشوف انطباعاتهم والكلام دا
بس طبعا مع الوقت والتمرين والبريزنتيشنز الكتير الموضوع بيختلف والموضوع بيتحول معاك من انك كنت خايف لانك بتبقى حابب الموضوع واول مابتسمع كلمة بريزنيتشن بترشق فيه على طول
اللى عايز اقوله في نهاية موضوع السوفت سكيلز دا هوا كذا نقطة :
1- فيه فرق بين المهارة والموهبة .. لان المهارة انت بتكتسبها بالتعلم والممارسة والخبرة لكن الموهبة دي بتبقى ربنا رزقك بيها وحاجة جواك انت كدا كدا متفوق فيها زي الرسم والغنا والكتابة
وبالتالى حاول ماتسيبش مهارة الا اما تتعلمها او على الاقل تعرف عنها حاجة
2- خليك اجتماعى ودوس مع الناس واعمل صداقات كتير لان كل شخص انت بتعرفه بيزود فيك حاجة وبتستفيد منه بحاجة .. واوعى تبقى منعزل عن الناس لانك انت الخسران في الاخر
3- شارك في انشطة الكلية وماتقعدش في الكلية زي البطة مابتعملش حاجة غير القعدة مع صحابك والاكل والشرب ولعب الاونو
لان انشطة الكلية هيا اللى هاتفيدك فى تنمية المهارات اللى اتكلمنا عليها دي
4- كورسات التنمية البشرية كلها رغى فى رغى .. ليـــه ؟؟
كام واحد سمع لابراهيم الفقى ؟ كتييييييييييير طبعا
وكلنا معجبين بيه وراجل جامد وكل حاجة
بس هل احنا بنطبق الكلام اللى بيقوله ؟ لاء طبعا
يبقى اذن المشكلة كلها هنا بتكمن في كيفية تطبيق الكلام اللى بيتقال في الواقع العملى
انت بتحضر المحاضرة من دول ويقعد يشرح يعنى ايه مهارة اتصال ويعنى ايه مهارة انك تطلع وتتكلم قدام الناس وانت تبقى قاعد مستجم جدااااااا وبتقول يااااه دا ايه الكلام الجامد دا
بس صدقنى بمجرد مابتخرج من المحاضرة بتنسي الكلام لانك مابتحاولش تطبقه عملى
5- اقرا كتيـــر وحاول توسع من ثقافة نفسك واوعى توقف نفسك عند نقطة معينة وتقول خلاص بقى كفاية انا تعبت لان كل يوم بيظهر نظريات جديدة وتحديثات لنظريات قديمة
يعنى مثلا حتى تلك اللحظة في مادة الادارة هاتلاقو نفسكو بتدرسو النظرية التقليدية بتاعة فريدريك تيلور اللى اعتبر ان الانسان آلة .. مع ان النظرية دي عفى عليها الزمن من 80 سنة !!
لغاية ماتكتشفو بعد كدا ان فيه واحد اسمه هنري فايول طور نظرية تايلور وقال ان الانسان كائن حيوي ماينفعش يبقى آلة ولكن لازم نراعى اعتبارات اخري .. والنظرية دي برده عفى عليها الزمن من 70 سنة !!
وماتعرفوش ان فيه واحد ياباني اسمه ويليام اوشي جيه وضرب كل الكلام دا وعمل نظرية سماها نظرية Z وقال ان الموظف لو حسسته بالامان ودخلته من ضمن حلقة الانتاج بصورة مباشرة وحسسته بدا هايديك احلى شغل لانه انتمائه للشركة هايزيد
اللى عايز اقوله ان كتب الكلية لو هاتعتمد عليها لمعلوماتك العامة هاتتبهدل .. انت تعتمد عليها عشان الامتحان بس لكن لثقافتك انت عيش ع النت واقرا كتير
6- فيه حاجة لذيذة اوي انا بقيت اعملها .. كل فترة كدا بقول لنفسي انا لازم اعمل بحث عن حاجة معينة وبحضرلها كانى بالظبط هاعمل بريزنتيشن
وبترجم البحث دا انجليش وبعرف عنه اكبر قدر ممكن من المعلومات
الكلام دا هايفيدك في المستقبل لما تيجي تتكلم مع الناس في موضوع معين او حتى في حياتك العامة هايتقال عليك مثقف وفاهم وواعى
7- حاول تشترك في اي موديل من الموديلز الموجودة جوا الجامعة .. هاتتعرف من خلالها على ناس كتيرة سواء شباب او بنات دا زائد ان من خلالها السوفت سكيلز بتاعتك هاتعلى اوي اوي
فى البوست الجاي ان شاء الله هانعمل حاجة حلوة اوي
هانبتدي نرشح ايه هيا اهم المراكز اللى باذن الله هاناخد فيها الكورسات
اللى اتفقنا عليها خلال الفترة اللى فاتت دي
سواء انجلش او كمبيوتر
ونعمل جدول ظريف كدا نمشي عليه في الفترة الجايه
اشوفكو على خيــــــــر
يتبــــــــــــــع ،،،
mega man166 20-10-2011, 08:40 PM تمام يا فامبير بس احنا لسه مخلصناش الانجلش
auc ولا Brittish council ولا ameideast ???
