مشاهدة النسخة كاملة : ( برنامج هاتتحل المشكلة عالهوا ) الموسم الثانى
تغريد الطيور 20-07-2011, 01:11 AM (لسلامـ عليكمـ و رحمة الله و بركاته )
ازيييييكمـ يا طلاب الثانوية .. ايش اخباركمـ ؟؟
اغلبكمـ عرف البرنامج دا ف الموسمـ الاول و اشتركـ فيه
و النهاردة بقى و بعد انتظار الجميع هاعمل الموسمـ الثانى و فقرات جديدة و مفاجئات كثيرة
طبعاً كان المفروض تكون معايا ( أجاثا ديجورى ) عشان هى اللى كسبت ف الحلقة الاخيرة
لكن انا بعتلها رسالة كذا مرة و مردتش ف اخترت العضوة الحبوبة المشرفة ( مكعبات ) عشان تساعدنى ف الفقرات ..
مش هاطول عليكمـ .. الفقرات هى كالاتى
الفقرة الاولى :
اسمها ( تنمية المواد عند الطلاب )
و من اسمها هاخد كـل مادة و اقول اسباب التفوق فيها
الفقرة الثانية :
اسمها ( مشكلتكـ معانا ! )
و دى تعتبر متكررة من الموسمـ الاول بحيث انى هاخد مشكلة من المشاكل و اناقش حلها معاكمـ
الفقرة الثالثة :
اسمها ( شخصية هامة )
و دى جديدة المرة دى بحيث انى هاتناول شخصية من الشخصيات المهمة اللى بنعتبرها قدوتنا و نتناقش مع بعض اسباب اعجابنا بيه زى مثلا ( د\ أحمد زويل او شكسبير او د\ ابراهيمـ الفقى او كونان دويل او .. الخ )
و دى خاصة بمكعبات
الفقرة الرابعة :
اسمها ( من انت ؟؟؟ )
عضو نختاره يقولنا عن هواياته و مواهبه و طموحه و ايه اللى نفسه يغيره ف مصر ة اقتراحاته عشان يغير التعليمـ .
و فى حاجة جديدة
الاعضاء اللى اشتركوا ف الموسمـ الاول هايتسئلوا عن الاسئلة اللى فوق أما الناس الجديدة ف هانسألهمـ عن الاسئلة القديمة + الجديدة
الفقرة الخامسة :
اسمها ( الفاكهة )
و دى زى القديمة طبعاً مش محتاجة تعريف غير انها عبارة عن معلومة غريبة مثلا
و دى مع مكعبات برده
الفقرة السادسة :
اسمها ( أنا عندى مشكلة !! )
و دى بتتناول مشاكل الاعضاء الخاصة
و هاتبقى مع مكعبات و انا اذا كان عندى اضافة هاكتبها
الفقرة السابعة و الاخيرة :
( المسابقة )
دى بقى فيها تغيير بحيث ان الاسئلة هاتكوناسئلة رياضيات سواء جبر او حساب مثلثات او هندسة مستوية اذا قدرت مع العلمـ انالمنهج بتاع اولى ثانوى هو اللى هاعمل بيه
لان بكدا المسابقة هاتصعب و ف نفس الوقت هانشغل مخنا فضربنا عصفورين بحجر .
أمـــــا الجائزة فهى طبعا مفاجأة و هايحصل سحب برده كالعادة
بس بقى الجايزة غريبة المرة دى و هاتبقى حلوة ان شاء الله .
يارب تعجبكمـ و ماتملوش منها
: )
sad nono 20-07-2011, 01:22 AM السلام عليكم ..
فكرة جميلة وانا ان شاء الله معاكوا :)
z3fran 20-07-2011, 03:50 AM حلوه اويي بجد ... معاكوا
الراجية ربها 20-07-2011, 04:15 AM انا جديدة وياريت اشترك معاكم
لو عايز أشترك أعمل أعمل أيه
love12345 20-07-2011, 11:05 AM أنا كماااان معااكو :)
تغريد الطيور 20-07-2011, 02:23 PM السلام عليكم ..
فكرة جميلة وانا ان شاء الله معاكوا :)
و عليكمـ السلامـ
مرسى ليكى .. اتمنى انو يعجبكمـ .. نورتِ
تغريد الطيور 20-07-2011, 02:29 PM حلوه اويي بجد ... معاكوا
ان شاء الله .. نورت التوبيك
:)
تغريد الطيور 20-07-2011, 03:08 PM انا جديدة وياريت اشترك معاكم
طبعاً طبعاً بس دا مافيهوش اشتراكـ .. دا كدا عادى يعنى للكل
نورتِ يا حبيبتى :)
teddy eddie 20-07-2011, 03:11 PM ان شاء الله معاكي المره ديه بردوا
:)
تغريد الطيور 20-07-2011, 03:12 PM لو عايز أشترك أعمل أعمل أيه
لا مفيش اشتراكـ .. انتوا بس هاتتابعوا الحلقات و باذن الله هاتستفيدوا منها و ف اخر الحلقة فى سؤال دا لاى حد الاجابة عليه
شكراً لحضرتكـ :)
تغريد الطيور 20-07-2011, 03:16 PM أنا كماااان معااكو :)
ان شاء الله نورت
تغريد الطيور 20-07-2011, 03:17 PM ان شاء الله معاكي المره ديه بردوا
:)
تنورينا طبعاً يا تيدى
:):):)
تغريد الطيور 20-07-2011, 03:18 PM و دا رابط الموسمـ الاول يا جماعة :)
http://www.thanwya.com/vb/showthread.php?t=281440
teddy eddie 20-07-2011, 03:27 PM هو انتي هتبدائي امتي ؟
Black..Dove 21-07-2011, 01:28 AM و أنا إن شاء الله كمان معاكو
Awatef Esmat 21-07-2011, 04:05 PM وانا كمان وانا كمان وانا كمان هييييييييييييييييييييه
تغريد الطيور 22-07-2011, 03:13 PM هو انتي هتبدائي امتي ؟
ان شاء الله الجمعة ( النهاردة )
و أنا إن شاء الله كمان معاكو
تنورنا كلنا :)
وانا كمان وانا كمان وانا كمان هييييييييييييييييييييه
تنورينا طبعاً يا عواطف :)
تغريد الطيور 22-07-2011, 03:42 PM السلامـ عليكمـ و رحمة الله و بركاته
معكمـ نور الايمان و الحلقة الاولى من برنامج (هاتتحل المشكلة ع الهوا ) الموسمـ الثانى
و الان الفقرة الاولى
( تنمية المواد عند الطلاب )
نمسكـ اول مادة و هى أجمل مادة بحبها و عمرى ما ازهق من مذاكرتها و هى مادة
( الرياضيات )
الرياضيات دى مادة جميلة و لذيذة جداً
طب دلوقتى فى طلاب كتيرة مش بيحبوا الرياضيات و بيكرهوها كمان يعملوا ايه ؟؟
الرياضيات دى مادة حـل مسائل × حــل مسائل
طب يعنى ايه بقى الكلامـ دا ؟
يعنى مثلاً انت اخدت درس الرياضة و عايز تذاكره هاتعمل ايه؟ اقولكوا على حاجة غريبة انا عمرى ما ذاكرت رياضة ابدااااا و الله
لان الاصل ف الرياضة حاجتين
فهمـ + حـل
يبقى فيها ايه مذاكرة دى بقى ؟؟ دى حل فقط
لازم لازم لازم لازم تفهمـ الدرس كله من جميييييييييع جوانبه و ماتسبش اى حااجة مش فاهمها ابدااا و لا حتى نقطة صغيرة
دى اول حاجة .. تانى حاجة لاااااااااااااااااازم تحل مسائل كتييييرة كتيييييرة على الدرس و اللى ماتعرفوش تسئله للمدرس
و بكدا تكون لميت الدرس من جميع جوانبه
و بعيد الكلامـ من تانى الرياضة دى حل مسائل و افكار و لازم تكون لاممها من جميع جوانبها
يعنى مثلا اذكر ان فى امتحان تانية ثانوى جه سؤال الحل بتاعه ان ( قياس الزاوية المماسية تساوى قياس الزاية المحيطة المشتركة معها فى نفس القوس ) و دى معلومة أخدوها من تالتة اعدادى !
