طبعا الكل هنا مستعد لسنة جديدة اتمنى من الله عز وجل انها تكون سنة جميلة باذن الله
بس انا حبيت ادى فكرة اولية عن مادة الفيزيا
اولا الفيزياء مادة تعتمد علي الفهم في المقام الاول
يعنى تقريبا 96% فهم و 4% حفظ
وعشان تتقن المادة دى لازم تخلي بالك من شوية حجات مهمة
انك لازم تحل كتييييير
لازم تنظم وقت كافي طوال الاسبوع لاسترجاع المادة
ماتقلش هزاكر بكرة لانك مش هتزاكر
في دروس كتير هتتطلب منك انك تتخيل
كتيييير من المسائل مش هتطلع معاك فمش تتضايق
مع الحل الكتييير هتبقي المسائل سهلة باذن الله
بس لازم تخلي بالك من واقع مهم
ان السنادى الغش كان علي اخرة
والمجاميع عالية جدا
يعنى مثلا وفقا لموقع الاستاذ
طالب مرحلة اولى جايب 96.1 وترتيبة 57000
لما كنا مرحلة اولي السنة الي فاتت يعنى
الي كان جايب 96 كان ترتيبة تقريبا 15000
طبعا فرق شاسع
ودة دليل ان الامتحانات السنة الجاية
هتبقي الامتحانات نار
وطبعا الفيزيا في المقام الاول
فمحدش يهمل


........بالتوفيق للجميع........

ينفع يا دكتور نخوف الطلبة كده و نقول فى بداية السنة ان الامتحانات حتكون نار انا مش معاك

ينفع يا دكتور نخوف الطلبة كده و نقول فى بداية السنة ان الامتحانات حتكون نار انا مش معاك



والله دة من مصلحتكم ان الامتحانات تيجى صعبة
علي العموم انا حبيت انبة لا اكثر
وربنا معاكوا

جزاااك الله خير الجزاااء
بس ممكن حضرتك تفيدنا عن الاحياء كمان
لان عندى مشكلة انى بحب الاحياء لكن بحفظ بصعوبة
وشكراا لك

جزاااك الله خير الجزاااء
بس ممكن حضرتك تفيدنا عن الاحياء كمان
لان عندى مشكلة انى بحب الاحياء لكن بحفظ بصعوبة
وشكراا لك




انت عايز طب ولا صيدلة

Rabna Ytamnk

جزاااك الله خير الجزاااء
بس ممكن حضرتك تفيدنا عن الاحياء كمان
لان عندى مشكلة انى بحب الاحياء لكن بحفظ بصعوبة
وشكراا لك

السلام عليكم ورحمه الله وبركاته

الاحياء الذ ماده تذاكريها هتحبيها جدا
اه فى اولها صعبه وخصوصا الفصل الاول تقيل
بس بعد كده هتحبيها جدا
هى الذ حاجه تاخديها فى الثانويه بعد الكيميا
بس هتاخد منك مجهود كبير
وفى الاخر هتلاقيها لسه فى عقلك كامله
انا فى مراجعه الامتحان كنت بسمع مش بقرا وراجع من الكتاب
ماده جميله ومرتبطه ببعضها
وان شااء الله خير
والتوفيق
وسوا يااحبيبتى الامتحان صعب او سهل هتاخدى نصيبك
ممكن يجى سهل ومااتحليش وصعب وتحلى
اعملوا اللى عليكم ومااتسمعوش لاى حاجه عن ان الامتحان سهل او صعب
دى حاجه مااحدش يعرف الا ربنا
وكذب المنجمون ولو صدقوا
يعنى احنا السنه اللى فاتت فى اولها قالوا لنا امتحاناتكم هتبقى نار لان كنا لسه فى عهد احمد زكى
والدنيا اتغيرت 360 درجه بعدها
فسيبوا امركم لله
وبتمنى لكم التوفيق
وشكرا لصاحب الموضوع لان بجد لازم تشدوا حيلكم جامد السنه دى فى ناار الدرجات دى
بجد درجاتكم صعب
هتظلمكم اووى فى التنسيق
فالله اعلم فين الخير
توكلوا على الله
بس حطوا فى دماغكم ان بجد بمجاميعكم دى ربع الدرجه هتفرق مش النص ^^
فربنا يوفقكم

