اهلا يا جماعة انا ملاحظ ان مفيش اى موضوع خاص لطلاب التعليم المفتوح وخصوصا ان التعليم المفتوح اول سنة ينزل التنسيق السنة دى فأكيد كتير من الطلاب اللى داخلين تعليم مفتوح ميعرفوش حاجة عن النظام دة فياريت لو اى حد عندة اى معلومة مهما كانت عن التعليم المفتوح ونظامة او نظام الدراسة فى كلية التجارة يتكرم ويكتبها خصوصا ان الموضوع دة هيخدم طلاب كتير لسة هيدخلوا التعليم المفتوح بحيث انه هيخلى الصورة واضحة بالنسبة لهم ولكم جزيل الشكر

الدراسة بالتعليم المفتوح لاتختلف كثيرا عن التعليم العادى فكل مافعلوه انه تم تغيير المسمى من انتساب إلى تعليم مفتوح ونلاحظ اختلاف المقرر من تعليم مفتوح للتعليم العادى
وانا تحت امركم فى اى استفسار

استفسار عن ايام الدراسة وهل لو هي يومين فعلا
هل كده المنهج من يتغطي بشكل كويس
ام التعليم المفتوح معتمد علي الدراسة والمذاكرة في البيت

الدراسة بالتعليم المفتوح لاتختلف كثيرا عن التعليم العادى فكل مافعلوه انه تم تغيير المسمى من انتساب إلى تعليم مفتوح ونلاحظ اختلاف المقرر من تعليم مفتوح للتعليم العادى
وانا تحت امركم فى اى استفسار
اولا انا متشكر جدا على رد حضرتك و لو سمحت كنت حضرتك بتقول ان فية اختلافات بين التعليم المفتوح والعادى بالنسبة للمقرر ممكن حضرتك تشرح لنا اية نوع الاختلافات دى يعنى مثلا مقررات التعليم المفتوح فيها نقص مثلا عن مقررات التعليم العادى ولا اية الموضوع بالاضافة انى سمعت بس مش متأكد ان طلاب التعليم المفتوح بيحضروا المحاضرات مع طلاب الانتظام فهل المعلومة دى صح؟؟ وشكرا

احاول اشرح لك ان شاء الله هناك فارق بسيط فى المناهج ثانيا التخصص فى التعليم المفتوح من سنه ثانيه ثالثا حتى الان و لحين التصديق على القرار اللى طنشوا عليه شهادتك مكتوب فيها انك تعليم مفتوح مع ان الانتساب مثلا لا يكتب انه انتساب رغم اعتراف النقابه مثلا بشهادتك رابعا هناك تخصصات موجوده بالتعليم الامفتوح غير موجوده بالعادى و العكس صحيح يعنى هناك تخصصات داخل الكليه غير موجوده بالتعليم المفتوح
نيجى للمساؤى الامتحانات سريعه و فجائيه و تمتحن يا مسكين قبل طلبة الكليه و حتى قبل التعليم المفتوح نظام الخمس سنوات ثانيا بالنسبه لعين شمس بالذات تخلص المحاضرات يوم الاربعاء الامتحان الاثنين التالى ما فيش رحمه و كمان ممكن تلاقى المنهج اتغير فيه اجزاء فلازم تحضر اخر محاضره بالذات علشان تراعى - مزاج الدكتور - و بالتوفيق

طب هل يمكن لخريج التعليم المفتوح انو يقدم على دبلومة الدراسات العليا مع خريجين الانتظام ولا بتوع التعليم المفتوح بيبقى ليهم نظام خاص ليهم فى الدبلومات والدراسات العليا عموما وشكرا

السلام عليكم انا طالب تعليم مفتوح بجامعة جنوب الوادي بأسوان (عين شمس) ان شاء الله رايح تالتة محاسبة ----- اما بانسبة للدراسة هنا في اسوان كل اللي بيحاضرونا او الغالبية معيدين ما عدا بعض الدكاترة منهم الدكتور الرملي والله لو كل الدكاترة زيه كانت الدفعات تنجح بتقديرات عالية واللي بيقولوا علي مدي محاضراته مهم وبيقول كدة كل اللي بقوله مهم فغصب عن الدفعة كلها بتبقي منتبهة واللي تفوته محاضرة او حاجة مش فاهمة بيسعي جاهد عشان يفهم وامتحناتو سهلة جدا و مباشرة اما باقي المعيدين فهم بينزلوا ملازم ده طبعا غير الكتب الرسمية اللي جاية قنا او من عين شمس(القاهرة) والملازم دي فيها المقرر والمهم اللي مش بييجي منه الامتحان وبييجي من حاجات تانية خاص وده حصل فعلا السنة دي في اكثر من مادة بعض المواضيع لغوها خالص المعيدين اللي مفروض بيبلغوا الدكتور بالمواضيع اللي شرحوها لنا وعلي الاساس ده يضع الامتحان بنفاجئ بسؤال في الامتحان من خارج المنهج وطبعا ده بيفرق في التقدير ما عدا الامتحانات اللي بيضعها الدكتور الرملي ------------------------ الدراسة هنا جمعة و سبت والامتحانات تبدا بعد انتهاء الكليات العادية بمعني في اجازة نصف السنة بتاعة المدارس شهر فبراير وكذلك امتحان التيرم التاني غالبا بيكون في شهر 7 واخيرا اقول ((( حب ما تعمل او ما تدرس تتفوق فيه )))