انه الاحسن والعملى
bloodyman 20-10-2011, 11:39 PM بجد انا مش عارف اقولك ايه كلام جمييل جدا وفتحلى مجلات كتير ادامى بالاضافة للى عندى
الف ثااااااااانكس :d
zozo93 21-10-2011, 01:47 AM افادكم الله
شكرا لحضرتك وجزاكم الله كل خير
وهنستني الباقي
ahmed mostafa ragb 21-10-2011, 01:48 PM راااااااااااااااااااااااااااااااااااااااااااااااائ ع .. جزاك الله خيرا ..........
شغل جميل جدا ... الرجاء الاستمرار و السرعة بوركت ...
ملك عاشقة الرياضيات 21-10-2011, 03:32 PM تمام كده يا فامبير بس انت كده دخلت فى الكمبيوتر و soft skills وتركت e طيب ايه اسم القرصات للنجلش يعنى احنا كده تمام اول خطوه كمبيوتر icdlعشان اخلص منها واعرف جو القرصات عامل ازاى يعنى اجرب وابدا بحاجه سهله وبعديه mos وهل فيه قرصات للسوفت سكيلز ولا احنا بندرب عليه نفسنا بنفسنا ولا ايه بالظبط
احنا متشكرين جداااااااااااااااااااااا يا فامبير وياريت ترد عليا
elmoayad 22-10-2011, 02:12 AM لو سمحت انا اولى تجارة انجليزى جامعة سوهاج ومش عارف ازاكر منين فى ورق وفى مذكرات وبعدين حاسس انى تايه ومش فاهم حاجة والله وناس بتقولى روح خد كورسات محاسبة ورياضة اخد ولا والكورسات دى مين بيديها وهل لو زاكرت ومختش كورسات ممكن انجح واجيب تقدير بنفسى من مزاكرتى انا ولا لازم اخد كورسات مع انى مش مقتنع بيها
مرموور 23-10-2011, 06:05 PM ربنا يكرم حضرتك ويجازيك خير على المعلومات الرائعه دى
بالنسبه لشهاده الmos
انا اول مره اسمع عنها فعلا ودى لو فكرت اخدها اخدها فين وسعرها كام؟
وشهاده الmos ولا icdl advanced؟
Saifallah 23-10-2011, 10:17 PM thanksssssssssssssssssssssssssssssssssssssssssssss sssssssssssssssssssssssssssss
وردةمصر 24-10-2011, 04:01 AM الله يباركلك انا تعليم مفتوح سنة تانية وحاولت وروحت معهد القوات المسلحة فشلت في المستوي 3 والرابع4 بزمتك ينفع
لو تعرف مكان فيه تحدي انه يعلمني موافقة
صابر عبد النبى 26-10-2011, 06:01 AM مشششششششششششششششششششششكككككككككككور
ahmed610 01-11-2011, 07:44 PM :friendsxs3: detailed, clear ,and interesting
your topic is perfect as usual i wish i read it 3 years before i hope all the fresh students get benefite from it
by the way i like this part so much
.. بس في تلك الحالة انت هاتعمل حاجة حلوة اوي
فيه افلام بتنزل بدون ترجمة .. حاول انت بقى تنزل الترجمة بتاعتها بس بالانجليش .. يعنى الترجمة يبقى مكتوب فيها الكلام اللى الممثلين بيقولوه بحيث انك تتطابق الكلام مع اللى انت بتسمعه .. دا هايعمل معاك فرق جااامد جدا جدا واسألونى انا :D
i tryied it it was a great idea the only problem is that it take time to get the right translation
but it is very useful
good bless you and thnx 4 your effort to help people:)
hamdy_maged 11-11-2011, 09:50 PM شكرا ليك على مجهودك الرائع وكلامك كله مظبوط بس اللى يطبق اللى كلام ده هينجح فى حياته وشكرا ليك
eslam mohsen ali 12-11-2011, 01:02 PM كلية تجارة فرنسوى
كم تكون مصريفها فى العام الواحد؟
كم تخصص فيها؟ وما هو التخصص الاكبر اهمية للعمل؟
هل اعتمد على الكلية ام اعتمد على الكورسات
mega man166 14-11-2011, 09:37 PM انت نسيتنا ولا ايه يا فامبير
كمان 8 ايام وهيبقا بقالنا شهر ومافيش جديد :)
ميدو168 18-11-2011, 09:48 PM هو البوست الجاى ال عن اهم واحسن المراكز هيكون فى2000وكام يا نااااااااااااااااااااااااااااااااااااااااااااااااا اااااااااااااااااااااااااس
ميدو168 18-11-2011, 10:05 PM لو حد يعرف اى معلومات عن المراكز يكمل لو سمحتوااااااااااااااااااااااااااااااااااااااااااااا اااااااااااااااا
mahmoud_khedr 13-12-2011, 02:27 PM موضوع جميل يا حودا كالعاده
ربنا يباركلك ويجازيك خير على الحاجات الحلوه دي
soso2012 07-01-2012, 05:51 PM لف شكر يا فامبير بس يريت بردو باقى الموضوع ينزل بسرعة عشان احنا مستعجلين اوووى
Bloody Man 28-06-2012, 08:00 PM باقى الموضوع يا فامبير بقى ... :)
vampire1188 30-06-2012, 08:09 PM ههههههههههههههههه يا باشا والله حاضر