معنى كدا ان انت\ى لااازمـ من دلوقتى تشوفلكـ اى مرجع و تراجع معلومات الرياضيات القديمة عشان دى غاية ف الاهمية
و بكدا نكون خلصنا فقرتنا الاولى و انتظروا الفقرة الثانية و ارجوا ان تكونوا قد استفدتمـ من الفقرة الاولى .
تغريد الطيور 22-07-2011, 04:05 PM و الان الفقرة الثانية
و هى ( مشكلتكـ معانا )
هانتناول النهاردة مشكلة
تنظيمـ الوقت و جدول المذاكرة
لانها بتواجه العديد من الطلاب و بيعانوا منها
تنظيم الوقت محتاج حد عنده اصرار و عزيمة و مخطط بقى للاسبوع
يعنى مثلا اذا افترضنا ان انت رايح المدرسة يوم السبت و النهادرة الجمعة يبقى تكتب جدول من النهاردة لللاسبوع كله
و تكتب فيه
من الساعة 7 :1 دى مدرسة و بعدها ممكن انامـ ساعتين و اروح الدروس و ارجع كدا ع الساعة 5 و تحسب ساعات الصلاة و الاكل
و تبدأ مذاكرة ع الساعة 6
و تقول انا النهاردة أخدت مثلا عربى و رياضيات و كيميا
و قدامى من الساعة 6 لغاية 12 او 1 بالكتير
7 او 6 ساعات
العربى مش هاياخد كتير نقول 1.5 بالكتير
الرياضيات عشان كلها حل مسائل فتاخد وقت اكتر مثلا 2.5 بالكتير
و بكدا قدامنا 2 او 3 ساعات للكيميا و نكون كدا نظمنااليوم و ذاكرنا الحاجات اللى اخدناها كويس
و اليوم انتظم و ياريت كل يوم نعمل فيه كل حاجة زى كدا
و ان شاء الله اليوم هايبقى منظم
و نكون ناقشنا و حلينا مشكلة مهمة بتواجهنا
و ارجو ان تكونوا قد استفدتمـ من فقرة اليومـ
و انتظروا الفقرة الثالثة :)
تغريد الطيور 22-07-2011, 08:19 PM و الان الفقرة الثالثة
و هى فقرة ( شخصية هامة ! )
النهاردة هاخد شخصية جميلة جداً جداً و بعتبرها قدوتى بصراحة و هى
الدكتور ابراهيمـ الفقى
خبير التنمية البشرية والبرمجة اللغوية العصبية ورئيس مجلس إدارة المعهد الكندي للبرمجة اللغوية ومؤسس ورئيس مجلس إدارة مجموعة شركات إبراهيم الفقي العالمية، يعيش في مونتريال بكندا مع زوجته آمال وابنتيهما التوأم نانسي ونرمين .
كــل واحد يدخل يقول هوا معجب ليه بدكتور ابراهيم ؟
أبدأ انا
انا بجد معجبة بدكتور ابراهيمـ لانه بحثنا على ان احنا مانلتزمش بالمنهج فقط بل نبحث و نذاكر حاجات زيادة عشان نستفيد فـ البداية و النهاية ف التعليمـ انه افادة و احنا بنتعلمـ عشان نستفيد ..
و انتوا بقى رأيكوا اييييه ؟
تغريد الطيور 22-07-2011, 08:33 PM و الان الفقرة الرابعة
و هى ( من انت ؟؟؟ )
و النهاردة هاختار العضوة الحبوبة الجميلة
القمر
Habiba Hamdy
يلا بقى جاوبى ع الاسئلة دى
\ ايه اكتر مادة بتحبيها و ليه ؟
2\ايه اكتر مادة بتكرهيها و ليه ؟
3\نفسك تطلعى ايه و ليه؟
4\بتأيدى موضوع السهر ؟
5\بتذاكرى على حوالى كام ساعة " ماتخافيش احنا هنا اخواتك مش هانحسدك :d" ؟
6\ايه اكتر وقت بتحبى تذاكرى فيه ؟
7\ايه اكتر مشكلة بتواجهك اثناء المذاكرة ؟
8\مكان المذاكرة عندك مناسب ؟
9\ايه اخبار اصحابك بيشجعوكى و لا ايه ؟
*****
ارتاحى شوية و خدى دول كمان عشان انتى جديدة نعمل ايه :d
* ايه هى هواياتكـ ؟
* ايه طموحكـ ؟ و ايه هوا حلمكـ ؟
*ايه اقتراحاتكـ عشان التعليمـ ف مصر يتغير ؟
*ايه اللى نفسكـ يتغير ف مصر ؟
يلا مش عايزين نطول عليكـِ
تغريد الطيور 22-07-2011, 08:38 PM و الان الفقرة الخامسة
و هى
http://www.lakii.com/vb/smile/7-45.gif الفاكهة http://www.lakii.com/vb/smile/7-45.gif
يلا خدوا المعلومات دى
هل تعلم:تعمر السلحفاة 150 سنة .
هل تعلم:لون دم جراد الحقل أبيض
هل تعلم:الدلفين هو أذكى الحيوانات.
هل تعلم:الإسفنج حيوان بحري وليس نباتاً .
هل تعلم:أن أعدى أعداء الإنسان هي الحية .
هل تعلم:قنفذ البحر يمشي على نهايات أسنانه
هل تعلم:بعض العناكب يمكث 520 يوماً بدون أكل .
هل تعلم:أن نحلة العسل..اذا لسعتك تموت هي على الفور.
هل تعلم:اسرع الحيوانات المائية ( الاسماك ) هو سمك القرش .
هل تعلم:"الشريد" هو نوع من القوارض تأكل ما يفوق ثلثي وزنه
و ارجوا ان تكونوا قد استفدتمـ من هذه المعلومات
و انتظروا الفقرة السادسة .
تغريد الطيور 22-07-2011, 08:40 PM و الان الفقرة السادسة
( أنا عندى مشكلة ؟! )
و دى خاصة بمشاكل الاعضاء
و نظراً لان مفيش و لا مشكلة وصلت ف الفقرة مش هاتعمل حاجة
و بقولكمـ يا جماعة أى حد عنده أى مشكلة ياريت يقولها و انا ان شاء الله هاقوله ع الحل .
