|
مشاهدة النسخة كاملة : الى طلبة تجارة انجلش hazenhazen 19-07-2011, 11:53 PM ياريت اى حد فى تجارة انجلش يدخل يقولى اول سنه الكلية بتبقي عاملة ازاى والمناهج سهلة ولا صعبة عشان انا خايفة اوى والدراسة بالانجليزى سهلة ولا اية عشان انا مش قوية اوى فى الانجليزى وازاى هاخد على الكلية ahmed610 20-07-2011, 12:39 AM ياريت اى حد فى تجارة انجلش يدخل يقولى اول سنه الكلية بتبقي عاملة ازاى والمناهج سهلة ولا صعبة عشان انا خايفة اوى والدراسة بالانجليزى سهلة ولا اية عشان انا مش قوية اوى فى الانجليزى وازاى هاخد على الكلية ]دة اقتباس من موضوع انا كنت كتبتة زمان بالنسبة للدراسة هتبقى كلها بالانجلش فا محدش يتخض لما الدكاترة يدخلوا اول محاضرة ومينطقوش ولا كلمة عربى والموضوع دة مش صعب لانك بعد فترة قصيرة هتتعود علية بالنسبة للمواد هيبقى عندنا خمس مواد ترم اول وخمس ترم تانى وهى اغلبها مواد نظرية باستثناء الرياضة(Math) والمحاسبة (Accounting) فيما عادا ذلك مواد نظرية زى الادراة (Managment) او الاقتصاد (Economic) وغيرهم طبعا نظام الامتحانات عندنا حاجة اسمها امتحانات الميد تيرم ودى بتبقى بعد الدراسة بحوالى شهر ونص وبيبقى عليها ثلاث درجات فى المادة الواحدة كمان عندنا اعمال سنة ثلاث درجات لكل مادة ودى الدكتور بيديها على الحضور والمشاركة وامتحانات الكويز واحيانا الواجب (Assignment) واحيانا بمزاج الدكتور وفى اخر الترم بيبقى امتحان الفاينال وعلية 14 درجة عشان يبقى المجموع فى كل مادة من عشرين بالنسبة للكتب هتبقى كلها جاية من امريكا والمؤلفين كلهم اجانب وعلى الرغم من ان الكتب تقيلة قوى و هتتعبكو وانتو مروحين بيها بس بجد كتب نضيفة واسلوبها جميل اتمنى انى اكون افدتكم وادتكم خلفية عن الكلية ولو بسيطة طبعا الكلام دة كلة يخص تجارة انجلش القاهرة بس الكلية مش صعبة ولا حاجة وانا عن نفسى مكنتش شاطر فى الانجليزى وكنت فى مدارس عربى واغلب زمايلى زيي والموضوع مكنش صعب ولا حاجة وبعد فترة قصيرة اتعودنا على اللغة وعلى فكرة مش كل الدكاترة بيتكلمو انجليزى فى المحاضرات يعنى فى كدة وفى كدة فا محدش يقلق وبالتوفيق للجميع امير الوحش 20-07-2011, 02:16 AM والنبي يا اخ احمد قولي بصراحة ومن الاخر كدة ........ انا جايب 87% و 45 ف الانجلش اروح اقدم تجارة انجلش فين علشان اتقبل حتي لو اقاليم !!!!!!!!!!!!!!!! ................ في انتظار الرد ahmed610 20-07-2011, 11:27 AM والنبي يا اخ احمد قولي بصراحة ومن الاخر كدة ........ انا جايب 87% و 45 ف الانجلش اروح اقدم تجارة انجلش فين علشان اتقبل حتي لو اقاليم !!!!!!!!!!!!!!!! ................ في انتظار الرد مفيش مشاكل يا امير تجارة انجليزى دلوقتى رغبة منفصلة فى التنسيق ومبقاش فيها حكاية التنسيق الداخلى دى يعنى هتكتب فى الرغبات مثلا 1- تجارة القاهرة شعبة لغة انجليزية 2-تجارة حلوان شعبة لغة انجليزية بعدين عين شمس بعدين اقاليم وهكذا والى مجموعك يجيبة تدخلة ان شاء الله على فكرة النظام دة هوا الى كان موجود السنة الى فاتت عايز بس اقولك ان تجارة عربى مش وحشة اوى زى ما انت متخيل هما عندهم نفس فرص الشغل بالظبط الفرق بس فى اللغة فا لو انت خريج تجارة عربى وفاهم شغلك كويس