بس المشكلة والله ببقى في الشغل طول اليوم وبرجع هلكان فاببقى مهيس ودماغي مش فايقة خالص
بس حاضر والله هحاول اكمل واللى ربنا يقدرني عليه هاحطه في اقرب وقت
mileyEGYfan 04-07-2012, 10:00 PM الموضوع حلو اوووووووى بجد و مفيد جدا
بس انا ليا كام استفسار كدة
عايزة اعرف اية الكورسات اللى المفروض اخدها فى سنة اوى
انا داخلة سنة تانية ان شاء الله و اكيد لازم اخد كورسات فى الاجازة
انا بفكر فى كورس mos بس مش عارفة هينفع اخده دلوقتى ولا لسة شوية؟
و كمان اية كورسات ال hr اللى ممكن اخدها
و اية احسن مكان اخد فيه كورس انجلش
و بالمناسبة انا تجارة انجلش
فلو اخدت كورس هيفيدنى ولا مش هيبقى ليه لازمة؟؟؟؟
معلش اسألتى كتير
و مستنية الباقى ان شاء الله
Saifallah 05-07-2012, 12:04 AM ايه رايك في الدورة دي يا فامبير http://a4.sphotos.ak.fbcdn.net/hphotos-ak-ash3/550420_304455976312719_709178250_n.jpg
vampire1188 06-07-2012, 03:20 PM الموضوع حلو اوووووووى بجد و مفيد جدا
بس انا ليا كام استفسار كدة
عايزة اعرف اية الكورسات اللى المفروض اخدها فى سنة اوى
انا داخلة سنة تانية ان شاء الله و اكيد لازم اخد كورسات فى الاجازة
انا بفكر فى كورس mos بس مش عارفة هينفع اخده دلوقتى ولا لسة شوية؟
وميـن قال انه ماينفعش .. على فكرة انتى بيتهيألك ان لسه بدري وممكن تأجلي للسنة الجايه واللى بعدها
بس صدقيني والله الوقت هايجري بيكي وتتلاقيكي وصلتي لسنة رابعة وماعملتيش اي حاجة
عشان كدا بقولك فيه شهادات معينة لااااازم يتنشن عليها
وشغل ان انا عايز اخد كورس واي حاجة وخلاص دا ماينفعش
فيه حاجة اسمها انا عنيا على كورس كذا وكذا وكذا وباذن الله هاخدهم
و كمان اية كورسات ال hr اللى ممكن اخدها
كل اللى هاتشوفيه في الاعلانات في الجامعة حاجات تعبااااااااااانه
مافيش حد هايديكي اتش ار محترم الا في الجامعة الامريكية
ودي دبلومة بس غالية شويتين .. فانتى على حسب بقى ميولك ايه وعايزة تشتغلي في ايه بعد التخرج
و اية احسن مكان اخد فيه كورس انجلش
و بالمناسبة انا تجارة انجلش
فلو اخدت كورس هيفيدنى ولا مش هيبقى ليه لازمة؟؟؟؟
تجارة انجليش حاجة .. والانجليش نفسه حاجة تانية
انتى ممكن تكون لغة الدراسة انجليش ماشي .. لكن هل بتعرفي تتكلمي ؟ اشــك في دا
وعشان كدا لازم تاخدي كورسات انجليش .. بس انجليش محادثة مش انجليش بيزنس
vampire1188 06-07-2012, 03:22 PM يه رايك في الدورة دي يا فامبير
وماااااله ياعم .. احضر اهي حاجة مفيدة
سيبك من الشهادة لان مش هيا دي الهدف .. لكن الهدف انها تزودك في معلوماتك
لو انت شايف انها هاتزودك روح واحضر .. لو شايف غير كدا يبقى وفر فلوسك احسن وشوف حاجة غيرها
Saifallah 06-07-2012, 04:58 PM وماااااله ياعم .. احضر اهي حاجة مفيدة
سيبك من الشهادة لان مش هيا دي الهدف .. لكن الهدف انها تزودك في معلوماتك
لو انت شايف انها هاتزودك روح واحضر .. لو شايف غير كدا يبقى وفر فلوسك احسن وشوف حاجة غيرها
شكرا علي النصيحة
mileyEGYfan 07-07-2012, 02:00 PM وميـن قال انه ماينفعش .. على فكرة انتى بيتهيألك ان لسه بدري وممكن تأجلي للسنة الجايه واللى بعدها
بس صدقيني والله الوقت هايجري بيكي وتتلاقيكي وصلتي لسنة رابعة وماعملتيش اي حاجة
عشان كدا بقولك فيه شهادات معينة لااااازم يتنشن عليها
وشغل ان انا عايز اخد كورس واي حاجة وخلاص دا ماينفعش
فيه حاجة اسمها انا عنيا على كورس كذا وكذا وكذا وباذن الله هاخدهم
كل اللى هاتشوفيه في الاعلانات في الجامعة حاجات تعبااااااااااانه
مافيش حد هايديكي اتش ار محترم الا في الجامعة الامريكية
ودي دبلومة بس غالية شويتين .. فانتى على حسب بقى ميولك ايه وعايزة تشتغلي في ايه بعد التخرج
تجارة انجليش حاجة .. والانجليش نفسه حاجة تانية
انتى ممكن تكون لغة الدراسة انجليش ماشي .. لكن هل بتعرفي تتكلمي ؟ اشــك في دا
وعشان كدا لازم تاخدي كورسات انجليش .. بس انجليش محادثة مش انجليش بيزنس
اها
طيب بالنسبة ل MOS انا نويت اخده بقى عشان شكله جامد
و عايزة اعرف هو بيتاخد فين؟؟؟
انا سألت فى سنتر نيو هوريزون قالى ال باكدج ب 3000
عايزة اعرف دة اصلا سعره ولا هو بيشتغلنى؟
و ممكن اسأل على الكورس دة فين???
