لكل الى داخل هندسه اسكندريه نبذه عن (مواد - دكاتره - كورسات وكل شىء) [الأرشيف]

مشاهدة النسخة كاملة : لكل الى داخل هندسه اسكندريه نبذه عن (مواد - دكاتره - كورسات وكل شىء)

المحب لله

16-08-2011, 02:58 PM

:022yb4:
:022yb4:السلام عليكم ورحمه الله وبركاته:022yb4:

اولا انا كنت طالب فى اعدادى ودلوقتى اولى قسم وحابب يعنى على قد ما اقدر افيد الناس الى داخله لانى زيكوا كنت داخل تايه وعلى فكره موضوع التوهان ده ظاهره صحيه وعادى جدا انك تتوه الفرق بين الناس بقى الى بيتوه ومش بيدور على الطريق الى يرجعه وده فى الباى باى لانو حيدخل فى طاحونه شهر اتنين وتلاقى امتحانات ميد تيرم وده غير تسليم شيتات وفى ناس تتوه شويه لكن تفوق وتبدا تذاكر من اول السنه ودى ان شاء الله تقدير عالطول.

اولا بالنسبه للكليه والله لذيذه وسهله وبالذات اعدادى بس عاوزه مذاكره بجد مش دلع عاوزه حل وحضور محاضرات وسكاشن طبعا الى حيعمل كده يتاكد انوان شاء الله يجيب تقدير اما الى بيدخل يدلع ويفرح انو فى هندسه صدقنى النتيجه حتكون كارثيه لانك ليك فى اعدادى سنتين بس يعنى تسقط لا قدر الله سنه التانيه تسقط بره عالطول ؟!

ثانيا بقى حديكوا فكره سريعه عن المواد حتاخدوا فى التيرم الاول

*رياضه حيكون متقسمه حاجتين تفاضل(سهل جدا ) فى التيرم الاول وتكامل (سهل بس مش جدا)فى التيرم التانى وبيديه دكتوره اعتدال رحمى ودكتوره ميرفت كوجك كل دكتوره بتدى مجموعه لان الدفعه زى ما انتوا عارفين حتتقسم على حسب العدد احنا كنا مجموعتين لان عددنا كان صغير .

* تكنولوجيا انتاج (مش مكمله تيرم اول وبس ) والماده دى انا كنت بعيط منها عشان الى يدخل حيكتأب منها لكن الماده الوحيده الى جبت فيها جيد التيرم الاول والله ماده لذيذه اوى وسهله صعوبتها فى الحفظ ومكينات وبتاع ودى ليها معمل الى هو السيكشن وبيتحضرلوا ببلطوا هى الماده فيها لك كتير جدا وكلها نظرى اللهم الا شويه مسائل كده حتاخدوها وسهله برضو وبيديها كوكبه من الدكاتره هههههه ومش حتفهم منهم حاجه وبامانه انا مكنتش بحضر غير هىا محاضرتين تلاته وبس لانى كنت حتشل

*فيزياء (حتكمل يعنى حتمتحن فيها التيرم الاول وحتاخدها التيرم التانى برضو بس مختلفه شويه وحتمتحن فيها وحيجمعوا على بعض )لاتعليق طبعا هههههه بيديها دكتور عمرو محروس ودكتور احمد عماره وانا بقول يجماعه اسماء الى كانوا بيدرسولنا وبيختلفوامن سنه لسنه لكن هيا دكاترتها كتير جدا وحتعرفوهم لما تدخلوا متقلقوش

*حاسبات _ مش مكمله تيرم اول حتمتحن فيها وخلاص مش حتاخدها تانى ) حتدرسوا فيها البيزك برمجه وحجات تانيه خفيفه كده بس هيا مضافه جديد السنه الى فاتت بعد ما كنت ملغيه وهيا يعنى عاوزه مذاكره وبالذات البيزك

*ميكانيكا (ودى بقى بتنقسم الى حاجتين استاتيكا ودى فى التيرم الاول وبيديهالنا دكتور عاطف عطا وهو كويس جدا ومحترم وجزء تانى ديناميكا ودى فى التيرم التانى والاتنين مش حتمتحنهم الا مع بعض فى التيرم التانى) ولكن الاستاتيكا ليها متحان ميد تيرم فى النص الاول والديناميكا ميد تيرم التيرم التانى وهى ماده برضو عاوزه مزاكره وشغل لان ليها اسكتش وشيتات بتتسلم

*رسم هندسى (بينقسم الى رسم هندسى واسقاط هندسى) والاتنين برضو حتمتحنهم كل ماده لوحدهم اخر السنه ولكن الرسم ليه ميد تيرم نص اول والاسقاط ليها ميد تيرم نص تانى او حسب ميحدد الدكتور ( اتمنى مكونش لخبطكوا) لكن هتاخد محاضرات فيهم من اول السنه واهم حاجه فيهم الحضور وبالذات السكاشن لانك بتسلم لوح فيها وعليها درجات

