احنا سيبنا التعديلات ودخلنا فى ان المسيحين عاوزين لاء علشان يلغوا المادة التانية
والمسلمين نعم علشان يخلوا المادة التانية
دة غير ان رجال الدين بعضهم قال اختاروا نعم وبعضهم قال اختاروا لاء ودة ميصحش احنا مش خرفان بننفذ وخلاص من غير حتى ما نفهم
كمان الناس بتقول نعم علشان الاستقرار طيب مهو الجيش مقالناش لو اختارنا لاء هيحصل اية هنعمل دستور جديد ولا تعديلات تانى ولا اية واحنا ما وفقناش على اللى هنعملة دة
انا شخصيا مش موافقة على ان السن ميقلش عن 40 وملهوش حد اقصى ياريتة كان زود مرات الترشح للرئاسة وحط حد اقصى للسن
كمان الحد اللى ابواة واخدين جنسيات تانية ميترشحش طيب ما ناس كتير جدا معاهم اكتر من جنسية بحكم اعمالهم ياريتة كان قال الجنسية الاولى مصرى
وكمان اللى متزوج من اجنبية هو كدة خاين ولا اية
دية وجهة نظرى فى اللى اتعدل بس وبردة انا مقولتش هقول نعم ولا لاء وياريت ميكنش فى تصويت على المنتدى وياريت نفكر بموضوعية علشان محدش يضحك علينا تحت شعار الدين او الاستقرار

التعديلات الأخيرة اللى هيقراها .. لا خلاف عليها مع احترامى لرأى حضرتك
لكن اللى مش موافقين عليه باقى المواد
يعنى الدستور كله لازم يتغير
وبالنسبة لموضوع الجنسية اللى اتكلمتى عليه كدا احسن
صدقينى مينفعش واحد مراته اجنبية يكون حاكم لمصر