مشاهدة النسخة كاملة : بالنسبة للطب و الصيدلة
Hazem-Hamdy 17-07-2011, 12:51 PM انا كنت جايب في سنة تانية 92% و قررت اني اكمل علوم عشان ماليش في الرياضة نهائي
و السنة دي الحمد لله جبت "مع المستوى الرفيع" 394 يعني اظن 96 %
كده انا احتمال ادخل كليه حلوة و لا هاتبقا في الاخر علوم و خلاص ؟
انا فرحت اوي بالنتيجة و قولت اني الحمد لله عوضت النقص بس حاسس من كلامكوا هنا ان التنسيق في ارتفاع و في الاخر خلاص بح
ارجو الافادة الله يخليكوا
Hazem-Hamdy 17-07-2011, 01:41 PM يا جماعة ارجو الرد !
hakem855 17-07-2011, 01:44 PM ان شاء الله تدخل صيدلة ياريت تدعيلى ادخل طب باذن الله
ابوسمرة88 17-07-2011, 01:46 PM انشاء الله يكون لك نصيب فى الكلية الطب لان التنسيق ينخفض عن الاعوام السابقة ومبروك مقدما
احمد رجب صقر 17-07-2011, 02:29 PM انا جايب 397.5 ممكن الحق صيدلة؟
الملاك السعيد 17-07-2011, 03:07 PM التنسيق السنادى هيبقى عالى جدااااااااااااااا
انا الحمدلله جايبة 99
وصحاباتى جايبين فى الرينج ده
فاكتب صيدلة و بعيد علاج طبيعى
ور بنا يوفقك
Hazem-Hamdy 17-07-2011, 03:40 PM ربنا يوفقنا كلنا
و ان شاء التنسيق هايرضي الكل !
بس على كده يعني لو عالي زي مابتقولوا يبقى مثلا الطب 99 او 98 و الصيدلة 97
و ماحدش طبعا بيحب يروح طب بيطري يعني "عشان مجلات شغلها في مصر مش قد كده"
يعني هيا هاترسى في الاخر على الي يجي بقا ؟ "مش صيدلة و طب طبعا" يعني اي كلية من الي مش مرغوبة بس بيدخلها الي مالحقوش و خلاص ..
Hazem-Hamdy 17-07-2011, 03:48 PM الواحد فرحته راحت بعد الاخبار دي
احمد رجب صقر 17-07-2011, 03:49 PM ارجوا الرد طمنوننا الصيدلة ممكن تاخد من كام ؟
احمد رجب صقر 17-07-2011, 03:53 PM الصيدلة ممكن تاخد من كام ؟
ممكن واحتمال باذن الله
وربنا يكرم وتدخل صيدلة ..وتوكل على الله
وباذن الله خير ..والحمد لله
الله اعلم هو التنسيق ممكن مايكنش عالي قوي عشان سنة بدر عملت توازن
ومش منخفض لان الحمد لله السنة دي رفعت المجاميع
فممكن يكون التنسيق معقووول
وربنا يكرم بصيدلة...باذن الله
Hazem-Hamdy 17-07-2011, 04:04 PM ربنا يستر و ان شاء الله خير
PrinCeSs MeRaMar 17-07-2011, 04:05 PM انا قريت ان طب هياخد من اول 93 و صيدله و اساسا من اول 90
ahmed_06000 17-07-2011, 04:08 PM انا قريت ان طب هياخد من اول 93 و صيدله و اساسا من اول 90
ده فى المشمش ان شاء الله
ازاى يعنى هو طب ولا تمريض!!!!!!!!!!!!!!!!!!!!!!!!!!!!!!!!!!!!!!!!!!!!! !
hadeir2010 17-07-2011, 04:16 PM ان شاء الله خير انا جبت 96.8 ومش مشكله ادخل صيدله فى بلد بعيده ان شاء الله اسواااااااااااان المهم الجامعه
ان شاء الله هتدخل متقلقش
عمرو.22 17-07-2011, 04:23 PM يا جماعة مسألة ارتفاع التنسيق دي مش صيحيحة نسبيا .. لأنهم زودوا عدد المقبولين في الكليات 15% علشان يحافظوا على ثبات التنسيق .. و كمان احنا كلنا 12 ألف طالب علمي علوم على مستوى الجمهورية زي ما قالت الجرايد و كليات الطب البشري بتقبل حوالي مالا يقل عن 5000 طالب سنويا في جميع الجامعات دا غير الزيادة اللي هتحصل السنة دي .. و بعدين من طلاب علمي علوم ناس كتير جايبين درجات قليلة السنة اللي فاتت نقول مثلا 2500 من الاجمالي يتبقى لنا حوالي 9500 طالب هيتوزعو على الطب و الصيدلة و العلاج الطبيعي و الأسنان و البيطري و كمان في طلاب كتير جدا مش عايزين يدخلو طب أصلا ما لا يقل عن 4000 طالب يعني التنسيق ثاآآآآبت إن شاء الله نسبيا و للعلم كان من أعلى التنسيقات للطب سنة 2009 و كان واخد من 97.9% ( طب عين شمس ) و القاهرة من 98% بالظبط .. و من أقل التنسيقات للطب كانت 2008 و كان طب عين شمس واخد من 97.2% و القاهرة كانت تقريبا زي عين شمس ساعتها .. يعني يوم ما يضرب فوق مش هيزيد عن 98.2% دا لو مكنش 98% بس ان شاء الله .. بس أعتقد أنو مش هينزل عن97.8% كحد أدني دا لو يعني عايزين يكرمونا أوي .. و يا ريت الناس متتعبش أعصاب بعض ..