* حقوق انسان ماده عاديه مش بتنضاف لكن فيها سقوط ونجاح

وان شاء الله حنكمل الموضوع لمواد التيرم التانى وورق الكورسات والمكتبات الى حتجيبوا منها والى ليه اساله لحد كده يسال ودمتم:)

oooabdooooooo

17-08-2011, 03:26 AM

المحب لله

17-08-2011, 12:02 PM

الله يكرمك يا بشمهندس

يعني ال 7 مواد ... ثابتين في كل كليات هندسة ؟؟ مفيش اختلاف اقصد ؟

و المواد اللي تيرمين زى الفيزيا كده ... نتيجة امتحان التيرم الاولاني بتظهر على طول و لا في اخر السنة تظهر نتيجتها توتال ؟؟

شكرا يا بشمهندس ربنا يكرمك و يكرمنا

لا بص بتختلف طبعا يعنى ليه زميلى فى الاسماعيليه بياخد مثلا كيميا التيرم الاول وانتاج التيرم التانى يعنى هيا المواد باسمها بس ممكن تلاقيها متبدله

لا الفيزيا بتطلع تيرم اول لوحده والتيرم التانى بقى بيظهر مجموعك فى الاتنين اول وتانى

المحب لله

19-08-2011, 01:22 PM

80 واحد شافوا الموضوع ومفيش غير تعليق واحد بسسسسس؟ واضح ان الموضوع مش فى اهتمامكم

hohaho

20-08-2011, 12:15 AM

المحب لله

20-08-2011, 12:57 AM

ازاي طبعا الموضوع يهمنا و كنت عايزة اسأل ايه رأيك في الاقسام الخاصة اللي في الكلية ادخلها و لا لأ و ايه طبيعة الدراسة فيها وهل في دكاترة كويسين بيشرحوا فيها و ادواتها و كتبها متوفرة ولا لأ لأن اسمع انها جديدة

شكرا بس انا معرفش انا تخصصى اى سؤالى فى اعدادى بصفتى عديت منها بس انا اسمع ان الاقسام الخاصه كويسه ومستقبلها حلو وبرضو بسمع كلام مش حلو انو مثلا احيانا يشيلوا ناس مواد ويسقطوهم عشان ياخدوا منهم فلوس فانا والله معرف ومقدرش افيدك وشكرا تانى مره

m.a.h

22-08-2011, 02:40 PM

شكرا لمجهودك ومنتظرين تكملة الموضوع - جزاك الله خيرا كثيرا

mrs hope

23-08-2011, 03:33 AM

thanks al ot great subject

princeoftears

23-08-2011, 03:43 PM

هوا مفيش مادة انجليزى؟؟؟

المحب لله

23-08-2011, 04:29 PM

شكرا لمجهودك ومنتظرين تكملة الموضوع - جزاك الله خيرا كثيرا

شكرا لردك ان شاء الله نكمله قريب

المحب لله

23-08-2011, 04:30 PM

thanks al ot great subject

شكرا ليك شرفتينا بمرورك

المحب لله

23-08-2011, 04:32 PM

هوا مفيش مادة انجليزى؟؟؟

فى التيرم التانى ان شاء الله

princeoftears

23-08-2011, 10:43 PM

المحب لله

23-08-2011, 11:32 PM

طب يا ريت اعرف هوا اعدادى الهندسة مختلف من كلية لكلية فى الدراسة
يعنى انا لو فضلت فى هندسة طنطا سنة و حولت بعد الاعدادى هشيل مواد لما احول اسكندرية ولاهيمنعوا عنى قسم زى النووى او البحرية مثلا؟؟؟؟

والله انا بسمع ان الى بيحول وبيبقى فى اختلاف فى المناهج بيشيلوه مواد وكمان انا كان معايا واحد صاحبى دخل انتاج فبساله ليه قالى لان المحولين مكنش ليهم غير انتاج وكام قسم تانى فالافضل انك تسال فى الكليه هما يفيدوك اكتر لانها ممكن بتختلف من سنه للتانيه والله اعلم

princeoftears

23-08-2011, 11:48 PM

المصيبة ان مفيش بنزين فى البلد بالزمة مش حاجة تكسف انا بس خايف لا التحويل يخلص و يقفل قبل ما اقدر اروح و المواصلات صعبة عليا لانى عامل عملية و كدا و نفسى احول عشان ارتاح بئى

my.heart.is.mine

24-08-2011, 01:05 AM

لالا بجد تسلم ايدك وبالله عليك تكمل المو ضوع لاني محتاجه اعرف اكتر قبل ما اروح فبالله عليك كمل و ف انتظار الباقي

المحب لله

24-08-2011, 02:20 AM

المصيبة ان مفيش بنزين فى البلد بالزمة مش حاجة تكسف انا بس خايف لا التحويل يخلص و يقفل قبل ما اقدر اروح و المواصلات صعبة عليا لانى عامل عملية و كدا و نفسى احول عشان ارتاح بئى

