mr_maro
15-08-2011, 02:48 PM
سلام عليكم ورحمة الله
انهاردة زميلتى اتصلت وقالتلى انها سالت في المنطقة عن تجديد العقود وكان ردهم كالتالى
ان التجديد الحلى لمسابقة 2009
ثانيا ان مسؤلين المنطقة علي الرغم انهم جالهم منشور بتجديد العقود ل2006
الا انهم ماجلين الموضوع ده
فانا بتسال يمكن يكون حد عنده اجابة
هل هم خايفين يفتحوا بابا التجديد علشان الاعتصامات
ولا لانهم شايفين ان يمكن يحصل تثبيت قريب ولا انتم شايفين ايه بالضبط؟؟
خصوصا ابناء الشرقية هل حد راح يجدد واتقاله نفس الكلام؟؟
واتمني لو حد يفهمني اعتصام منطقة الشرقية امتي وازاي؟؟
يعني المخطط ايه بالضبط
modey10
15-08-2011, 02:53 PM
دي خطة معمولة يخلو كل يومين محافظة تجدد العقود علشان ميعرفوش يعملو اعتصام في كل المحافظات
أم عمير
15-08-2011, 03:04 PM
سألنا أحد الموظفين فى منطقة كفرالشيخ الازهرية عن التجديد لمسابقتى 2005-2006
فقال التجديد بعد العيد لان الموظفين فى المنطقة مش عارفين يشتغلوا بسبب الاعتصامات
الموجودة هناك حاليا
أما بالنسبة للشرقية فيارب حد يدخل ويفيدك
لكن أظن السبب واحد فى كل المحافظات
ولا اعتقد ان فى تثبيت قريب
لان حسب ما وصل فى المنشور العقد الجديد مختلف عن العقود القديمة
لانهم لغوا كل الأجازات منه
عارضة ، اعتيادى ، وضع ، مرضى
كل حاجة بقت بالخصم من المرتب
وده معناه ان مفيش تثبيت
لانهم لو ناويين يثبتونا كانوا زودوا كام ميزة ف العقد عشان يخلوا الناس تصبر على ما يتثبتوا
أو على الاقل كانوا مشوا العقد على قديمه
والله اعلم بيفكروا ازاى
mr_maro
15-08-2011, 03:04 PM
فهمت يبقي فعلا تاجيل التجديد له حكمة
اتمني حد يقولى اخبارالشرقية ايه في الاعتصامات
إبراهيم الهادى
15-08-2011, 05:01 PM
أنا كنت فى المنطقة إمبارح أنا و5 من زمايلى وطلعنا لهشام مدير شئون العاملين وقاللى هتجددوا بس مش دلوقتى لسة مش جالنا تعليمات ورحت لخضر مدير التعيينات قالى نفس الكلام ومش عارف إذا كنا هنجدد ولا هنتثبت ومستنيين قرار من مصر لسه مش جالهم تعليمات ده اللى حصل
احمدالرملاوى
15-08-2011, 05:48 PM
أنا من قريه الصنافين * منياالقمح* شرقيه *وفعلا تم تاجيل التجديد لمسابقه 2005 و2006 لما بعد العيد فان صح خبر التجديد بعد العيد فلا بد من اغتصام وعدم التجديد حتى لو أدى الأمر للاضراب عن العمل فى بدايه العام الدراسى الجديد2011 2012
mr_maro
15-08-2011, 06:32 PM
استاذ ابراهيم واستاذ احمد ارجو من الكل ان تم التجديد المساعدة في عمل اعتصام او حتي مظاهرة قدام المنطقة علشان يوصلوا صوتنا للمسؤلين
واتمني ان يكون فيه تعاون من الكل