برجاء حذف مواضيع الاعتصامات دة بلاش كلام فاضى ومواضيع التى تحمل عنوان شيق والمحتوى بعيد عن العنوان فكثيرا من الزملاء يدعوا عناونين جذابة لشد القارئ وندخل نقرا نلاقى كلام فارغ
وكذلك تكرار المواضيع والمشاركات .
لان المفروض انة منتدى بيضع اخر الاخبار مش علشان نتجمع لما يسموة اعتصام ودة فوضى ولا يرضى الله عز وجل

وياريت تاخد راى الاعضاء المحترمين هتلاقى كتير يؤيد كلامى


شكرا

اسف لحضرتك بس اعتقد اني مش موافق على هذا الاقتراح لان لو حضرتك شايف ان الموضيع الخاصه بالثوره فوضي فاعتقد ان الثوره كمان فوضي وده طبعا مستحيل حضرتك تقوله
بس كل اللى عايز اوصلو لحضرتك ان الاخبار والحاجات الخاصه بالثوره دي اللى وصلت صوتنا للناس وشجعت الناس على نزولها الثوره علشان تنجح ويبقى عملنا حاجه لمصر وتاريخها وعملنا لشعبها
وربنا يكملها بالخير يارب وان شاء الله اللى جاي احسن بكتير
اسف اذا كنت دخلت على موضوع حضرتك دخله مش كويسه لكن ده راي


ايجبت يو إن

انا معاكى فى الرأى يا مروة
فعلا أرجو من الاستاذ الفاضل محمد طعيمة بالرغم مماعهدناة من حضرتك بمحاولة التصدى لكل من يخرج عن قواعد واصول المنتدى الا اننى فى الفترة الاخيرة ومن خلال متابعتى للمنتدى وانا مشتركة فى المنتدى منذ أكثر من عاميين الا اننى الاحظ استهتار و لن اقول من معظم ولكن من فئة ليست بقليلة من اعضاء المنتدى الجدد فقد كانت فى السابق مشاركات الاعضاء ذات قيمة حقيقة تتناسب مع اهمية المواضيع التى تعرضها وليست فقط تسابق من قبل الاعضاء فى كتابة اكبر عدد من المواضيع والتى قد تكون مكررة و بعضها يحاكى ما تقوم بة الصحف من منشطات عريضة مثيرة تخلو مضمونها من اى قيمة حقيقية مما أصابنى فعلا بالملل من تتبع أخبار المنتدى ولولا ان هذا المنتدى فعلا عزيز على قلبى لانة جمعنا جميعا فى أزمتنا وطريقنا الى التعيين واصبحنا فعلا فية كالاسرة الواحدة وبالرغم من انسحاب العديد من الاعضاء القدامى والاعزاء على قلبى وذلك قد يكون للاسباب ذاتها والله اعلم
أعرف يا أستاذ محمد ان طلبى قد يكون فى غير استطاعتك لانك بالطبع لا تستطيع ان تحجر على البعض فيما يتناولونة وما يشاركون بة ولكنى اتمنى مما يقرأ مشاركتى ان يتفهم وجهة نظرى حتى نعود بمنتدانا لسابق عهدة من الثقل والمصداقية وأعرف ان البعض منكم قد يتهجم على ما أقول بداعى اننى لم اعد عضوة بصفتى الجديدة فى منتدى المعلم المساعد ولكن اخواتى واخوانى فعلا هذا المنتدى يمثل مكانة كبيرة داخل قلبى لا استطيع الى الان ان امحوها وكل ما اقولة ليس اكثر من اهتمامى بة وخوفا علية
لكم ان تصدقوا ان شأتم
واكرر مرة اخرى ارجو ان تتفهموا وجهة نظرى وقد تكون هذة هى اخر مشاركة لى فى هذا المنتدى الحبيب وذلك سوف يتوقف على ارائكم ومدى فعلا استجابتكم لما فى صالح منتدانا العزيز
اسفة للاطالة ولكم منى كل التقدير والتحية

برجاء حذف مواضيع الاعتصامات دة بلاش كلام فاضى ومواضيع التى تحمل عنوان شيق والمحتوى بعيد عن العنوان فكثيرا من الزملاء يدعوا عناونين جذابة لشد القارئ وندخل نقرا نلاقى كلام فارغ
وكذلك تكرار المواضيع والمشاركات .
لان المفروض انة منتدى بيضع اخر الاخبار مش علشان نتجمع لما يسموة اعتصام ودة فوضى ولا يرضى الله عز وجل