الف سلامه عليك ربنا يقومك بالسلامه وممكن اى حد يخلصلك الاجراءات دى وربنا يوفقك

المحب لله

24-08-2011, 02:23 AM

لالا بجد تسلم ايدك وبالله عليك تكمل المو ضوع لاني محتاجه اعرف اكتر قبل ما اروح فبالله عليك كمل و ف انتظار الباقي

شرفنى مرورك وان شاء الله حكمله حاضر متقلقيش:)

وعلى فكره نسيت ماده من التيرم الاول وهى جبر وطبعا ضمن الرياضه (التفاضل)

princeoftears

24-08-2011, 01:10 PM

ممكن حد يعدلى مواد الاعدادى فى اسكندرية و يكون فى الجامعة من غير نبذة مختصرة ولا اى كلام
يعنى
1-
2-
كدا و يقول ايه المواد الى بالعربى و ايه بالانجليزى و يقولى بتوع السنة كلها الترم الاول لوحده و الترم التانى لوحده
عشان انا عايز اقارنهم بكلية طنطا

و مواد الاعدادى فى طنطا
1-رياضيات (1) (أ)
2-فيزيقا هندسية (1) أ
3-ميكانيكا هندسيه
4-الرسم الهندسى و الاسقاط
5-كيمياء هندسيه
6-تكنولوجيا الحاسبات
و الترم التانى
1-رياضيات هندسيه 1 ب
2-فيزيقا هندسيه 1 ب
3-ميكانيكا هندسيه
4-الرسم الهندسى و الاسقاط
5-هندسه الانتاج
6-لغه انجليزيه فنيه
7-تاريخ الهندسه و التكنولوجيا
8-حقوق الإنسان

و كل المواد بالانجليزى ما عدا الرياضة و الفيزياء و احتمال السنة دى يبئى الرياضة او الفيزيا انجليزى كمان

يا ريت حد يرد عشان انا قلقان جدا جدا و عايز اعرف

المحب لله

25-08-2011, 02:40 AM

السلام عليكم ورحمه الله

تكمله للموضوع الى بدأته حكلمكم عن مواد التيرم التانى

*رياضه وبتبقى متقسمه حاجتين (احنا اخدنا فى التيرم الاول تفاضل وجبر) فى التيرم التانى حيبقى تكاامل وهندسه تحليليه والاتنين ساهلين بس التكامل عاوز شغل جامد وحل ومتابعه لان ليه انواع كتير جدا اما التحليليه سهله جدا وان شاء الله تحلها بصباع رجلك الكبير:d
*فيزياء ودى طبعا اتكلمنا عنها وحتبقى التيرم التانى مختلفه طبعا عن الاول لان التيرم الاول حتاخدوا ديناميكا حراريه وخواص مواد والتيرم التانى كهربيه وحجات تانيه بصريات وكده وطبعا الفيزيا تيرم اول وتانى بيبقى ليها معمل يعنى فى 5 تجارب تقريبا كل تيرم بتعملهم وبيبقى فيهم امتحان عملى فى الاخر

*كيمياء وطبعا ماده شيقه جدا جدا وسهله جدا جدا وهديه للطالب وفيها برضو معمل بتحضرلوا بالبلطوا وليه ادوات حيطلبوها منك ( جوانتى - انابيب اختبار - حامل انابيب - فوطه - نظاره) طبعا معملها مهم

* ديناميكا ودى حتبقى تكمله للاستاتيكا الى حتاخدوها فى التيرم الاول وحتمتحنوا فى الاتنين على بعض اخر السنه وهى من وجهه نظرى كل الناس حتقولك صعبه:o وايه ده هى اه تقيله لكن الى يفهمها حيحس انها هبله قوى وسهله وحيحل فيها برضو كويس ان شاء الله

*انجليزى لاتعليق كلام فاضى انا زاكرته قبل الامتحان وجبت جيد فيه عادى جدا ومش صعب ولا حاجه

*تاريخ علوم هندسيه ماده نظرى كلها برضو قبل الامتحان الصبح تبقى تقراها وتحل لك امتحانين من بتوع السنين الى فاتت مش حيطلع منهم ان شاء الله.
* رسم هندسى واسقاط وده طبعا شغال معاك من التيرم الاول عادى جدا والى بيحب الرسم حيمشى فيه لانو عاوز تخيل جامد وانا الحمد لله كنت بحبه وجبت جيد فيه وهو عاوز بس التزام فى السكاشن من ناحيه الحضور وتسليم اللوحات المطلوبه فى السكشن لان عليها درجات

وحاولوا بجد بقى نصيحه محدش يستهتر بالحجات الصغيره دى لانها بجد هيا الى بتلم بيها درجات لان فى ناس معلش يعنى دماغها تعبانه يقولك يعم فكك المهم امتحان التيرم والرد عليه حقوله:slap1qk6: وايه ضمنك ان امتحان التيرم تحل فيه طب متحل فى الميد تيرم وتسلم لوحك وشيتاتك وتشتغل وتلم درجات تساعدك فى الفاينل حليت فيه كويس خير وبركه محلتش حلو اهى تشيل معاك وبالتوفيق واى سؤال انا فى الخدمه...

