والنبى حد يرد عليا عشان محتااااس [الأرشيف] - بوابة الثانوية العامة المصرية

مشاهدة النسخة كاملة : والنبى حد يرد عليا عشان محتااااس

basem_maher

04-08-2011, 11:43 PM

انا جايب 95.5 و جالى هندسة حلوان و انا كنت عايز ادخل مدنى او عمارة...دلوقتى قدامى حل من التلاتة يا ادخل حلوان و خلاص...يا احول قاهرة كريدت يا ادخل الجامعة الالمانية...يا ريت الناس اللى فاهمة تقولى اعمل ايه و يا ريت اللى يعرف حاجة عن التحويل لكريدت يقولى بردو....و بالنسبة للجامعة الالمانية هى احسن ولا حلوان بغض النظرعن مدنى و عمارة؟

ali4092

05-08-2011, 12:19 AM

معلش يعنى ايه تحويل القاهرة كريديت ؟؟؟؟؟

ma7moud_mada

05-08-2011, 12:48 AM

على فكرة انتا ممكن تدخل اول سنة فى حلوان عادي خالص وتاني سنة تروح هندسة المطرية هي فيها مدني بدل مانتا محتاس كدا

basem_maher

05-08-2011, 02:14 AM

على فكرة انتا ممكن تدخل اول سنة فى حلوان عادي خالص وتاني سنة تروح هندسة المطرية هي فيها مدني بدل مانتا محتاس كدا

انا والدى مهندس مدنى و قاللى المطرية لأ مش حلوة بيقوللى لو مقبلتش فى كريدت يبقى الألمانية!!
انت تعرف حاجة عن نظام الكريدت؟؟

nona big boss

05-08-2011, 09:58 PM

بس انا زيك بالظبط وجايبه 95.8 وجاتلى هندسه حلوان وكان نفسي بردوا ادخل معمارى يا مدنى وكده طبعا مش هينفع ادخل لانى مش عايزة ادخل المطريه بس هنعمل ايه قدر الله وما شاء فعل والخير فيما اختاره الله يمكن ده احسنلنا شوف بقى اى قسم تانى غير مدنى ومعمارى بقي .... وبعدين الحمد لله انها جت حلوان مش احسن من القاهرة اللى اول سنه هتبقى فى الشيخ زايد ولا عين شمس الصعبه والدكاترة بتوعها الغباى ... ارضى بقضاء الله وقول الحمدلله...... المهم دلوقتى هى هندسه طبيه دى بقى حلوة ولا ايه علشان لو كويسه ادخلها ونصيبى كده بقى

ahmed kano

06-08-2011, 01:06 AM

عندك قسم هندسة طبية الكل بيتمنى يخشها قسم كويس جدا و شغله مضمون ان شاء الله

أهم حاجة تكون راضى باللى بتعمله و اللى ربنا قاسمهولك

ma7moud_mada

06-08-2011, 01:18 AM

انا والدى مهندس مدنى و قاللى المطرية لأ مش حلوة بيقوللى لو مقبلتش فى كريدت يبقى الألمانية!!
انت تعرف حاجة عن نظام الكريدت؟؟

بص ياريس من الاخر كدا لو هتفضل فى حلوان قدامك قسم من اتنين يااما تدخل كهربا وده احسن قسم فى الكلية ياما تدخل ميكانيكا قسم طبية بياخد اعلي تقدير فى الكلية بس معرفش ليه شغل فى مصر ولا لاء

basem_maher

13-08-2011, 06:36 AM