تغريد الطيور 22-07-2011, 08:47 PM و الان الفقرة السابعة و الاخيرة
و هى فقرة ( المســــابقة )
و السؤال عبارة عن سؤال حساب مثلثات و هو :
قطعة من الورق على شكل مربع قُطع منها ربع دائرة مركزها أحد رءوس المربع و طول نصف قطرها يساوى طول ضلع المربع فاذا كانت مساحة الجزء الباقى من المربع 48.285 سم^2 فأوجد طول ضلع المربع ؟
يلا منتظرة اجابتكمـ و اول واحد هاجاوب هايدخل ف السحب
و قد انتهت الحلقة الاولى لليومـ و أرجوا ان تكونوا قد استفدتمـ منها
كانت معكمـ نور الايمان و برنامج هاتتحل المشكلة عالهوا
و السلامـ عليكمـ و رحمة الله و بركاته
Black..Dove 23-07-2011, 12:44 AM 15.01
صح؟؟؟؟؟؟
teddy eddie 23-07-2011, 12:52 AM طول الضلع = 14.98
شعبان رجب 23-07-2011, 03:06 PM نق=15
اذيك وحشتنى انا عايزة اقولل انى اعدت نص ساعة احل فيها ونص ساعة ارسمها بس خلتنى اتذكر الثلثات
وانا طماعة وعايزة الجايزة
تغريد الطيور 23-07-2011, 08:08 PM 15.01
صح؟؟؟؟؟؟
ما شاء الله صح .. يعنى تقريباً 15
بس مش تقول الطريقة ازاى ؟؟
طول الضلع = 14.98
ما شاء الله يا تيدى دايماً متفوقة انتِ :d يعنى تقريباً 15
بس فين الطريقة يا هانمـ :d
نق=15
اذيك وحشتنى انا عايزة اقولل انى اعدت نص ساعة احل فيها ونص ساعة ارسمها بس خلتنى اتذكر الثلثات
وانا طماعة وعايزة الجايزة
حبيب قلبى دودو ازيك يا قمرر وحشتيينى :blush: هههههههـ ماتخافيش هاتلخدى الهدية ف الخباثة من غير ما حد يحس :d:d
طبعاً صح انتِ بتتكلمى ازاى :)
بس قوليلى ازاى جبتيها ؟
طالبةُ التفوقِ 23-07-2011, 10:31 PM بجد ماشاء الله موضوعاتك كلها مميزة وأكثر من رائعة ماشاء الله عليكى ربنا يوفقك يارب أنا بقى مشكلتى هى إنى مدمنة نت ولوقعدت بقعد بال 5ساعات واسيب المذاكرة ببقى جاية من الدروس زهقانة اروح قاعدة على النت وتولع المذاكرة ادعيلى :)
Black..Dove 23-07-2011, 11:45 PM ما شاء الله صح .. يعنى تقريباً 15
بس مش تقول الطريقة ازاى ؟؟
الطريقة بسيطة جدا
مساحة المربع= نق^2
مساحة 1/4 الدايرة = 1/4 ط نق^2
وبما أن: مساحة المربع - مساحة 1/4 الدايرة = 45.285
إذاً: نق^2 - 1/4 ط نق^2 = 48.285
إذا: نق^2 (1 - 1/4*22/7) = 48.285
إذاً: نق^2*3/14 = 48.285
نق^2=22533/100 (بأخذ الجذر التربيعى للطرفين وطبعاً نستبعد السالب)
نق = 15.01099597
بيساوى تقريباً 15
Heartbeat 24-07-2011, 01:46 AM و النهاردة هاختار العضوة الحبوبة الجميلة
القمر
Habiba Hamdy
ربنا يخليكى حبيبة قلبى
انتى اللى قمر..تسلمى
يلا بقى جاوبى ع الاسئلة دى
من عيونى الاتنين..:)
\ ايه اكتر مادة بتحبيها و ليه ؟
اكتر مااده بحبها هى الاحياء
بحبها جدا لانى عرفت منها كتيييييييير معلومات مكنتش اعرفها
على الرغم من انها تقريبا قشور لكن برده استفدت
واكتر ابواب كنت بحبها الوراثة والDNA
بجد ممتعين ع الاخر
2\ايه اكتر مادة بتكرهيها و ليه ؟
اكتر ماده كنت بكرهها امممممم ممكن العربى
وخصوصا الادب لانى كنت بنساه جامد
يعنى احس اهم مافى العربى نحو بلاغه
3\نفسك تطلعى ايه و ليه؟
كان نفسى اطلع باحثة فى علوم البحار
خدى بالك من كان(كل شئ دلوقتى مجهول بالنسبة لى;))
4\بتأيدى موضوع السهر ؟
السهر..عموما انا بسهر وخصوصا فى الاجازة
لكن لو تقصدى فى الدراسة لا اؤيده
لانه بيسبب ارهاق للجهاز العصبى وصداع وعدم تركيز
ودا يأثر ع المذاكرة(كنت بسهر احيانا فى ايام الدراسه..:d)
5\بتذاكرى على حوالى كام ساعة " ماتخافيش احنا هنا اخواتك مش هانحسدك :d" ؟
لا اخاف تحسدونى..:p
يعنى على حسب لو فى الايام العادية 8او9 ساعات
لو الامتحانات بيبقوا اكتر طبعا..
بس انا مش من الناس اللى يقعدوا مثلا 9 ساعات عالكتاب مش يقوموا ..
نهائى لازم اقوم العب واكل شوية من وقت للتانى..:d
6\ايه اكتر وقت بتحبى تذاكرى فيه ؟
من بعد الفجر
على صوت العصافير..:av4056bb7jp3:مع انهم بيصدعونى فى الاخر
بس حقيقى دا اكتر وقت طويل وفيه بركه والذهن بيبقا صافى..
7\ايه اكتر مشكلة بتواجهك اثناء المذاكرة ؟
البطء فى المذاكرة والنسيان
مشكلتى انى بطيئة وبقعد اعيد كذا مرة لانى بنسى بطريقة فظيعة
8\مكان المذاكرة عندك مناسب ؟
اها..مناسب
عموما انا مش بحب اذاكر فى مكان واحد مش اغيره
تغيير مكان المذاكرة مهم جدااااااا علشان تدفعى الملل
9\ايه اخبار اصحابك بيشجعوكى و لا ايه ؟
كنا بنشجع بعض يعنى لما حد بيكسل شوية التانى يفوقه..:d
*****
ارتاحى شوية و خدى دول كمان عشان انتى جديدة نعمل ايه :d
ايوه تعبت جدا..مفيش عصير ولا حاجة كمان..:p
* ايه هى هواياتكـ ؟
اكيد واضح انه الانترنت الى جانب القراءة
واحيانا بكتب بس لما امر بحاله نفسية معينة سواء فرح او حزن
* ايه طموحكـ ؟ و ايه هوا حلمكـ ؟
طموحى كان انى ادخل علوم واتخصص فى قسم علوم البحار وبخاصة احياء البحار
واتوسع فى دراسة المجال دا واعمل ابحاث وكدا
باذن الله اقدر احققه
*ايه اقتراحاتكـ عشان التعليمـ ف مصر يتغير ؟
التعليم فى مصر..شبه ضااايع
اقترحاتى هى ان يدرس الطالب مايحب بمعنى ان لو طالب دماغه علمية
عايز يكون طبيب او باحث... وغيره ليه نجبره على دراسة مادة ادبية،،وكذلك طالب الادبى
،الغاء نظام التلقين والحفظ والمنهج اللى بيتنسى بمجرد الخروج من لجنة الامتحان.
*ايه اللى نفسكـ يتغير ف مصر ؟
طبعااااا كتير..مصر سلبياتها كتيييرة جدا
..
نفسى نقضى عالبطاله يعنى مش نلاقى شاب متخرج ومش لاقى شغل ودا سبب رئيسى فى حالات الاكتئاب لدى الشباب
يعنى شاب من اسرة فقيرة اهله يصرفوا عليه وهو يبذل عمره يتعلم وفى النهايه ياخد الشهادة
ويقعد من غير شغل..او يشتغل فى وظيفة لا يحبها فقط من اجل المال والعيش..بجد قهر
..
طبعا ظاهرة اطفال الشوارع والتسول من اكثر الاشياء المؤلمة
يعنى لو الجهات المسؤله بمساعده الشعب ننشئ جمعية لرعاية الاطفال دول وحمايتهم من الضياع
مناظر الاطفال دى بؤس بجد
...
نفسى يبقا فى عداله وتواصل بين طبقات الشعب
مش يبقا فيه غنى اووى ومعدم ومفيش تواصل
لازم يبقا فيه تواصل..ان شا الله حتى بالفكر ..
...
وطبعا نفسى نرتقى بالتعليم والصحة
نفسى يكون فى شئ مهم جدا غايب عند الكثيرين هو
الضمير الحى..
..
تعرفى يانور لسه نفسى فى حاجات كتييييرة اوووى
بس كفاية كدا بس حاجة من دول تتحقق..:)
يلا مش عايزين نطول عليكـِ
لا براحتك ياقلبى
ياارب مش اكون انا طولت عليكوا
ومرسى ليكى لانك استضافتينى
برنامج تحفة بجد..
