الي السيد رئيس الوزاراء والسيد وزير التربية والتعليم
لو فرضنا ان وزارتنا خدمية ولايوجد بها اموال مع العلم ان هذه النقطة خطا لكن يوجد مجال من خلاله يتم دعم معلمي مصر جميعا وهو استخراج طابع يسمي دعم المعلم و ليكن قيمته واحد جنيه ويتم استخدامة في جميع الوزارات والهيئات الموجودة بالدولة ويخصص صندوق له لدعم حملة معلمين شرفاء لهم كيان ويكون المعلم في اول الهرم الموجود داخل مصر ويمنح له دخل محترم ليتفرغ للعمل داخل المدرسة وداخل الفصل فقطوودائعا للدروس الخصوصية مع تجريمها وفي هذه الحالة سوف يظهر المعلم المحترم ويقوم بأعطاء مجاميع مدرسية بالمجان للمحتاجين وذو القدرات المحدودة وحتي بتم الارتقاء بالتعليم لابد من مشاركة جميع الجهات الموجودة بالدولة
ملحوظة ( اغني المعلم ترتقي الدولة ) وبلاش نقول مفيش ومعندناش مش المعلم اولي لانه بيخرج كل طوائف المجتمع حتي القضاة والدكاترة والمهندسين والوزاراء ورئساء الجمهوريات مش كدة ولا ايه ياريت حد يرد عليا وننشرها

:av4056bb7jp3:كلام جميل

فكرة جميلة

فكرة رائعة بس ياريت حد يسمعنا ..

كلام جميل فعلا

محدش عارف باهمية التعليم غيرنا احنا المعلمين


اما هما فبيعتبرونا موظفين فى الدولة بل اقل وظيفة

يوم ما عملوا الكادر قالولنا هنرفع من شأن المعلم ومش هنعامله كموظف بل معلم مثل هيئة تدريس الجامعة


وعلشان يحسوا بالتعليم مفيش مدارس وخليهم يعرفوا احنا ممكن نعمل ايه

علي فكرة كل واحد يقتنع بالفكرة يحاول ينشرها لكل اللي حوالية يمكن تصل للناس الي فوق ويفكروا فيها ويتم تطبيقها المهم لو بصيتوا علي اى مكاتبة عليها دمغة وعلي مشروع الاجازات وعلي استمارات النجاح لكل المراحل وعلي بيان النجاح وعلي التحويلات ووووووووو عاوزين يومين نعد في المكاتبات الحكومية شوف رصيد العملية دة كام المهم يكون في ناس محترمة تتبني هذه الفكرة ويفتح لها صندوق ويسمس صندوق دعم المعلم ويخصص دخلة للارتقاع بالمعلم مالية ومعنويا وبعدين سلملي علي الكادر المهين علي الحوافز انشروا رايكم وياريت جميع من في المنتدى يتبني هذه الفكرة لانها جديرة بالاحترام

رائعه وقابلة للتنفيذ

مين يسمع ومين يفهم ومين ينفذ

اخى احنا مش بنشحت منهم علشان يعملولنا طابع دعم المعلم موارد الدولة دى بتاعتنا كلنا واحنا لينا نصيب فيها
سيبك بقه من موال خدمية ومنتجه والهبل اللى موجود فى مصر بس اللى يجيب فلوس يخدها
دى دولة مش تكية مقسمينها يجيب ياخد واللى مايجبش مايخدش وكلام وزيرنا هبل ( احنا ماعندناش موارد ) على اساس فلوس وزارة البترول بتاعت ابوهم وبيدونا احسان دى كلها فلوس الدولة وفلوس المواطنين وكل واحد بيقوم بشغله فى موقعه ولا يمكن الاستغناء عن احد
والله خلاص الواحد طهق

يا سيدى هذا لمن ير يد اعلاء قيمة المعلم والعلم ولكنهم والله لايريدون ذلك

يااستاذ علي فكرة دة مش شحاته ياريت نبطل نهيف الامور دة حق علي كل الموجود في البلد ودة حق المعلم علي كل الوزارات والهيئات وهذا اقل واجب ممكن يقدموة لخدمة التعليم فقط

يا جماعة صح فيين الحاجات ايلي بتخش للوزارة من طوابع ودمغات شوفوا الحاجات ايلي بيطلبوا من الطلاب

والله العظيم من 20 سنة وانا بقول مصر دى وسية
انا كل ما شوف مسلسل الوسية افتكر مصر واللى بيحصل فيها
الناس فيها نوعين : ناس فوق وناس فى اسفل السافلين
بالظبط زى الخواجات بتوع زمان كان المصرى صاحب البلد يشتغل ويطلع عين ......... وفى الآخر ..........