و بالنسبة للأنجلش الحمد لله بعرف اتكلم انجلش كويس
و اخدت فى معهد اللغات طلعت level 4 conversation
بس معجبنيش خالص عشان مش اضاف اى حاجة ف مش كملت فيه
بس انا بسأل
انا دلوقتى لو الانجلش بتاعى كويس و بعرف اتكلم انجلش كويس جدا
هل هحتاج انى اخد كورس تانى ولا ملوش لازمة؟؟
و ميرسى جدا جدا جدا جدا جدا جدا لردك
vampire1188 07-07-2012, 02:18 PM ها
طيب بالنسبة ل MOS انا نويت اخده بقى عشان شكله جامد
و عايزة اعرف هو بيتاخد فين؟؟؟
مش هاتلاقيه في حتت كتير لان قليلين في مصر اللى بياخدوه لانها شهادة مش مشهورة
بس لو تاخديه خديه في مركز يات .. بيظبطو المواعيد كويس
انا سألت فى سنتر نيو هوريزون قالى ال باكدج ب 3000
عايزة اعرف دة اصلا سعره ولا هو بيشتغلنى؟
هوا قالك السعر من الاخر .. اللى هوا لو كملتي للاخر وخدتي شهادة الماستر
لكن هوا لو كان بيفهم في السيلز شوية كان جر رجلك وقالك عندنا مستويات مختلفة وقعد يشرحلك
و بالنسبة للأنجلش الحمد لله بعرف اتكلم انجلش كويس
و اخدت فى معهد اللغات طلعت level 4 conversation
بس معجبنيش خالص عشان مش اضاف اى حاجة ف مش كملت فيه
بس انا بسأل
انا دلوقتى لو الانجلش بتاعى كويس و بعرف اتكلم انجلش كويس جدا
هل هحتاج انى اخد كورس تانى ولا ملوش لازمة؟؟
طبعاااااا .. اذا كان مستواكي v.good يبقى لازم توصليه لـ excellent
ولو كان excellent لازم توصليه لـ native ..
وخدي بالك ان كل فترة والتانية لو ممرنتيش نفسك هاتلاقي اللغة بتقع عندك
mileyEGYfan 07-07-2012, 11:41 PM مش هاتلاقيه في حتت كتير لان قليلين في مصر اللى بياخدوه لانها شهادة مش مشهورة
بس لو تاخديه خديه في مركز يات .. بيظبطو المواعيد كويس
هوا قالك السعر من الاخر .. اللى هوا لو كملتي للاخر وخدتي شهادة الماستر
لكن هوا لو كان بيفهم في السيلز شوية كان جر رجلك وقالك عندنا مستويات مختلفة وقعد يشرحلك
طبعاااااا .. اذا كان مستواكي v.good يبقى لازم توصليه لـ excellent
ولو كان excellent لازم توصليه لـ native ..