ومعاك انجلش كويس هيبقى زيك زى خريج تجارة انجلش بالظبط mileyEGYfan 20-07-2011, 01:31 PM انا كنت عايزة اسأل انا جايبة مجموع تجارة انجلش وجايبة فى الانجلش السنتين 46 والمستوى 9 ونص بس انا اكتب اية فى الرغبات وبعد كدة لما اروح اقدم فى الكلية هتقبل ازاى وفرصتى قد اية عشان انا عارفة انها بتاخد اعداد محدودة ahmed610 20-07-2011, 07:22 PM انا كنت عايزة اسأل انا جايبة مجموع تجارة انجلش وجايبة فى الانجلش السنتين 46 والمستوى 9 ونص بس انا اكتب اية فى الرغبات وبعد كدة لما اروح اقدم فى الكلية هتقبل ازاى وفرصتى قد اية عشان انا عارفة انها بتاخد اعداد محدودة هى حكاية الكتابة دى خلصت خلاص انتى هتدورى على تجارة انجليزى فى الرغبات المتاحة قدامك على الموقع مش عارف هتبقى مكتوبة بأى صيغة ممكن تبقى كدة كلية تجارة شعبة لغة انجليزية عموما ابقى دورى براحتك التنسيق الى عالنت دة ميزتة انك بتختارى براحتك وممكن تدخلى فى اى وقت تعدلى الرغبات لما تتقبلى ان شاء الله هيطلبوة منك شوية ورق زى جواب الترشيح وصور شخصية وشوية حاجات كدة انا مش فاكرهم كلهم ..........حكاية بقى فرصتك قد اية صعب اوى اعرف خصوصا انك مش كاتبة مجموعك بس ان شاء الله خير هى الكلية بتاخد فى حدود 90% mileyEGYfan 20-07-2011, 08:58 PM انا جايبة 89 :):) mileyEGYfan 20-07-2011, 09:13 PM بس انا ادبى على فكرة بيتهيألى تنسيقها بيختلف من علمى لادبى ahmed610 20-07-2011, 09:51 PM هوا ادبى بيختلف عن علمى وغالبا مجموع ادبى بيبقى اقل بس دى مش قاعدة ثابتة يعنى ممكن تتغير ...على فكرة مجموعك كويس .........ربنا معاكى vampire1188 20-07-2011, 11:30 PM هى حكاية الكتابة دى خلصت خلاص انتى هتدورى على تجارة انجليزى فى الرغبات المتاحة قدامك على الموقع مش عارف هتبقى مكتوبة بأى صيغة ممكن تبقى كدة كلية تجارة شعبة لغة انجليزية الكلام دا كان السنة اللى فاتت يا احمد .. والسنة اللى فاتت كلها اصلا كانت اجراءات استثنائية تماما لكن السنة دي المفروض ترجع لطبيعتها والموضوع يمشي بنظام التنسيق الداخلي تانى سمر 2222 21-07-2011, 01:15 AM طيب هو لازم اكون جايب اد ايه فى الانجليزى عاطف صلاح عبدالله 21-07-2011, 06:23 AM يا جماعة انا ادبى وجايب 90.3 وجبت فى الانجليش 42.5 فى امل ادخل تجارة انجليش ahmed610 21-07-2011, 08:20 AM vampire هىبقى موضوع بايخ اوى لو رجعوا للنظام القديم لان بصراحة عيوبة كتير وياما ناس اتدبست بسببة ....عموما خلينا نشوف هيعملو اية سمر لازم تجيبى اربعين من خمسين على الاقل عاطف :ان شاء الله يا عاطف فى امل تفائل كدة وان شاء الله خير menagad 21-07-2011, 10:54 AM طب معلش بعد اذنك عايز اعرف مصاريفها قد ايه عشان ناس كتير قالتلى مصاريفها عاليه اوى يبقى كده كده هتدفع مصاريف خاصه يبقى اخش هندسه خاصه احسن ياريت حد يفيدنى فى الموضوع ده امن احمد 21-07-2011, 02:37 PM طب معلش بعد اذنك عايز اعرف مصاريفها قد ايه عشان ناس كتير قالتلى مصاريفها عاليه اوى يبقى كده كده هتدفع مصاريف خاصه يبقى اخش هندسه خاصه احسن ياريت حد يفيدنى فى الموضوع ده المصاريف بتختلف من جامعة لجامعة بس هى بتبقى فى حدود 5000 1500 كتب و 3500 مصاريف الكلية و ربنا معاك ان شاء الله |