وياريت تاخد راى الاعضاء المحترمين هتلاقى كتير يؤيد كلامى


شكرا

بالتاكيد هو دا الكلام الصح احنا هنتظاهر ضد مين البلد بقت بلدنا يبقي لازم احنا اللي نبنيها مش نهد فيها
ومعظم مشاركات المظاهرات من مدرسي الحصة عشان كده بقترح انشاء قسم للمظاهرات اللي عايز يتظاهر يروح يتكلم فيه براحته

كله بيتكلم من منطلق فكره الخاص واللى عامل فيها وطنى ده منتهي الانانية
لان اللى بيتظاهر هو انسان مظلوم مقهور بيدافع عن حقه مش اكتر
عارفين يعني ايه يا اساتذة " وزير تعليم ومالية ورئيس الجهاز المركزى للتنظيم والادارة " كل دول يمضوا موافقة على قرار 75 وبعدين يلغوه في ظلم أكتر من كدة ومش عاوزين الناس تتظاهر


انتوا سمعتم بس انكم خارج الحد الادني للاجور شوفوا كنتم عاملين ازاى مش عاوز اقولها اكيد فهمتوا

سيبوكم بقي من الانانية دى وحسوا بغيركم شوية

بالتاكيد هو دا الكلام الصح احنا هنتظاهر ضد مين البلد بقت بلدنا يبقي لازم احنا اللي نبنيها مش نهد فيها
ومعظم مشاركات المظاهرات من مدرسي الحصة عشان كده بقترح انشاء قسم للمظاهرات اللي عايز يتظاهر يروح يتكلم فيه براحته


اة والله وبلاش ملل والا نغير من منتدى المعلم المساعد الى منتدى المعلم المعتصم ولا المتظاهر

الموضوع ذاد عن حدة

وكلنا قلنا مسالة وقت اصبروا لشهر 7 ما انتم فيكم اللى اشتغل من اربع او خمس سنين بالحصة لغاية ما بقيت معلم مساعد بعد دة كلة مش قادرين تصبروا

وبعدين ادونى نتيجة المظاهرات

علشان يريحوا دماغهم يدوكم وعود وقرارات وكلة ما بيتنفذلان دة اللى ادامهم

هيعملوا اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نهدى شوية بالنسبة للمعلم المساعد اللى اجتاز كلها مسالة وقت وهتصرف مستحقاتك فبلاش بقى ثورة ومظاهرة وكلام فارغ ما فيش فية شئ عملى والاخ انا مش بهاجم الثورة لان لولها ماكنش الحرمية اللى فى البلد هيتمسكوا ولا كان حد هيتعين انا اللى بقولة احنا قومنا ووصلنا صوتنا وامتحنا ونتيجتنا ظهرت فى وقت قياسى فى خلال شهر السنة اللى فاتت قعدت سنة على ماظهرت ففى جديد اهدوا بقى خلى البلد تمشى

وبرجو تانى من الاستاذ محمد طعيمة والسداة المشرفين الموقع دة اتبنى بجهودكم وجهود الاعضاء بلاش تدوا فرصة لناس بيحبوا الصوت العالى هم اللى يسيطروا على المنتدى وطلبى واضح ارجو حذف اى موضوع او مشاركة تتطلب الاعتصام او الفوضى او اعملوا منتدى للتظاهر زى ما اخى قال

كله بيتكلم من منطلق فكره الخاص واللى عامل فيها وطنى ده منتهي الانانية
لان اللى بيتظاهر هو انسان مظلوم مقهور بيدافع عن حقه مش اكتر
عارفين يعني ايه يا اساتذة " وزير تعليم ومالية ورئيس الجهاز المركزى للتنظيم والادارة " كل دول يمضوا موافقة على قرار 75 وبعدين يلغوه في ظلم أكتر من كدة ومش عاوزين الناس تتظاهر


سيبوكم بقي من الانانية دى وحسوا بغيركم شوية


ودة اللى انا قولتلة اخدت اية من الهيصة قرارات ولا تنفيذ فاكرين انكم بتتغطوا على الحكومة بدليل قرار ينزل ومايتنفذ