تغريد الطيور 24-07-2011, 03:35 PM الطريقة بسيطة جدا
مساحة المربع= نق^2
مساحة 1/4 الدايرة = 1/4 ط نق^2
وبما أن: مساحة المربع - مساحة 1/4 الدايرة = 45.285
إذاً: نق^2 - 1/4 ط نق^2 = 48.285
إذا: نق^2 (1 - 1/4*22/7) = 48.285
إذاً: نق^2*3/14 = 48.285
نق^2=22533/100 (بأخذ الجذر التربيعى للطرفين وطبعاً نستبعد السالب)
نق = 15.01099597
بيساوى تقريباً 15
بسمـ الله ما شاء الله .. ايه السرعة دى دا انا قعدت فيها حوالى ساعة الا ربع :d
لا تستاهل انكـ تدخل ف السحب
الف مبروووووووك يلا احفظ رقمك 1
Heartbeat 24-07-2011, 03:41 PM المفروض انى اختار عضو بعدى
هختار العضوة العسولة،
اللذيذة..
لووووووولى التريكاوية..
تغريد الطيور 24-07-2011, 03:48 PM و النهاردة هاختار العضوة الحبوبة الجميلة
القمر
habiba hamdy
ربنا يخليكى حبيبة قلبى
انتى اللى قمر..تسلمى
يلا بقى جاوبى ع الاسئلة دى
من عيونى الاتنين..:)
\ ايه اكتر مادة بتحبيها و ليه ؟
اكتر مااده بحبها هى الاحياء
بحبها جدا لانى عرفت منها كتيييييييير معلومات مكنتش اعرفها
على الرغم من انها تقريبا قشور لكن برده استفدت
واكتر ابواب كنت بحبها الوراثة والdna
بجد ممتعين ع الاخر
2\ايه اكتر مادة بتكرهيها و ليه ؟
اكتر ماده كنت بكرهها امممممم ممكن العربى
وخصوصا الادب لانى كنت بنساه جامد
يعنى احس اهم مافى العربى نحو بلاغه
3\نفسك تطلعى ايه و ليه؟
كان نفسى اطلع باحثة فى علوم البحار
خدى بالك من كان(كل شئ دلوقتى مجهول بالنسبة لى;))
4\بتأيدى موضوع السهر ؟
السهر..عموما انا بسهر وخصوصا فى الاجازة
لكن لو تقصدى فى الدراسة لا اؤيده
لانه بيسبب ارهاق للجهاز العصبى وصداع وعدم تركيز
ودا يأثر ع المذاكرة(كنت بسهر احيانا فى ايام الدراسه..:d)
5\بتذاكرى على حوالى كام ساعة " ماتخافيش احنا هنا اخواتك مش هانحسدك :d" ؟
لا اخاف تحسدونى..:p
يعنى على حسب لو فى الايام العادية 8او9 ساعات
لو الامتحانات بيبقوا اكتر طبعا..
بس انا مش من الناس اللى يقعدوا مثلا 9 ساعات عالكتاب مش يقوموا ..
نهائى لازم اقوم العب واكل شوية من وقت للتانى..:d
ماهو لازمـ يا عمـ عشان ماتتحسدش :d:d
6\ايه اكتر وقت بتحبى تذاكرى فيه ؟
من بعد الفجر
على صوت العصافير..:av4056bb7jp3:مع انهم بيصدعونى فى الاخر
بس حقيقى دا اكتر وقت طويل وفيه بركه والذهن بيبقا صافى..
7\ايه اكتر مشكلة بتواجهك اثناء المذاكرة ؟
البطء فى المذاكرة والنسيان
مشكلتى انى بطيئة وبقعد اعيد كذا مرة لانى بنسى بطريقة فظيعة
سبحان الله !
زيى بالظبط :d:d
8\مكان المذاكرة عندك مناسب ؟
اها..مناسب
عموما انا مش بحب اذاكر فى مكان واحد مش اغيره
تغيير مكان المذاكرة مهم جدااااااا علشان تدفعى الملل
9\ايه اخبار اصحابك بيشجعوكى و لا ايه ؟
كنا بنشجع بعض يعنى لما حد بيكسل شوية التانى يفوقه..:d
*****
ارتاحى شوية و خدى دول كمان عشان انتى جديدة نعمل ايه :d
ايوه تعبت جدا..مفيش عصير ولا حاجة كمان..:p
هههههههههـ هاعمل ايه ما باليد حيلة و معييش فلوس ماهى آخر الاجازة بقى و الواحد مفلس :d
* ايه هى هواياتكـ ؟
اكيد واضح انه الانترنت الى جانب القراءة
واحيانا بكتب بس لما امر بحاله نفسية معينة سواء فرح او حزن
* ايه طموحكـ ؟ و ايه هوا حلمكـ ؟
طموحى كان انى ادخل علوم واتخصص فى قسم علوم البحار وبخاصة احياء البحار
واتوسع فى دراسة المجال دا واعمل ابحاث وكدا
باذن الله اقدر احققه
ياااااااااااااااارب يتحقق ياااااااااارب :)
*ايه اقتراحاتكـ عشان التعليمـ ف مصر يتغير ؟
التعليم فى مصر..شبه ضااايع
اقترحاتى هى ان يدرس الطالب مايحب بمعنى ان لو طالب دماغه علمية
عايز يكون طبيب او باحث... وغيره ليه نجبره على دراسة مادة ادبية،،وكذلك طالب الادبى
،الغاء نظام التلقين والحفظ والمنهج اللى بيتنسى بمجرد الخروج من لجنة الامتحان.
طبعاً طبعاً .
*ايه اللى نفسكـ يتغير ف مصر ؟
طبعااااا كتير..مصر سلبياتها كتيييرة جدا
..
نفسى نقضى عالبطاله يعنى مش نلاقى شاب متخرج ومش لاقى شغل ودا سبب رئيسى فى حالات الاكتئاب لدى الشباب
يعنى شاب من اسرة فقيرة اهله يصرفوا عليه وهو يبذل عمره يتعلم وفى النهايه ياخد الشهادة
ويقعد من غير شغل..او يشتغل فى وظيفة لا يحبها فقط من اجل المال والعيش..بجد قهر
..
طبعا ظاهرة اطفال الشوارع والتسول من اكثر الاشياء المؤلمة
يعنى لو الجهات المسؤله بمساعده الشعب ننشئ جمعية لرعاية الاطفال دول وحمايتهم من الضياع
مناظر الاطفال دى بؤس بجد
...
نفسى يبقا فى عداله وتواصل بين طبقات الشعب
مش يبقا فيه غنى اووى ومعدم ومفيش تواصل
لازم يبقا فيه تواصل..ان شا الله حتى بالفكر ..
...
وطبعا نفسى نرتقى بالتعليم والصحة
نفسى يكون فى شئ مهم جدا غايب عند الكثيرين هو
الضمير الحى..
..
تعرفى يانور لسه نفسى فى حاجات كتييييرة اوووى
بس كفاية كدا بس حاجة من دول تتحقق..:)
و الله انتِ طموحِكـ عالية و كبيرة جداً ما شاء الله ربنا يحميكـِ و يحفظكـ .
يلا مش عايزين نطول عليكـِ
لا براحتك ياقلبى
ياارب مش اكون انا طولت عليكوا
ومرسى ليكى لانك استضافتينى
برنامج تحفة بجد..
لا طولتِ ايه دا انتِ نورتِ و الله :)
بجد طموحكـ عالية و شخصيتكـ جميلة ..
ربنا يحميكـِ و يحفظكـ من كل شر و يحققلكـ احلامكـ كلها
و اشوفكـ باحثة كبيرة اد الدنيااااااا :)
تغريد الطيور 24-07-2011, 03:51 PM المفروض انى اختار عضو بعدى
هختار العضوة العسولة،
اللذيذة..