وفى رعايه الله
والسلام عليكم ورحمه الله وبركاته

اظن ان فيزياء 3 ثانوى معتمده اكتر ع الحفظ واكيد الافضل الحفظ مع الفهم بس فى حاله صعوبه المعلومه فيكون الحفظ افضل ماده الفيزياء من المواد الشيقه جدااا فى ثانويه عامه وممكن يكون فيها بعض الصعوبه ف البدايه لكن مع حل التمارين هتكون سهله وممتعه

اظن ان فيزياء 3 ثانوى معتمده اكتر ع الحفظ واكيد الافضل الحفظ مع الفهم بس فى حاله صعوبه المعلومه فيكون الحفظ افضل ماده الفيزياء من المواد الشيقه جدااا فى ثانويه عامه وممكن يكون فيها بعض الصعوبه ف البدايه لكن مع حل التمارين هتكون سهله وممتعه
لا طبعا معتمدة على الفهم ثم الفهم ثم الفهم ثم الحفظ

انا سمعت ان عشان تفهم الفزياء لازم تتخيلها اية رايكم

فرضًا انه كده: ايه المشكلة يعني؟

الفيزياء أروع مادة ومفيش اروع منها ولا امتع منها

ان شاء الله يجماعا ربنا يقدرني وارفعلكم اسطوانه من تجميعي لشرح الاستاذ محمد عبد المعبود
بس حجمها هيبقي كبير شويه ار رايكم

طبعا موافقين انا حتة رايحلة بكرة يا MisterNour (http://www.thanwya.com/vb/member.php?u=237856)

الفيزياء جميله جدا واانا بحبها بس عايز اعرف ايه اخبار الفيزياء الحديثه وباب الكهربيه انا ازهر

بجد طب قوليله اننا بنديعله لانه بجد افضل مدرس فزياء انا سمعته وبجد ان تعبت السنه اللي فاتت في بدايتها بس الحمدلله ربنا هداني ووفقني اني انزل حلقات مستر محمد عشان كده انا ناوي افيد علي قد ما قد وربنا معاكم ويدخلوا اللي انتوي عاوزينوا
وشكرا ليكي يا elramly12 انتي كده شجعتني

علي فكرة انا مان يا مان

انا اسف يا مان العتب عالنظاره

انتم ماكلم متضايقين من الحفظ
انتو عارفين ان انتم لو حفظتوا حتكونوا فهمتوا الحفظ بينتج من الفهم يعني انت لو حفظت من غير فهم حتنساها بسرعة وده رأيي مش اكتر والله اعلم

السلام عليكم ...
ربنا يبارك في صاحب الموضوع ... الحقيقة الموضوع استفزني أني أرد :)
أنا الحمد لله داخل طب ان شاء الله ...
وشايف أن أهم حاجة في 3 ثانوي أنك تدرك الفرق الشاسع بين 2 و 3 لأنك بتكون متخيل أنك خلاص أخذت الصعب ولكن لازم تدرك أن الصعب جاي .... بس أوعي تخاف أو تفقد الثقة في نفسك طوال السنة .... أعرف دائما أن ممكن في لحظة الأمور تتغير طالما أنت بتذاكر وبتعمل اللي عليك خلاص ميهمكش أي شئ ..... وحط دائما شعار الحزب اليمقراطي الأمريكي أمامك )we can change ( .
أهم حاجة ... أهم أهم حاجة .... أنك تحافظ علي علاقتك بربنا ولازم لازم تحافظ علي صلاتك وعلي وردك اليومي من القرآن .... وأوعي تعتقد أن دي شطارة منك أنك جبت مجموع كويس في 2 ... لازم تعرف أن كله بأمر الله أنت كنت ممكن تتأخر علي أي امتحان 10 دقائق وتتمنع من دخول الامتحان .... فلازم تحمد ربك وتشكره .
ده مش معناه أنك تقضيها صلاة وخلاص ... لأ لازم تذاكر و كويس ..