للاسف الان بيضيع حق المظلوم فعلا مع كثرة الشكاوى والاعتصامات
يعنى الان المعلم المساعد اللى امتحن كادر وقالوله خلاص استنا تهنئة التعيين
ليه بيسبقى الاحداث وبيرتب لاعتصامات من الان؟!!
استنا شوف النتيجة ايه
احنا اول دفعة اتعينا فى 1/3/2011
وحصل كلام كثير كده واقتراحات باعتصامات فيها اللى معاهم حق فعلا وفيها اللى عاوزين اعتصام عاطل على باطل
يعنى الان موضوع بالمنتدى اخ كلم الاكاديمية بالاسكندرية قالوله استنا تهنئة التعيين وهو من مجتازى كادر شهر 4الماضى
خلاص طالما اكاديمية قالت استنا تهنئة التعيين يبقى خلاص باذن الله كله هيتعين من مجتازى اختبار كادر شهر4



على كده والله اللى فعلا بقى المفروض يقوموا بثورة واعتصام ومعاهم حق فيه بجد معلمى الحصة وتعاقد مجلس الامناء من خريجى تربية واداب ومعهم تربوى
الناس دى شغاله بقالها كذا سنة وفى الاخر حولوهم معلم مساعد ومش كلهم كمان

انا شغاله من 2007 تعاقد مميز ومعلم مساعد 3سنوات وتم تعينى
زميلاتى شغلين تعاقد من 2000 ولسه من سنة تحولوا معلم مساعد ولسه دخلوا الكادر شهر4اللى فات
ده عدل ده؟
انا اتعين وهى لسه؟

كلمة الحق لا تزعل حد

ارجو التروى فى الاعتصامات حتى لا تضيع الحقوق الحقيقية والمطالب اللى بجد فى ثورة الاعتصامات اللى ملهاش لزمة

باذن الله المعلم المساعد اللى امتحن الكادر شهر 4 اللى فات
متعين
امتى بقى؟ مسألة وقت
احنا امتحنا الكادر واتعينا بعدها بسنة
وربنا يوفق الجميع

ودة اللى انا قولتلة اخدت اية من الهيصة قرارات ولا تنفيذ فاكرين انكم بتتغطوا على الحكومة بدليل قرار ينزل ومايتنفذ

و ايه الحل من وجهة نظرك نقعد فى بيوتنا ونستني الفرج

الصبر مفتاح الفرج

و ايه الحل من وجهة نظرك نقعد فى بيوتنا ونستني الفرج


تمام خلوا الناس تشتغل انما الهيصة دى ما فيش منها فايدة اللى بيقف اللى معاة حق واللى مش معاة حق

طيب حضرتك قوليلنا نعمل ايه انا واحدة من الناس دة شغاله من 20006 وكنت بقبض 70 او 80 بالحصه واتبهدلنا كتير واخيرا مضينا عقد 2009 وطبعا اخدنا الدبلومة وicdlودورات لغة ودورات كتيرة واصبحنا معلمين مساعدين ودخلنا امتحان الكادر ونجحنا
ويجوا يثبتونا على معلم مساعد زى زى بتاعوت الحصة وبتاعوت الخط انا مش بقلل من احترامى لاى احد بس احنا سابقنهم بخطوات كتير ازاى نتساوى معاهم. والسادة المحترمين الانزلوا القرار دة مش عارفين الفرق مع العلم اننا قدمنا ورق كتير جدا جدا
وتقوليلى بلاش نعمل اعتصام احنا بنفوقهم بس لسه احنا فاهمين وعارفين حقوقنا
انتى حضرتك شغالة من امتى والا اتمرمتى فى المدارس زينا والا زى العادة الوسطة حله كل شى مع كل احترامى لكى والمويدين لكى فى الراى فى الاخر وجهات نظر .