لووووووولى التريكاوية..
:av4056bb7jp3::av4056bb7jp3: الاء طبعاً تنورنا مرة تانية :av4056bb7jp3::av4056bb7jp3:
فـ انتظارها ..
تغريد الطيور 24-07-2011, 04:18 PM السلامـ عليكمـ و رحمة الله و بركاته
معكمـ نور الايمان و الحلقة الثانية من برنامج هاتتحل المشكلة ع الهوا
و الان الفقرة الاولى
( تنمية المواد عند الطلاب . )
هاناخد النهاردة مادة :
اللغة الانجليزية
الانجلش دى مادة اغلب الطلاب مش بيحبوها ( و انا أولهمـ :d ) لكن اكتشفت ان الانجلش مادة مافيهاش حاجة
يعنى احنا نقسمها لـ تلات اقسامـ
1\ الجرامر ( القواعد Grammar )
2\ الفوكابلاريز ( الكلمات Vocabulary )
3\ السبيكنج ( التحدث Speaking )
***
القواعد مهمة و محتاجة حل كتير من كتب كتيرة و لازمـ منوعة و نحل تشوز زائد ريرايت و دول الخاصين بالقواعد و دى محتاجة مذاكرة مش حفظ يعنى فهمـ فقط !
***
الكلمات بقى من أهمـ الحاجات اللى نهتمـ بيها ف اللغة بحيث ان انت طول ما انت تلاقى كلمة مش عارفها لازم لازم لااااازم تحفظها و تخلى القاموس معاكـ ف كل وقت مايفارقكش
و ممكن م الاجازة تقعد تحل اسئلة ترجمة و تحفظلك كلمات كتيرة و يكون عندكـ حصيلة كبيرة منها .
***
التحدث بقى دا المفروض احنا نفسنا نهتمـ بيه بحيث نسمع افلامـ اجنبية ( بس مؤدبة :d ) و نلاحظ لغتهمـ و هما بيتكلموا و نعرف نطقهمـ كويس جداً و دى مهمة ف التعامل مع الاجانب نفسهمـ اذا يعنى بقيت مرشد سياحى مثلاً لازمـ تبقى لبق ف الكلامـ .
***
و بكدا نكون خلصنا الانجليزى و لازمـ طبعاً تحلوا اسئلة كتيرة و امتحانات كتيرة و ماتنسوش تكتبوا مواضيع كتير ( براجرافز )
و نكون كدا انتهينا من الفقرة الاولى و اتمنى تكونوا استفدتمـ منها :)
و انتظروا الفقرة الثانية
Black..Dove 25-07-2011, 03:34 AM و الان الفقرة السابعة و الاخيرة
و هى فقرة ( المســــابقة )
و السؤال عبارة عن سؤال حساب مثلثات و هو :
قطعة من الورق على شكل مربع قُطع منها ربع دائرة مركزها أحد رءوس المربع و طول نصف قطرها يساوى طول ضلع المربع فاذا كانت مساحة الجزء الباقى من المربع 48.285 سم^2 فأوجد طول ضلع المربع ؟
يلا منتظرة اجابتكمـ و اول واحد هاجاوب هايدخل ف السحب
و قد انتهت الحلقة الاولى لليومـ و أرجوا ان تكونوا قد استفدتمـ منها
كانت معكمـ نور الايمان و برنامج هاتتحل المشكلة عالهوا
و السلامـ عليكمـ و رحمة الله و بركاته
أنا أول مرة أعرف ان هو دا حساب المثلثات
دا شكله سهل
الحمد لله :d
Black..Dove 25-07-2011, 03:39 AM السلامـ عليكمـ و رحمة الله و بركاته
معكمـ نور الايمان و الحلقة الثانية من برنامج هاتتحل المشكلة ع الهوا
و الان الفقرة الاولى
( تنمية المواد عند الطلاب . )
هاناخد النهاردة مادة :
اللغة الانجليزية
الانجلش دى مادة اغلب الطلاب مش بيحبوها ( و انا أولهمـ :d ) لكن اكتشفت ان الانجلش مادة مافيهاش حاجة
يعنى احنا نقسمها لـ تلات اقسامـ
1\ الجرامر ( القواعد grammar )
2\ الفوكابلاريز ( الكلمات vocabulary )
3\ السبيكنج ( التحدث speaking )
***
القواعد مهمة و محتاجة حل كتير من كتب كتيرة و لازمـ منوعة و نحل تشوز زائد ريرايت و دول الخاصين بالقواعد و دى محتاجة مذاكرة مش حفظ يعنى فهمـ فقط !
***
الكلمات بقى من أهمـ الحاجات اللى نهتمـ بيها ف اللغة بحيث ان انت طول ما انت تلاقى كلمة مش عارفها لازم لازم لااااازم تحفظها و تخلى القاموس معاكـ ف كل وقت مايفارقكش
و ممكن م الاجازة تقعد تحل اسئلة ترجمة و تحفظلك كلمات كتيرة و يكون عندكـ حصيلة كبيرة منها .
***
التحدث بقى دا المفروض احنا نفسنا نهتمـ بيه بحيث نسمع افلامـ اجنبية ( بس مؤدبة :d ) و نلاحظ لغتهمـ و هما بيتكلموا و نعرف نطقهمـ كويس جداً و دى مهمة ف التعامل مع الاجانب نفسهمـ اذا يعنى بقيت مرشد سياحى مثلاً لازمـ تبقى لبق ف الكلامـ .
***
و بكدا نكون خلصنا الانجليزى و لازمـ طبعاً تحلوا اسئلة كتيرة و امتحانات كتيرة و ماتنسوش تكتبوا مواضيع كتير ( براجرافز )
و نكون كدا انتهينا من الفقرة الاولى و اتمنى تكونوا استفدتمـ منها :)
و انتظروا الفقرة الثانية
شكرا ليكى يا عثل عل النصايح:022yb4:
وان شاء الله نطبقها :romarioxp6:
teddy eddie 25-07-2011, 07:19 AM ما شاء الله يا تيدى دايماً متفوقة انتِ :d يعنى تقريباً 15
بس فين الطريقة يا هانمـ :d
هذا ليس متفق عليه :p
احنا اتفقنا علي الاجابه مش طريقه الحل كمان :o
انا اتظلم وعاوزه اعيد تصحيح الورقه :p
وزي الغالب مش هاخد حاجه بردوا هههههههههههههههههههههههههه:d
يبقي المره الجايه احط الخطوات بالمره :006et4:
شعبان رجب 25-07-2011, 04:26 PM جزاك الله خير على المعلومات الجميلة ده بس يارب نعملها
تغريد الطيور 26-07-2011, 02:42 AM أنا أول مرة أعرف ان هو دا حساب المثلثات
دا شكله سهل
الحمد لله :d
:d:d
لاء دا مش حساب مثلثات .. دا درس كدا نقيته ف النص اسمه القطاع الدائرى مافيهوش اى قواعد مثلثية
شكرا ليكى يا عثل عل النصايح:022yb4:
وان شاء الله نطبقها :romarioxp6:
الشكر لله .. انا عايزة أعرف هوا حضرتكـ ولد و لا بنت ؟
هذا ليس متفق عليه :p
احنا اتفقنا علي الاجابه مش طريقه الحل كمان :o
انا اتظلم وعاوزه اعيد تصحيح الورقه :p
وزي الغالب مش هاخد حاجه بردوا هههههههههههههههههههههههههه:d
يبقي المره الجايه احط الخطوات بالمره :006et4:
:d:d
هههههه باذن الله المرة دى هاتاخدى بس شاركى كتير لان اساساً عدد الحلقات قليلة
يلا بالتوفيق المرة الجاية عايزاكى اول واحدة :bosyht9:
جزاك الله خير على المعلومات الجميلة ده بس يارب نعملها
و جزانا و إاياكمـ يا حبيبتى نورتِ :)
تغريد الطيور 26-07-2011, 02:52 AM نأسف على الفاصل الطويل :d و لكن هذا لظروف شخصية
و نكمل الحلقة الثانية
و الفقرة الثانية
( مشكلتكـ معانا . )
و هاتناول النهاردة مشكلة
السرحان ف المذاكرة
دى مشكلة كتير مننا بيواجهها و حلها بسيط جداًً لانى مش عايزة أطول عليكمـ
الحل انكـ تركز ف المذاكرة جداً جداً و تحاول تخلى ذهنكـ مركز معاكـ و مافيهوش شرود
و اذا ذهنكـ شرد بعيد تكون كاتب قدامكـ ف المكتب
( تذكر يوووومـ النتيجة !! )
( يومـ الامتحان يكرمـ المرء أو يهااااان :( )
أول ما تشوف الكلمتين دول هاترجع للمذاكرة بسرعة
و الطريقة دى فعالة جداً و عن تجربتى الشخصية
و اتمنى تكونوا استفدتمـ منها و استفدتمـ من الفقرة الثانية
و انتظروا الفقرة الثالثة ..
