مشاهدة النسخة كاملة : زكى بدر مش كان احسن بغض النظر عن مبارك
nezarabd 20-05-2011, 02:43 PM والله
كل يوم باكتشف ان احمد زكى بدر كان احسن وزير تولى الوزارة عيبه الوحيد انه تولاها فى عصر مبارك
1- كان رجل يحارب الفساد فى ديوان الوزارة
2- وحارب هيئة الأبنية التعليميه والفلوس التى يأخذوها بغير حق
3- وحارب مافيا الكتب الخارجية وكاد أن ينتصر عليهم
4- كان يقوم بزيارات ميدانية للمدارس بما فيه مصلحة الوزارة لمحاسبة المقصرين
samsoomaak 20-05-2011, 04:34 PM اتفق معك في الرأي
الرعب3250 20-05-2011, 04:56 PM ياراجل حرام عليك والملايين اللي ضيعها علي الامن
طارق احمد عبد السلام 20-05-2011, 08:19 PM يا عزيزى/ كلهم زفتتتتتتتتتتتتتتتتتتتتتتتتتتتتتتت
ahmed_rian 20-05-2011, 08:36 PM كل واحد اعتبرها عزبة ربنا يولي الاصلح
م / أبو الرفاعي 21-05-2011, 09:24 AM :stickjo4:ان شاء الله يحاكم على تسببه فى موت كثير من المراقبين ورؤساء اللجان فى امتحانات الثانوية العامة السنة اللى فاتت
لانهم كانو اصحاب مرض ولم يرحمهم
وكل ما افتكر الزميل اللى مات بسبب ان المستشفى لم تقبلة لمرضة
لماذا ؟
لان الباشا بدر الهمام اعطى تصريحات للمستشفيات بعدم قبول اى احد من الملاحظيين او المراقيبن وهذا والله شاهدنة على يوتيوت من احد اصدقاء المعلم الذى توفى
teacher_2 21-05-2011, 09:30 AM :stickjo4:ان شاء الله يحاكم على تسببه فى موت كثير من المراقبين ورؤساء اللجان فى امتحانات الثانوية العامة السنة اللى فاتت
لانهم كانو اصحاب مرض ولم يرحمهم
وكل ما افتكر الزميل اللى مات بسبب ان المستشفى لم تقبلة لمرضة
لماذا ؟
لان الباشا بدر الهمام اعطى تصريحات للمستشفيات بعدم قبول اى احد من الملاحظيين او المراقيبن وهذا والله شاهدنة على يوتيوت من احد اصدقاء المعلم الذى توفى
ياراجل عيب عليك تقول كلام زى ده
انت هتحمل الرجل ذنب موت المراقب كمان؟
ما تروح تشوف بتوع المديريات
اللى بيطلعو الجوابات محسوبيات
ولجان كوسه فى كوسة
واللى له قريب فى مدرسة بيربط الملاحظين اللى على مزاجه
عشان يغششوهم
واعتذارات المعلمين يدخل فيها الواسطة والكوسة
ما يسألو المعلم أولا
من له رغبه او ليس لديه رغبه
ولا هما عندهم غباء بالوراثة ؟
ومازلت عندى راى ببدر
انه أحسن وزير للتربية والتعليم
مسك الوزارة
عمرو حجازي 21-05-2011, 09:46 AM الى الأخ العزيز المخدوع في زكي بدر
زكي بدر لما كان رئيس جامعة عين شمس كان متورط في بعثات اللمرضات لانجلترا ووقف البعثات عشان كان لسة بيظبط نفسه معاهم ثانيا لما دخل الوزاره مش كان بيحارب الفساد لا دا كان بيشيل اعوان يسري الجمل وحبايب حسين كمال الدين عشان يجيب رجالته وأكبر دليل وجود رضا ابو سريع في عهده وبكامل الاختصاصات
teacher_2 21-05-2011, 10:00 AM الى الأخ العزيز المخدوع في زكي بدر
زكي بدر لما كان رئيس جامعة عين شمس كان متورط في بعثات اللمرضات لانجلترا ووقف البعثات عشان كان لسة بيظبط نفسه معاهم ثانيا لما دخل الوزاره مش كان بيحارب الفساد لا دا كان بيشيل اعوان يسري الجمل وحبايب حسين كمال الدين عشان يجيب رجالته وأكبر دليل وجود رضا ابو سريع في عهده وبكامل الاختصاصات
هو ابو سريع كان مشى اصلا؟
م / أبو الرفاعي 21-05-2011, 10:03 AM الى الأخ العزيز المخدوع في زكي بدر
زكي بدر لما كان رئيس جامعة عين شمس كان متورط في بعثات اللمرضات لانجلترا ووقف البعثات عشان كان لسة بيظبط نفسه معاهم ثانيا لما دخل الوزاره مش كان بيحارب الفساد لا دا كان بيشيل اعوان يسري الجمل وحبايب حسين كمال الدين عشان يجيب رجالته وأكبر دليل وجود رضا ابو سريع في عهده وبكامل الاختصاصات
الاستاذ الفاضل والذكى
تحية لك ونعم ما قلت انت
هذا هو الفروض ان يقال عن زكى بدر
تخيل اخى العزيز انة عامل صالة رياضية بجانب مكتب سيادتة واستجمام
هل تذكر اسلوبة المستفز مع مدير المدرسة التى ذهب اليها وقال لة بسخرية (( اهلا بمدير المضرسة )) زى ماتقالت فى المسرحية القذرة
وقال مع مدرسة فى المدرسة (( انتم شوية عشوائيات ))
فهل هذا اسلوب وزير ؟
nezarabd 21-05-2011, 10:36 AM انا ليس لى علاقه من قريب او بعيد بالوزير القديم ولاالجديد غير انى مدرس اتمنى لوزارتنا التقدم التى ستجعل مصر من الدول المتقدمه وذلك بالتعليم واشعر بالضغط الموجود على الوزير الجديد مع وجود كثير من الملاحظات عليه لأنه يعمل كتسيير اعمال .