لا يا حبيبتى اولا انا خريجة 2002 واشتغلت اكتر من حاجة من وكنت مدرسة بالحصة ووقتها الحصة كانت ب 2 جنية وكنت بادفع من جيبى لحد ما نزل العقدبعد ما اخدوا الشروط كانوا محتاجين كمان ماشى قالوا يبقى الاولوية لبتوع العقد وطبعا كان شرط محو الاككمية وعملتة وكنت انزل الصبح المدرسة وارجع بعد الظهر لمحو الامية لوامتحنت ومستنية ربنا يسهل فما مافيش وسطة وبعدين زى ما اقولتك انتو عاملين زى اية تروحى لبابكى وتقولة ادينى 10 جنية يقول مافيش غير جنية تعملى مشكلة ومظاهرة فالاخر يقولك طيب اصبرى اسبوع ويسكن فيكى ومهما تعملى هم الاتنين جنية انتوا كدة عاوزين تتعينوا العدد كبير عاملين نظاهر نزل قرار علشان تمشو وبعدين رجع لغاة او ماطل فية يعنى رجعتوا لنقطة الصفر انتاى عارفة يعنى اية مدرس بالحصة 4 سنين ولسة هيعملوا عقد مدرس مساعد يعنى الاربعة دول بالسلامة وابدا من جديد يا بنتى كلة مماطلات انا اللى بقولة نصبر الدنيا اتخلقت فى 7 ايام

اوكى نصبر لحد امتى دلوقتى بقالى 5.5 شغاله من حصة لعقد مميز ومش عاوزين يتبتونا ليه وزمنايلى اكتر من كدة منهم 10 سنين الواخد نفسه يحس بالاستقرار بقى مش كل ملحد يكلم انتوا بالقلم الرصاص امشوا جمب الحيط

والمظاهرات هى اللى هتحل؟

انا موافق على حذف كل ما يتعلق بالاعتصامات,ليس لأننى لا اؤيد الاعتصامات , ولكن لاننا شاطرين فى الكلام وبس, وفعلاً اعضاء كتير بيهتموا بالموضوع اكثر من الهدف,يعنى ممكن يدعو لاعتصام لمجرد مشاركة اكبر عدد من الاعضاء فى الرد.اللى عايز يعتصم يبقى ينظم الموضوع مع نقابة المعلمين المستقله او اى رابطه على الفيسبوك,دلوقتى ياريت نركز فى الانتخابات اولاً..هى اللى هتحدد مستقبل مصر ومستقبلنا كلنا..مش مشكله اصبر سنه كمان لغايه ما تتغير الحكومه و تغير الدوله سياستها التعليميه

لا تعليق !!!

تمام خلوا الناس تشتغل انما الهيصة دى ما فيش منها فايدة اللى بيقف اللى معاة حق واللى مش معاة حق
دا اللي قلتهفي موضوعي ( في حب مصر ) و بعض الاساتذه قالولي انت بتقول مواضيع تعبير طبعا شكرا ليهم
انا موافق على حذف كل موضوع يتعلق بالاعتصامات

ان الله مع الصابين

اللهم اجعلنا من الصابرين ومن محبيه

انا معكم ضد الاعتصامات
وخاصة في هذه المرحلة
الحساسة في تاريخ مصر

حلو اوي بلاش الناس تتكلم عن همومها وعلي الاقل تفضفض
الاحسن نتكلم عن الموضوة واخر شريط لتامر حسني وهتروح تصيف فين السنادي
معلش يا جماعة في ناس بيجيلها صداع من ..................................

هى مش بالاعتصامات هاتتحل المشكلة اكيد فى طريق احسن من كدة نفكر مع بعض ونقترح اراء بس الاستاذ الاعاوز يستنى سنه هاساللك انت فى السنة دةهاتعرف تعيش عيشة كريمة بس ماكل حاجة هاتولع الايجارات والاكل وكلى شى والاحضرتك بتدى دروس خصوصية فامش لازمك الموضوع انا زميلى مش عارفين يعيشوا حياتهم قولى انت مرتبك 368هاتعرف تعيش بيهبه سنه والا هايدفع ايحار والا هايجيب اكل
والاحضرتك مستنى ام يجى وزير تانى ويطبق عليك شروط تانى غير التربوى وicdl ومش نخلص بقى
واحنا مش عاوزين غير حقنا اننا نتثبت على معلم مش يثبتونا على معلم مساعد واحنا اساسا معلم مساعد