Black..Dove 26-07-2011, 05:53 PM :d:d
الشكر لله .. انا عايزة أعرف هوا حضرتكـ ولد و لا بنت ؟
لأ لأ أنا بنت
فيه ولاد بيقولو عثل برده ههههه :d
asmaa232 26-07-2011, 07:12 PM بجد الموضوع حلو اوى انا متابعة معاكى ان شاء الله
هاله123 26-07-2011, 11:33 PM معاكوا ان شاء الله
GoOoRy 27-07-2011, 12:02 PM موضوعك أكثر من رائع يانور
ياريتني كنت لسه في الثانوي علشان استفيد من النصائح القيمه دي
بس يلا راحت عليا
بس هاتابعكم بردو (رخامه)
تقبلي مروري
تغريد الطيور 28-07-2011, 04:41 PM لأ لأ أنا بنت
فيه ولاد بيقولو عثل برده ههههه :d
هههههههههه معلش افتكرتكـ ولد اصل اسمكـ عجيب بصراحة :d
بلاكـ دوف .. حمامة سودة :d
خلاص ماشى يا عثل قصدى يا حمامة سودة :d
بجد الموضوع حلو اوى انا متابعة معاكى ان شاء الله
انتى اللى احلى يا سمسمـ
تنورينا يا سكرة :)
معاكوا ان شاء الله
تنورينا يا هالة يا قمرر
موضوعك أكثر من رائع يانور
ياريتني كنت لسه في الثانوي علشان استفيد من النصائح القيمه دي
بس يلا راحت عليا
بس هاتابعكم بردو (رخامه)
تقبلي مروري
ههههههه رخامة ايه بس دا انتى تنورينا يا جورى يا سكرة
و كمان تفيدينا بنصايحكـ لينا :)
تغريد الطيور 28-07-2011, 04:44 PM معلش يا جماعة انا آسفة ع التأخير بس النت وحش جداً عندنا و كمان احنا مشغولين اليومين دول جداً بس اوعدكمـ هاخلص البرنامج حتى اذا كملناه ف رمضان
و يارب اخلص الحلقة التانية اللى مش راضية تخلص دى :d
شعبان رجب 28-07-2011, 04:51 PM ولا يهمك ياقمر احنا منتظرينك
بس ماتتاخريش اوى عشاااااااااااااااااااااااااااااااااااااااان
بتوحشينا
GoOoRy 29-07-2011, 06:27 AM ههههههه رخامة ايه بس دا انتى تنورينا يا جورى يا سكرة
ميرسي جدا يانور على زوقك
و كمان تفيدينا بنصايحكـ لينا :)[/quote]
لا ما اعتقدش
انا النصيحه الوحيده اللي اقدر اقدمهالكو
انكو ماتاخدوش مني اي نصيحه علشان ممكن توديكو ورا الشمس
ههههههههههههههه خدو النصايح من أهلها
sad nono 30-07-2011, 12:17 AM السلام عليكم ..
بجد موضوع راااااااائع ما شاء الله ونصايح جميلة جدا جدا
الف شكر ليكي يا قمر ..
تغريد الطيور 30-07-2011, 02:48 PM ههههههه رخامة ايه بس دا انتى تنورينا يا جورى يا سكرة
ميرسي جدا يانور على زوقك
و كمان تفيدينا بنصايحكـ لينا :)
لا ما اعتقدش
انا النصيحه الوحيده اللي اقدر اقدمهالكو
انكو ماتاخدوش مني اي نصيحه علشان ممكن توديكو ورا الشمس
ههههههههههههههه خدو النصايح من أهلها[/quote]
ههههههههههههههههههههههه ايه النصيحة التحفة دى ههههههه
لا برده ماتقلليش من نفسكـ كدا
باذن الله تبقى تنصحينا ف مرة ( انا مصرة بقى :) )
السلام عليكم ..
بجد موضوع راااااااائع ما شاء الله ونصايح جميلة جدا جدا
الف شكر ليكي يا قمر ..
و عليكمـ السلامـ ..
ربنا يخليكـِ يا سوسو ع ذوقكـ
منورانا يا قمرر
تغريد الطيور 30-07-2011, 03:03 PM و نكمل الحلقة الثانية اللى مش راضية تخلص دى :d
و الان الفقرة الثالثة
( شخصية هامة . )
و سنتناول اليومـ شخصية مهمة جداً و كتير مننا بيخدوها قدوة ليهم و هى الدكتور الكبير الحاصل على جائزة نوبل
د\ احمد زويل
احمد حسن زويل ويلقب بـ كبير العلماء العرب [بحاجة لمصدر]، هو كيميائي مصري - أمريكي[ملحوظة 1] حاصل على جائزة نوبل في الكيمياء لسنة 1999.
ولد أحمد حسن زويل في 26 فبراير 1946 بمدينة دمنهور، وفي سن 4 سنوات انتقل مع أسرته إلى مدينة دسوق التابعة لمحافظة كفر الشيخ حيث نشأ وتلقى تعليمه الأساسي.[1]
. التحق بكلية العلوم بجامعة الإسكندرية بعد حصوله على الثانوية العامة وحصل على بكالوريوس العلوم بامتياز مع مرتبة الشرف عام 1967 في الكيمياء، وعمل معيداً بالكلية ثم حصل على درجة الماجستير عن بحث في علم الضوء.
سافر إلى الولايات المتحدة في منحة دراسية وحصل على الدكتوراه من جامعة بنسلفانيا في علوم الليزر. ثم عمل باحثاً في جامعة كاليفورنيا، بركلي (1974 - 1976). ثم انتقل للعمل في معهد كاليفورنيا للتكنولوجيا (كالتك) منذ 1976، وهو من أكبر الجامعات العلمية في أمريكا. حصل في 1982 على الجنسية الأمريكية.
تدرج في المناصب العلمية الدراسية داخل جامعة كالتك إلى أن أصبح أستاذاً رئيسياً لعلم الكيمياء بها، وهو أعلى منصب علمي جامعي في أمريكا خلفاً للينوس باولنغ الذي حصل على جائزة نوبل مرتين، الأولى في الكمياء والثانية في السلام العالمى.