إحنا ناس معلمين بندرس بالورقه والقلم واحده واحده
1- الأخ اللى بيقول "الفلوس اللى صرفها على الأمن " جميع الوزارات كانت بتصرف على الأمن فى العصر البائد وأظن أن المشاكل التى إقتحمها كان يحتاج للأمن بجانبه
2-الأخ اللى بيقول " ياعزيزى كلهم زفت" يبقى إحنا هنا بنساوى باللى يعمل والذى لايعمل وياريت تقوللى زكى بدر زفت ليه
3-الأخ اللى بيقول " عزبه وربنا يولى الأصلح" انا فى راييى المتواضع ان زكى بدر هو الأصلح واحنا ظلمناه ولم نعطه حق قدره
4- موت المراقبيين ليس مسئولية زكى بدر بالطبع لأن انا متاكد ان فى ناس قبل كده كانت بتموت بس الإعلام لم يسلط عليهم الضوء ، هو من إمتى الإعلام بيهتم بالمدرسين بيقعدو فين وبيحصلهم ايه
5- الأخ اللى بيقول ان زكى بدر لما كان فى جامعة شمس عمل وعمل أنا بتكلم عن فترة عمله فى وزارتنا لأنى لا اعرف جامعة عين شمس ومشاكلها وظروفها لكنى عارف كمدرس مشاكل وزارتنا
6- بالنسبه لرجال حسين بهاء الدين والجمل أظن انهم لم يضيفو ولن يضيفو بعد رجوعهم للوزارة شئ
7- موضوع الصاله الرياضيه يعن مش عيب ان الراجل يعمل صاله رياضيه كنوع من الرياضه والإهتمام بالصحه
8- اسلوبه المستفز مع مدير المدرسه " يعنى انت راضى ان مدير المدرسة مابيجيش المدرسه الا لما اتصلو بيه واحنا عارفين التسيب اللى موجود فى المدارس
emaad_1185 21-05-2011, 10:36 AM الأخ المدافع عن أحمد زكي بدر تعرف ايه عنه ؟
ـ تعرف انه كان ترتيبه في دفعته في هندسة عين شمس ال 24 ومع ذلك اتعين معيد !
ـ تعرف انه ارتقى في خلال سنة واحدة من منصب استاذ جامعي لنائب رئيس الجامعه وبعدها ب 6 شهور رئيس جامعة كده خبط لزق .