ياريت نعتصم كلنا و نحقق مطالبنا
انا اقصد ان بعض الاعضاء بيحبوا الشهره و بيحبوا الردود الكثيره فى موضوعاتهم ,عشان كده ممكن يكتبوا اخبار كاذبه عن اعتصام او اضراب ومش بيحصل حاجه...فى هذا المنتدى والفيسبوك كمان ..كله بقى لعب واستهتار...
ولا دروس ولا غيره و الحال من بعضه سواء حصه او عقد او م-مساعد او تعيين جديد ..احنا باختصار نتعرض للاذلال والاحتقار من الدوله و اتمنى ييجى يوم نتحرك ونطالب بحقوقنا...
وطبعا مش بندى دروس خصوصيه ..والله كتبنا كتير عن الاعتصام لكن لا حياة لمن تنادى

اشمعنا المرحله حساسه مع المدرسين و مش حساسه مع الاطباء اللى بيعتصموا وغيرهم...طيب على الاقل الدوله تقدرنا..اللى صوته عالى هو اللى بياخد حقه...

اشمعنا المرحله حساسه مع المدرسين و مش حساسه مع الاطباء اللى بيعتصموا وغيرهم...طيب على الاقل الدوله تقدرنا..اللى صوته عالى هو اللى بياخد حقه...

اقرا تعليقاتك كده هتلاقي كلامك بيناقض بعضه منين مش عاوز اعتصامات لان الاعضاء عاوزين يتشهروا بيها
ومنين بتقول
اشمعنا المرحله حساسه مع المدرسين و مش حساسه مع الاطباء اللى بيعتصموا وغيرهم...طيب على الاقل الدوله تقدرنا..اللى صوته عالى هو اللى بياخد حقه...[/!!!!!!!!!!!!!!!!!!!!!!!!!!!

انا بتفق معاكى فى كل كلامك با a l marwa بنشتغل بقالنا 5سنين وماشين فى السادسه وبتطلع عنينا فى المدرسه ونتزل من االاساسين ادخلى الحصه الاحتياطى للابله فلان عشان ماجتش ونقول حاضر عشان احنا لسه بالقلم الرصاص واخرتها بيماطلوه معانا فى التثبيت وكمان عايزانه نسكت مش عن اقل حقوقنا وهو التثبيت سواء اعتصامات مظاهرات المهم ناخد حقنا بدال ما نقوم من النوم نلاقى نفسنا فى الباى باى لاتثبيت ولا حد ادنى ولاحاجه خالص

ولا متناقض ولا حاجه ..انا بقول اللى يكتب عن الاعتصام يكون جد و مسئول عن كلامه .لان اعرف عضو معين كتب عن الاعتصام والثوره يوم 7 و كلنا اهتمينا وكتبنا مطالب وخططنا للكلام وبعدين اتضح انه بيكتب وخلاص ولا يعرف حاجه....ولا فيه اعتصام عند التربيه والتعليم ولا مجلس الوزراء..اللى عايز يكتب يكون راجل فى كلامه

لا للاعتصامات كلام جميل من حضرتك يا أستاذة مروة

بس ممكن تردي علي
كنت أعمل مدرس بالحصة ثم مدرس مساعد وكان عندي أمل كبير في تحقيق أحلامي واشتراكي في تحقيق شيء لهذه البلد بداية من التعاقد في 1/7/2008 ثم تم عمل تعطيل لأوراقنا قبل دخول الأكاديمية ولم نلحق التقديم
للتأكد من صحة كلامي كان من المفروض المتقدمين للأكاديمية 20/11 عدد 80000 مدرس مساعد ودخل الأكاديمية تقريبا نصف العدد أو أكثر منه بخمسة آلاف وتم تعيين منهم 43000 مدرس علما بأن هناك من تعطل روتيني والتعطيل ليس من عنده

الآن

كيف يمكن لمن اجتاز اختبار 1/4 العمل مرة أخرى ولو حتى نفسيا وذهنيا

ما دمر هذه البلد أن أصبح الكل بيمثل على كله كله بيمثل انه بيشتغل كله بيمثل إنه راض كله بيمثل إنه صابر

معدش حد قادر يصبر حتقولي لواحد من ساعة ما خرج للدنيا لقى ناس أبوه وأمه صابرين ودفعوه للصبر لو كنا استجبنا للوالدينا كان زمان جمال مبارك بيحكمها