و دا موجز قصير عن دكتر احمد زويل
و ياريت الكل يدخل و يقول انتوا ليه معجبين بيه رغمـ انى زعلانة منكمـ ان محدش قال هوا معجب بدكتور ابراهيمـ الفقى ليه
و انتظروا الفقرة الرابعة
تغريد الطيور 30-07-2011, 03:18 PM و الان الفقرة الرابعة
و هى ( من انت ؟؟ )
و سنختار اليومـ
العضوة الجميلة المتفوقة
لولى التاركوية
يلا يا الاء جاوبى ع الاسئلة دى
بما انكـ كنتِ معانا الموسمـ الاول ف مش هانعيد الاسئلة القديمة و هانسألكـ اسئلة جديدة
1\ ايه هى هواياتكـ ؟؟ و ياترى ساعدتكـ مثلاً ف المذاكرة او ف قضاء وقت الفراغ ؟
2\ ايه هى طموحكـ ؟ و نفسكـ بجد تطلعى ايه ؟؟
3\ ايه اللى نفسكـ يتغير ف مصر ؟؟
4\ ايه اقتراحاتكـ عشان يتغير التعليمـ ف مصر ؟؟
مش عايزين نطول عليكـِ
يلا نورتينا يا قمرر .
تغريد الطيور 30-07-2011, 03:25 PM و الان الفقرة الخامسة
و هى ( الفاكهـــــــــــة . )
و دى شوية معلومات عن الرسول علية الصلاة و السلامـ
زوجاته:
¤¤ خديجة بنت خويلد
¤¤ سوده بنت زمعة
¤¤ عائشة بنت أبى بكر الصديق
¤¤ حفصة بنت عمر بن الخطاب
¤¤ زينب بنت خزيمة
¤¤ هند بنت أبي أمية(ام سلمة
¤¤ زينب بنت جحش
¤¤ أم حبيبة رملة بنت أبي سفيان
¤¤ ميمونة بنت الحارث
¤¤ جويرية بنت الحارث
¤¤ صفية بنت حيي بن أخطب
¤¤ مارية القطبية
¤¤ ريحانة بنت زيد من بني النظير
2-أولاده:
¤¤ القاسم
¤¤ 2-عبدالله
¤¤ إبراهيم
¤¤ زينب
¤¤ رقية
¤¤ أم كلثوم
¤¤ فاطمة,وجميعهم من ام المؤمنين خديجة بنت خويلد
ماعدا إبراهيم فهو من مارية القطبية
3-أخواله:
¤¤ بنو زهرة
¤¤ وبنو عدي بن النجار
4-عمـــــــلــــه:
كان صلى الله عليه وسلم قبل البعثة يرعى الغنم
ثم عمل بالتجارة وبعد البعثة تفرغ لامر الدعوة والجهاد
5-أبوه من الرضاعة:
هو الحارث بن عبد العزى بن رفاعة 000من هوازن
6- أمــــه:
هي آمنة بنت وهب من بني زهرة
7- مرضعاته:
¤¤ أ مــــه
¤¤ ثوبية (جارية أبي لهب )
¤¤ حليمة السعدية
8- أخوته من الرضاعة:
¤¤ عبدالله بن الحارث
¤¤ أنيسة بنت الحارث
¤¤ وحذافة بنت الحارث (الشيماء)
9- أخوته من النسب
ليس له اخوة من النسب بل كان وحيد أبويه
10-أعمامه وعماته:
¤¤ الحارث بن عبد المطلب
¤¤ أبو طالب واسمه عبدمناف
¤¤ حمزة
¤¤ أبو لهب واسمه عبد العزى
¤¤ العباس
¤¤ الزبير
¤¤ حجلا
¤¤ المقوم
¤¤ ضرار
عمــــــــــاته ست :
¤¤ صفية
¤¤ البيضاء
¤¤ عاتـــكة
¤¤ أميمة
¤¤ أروى
¤¤ بره
11-أصهاره
¤¤ العاص بن الربيع زوج زينب
¤¤ عتبة بن أبى لهب تزوج رقية ثم طلقها
¤¤ عتيبة بن أبى لهب تزوج ام كلثوم ثم طلقها
¤¤ عثمان بن عفان تزوج رقية ثم ماتت فتزوج أم كلثوم
¤¤ علي بن أبى طالب تزوج فاطمة الزهراء
12- صاحبه:
هو أبو بكر الصديق رضي الله عنه واسمه عبدالله بن أبى قحافة
13- سبطاه(احفاذه(:
هم الحسن والحسين أبناء أبنته فاطمة
14-أمين سره :
حذيفة بن اليمان رضي الله عنه
15- حواريه:
الزبير بن العوام رضي الله عنه
16- حبــه:
زيد بن الحارثة رضي الله عنه
17- ابن حبه:
أسامة بن زيد بن الحارث ويطلق عليه أيضا حبه وابن حبه
18 شعراؤه :
¤¤ حسان بن ثابت
¤¤ عبدالله بن رواحه
¤¤ كعب بن مالك
19- خـــــــدمـــــــــــــــــه:
¤¤ أنس بن مالك
¤¤ هند وأسماء أبناء حارثة الاسلمي
¤¤ أبو هريرة , سلمى, خضرة
¤¤ رضوى
¤¤ ميمونة بنت سعد
¤¤ بركة أم أيمن
¤¤ أنجشة
¤¤ شقران-
¤¤ سفينة(مهران ثوبان
¤¤ يسار النوبي
¤¤ رباح,أسلم (أبو رافع فضالة
¤¤ مدعم
¤¤ رافع
¤¤ كركرة
20- حاضنته:
هي بركة أم ايمن
قابلته:
القابلة التي قامت على ولادته صلى الله عليه وسلم
و هي الشفاء والدة عبد الرحمن بن عوف
21- كافــــــــلــه:
كفله جده عبد المطلب
,وبعد وفاته عمه أبو طالب
22- عمره:
توفى صلى الله عليه وسلم وعمره 63عاما
23- ساعيه:
هو عمرو بن أمية الضمري
24- حارسه:
محمد بن مسلمة الأنصاري رضي الله عنه
25- فارسه:
أبوقتادة الأنصاري رضي الله عنه
و انتظروا الفقرة السادسة
تغريد الطيور 31-07-2011, 03:53 PM و الان الفقرة السادسة
و هى ( انا عندى مشكلة ! )
و هاتناول مشكلة العضوة الرائعة
( اسلامى عزتى )
بجد ماشاء الله موضوعاتك كلها مميزة وأكثر من رائعة ماشاء الله عليكى ربنا يوفقك يارب أنا بقى مشكلتى هى إنى مدمنة نت ولوقعدت بقعد بال 5ساعات واسيب المذاكرة ببقى جاية من الدروس زهقانة اروح قاعدة على النت وتولع المذاكرة ادعيلى
مشكلة ادمان النت دى مشكلة كبيرة كذا طالب بيواجهها
و انا كنت اولهمـ بصراحة
بس عرفت الطريقة المثالية انكـ ماتدمنيش النت
اول حاجة : تقولى ( و الله العظيمـ ما انا هاقعد ع النت لمدة اسبوع " مثلاً " )
ااه و الله بجد الحلفان دا امثل حل
لكن فى حل تانى
انكـ تتحكمى ف نفسكـ و تخلى وقتكـ منظمـ جداً بحيث ان مفيش وقت للنت
يعنى هايبقى فى :
- مذاكرة
- صلاة
- طعامـ
- مدرسة
- دروس
- رغى :d
فين بقى وقت النت :excl:
ف اول حاجة لازمـ تنظيمـ الوقت و التحكمـ ف النفس و اذا ماقدرتيش تنفذيها تبقى تعملى الحل الاول
و يارب تكونى استفدتى من الحل دا
و انتظروا الفقرة السابعة
تغريد الطيور 31-07-2011, 04:08 PM و الان الفقرة السابعة و الاخيرة
و هى
( المســـــــــــــابــــــــقة )
و سؤال اليومـ كالاتى :
( دائرتان متطابقتان طول نصف قطر كل منهما 6 سمـ و تمر احداهما بمركز الاخرى . اوجد مساحة المنطقة المشتركة بينهما ؟ )
يلا منتظرة اجابتكمـ
و انتهت اخيراً الحلقة الثانية .. و ارجو ان تكونوا قد استفدتمـ منها :)
كانت معكمـ نور الايمان و برنامج هاتتحل المشكلة ع الهوا الموسمـ الثانى
و السلامـ عليكمـ و رحمة الله و بركاته