ـ تعرف انه كان من محاسيب أحمد عز وكان بيستخدم سلطته لتعيين اقطاب الحزب الوطني في مناصب قيادية في التعليم وانه شال وكيل وزارة ومديرين عموم عقابا لهم على عدم تنفيذ اوامر الحزب في اماكنهم ـ تعرف انه سخر سلطة قطاعات التعليم في الوزارة ومنه قطاع الجودة لتحديد عدد المدارس التي ستحصل فعلاً على الجودة لإعلانها في برنامج مبارك الانتخابي ووعده باعتماد 5000 مدرسة في ظل فترة حكمه السادسة ؟
nezarabd 21-05-2011, 11:03 AM الأخ emaad_1185 (http://www.thanwya.com/vb/member.php?u=207409)
1- بالنسبة للفتره التى قبل توليه الوزارة لم أعرفه ولا أعرف تصرفاته وليس لى الحكم على تصرفاته تلك
2 -"محاسيب احمد عز " أشك فى ذللك لأنى من متابعة الأخبار فى تللك الفتره أعرف ان حسنى مبارك هو اللى عينه لإنقاذ التعليم
3- انه شال ناس وحط ناس أظن ان الناس اللى شالهم يعنى لم يعطو الوزاره شيئا بل كنا نسمع عن الملايين التى سرقت من المعونة الأوروبية والمرتبات التى يتقاضاهها بعض الموظفين بغير حق والتى قللها كثيرا وهيئة الأبنية التى تتقاضى 12 شهر بينما نحن نتقاضى 200 يوم بالعافيه والناس الجديدة لم أحكم على عملهم حتى الأن
4- بالنسبه لقطاع الجودة طيب ياريت ينفذو التوصيات التى يقولو عليهاويدخلو 500 مدرسة كمان زى مابيقولو دى حاجه كويسه
ملاحظه
اعرف وأتاكد ان الوزير احمد زكى بدر لن يرجع
ولكن ما اطلبه ان الوزير القادم يمشى على خطاه من محاربة الفساد والزيارات الميدانيه وحل المشاكل المستعصيه مثل الكتب الخارجيه والدرووس الخصوصيه التى كلنا نعرف انها سبب مشاكل التربية والتعليم
emaad_1185 21-05-2011, 12:24 PM الأخ emaad_1185 (http://www.thanwya.com/vb/member.php?u=207409)
1- بالنسبة للفتره التى قبل توليه الوزارة لم أعرفه ولا أعرف تصرفاته وليس لى الحكم على تصرفاته تلك
2 -"محاسيب احمد عز " أشك فى ذللك لأنى من متابعة الأخبار فى تللك الفتره أعرف ان حسنى مبارك هو اللى عينه لإنقاذ التعليم
3- انه شال ناس وحط ناس أظن ان الناس اللى شالهم يعنى لم يعطو الوزاره شيئا بل كنا نسمع عن الملايين التى سرقت من المعونة الأوروبية والمرتبات التى يتقاضاهها بعض الموظفين بغير حق والتى قللها كثيرا وهيئة الأبنية التى تتقاضى 12 شهر بينما نحن نتقاضى 200 يوم بالعافيه والناس الجديدة لم أحكم على عملهم حتى الأن
4- بالنسبه لقطاع الجودة طيب ياريت ينفذو التوصيات التى يقولو عليهاويدخلو 500 مدرسة كمان زى مابيقولو دى حاجه كويسه
ملاحظه
اعرف وأتاكد ان الوزير احمد زكى بدر لن يرجع
ولكن ما اطلبه ان الوزير القادم يمشى على خطاه من محاربة الفساد والزيارات الميدانيه وحل المشاكل المستعصيه مثل الكتب الخارجيه والدرووس الخصوصيه التى كلنا نعرف انها سبب مشاكل التربية والتعليم
عندك حق ... ما تقوله يترشح رئيس جمهورية
المياة 21-05-2011, 01:09 PM ماله زكي بدر راجل عشرة على عشرة
أيه يعني ياجماعة ضيع دفع بحالها في داهية هيجي غيرهم
خلى دفعة ثانوية عامة 50% منهم راسبين أيه يعني في داهية هينجحوا في السنة الجاية والتكرار يعلم ...........
باع النتيجة بـ 400 ألف جنيه لشبكات المحمول وأيه المشكلة ده مبلغ بسيط كان المفروض يبيعها بالتريليون
استولى على عقار سيدة عجوز وحوله لمدسة تولع عندها أراضي تروح تشتري وتبني عقار جديد
أقول أيه ولا أيه
nezarabd 21-05-2011, 01:37 PM الاخت المياة (http://www.thanwya.com/vb/member.php?u=440717)
ضيع دفع ازاى فى داهيه
السنه اللى فاتت كانت نسبة النجاح لااعتقد 50%
لما باع النتيجه خد الفلوس فى جيبه
موضوع الإستيلاء على عقار ليس لدى معلومات عنه
هانى شوقى 21-05-2011, 01:50 PM العيب الاساسى عدم شفافية القوانين وكل واحد يفتى زى مهوا عايز من وزاء او من مسئولين وفى عدد برضه من المعلمين مش قليل واخدينها تجارة