و بعدين تأكد ان كليتك و رزقك ربنا كاتبهولك من قبل ما تتولد أصلا ..
Hazem-Hamdy 17-07-2011, 04:59 PM ان شاء الله خير
و ياريت بلاش تحبطونا يعني مش كل الي جايب 98 او 99 يدخل يقول الطب هتاخد من 98 اقل حاجة
تمنوا الخير لنفسكو و للناس يا جماعة مش كده
أمير بلا إمارة 17-07-2011, 05:07 PM طب اانا جايب 96.5 ممكن الحق صيدلة ؟؟؟؟؟؟
عمرو.22 17-07-2011, 06:04 PM يا رجالة أن شاء الله الطب هيكون من 97 و شوية بس مش شويه كتير يعني :d .. و يا رب كل واحد ينول اللي في بالو ..
israa_ezzat 17-07-2011, 06:07 PM انا جبت فى ثانية ثانوى السنة دى 2011 92% ونفسى ادخل صيدلة او اسنان مش عارفه اكمل علمى علوم ولا رياضة مع انى بكره الرياضة جداا ارجوكم ردوا عليا بسسسسسرعة
rove angel 17-07-2011, 06:11 PM انا جبت فى ثانية ثانوى السنة دى 2011 92% ونفسى ادخل صيدلة او اسنان مش عارفه اكمل علمى علوم ولا رياضة مع انى بكره الرياضة جداا
لا بإذن الله كملي علمي علوم وتلحقي باذن الله
واحدة صاحبتي السنة اللي فاتت كانت جايبة 91.5 والسنة دة ما شاء الله بقت السنتين 96.5
فكملي في الحاجة اللي انتي بتحبيها وان شاء الله ربنا يكرمك ..
israa_ezzat 17-07-2011, 06:16 PM انا اصلا تعبانة ومتضايقة بسبب الموضوع دة لانى كنت امل بابا وماما الرجوكى متصبرينيش وطمنينى بجد هو حضرتك فى كلية ايه ممكن تردى علية بسرعة هو انا حقيقى تعبانة اصلا والزعل بياثر عليا وخايفة صدمة كبيرة زى دى تاثر على صحتى لانى مظلومة بجد فى الكيمياء والانجليزى
rove angel 17-07-2011, 06:21 PM انا اصلا تعبانة ومتضايقة بسبب الموضوع دة لانى كنت امل بابا وماما الرجوكى متصبرينيش وطمنينى بجد هو حضرتك فى كلية ايه ممكن تردى علية بسرعة
والله مش بصبرك ولا حاجة وباذن الله خير وانتي اتعبي السنة الجاية شوية ومفيش حاجة بعيدة على ربنا
وأحسن من انك تحولي رياضة وانتي مش بتحبيها فاقولك حاجة تريحك جداااااا صلي صلاة استخارة وشوفي هترتاحي لايه وربنا يقدملك ما فيه الخير .
لا يا قمر أنا خلصت 3 ثانوي السنة دى دعواتك بقى .. ربنا معانا جميعا ..
cazanova_love 17-07-2011, 06:22 PM طب طبيعى القاهره الف مبروووووووووك على فكره احسن دلوقتى من صيدله او صيدلة ان شاء الله
israa_ezzat 17-07-2011, 06:24 PM وانت جيبتى كام فى 3 قوليلى الحقيقة على فكرة انا مش هحسدك لان انا مؤمنة بالقضاء والقدر وانا راضية بنصيبى والحمد لله
israa_ezzat 17-07-2011, 06:26 PM انا خايفة كمان جده من تنسيق السنة الجاية لان المجاميع عالية جدا السنادى
سويتى سوسو 17-07-2011, 06:27 PM يا جماعه سيبوها على الله
israa_ezzat 17-07-2011, 06:28 PM ممكن تقوليلى ايميلك انا ارتحتللك جدا انا مش بحب اللى بيعقدها فى وشى جزاك الله خيرا
سارة عطالله 17-07-2011, 06:31 PM ان شاء الله خير
والتنسيق يكون كويس
Hazem-Hamdy 17-07-2011, 06:43 PM يـــــــــــــــا رب
sameh the first 17-07-2011, 07:11 PM اللهم اكرمنااا يارب العالمين...انك أنت الكريم الوهاب
elmothb 17-07-2011, 11:06 PM سيبيها علي الله يا اسراء وكل واحد بياخد نصيبه ادعي ان احنا نخش جامعه في المنصوره وخلاص
الأسطورة buffon 18-07-2011, 12:43 AM ان شاء الله خير
و ياريت بلاش تحبطونا يعني مش كل الي جايب 98 او 99 يدخل يقول الطب هتاخد من 98 اقل حاجة
تمنوا الخير لنفسكو و للناس يا جماعة مش كده
|