محبة اللغة العربية 31-07-2011, 05:31 PM مش متاكدة بس تقريبا جتبقى 6 باى مشعرفه اسمها اية بالعربى الى هيا بتبقى احيانا 22/7
لانه بما ان الاتنين قد بعض و واحدة فيهم بتعدى بمركز التانية يبقى الجزء دة حياخد 6 سم و الى هو نص مساحة الدايرة مش عارفة يمكن يكون فى حاجة تانية لسة مخدتهاش
يعنى لو افترضنا ان الباى ب22/7 يبقى الحل 18.8
LoOoLy El Treikawya 01-08-2011, 02:13 PM و الان الفقرة الرابعة
و هى ( من انت ؟؟ )
و سنختار اليومـ
العضوة الجميلة المتفوقة
لولى التريكاوية
تسلمى يا نوووووووور:022yb4:
دة شئ يشرفنى
ازيكووووووو
يلا يا الاء جاوبى ع الاسئلة دىماثى
1\ ايه هى هواياتكـ ؟؟ و ياترى ساعدتكـ مثلاً ف المذاكرة او ف قضاء وقت الفراغ ؟هواياتى الرسم والشعر
انا كنت بمارس هواياتى فى الدراسة اكتر من الاجازة كانت بتساعدنى على الترفيه والترويح عن النفس ما بين اوقات المذاكرة
2\ ايه هى طموحكـ ؟ و نفسكـ بجد تطلعى ايه ؟؟نفسى اتخصص دكتورة عيون
ونفسى اعمل دراسات عليا وابقى دكتورة جامعية
قولو يا رب
3\ ايه اللى نفسكـ يتغير ف مصر ؟؟ نفسى الناس تثق فى نفسها وقدرتها ويخلص النفاق
ونفسى نتمسك بمبادئنا للنهاية
ونفسى مصر تطبق المادة التانية من الدستور (الشريعة الاسلامية) قولا وفعلا
4\ ايه اقتراحاتكـ عشان يتغير التعليمـ ف مصر ؟؟طبعا دة موضوع كبيير وعاوز دراسة
المناهج عاوزة تتظبط المدرسين لازم يكونو قدرات عالية
يعنى المدرس يبقى زى الطبيب وافضل كمان بمعنى اننا نعتم بمؤهل المدرس وقدراته وتدريبه لان دة اللى هيطلع من تحت ايده الاجيال بمختلف وظائفها
اتمنى دكتور احمد زويل يعمل مشروع شامل لتطوير التعليم فى مصر وتحسينه
مش عايزين نطول عليكـِ انا تحت أمرك يا قمر
يلا نورتينا يا قمرر .دة نووووورك:022yb4:
وشكرا على استضافتى فى البرنامج الرائع دة
وآسفة جدا على التأخير
السلام عليكم:)
تغريد الطيور 01-08-2011, 11:08 PM مش متاكدة بس تقريبا جتبقى 6 باى مشعرفه اسمها اية بالعربى الى هيا بتبقى احيانا 22/7
لانه بما ان الاتنين قد بعض و واحدة فيهم بتعدى بمركز التانية يبقى الجزء دة حياخد 6 سم و الى هو نص مساحة الدايرة مش عارفة يمكن يكون فى حاجة تانية لسة مخدتهاش
يعنى لو افترضنا ان الباى ب22/7 يبقى الحل 18.8
اممممممممممم
حاولى مرة تانية معلش الاجابة غلط :frown::frown:
و عشان اسهلكـ حاولى تستخدمى قانون القطعة الدائرية :)
تغريد الطيور 01-08-2011, 11:24 PM تسلمى يا نوووووووور:022yb4:
دة شئ يشرفنى
ازيكووووووو
ماثى
1هواياتى الرسم والشعر
انا كنت بمارس هواياتى فى الدراسة اكتر من الاجازة كانت بتساعدنى على الترفيه والترويح عن النفس ما بين اوقات المذاكرة
بجد دى حاجة جميلة و انا بحب جداً أشعاركـ يا دكتورة :)
نفسى اتخصص دكتورة عيون
ونفسى اعمل دراسات عليا وابقى دكتورة جامعية
قولو يا رب
يااااااااااااااااااااااااااارب ياااااااااااااااااارب
نفسى الناس تثق فى نفسها وقدرتها ويخلص النفاق
ونفسى نتمسك بمبادئنا للنهاية
ونفسى مصر تطبق المادة التانية من الدستور (الشريعة الاسلامية) قولا وفعلا
يااااااااااه دى حاجات جميييييلة و يااااااااارب تحصل بجد
طبعا دة موضوع كبيير وعاوز دراسة
المناهج عاوزة تتظبط المدرسين لازم يكونو قدرات عالية
يعنى المدرس يبقى زى الطبيب وافضل كمان بمعنى اننا نعتم بمؤهل المدرس وقدراته وتدريبه لان دة اللى هيطلع من تحت ايده الاجيال بمختلف وظائفها
اتمنى دكتور احمد زويل يعمل مشروع شامل لتطوير التعليم فى مصر وتحسينه
يااااااااااااااارب د\ أحمد زويل يعمل حاجة ف التعليمـ بجد
انا تحت أمرك يا قمر
دة نووووورك:022yb4:
وشكرا على استضافتى فى البرنامج الرائع دة
وآسفة جدا على التأخير
السلام عليكم:)
بجد اجاباتكـ جميلة و نورتينا ف البرنامج يا حبيبتى :)
و ياااااااارب تكونى أكبر دكتورة عيييون ف مصر :)
بس انتِ ما اختارتيش العضو\ة اللى بعدكـ :stickjo4:
تغريد الطيور 01-08-2011, 11:26 PM انتظروا الحلقة الثانية غداً ان شاء الله بعد التراويح
و كـــــــــل سنة و انتوا طيبين :)
LoOoLy El Treikawya 02-08-2011, 04:40 AM بجد اجاباتكـ جميلة و نورتينا ف البرنامج يا حبيبتى :)
و ياااااااارب تكونى أكبر دكتورة عيييون ف مصر :)
بس انتِ ما اختارتيش العضو\ة اللى بعدكـ :stickjo4:
سوووووووووووورى نسيت اختار العضوة اللى بعدى
اممممم
انا هختار:
العصوة:
بسمة (عاشقة الطفولة) :)
تغريد الطيور 03-08-2011, 12:25 AM سوووووووووووورى نسيت اختار العضوة اللى بعدى
اممممم
انا هختار:
العصوة:
بسمة (عاشقة الطفولة) :)
اوكـ خلاص بسمة طبعاً تنووووورنا :)
تغريد الطيور 04-08-2011, 10:17 PM :frown:
Iam SoOo Sorry but i can not complete
this program.
Wait Me A whole YEAR
تغريد الطيور 02-07-2012, 04:05 PM تحبوا نكمل تانى و لا ايييييه ؟؟؟؟
مييييين معايا ..
*تائبة فى رحاب الله* 02-07-2012, 04:53 PM انا معاكى ان شاء الله بس مش فاهمة حاجة
هقرأ الموضوع من الاول واكمل معاكى
A Muslim Girl 02-07-2012, 05:15 PM وأنامعاكوا إن شاء الله
Pro Saher Abdel-Aziz 02-07-2012, 05:31 PM انا كمان معاكوا ان شاء الله
تغريد الطيور 03-07-2012, 12:29 AM انا معاكى ان شاء الله بس مش فاهمة حاجة
هقرأ الموضوع من الاول واكمل معاكى
وأنامعاكوا إن شاء الله
انا كمان معاكوا ان شاء الله
و الله كويس يا جماعة انا حسيت ان مفيش اقبال كبير السنة اللى فاتت .. اذا بلغ عدد المؤيدين عشرة مثلا ان شاء الله هاكمل و هافكركوا بيه تانى
|