من الاخر هى منظومة متخلفة لازم تتغير بالكامل حكاية جوابات الثانوى والمراقبة وغيره من الحاجات اللى بيتصرف عليها مبالغ خيالية
مش عارف رئيش كنترول ايه 50 الف ومراقب غرفة ايه 15 الف وغيره وغير والعدد فى اللمون والفلوس بتروح للناس دى كل سنة
لو فى اصلاح لازم شغل الحرامية والعصابات دا ينتهى حتى الوزير الجديد عارف بالكلام دا ومع ذلك ميقدرش يفتح بقه واللى يشوف حاجة زى دى ويسكت يبقى مشارك فى التورتة ياريت حبة ضمير
لازم يكون فى شخص غير جمال الدين التعبان يحط النقط على الحروف ويوقف المهازل دى
بالنسبة لذكى بدر انا شايفه ميفرقش كتير عن غيره بدليل محصلش فى عهده غير مصايب عيبه مكنش بيصلح كان بيهدم علشان يصلح بدل ما يحارب بتوع الملخصات الافضل كان يستفيد من خبرتهم فى وضع الكتب المدرسية العقيمة
ادعوا ربنا انه يرزق التعليم براجل حكيم يعمل وقفة للمهازل ويضع قانون جديد للتعليم يرضى ربنا
المياة 21-05-2011, 04:28 PM الاخت المياة (http://www.thanwya.com/vb/member.php?u=440717)
ضيع دفع ازاى فى داهيه
أما جاب احباط للطلبة بانتائج اللي زي الزفت سواء في الأعدادية أو الثانوية وحطم طموحهم ده مكنش تضيع ليهم
السنه اللى فاتت كانت نسبة النجاح لااعتقد 50%
راجع الأخبار وأنت تعلم أنا لا أتكلم من فراغ أنظر إلى الصفة ستجد أني طابة في الصف الثالث الثانوي
كنت السنة اللي فاتت ثانية ثانوي وكانت لجنتي 20 طالبة نجحنا فيها 5 فقط لا غير وديه لجنة من بين مئات اللجان اللي حصل فيها كده
لما باع النتيجه خد الفلوس فى جيبه
لأ أنا خدتها في جيبي ورحت أشتريت بيها شبسي :bosyht9:
موضوع الإستيلاء على عقار ليس لدى معلومات عنه
وما المطلوب مني
الكتب الخاجية التي تكلمت عنها هو لم يمنع بيعها وإنما أشترط أن يكون له نسبة من ثمنها
محمدعبدالرحمن محمد 21-05-2011, 06:41 PM والله
كل يوم باكتشف ان احمد زكى بدر كان احسن وزير تولى الوزارة عيبه الوحيد انه تولاها فى عصر مبارك
1- كان رجل يحارب الفساد فى ديوان الوزارة
2- وحارب هيئة الأبنية التعليميه والفلوس التى يأخذوها بغير حق
3- وحارب مافيا الكتب الخارجية وكاد أن ينتصر عليهم
4- كان يقوم بزيارات ميدانية للمدارس بما فيه مصلحة الوزارة لمحاسبة المقصرين
ليه ياعم حارب الكتب الخارجية لمصلحته وأخذ منه الأموال لحسابه مش للوزارة وكل ما قام به كان مظاهر فقط وكل شئ فى العهد الماضى كان دمار لكل شئ وحسبى الله ونعم الوكيل فى كل الناس دى
فى ظل النظام السابق زكى بدر كان أسوء لانه كان قمعى وفى ظل النظام الحالى الوزير الحالى أسوء لأنه سلبى ولم يقم بشىء لصالح المعلمين واستحق بجدارة لقب وزير ديوان الوزارة.
طارق احمد عبد السلام 21-05-2011, 08:51 PM الأخ المدافع عن أحمد زكي بدر تعرف ايه عنه ؟
ـ تعرف انه كان ترتيبه في دفعته في هندسة عين شمس ال 24 ومع ذلك اتعين معيد !
ـ تعرف انه ارتقى في خلال سنة واحدة من منصب استاذ جامعي لنائب رئيس الجامعه وبعدها ب 6 شهور رئيس جامعة كده خبط لزق .
ـ تعرف انه كان من محاسيب أحمد عز وكان بيستخدم سلطته لتعيين اقطاب الحزب الوطني في مناصب قيادية في التعليم وانه شال وكيل وزارة ومديرين عموم عقابا لهم على عدم تنفيذ اوامر الحزب في اماكنهم ـ تعرف انه سخر سلطة قطاعات التعليم في الوزارة ومنه قطاع الجودة لتحديد عدد المدارس التي ستحصل فعلاً على الجودة لإعلانها في برنامج مبارك الانتخابي ووعده باعتماد 5000 مدرسة في ظل فترة حكمه السادسة ؟
لم تقل انه ابن السفاح ذكى بدر الذى كانت المعتقلات فى عصره وأمن الدولة يمارس التعذيب حتى الموت للمعتقلين وهو وزير داخلية
هيما2010 21-05-2011, 09:31 PM الحد الأقصى قبل الأدنى
لا حرية بدون عدل
emaad_1185 22-05-2011, 10:26 AM لم تقل انه ابن السفاح ذكى بدر الذى كانت المعتقلات فى عصره وأمن الدولة يمارس التعذيب حتى الموت للمعتقلين وهو وزير داخلية
مالناش دعوه بأبوه المهم هو كان ايه وبيعمل ايه
|