أما بالنسبة للمواد ....
أولا : الفيزياء ... فهي بالطبع كما يقال : ( من أصعب مواد الثانوية العامة ) ... بس علي فكرة هي مادة الي حد ما كويسة .... بس هتحفظ يبقي ملهاش لازمة تتعب نفسك وتحفظ لأنها مادة فهم في المقام الأول يعني لازم تفهم أولا ثم تحفظ ... يعني كما قال البعض هي 40 % فهم و 50 % حل و 10 % حفظ .... لكن أوعي تستهر بال 10 % حفظ لأن هم اللي بيجيبوا الدرجة النهائية .
أنا مبحبش أدخل في طريقة المذاكرة لكن أحب أقول لك نصيحة لازم تحل فيزياء وحاول أنك يكون لك كل يوم وقت تحل فيه فيزياء ولو نصف ساعة ... ولازم تحل علي قدر ما تستطيع مسائل متنوعة أكرر متنوعة مش من كتاب واحد يعني حاول تتنوع . وتسجل المسائل الصعبة في كشكول علي أساس أنك تراجعها من حين لآخر .

ثانيا : الأحياء ... مادة غزيرة بالمعلومات لدرجة أنك هتفاجئ بكم المعلومات اليومية اللي أنت بتأخذها ولكن اعتقد أن اللي بيفرق من طالب لطالب في الأحياء خصوصا هو كثرة المراجعات وأوعي تسيب معلومة لبكرة ,,,,,, لأنه أحيانا بيسأل في أدق المعلومات .
النصيحة : لازم تحفظ الرسومات من كتاب المدرسة مش من أي كتاب تاني أو ورق أو أي مصدر تاني ..... وحاول تحل الأسئلة الصعبة من كتب الامتحان .

ثالثا : علم النفس ... كل ما استطيع أن أقوله عنها أن هي مادة تحتاج الي حفظ مستمر و وعلي فكرة هي مادة من المواد السهلة ولكن لن تدرك سهولتا الا في وقت الامتحانات .

لا طبعا معتمدة على الفهم ثم الفهم ثم الفهم ثم الحفظ
راى حضرتك يقدر
لكن
فى رايى
معلومات الفيزياء مش هينه لدرجه انك هتفهمها من اول وهله
انا بعتمد ع مذاكرتى ف المقام الاول ع الفهم و لقيت صعوبه جدا فى الماده فى النص الاول من السنه
مع انى كنت بحل تقريبا كل المسائل الا انى كنت بلاقى صعوبه فى النظرى لدرجه انى فى امتحانات مدرس الدرس كنت بنقص درجه تقريبا ف الامتحان بسبب النظرى
ولما حاولت احفظ كويس اى حاجه مش فاهماها عرفت احل المسائل واجاوب النظرى وبقت الفيزياء اسهل واروع ماده عندى
دى تجربتى الشخصيه مش بعمم خالص بس حبيت اوضح ان نظام المذاكره وطريق التفوق بيختلف من طالب للتانى

السلام عليكم
الف شكر لصاحب الموضوع على النصائح الجميلة وعلى كل اللى دخل الموضوع وابدى نصائح مهمة
جزاكم الله كل خير وربنا يوفقنا جميعا