المحب لله

25-08-2011, 09:12 PM

حاليا الحمد لله كشوفات الاسماء وصلت الكليه و تم تحديد ميعاد الكشف الطبي و التقديم يوم الاحد بعد العيد مباشرة يوم 4 سبتمبر 2011 حتي يوم الخميس 8 سبتمبر 2011
مواعيد العمل غالبا بتكون رسميا من 8 لكن الاحسن انكم تيجوا من 9 لحد 1 ان شاء الله
الاوراق المطلوبة منكم
1- اصل شهادة الميلاد كمبيوتر
2- عدد 10 صور حديثه
...3- صورة بطاقة الرقم القومي
4- اصل المؤهل ( اللي هو ملف المدرسة و شهادة الثانوية )
5- استمارة 2 جند للذكور
و دي الصورة اللي فيها الطلبات
http://www.facebook.com/photo.php?fbid=10150283730414566&set=o.149272315155235&type=1&theater (http://www.facebook.com/photo.php?fbid=10150283730414566&set=o.149272315155235&type=1&theater)

ahmed doula

26-08-2011, 05:22 AM

المحب لله

26-08-2011, 11:39 AM

سوال بس هو مش انت بتتكلم عن كليه هندسه

امال ايه لازمه الكشف الطبى ده ممكن تفهمنى بس عشان انا ناويها على رأى حماقى:049gc0:
الكشف الطبى ده ههههههه حاجه لذيذه كده بتتعمل بس ولا يهشك منها كلام فاضى يعنى حتروح للعياده حيعملك ايه حيوقفك قدام اللوحه الى فيها دواير دى ويقولك الفتحه دى فين ؟؟؟؟ وانته اصلا حتبقى واقف فى وشها هههههههه واحد صاحبى كان لابس نظاره كاتبله فى التقرير انو مش لابس عادى يعنى حجات هبله كده عادى انته فى مصر;)

eng tota

26-08-2011, 01:09 PM

طب بالنسبه للمستنين تحوبل الورقى لو ان شاء الله قبلوا يقدموا امتى اوازاى واصلا هى نتيجه تحويل الورقى امتى فى جامعه اسكندريه؟؟؟

المحب لله

26-08-2011, 01:24 PM

طب بالنسبه للمستنين تحوبل الورقى لو ان شاء الله قبلوا يقدموا امتى اوازاى واصلا هى نتيجه تحويل الورقى امتى فى جامعه اسكندريه؟؟؟

معلش مش فاهم سؤالك وضحى اكتر

eng tota

26-08-2011, 01:35 PM

يعنى اذا كان تقديم للكليه من 4 ل8 اومال المحولين بالورق يقدموا امتى ؟؟؟ وكمان هى نتيجه تحويل بالورق امتى باظيط؟؟؟

المحب لله

26-08-2011, 01:54 PM

اوك طيب انا عموما حسال وحبلغك بس متقلقيش فى وقت لان الدراسه اصلا اتاجلت بقت اول اكتوبر فخير ان شاء الله

المحب لله

26-08-2011, 02:31 PM

المحولين للتحويل الورقي لسه النتيجه بتاعتهم هتبان وبعد النتيجه بايام هيوصل الكشف بتاعهم للكليه و هيبداوا تقديم عادي جدا
امتي النتيجه هتطلع في الاغلب هتكون بعد العيد في وسط ايام الكشف الطبي العادي و متقلقوش بيتم مد فترة التقديم ليهم

eng tota

26-08-2011, 03:20 PM

شكرا للا فاده

Eng..LiNa

26-08-2011, 03:41 PM

المحب لله

26-08-2011, 04:33 PM

الاول عايزة اشكر حضرتك جداااااا ع الموضوع ده

هو انا لسة داخله 3 ثانوي بس ناوية اخش هندسة باذن الله

بس كنت عاوزة اسال حضرتك سؤال
هو الكلية ماشية بالكورسات والكوسة وكده
ولا اللي بيزاكر بضمير بيجيب حاجه كويسة ؟؟؟؟؟؟؟

