سلام عليكم..
طبعا بعد ما اكتشفت مصير موضوعي كان الحذف لانه كان في انتقاد للسلفيين.
و على المستوى الرسمي تم ابلاغي انه موضوع مسيء.
كنت بس عايز افكر بحاجة و كنت كاتبها في الموضوع عشان المشرفين ياخدو بالهم بس للاسف طنشوا.
ماهو كان في موضوع اسمه "جمعة البلطجة" نازل شتيمة و تخوين في ائتلافات الثورة و الحركات الشبابية طبعا ده مش مسيء لان ما دام السلفيين مش مشاركين في الجمعة دي يبقى اشتم زي مانت عايز.
اما انا قلت "جمعة ال....." راح الموضوع متفرقع.
______________________
و بسم الله ما شاء الله المواضيع اللي عمالة تشتم حركات و احزاب بعينها مبتخلصش في المنتدى و سبحان الله و الحمد لله مش بتتحذف.
______
يا ريت تتقالنا شروط المواضيع اللي متتحذفش بصراحة.
يعني ارجو انه يتقالنا بصراحة ان السلفيين خط احمر و ان اي حاجة تانية خط اخضر.
يعني اللي يقول رايه في ان السلفيين كان موقفهم سلبي من الثورة في البداية و بعدين ركبوا عليها ده يبقى موضوع مسيء و يتحذف و يمكن يتوقف.
اقعدو بالعافية
سلام عليكم..

انا مستغرب بجد
بيحذفوا موضوعاتك ومش عاجبك
والله انت انسان غريب جدا جدا يعنى بيتحذف موضوعك بس وبتقول ليه؟؟
امممم امال ياباشا اللى بيتعمله حظر خالص بقى وبيتمنع من دخول المنتدى وبينتقد وبيتكلم سياسه والحمد لله بيفهم سياسه يتقوال عنه ايه
يا سيدى الفاضل ده مولد وصاحبه وغايب يا ريت يقولولنا نعمل ايه ونخللى ايه نتكلم فى السياسه ازاى يمكن هما ( بتوع اول امبارح ) يعلمونا سياسه
ويعرفوانا الخط الاحمر والخط الاخضر
اقعد يا حبيبى بالعافيه ويجعله عااامر

استاز فوكس 000
الدين الاسلامى يدعوا الى الحريه والمساواه والعدالله000هى ديه موصلتشى ليهم
على مايبدوا ونحن فى الشهر الكريم 00
ان ااصحاب المنتدى يعتبرون ان السلفى فوق النقد
وان ما دونه لابد ان يضرب 0000بحزف موضوعاته خاصه 00
والله نحن مسلمون موحدون نؤمن بالله وملائكته وكتبه ورسوله لانفرق بين احد منهم

لا على فكره هما بس فى رمضان مش واخدين بالهم وسايبين مساحه حريه كويسه حتى الاخوان والحمد للله بدأوا يسيطروا ع المنتدى وده شىء ممتاز يا اخوان يا سلف

على ما اظن حضراتكم موجودين فى الموقع من زمان
و حتى الآن لم تتأكدوا ان معظم او كل الاداريين يميلوا للتيار الاسلامى ؟
بلاش تضحكوا على نفسكوا
المواقع الكبيره كتيره و فيها كل التيارات
:excl:

يا سيدى الفاضل انت شايف ان ده مكان الموضوع .. انا و لا سلفى ولا اخوانى و لا بتنجانى و الله .. و لا ليبرالى انا مصرى يا سيدى الفاضل و مسلم اصلى و اصوم و ازكى و اتشهد و ربنا يكتبلى الحج .. هو ده اللى اقدر اقوله .. القسم هنا سياسى و اسف ..

الموضوع يحذف لانه مخالف !