والله العظيم من 20 سنة وانا بقول مصر دى وسية
الوسية = مصر = الوسية
انا كل ما شوف مسلسل الوسية افتكر مصر واللى بيحصل فيها
الناس فيها نوعين : ناس فوق وناس فى اسفل السافلين
بالظبط زى الخواجات بتوع زمان كان المصرى صاحب البلد يشتغل ويطلع عين ......... وفى الآخر ..........

اقتراح جميل ولكني هنا احب ان أؤكد لك ان السياسات القائمة تجاه العملية التعليمية مخططة وممنهجة لتدمير التعليم في مصر لكن اشك ان عملية الموارد هذه تمثل لهم اي عقبة لانهم كما قلت انت عندهم الكثير من الحلول ولكنهم لم ولن يعملوا بها لاستمرار سياسة الهدم للتعليم بهدم رأسه وهو المعلم

يااستاذ علي فكرة دة مش شحاته ياريت نبطل نهيف الامور دة حق علي كل الموجود في البلد ودة حق المعلم علي كل الوزارات والهيئات وهذا اقل واجب ممكن يقدموة لخدمة التعليم فقط

استاذ حمادة اكيد فضل المعلم على كل البشر بس ثق لو طبقوا اللى قالوا عليه هيبصولنا بصه اقل لان الوزارات كلها بتلم علشان المعلمين وهيتسرق ثلاث اربعها قبل ماتوصلنا واحنا مش محتاجين ده
احنا عاوزين حقنا
احنا موظفين فى الدولة ومن حقنا مرتبنا يكون زى باقى المصالح ومايقسمهاش على مزاجه فى اى دولة فى العالم متقسمه قسمين مافيهمش ثالث قطاع خاص وقطاع عام مش كل وزارة بتقبض من اللى بتجيبو
عاوزين يقسموها يبقى سيب لوزارة التعليم كام بير بترول وكام بنك تجيب منه مواردها لنفسها

انا ضد الفكرة

لان التعليم مهنة يصرف عليها ولو عايزين نغنى عندنا الدروس الخصوصية ولكننا بنحب نخلص فى المدارس

ولو عايزين نجيب فلوس هنجيب لان الصرف على التعليم هو استثمار يعود على الدولة بعائد كبير فى التنمية البشرية للدولة والطاقة البشرية

وعندك الجامعة مهو برده تعليم ايه الفرق

خدمى ومفيش انتاج

بس الدكتور مصرح ليه يعمل كتب ومذكرات ويفرضها على الطلبة ده غير مرتبه اللى يدل على استاذ جامعى

ياريت يحولوا الدولة كلها لخاص

كانت اول حاجة كفكر استثمارى هتصرف على التعليم

وكان هيدخلها دخل كبير

بلا نيلة هو فيه حد بيفكر فى مصلحة البلد ولا التعليم

؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا المعلم لابد ان يحصل علي مرتب اكبر من اى حد موجود لازم الهرم يكون القمة فيه المعلم واعلي راتب مش زى اى حد وعلي فكرة اعلي من راتب دكتور الجامعة ياجماعة المعلم بيتعامل مع الطفل وهو في مرحلة تكوين الشخصية والتقليد والابتكار ولابد ان يكون امامة قدوة حسنه وتأثير المعلم عليه اقوى من ابوية ومينفعش تحول التعليم الي قطاع خاص ولابد من مجانية التعليم لاهدافها السامية ولكن لابد من تكاتف جميع الهيئات مع التعليم كي ينصلح حال البلد وتقوم علي اسس من جديد اما من جهه السيطرة علي موارد الصندوق من قبل الحرامية فهذا له اسس يمكن السيطرة عليه حين تطبيقة بس يالا نتبني الفكرة الاول

الحد الادنى للاجور .... امتى هيظهر بقى للنور
يعشمونى ابنى قصور .... وفى النهاية هاموت محسور
مش باتمنى اكون ميسور ... لكن نفسى اعيش مستور

مش عاوزين شحااااته

1- تغير الوزير
2- الغاء الكادر
3- الدرجات المالية
4- الحد الأدنى
5- الترقيات المتأخرة

احنا مش بنشحت منهم علشان يعملولنا طابع دعم المعلم
احنا موظفين فى الدولة ومن حقنا مرتبنا يكون زى باقى المصالح بل أكبر منهم

بارك الله فيكم يا معلمو مصر .. الى الأمام دائما . والله سبحانه وتعالى معنا . من أجل حقوقنا لا أكثر