اصلي سمعت عن موضوع الكورسات ده كتييير

وميرسي تاني لحضرتك ع الموضوع

عفوا يا فندم يارب بس الناس تستفاد

بصى اولا عشان نبقى صادقين الكورسات موجوده وبيديها معيدين فممكن المعيد يظبط فى نطاق معين يعنى يحضرك سكشن فى غير مكانك او يديكى درجات مثلا بس ده للامانه على حسب المعيد لكن اهم نقطه ان الى بيزاكر مش بيتظلم لو انتى زاكرتى كويس وحضرتى حتاخدى حقك جدا لكن بقى مش حتاخدى كورس وتضمنى الامتحان والكلام الفارغ ده لا لان المعيد اخره معيد لكن الى بيحط الامتحان الدكتور وده مش بيدى كورسات ممنوع بس والمهم انك متركزيش على الحجات دى كبرى دماغك المهم اعملى الى عليكى وربنا مش حيضيع تعب حد وشكرا

ahmed doula

26-08-2011, 04:44 PM

طيب وبالنسبه لكورسات التاهيل فى الاجازه قبل الكليه على طول ايه نظامها

المحب لله

26-08-2011, 04:55 PM

طيب وبالنسبه لكورسات التاهيل فى الاجازه قبل الكليه على طول ايه نظامها

؟؟؟؟؟؟؟؟؟؟ ودى اى دى كمان مش فاهم انته داخل هندسه مش كليه عسكريه يجماعه الموضوع بسيط مش مستاهل تاهيل والحجات دى

ahmed doula

26-08-2011, 04:58 PM

؟؟؟؟؟؟؟؟؟؟ ودى اى دى كمان مش فاهم انته داخل هندسه مش كليه عسكريه يجماعه الموضوع بسيط مش مستاهل تاهيل والحجات دى

اصل عندى ناس صحابى داخلين طب ورايحين ياخدو كورسات فافتكرت الموضوع هو هواه فى الهندسه

المحب لله

26-08-2011, 05:05 PM

لالا مفيش الكلام ده انته ممكن بعد كده تاخد فى الاجازه دوره فى برنامج او كورس انجليزى كده لكن من اولها كده لا :d

ahmed doula

26-08-2011, 05:38 PM

اوك شكرا للتوضيح

m.a.h

27-08-2011, 05:40 AM

التقديم في هندسة اسكندريه بعد العيد مباشرة

Muslima.com

27-08-2011, 09:10 PM

المحب لله

27-08-2011, 10:04 PM

بجد جزاك الله كل خير استفدت كتييييييييييييير

بس لو ممكن اعرف الشيتات دى عبارة عن ايه وكنت عايزة اعرف احنا هنحتاج كورسات والكلام ده ولا ممكن الواحد يذاكر مع نفسه .وكنت عايزة اعرف الادوات بتعتنا نشتريها منين.وعايزة اعرف كورس الانجلش الحينرال مهم نخدة من اعدادى ولا ممكن نستنى شويه واحسن مكان في اسكندريه ناخدفيه ؟

merci مرة ثانية.

جزانا واياكى يارب

الشيتات دى بتبقى عباره عن مسائل على المحاضره الدكتور بينزلها وانتوا بتصوروها وتحلوها وهى فى اعدادى مش عليها درجات كبيرره بس مهمه جدا لانها مسائل الدكتور بينزلها وبتعرفك ازاى هو بيفكر وكده واحتمال يجى منها حاجه فى الامتحان وان مجاش اهو بدربى ايدك

الكورسات انا حكلمك عن نفسى انا ماخدتش غير كورس فيزيا تيرم اول وهما يومين وطلعت تانى لانو بيضيع وقت ده غير انى بسافر فطلعت منه والموضوع عادى جدا لو حضرتى محاضراتك وذاكرتى اول باول كبرى دماغك ولا كورسات ولا غيره وانا بصراحه مكنتش حاببها لان المعيد بيديكى المعلومه جاهزه انتى مش بتتعبى انك تفهمى ابدا وده مش حلو الافضل انك تدربى نفسك انك تفهمى لوحدك واعدادى مش محتاجه كورسات من وجهه نظرى

الادوات فى مكاتب كتير قدام الكليه حتلاقيها بتبيع كل حاجه متقلقيش

كورس انجليزى مش حيفيدك فى اعدادى لكن ان لم يفيد فلن يضر ولو عاوزه تاخديه عادى كويس حينفعك قدام
واحسن مكان والله انا معرف بس بسمع عن الاكاديميه البحريه او فى فى المنطقه العسكريه سمعت انها كويسه واسالى برضو واسف لو طولت

Eng shimaa

28-08-2011, 03:34 AM

السلام عليكم ورحمه الله وبركاته
ممكن سؤال من فضلكم يا بشمهندسين
ايه هو افضل قسم ف الهندسه بالنسبه للبنات وشكررررررررررررررا

Eng shimaa

28-08-2011, 03:51 AM

السلام عليكم
انا كان ليه سؤال وارجو الرد
ايه افضل قسم للبنات فى كليه الهندسه؟؟؟؟؟؟؟؟؟؟؟؟؟؟؟؟؟؟

Eng shimaa

28-08-2011, 03:58 AM

بسم الله الرحمن الرحيم
ممكن سؤال يا بشمهندسين
انا لسه مستنيه التحويل الورقى هى نتجته هتطلع امتى؟؟؟؟؟؟؟؟؟؟؟؟؟؟؟

mohamed_taher567

28-08-2011, 01:16 PM

10 صور بجد؟؟؟
قالوا 6 !!!!