حضرتك قبل 25 يناير أقسم بالله الذي لا إله إلا هو كنت فكرة مجرد فكرة بدأت تختمر لكي أهاجر خارج البلد وبعد الثورة قلت خلاص بس دلوقتي

الفكرة أصبحت محل التنفيذ لأني بجد مش قادر أصبر أكتر من كده مش قادر أحس إنه بيضحك علي

احنا مش بنطالب بحق مش حقنا احنا بنطالب بحقوق لينا الوزير وغيره من المسئولين مش حاسين بينا ولا بالمعاناة النفسية اللي جوانا

الناس ديه خرجوا لقوا الدنيا فتحه دراعتها ليهم واستيعابهم

سؤال واحد عايز أسألوا لكل وزير ابنك شغال إيه ولو مش شغال هتشغله بكام في الشهر لو معاه مؤهل عالي فقط
يا ريت حد يرد عليا لو أنا غلط قول غلط مش هزعل

انا بقول اطلب حقك بالاصول لكن مش كل شويه مظاهرات.وبعدين هسال حضرتك بعد المظاهرات بتطلعوا بأيه. الحاجه التانيه ان اللي ليه حق واللي مالوش بيدخل يكلم واحيانا بتوصل للبلطجه.انا اللي بقوله ان المظاهرات مش هتحل.والايام اثبتت

احب اشكر حضرتك يا ا/محمد احمد كمال واقول لحضرتك كلامك كويس بس كلنا بنعانى من نفس مشكلتك واقول لحضرتك ان الله مع الصابرين يعنى نصبر وان شاء الله اللى جاى احلى والخير جاى باذن الله وكمان ماينفعش من بعد ماضهرنا البلد من الفساد والمفسدين نمشى ونسيب البلد ام بالنسبه للا ستاذه مروه خلاص احنا ها نسمع كلام حضرتك ومش هانعمل مظاهرات واعتصامات بس حضرتك ادينا رقم الوزير والمسؤلين عشان نقوله على مطالبنا واقل حقوقنا وينفذها لينا بس ياريت تقوليله يسمعنا وكمان يفتح علينا مايكنسلش ولو حضرتك بتقولى الاعتصامات والمظاهرات مالهاش نتيج وفايده مكناش مشينا مبارك ونظامه واعوانه وكانوش بيتحاكموه دلوقت ولاكنا عملنا معجزه 25 يناير وعشان تعرفى فايده المظاهرات والاعتصامات اسلى متظاهرين 25 ولا انتى ايه رايك

هو حسنى مبارك مشى بالمظاهرات الفئوية؟

انا اللى بقولة ننتخب نقيب كويس نرسل لة المشكلة وهو يتحرك بس ما يكونش نقيب من اللى بيقعدوا على مكاتب زى زميلك اللى كانوا محبوسين هم خرجوا ازاى بالمظاهرات تتفتكرى كدة ؟انا بقول نكون ناس متحضرين نتصرف بشكل عملى ومنظم بدون جعجعة وبدون ضرر للبلد بس دة اللى بقولة

لا حول ولا قوة إلا بالله
دلوقتى بس بقى عندى اليقين ان احنا لا نستحق المساواة مع باقى اجهزة الدولة !
انا مشفتش فى حياتى كده
بعض الناس للاسف بتفكر بنفس فكر نظام الدولة السابق ونفس بطء الفهم
وكأننا لم نقم بثورة
بس ان متاكد ان فى ميدان التحرير مكنش فى مدرسين كثير فى الثورة إلا ما رحم ربى وانا عارفهم كويس واعرف ناس شفتهم هناك
علشان كده بعضنا لا يستحق هذه الحقوق
حتى ولو اختلفت فى الراى مع بعض زملائك ليس من الديمقراطية التى قامت عليها الثورة ان تطالبوا بحذف مواضيعهم حتى ولو لم تكن من وجهة نظرك غير مهمة
وإلا فانت مثلك مثل النظام السابق

خليكوا كده يا معلمين لن تنسوا السلبية !
حسبنا الله ونعم الوكيل

السلام عليكم ورحمة الله وبركاته

(0لله الامر من قبل ومن بعد وهو علي كل شئ قدير)

صح كلامك صح اخربها واقعد على تلها وكنت فين قبل الهيصة لو بتفكيرك جاى تدور دلوقتى