وخدي بالك ان كل فترة والتانية لو ممرنتيش نفسك هاتلاقي اللغة بتقع عندك
كويس اووووووى دة عز الطلب اصلا انها تبقى مش مشهورة:022yb4:
و الانجلس الحمد لله ex و هحاول احسن فيه اكتر ان شاء الله
ميرسىىىىىىىىىىىىىىىىىىىىىىىىىىىىىىىىىىىىىىىىىىىى بجد لردك معلش تعبتك معى
the_guilty 09-07-2012, 02:31 AM سلام عليكم يا فامبير
انا عايز اسالك عن جزئيه الsoft skill اللى انت كاتبها انا بلاقى كتير دورات ليها على النت فممكن اتعلم عن طريقها ولا الشهاده هى الاهم ؟ لانى كنت حضرت قبل كده دوره فى الجامعه ومكملتهاش ولقيت انى ممكن اتعلم بنفسى اكتر
تانى حاجه انا كنت فى 1 تجاره انجليزى مدخلتش الامتحانات اول سنه بس بعد كده دخلت وكان الحد الاقصى ليا 60 % والحمد لله فى تانيه جبت 92 % وفى 3 الترم الاول 91% ولسه نتيجه الترم التانى ..المهم ان انا ممكن لو ربنا وفقنى وكملت كده هيبقى تقدير تراكمى جيد جدا فهل التقدير ده كويس؟ وهل السنه اللى مدخلتهاش دى هتكتب فى السى فى؟
vampire1188 07-09-2012, 03:20 PM بسم الله الرحمن الرحيم
وبعد غياب عن الملاعب لمدة سنة تقريبا
(ارجعو كدا لآخر بوست هاتلاقوه بتاريخ 20/10/2011)
احب ابدأ البوست الجديد باعتذار كبيييير اوي اوي اوي عن التأخير دا كله
بس والله كلها ظروف جت ورا بعض
ما بين ورق الجيش على الشغل على ظروف شخصية
المهم انا بجد بعتذر لكل واحد لو كان تأخيري الشديد دا سببله ضرر او اي شئ من النوع دا
واكيد طبعا انا عارف انكو هاتسامحوني لانكو اكيد لازم تسامحوني :p
المهــم
آخر بوســت اتكلمنا فيه عن أهمية الانجليش وان الانجليش والكمبيوتر دا من اهم الحاجات الأساسية اللى لازم تتوافر فيك عشان تعرف تشتغل في اي مكان محترم
لو رجعنا بردو لأول وتاني بوســت في الموضوع دا
هاتفتكرو اننا اتكلمــنا عن 6 طرق اي خريج تجارة ممكن يمشي فيها
بس المشكلة اللى بتحصل ان خريج تجارة ذات نفسه بيبقى واقف مش عارف يخش في اي طريق
هوا عايز طريق يجيب منه فلوس ويقبض مرتب محترم عشان الناس تقول عليه محترم وفي نفس الوقت يكون نفسه عشان يعرف يتجوز ويبني حياته ويقب على وش الدنيا
قبل ما اقول ايه هما الـ 6 طرق دول ونشرحهم بالتفصيل الممل
محتاج اوجه رسـالة ليكو جميعاً
- حس بالمسئولية تجاه نفســك من وانتا في الجامعة لانك بعد مابتتخرج ماحدش هايسأل عنك سواء في مصلحتك الشخصية او من الناحية المالية -
والرسالة دي انا بوجهها للشباب على وجه الخصوص
لان كتير من الشباب بياخد الموضوع في الجامعة على انه تفضية وقت وعيش حياتك ياعم الحج وبيتصدم بعد مابيتخرج ويكتشف نفسه انه في آآخر الصف !!
نرجع بقى لمرجوعنا ونشوف ايه هما الـ 6 طرق اللى ممكن أي خريج يسلكها
بس حط في دماغك ان الطريق اللى انت هاتمشي فيه هاتاخده من اوله ومافيش فرصة انك ترجع تانى لاول الطريق لان دا هايكلفك وقت وجهد ومش بعيد يكون فلوس كمان
الـ 6 طرق دول هما كالآتى :
1- انك تطلع محاســب
2- انك تطلع مصرفي (يعنى شغال في بنك)
3- انك تشتغل في مجال البرمجة
4- انك تبقى جرافيك ديزاينر
5- انك تشتغل في مجال الداتا بيز (اوراكل او ساب)
6- انك تشتغل في الكوول سنتر
كل طريق من دول لازم تحدده من وانتا في الجامعة
مش هاقولك في سنة اولي لان احنا قولنا ان بداية من سنة اولي وتانية انتا بتبتدي تشتغل في الانجليش والكمبيوتر
فغالبا تحديد الطريق دا بيبتدي لما بتخش سنة تالته .. ساعتها هاتعرف تختار طريقك صح
ودا معناه ان بداية من دلوقتى هانبتدي نخش في مرحلة طلاب الجامعة
وافتكرو معايا اول بوست في الموضوع دا لما قولت
ودا معناه اني هاقسم الموضوع على مرحلتين
1- مرحلة ما اسميه "المبتدئين جامعياً"
2- مرحلة "طلاب الجامعة"
وبالتالى احنا كدا دخلنا في المرحلة التانية خلاص وتجاوزنا المرحلة الاولي
لحد هنا هانقف وقفة صغيرة وهاسيبكو تختارو نبتدي باي سكة من الـ 6 سكك اللى قولنا عليهم والاختيار الاكبر هانبتدي بيه باذن الله
وماتنســـوش حاجة مهمة جــدا انا قولتها قبل كــدا
وملحوظة حابب اقولها
في وقت هاييجي عليا هانزل بوستات كاملة بالانجليش بدل العربى عشان اجبركو انكو تقرو انجليش وتيجو على نفسكو شوية
انا عملت موضوع فرعى للاسئلة والاستفسارات المتعلقة بالكورسات عموما
ودا هايبقى ان شاء الله بمثابة مشاركة عامة من كل الناس
مش شرط يعنى انى اجاوب انا عليه
http://thanwya.com./vb/showthread.ph...67#post4048867
يتبـــــع ،،،
Bloody Man 07-09-2012, 06:17 PM هههههههههـ الحمد لله أنك بدأت الموضوع تانى :]
أنا عن نفسى هختار الكول سنتر والداتا بيز والبنك والمحاسب ..