10 ليييييييه؟

المحب لله

28-08-2011, 02:12 PM

السلام عليكم
انا كان ليه سؤال وارجو الرد
ايه افضل قسم للبنات فى كليه الهندسه؟؟؟؟؟؟؟؟؟؟؟؟؟؟؟؟؟؟

لو حتسالينى مفيش ولا قسم ينفع للبنات هههههههههه لان كلها اقسام بهدله اللهم الا العماره كويس ليكوا بس انتى طبعا تدخلى الى انتى حاباه محدش يقولك ايه الكويس وايه الوحش ثم ان البنات بيزاحمونا فى كل حاجه عادى ادخلى اى قسم ولا يهمك:)

ahmed doula

29-08-2011, 12:59 AM

http://thanwya.com/vb/showthread.php?t=362467

المحب لله

05-10-2011, 07:31 PM

ايه يجماعه كلمونا عن اول يوم دراسه والمشاكل الى قابلتوها واى اسئله عاوزين تسالوها

matador abdou

12-10-2011, 12:11 AM

thanks al ot great subject

المحب لله

20-10-2011, 09:15 AM

شكرا لمرورك

Mahmoud Habib

20-10-2011, 09:43 PM

شكرررررررا جزيلا وجزاك الله خير وجعله في ميزان حسناتك

المحب لله

11-11-2011, 08:39 PM

شكرررررررا جزيلا وجزاك الله خير وجعله في ميزان حسناتك

اشكرك شرفتنا بمرورك

kimotaker

10-08-2012, 05:06 PM

المحب لله

13-08-2012, 04:45 PM

بص يا باشا انا عند مشكله
ان انا كنت مدرسة لغات كل الرياضه والفزياء والكمياء الدرستهم بالأنجليز
فدى كده مشكله ازاى انا حعرف ادرس الرياضه بالعربى وكده
انا خايف اجيب تقدير مش كويس بسبب ده
تنصحنى بأيه؟؟

بص والله نا مش شايفها. مشكله بعدين الشرح حيكون بالعربي اما الي. تكتبه هو رموز وحل المسائل سيكون انجليزي

المحب لله

16-09-2012, 09:07 PM

up:) عشان الى مشفهاش

المحب لله

16-07-2013, 04:36 PM

up عشان الى حيدخلوا السنه دى بقى :022yb4:

المحب لله

28-07-2014, 05:17 PM

up عشان الناس الى داخله السنه دى بقي :av4056bb7jp3:

terrorist

31-07-2014, 10:30 PM

👍👍👍 شكراااااااا

a7med_ali

01-08-2014, 03:54 AM

أيه أصعب مادة عدت عليك ؟؟ ..

وبتحتاج قد إيه مذاكرة قد إيه ف اليوم ..

المحب لله

01-08-2014, 09:13 PM

أيه أصعب مادة عدت عليك ؟؟ ..

وبتحتاج قد إيه مذاكرة قد إيه ف اليوم ..

بص من حيث المواد دى مش بتتحسب كده اسهل واصعب دى بتختلف من واحد للتانى انا مكنتش بحب الفيزيا ممكن انته تخش تدوس فيها وهكذا فاهمنى ونفس الوضع مكنتش برضو بقعد احسب دى زاكرتها قد كده النهارده وكده كلووو بالحب ههههه بس اهم حاجه تزاكر بس وتحل بايدك هتفرق جدا معاك انك تحل شيتاتك بايدك من انك تنقلها .. ربنا معاك

terrorist

01-08-2014, 10:11 PM

طب لو سمحت : هو ميعاد التقديم امتى ؟

المحب لله

02-08-2014, 02:30 AM

طب لو سمحت : هو ميعاد التقديم امتى ؟

بص هو لسه يعنى متحددش كل كليه بتحدده بقي بس تابع مع الجروب ده على الفيس هتعرف كل حاجه ان شاء الله :d

https://www.facebook.com/groups/1458850394378524/

terrorist

02-08-2014, 01:14 PM

شكرا جزيلا ليك

المحب لله

02-08-2014, 04:42 PM

شكرا جزيلا ليك

العفو يباشا اى خدمه :)

eng_lola

03-08-2014, 10:34 PM

بشمهندس المحب لله هو حضرتك قسم كهربا ؟

المحب لله

04-08-2014, 02:58 AM

بشمهندس المحب لله هو حضرتك قسم كهربا ؟

لا انا رابعه مدنى :)

eslamhashem

04-08-2014, 06:19 AM

المحب لله

04-08-2014, 03:08 PM

الصراحة يا "المحب لله " انت ربنا بعتك لينا لان عندى اسئلة كتير ... :)

