بسم الله الرحمن الرحيم


انا عندي استفسار هيجنني !!
وانا في المتحان في اولى ثانوي , وزعوا على كل واحد ورقة , فيها مواد (كيمياء , تاريخ , ... اقتصاد واحصاء) , المهم انا اخترت اقتصاد واحصاء وموجود في فصل كل اللي فيه تاريخ , وانا مكتوب في القايمة اللغة التانية (اقتصاد) !!!

فأنا مش عارف ايه المواد المفروض اذاكرها , وايه المواد اللي عليا في تانية و ايه المواد اللي في تالتة ؟!!!
وفي مواد في الترم الاول غير الترم التاني ولا هو كله على بعض ؟!!!
يــــــــــاريت توضحولي , علشان انا مش فاهم حاجه خاااااااالص , مع العلم اني أدبي !!!

بص يا كبير متركزش فى كلامى اوى لانه فى الاغلب غلط:rolleyes:
انت فى كل الحالات عندك اربع مواد مبيتغيروش لو علمى او ادبى
وهما العربى والانجلش والديتش او الفرنش والرياضيات
عندى انا فى المدرسة ايام امتحانات اولى ثانوى وزعوا الورقة اياها بردوه وقالوا محدش يختار حاجة غير التاريخ لان الفلسفة لتالتة بس
رخامة يعنى:022yb4:
ومتقوليش ايه الهبل ده
بس طالما انت اخترت اقتصاد روح للناظر او المدير راسا
او افقا عادى بردوه
وقوله يا بيه انا اقتصاد فين المدرس بتاع المادة ديه واخدها فى انيه فصل:)
بس انا اعتقد ان الورقة بتاعتى مكنش فيها اقتصاد اصلا:excl:

انا متشكر على ردك يا موريكال ..
والحمد لله رب العالمين .. انا عرفت الحوار ايه !!
انا كدة خدت اقتصاد واحصاء في تانيه , وفي تالتة هاخد تاريخ اساسي ومادة ادبية ومادة علمية .
وده طبعا بعد ما روحت لشئون الطلبة.
وانا سألت على النت علشان المدرسين بتوع شئون الطلبة .. بيتنكوا علينا ويتنرفزوا وبيقرفونا.
بس الحمد لله مادام ده حقك يبقى تنرفزوا وتخنق اللي عينه كمان .