انا محتار بين المجالات دى مش عارف انا عايز ايه
البنك فلوس وواجهة اجتماعية كويسة ..
المحاسب بتترقى وبتمسك منصب كبير وكويس اوى ..
الداتا بيز لازم ابقى دارسها بردو عشان يبقى عندى المام بكل حاجة ..
الكول سنتر زى فودافون uk مثلاً فلوس وبردو شغل كويس :)
hamed 2020 11-09-2012, 02:22 AM انا بصراحه كل اقرا موضيعك كامله واتعمق فيها
قلبي بيوقف لان اتفه واحد في مصر و يمكن يكون مش بيعرف يكتب اسمه مش عارق ان تجاره دي فيلم كبيييييييييير ملوش نهايه و بيستهزاء بيك اول مما يسمع انك من تجاره (للاسف هو دا المجتمع )
انا لسه هبدا في الفيلم بعد 4 ايام
بس انا شكلي بدات اخد خطوات صح ورحت فعلا auc و هبدا انجليزي جينرال من اول ليفل 8 (امتحنت و جبت الليفل ده الحمد لله )
و كنت ناوي ادخل شهر 11 (اقرب كورس هيبدأ شهر 11) هبدا icdl بس بما انك قلت انهم مستواين هخلصهم ان شاء الله و بالمناسبه هو بيطلوبوا تكون معدي المستوي الرابع انا الحمد لله جايب ال8
و كمان كنت سالت علي كورسات محاسبه او حاجات كليه تجاره عموما قالولي هتبدا 13 /9 بس بصراحه مش عارف اخدها من دلوقت قبل الدراسه و هو 13 ماده مش عارف بردو اختار ايه (لسه انا ابييض )
المهم انت كنت سالت علي المجالات الي احنا عايزينك تشرحها انا عن نفسي بفضل البنوك ثم الداتا بيز ثم شركات الموبيل
بس الاهم بالنسبه لي انك انت متخرج و شكلك الحمد لله فاهم و بتحب تساعد اوي
فهمني انا محتاج اخد ايه و اعمل ايه علشان طبعا كلنا بنتمني نكون احسن ناس و انا طبعا بتمني كده
و ياريت افضل الاماكن و مش مشكله الفلوس مقابل العلم
و شكرررررراا واستمر في مواضيعك المهمه دي
shahira tarek 19-09-2012, 01:45 PM الليفل بكام ف الauc
Bloody Man 20-09-2012, 01:10 PM باقى الموضوع بقى يا معلم .. انا بقيت فـ سنة 2 :]
Ahmed Mofeed 05-10-2012, 03:01 PM الجديد يا فامبير
mohamed_gad_ 05-10-2012, 09:55 PM اولا انا حبيت طريقتك في توضيح المعلومات اوي وبشكرك علي مجهودك الاكثر من رائع ويارب يجعلة في ميزان حسناتك باذن الله
ثانيا يا ريت تبدا بالمحاسبة لان دة المجال اللي انا حابب ادخلة لاني قريت لحضرتك كلام في احد المواضيع انك اخترت المحاسبة لان شغل المحاسبين علي أفة مين يشيل
karem20055002 21-10-2012, 03:40 AM باقي الموضوع بلييييييييييييييييييييييييز
legend_hossam 29-11-2012, 04:20 AM يا استاذ محمود انا مقدر والله انك مشغول ومش فاض بس فى ناس كتير وانا واحد منهم بنمشى على كلامك و مستنينك فمعلش حاول تكملنا
و كل ده فى ميزان حسناتك بأذن الله
نونا 60 21-01-2013, 03:11 PM ممكن تاخد في المعهد الثقافي للغات ورقمهم هو 16769 او 01061688000
Ahmed Mofeed 13-04-2013, 07:39 PM فاااااااااااااااااااامبير
انت فين ياراجل وحشنتنا والله
اللى بيتابعوك مش بس طلاب فى تجارة
لا فى ثانوى كمان
لان الموضوع ده بمثابة تحفيز
وبجد كلامك حركنى جدا وادانى امل وعزيمة
فأرجوك كمل مسيرة الموضوع
ناس كتيييير منتظرينك :)
vampire1188 22-04-2013, 08:56 PM فاااااااااااااااااااامبير
انت فين ياراجل وحشنتنا والله
اللى بيتابعوك مش بس طلاب فى تجارة
لا فى ثانوى كمان
لان الموضوع ده بمثابة تحفيز
وبجد كلامك حركنى جدا وادانى امل وعزيمة
فأرجوك كمل مسيرة الموضوع
ناس كتيييير منتظرينك
موجود والله ياعم بس الشغل واخد كل وقتي مش عارف اكتب بوست واحد حتى .. معلش سامحني بقى :(
Ahmed Mofeed 25-04-2013, 08:25 PM موجود والله ياعم بس الشغل واخد كل وقتي مش عارف اكتب بوست واحد حتى .. معلش سامحني بقى :(