الحمد لله انا هدخل هندسة الزقازيق و كان عندى شوية حاجات فى دماغى كدا

1- هل فيه فرق بين خريج الزقازيق و الجامعات الاخرى من حيث الشغل او التدريب ؟؟

2- ايه رأيك فى هندسة الزقازيق بشكل عام ؟؟

3 - انا ان شاء الله لسة هقدم على الكلية و مش عارف التقديم امتى كمان و المشكلة الكبيرة عندى انى لسه بطلع فى البطاقة و لسه هتطلع يوم 25/8/2014 و انا معايا الوصل اللى هأستلم بيه البطاقة فهل ينعف اقدم بيه فى الكلية ؟؟؟

4 (الاهم ) --- انا ان شاء الله ناوى على حاجة من التلاتة دول ( كهربة باور - اولوية اولى-....ميكانيكا باور-اولوية ثانية...مدنى انشاءات اولوية ثالثة)
وانا عامل تقسيمة معينة فى دماغى و بقول لنفسي انى لو جبت تقدير مرتفع فى ( الفيزياء و الميكانيكا و الانتاج هدخل ميكانيكا )
و لو جبت تقدير مرتفع فى( الميكانيكا و الفيزياء و الرسم الهندسى هدخل كهربا او مدني ) ...

حضرتك ايه رأيك فى الحاجات دى بقا ؟؟؟؟

5- هل المفروض علشان احدد قسمى فعلا اشوف المواد اللى انا متميز فيها فى اعدادى ؟؟؟

يعنى انا مثلا بموت فى حاجة اسمها ميكانيكا و تفاضل و تكامل اللى انا اخدتهم فى ثانوى فهل ادخل ميكانيكا ؟؟؟ و لا ميكانيكا اعدادى هندسة و قسم ميكانيكا ملهومش علاقة باللى احنا اخدناه ؟؟؟؟

6-هل انا اللى بأختار الدكتور او المعيد اللى بيدينى و لا ممكن احضر لاى دكتور ؟؟؟

7- مش تعرف جروب رسمي لطلاب هندسة الزقازيق ؟؟؟

8- هل ممكن حسابك على الفيسبوك لو سمحت ( يبقى عملتلنا خير كبير و الله ) ؟ ^_^

بص يا سيدى ...

اولا موضوع الزقازيق وكده انا وجهه نظرى ان كلو زى بعضه بس فى مثلا يعض الشركات وانا شفتها فى الجرايد مثلا كاتبين يمتنع خريجى طنطا لان كل نظام كليه اكيد مختلف اسكندريه غير الزقازيق غير طنطا غير القاهره فاهم بس فى الاخر كلو هيطلع مهندس الى هيميزك شغلك وتعبك فى السوق وانك متميز عن غيرك ممكن بتاع الزقازيق احسن مليون مره من بتاع اسكندريه فانت فكك من الكلام ده الى بيفرق هو شغلك وتعبك عشان تطور نفسك بعد كده

ثانيا راى في الزقازيق مقدرش افتى وزى مقلتلك كلو زى بعضو نظام الدراسه مش هيطلعك عبقرى الا اذا انت عاوز تبقي عبقري

ثالثا االتقديم فى اسكندريه 20/8 بس كل جامعه هيا الى بتحدد ومن ناحيه التقديم عادى جدا تقدم فى اى وقت متقلقش مش هيكرشوك ههههههه اول متطلع البطاقه روح قدم

شوف بقي التقسيمه الى انته عاملها دى متنفعش خالص والمواضيع مش بتتقاس كده يعنى انا اعرف واحد كان طالع برسم اعدادى ساقط فيه ودخل مدنى ونجح ده مش مقياس انى عشان نجحت فى الرياضه والفيزيا انى همشي فى كهربا ومش بتتقاس بالمواد خالص لانك مثلا لو بتحب فيزيا ورياضه بكلامك وتمام هخش كهربا شغلى بعد مخلص مش هقعد اشرح رياضه وفيزيا ؟.... يعنى انا مثلا مدنى اختارته ازاى مقولتش انا نجحت فى الرسم يبقى قشطه اخش مدنى انته عشان تحدد القسم الى انته عاوزه شوف شغلك وحياتك كلها بعد كده لو بتحب مثلا تقف فى مواقع وتبنى وكده اخش مدنى مثلا واحد بيحب اوى شغل الميكانيكا والمصانع واللالات وكده يخش ميكانيكا فمش مقياس المواد شوف انته حابب تبقي مهندس اى اكتر حاجه شداك فى الاقسام والى هيبقي مستقبلك طول حياتك الجايه متبصش تحت رجلك وتقوم انا بحب رياضه اخش كهربا وبعدين اطلع اشتغل اقول اى ده مش حابب الشغل يارب تبقي وصلت

موضوع تختار الدكتور ده تقريبا بيبقى فى نظام ساعات معتمده تقريبا هما بيختارو لكن لو عادى لا الى بيخشلك بتحضرلو او ممكن مش بتفهم منو تطنشه وتحضر لغيرو مع مجموعه تانيه ده فى المحاضرات اما السكاشن بقي عشان غياب وكده فبتحضر مع الى يخشلك وخلاص

اما جروب للزقازيق بصراحه معرفش :)

وده لينكى عل الفيس بوك وبالتوفيييق :)

https://www.facebook.com/mahmoud.nabawi.5

eslamhashem

05-08-2014, 04:02 AM

بص يا سيدى ...