راى حضرتك يقدر
لكن
فى رايى
معلومات الفيزياء مش هينه لدرجه انك هتفهمها من اول وهله
انا بعتمد ع مذاكرتى ف المقام الاول ع الفهم و لقيت صعوبه جدا فى الماده فى النص الاول من السنه
مع انى كنت بحل تقريبا كل المسائل الا انى كنت بلاقى صعوبه فى النظرى لدرجه انى فى امتحانات مدرس الدرس كنت بنقص درجه تقريبا ف الامتحان بسبب النظرى
ولما حاولت احفظ كويس اى حاجه مش فاهماها عرفت احل المسائل واجاوب النظرى وبقت الفيزياء اسهل واروع ماده عندى
دى تجربتى الشخصيه مش بعمم خالص بس حبيت اوضح ان نظام المذاكره وطريق التفوق بيختلف من طالب للتانى
هوا ده الكلام المظبوط بلا شك
انا مقلتش الفيزياء فهم فقط لا غير
كلا، طبعا فيها حفظ وكلامي واضح فهم ثم فهم ثم فهم ..... ومسكتش كملت وقلت ... ثم حفظ
أكيد طبعا النظري محتاج حفظ بلا شك مقلناش حاجة
بس احنا لو مشينا بالطريقة دي: اقصد بطريقة ان الواحد لو مصمش المادة او محفظهاش هينقص ولو درجة يبقا مفيش مادة هتبقا فهم صافي إطلاقا غير الرياضة وبس
عشان كدة انا مبتكلمش على الجزئية دي اطلاقا لأنها مشتركة في كل المواد، بس بتكلم في العموم: عموم المادة فهم مش حفظ
واظن كلامي يتضح لما نيجي نقارن مثلا ما بين الفيزياء والاحياء: فكلاهما مادة علمية وكلاهما لا بد له من حفظ وكلاهما لا بد له من فهم بس لو حفظنا بس هنلاقي درجة الاحياء احسن كتير من الفيزياء ولو فهمنا بس هنلاقي درجة الفيزياء احسن كتير من الاحياء وفي كل الاحوال سواء حفظنا بس او فهمنا بس لا هنقفل دي ولا هنقفل دي، لأن كله مطلوب الفهم مطلوب والحفظ مطلوب ولا غنى عن أحدهما على الإطلاق، ولكني كما ذكرت آنفا أتكلم عن العموم لا عن المادة بأكملها
أرجو أن تكون الفكرة وصلت
وأسأل الله أن يجعل لنا في دنيانا نصيبًا وافرًا من العلم وأن ينفعنا به إنه ولي ذلك ومولاه وهو على كل شيء قدير

طبعا الامتحان هييجي شديد شوية بس مش بالطريقة اللي ىانت بتوصفه بيها يعني ممكن 20% يكون صعب تحياتي

بالتوفيق لكل الطلبة
ويارب الامتحانات تيجى كلها سهلة اذا كان دة الي بتتمنوة


في رعاية الله

هوا ده الكلام المظبوط بلا شك
انا مقلتش الفيزياء فهم فقط لا غير
كلا، طبعا فيها حفظ وكلامي واضح فهم ثم فهم ثم فهم ..... ومسكتش كملت وقلت ... ثم حفظ
أكيد طبعا النظري محتاج حفظ بلا شك مقلناش حاجة
بس احنا لو مشينا بالطريقة دي: اقصد بطريقة ان الواحد لو مصمش المادة او محفظهاش هينقص ولو درجة يبقا مفيش مادة هتبقا فهم صافي إطلاقا غير الرياضة وبس
عشان كدة انا مبتكلمش على الجزئية دي اطلاقا لأنها مشتركة في كل المواد، بس بتكلم في العموم: عموم المادة فهم مش حفظ
واظن كلامي يتضح لما نيجي نقارن مثلا ما بين الفيزياء والاحياء: فكلاهما مادة علمية وكلاهما لا بد له من حفظ وكلاهما لا بد له من فهم بس لو حفظنا بس هنلاقي درجة الاحياء احسن كتير من الفيزياء ولو فهمنا بس هنلاقي درجة الفيزياء احسن كتير من الاحياء وفي كل الاحوال سواء حفظنا بس او فهمنا بس لا هنقفل دي ولا هنقفل دي، لأن كله مطلوب الفهم مطلوب والحفظ مطلوب ولا غنى عن أحدهما على الإطلاق، ولكني كما ذكرت آنفا أتكلم عن العموم لا عن المادة بأكملها
أرجو أن تكون الفكرة وصلت
وأسأل الله أن يجعل لنا في دنيانا نصيبًا وافرًا من العلم وأن ينفعنا به إنه ولي ذلك ومولاه وهو على كل شيء قدير
طبعاااا راى حضرتك واضح من اول مشاركه
وانا مش بجادل فى موضوع الفهم او الحفظ
انا اتكلمت عن تجربه شخصيه فقط لا غير
وفى النهايه دى مساله توفيق من ربنا

طبعاااا راى حضرتك واضح من اول مشاركه
وانا مش بجادل فى موضوع الفهم او الحفظ
انا اتكلمت عن تجربه شخصيه فقط لا غير
وفى النهايه دى مساله توفيق من ربنا
نسال الله أن يوفقنا في كل أمورنا
جزاكي الله خيرًا على اهتمامك وففقكِ إلى ما يحبه ويرضاه ونفع بكِ الأمة اللهم آمين