:(
ربنا يعينك ويجزيك كل خير على اللى بتقدمهولنا
طيب بدل ما تعمل البوست مرة واحدة وياخد وقت
قسمها اكتب كل فترة شوية وبعدين جمعها فى الاخر :)
والله احنا مصدقنا لقينا حد زى حضرتك بيفيدنا بخبرته وبرأيه وبطريقته المتواضعة ومنتظرينك بالجديد على أحر من الجمر
شكراً ليك :)
vampire1188 25-04-2013, 10:35 PM ربنا يعينك ويجزيك كل خير على اللى بتقدمهولنا
طيب بدل ما تعمل البوست مرة واحدة وياخد وقت
قسمها اكتب كل فترة شوية وبعدين جمعها فى الاخر
والله احنا مصدقنا لقينا حد زى حضرتك بيفيدنا بخبرته وبرأيه وبطريقته المتواضعة ومنتظرينك بالجديد على أحر من الجمر
شكراً ليك
ربنا يخليك دا بس من زوقك .. طب قولي حابب اتكلم عن ايه
حسونة بيه 28-04-2013, 09:01 PM ربنا يخليك دا بس من زوقك .. طب قولي حابب اتكلم عن ايه
اولا حمدلله عالسلامة يا فامبير انا متابعك من زمان وماشاء الله مواضيعك كلها مفيدة
وانا شخصيا استفدت كتير منها
انا بس كان ليا استفسار يعنى هو خريج تجارة خارجية جامعة حلوان بيشتغل ايه وهو ممكن يشتغل محاسب عادى ولا لا
وانا عاوزف اعرف تجارة انجلش حلوان الحد الادنى ليها كام
انا اسف انى طولت عليك
vampire1188 03-05-2013, 10:14 PM مساء الخير عليكووووووووو يا تجاريين يا جامدين
طبعا عارف انكو عايزين تولعو فيا لان بنام انام انام وفي الاخر بطلع فجأة ارمي بوست وانام تااااااااانى !!
هههههههه معلش والله بس الواحد مفحوت في الشغل ويدوبك بخلص شغل وارجع انام واصحي تاني يوم اروح الشغل وارجع انام وهكذاااااااا
( دورة الحياة الطبيعية لاي مواطن مصري :D )
المهم .. بعيــدا عن الرغي الكتير خلــونا نبدأ بأول بوســت الا وهو
.
.
.
الـ CALL CENTER
وات از ذا مينيج اوف كوول سنتر ؟؟
كوول سنتر يعنى مكان كبيـــــــر اوي كدا وفيه ناس كتيرة لابسة سماعات وبيردو على العملا من خلال التليفون عشان يحاولو يحلو المشاكل اللى المفروض تتحل عن طريق الفون بحيث ان العميل يبقى قافل المكالمة وهو مبسوط ومنشكح وبيرقص من الفرحة
الاجــابة اللى فاتت دي هيا الاجابة النموذجية لاول سؤال هاتتسألوه لما تروحو اي انترفيـــو كوول سنتر في مصر
نرجــع فلاش بــاك بسـرعة كدا لما قولنا ايه هيا مقومات اي شغلانه كويسة بمرتب كويس في مصر ؟
- انجليش
- مهارات اتصال
- حل المشكلات
اللى عايزكو تعرفوه ان اي اتش ار في اي كوول سنتر في البلد دي هدفه في الانترفيو انه يطلع منك الاجابة على التلات حاجات اللى فاتو دول
تمام كدا ؟ دي كانت بداية سريعة عن الكوول سنتر
فهمت حاجة يا استاذ ؟ فهمتي حاجة يا آنسة ؟
لاااااااااااااااااء
دي حاجة اسمها Mind shocking .. عبارة عن تكنيك بسيط اوي وهو اني اديك ملخص سريع عن حاجة انت ماتعرفهاش بحيث انك ماتبقاش فاهم عشان ابتدي اخش في تكنيك تاني بعديه اسمه mind rearrangement وفيه بشرحلك الحاجة بالراحة عشان تربط اللي ماكنتش فاهمه باللي فهمته وتبقى الصورة كاملة :D
واحده واحده بقى كدا وبالراحة علينــا
حضرتك اتخرجت ولله الحمد والنتيجة طلعت وفرحت وزأططت والحياة لوز العنب
اسبوع في التاني في التالت .. شوية قاعد ع الفيس شوية مع صحابك شوية ع التليفزيون
الحياة بدأت تبقى مملة
انا شاب لازم ادور على شغل عشان كدا عيب وانا هابقى عالة على والدي بعد ماكان بيصرف عليا 20 سنة
وانا كمان بنت لازم ابتدي اشوف شغل انا كمان عشان يبقى ليا كياني بدل القعدة في البيت والملل اللى انا فيه دا
اول مرحلة هاتواجهك هيا انك تدور على الشغل
غــــــــــــلــــــط يا بــوب
ايه ياعم في ايه ؟!
ايـــــــوا غلط .. لما اقولــك غلط يبقى غلط
طب ليــه بس ؟!
انت حددت الاول انت عايز تشتغل في ايه ؟
تصدق لاااااااء
مبروك .. خبوء جديد انضم لشلة الخبوءات المتحدون
قبل ماتدور على شغل يا استاذي العزيز لازم تبقى محدد الاول من ايام الكلية خطة شغل معينة انتى هاتمشي بيها بحيث انك لما تخلص الكلية تبقى عارف انت هاتعمل ايه
ايه الهـس دا ؟!
لاء مش هس بس صحصح معايا كدا وانا اقولك
انا (افتراض وليس حقيقة) ايام الكلية كنت محدد انى عايز اشتغل في بنك وكلنا عارفين ان البنوك صعب انك تشتغل فيها
ومستحيل انك تخلص جامعة وعلى طول ترشق في بنك
يبقى اذن انت قبل ما تخلص الكلية اصلا عارف اولريدي ان فيه ريسـك انك ماتشتغلش في البنك اول ماتتخرج
اذن هايبقى فيه فراغ زمني معين بين ما بعد تخرجي مباشرة وبين المكان اللى عايز اشتغل فيه
طب الفراغ دا هافضل سايبه كدا ولا احاول املاه باي حاجة ؟
اكيـد هاملاه .. هاملاه بايه ؟
اما انى اخد كورسات في الفترة دي لغاية ماربنا يكرم او انى اشتغل شغلانه تانية لغاية ماربنا يكرم بردو
طب والشغلانه التانية دي هاتبقى ايه ياتري ؟ وايه مؤهلاتها عشان ابقى جاهز ليها على طول ؟ ولو مش متوافرة ايه هيا البدائل التانية ؟
فهمـــت بقى يعنى ايه تعمل لنفسك خطة شامل ؟
فاكر مصطلح التخطيط الاستراتيجي والخطط طويلة الاجل اللى بتدرسه في مادة الادارة بتاعة سنة اولي ؟
اهو هوا دا بالظبط اللى انت محتاج تعمله وتطبقه على نفسك .. وافتكر دايما ان عشان تنجح في حاجة لازم تبقى حاططلها خطة ومرتب ليها كويس وكله طبعا بمشيئة الله
طيب انت دلوقتى حددت ايه ؟
انـــا نفســـى .. انــــا نفســـى
نفســـى ابقى محاسب في شركة كبيرة مالتي ناشونال واخد مرتب ييجي 10 الاف جنيه في الشهر وابقى جامد كدا
احم احم .. بصرف النظر عن الاحلام الفكسانة اللى انت بتحلم بيها دي احب اقولك من الطبيعي انك مش هاتلاقي فرصة زي دي اول ماهتتخرج صح ؟
فانتا لااااازم تحدد شوية بدائل وتعمل لنفسك brain storm محترم عشان تعرف تطلع بحلول بديلة
الحلول البديلة دي هيا اللى حضراتكو باذن الله هانحاول نكتشفها مع بعض وانتو اللى باذن لله هاتقولو عليها
ومن أول البوست دا كدا هانبتدي نشارك مع بعض الافكار عشان نبتدي نوصل لصورة كاملة
يتـــــبــــع ،،،
legend_hossam 16-05-2013, 03:39 AM اولا الف حمد الله عسلامة
ربنا يكرمك و يجزيك خير على تعبك ده
بس معلش هو انت ليه مكملتش على القديم بتاع اخر بوست لما وقفت عند الـ 6 طرق ؟
legend_hossam 17-05-2013, 05:03 AM سورى يا جماعة اتلغبط
Ahmed Mofeed 13-09-2013, 02:33 AM يتبع دى من 5 شهور ي فامبير
باقى البوست فين :(
maged4ninja 18-09-2013, 02:36 PM البوست الجاي السنه الجايه هو بينزل بوست كل سنه :p
yasserey 13-10-2013, 10:01 AM http://im34.gulfup.com/JvWBP.jpg
yasserey 13-10-2013, 10:06 AM http://www.m09m.com/vb/storeimg/img_1317129769_913.gif
7amodi 21-06-2016, 02:18 PM كلام جميل اوى بس انا عايز اعمل ايه عايز اسماء الكورسات واماكن احجز فيها
Ah_a257 29-06-2016, 07:28 AM فين الباقي طيب ؟؟
ده أنا سجلت مخصوص علشانك :d
|