اولا موضوع الزقازيق وكده انا وجهه نظرى ان كلو زى بعضه بس فى مثلا يعض الشركات وانا شفتها فى الجرايد مثلا كاتبين يمتنع خريجى طنطا لان كل نظام كليه اكيد مختلف اسكندريه غير الزقازيق غير طنطا غير القاهره فاهم بس فى الاخر كلو هيطلع مهندس الى هيميزك شغلك وتعبك فى السوق وانك متميز عن غيرك ممكن بتاع الزقازيق احسن مليون مره من بتاع اسكندريه فانت فكك من الكلام ده الى بيفرق هو شغلك وتعبك عشان تطور نفسك بعد كده

ثانيا راى في الزقازيق مقدرش افتى وزى مقلتلك كلو زى بعضو نظام الدراسه مش هيطلعك عبقرى الا اذا انت عاوز تبقي عبقري

ثالثا االتقديم فى اسكندريه 20/8 بس كل جامعه هيا الى بتحدد ومن ناحيه التقديم عادى جدا تقدم فى اى وقت متقلقش مش هيكرشوك ههههههه اول متطلع البطاقه روح قدم

شوف بقي التقسيمه الى انته عاملها دى متنفعش خالص والمواضيع مش بتتقاس كده يعنى انا اعرف واحد كان طالع برسم اعدادى ساقط فيه ودخل مدنى ونجح ده مش مقياس انى عشان نجحت فى الرياضه والفيزيا انى همشي فى كهربا ومش بتتقاس بالمواد خالص لانك مثلا لو بتحب فيزيا ورياضه بكلامك وتمام هخش كهربا شغلى بعد مخلص مش هقعد اشرح رياضه وفيزيا ؟.... يعنى انا مثلا مدنى اختارته ازاى مقولتش انا نجحت فى الرسم يبقى قشطه اخش مدنى انته عشان تحدد القسم الى انته عاوزه شوف شغلك وحياتك كلها بعد كده لو بتحب مثلا تقف فى مواقع وتبنى وكده اخش مدنى مثلا واحد بيحب اوى شغل الميكانيكا والمصانع واللالات وكده يخش ميكانيكا فمش مقياس المواد شوف انته حابب تبقي مهندس اى اكتر حاجه شداك فى الاقسام والى هيبقي مستقبلك طول حياتك الجايه متبصش تحت رجلك وتقوم انا بحب رياضه اخش كهربا وبعدين اطلع اشتغل اقول اى ده مش حابب الشغل يارب تبقي وصلت

موضوع تختار الدكتور ده تقريبا بيبقى فى نظام ساعات معتمده تقريبا هما بيختارو لكن لو عادى لا الى بيخشلك بتحضرلو او ممكن مش بتفهم منو تطنشه وتحضر لغيرو مع مجموعه تانيه ده فى المحاضرات اما السكاشن بقي عشان غياب وكده فبتحضر مع الى يخشلك وخلاص

اما جروب للزقازيق بصراحه معرفش :)

وده لينكى عل الفيس بوك وبالتوفيييق :)

https://www.facebook.com/mahmoud.nabawi.5

شكرا جدا ليك يا محمود ...الصراحة استفدت كتير جدا من نصائحك :)

المحب لله

05-08-2014, 07:25 PM

شكرا جدا ليك يا محمود ...الصراحة استفدت كتير جدا من نصائحك :)

العفو يهندسه اى سؤال تحت امرك :)

eslamhashem

07-08-2014, 12:10 PM

لو سمحت يا بشمهندس محمود.....فى مرجع فى الفيزياء اسمه Physics for scientists and engineers و المؤلف اسمه Serway ...انا بحثت عن المرجع دا و لقيت منه كذا نسخة .... ايه هى النسخة المناسبة لطلبة اعدادى ؟؟؟؟؟

و هل المرجع دا مفيد و كويس ؟؟؟

المحب لله

20-06-2015, 02:25 PM

يلا اخر up عشان انا اتخرجت خلاص :022yb4::022yb4::022yb4:

eslamhashem

18-05-2017, 12:15 AM

و انا بذاكر خرسانة مسلحة و منفوووووخ:mad::mad::mad::mad::mad: :028ja7: